رواية عفريت في الجون كاملة وحصرية بقلم احمد بركات
صحيت الساعة3 بالليل على صوت أطفال بيلعبو ف الشارع بصيت من البلكونة لقيت اطفال كتير بتلعب كورة وصوتهم عالى جدا فضلت ازعق علشان يمشو لكن محدش فيهم مشى او رد عليا او حتى بصلى
مراتى قلقت لما سمعت صوتى
ابدا شوية عيال بيلعبو كورة وصوتهم عالى مش عارف انام منهم
مراتى خرجت البلكونة تشوفهم ملقيتش حد
بس انا لسة شايفهم ومتاكد انهم ملحقوش يمشو
رجعت انام تانى وصوت وشكل الاطفال مش مفارق خيالى
معقول تكون تهيؤات
طيب لو كانت حقيقة معقولة مفيش حد غيرى فى الشارع اللى سمع صوتهم دى مراتى نفسها لاسمعت صوتهم ولا شافتهم وهى معايا فى نفس الشقة
صحيت الصبح بدرى كالعادة ومراتى كانت بتجهز الفطار جيت ادخل الحمام لقيته مقفول من جوة
مين اللى فى الحمام
انا سعاد يا بابا
ايه اللى مصحى سعاد من بدرى كده دى مبتصحاش غير العصر
قعدت على الطرابيزة علشان الحق افطر واروح الشغل
مراتى جابت الفطار
هى سعاد لسة مخرجتش من الحمام
سعاد لسة مصحيتش من النوم اصلا
ده انا لسة سايبها دلوقتى كانت فى الحمام
حمام ايه ده انا دخلت اوضتها وفتحت الشبابيك وفضلت اخبط وارزع فى الاوضة وهى نايمة زى القتيل
يعنى سعاد مصحيتش لحد دلوقتى
امال مين اللى كانت فى الحمام
دخلت الحمام مكانش فيه اى حاجة تقول ان فيه حد كان فى الحمام لا مية مفتوحة ولا ارض مبلولة ولا فيه فوطة من الاساس وانا خارج شوفت كورة لونها غريب موجودة
مين اللى جاب الكورة دى جوة الحمام
انا اول مرة اشوف الكورة الغريبة دى
أكيد الواد محمود هو اللى اشتراها
او الواد صبحى سرقها من ابن الجيران
ايوة صبحى يعملها ده كان بيسرق فراخ من عند الجيران ويقولنا انه كسبها فى كنتاكى مش هيسرق كورة ويقول ان مجدى عبد الغنى هو اللى ادهاله
خرجت من الحمام وكانو الولاد بيلبسو علشان يروحو المدرسة
قعدنا على الطرابيزة نكمل فطار روحت مقرب من صبحى
هاه يا حبيبى ايه الكورة الجميلة دى
كورة ايه يا بابا
الكورة اللى انت مخبيها مننا فى الحمام يا اذكى اخواتك طيب ما احنا بنخش الحمام اكتر ما بنتنفس يعنى كده كده هنشوفها قولى بقى سرقتها منين
والله يا بابا مسرقت حاجة ده انا بطلت حتى موضوع السرقة ده من زمان
يبقى اكيد مفيش غير محمود حبيبى حوش فلوس واشتراها
لا يا بابا ما انت عارف انى مبحبش الكورة اصلا
معقول تكون سعاد اللى جابتها دى حتى ليل ونهار نايمة هتجيب كورة تهبب بيها ايه
كده مفضلش غير انا والمدام
بس مراتى هتجيب كورة تعمل بيها ايه هتعملنا بيها صينية بطاطس بالكور المفرومة ولا تحشيها رز بالخلطة
كده مفضلش غيرى انا اللى جبت الكورة
يكونش انا عندى انفصام ف الشخصية وباتحول بالليل لشيكابالا من غير ما احس
المهم قولت لمراتى تدخل تطلع الكورة من الحمام
دخلت الحمام ملقيتش حاجة
الكورة راحت فين
معقولة كانت تهيؤات
دخلت اوضتى البس علشان اروح الشغل
بافتح الدولاب لقيت الكورة فى وشى
هى مراتى عايزة تجننى ولا ايه عمالة تنقل ف الكورة من الحمام للدولاب
ندهت بسرعة على مراتى علشان اسألها عن الكورة
فتحت الدولاب مفيش حاجة
لا انا اعصابى متوترة
وقفت قدام المراية وانا بقول لنفسى انا كويس انا بخير ببص ورايا لقيت بنتى الصغيرة ماسكة الكورة ف ايديها وبتكلمها
البنت الصغيرة اتجنت بتكلم الكورة
قربت من البنت وقولتلها ايه يا حبيبتى جيبتى الكورة الجميلة دى منين
البنت خدت الكورة وسابتنى ومشيت
بعد شوية سمعت صوت صراخ ف المطبخ
المطبخ بيولع
جرينا كلنا نطفى الحريقة وكل مانطفيها تولع بذيادة
النار اتطفت وكل اللى كان في المطبخ اتحرق وبقى عامل زى الفحم والمشكلة اننا مش عارفين سبب الحريقة ايه ببص فى المطبخ لقيت الكورة زى ماهى مجرلهاش حاجة
ايه حكاية الكورة دى دى شكلها كورة مسكونة
انا لازم اخذ الكورة دى واوديها فى اى مكان بعيد عن البيت
خرجت من شقتى وانا شايل الكورة فى كيس بلاستيك
وشايلها كأنى شايل قنبلة وخايف تنفجر فى وشى وفكرت يا ترا فين المكان المناسب اللى ممكن ارمى فيه الكورة
ببص حوليا لقيت اطفال بيلعبو فى الجنينة نزلت الكورة وفضلت العب معاهم شوية وبعدين سيبتهم وسيبت الكورة معاهم ومشيت مسافة طويلة وخدت نفس طويل علشان اتخلصت منها لكن قبل مافرحتى تكمل لقيت طفل صغير جايبلى الكورة وبيقولى خد يا عمو كورتك اللى نسيتها معانا
انا فشلت اتخلص من الكورة
ركبت تاكسى وسيبت الكورة فيه ونزلت
السواق لف ورجعلى تانى وادانى الكورة
سيبتها جنب عمارة لقيت البواب بيجرى ورايا ويقولى خد الكورة دى وقعت منك
ملقتش غير حل واحد بيلجا اليه اغلب المصريين اللى بيزهقو من حياتهم فى الافلام وقررت ارميها فى النيل
رميتها فى النيل وروحت على البيت وخدت دوش وقولت اريح شوية
اول مانمت على السرير وببص ناحية الدولاب لقيت الكورة موجودة زى ما هى فوق الدولاب
الظاهر الايام اللى جاية ايام سودة
الثاني م هنا
