رواية قتلني ورحل الفصل الثامن 8 بقلم ميفو السلطان
كانت ليال تجلس حزينه وتشعر بالقهر لتسمع تلفونها يرن لتفتحه لتهمس.. ايوه مين.
ليرد عليها شابا ليهتف.. يا فندم فيه استاذ هنا واقف علي اول شارعكو وتقريبا حد خابطه بحاجه مش عارف ونايم قدامي اهوه ومش قادر يتحرك واخر نمره كانت نمرتك قالي اكلمك او اكلم والدتك ونمره والدتك ما بتردش فقلت اكلمك.
لتهتف شاب شاب مين.
ليهتف اسمه قاسم..
لتهب مرعوبه قاسم.. قاسم حد خبطه طب ايه ماله عامل ايه والنبي قول.
ليهتف.. نايم دايخ اهوه انا معاه بس تعالو خدوه روحوه بدل ماهو قاعد كده.. ميفو ميفو
لتهب هيا وتقوم طيب جايه جايه.. ليقفل الخط وتقف هيا محصوره حبيبي مالك يا قلبي والله اموت انا قلبي هيقف.. لتهب وتلبس طب اعمل ايه ماما ماتعرفش اننا بنتقابل يا ربي فكري يا زفته.. لتنهد وتذهب لوالدتها تخبرها انها ستحضر بعض المحاضرات من صديقتها لتوافق الام لتنزل مسرعه لتذهب اول الشارع لتجد قاسم يركن علي مقود السياره وبجواره شاب لتقترب وتهتف ايه ايه.. 🌿 سبحان الله وبحمده 🌿
ليهتف.. لا اهوه دايخ بس ماجبتيش حد معاكي ليه.
لتهتف.. هاه.. لا ما ماما جايه ورايا.
ليبتسم الشاب ويهتف.. طب عن اذنكو بقه الف سلامه لتستدير هيا وتدخل العربه وتمسك يده بحب.. قاسم حبيبي مالك عامل كده ليه مين عمل فيك ايه والنبي ماتركنش كده طب نروح المستشفي والنبي يا قلبي رد عليا لتقبل يده وهو مغمض مستمتع بلهفتها.. لترفع يدها وتلمس وجهه قاسم حبيبي رد عليا.
ليدير وجهه ويبتسم لها بحنان ويقبل يدها لتهمس بحنان ذاب لها قلبه لتهتف.. مالك
ليقول.. موجوع قوي وكنت هموت.
لتهمس بعد الشر عليك دانا اموت والله
ليهمس.. خايفه عليا.
لتهمس.. حد مايخافش علي روحه انت رَوحي يا قاسم. لتضع يدها علي وجهه لياخذها ويتلمسها بشفتيه لتهمس انت كويس.
ليهز راسه لتشعر بالوجع.. لا والنبي طب اعمل ايه
ليهمس.. مفيش بس تبقي جنبي لياخذ يدها ويضعها علي قلبه بس تبقي هنا.
لتهمس.. مالك يا حبيبي مين عمل فيك كده
لينظر اليها بهيام.. قلبي اللي عمل فيا ومش عايز يكلمني اهون عليكي ماترديش عليا
لتهمس.. قاسم انا انا..
ليهتف ايه قولي كان يتلمس يدها بشفتيه. لتهمس.. بطل مش قادره.
ليقول.. كتي هتسيبيني موجوع كده دانا اموت.
لتندفع وتضع يدها علي شفتيه.. بعد الشر عليك دانا اموت انا بعشقك..
ليظل ينظر اليها يريد ان يهجم عليها يحضنها بشده الا انه لم يقدر ان يفعل ذلك ليهب مره واحده ويندفع بالعربه لتشهق وتنظر اليه بغرابه.. قاسم فيه ايه
ليهتف.. هقولك بس اما نوصل انا مش هفضل محصور كده كتير.
لتنظر اليه قاطبه.. قاسم انت كويس انت مش جرالك حاجه.. ليبتسم لتنظر اليه ساخطه انت بتضحَك عليا صح عشان هبله مش كده.. طب. رجعني بقه َماعتش ليك دعوه بيا وروح روح للي كت بترقص معاها يا قليل الادب بقلك رجعني
ليضحَك.. بس يا ماما ارجع ايه انا ماصدقت اقفشك لتستدير ساخطه ليصل بها لمكان هادئ متطرف لتهتف انت جايبني هنا ليه قاسم رجعني انا مش هكلمك تاني.
ليقترب منها واهون عليكي دا حبيبي كان خايف عليا وقلبه بياكله.
لتهتف.. انت وحش ووجعت قلبي حد يعمل كده.
ليهتف.. مانت مش عايزه تردي وزعلانه زي العيال وانا ما عملتش حاجه.
لتنظر اليه غاضبه.. ماعملتش يا كداب والهانم اللي قعدت ساعتين وتلاتاشر دقيقه ترقص معاها.
ليضحك.. وتلاتاشر لا ماليش حق هيا التلاتاشر دي رقم فقر انا عارف.
لتنظر اليه ساخطه.. انت بتهزر يلا رجعني وخلاص ماعتش هعرفك تاني مش انا عبيطه وما مشيش مع قاسم.. خلاص هات االي بيرقصو ويتحضنو وامشي براحتك
ليهتف.. والله اموت نفسي لو بعدتي.
لتهمس.. اه هبعد واعمل زيك وهعرف شباب وارقص معاهم كمان انت مش احسن مني.
لينظر اليها ويرفع حاجبيه.. والله ليه شايفاني مش راجل حد يحط ايده علي حاجتي دانا اموتك ساعتها.
لتنظر اليه بغضب.. طب رجعني بقه وانا مش عايزه اعرف ومن بكره هتلاقيني مع واحد تاني عشان تبقي ترقص كويس.
ليقترب منها لتهتف ايه بتقرب ليه عيب كده
ليهتف. بقي قلبي عايز يرقص مع حد غيري هتقدر يا قمر حد يلمسك.
لتهتف بخجل.. اه هقدر مالك انت.
ليضحك.. مالي ازاي انت كلك مالي وحالي انت هبله ليه كده يا قلبي.
لتنظر اليه بغضب تاني هبله وزفته تاني نزلني بقلك.
ليمسك يدها ويقبلها طب زعلانه ليه طيب كان غصب عني اجتماع شغل وماقدرتش اتفلفص.
لتهتف.. والله والشغل بيرقصو فيه طب ماتاخدني اشتغل هننبسط كلنا.
لينظر اليها بخبث.. دانا نفسي اخدك واشتغل احلي شغل ماتيجي اعلمك الشغل بدل مانت هبله كده.
لتخبطه.. احترم نفسك بقه انا مش عبيطه تعلمني ايه بكره اتخرج واشتغل احسن منك.
لينفجر ضاحكا.. لا والله مهما عملتي مش هتشتغلي احسن مني دي قدرات.
لتهتف.. لا يا استاذ الست بقت زي الراجل وانا هكبر واقدر اشتغل واعلمك كمان.
لينظر اليها بهيام… حقه دا يوم المني لما حبيبي يشتغل ويعلمني بس اوصل للفل ده وانا اللي هدوخ والله.
لتهتف.. قاسم انت بتخوفني انت مش عايزني اتعلم ودايما بتكسر من ماقديفي ودايما تقلي اني مش هعرف.
ليمسك يدها ويقبلها.. لا يا قلب قاسم دا حبيبي نجمه عاليه في السما اعلمه واخده اطير بيه وهيعرف كل حاجه علي ايدي ولا يوم الا ما هيتعلم مني.
لتهمس بخجل.. يعني هتعلمني ومش هتزهق.
ليضحك ازهق.. طب وصليني بس هناك كده وهتشوفي تعليم سنين بس خايف حبيبي ماهيقدرش هيسورق مني.
لتهتف.. لا والله هبقي معاك زي ماتحب.
لينظر اليها بهيام… لا كده كتير وانا خفيف ماعتش قادر ليشدها اليه ويقبلها لتشهق وترتجف ليتوه فيها وهيا ترتجف من افعاله ليزيد من عنفوانه لتحس بنفسها تتوه معه لتستكين بين يديه ليجدها بلا حركه ليبتعد مرتعبا ليال قلبي مالك نهار اسود البت سورقت من بوسه يا ايامك الطين يا قاسم امال بعدين ايه هنروح الانعاش ليتنهد دا ايه الغلب ده ليقترب من وجهها قمر حبيبي كيوت وكتكوت صغنن هتتعلم امتي يا عسليتي لا كده كتير مش متحمل. ليقترب ويداعب َوجهها بحنان ليو قلبي فوقي ليظل يفيقها لتفتح عيونها بهدوء كانت تحس بالخدر في جسدها وتعيش حاله من التوهان لتنظر لتجد حبيبها يبتسم لها لتبتسم له بحنان لتهمس قاسم. ليقبل يديها روحه اللي هتحصريه اعمل ايه هموت كده.. ليهمس ماتفوقي يا قلبي والله خطر عليكي كده ليظل يداعبها بحنان لتعود لنفسها رويدا لتدرك ما فعله معها لتشهق وتهب بعيدا وتضع يدها علي شفتيها وتنزوي بعيدا.
ليتنهد.. ايه مالك
لتقطب جبينها ليبتسم.. ايه حبيبي ماله بعيد كده.
لتهمس.. بطل انت طلعت قليل الادب بطل مش هكلمك تاني.
ليتنهد.. قليل الادب هو ده اخرك في قله الادب.. يا رب.. ليمسك يدها لتشدها ليشدد عليها ليال انا بحبك واحساسي اني ابقي معاكي بيطحن جوايا عارف اني لمستي غلط بس ماقدرتش بس انت صعبه قوي لازم تعرفي اللي بيحبو ويتخطبو ويتجوزو بيعملو ايه.
لتهتف.. مانا هعرف بعدين ماما قالت..بعدين.. قاسم انت عايز تخطبني لتستدير وتبتسم بحنان.
ليتنهد.. امال هيكون اخرنا ايه ما ده اخرنا بس قدامي فتره بس مش متحمل مالمسكيش.
لتهمس.. عيب يا قاسم
ليتنهد.. اه عيب عارف بس قلبي بياكلني وانت حتي لازم تتدردحي شويه ماحدش بيبقي مقفل كده.
لتهمس.. كده يا قاسم انا مقفله يعني انا وحشه اه مانت كت بترقص ومبسوط.
ليهتف… لا والله ما مبسوط.
لتهمس يعني ترقص مع حد غيري اخص عليك ترضي ارقص مع غيرك.
ليتنهد.. والله اموت بس ليه ده حبيبي عايز يرقص معايا لتخجل من كلامه وتهز راسها ليبتسم وانا هموت وارقص معاكي يا قلب قاسم ليخرج بره العربه ويشدها كان المكان علي اطراف المدينه عاليا ليفتح الموسيقي ويشدها لتهتف ايه ليهتف هنرقص ليشدها اليه لتحمر خجلا.. بس يا قاسم احنا في الشارع عيب كده.
ليهتف.. لا احنا في الصحرا وماحدش معانا ليظل يدور بها هائما هيا سعيده ليهمس انا حاسس اني طلت الدنيا كلها.
لتهتف بتحبني.
ليهتف.. بعشقك انا عديت مراحل الحب والله عديت.
لتتنهد وتهمس وانا كمان والله.
ليظل يدور بها بهيام ويهمس لها بكلمات الحب حتي اتي ميعاد رجوعها ليعيدها كانت ليال سعيده حالمه ولكنها شعرت بالذنب لتجلس في العربه لتهمس قسومي كنت عايزه عايزه
ليمسك يدها ويهتف.. ايه يا قلب قسومك..
لتهتف انا كنت زعلانه منك وعملت حاجه يعني يعني..
ليهتف.. ايه قولي
لتهمس خايفه هتزعل بس والله كنت زعلانه.
ليتنهد ويهتف عملتي ايه يا مصيبه.
لتهتف.. مش هتتخانق والنبي مش كده.
ليهتف.. منفعلا ماتخلصي فيه ايه.
لتهتف.. انا انا.. اتصورت بالفستان اللي ماما جايباه ونزلته استوري.
ليقطب جبينه.. نعم ياختي عملتي ايه.
لتهتف مسرعه.. لا مانا هفتحه وامسحه اهوه لتفتح تليفونها مسرعه لتفتحه ليشده منها ليفتح الصور ليشعر بالنار دخلت جسده .. فالفستان ضيق بشكل كبير وبفتحه عنق وهيا اسدلت شعرها لتبدو رائعه رغم الحزن البادي في عيونها جراء وجعها ليغمض عينه ويمسك التليفون ويمسح الصور ويحدفه علي تابلوه العربه ويضع يده علي وجهه يهدئ نفسه..
لتظل هيا مرتعبه.. لتهمس انت زعلت.. ليظل صامتا لتقترب منه لتهمس لا والنبي انا فرحانه ماتزعلني.. خلاص والله ماعت هعمل كده قسومي كلمني بصلي ماتعملش كده هموت لو تزعل..
ليهتف بغضب.. ولما انت عارفه اني هزعل عملتي كده ليه.
لتهمس بوجع.. كنت متغاظه يا قسومي والله انك سيبتني ساعه وتلاتاشر دقيقه خلاص بقه والنبي
ليتنهد بغلب.. ليهتف دا فستان يتلبس.
لتهمس.. خلاص بقه و َحياتي.
ليهتف.. ليال انا مابحبش كده وبعد كده لو حصلت ماهعديهاش .
لتتنهد وتهتف.. خلاص بقه ماتزعلش بصيلي طيب اخص عليك.. لتتنهد وتقترب منه بخجل وتقبل خده لتهمس انا اسفه.
ليغمض عينه يستجمع نفسه ليدير وجهه بحب ويبتسم لتبتسم له وتهمس.. خلاص والله ماحدش شاف يعني كتير.
ليهتف.. اعمل فيكي ايه عيله صغيره.. ولو واحد شاف اموت فيها..
لتهتف.. والله دول اربعه بس طنط ليلي وطنط مني وايات صاحبتي وابيه شادي..
لينشل مكانه.. نعم ياختي ابيه مين.
لتهتف.. ايه مالك ابيه شادي.
ليهتف.. وابيه طين بيعمل عندك ايه لسه.. ليمسك يدها انت سايبه الزباله ده عندك ليه.
لتهتف.. ما هو ما هو..
ليصرخ ماهو ايه..
ماهو دخلي خاص واعتذر وقالي ماما فهمت غلط وطلب نكمل اصحاب قلتله ماشي يا ابيه وقالي هبقي اكلمك اطمن عليكي قلتله طيب يا ابيه.
ليظل ينظر اليها غير مصدق.. ليحس انه سيضربها ليخرج من العربه ويظل يدور من غضبه وهيا تنظر اليه بغلب.. لتنزل ورائه وتقف لتقترب ليهتف منفعلا.. ماتقربيش عشان هعمل مصيبه ليظل يدور ويدور ليعود الي العربه ويمسك تليفونها ويخرجه ويبحث عن شادي ويعمل له إزالة ويرمي الفون ليقف ويسند عالعربه يحاول يهدا وهيا تقف مرتعبه لتذهب وتقف بجواره وتمسك يده ليتنهد لتهمس.. انت ايه اللي يرضيك طيب وانا هعمله.
ليهتف منفعلا.. سي طين ده لسه عندك وتصدقيه انت ازاي هبله كده….ميفو ميفو
لتقترب منه وتضع يدها علي صدره خلاص يا قسومي بقه مش انت قلت هتعلمني بالراحه انا مش بعرف ماتعملش زي ماما والنبي.. فهمني يا حبيبي. قاسم انت روحي ودنيتي هاخد دنيتي منك انت ادهاني زي ماتحب وانا من ايدك دي لايدك دي.. عارفه انك هتحافظ عليا وانا اهوه تحت امرك والله ماهنطق وهقول حاضر وطيب بس لا تزعل ولا تبعد. كانت تتلمسه بقرب لاول مره ليلين لها ويتنهد لتهمس.. خلاص والنبي قلبي بيوجعني.. لترفع نفسها وتقبل خده ليهز راسه ويشيح بوجهه لتهمس.. هتفضل زعلان كتير
ليهتف.. كتر خيرك كل يومين تولعي فيا.
لتقترب وتقبله مره اخري.. ليتجلد ويهتف بتضحكي عليا شايفاني اهبل..
لتقترب وتضع راسها علي صدره لتهمس خلاص بقه والله ماهعمل كده تاني دانا حبيبتك ماتبقاش وحش..
ليتنهد ويحاوطها بيده ليهمس هسامحك بس تبصيلي.. لتشعر بالخجل لتهز راسها ليهتف طب خلاص مش هسامحك.. لتتجلد فهيا في احضانه لاول مره لترفع عيونها ووجهها يضج بالدماء ليتنهد بحب.. قلبي انت عامله كده ليه دانا حبيبك مش حابه تكوني في حضني.
لتهمس.. عيب يا قسومي كده.
ليهمس مش عايزه تصالحيني.. لتهز راسها ليهمس طب حبيبك عايز حاجه حلوه..
لتنهد.. طب عيوني انا معايا فلوس تعالي اروح اجبلك حاجات كتير.
ليتنهد بغلب.. لا يا قلبي انا عايز حاجه تانيه ليشير الي شفتيها من هنا.
لتشهق وتبتعد لتهمس.. قاسم عيب الله.
ليركن علي العربه بتسليه.. طب خلاص قاسم ماهيكلمكيش خالص ولا هيبقي حبيبك.
لتندفع وتحتضنه.. لا والنبي اوعي دانا امو ت.
ليحتضنها بحب.. بتحبيني اوي كده.
لتهمس.. قاسم انا قلبي بقي انت وبس.
ليهمس وقلبك عايز حاجه حلوه هتقوليله لا..
لتخجل وتطرق ليرفع وجهها هتسيبيني زعلان. لتنظر اليه بحب لتقترب وتقبل خده ليضحك لا انت مش نافعه كده ليشدها ويتوه معها لاول مره وهيا واعيه لتذوب وتلين بين يديه ولا تفعل شيئا كانت كالهلام بين يديه ليبتعد ويحتضنها ليهمس.. قاسم حاليا طار والله.. لتظل خجوله ليضحك ايه هتفضلي مكسوفه كده.. ليتنهد عارف اه صعب وعارف انه غلط بس ماقدرش و همحط في الصخر عشان تبقي ليا في الحلال لو الدنيا وقفت قصادي انت هتبقي ليا وبس.. ليقبل راسها وياخذها ويعود بها سعيدا بما حققه معها من قرب لتصعد هيا حالمه بتلك الليله الرومانسيه ويظل هو هائما فيما كان فيه فيمن اخذت عقله وقلبه..
🌿اللهم صل وسلم وبارك على سيدنا محمد 🌿
عند كارما ظلت ملتصقه بجدها خوفا من ايان فنظراته لم تفارقها وَجهه لا يبشر بالخير ليحين ميعاد الرجوع لتجلس هيا لا تنطق.
ليهتف بدر.. كانت حفله حلوه. ليهتف امال الطور اخوك ساب الحفله وغار فين اعمل ايه فيه عيل بارد وشارد.
لتهتف كارما مالك بيه يا جدو دا قسومي عسليه َوحنين.
ليهتف.. حنين.. ياختي اتنيلي ابن نعيم يبقي حنين دا مرار. عيل قلبه ضعيف خايف عليه لواحده تضحك عليه وتهبله ويمشي وراها.
لتهتف… تضحك عليه ليه يا جدو مش من حقه يحب الناس ماتقدرش تعيش من غير حب لترفع عينيها في المرايه لتجد ايان ينظر اليها بغضب لتشيح بوجهها.
ليهتف بدر.. يحب ادي اللي كان ناقص وتركعه وتاخده بعيد عن العيله..قاسم مايحبش ولو حصل هخرج قلبه من مكانه امزعه واعدله وارجعهوله تاني راجل من غير قلب قاسم لو انعوج انا هضبطه بطريقتي اللي تخليه جاحد.. قاسم لازم ينقرص تسان يعقل. قاسم لازم يتجوز واحده ليها مواصفات خاصه ابن نعيم مستقبله كبير لازم ست جامده تشدد عليه وتقف بطوله.
🌿 استغفروااااا 🌿
لتهتف.. جامده ايه يا جدو هو حد يعيش مع حد كده قاسم حنين يا ريتني احبه والله دا طيب قوي.
ليهتف ايان بغضب.. ماتحترمي نفسك بقه انت مالك بجحه كده.
لتهتف.. ايه مالك انت الله.. والله قاسم يتحب واي حد يتمناه واحد بيحس وعنده مشاعر مش زي ناس جبله وحجاره.
ليندفع ايان بالعربه ليهتف بدر.. ايه يابني اتهبلت فيه ايه فلم يرد ليتنهد بدر ليهتف بخبث.. والله يابني انت اللي فيهم واحده من ايام السينما الصامته والحب الافلاطوني وواحد اهبل انما انت بدر عن حق لا ليك في الحب ولا المسخره وماليكش في النسوان من اساسه بكره اشفلك واحده كده جامده تتجوزها نعمل شراكه.
لتهتف كارما.. بقهر اه ما ده اخره.
ليهتف بدر وانت بقه يا كوكو نشفلك واد جامد كده زي الواد مراد انهارده ما شلش عينه من عليكي عايزك تبقي كويسه معاه ماتصدهوش مراد تقيل وعاجبني.
ليهتف ايان.. قول كمان يا جدي ماهي ملهاش رجاله واحنا قاعدين ايه تاني نلبسها بدله رقص وتخش عالبيه توقعه.
لتهتف.. احترم نفسك الله.
ليهتف.. احترم نفسي انتو خليتو فيها احترام
نازل كلام للهانم كاننا مش لاقين ليها عريس وعايزه توقع عريس فيه ايه مراد زفت ده دا شكل البرص الاجرب.
ليهتف بدر مين ده يا واد.. دا مراد شكل بتوع السيما طول بعرض بكاريزما.
لتهتف كارما.. وذوق وحنين قوي..
ليتوقف ايان مره واحده ويستدير لها.. والله لو مالميتي نفسك لاطين عيشتك.
ليهتف بدر.. يابني انت اهبل.
لتهتف كارما… انا مش عارفه ماله ده ماتخليه يسكت بقه هو مافيش غيري يقرفها.. جدو جوزو هاتلو واحده تلهيه كده ايه ده.
ليهتف.. انت مالك بجوازي و َزفتي الله.
لتهتف.. خلاس انت مش عايز تتجوز ماتسيبنا نتجوز الله فيه ايه.
ليهتف.. بالزمه واحده محترمه تتكلم كده ايه واقعه هتنهبلي عالجواز.
لتهتف.. انت مش طبيعي.. لا يا بيه انا واحده عايزه حد حنين واحده قاعده في وسط رجاله من غير ام مافيش حنيه خالص.
ليهتف بدر.. كده يا كوكو انا مش حنين.
لتدمع وتهمس.. لا يا جدو مش قصدي..
ليهتف.. بحنان انت طببه وجميله ونفسي يجيلك احسن واحد ولو حكمت هكلم مراد يجي ياخدك.
لينفعل ايان.. خده ربنا اهو ده اللي كان ناقص عايز تعرض الهانم للبيع هنبيع بناتنا يا جدي ماترحموني بقه انتو اتاجرتو عليا الليله دي.
ليهتف بدر.. يابني مالك بس ربنا يهديك سوق سوق عدي اليوم انت بس بتشتغل كتير ومابتفهمش في الحاجات دي.
لتهتف كارما.. اه قله يخليه في الشغل بومه كده ويسيبنا بقه نعيش نحب و َنتحب.
لينطلق ايان وقلبه ينهشه اه ماليش في النحنحه مش كده حجاره انا جاموسه بتشتغل وخلاص عايزيني ابقي ماشي جبله علي طول والهانم تحب وتتحب وانا واقف اكل في خشب الطرابيزه مانا ماتفعش بتاع شغل وطين ماشي ماشي يا كارما ليصل الي البيت ليتركهم ويصعد لتنظر اليه بقهر فهو لا يحس. لتتنهد وتصعد حجرتها لتغير ملابسها وتقف في شرفتها هائمه لتهمس هحب امتي بس انا تعبت عايزه احب واتحب لتشهق عندما…
