رواية اسميتها مرام الفصل السابع 7 بقلم عصام مصطفي
.jfif)
الفصل السابع
الدكتور ولد نور بنت جميلة وحطاها جمبها
وبعد شوية فاقت نور
نور : بص يادكتور لو حد سألك قولهم ان بنتي ماتت وانت بتولدها
نور : ارجوك وانا هديلك اللي انت عاوزاه
الدكتور بتردد : تمام وخرج
في نفس اللحظة مروة كانت بتعمل فحوصات لعل وعسي تحمل وكانت معدية وسمعت الكلام وحطت ايدها علي بوقها
مروة في سرها : منك لله ياشيخة دا انا بتمني دفر عيل ومش لاقية وانتي عاوزة تموتي بنتك
نور قامت وسابت بنتها علي السرير بسرعة وبتخرج ومروة بسرعة استخبت
مروة دخلت ومسكتها وهي تنظر لها : ياحبيبتي يابنتي شوفتي امك الوحشة عملت فيكي ايه بس متخافيش انتي معايا في امان ياعمرري وبدأت تشم ريحتها بشوق وحنان وأخذتها وخرجت
اما نور كانت بتجري في المستشفي وصدقت ماخلصت منها وطلعت بره خالص وفجأة وهي معدية الطريق شخص خبطها بعربيته
الدكتور خرج لهم وقال : البقاء لله البنت ماتت واحنا بنولدها
مليكة : ياا وطب وهي عاملة ايه دلوقتي يادكتور
الدكتور : هي الحمد لله حالا تفوق من أثر البنج
وفجأة الممرضين طايرين
واحدة منهم قالت : يادكتور الحقني المريضة اللي ولدتها من شوية مش لقينها
مليكة : ازاي دا ؛ وقالت في سرها برده عملتي اللي في دماغك يانور
فلاش بااك
نور قبل ماتولد بكام يوم قالت : يامليكة انا مش هقدر اعيش واربي بنتي اللي جاية دي الناس هتقول عليا ايه
مليكة : امال انتي هتعملي ايه
نور : انا هولدها وهسيبها هناك وههرب من المستشفي
مليكة : ياشيخة حرام عليكي في ام تعمل كدا في بنتها
نور : امال انتي عاوزني اعمل ايه اربي بنتي في الحرام يعني والناس تأكل وشي
رجوع للفراش بااك
مليكة : ربنا معاكي يانور
