رواية في عصمتي بلوة الفصل الخامس 5 والاخير بقلم زهرة الربيع
جوزك استنى يطلعك من البيت وبيلعب بديله ارجعي بسرعه
بعد دقائق كان رشاد طلع من الحمام وكان لابس بنطلون وبس وبينشف شعره وهو بيصفر بروقان وسعاده
ورد وقال بضيق....نعم يا بهانه فيه حاجه
بهانه قالت ببكا ....الحقني يا رشاد الحقنييببييي
و اتقفل التليفون بسرعه ومفهمش اي حاجه
رشاد استغرب و طالعه جريه على اوضتها من غير حتى ما يلبس جلابيته ..ولسه هيخبط على الباب لقاه مفتوح وهيه في الارض عند السرير بتصرخ
قرب عليها وقال .... في ايه يا بت مالك ايه اللي حصل
بهانه قالت بدموع مزيفه.... رجلي يا رشاد الحقني رجلي حاجه قرصتني ومعرفتهاش ايه
رشاد بقى يبص للاوضه وشالها بسرعه حطها على السرير وكانت لابسه قميص نوم بس
رشاد حمحم بحرج وقال....هروح انادي لامك واطلب دكتوره
ولسه هيمشي بس مسكت ايده وشدته عليها وقالت لا خليك جنبي ما تمشيش انا خايفه مرعوبه
رشاد بصلها باستغراب وهو مش فاهم في ايه وفي الوقت ده الباب اتفتح... ودخلت والدتها وهي بتقول..يا مصبتي انتو بتعملو ايه يا مراري انت بتيجي للبت من ورانا وفي اوضتها كمان
و مسكت في بنتها وبقت تضرب فيها وتقول ..بتعملوا ايه يا مقصوفه الرقبه يا وسخه يا فضحتنا
رشاد حاول يهديها ويسكتها علشان ما حدش يسمع وبقى يقول.... يا ست افهمي اهدي بتك في حاجه خبطتها في رجلها وانا جيت اساعدها
بس فاجئتو بهانه لما قالت ببكاء ...انت بتكتب ليه يا رشاد عايز تشيلني مصيبه لوحدي
رشاد بص لها بصدمه من اللي بتقوله ووقف بزهول وقال..بت انتي اتعدلي منقصاش مصايب انا مرتي زمانها على وصول ولو شافت اللي بيحصل هتفهم غلط
مرات ابوه قالت بزعيق .... مرتك الغلبانه بذات لازم تعرف لازم تشوف بلاويك دي وتشوفك وانت جاي تتسحب للبت ...بقى البنيه تروح تشق على امها تقوم تعمل اكده يا ترى كم مره كنتوا بتعملوا كده من ورانا فينك يا رباب تيجي تشوفي جوزك الفلاتي مع اهل بيتو يا فضحتنا
في الوقت ده باب الدولاب اتفتح وطلعت منه رباب وقالت بابتسامه مستفزه.... انا اهو يا مرات مع عمي كنتي بتنادي عليا
بقلم....زهرة الربيع
بهانه وامها كانوا هيقعوا من طولهم واتصدموا ورجعوا لورا برعب شديد مش مصدقين انها طلعت من الدولاب لانها شافتها بعينها وهي طالعه من البيت كله
حتى رشاد اتصدم بشده وبقى يبص لها بزهول
رباب ضحكت من منظرهم وقالت ....ما تخافيش يا مرت عمي بنتك صاغ سليم ومحدش لمسها وبشهادتي...هيه بس الغندوره كانت بتشوف حلم وحش ان حاجه قرصتها في رجلها ورنت على جوزي والراجل كتر خيره جالها جري انا هاخد جوزي وامشي بقى وانتي جيبلها دكتور ...ولا رأي ربيها احسن
مرات عمها قالت برعب..انتي كيف ..كيف
قاطعتها رباب وقالت بسرعه...لا متسأليش...مش من حقك...لا تسألي ولا تفهمي..وانتي وبنتك الحلوه تحفظو الكلمتين دول...جوزي خط احمر..عشر خطوط كمان...ولا تحبي انادي لعمي واحكي له اللي عملتوه كله على بعضه انت وبتك البايره اللي بترميها على راجل متجوز وعايزه تخربي بيته.. اظن عمي مش هيسكت على الكلام ده كله ويمكن تطلقي فيها ده مهما كان ولده
مرات عمها هزت راسها بالموافقه وقالت بسرعه... مش هتتكرر ما حدش هيتعرضلكم ثاني بس احب على يدك بلاش فضايح
رباب ضحك جامد وقالت.... هو انا ليه كل ما حد يشوفني يقول لي استر عليا بلاش فضايح...يلا الستر من الله ...وبصيت لها بغضب شديد وقالت انت وخططك وبنتك خليكم بعيد من جوزي سمعاني
مرات ابوه هزت راسها بالموافقه بسرعه
ورباب شدت رشاد من ايده وهو مش فاهم اي حاجه ومشي معاها على اوضتهم واول ما دخل وقفلت الباب وبصيت له بغيظ وقالت.... هو اي حد يرن عليك تروح له جاي في اي حاجه
رشاد بصلها بدهشه وهو مش فاهم حاجه قال..انا فكرت حصلتلها حاجه ولا حرامي دخل عندها بس انتي كيف عملتي كده ازاي ده حصل كنتي بتعملي ايه في الدولاب
رباب بصتلو وابتسمت وقالت ...في واحده من الخدامات حبيبتي وبتعزني موت ...كنت طالعه علشان اروح اشوف امي قالتلي انها سمعتها هي وبنتها الوسخه بيتفقوا يورطوك ويخلونا انا وعمي نشوفك عشان تجوزك بتها ...كنت هرجع ادخل الاوضه تاني بس خطرتلي فكره بنت لذينه ...اديت البت الخدامه العبايه والنقاب وقلتلها تطلع من الدار على اساس انها انا واخذت بعضي ودخلت على اوضه بهانه استنيتها هناك في الدولاب ..وفعلا مفيش شويه وبعتتلي رساله اني ارجع جوزي بيخوني...وبعد كده دخلت بهانه ورنتلك وشفت اللي حصل كله
بقلم...زهرة الربيع
رشاد قرب منها وابتسم وقال... يا بنت الذين ابليس نفسه ما يعملش كده
رباب قربت منه وحطت ايديها على كتفه وقالت ....ابليس مش عشقان زي
رشاد بص لعيونها وقال... عشقانه
رباب هزت راسها بالموافقه وقالت بابتسامه ...وبموت فيك كمان يا ولد العمده
رشاد ابتسم بسعاده من جواه وقال ....قلبي كان هيوقف خفت ترجعي وتشوفينا خوفت تشكي فيا وقلبك يتكسر وتبعدي عني
رباب بصيت لعيونه وقالت.... مبقيتش اقدر اعملها لو عملت كده وبعدت عنك اعيش كيف من بعدك
رشاد شدها لحضنه بقوه وقال ...انا بحبك قوي يا رباب.. معايزش غيرك من الدنيا... بس خايف يرجعوا يعملوا حاجه تاني تفرقنا
رباب قالت بسرعه.. متقلقش بعد اللي حصل لهم النهارده مش هيجربوا تاني خلاص بقيت ماسكه عليها ذله
رشاد ضحك وقال...بس انتي طلعتي جامده يا بنت ده انا غي عصمتي بلوه
رباب قالت بحب..البلوه دي بتحبك انت حقي يا رشاد ومش هفرط فيك
رشاد قرب من شفايفها وقال بهمس.... ولا انا هفرط فيكي واشتريكي وابيع الدنيا كلها يا رباب واحتضن شفايفها بشفايفه بعشق و قوه و هيه غابت معاه في لحظه جميله قوي جمعتهم
بعد عنها وقال بحب...سامحيني على اي حاجه يا رباب اوعي تزعلي مني
رباب اتعلقت في رقبته وقالت بابتسامه.. اجمل حاجه حصلت في حياتي اني اتجوزتك ومزعلناش عليها ... مكنتش حسامح نفسي لو بقيت لغيري يا رشاد
تمت
