رواية علمتني الحب الفصل الرابع 4 بقلم ميرفت سعيد
مصطفي: مش عايزه تسلمي عليا
سما بحزن: لا
مصطفي: طب انا عايز اسلم عليكي عشان هتوحشيني
سما: طيب مع السلامه ولسه هتمشي
مصطفي: سما انا عارف اني جرحتك بكلامي بس ياسما...
قاطعته سما ببرود: مين قال انك جرحتني بالعكس انا فوقت...فوقت من وهم كنت عايشه في والفضل يرجع ليك... سافر يا مصطفي وعيش حياتك زي ماانا هعيش حياتي وانت مش موجود فيها.
مصطفي بصدمه: نعم تعيشي حياتك ازاي وانا مش موجود فيها
سما : يعني هتجو... مقدرتش تكمل الكلمه وقررت تنهي الكلام: سلام يا مصطفي
تركته ودخلت غرفتها اما هو بالخارج لم يصدق ما قالته هذه المجنونه مامعني الكلام معقول هتقدر تحب غيره قطع تفكيره ام سما
ام سما: اي ياحبيبي واقف لوحدك ليه فين سما
مصطفي بتوهان: ا ا انا سلمت عليها وهي دخلت انا همشي بقا علشان الحق احضر الشنط
ام سما: تروح وترجع بالسلامه ياحبيبي
******
مصطفي وهو بيكلم احمد صديقه حكي له كلامه مع سما
احمد: طب انت زعلان ليه
مصطفي: مش عارف
احمد بعصبيه: لا عارف بس انت اللي مش عايز تعترف ده البت قالت انها بتحبك يعني تروح انت تقولها ( حب اي وكلام فارغ ) مستنيها تجري عليك وتقولك ونبي متسبنيش ماهي لازم هتقولك هعيش حياتي بعيد عنك
مصطفي بغضب: بس بس بقا يااحمد هو انا ناقصك انا غلطان اني كلمتك سلام
احمد : استني يا مصطفي انا بقولك الكلام ده عشان انا بحبك ومش عايز سما تروح من ايدك
مصطفي بحزن: ماهي خلاص راحت
احمد: لا لسه علفكره لو روحت وقولت ليها اي كلمتين حلوين هتنسي
مصطفي بسخريه: مش سما
احمد: اللي ربنا عايزه هيكون ياحبيبي ان شاءالله لما ترجع من السفر هتكونى ع الاقل نيست شويه
مصطفي: يارب... احمد هو انت ممكن تكون حبيت سما بجد
احمد:وربنا ماهرد عليك ردي عليك اني اجي اديك قلم"ين
مصطفي: طب تعالي
احمد بتمثيل الخوف: لا خلاص ياعم ده انا بهزر
مصطفي : طب ياخويا سلام بقا عشان الحق انام
احمد: ماشي سلام
قفل مصطفي مع احمد الفون وظل يفكر في كلام احمد هل فعلا ممكن تنسي كلامه ايوه هو اعترف انه حبها وقال ان هو بعد ما يبجي من السفر هيعترف بحبه ليها .
********
عند سما
ليل: ياحبيبتي نامي بقا
سما بحزن: مش عارفه انام ياليل
ليل: ياحبيبتي دول اسبوعين
سما ببكاء:اسبوعين انتي مفكره اني بعد الاسبوعين دول هاخده بالاحضان مفكره اني ممكن انسا كلامه اللي جرحني بيه لا ياليل مش هقدر
ليل: بصي ياقلبي نامي ومتفكريش في الموضوع نهائي لحد مابدي الاسبوعين واللي ربنا عايزه هيكون
( احلي كلمه في الكون اللي ربنا عايزه هيكون
)
) نامت سما وهي تفكر في اللي هيحصل هل القدر هيبعدهم ولا هيقربهم
*********
تاني يوم يستيقظ ابطالنا وكل واحد منهم شايل في قلبه حزن سما اللي مصطفي هيوحشها ومش عايزاه يبعد عنها حتي لو اسبوعين ومش عارفه بعد الاسبوعين دول اي اللي هيحصل.
ومصطفي برده اللي خايف من اللي هيحصل خايف تضيع من ايده وخايفة ايضا انها مش تسامحه.
*******
في المطار
احمد: مع السلامه ياصحبي
مصطفي بحزن: مع السلامه ... وفضل ينظر بعيد مستنيها تيجي تسلم عليه بس مجتش
احمد بحزن ع صديقه : ياله ياحبيبي الطيارة هتطلع
حضن مصطفي احمد احمد: مع السلامه ياصحبي
مصطفي بحزن: مع السلامه
نفس المكان من بعيد
سما ببكاء: سافر ياليل سافر
ليل : اهدي ياحبيبتي هي كلها اسبوعين
سما : هيوحشني اووي حتي مش عارفه بعد الاسبوعين دول اي اللي هيحصل
ليل: ان شاءالله خير.
*******
تسريع الاحداث عدا الاسبوعين ومصطفي كل يوم يتصل علي سما بس هي مش بترد وليل اللي حاسه بمشاعر غريبه اتجاه احمد من ساعة ماشفته في المطار وجاء اليوم يوم رجوع مصطفي من السفر
