رواية اسميتها مرام الفصل الثالث 3 بقلم عصام مصطفي
.jfif)
فصل الثالث
إبراهيم في عمله
إبراهيم : تؤمرني بإي حاجة تاني ياباشا
إبراهيم : ايه دول ياباشا
احمد : دول ٥٠٠٠ جنية خليهم معاك يمكن تحتاجهم
إبراهيم: بس دا كتير عليا اوي
احمد : مفيش حاجة تكتر عليك ياراجل ياطيب انت تستاهل كل خير
في شقة مليكة
مليكة : كلي واتغذي عاوزين نتابعلك عند دكتورة
نور : ضيعت مستقبلي وخسرت بابي بإيدي
كل دا علشان آمنت لواحد زي دا
مليكة : معلش ياحببتي ربنا يعوضك خير
نور : ادعيلي والنبي يامليكة ، الا قوليلي انتي قاعدة هنا لوحدك مش كدا
مليكة : ايوة بابا وماما مسافرين
واكلت ودخلوا الاثنان وناموا
في فيلا رفعت
رفعت وهو يحدث نفسه وبدموع : هان عليكي يابنتي تعملي فيا كدا وتحطي راسي في الارض لا ومين من حتت عيل يضحك عليكي
اه ليه كدا
( هو فعلا طبعه حاد لكن بنته صعبت عليه وانها ازاي تعمل فيه كدا )
وعدت الايام ونور بقت حامل في اربع شهور والنهارده معادها مع الدكتورة اللي بتابع عندها
الدكتورة : ازيك يانور عاملة ايه النهاردة
نور : الحمد لله يادكتورة
الدكتور : نامي علي السرير ، وكشفت لها وبان ان الجنين نوعه بنت ، بس انتي يانور لازم تهتمي بصحتك اكتر من كدا وكمان حالتك النفسية وانتي شكلك هتولدي بدري ممكن يكون في التامن او السابع دي علي حسب حالتك اللي ظهرالي
نور : شكرا يادكتورة
وخرجوا ومليكه كانت ساندها
مليكة : سمعتي الدكتورة قالت ايه لازم صحتك النفسية تتحسن يابنتي انسي بقي وعيشي ربنا بيعوض والله
نور : حاضر هحاول
إبراهيم وهو نايم وحاضن مروة
مروة : يااا يا أبراهيم نفسي اجيب حتت عيل يقولي ياماما
إبراهيم وهو يقبل رأسها خير ياحببتي
