رواية لماذا انا الفصل الثالث 3 بقلم ايمان شلبي
الجزء الثالث 
بقلمي ايمان شلبي
بقلمي ايمان شلبي - لا لا انا معملتش حاجه انا معملتش حاجه متسجنيش لا
كنت بهز راسي بهس*تريه وانا برجع لورا ودموعي رافضه ترحم*ني ،كنت مرع*وبه ،قلبي بيدق بسرعه لدرجه حسيت هيقف من كتر الخوف
اقضي باقي عمري في الس*جن بسبب شخص ميستاهلش خدعني وكان عايز ي*مو$تني ،فكره اني مج$رمه ،الناس كلها هتبصلي علي اني جانيه مش مجني عليها ، كانت اكتر فكره مرع*به مرت علي عقلي
اخرتها هت*س*جن ؟! اقضي باقي عمري في الس$جن ،في النهايه القصاص هيتحقق واتشن*ق ظ*لم مع أن المفروض هو اللي يت*شنق مش أنا
انا الض*حيه انا المجني عليها مش الجانيه
كان يوسف ومامته واقفين يبصولي باستغراب علي رده فعلي الغير متوقعه
هما مقالوش حاجه محدش فيهم وجهلي اي تهمه عشان اخاف بالشكل ده ،محدش فيهم قالي انتي م"ج$رمه أو قت*لتي جوزك
انا اللي فضح*ت نفسي أنا اللي اثبتلهم اني م"جرمه
قرب مني يوسف وهو بيحاول يهديني :
- اهدي ياانسه متخافيش انا مش هس*جنك
قعدت علي الارض وانا بعيط وبقول بخوف :
- ص صدقني انا معملتش حاجه ا انا كنت بدافع عن نفسي و والله كنت بدافع عن نفسي
ا انا مكنتش هعمل كده والله ،ك كنت هتطلق واسيبه ب بس هو اللي رفض ه هو اللي قالي انتي مش لازم تعيشي
سكتت شويه وانا ببلع ريقي وبكمل برع*ب:
- س سحب سك*ينه و وقالي انتي مش لازم تعيشي ك كان هيم*و*تني ك كان هي*موت*ني عشان كده دافعت عن نفسي
ص صدقني و والله انا مش مج"رمه و والله العظيم انا مش مج*رمه ا انا مش بعرف ادب*ح فرخه ا انا بخاف من خيالي و والله العظيم انا مش مج*رمه صدقني ياحضره الظابط و والله ....
- هشششش اهدي اهدي خلاص انتي مش مج*رمه انا مصدقك
قالها بهدوء وهو بيقعد قدامي علي ركبته وبيبص في عيوني اللي كانت حمراء من كتر البكا والخوف
وقتها قلبي دقاته السريعه كانت ابطئ،رعشه شفا*يفي وقفت وأنا ببص في عيونه اللي كانت كلها حنيه وكأنها بتعكس شخصيته وملامحه اللي واضح عليها الجمود
قام وقف ودخل المطبخ وسط استغرابي انا ومامته اللي انتهي بذهول وانا شيفاه خارج من المطبخ معاه كوبايه مايه وبيقرب مني وبيقدمهالي بنفس الهدوء:
- خدي اشربي واهدي متخافيش انا مش هعملك حاجه تمام ؟
نبره صوته الرقيقه الهاديه خلتني اهز راسي بهدوء وانا باخد منه الكوبايه وبشرب بوق في التاني وكأني بحاول الكع نفسي عشان محكيش وكأني من بعدها مقبله علي كابو*س خايفه مينتهيش غير بمو*تي
- ممكن بقي تحكيلي انتي مين وليه كنتي بتجري امبارح بليل بالشكل ده ؟!
بلعت آخر بوق ميه بصعوبه وانا باخد نفس طويل وبحكي كل حاجه من البدايه ،وطول مانا بحكي بعيط ،بعيط علي عمر راح هدر مع شخص ميستاهلش،بعيط علي مشاعر اس*تنز*فتها كامله ،بعيط علي اسرار مينفعش تتخبي بس انا خبيتها خوفا علي مشاعره ،بعيط علي ثقتي اللي ملهاش آخر في شخص قدر بكل سهوله يخدعني شخص يق*تلني بالبطئ ،بعيط علي حاجات حصلت وهتحصل لما الكل يكتشف اني قت*لته
بعيط علي مستقبل مجهول مش عارفه آخرته ايه ؟!
مو*ت*ي ،ضياعي ،اته"امي زور ،حاجات كتيره جت في بالي في الثانيه الواحده وانا بحكي كل تفصيله ليوسف اللي كان بيسمعني بهدوء وملامح خاليه من اي تعبير لحد ما خلصت
اتنهد وهو بيسألني بهدوء مريب:
- اتأكدتي إنه م*ات ؟!
هزيت راسي وانا بقول بخ**وف :
- ل لا ب بس انا سيبته واقع علي الارض سايح في د*مه
يوسف :
- العنوان ايه
بلعت ريقي وانا برجع لرعشه شف*ايفي مره تانيه :
- شارع ****
هز رأسه وهو بيقوم وبيخرج الفون بتاعه وبيرن علي حد
- الو
ايه يامازن بقولك عايزك دلوقتي تروحلي شارع **"" وتسأل علي واحد اسمه اسمه كرم أبو الفتوح ،مش وقته أسأله يامازن روح بس وقولي الناس هتقولك ايه
طب حلو انت قريب من هناك يعني طيب ماشي خمسه وهكلمك
قفل الفون مع صاحبه وانا واقفه مراقبه المكالمه بفضول ور*عب لحد ما قفل
- ها قالك ايه ؟؟
يوسف وهو بيتنهد :
- هو هناك هيسأل عن كرم ونشوف
اخدت نفس طويل وانا بقعد علي الكنبه وبدعي من قلبي أنه ميكونش ما*ت
خمس دقائق والفون رن ويوسف رد
دقائق من الصمت والنظرات بيني وبين يوسف ومامته اللي كانت قاعده جنبي واخداني في حضنها بشفقه لحد ما قرب يوسف مني وباين علي ملامحه الغض*ب وهو بي*شد مامته من جنبي وبيقول بقرف :
- ابعدي عن الاشكال دي ياماما احنا مش بنشفق علي واحده زاني*ه بتخ*ون جوزها مع صاحبه
قال جملته وهو بي*شدني من دراعي بغي*ظ وبيقول من بين أسنانه :
- وعد مني هخليكي تعف*ني في الس*جن لحد ما تقولي حقي برقبتي يامج*رمه
