رواية حبها مختوم في قلبي الفصل الثالث 3 بقلم سوارة
بتغمض عينيها مستسلمة للظلام الأبدي.. وهي شايفه ان المو..ت ارحملها من اللي اتعرضت له!!
بتلاقي ايد بتسحبها بقوه لورا لدرجه انها وقعت على الأرض بقوة
عدي بعصبية وزعيق : انتي متخلفة؟... ولا غبية؟!
مكنتش قادرة ترد عليه من شده الا..لم اللي حاسه فيه برجلها
كيان بدموع وبراءه وهي بتحط ايديها على رجلها : رجلي وجعاني اووي!!...انت زقيتني جامد على فكره!!
عدي بذهول واسف وكأنها بدلت له كل مزاجه بثواني..بيقول : زقيتك جامد ده اللي همك؟!..لا انا اسف مليش حق الصراحه!!
بينزل لمستواها وبيبص على رجلها مكان ما حاطه ايدها بيلاقيها وارمة
عدي بتفكير : دي وارمة خالص.. وانا مش ممكن اسيبك تروحي لأهلك كده!!
كيان بابتسامه سخريه : وانا هتوقع منك ايه يعني ؟.. ملكش دعوه بيا امشي حالا !!
عدي بهدوء وهو مش حابب يجر معاها شكل : امشي عشان يطلع عليكي بلطـ*ـجية ولا سيارة تصدمك ؟.. كيان انتي ليه مش عايزه تفهميني انتي مش زيي !!
كيان بتلف وشها الناحيه التانيه .. بجمود : اظن ان اللي عندي قولته .. امشي !!
عدي بوجع وحزن بيتنهد : ابويا كتب كل الشركات اللي تعبت فيها اكتر من عشره سنين وانا بكبرها لعمتي واولادها ..
واللي كان فاضلي البيت اللي عايشين فيه وشوية فلوس في البنك .. وزي ما شوفتي ابويا طردني ووقف عني اي فلوس!!
انا معنديش حاجه معاكي يا كيان ليه أرفض وجودك بدون سبب ؟.. مفيش
انا راجل ممكن انام في أي مكان في الشارع ممكن ما اكلش ليومين تلاته إنما انتي مش هتستحملي ده عشان كده بقولك امشي لبيت اهلك عشان ما تتمرمطيش!!
كيان حست بمدى وجعه في نبرة صوته وكمية الا*لم اللي شايلها جواه من ابوه.. بتحط ايدها على كتفه بمرح : وانا مش هسيبك تتمرمط يا عدي!!
عدي بيبصلها بعدم فهم واستغراب من نبرتها اللطيفة اللي مش متعود عليها
كيان بابتسامة : انا معايا فلوس
عدي بيتنهد وبيبتسم لها : وانا اكيد مش هأخد منك فلوس !! .. متشكر ليكي لأنك بتحاولي تساعديني بس مش هينفع !!
كيان بقوه : وليييييه مش هينفع؟!
عدي بهدوء : انا المفروض اللي اصرف عليكي مش انتي..وبعدين دي فلوسك مش هأخد منها حاجه..
كيان بابتسامه : هتأخدها متشكره ليك واخيرا اقتنعت !! .. يلا ساعدني عشان اقوم عشان رجلي واجعاني اويي !!
عدي بتنهد : انتي ليه مش عايزه تفهميني وترجعي لبيت اهلك؟
كيان بدموع غصب عنها : لأن مليش اهل اساسا !! .. ما..توا !!.. وابويا قبل ما يمو*ت كان شايفك حد كويس.. عشان كده كان بيترجاني وهو بيلتقط الفاظه الاخيره عشان.. وبتتنهد .. أوافق!!
عدي بيبص عليها بصدمة واسف شديد ليها وهو بيفتكر ذكرى قديمة لاحظت شروده نادت عليه اكتر من مرة.. وهي بتقول : عدي.. عدي... انت معايا؟؟.. يا عدي..وبتهزه الاخيره بقوة.. عدي!!
بيتخض وبيبص عليها : ايوة .. في حاجه؟؟ .. انتي كويسه؟؟
كيان باستغراب من رده فعله : ايوه كويسه.. بس رجلي واجعاني ساعدني عشان اقوم وامشي
عدي بيومئ لها وبيبص على رجلها نظرة اخيره وبيشيلها تحت صدمتها
كيان بصدمه : انا كنت بس عايزاك تسندني مش اكـ..
عدي بهدوء : رجلك انتفخت خالص .. شكلها مكسو..رة مش هتعرفي تمشي عليها اساساً !!
كيان بتبص على رجلها بتلاقيها فعلا انتفخت اوي فبتسكت وهو بيفضل ماشي بيها مسافه
كيان بتساؤل : عايزة اسألك هوا احنا رايحين على فين؟!
عدي بيقف مرة واحده وهو بيبص عليها بصدمة : انا مش عارف احنا رايحين فين اساساً !! ... انا سرحت مرة واحده لقيتني هنا !!
كيان وعدي بيبصوا لبعض بصدمة وبيضحكوا الاتنين جامد في اللحظه دي بيجي تاكسي معدي
بيبص على هيئتهم شايلها وهو بيجر معاه شنطه بصعوبه وواضح أن رجلها منتفخه اوي : شكلكم محتاجين توصيله .. انا ممكن اوصلكم عادي لو مش معاكم فلوس
كيان بتبص لعدي بتلاقيه كان عايز يمشيه بتقول بسرعه : لالا احنا هنركب.. ومعانا فلوس !!
عدي بيبصلها بغيظ وبيفتح باب الاوبر يحطها وبيحط الشنطة ورا وبيركب وهو مكتف ايديه الاتنين بجمود
كيان بهدوء : اطلع على فيلا *** في الشيخ زايد
عدي بيبصلها بطرف عين .. بيقول بهمس : مش قبل ما نمشي المستشفى؟!!
كيان بابتسامه وبنفس الهمس : بص على حالنا وشكلنا الأول
بعد مسافه بيوصلوا ، وكيان بتحاسب الأوبر.. وبيمشي
كيان بتدي عدي المفتاح من شنطتها وبيفتح الباب..كيان بفرحة ودموع : واخيرا ريحه بابا وماما !!
عدي بيبص عليها بحزن ودموع وبيحطها على أقرب كنبه وهو بيحط ايده على راسه وكأنه بيتأ*لم
كيان بتبصله بصدمة من تغيره في ثواني وبتكمل بخوف : عدي انت كويس؟؟
مردش عليها بتسند على الكنبه وهي بتحاول تقف بتحط ايدها على كتفه بخوف : عدييي فيك اييييييه؟!
بتنصدم لما بتلاقيه زقها بقوة مرة واحده لدرجه انها وقعت وخبطت رأسها على الطربيزة
عدي بصدمه بعد ما فاق لنفسه وهو بيجري عليها : كيان!! .. كيان انتي كويسه ردي عليا .. انا اسف مكنش قصدي
وكان بيمسك ايديها ورجليها بخوف وهو بيتحسسها بخوف شديد وبيتأكد انها كويسه
كيان بتبصله باستغراب على قد ما كانت متعصبه منه على قد ما كانت مستغربه تصرفاته اللي مش مفهومه بالنسبالها
كيان بجمود وهي بتبعده : خلاص يا عدي .. انا كويسه !!
عدي بخوف : بس..
كيان بنفس الجمود : ما خلاص قولتلك انا كويسه .. امشي من قدامي دلوقتي !!
عدي باسف وقلق : انتييي متأكده انك كويسه؟؟؟
كيان بحده : والله انا اللي المفروض اسألك السؤال ده .. انت متأكد انك كويس ؟ .. تصرفاتك الشيء وعكسه على طول .. انا بديت اخاف منك !!
عدي بيبصلها للحظات وهو ماسك دموعه بالعافيه : انا انااا اسف لو سببت لك حاجه .. وبيمشي بسرعه وهو بيتفادى اي حديث معاها وبيطلع
كيان باستغراب : ماله ده؟ .. انا اللي مفروض ازعل منه ولا هو ؟ .. انسان غريب !! .. الله يرحمك يا بابا
وبتزحف لحد ما توصل لشنطتها وبتطلع تليفونها وبتتصل على صحبتها
كيان بتنهد : تعاليلي في البيت وجيبي معاكي البنات .. انا محتاجالكوا جنبي.. وخلي منى تجيب معاها شنطه الإسعافات !!
كيان بتنهد : وبس ده اللي حصل!!
سمر بصدمه : هو اييييييه اللي بس؟ .. يا بنتي ده انسان مريض !! .. ارفعي عليه قضية !!
كيان بتنهد : مش هقدر اخالف بابا !!
منى وهي بطبطب عليها : ابوكي لما طلب منك ده قالك عشان يحميكي .. وانتي شايفه ان اللي عمله حمايه؟؟ = لا .. يبقى ترفعي عليه قضيه وتريحي نفسك منه ده انسان مختل و همجي !!
ريناد : انا مع البنات فعلا هو بيعاملك كده عشان شافك محتجاله .. فقال هي اللي مزقوقه وراميه نفسها عليا .. اخد اللي حيلتها وانصب عليها .. خصوصاً أن ملهاش حد !!
سمر بتأييد : ايوه يا بنتي كلام ريناد صح.. وبعدين انتي شوفتي ابوه وعمتو واولادها لما نصبوا عليه .. دي عيله و*سخة وكلهم نصابه .. بعدين مفيش اب يعمل كده في ابنه ده تلاقيه ابن حر** !!
عدي بحده من وراهم : خلصتوا تحليل فيا ؟
كيان بصدمه وهي بتلتفت وراها : عدي!!
عدي وهو بير.. مي الحاجه اللي في ايده وماسك دموعه بالعافيه : ايوة عدي يا محترمه .. ياللي ما صدقتي انو مشي وحكيتي كل حاجه لصحابك المحترمة .. وسيبتيهم بيشتموا فيه !!
سمر بزعيق : انت اللي غلطان ..
ومحتال كمان !!
سمر بتكمله وهي بترفع له سبابتها : وانا محاميهوانا بنفسي اللي هرفع عليك قضيه .. وهقف قصادك يا **** !!
عدي بيضحك بأ*لم وبيبص على كيان بخيبه : وانا هتوقع من صحابك ايه يعني اذا انتي كده ؟.. وبيلف على سمر وبيوجه كلامه ليها .. متعبيش نفسك يا محترمة انا بنفسي هبلغ على نفسي !!
وبيطلع بسرعه على بره وهو بيرزع الباب بـ قوه
كيان بصدمه وهي بتحاول تقوم تلحقه : هوا مشي؟! .. ده بجد !!
سمر بقوة : ايوة مشي ومتخافيش مش هيقدر يعملك حاجه تاني وانا هتأكد بنفسي انه يدخل الحبـ...
كيان بعصبيه : امشوا من وشي!!
سمر والبنات بصدمة : اييييييه؟!
كيان بدموع وهي بتحدف اللي جنبها عليهم : امشوا امشوااااا !!
سمر بضحكه سخريه وهي بتبص عليها بقرف : امشوا يا بنات شكل الأستاذ عداها وبقيت مريضه زيو !! .. البنات بيأيدوها وبيمشوا وهما بيشتموها وهي سامعاهم
بعد مسافه صغيره من خروجهم بتسمع خبط صغير على الباب
كيان وهي بتمسح دموعها بهدوء : مين؟!
: انا ابراهيم صاحب عدي .. دكتور .. وكان جايبني علشان اشوف رجلك !! .. ممكن ادخل؟! .. عايزك في كلمتين بخصوص عدي..
كيان وهي بتحاول تقوم بس ما بتعرفش : مش عارفه اقوم والله عشان افتح لك الباب .. ممكن تتكلم وانا سامعاك
ابراهيم بهدوء : البنات اللي خرجوا سابوه مفتوح اساسا .. انا يعني بقولك لو..
كيان وهي بتبص على هيئتها بنظره سريعه : اه ادخل ادخل
ابراهيم بيدخل وهو بيلتقط حاجات من الأرض وكانوا عبارة عن ورد وشوكولاته وحطها قدامها على الطربيزة كيان بتستغرب هما جم منين
إبراهيم بهدوء وبعض العصبيه في نبرته : انا وعدي سمعناكي وانتي بتحكي لصحابك من الاول !! .. وسمعنا كلام صحابك وشتا..يمهم اللي تدل على قلة اصلهم !! .. بصراحة دي مش شتا.. يم بنات محترمة !!
كيان بهدوء وانزعاج : وانت عايز مني ايه دلوقتي؟
إبراهيم بحدة : انا مش جاي عشانك ولا عايز منك حاجه !! .. انا جاي عشان صحبي اللي اتهان ورايح يودي نفسه في داهية بسببكم !!
كيان باستغراب : مش فاهمة وضح كلامك اكتر .. يودي نفسه في داهية ازاي؟
ابراهيم بتنهد ودموع بحزن على حاله صحبه : عدي راح لابوه عشان يديله فلوس يقدر يديهم لك عشان يطلقك .. بعد ما سمع كلام صحابك !! .. والمقابل انه يسلم نفسه ويقول انه المجر*م ورشى الناس!! .. عشان يوقعها في عمتو لأنه عايز ينتقم منها .. عشان ابوه سجل كل حاجه ليها وأنه هو اللي سايق السياره !!
كيان بصدمه : ده كله عشان شويه كلام اتقال ؟!
ابراهيم بضحكه سخريه : شويه؟ .. دول لو قالوا زياده كانوا هيكفروه !!
كيان ببعض الحدة والجمود : عدي برضو اللي غلطان هوا اللي اذاني !!
إبراهيم بزعيق : اذاكي ازاييي؟ .. ياريته لو سابك لما طلعوا عليكي شوية الشباب ولا لما كانت السيارة هتصدمك .. ده خساره فيكي التقدير والله!!
كيان بضحكه : ماهو يعني حكالك برضو عن بطولاته !! .. يبقى ايه لازمه اللوم والتمثيل دي .. هو حكالك وانا حكيت لصحابي!!
إبراهيم بهدوء وهو حاسس انه بيضيع وقت معاها : اولا.. عدي لما حكالي كان بيقولي انه حاسس بأنه غلط من ناحيتك وانك كنتي هتتعرضي لحاجات بسببه.. تانياً.. عدي لما زقك بالغلط هوا وقتها مكنش واعي.. كان بيفتكر الماضي بتاعه وكان شايفك حد تاني!!.. انا مش هقولك هوا أتعرض لايه في طفولته لأنها حاجه تخصه هوا الوحيد اللي يقدر يحكيلك.. بس هقولك أن عدي كان نادم ندم كبير وكان بيأنب نفسه!!
وبيقوم ناحية الطربيزة وهو بيرفع الحاجات اللي رفعها اول ما دخل : شايفه دول؟ .. دول عدي كان جايبهوملك عشان يعتذر منك .. وعدي استلف مبلغ من كل صحابنا وكان بيدور على شغل عشان مش عايز ياخد منك حاجه !! .. انا مش هقول اكتر من اللي قولته دلوقتي القرار في ايدك اعملي اللي انتي شايفاه صح !!
كيان بندم وتفكير وهي بتحاول تقوم : عدي هواا فين؟ .. ساعدني خدني على المكان اللي هوا فيه عشان احصله بسرعه
إبراهيم بيبتسم وهو بيطلع مفتاح العربيه : يلا بسرعه
في مكان آخر ..
عدي بجمود : اللي عندي قولتهولك !!
طه وهو بيبصله بطرف عين : وانا ايه اللي يطمن لي انك ما بتضحكش عليا .. طلع عمتك الأول وانا هطلقهالك !!
عدي بسخريه وا*لم : ليه عشان اكل المقلب مرتين؟. .. اظن ان انت عارف أخلاقي كويس يا ابويا !! .. وعارف اني مليش في الكدب والحوارات ده ..
طه وهو بيبلع ريقه بتوتر وبيبص على ولاد اخته : طب اديني مهله يومين لحد ما اجمع المبلغ اللي بتطلبه
عدي بهدوء وهو بيتنهد : ابويا انا عارف كويس معاك المبلغ ده فمفيش داعي للف والدوران .. انا همشي لو كده !!
عاصم بسرعه " ابن العمه " : استنى احنا معانا المبلغ ده وهنديهولك.. وقع هنا الأول كضمان .. يتبع
