رواية الجامحة والبدوي الفصل الحادي والعشرون 21 بقلم ميفو السلطان
وقف جواد ينظر الي سهيله ساخرا لتهتف تاخد حقك ازاي يا جواد انا موافقه علي اي ترضيه ليك بس تصدقني..
ليضحك هو بصوت عالي… تصدقي كنت هبقي غبي لو سبتك وفقدت المتعه اللي ناوي اعملها لا انا كان عقلي فين اني اسيبك تمشي كده من غير ماخد حقي.
لتهتف بقهر… جواد ارجوك حس بيا انا كنت هسيب الدنيا واهرب واطفش بس وعدي لامي رجعني.
ليضحك… وانا بقه تقوليلي الكلام ده اصدقك صح.. طب اسمعي بقه يا هانم.. انت من هنا ورايح ماهتخرجيش من البيت ده هتقعدي فيه بيتك بيت الزوجيه محبوسه مالكيش حد وتقولي حاضر وطيب.
لتبهت… عايز تحبسني يا جواد وتذلني.
ليهتف بسخريه…. مش انت االي جيتي برجليكي مانا كت رميتك اشربي بقه واحده اترمت واتهانت وراجعه تاني. اقولها لا قابلي بقه.
لتهتف…. انت ازاي بقيت كده جواد انت بتحبني وموجوع انا عارفه وهصبر عليك بس ترجع زي ما كنت
ليضحك بعلو صوته…. ارجع زي ما كنت اهبل صح بجري ورا واحده ماشيه بالجوز متجوزه واحد وبتتحضن من واحد. ميفو ميفو
لتصرخ… والله ما حصل. كريم تاب ويقلك علي كل حاجه.
ليضحك… لا والله دا ايه المسخره دي متفقه معاه يجي يقول ايه هاه.. هيقول ماكتش بلبص في جسمها كنتو بتعملو ايه قولي.. دا قالي هنتجوز بلسانه. وانا لو عملتي ايه مش هصدقك بس لازم اخد حقي الاول انت هتعيشي هنا معايا انا ومراتي واللي اقوله يتنفذ.
لتصرخ…. انت اتجننت مرات مين اللي اعيش معاها.. لا انت فاكر عشان بحبك هتذل ليك. جواد اعقل كده انا سهيله مش اي حد والا نسيت مش سهيله اللي تسكت وتتذل.
ليهتف بقوه…. ايوه هتتذلي ايوه يا سهيله هتعملي كل اللي اقول عليه.
لتصرخ.. طب تصدق اني غلطانه.. بس فعلا هيا قصه وخلصت جواد.. انسي ان سهيله تنذل ليك حتي لو بحبك انا قويه كفايه اني اقفلك.
ليهتف بسخريه.. مش لما تقدري عليا..
لتقول.. وانا ايه اللي يجبرني.انت مجنون.
ليضحك اقولك ايه.. الصور لما كتي في حضني هروح بيها لجدك وهنكر انك مراتي واقلهم اني نمت معاكي وساعتها الصور هتتوزع عالعيله المصونه وجايز جدك يروح فيها يبقي امك و َجدك.
لتتجمد مكانها لتهتف…. هتفضحني يا جواد هتفضح مراتك.
ليهتف…. لا عيب انت اللي فضحتي نفسك مش انا. انت اللي رخصتي نفسك انا رد فعل لوساخة الهانم.
لتحاول اخيرا معه…. والله مظلومه حرام عليك بقه. ميفو ميفو
ليصرخ…. مظلومه يا قادره دا لو كان حد بلغ عنكو كتو هتتاخدو اداب يا زباله. بت انت اسمعي تروحي دلوقتي وهاجي اخدك من بيت جدك تعيشي هنا هنكتب الكتاب ونقول امك لسه ميته واللي جاي ماتساليش فيه فاهمه يا قطه.
لتنظر اليه بقهر ووجع لتهتف…. انت بتوجعني اوي انت بتموت حبك جوايا.
ليهتف…. بجد معلش يا ستي كريم موجود ابقي عيشي علي حبه اسمعي بالليل هاجي وتفهمي جدك انك اخرنا اسبوع نتجوز فيه فاهمه عشان تشرفي بيتك يا عروسه وتنولي رضايا دانت هتشوفي ايام حب هتكرهك في عيشتك وتتمني الموت انك لعبتي مع جواد.
لتظل تنظر اليه بقهر وتهتف…. حاضر يا جواد بيه بس هيجي يوم وتعرف اني حبيتك واني اتظلمت بس هيكون حبك مات جوايا. بس بقلك لو حبك مات جوايا انسي انك تلاقي سهيله تاني. واستدارت والقهر ياكلها وتركته وذهبت وجلس هو الهم ياكله علي منظرها وشحوبها لينهر نفسه ويهتف….. خد حقك خد حقك واخلع قلبها وذلها مش جواد التركي اللي مراته تمرمغ شرفه.
عند رودينه ظل حمزه يلهبها عشقا واصر ان ياخذها للعمل معه وكان يلاطفها ويدللها حتي تحس انه امانها وسندها كان يسقيها من حبه ويفيض عليها حتي امتلات وشبعت من ذلك العشق لياتي يوما كانت مرهقه من العمل ليدخلا لتاخذ شور وتلبس برنسها وتخرج اليه تحضر معه الطعام فهما في الغالب يشتريان اكلا مجهزا ليحتضنها ويهتف…. اقعد يا قمر انت وانا هحضر كل حاجه. لتتنهد هيا بحزن ليهتف… ليه طيب القمر ماله كده
لتهمس…. حمزه انا مقصره معاك بشتغل وبتعب ومش مدياك زي ما بتديني وكل يوم اكل من بره ايه في جواز كده.
ليضحك ويديرها ويحتضنها…. هو انا كنت اشتكيت يا قلب حمزه.
لتهتف بتذمر…. وانا هستني تشتكي لا خلاص انا ما عتش هروح الشغل.
ليحس براحه داخليه ويتنهد ليهتف…. انا مش عايز تنجبري لو عايزه اجبلك واحده تساعدك وتعمل شغل البيت.
لتهتف…. لا خلاص انا تعبت بقه من الشغل وبرجع هلكانه وعايزه انام داحنا مابنسهرش خالص ودقيقه وبسورق للصبح.
ليضحك… انت اللي خفيفه اعملك ايه.
لتخبطه… لا والله دا جزاتي اني عايزه افوقلك.
ليحتضنها.. اوبا بقه حقه والنبي هتفوقيلي هتفوقيلي ازاي يا قلب حمزه.
لتبتسم بخجل.. يعني ادلعك مش جوزي.
ليهتف.. يا لهوي يامه تدلعيني لا والنبي حمزه هيدلع من القمر ده.. دا يبقي يوم الهنا. ميفو ميفو
لترفع يدها وتلفها حول رقبته… مانت حبيبي ومهنيني تستحق تدلع واقعد احب فيك كتير.
ليبتسم ببلاهه.. والنبي ايه حبيبي هيحب فيا وانا ايه طوبه هقعد اهبل تعملي مابدالك. لتقطب جبينها… ايه ده مش عايز خلاص بلاش واستدارت.
ليشدها لتقع في حضنه هو ايه اللي مش عايز دانا هموت وعايز ووالع وهشدد وهطرشق مش كفايه بقه هفطس كده.
لتهمس…. كفايه ايه
ليبتسم ويغمز لها… عايز القمر هموت عليه
لتبعده وتهتف… بطل قله ادب اوعي يلا ناكل انا تعبانه وذهبت لتفرد الاكل وهو يتاملها وهيئتها طاغيه لتحضر الطعام وتجلس بجواره لينفتح برنسها قليلا ليتنهد ليهتف طب ممكن بقه تقومي تلبسي حاجه والله ما مستحمل ههجم عليكي ازعلك واخلص عليكي في ايدي.
لتخجل وترتبك وتهب مبتعده… ايه يا حمزه قله ادبك دي الله وتتركه هاربه لتلبس
ليهتف… قله ادبي.. اطفحها البعيده دانا شققت وشددت وجتتي قلبت جلده حنفيه مجلده اروح فين بالولعه اللي هتخلص عليا مش كفايه بقه دانا ما بقيتش سند كده دانا بقيت مسند كنبه رجل كنبه مشقق ومخشب يا رب الصبر ليجدها تأتي وتلبس بيجاما شورت بحمالات ليهتف.. تعالي يا قلبي كملي ولعه فيا تعالي البت دي هتجيب اجلي لتجلس بجواره وتهتف ارتاحت كده.
لتصدح ضحكته.. تصدقي انك هبله يا قلبي. ميفو ميفو
لتقطب جبينها…. انا هبله يا حمزه مش هتبطل بقه.
لياخذ قطعه من اللحم ويضعها في فمها ويقبلها ويهتف…. احلي هبله في الدنيا.. يا بت ارحمي امي تعبت.
لتهتف.. تعبت من ايه انا جيت جنبك كل كل وبطل بقه.
ليهز راسه…. مانا قلت هبله وربنا بس كفايه عليا كده انا هدوس تسورق بقه هيا حره واخدها واشبع انا قلبي شقق وربنا وهقلب اهبل ليظلا ياكلا وهو يلهبها بنظراته لترتبك هيا وتشتعل ليمر الوقت ولم تعد تحتمل نظراته لتقوم وتبتعد وتفتح التلفاز وتجلس امامه لياتي ويلتصق بها ويضمها اليه ويقبل راسها لتبدا في الاسترخاء.
ليهمس…. والنبي ماتنامي يا رودي
لترفع عيونها وتهمس…. اعمل ايه مش قادره من بكره هنسهر مع بعض انا هبطل شغل ماعتش قادره وتندس في احضانه وتغط في نوم عميق.
ليظل هو جالسا لفتره يتنهد من غلبه ويمسد علي جسدها.. ليحملها اخيرا ويذهب بها للفراش ويندس بجوارها ليحتضنها ليهمس بحبك يا مشقلبه حالي.. هدوس وتسحسح امتي يا حزين البت راشقه في حضنك كل ليله لما شققت.. بس عسليتي تعمل ما بدالها وقلبي هيبطل شغل ويدلعني.. يا لهوك يا حمزه هتدلع لما تفطس وتدور وتخلص عليها.. من بكره يا جامد انت يا مز هتبقي ليا والله لو ايه ليشدد عليها ويتنهد وينام
اما كريم فبعد ما حدث اصبح بائسا حزينا الهم ينهش قلبه لا يخرج من حجرته لتدخل عليه امه وتصرخ.. ايه هتفضل قاعد زي خيبتها كده ايه هتفضل تنعي الهانم وتنعي بختك. ماتفوق لحالك بنت امينه عملالك عمل.
ليصرخ ويهتف… بطلي بقه بطلي بنت امينه امينه. امينه ماتت وانا السبب امينه طول عمرها ست محترمه واحنا اللي زباله ربت انضف البنات وانت ربيتي زباله..
لتصرخ…. انت اتجننت.
ليهتف ايوه…. اتجننت من زبالتي وقرفي ووساختي موت الوليه وحرقت قلب البت تعيش عمرها لوحدها.
لتهتف ماتقعد وتتجوزك هيا تطول.
ليهتف بقهر… انا اللي ماطولش انا اللي زباله ووسخ انا اللي ماهوردش علي جنه انا اللي عايش عذاب الدنيا انا اللي موت الوليه الغلبانه وقهرت بنات عمي انا اللي قضيت علي سهيله وحياتها بسببي انا ابنك الزباله افرحي بيه.
لتهتف…. بطل كلامك ده نعملها ايه يعني هيا حره.
ليهتف… صحيح نعملها ايه نسيبها مقهوره متحطمه مش دا اللي يفرحك سيبيني بقهري سيبيني بقه ربنا ياخدني عاللي عملته اجوز مين انت مابتشوفيش ليقوم بصي لوشي بصي واتملي ابنك وعقاب ربنا بصي ايه غلك ده انا فعلا تربيتك تربيه المره. ليصرخ سيبيني مش عايز اشوف حد. لتتركه والدته ساخطه فهو اصبح منزويا بشكل رهيب ياكل نفسه من ذنبه الذي فعله.
دخل حمزه ليجد رودينه تقف في المطبخ تعد الطعام ليقترب منها ويحتضنها ويقبل رقبتها ليهمس… وحشتيني
لتهتف… وانت كمان يا قلبي لتقول ثواني والاكل يكون جاهز عالسفره.
ليشدها اليه…. طب قبل الاكل عايز اكل حاجه تانيه
لتهتف…. تاكل ايه
ليغمز لها ويشير علي شفتيها لتخجل بشده وتحاول ان تبتعد ليهتف….. لا والله دانا لازم احلي الاول وشدها اليه وظل يقبلها بشده وهيا تحتضنه وتتقبل قبلاته بهيام وحب ليبتعد اخيرا ويهمس.. بحبك يا واخده قلبي لتبتسم وتهتف طب هجهز الاكل علي ماتغير اوعي بقه يلا ودفعته.
ليهتف والله دا غلب مش كفايه كده بقه حد يرحمني.. ليمر الوقت ويخرج ليجدها تضع الطعام منسقا ووضعت الشموع واضائتها وقفلت النور لتقترب وتقبله وتهمس دقيقه وجايالك ليجلس سعيدا منتظرها لتدخل وتلبس فستانا قصيرا ابيض بنقوش ورديه عاري الصدر والكتفين وترفع شعرها وتضع سلسال رقيق حول رقبتها وتضع بعض اللمسات الساحره من المكياج لتظهر خلابه لتقف امام المراه يرجف قلبها فمنظرها رائع لتخرج والخجل يمزقها. ليرفع حمزه نظره ليتوقف قلبه ويضخ الدماء دفعه وتجده يقف ويطلق صفيرا عاليا لتحمر بشده ليتلفت حوله ويهتف ايه هو انا دخلت الجنه يا قلبك يا حمزه ليقترب منها ويمسك يدها ويلفها وهيا تدور بخجل ليشدها اليه ايه الحلاوه دي هو الدلع هيبقي كده دانا كده هفطس ومش هلحق ادلع.
لتهمس…. بطل بقه ماتكسفنيش.
ليقول بهيام… اكسفك ايه. بس قمر يا بنت الايه حبيبي مز وانا نفسي امز كتير عليا كده.
لتقترب منه وتحتضنه…. انا بحبك اوي يا ميزو انت بجد جميل خالص
ليبتسم.. جميل خالص انا يتقال عليا كده اعمل ايه في قلبي عسليه والله.
لتهمس… ربنا يخليك ليا بجد محسسني اني الدنيا عندك وانا مش عارفه اعملك ايه
ليشدها ويهمس… انت بس تبصيلي بعين الرضا بس مش عايز حاجه تانيه عايزك مبسوطه وسعيده.
لتحتضنه وتلتصق به ليهمس رودينه
لتهمس وهيا في حضنه امممم
ليقول… كتير عليا والله مش قادر وانت قمر كده..
لتبتعد…. بس بس يلا بقه بطل دلع عشان ناكل
ليهتف بغلب…. يلا ناكل اما اشوف هعرف ابلع من اساسه ليظلا ياكلان وهو يشاكسها حتي انتهيا من الطعام ليقوما ويغتسلا وتلم الطعام وهو يساعدها لتذهب الي الكاسيت وتشغل موسيقي هاديه وتقترب منه وتقف بخجل ليبتسم ويشدها اليه ويظلا يهيمان ببعضهما وهو يدور بها ليبتسم كل حين ويقبل راسها حتي انتهت الموسيقي وهيا في احضانه ليمر الوقت وتبتعد خجوله ليهتف بوله راحه فين وسيباني
لتهتف…. ايه هفتح فيلم
ليبتسم بخبث… فيلم ايه داحنا في احلي فيلم تعالي بس نعمل فيلم لواحدنا وذهب الي الكاسيت وشغل احد الموسيقي الراقصه واقترب منها ومسك يدها وبدا يديرها لتخجل في البدايه ثم تتمايل وتندمج معه وتبدا في الرقص بدلع وهو يتلمسها بيديه واصبح مشتعلا بهيئتها المهلكه لقلبه ليقترب منها ويشدها اليه ويحملها ويدور بها ويهمس بحبك قلبي والله هينفجر من جمال حبيبي.
لتبتسم وتهمس وانا كمان بعشقك ليقبلها ويشدد عليها ويهمس مش قادر مش كفايه غلب بقه.
لتهمس… غلب ايه اخص عليك.
ليهتف ماهو دلعك ده مالوش اخر هو انا خشبه يا قلب ميزو.
لتبتسم وتدفعه بطل يلا عشان هنسهر بقه محضرالك تسالي وفيلم روعه.
ليقترب منها ويهمس مش عايز افلام عايز حبيبي محصور وربنا كفايه بقه
لتهمس…. بطل قله ادب الله وذهبت لتفتح التلفاز ليتنهد ويجلس علي الكنبه وتذهب اليه لتجلس بجواره ليشدها تجلس علي قدميه لتبتسم وتحتضنه وتنام في حضنه وهو يداعبها ويتلمس جسدها ولا يركز اساسا فيما يعرض ليهمس لها.. بحبك اعمل ايه
لترفع عيونها وتهمس…. ماتعملش حاجه حبني وبس
ليقترب من وجهها لا والنبي مش قادر بجمالك ده واقترب من وجهها يتلمسه لتتوه للحظه ليهمس حمزه خلاص سلم حبيبي قمر والله قمر ليهيم بها وينزل عليها يشبع بها من كويه قلبه وهو يشدها اليه وهيا تذوب و لم يستطع ان يحتمل ليحملها وهو لا يتركها حتي لا تتوه لحظتهما وتعترض علي قربه ويدخل بها حجرتهم ويريحها علي الفراش ويتوه معها في عشق ما بعده عشق وهيا مغيبه تستجيب له وهيا معطاءه حتي هلكا معا في وصله من العشق لتنام اخيرا بين يديه وقد اصبحت زوجته وهو مشدد عليها تغمره سعاده طاغيه انه اخيرا امتلك حبيبته وامتلك قلبها واعطاها من السعاده ماجعلها تامن له ولجانبه بعد ان اخطا وافقدها ذلك الامان ليعود محبا طائعا عاشقا لتلك الجميله الحنونه ذو القلب الطيب. ميفو ميفو
رجعت سهيله الي البيت وتحدثت مع جدها وافهمته رغبه جواد في الزواج بها وانه ذو مكانه عاليه ووسط محترم لينسعد الجد ويطمئن عليها لتخبره عن رغبه جواد في الزواج وان كل شئ جاهز وانها لن تقيم شيئا نظرا لظروف امها لتعترض جدتها في البدايه ولكنها اقنعتهم انها اصبحت وحيده وانها تحتاجه بجوارها ليمتثل الجد والجده وينتشر الخبر وتسعد رودينه لاختها وتصعد ام كريم الي كريم..
قوم يا معدول ياللي بتنعي بختك البت هتتجوز لينسعد كريم ظنا منه انها تصالحت مع جواد َحاول اكثر من مره ان يتكلم معها ولكنها كانت تنهره بشده ليهتف بجد يا أمي هتتجوز جواد ليذهب ويجلس ودموعه تنهمر الحمد لله يا رب اتصالحو..
لتهتف امه.. ايه مش هتنزل برضه.
ليهتف.. انزل.. بس يا أمي سيبيني خلاص كريم مات.. انا حبيت غلطت واهي راحت ربنا يسعدها انا ماهطلعش قدامها تاني جايز اكفر عن ذنبي اللي بيحرقني.
لتمصمص امه شفتيها وتتركه
لتمر الايام وياتي ميعاد كتب الكتاب ويتم ذلك في جو اسري بسيط كانت سهيله تلبس فستان اسود بسيط رقيق تبدو جميلة ولكن الحزن يمزقها فهيا ليست عروس ولن تمر بفرحه العروس ليتم الزواج. ليقترب الجد ويحتضنها… اخيرا هتبقي مع حد يصونك هموت وانا مطمن.
لتحتضنها وتنزل دمعه من عينها… ماتقلش كده يا جدي انت اللي فاضلي.
لياخذها ويمسك يد جواد.. لا يا حبيبتي. ده اللي فاضلك مطمن انك معاه شايف في عيونه انه هيشيل بعيونه.
لتحس بقهر ليقترب جواد ويحتضنها ويقبل يدها ليهتف.. اطمن يا جدي هتبقي في عيوني وانا عيوني اللي تخشه ماتطلع منه. ليضغط علي وسطها لتنزل دمعه من عينها. لتمسحها بسرعه.. لياخذها ويجلسا ليحتضنها لتتنهد وتنام علي كتفه لا تبالي تحس بحنان المؤقت كان الكل سعيدا وحمزه ورودينه يقودان الحديث وهناك من جلسا لا يحسان الا بعضهما فجواد أنفاسه تذبحه بذلك القرب وذلك الحنان الذي خرج منه عنوه يقتنص بعض المشاعر كان يحتضنها ويقبل راسها كل حين كانت يداه تتلمس يدها ويقبلها ويده الاخري تداعب وسطها بحنان وكل حين يضمها اليه كانت تحس انها تريد أن تنهار. ليرفع وجهها ليهمس ماتسكتيش كده انا مش هقلك هنا.
لتتنهد وتنام علي صدره لتهمس عارفه انك هتقتلني واهوه ليك عشان حبنا يموت بهدوء لتضع يدها علي قلبه.. كان ده هيبقي اسعد يوم ليا مع قلبك ده.. بس يومي انتهي لحد كده يا جواد مات كل حاجه.
ليشعر بقهر ووجع ليهتف بعلو صوته.. مش تسأل سهيله يا جدي انا خليتها تحبني ازاي عشان تعرف ان ابنك مش سهل.
لتهتف رودينه بسعاده.. اللي خليت سهيله تحبه يبقي ولد ماجبتوش ولاده احكي يا سو.
لتبتلع ريقها ليهتف الجد.. ايه يا سهيله اظن ماعتش كسوف انك تظهري مشاعرك.
لتبتسم وتحني راسها وتفكر لتضحك ضحكه بسيطه وتهتف.. لا اخبي ايه يا جدي ماكل حاجه واضحه اللي انا فيه ده كله عشان عشان.. لتنظر الي جواد عشان حبيت ليرتجف جسمه لتشعر به لتهمس.. سهيله يا جدي كانت عايشه ميته ماتعرفش اصلا يعني ايه مشاعر لتمسك يد جواد.. بس جه جواد وعلمني يعني ايه حب دوقت الحب علي ايديه لتدمع عيونها..😔😔😔😔
ليهتف الجد.. وجه النصيب وهيبقي احلي نصيب يا حبيبتي.
لتبتسم بسخريه.. اه يا جدي جه النصيب نصيبي في الدنيا اللي انا عارفه آخرته ايه لتصمت ليشدها جواد لتهمس.. نصيبي اللي انقطع وبقيت فيه لوحدي تاني. ميفو ميفو
ليهتف.. انكتمي بقه.
لتضحك.. ايه مش متحمل كلامي والا عايز تتباهي بحبي ليك وخلاص قدام الناس.. انا قلت اللي عايزه بس اللي في قلبي كتير يا جواد. قلبي اللي عمال ينزف وانت بتشرط فيه قلبي اللي حبك بيروح منه.
لينفعل ويهتف اخرسي بقه.
لتهمس وتنظر اليه.. جواد.. لينظر اليها.. لتبتسم.. هيجي يوم وهبصلك وافرح انك مش في قلبي.
ليشعر انه سيقتلها ليهب ويقوم يستأذن وياتي ميعاد الرحيل لتسلم علي الكل لياخذها جواد من يدها ويرحل بها الي الفيلا ليدخل بها لتنصدم عندما تجد سالي جالسه في هول الفيلا تتفرج علي التلفاز وتلبس قميصا مكشوفا لتدخل والقهر يتلبسها ليدخل بها ومعها حقيبتها حتي لم يكلف نفسه عناء شيلها عنها ليدخل ويتجاهل وجودها ويذهب لسالي ويقبلها من شفتيها ليهتف وحشتيني لتقوم سالي بدلع وانت كمان يا روحي.. لتهتف الله انت جبتها برضه.. والله يا دودي انت دماغك ناشفه.
لتنظر اليهم سهيله بقهر وتهتف.. ممكن توديني قوضتي.
ليستدير جواد وينده الخدم ويهتف طلعي المدام قوضتها وطلعيلها اكل هتاكل في اوضتها انهارده والاوامر ليها تتاخد مني يلا
لتظل واقفه تنظر اليهم بحسره لتجر حقيبتها بقهر وتصعد الي حجرتها وما ان دخلت حتي انهارت من البكاء وقلبها يموت حيا.. اروح فين اعمل ايه هتجنن مش قادره ايه الذل ده يا ربي ليه كده عملت ايه لتظل تنتحب لتفتح تليفونها وتشتكيه له في رسائلها وتهمس له بمدي وجعها لتغلق تليفونها وهيا منهاره لتصعد اليها الخادمه وتحضر لها الطعام لتشكرها ولكنها لم تلمسه لتقوم وتلبس قميصا بيتيا مريحا لتذهب الي الاريكه وتجلس عليها.. طب وبعدين هتستحملي ذله ليكي لحد امتي هو انقلب بقي جاحد وانا قلبي هيموتني لا ومراته قاعده ست البيت وانت تاكلي لوحدك ذي الكلاب.. يا ريتني ماجيتلك تاني كنت هربت ومشيت. سافرت بس انا وعدت امي. اعمل ايه اقفله. بس هيوري الصور لجدي وجدي بعد امي تعب خالص ماتحملش يروح من دنيتي اعمل ايه. لتتنهد.. انت قويه اهدي اصبري جايز يعقل او اصبري جايز حبك يروح ساعتها هترجعي زي ماكنتي ماتوريهوش انك ضعيفه. لتحس بوجع بس انا ضعيفه فعلا يا رب ارحمني برحمتك.
ليمر الوقت لتسمع ضحكات قريبه لجواد وسالي وتعلم انهم صعدو حجرتهم لتشعر بموت في داخلها.. خلاص اقعدي اتحسري بقه طول عمرك وهو هيعيش يذل فيكي وانت بتحبي فيه اتذليتي علي اخر الزمن يا بنت امينه كنتي قافله علي قلبك وجه هو ودخل قلبك غصب ورجع شقه نصين.. لتظل تفكر في حياتها القادمه ليمر الوقت لتتعب بشده وتتجه الي الفراش لتنام وكان الوقت متاخرا.
لتنصدم عندما فتح جواد الباب ودخل عليها بهيئته وطلته الرائعه كان يلبس ملابس بيتيه مريحه لتجده يقترب منها ويهتف.. ازيك يا عروسه.
لتنظر اليه بقهر ولم ترد ليقترب منها ويهتف ايه مش عروسه برضه وضحك ساخرا.
لتهتف بسخريه.. جاي ليه يا جواد مش خلاص جبتني وحبستني ونازل ذل فيا ايه ماكفاك.
ليضحك… لا يكفيني ايه دانا لسه ماتمزجتش.
لتقطب جبينها وتهتف… نعم يا اخويا.
ليضحك عاليا ويقترب منها بخبث ويهتف اصل مراتي بصراحه نامت وانا ليا مزاج لحته طريه وانت اهوه ببلاش نمز شويه ماهو عيب برضه اشوفك بحاجه زي كريم.
لتنصعق من وقاحته لتنظر اليه بقهر وغضب شديد…. اسمع بقه ان كت فاكر اني هسكتلك يبقي بتحلم. انا اه جيت تحت درسك بس اخرك حدود القوضه دي مالكش حاجه عندي انا ماكتش متخيله انك بقيت كده وفعلا ندمانه اني رجعتلك بس تصدق سعيده اني رجعت عشان كنت هعيش بوجعي احبك وابكيك العمر كله انما دلوقتي انت بتقتل الحب ده برافو بجد شابو ليك فعلا. سعيده بجد وانا شايفاك بتخط اول سطر في موت سهيله اللي انت عملتها.. سهيله بتستعيد نفسها واحده واحده كمل كمل رجعني لنفسي.
ليهتف بسخريه.. كلام كبير وانا دماغي بتوجعني يلا يا شاطره الليله ليلتك وانا ماهسيبش حاجه زي دي عشان تعرفي انك رخيصه وانك رخصتي نفسك وانك عملتي كده في حالك ليقترب منها ويشدها.
لتصرخ وتهتف والله لو قربت لاطين عيشتك احترم نفسك انت فاكرني هسكتلك.
ليشدد عليها ويركنها علي الحائط ويضحك عاليا…. وريني هتعملي ايه كده لتحاول ان تفلت منه.
لتهتف…. والله لو علي موتي ما هتلمسني يا جواد.
ليهتف…. ماتبقيش متاكده كده دانا جواد والا نسيتي الخيمه ازاي جبتك في حضني انت عايزاني وسهل اوي اجيبك.
لتهتف بوجع… تجبني… ياه تصدق فعلا انك كان ممكن تجبني بسهوله بس عارف لو انطبقت السما عالارض مش هتجبني. ليقترب ويحاول ان يلمسها ويقربها لتدفعه وتنظر اليه بقرف..
لتضحك… انت متأكد انك تعرف تجبني. بجد انت غلبان قوي. لتقترب منه وتهتف كان ينفع انجاب بسهوله لما كان فيه في عيونك حنيه لما كان فيه جواد. بس بصراحه مش لاقياه واحد ميت قدامي من غير قلب انا اللي واجعني مش تصرفاتك لا اللي واجعني نظره عيونك اللي كان فيها حنيه الدنيا. راحت خلاص جاي تقلي خيمه واجيبك طب هات نفسك الاول وادور هاتني ساعتها هاجي واحب اجي. بس انت اللي يجي معاك دلوقتي ينذل ومش سهيله بنت عصام اللي تنذل ليك او لغيرك. جاي ليه يا بجاحتك
ليهتف ساخرا.. مش انت اللي جيتيلي اهوه اخد اللي عرضتيه.
لتضحك ساخره.. انا ماعرضتش قرف لقرف. اه بصلي كويس.. جيتلك كنت مفكره ان الوهم اللي عيشته هكمل فيه. بس الحمد لله الوهم راح وفقت فوقت يا جواد علي كدبه كبيره. علي فكره انا مش زعلانه اني جيت خالص. بالعكس سعيده لتخبط علي قلبها.. سعيده أن ده هيفوق ويخف.
ليحس بقهر من كلامها لينفعل ويهجم عليها.. بقي عايزه تخفي بقي عايزه تخرجي من الوهم ليشدها انا بقه لا يهمني ده ولا ده انا كل اللي يهمني اخد اللي عاوزه ليشدها.
لتقاومه وتهتف لما روحك تطلع ماهتطولتيش انا مش رخيصه بدي جسمي لواحد ميت. ليهتاج ويشدها
ليقترب من شفتيها لتقوم بضربه براسها في انفه ليترنح قليلا ويصاب بالدوار لتفلت منه وتهرب الي الحمام وتغلق علي نفسها وتظل قابعه ترتعب لفتره لتحس انه ذهب لتجلس تنهج بشده لتصاب بالذعر مره اخري عندما..
يتبع…
