رواية ملكت قلبي الفصل السادس عشر 16 بقلم ايمان احمد
آسر بهدوء مخيف: الاول هقولكم مين السبب فى حالتى دى يلا يامليكة تبدأى ياحبيبتي ولا ابدأ انا
مليكة باارتباك: ابدأ ايه؟ وبعدين ايه حبيبتى دى
مديحة: يابنتى اتلاقى آسر بيهزر معاكى مش كدة ياآسر يابنى
آسر: لا ياطنط انا مش بهزر بنتك صلطت اربع شباب عليا استكتروا عليا وضربو*نى
والدة آسر بصدمة: معقول انتى يامليكة يطلع منك كل ده
آسر: يرضيكى الل حصل ياطنط
مديحة وهيا بتبص لمليكة بحدة: معلش يابنى حقك عليا انا
آسر بمرح: اقولكم بقى على الحاجة التانية
بصوا كلهم بتركيز فقال آسر
=انا عايز اخطب بنتك مليكة ياطنط
مديحة بصدمة: انت بتقول ايه ياآسر يابنى
آسر بمكر : هو حد قايل على مليكة؟؟
مديحة: لا بس يعنى اصلكم مش باين عليكم متافهمين وو
قاطعتها والدة آسر باابتسامة
=العيال باين عليهم بيحبوا بعض
قاسم بمرح: ايوا ماما معاها حق هما يبان انهم مش بيطي*قوا بعض لكن هما بيحبوا بعض جدا
مى بفرحة: يبقى نحدد موعد خطوبتهم
آسر بتفكير: نخليها نفس يوم خطوبتكم ونعمل حفلة بسيطة
والدة آسر بمرح: فكررة حلوة
مليكة: بسسسسسس
سكت الكل مرة واحدة وبعدها قالت والدة آسر بلوم
=اهو نسينا نسأل عن رأى العروسة وشكلها زعلت مننا... ايه رأيك ياعروسة
مليكة بحدة: انا مش موافقة على آسر ولو هو آخر واحد فى الدنيا عمرى ماهوافق عليه
سابتهم مليكة تحت صدمتهم ومشيت
مديحة بااحراج: بت يامليكة انت يابت
والدة آسر: خلاص متضغطيش على البنت.. احنا هنقوم نمشى دلوقتي وهنستنى رأى مليكة اما تكون هديت شكلها مضايقة اوى من آسر
قاموا عشان يمشوا فوقفتهم مى
مى بلهفة: طب وخطوبتى انا وقاسم
كان قاسم هيرد بس بصتله والدته بحدة فسكت
والدة آسر: هنحددها اما مليكة تقول رأيها
بعدها مشيوا
مى بزعل: يعنى لو ملكية موافقتش يبقى مفيش خطوبة ليا انا كمان
دخلت مى جرى عند اختها
مى برجاء: مليكة وافقى على آسر عشان خاطري... مليكة لو بتحبينى وافقى انا مش عايزة انخطب لحد غير قاسم
مليكة باانفعال: وايه علاقة موافقتى بعلاقتك انتى وقاسم
مى بزعل: مامة قاسم محددتش موعد للخطوبة بتاعتى انا وهو وقالت اما انتى تقولى رأيك الاول
مليكة بسخرية: طلعت ولية مش سهلة زى ابنها.... مهما عملوا انا برضو عمرى ماهوافق
مى باانفعال: حرام عليكي ياشيخة انا ماصدقت ان واحد غنى اتقدملى وبسبب عنادك هخسره
دخلت مديحة عليهم بزعل وقالت
=ام روضة دعتنا لخطوبة بنتها بكرة
مليكة ومى بصدمة: ايه!!
مديكة بقهر: انا لحد دلوقتي مقدرتش اقول لاخوكم ان خطيبته بعتت الدهب وفسخت الخطوبة عشان تنخطب لواحد غنى ياقلب امك ياحبيبي بقاله سنين فى الغربة عشان خاطر الل ماتتسمى وفى الاخر سابته ومتمرش فيها الل ابنى عمله عشانها
مى: انا مش شايفة انها عملت حاجة غلط الفقر وحش ياماما
مديحة بزعيق: روحى يابت انتى من وشى
= ياأهلا بحضرة الظابط
فهد بهدوء: حاتم بيه انا...
حاتم: اول حاجة حمد لله على سلامتك اما قالولى انك انصابت بطلقة افتكرت انك كشفت عن المتهمين وحصل اشتباك بينهم...
كمل بسخرية: لكن للاسف اتفاجأت ان الطلقة بسبب قصة حبك مع البنت بتاعة الجامعه
فهد: ياحاتم بيه اسمع..
حاتم بمقاعطة: مش دى برضو نفس البنت حبيبة آسر النصرواى ابن عز تاجر المخدرات
بصله فهد باستغراب
فقال حاتم: متستغربش انا عارف كل حاجة ياحضرة الظابط
فهد بوعيد: يبقى اياد الل قالك
حاتم: مش مهم مين الل قالى المهم اننا عايزين نركز على شغلنا ونعرف العيال الل بدخل الممنوعات الجامعه
... صحيح البنت الل اسمها سيلا طلعت مدمنة مخدرا*ت
فهد: وهيا فين دلوقتي
حاتم: اتحولت للمصحة تتعالج....صحيح عايزك تهتم بريهام شوية
فهد بحدة: بنتك بنتك بتبوظلى كل خططى
صباحا فى الجامعه
اول مامليكة وصلت لقت البنات بيضحكوا عليها
اتجاهلتهم مليكة ومشيت بس وقفتها ريهام
ريهام : خدى يامليكة
مليكة بااستغراب: ايه ده؟
ريهام بمرح: كارت دعوة على فرحى انا وفهد
حست مليكة كأن قلبها وقف وحست ان الدنيا بتلف حواليها
شهاب بسخرية:هو مش فهد لسة من يومين كان بيقول ان بيعشق مليكة ازاى فى يوم وليلة حب واحدة تانية وخطبها لا وكمان هيجوزوا هههه
قالت بنت: ياعينى على حظك يامليكة ده انا لو مكانها اشوف مكان ادفن نفسى فيه احسن
ضحك الكل بصوت عالى وبدون توقف
بس اول ماشافوا فهد مقرب عليهم سكتوا كلهم بخوف
لاحظ فهد شحوب وجه مليكة وكانت بتغمض عنيها لحظة وفقدت مليكة توازنها
فهد بخوف عليها: ملييكة
