رواية شمسي وقمري الفصل الرابع عشر 14 بقلم زهرة الربيع
14
راغب وقف وهو مش قادر يتحرك من الصدمه واتقدم عليها ببطأ والدموع في عنيه وقال...ش شمس
شمس بصتلو باستغراب وقالت..لا .قمر..قمر يونس حضرتك
بس راغب كأنو مش سامعها قرب منها وحط اديه على خدودها ببطأ وهو مش مصدق انو شايفها وبيحاول يتأكد من وجودها
شمس بلعت ريقه وقالت في نفسها..مجنون ده ولا ايه وبعدت اديه براحه وبعدت وقالت بحده...فيه حاجه يا باشمهندس
راغب نزلت دموعو بغزاره وهو مبتسم وقلبو بيدق بسرعه وقال...شمس ..كنتي فين...وحشتيني اوي..اوي انا ..انا دورت عليكي في كل حته..مسبتش مكان في مصر كلها...انا..انا مش مصدق انك قدامي
شمس كانت بتسمعو باستغراب كانت للحظه فرحت انو ممكن يكون حد من عيلتها بس بعد كده افتكرت كلام عاصم اكتر شخص بتوثق فيه لما قالها انها يتيمه متربيه في ملجأ نفضت اي افكار من دماغها وقالت بضيق..حضرتك غلطان انا اسمي قمر يونس تمام وواضح انك مش حابب اني اشتغل هنا عن اءنك
شمس لسه هتمشي راغب شدها عليه بقوه وحضنها جامد وبقى يبكي بقوه وبيقول ...انا اسف..انا عارف انك زعلانه مني اعملي اي حاجه بهدليني اقتليتي بس متسبنيش تاني ارجوكي
شمس كانت في حالة زهول من الي بيعملو الشخص ده ومستغربه لانها حاسه انها تعرفو حتى عنيه نفس العيون الي كانت ترسهم بس طبعا كلام عاصم بالنسبالها اكيد صح استجمعت قوتها وزقتو جامد وبصتلو بغضب وحده وقالت...ايه الي بتهببو ده انت مجنون يا جدع انت اسمع لما اقولك اوعى تفكر اني محتاجه شغل فهعمل اي حاجه وهسكت على جنانك ده وبصتلو بقرف ولسه هتمشي
راغب جرى قدامها ووقف قدام الباب وقال بسرعه..استنى بس. على فين..اهدى هنتكلم يا شمس مش كده
بس شمس غمضت عنها وفتحتهم بغضب وقالت..قولتلك..ميت مره اسمي قمر...اسمي قمر
راغب ابتسم وقال...قمر شمس مش مهم المهم كنتي فين وليه بتتعاملي معايا زي ما تكوني متعرفنيش و
بس قاطعتو شمس لما قالت...لأني فعلا معرفكش
راغب بصلها بزهول وقال..ماتعرفنيش ازاي هما ٣ سنين الي اختفيتي فيهم لحقتي تنسيني مستحيل انا عارف انك بتقولي كده لانك زعلانه مني
شمس اول ما قال ٣ سنين اتصدمت لان ده معاد الحادث يعني الشخص ده يعرفها من قبل ما تفقد الذاكره قالت بصدمه...انت..انت مين...يعني احم..بص انا من ٣ سنين عملت حادث ونسيت كل حاجه عن ماضيه فلو حضرتك فعلا تعرفني لو سمحت تقولي كل حاجه تعرفها ارجوك
بقلمي..زهرة الربيع
راغب اتصدم وقال..ايه حادث ...طب يعني نسيتي نسيتي كل حاجه ..مش فاكره اي حاجه عني
شمس قالت ..ولا عنك ولا عن غيرك ..ها بقى حضرتك مين
راغب ضحك بقوه واتنهد وقعد على الكرسي وقال..للاسف مقدرش اقولك انا مين... ومسك الملف بتاعها وقرى فيه وقال..انسه..قمر...يونس وضحك تاني
شمس استغربت وقربت منو وقالت..انت بتضحك ليه اسمي فيه حاجه تضحك
راغب حاول يبطل ضحك وقال...لا ..لا ابدا انتي مش عيزاني اساعدك اولا اسمك الحقيقي...شمس الشيمي وبطاقتك معايا
سمس قعدت بصدمه وقالت ..تمام كمل وانا من هنا من القاهره يعني
راغب بصلها وقال.. لا انتي من شبرا
شمس اتسعت عنيها بزهول وقالت...ايه شبرا
راغب هز رايو بايوه وضحك وقال..ايه مش عجباكي البلد متمشيش مع مستواكي الجديد .. بس انا مستغرب يعني مكتوب في ملفك درستي في بريطانيا وحجات غريبه قوي عملتي كل ده ازاي
شمس بصتلو بضيق وقالت...انت اصلا مش مسموحلك تسألني اي سؤال لحد ما تقولي انت مين
راغب ابتسم وقال...بما انك فاقده الذاكره يمكن مينفعش اقولك انا مين
شمس بصتلو باستغراب وقالت..ليه بقى ان شاء الله
راغب قال بضحك...يمكن تتصدمي او بمكن تجيلك جلطه لا قدر الله
شمس قالت بسخريه.ليه يعني... انت مين... اخويا
راغب...تؤ تؤ لا
شمس قالت...طب ابن عمي ...ابن خالي.. عمي مثلا
راغب ضحك وقال..لا لا
شمس قالت بغيظ..امال مين يعني مهو مش معقول تكون ابويا
راغب ضحك بقوه وقال..انتي بلاش تفكري احسن... انا هعرضك على دكتور كويس واشوفو بنفع اقولك او لا وبعدين انا محتاج تحكيلي كنتي فين ومع مين الفتره دي ده انا قلبت عليكي الدنيا
شمس وقفت وقالت بحزم..انا قولتلك لحد ما تقولي انت مين مش هقولك حاجه وقتك معايا خلص انا ماشيه
راغب قال بسرعه...استني بس ماشيه على فين انتي لازم تيجي معايا امك هتجنن عليكي
شمس وقفت مكانها بصدمه و قالت...امي..امي انا..انا امي عايشه
راغب قال.. بصي يا شمس ..انتي والدك متوفي بس والدتك عايشه وبتموت فيكي كانت هتتجنن عليكي وعندك كمان عم ومرات عم وكمل بضيق وقال..وابن عم كمان
شمس بقت تفكر وتحاول تفتكر اي حاجه وجيه قدامها شويه افكار وخيالات ومسكت دماغها بألم
راغب قرب عليها بخوف وقال..شمس .شمس حببتي مالك..شمس ..بس شمس بقت تبصلو بدوخه ووقعت مغمى عليها
راغب سندها وشالها وخرج بيها قدام كل الموظفين وطلع بيها على القصر
اول ما وصل دخل بيها وامه وقفت وقالت بخضه..مين دي يا راغب اوعى تكون خبطها
راغب حطها على الكنبه وقعد جمبها ..منيره اول ما شافت ملامحها قربت منها ببطأ وقالت بصدمه...دي..دي شمس..شمس مش كده
راغب هز راسو بدموع وقال...ايوه..ايوه هيه
منيره قالت بفرحه شديده..ازاي ..لقتها فين..الحمد الله اللهم لك الحمد استجبت لدعايا ياكريم... يا حببتي يا بنتي كانت فين
راغب اتنهد وقال..مش عارف..مش عارف اي حاجه بتقول انها عملت حادث ومش فكراني ولا فاكره اي حد لو سمحتي يا ماما لما تفوق بلاش تقوليلها اني جوزها هيه فاكره نفسها لسه متجوزتش ولما نشوف راي الدكتور الاول
منيره قعدت جمبها بدموع وقالت...حاضر مش هقولها حاجه بس والدتها انت عارف انها هتموت عليها
راغب قال..انا قولتلها ان عندها ام وزي ما انتي شايفه مقدرتش تستحمل وبعت لفاديه عمر راح يجيبها
بعدد شويه كان الدكتور بيكشف على شمس وفاديه واقفه جمبها ومنهاره وبتبوسها ومش راضيه تسيب ايدها
شمس فتحت عنيها شافت راغب قدامها وامه
والدكتور ابتدى يسألها شويه اسأله عن الي فات بس شمس مكانتش فاكره اي حاجه عن قبل الحادث
الدكتور اتنهد وقال...تمام ..بلاش تفكير خالص ده طبيعي جدا وان شاء الله هتفتكري كل شيئ عن اذنكم
الدكتور طلع وراغب طلع وراه
شمس بصت لمنيره وقالت ...هو ..هو انتي امي
منيره قال بابتسامه...لا انا ام راغب امك اهيه جبك
شمس بصت جمبها وشافت فاديه كانت بتبكي بشده على حاله بنتها
شمس بقت تبصلها بزهول نفس شكلها نفس العيون ولون البشره والملامح ابتسمت وقالت...انا مبسوطه قوي بيكي
فاديه ابتسمت وسط دموعها وحضنتها بشده وهيه بتقول...الف حمد الله على السلامه يا قلب امك تعبتي قلبي با بنتي كنت هموت عليكي يا شمس
شمس حضنتها هيه كمان ونزلت دموعها وهيه مش مصدقه الي بيحصل كلو
راغب اخد الدكتور يوصلو وقال..ها يا دكتور طمني
الدكتور... مكدبش عليك واضح كده ان ذاكرتها انمسحت نهائيا وكل الي فكراه ال٣ سنين الي بعد الحادث
راغب اتنهد بحزن وقال...طيب ايه العمل
الدكتور قال..اولا لازم تجبها المستشفى تعمل اشعه وشويه تحاليل وبعدين نقرر
راغب قال بحرج..احم..طيب هو انا قبل ما تعمل الحادث كنت اتجوزتها بس كانت ظروف جوازنا غريبه شويه ومزعجه بنسبالها ايه العمل اقولها ولا ايه
الدكتور قال.شوف ياباشمهندش المريض في حالة فقدان الذاكره كل ما بيتقلو حاجه غريبه عقلو ميستوعبهاش بيضغط على نفسو ويحاول يفكر وده بيوصلو لتعب شديد واحيانا انهيار تمام علشان كده لو كات الموضوع صعب بلاش ولو تقدر توصلهولها بطريقه اسهل يبقى تمام
راغب اتنهد وقال..تمام..شكرا يا دكتور
الدكتور مشي وراغب رجع عند شمس وكانت امها قاعده جمبها وبيضحكو سوا
راغب ابتسم وقال ..ها بقيتي احسن
شمس ضحكت وقالت...هبقى احسن لما اعرف انت مين هو انت بجد مش ناوي تقولي... انا حاسه انك حد قريب مني جدا.. وبصت لامها وقالت...انتي اكيد تعرفي يقربلي ايه
امها ارتبكت وقالت بارتباك..دا.دا يبقى
بس راغب قاطعها وقال احم.. ..هو بصي هتعرفي كل حاجه واحده وحده الدكتور قال كده
شمس قالت باستغراب..ماانا عرفت كل حاجه اشمعنى انت الي هعرفك واحده واحده
راغب لسه هيرد اتفاجأو بعاصم زق الحرس ودخل باندفاع وجري على شمس وقال...حببتي..انتي تمام..تمام يا قلبي وحط اديه على خدودها وقال..قلبي كان هيقف عليكي روحت اخدك من الشركه قالولي اغمى عليكي
بقلمي..زهرو الربيع
شمس لسه هترد فاجأهم راغب لما شد عاصم عليه وهو ماسكو بغضب وبص لشمس وقال بعصبيه ..مين...ده
عاصم بصلو بغضب وقال..انت الي فاكر نفسك مين علشان تاخدها على بيتك بالطريقه دي انت فاكر انها ملهاش حد
راغب رجع بص لشمس بغضب وقال...مين ده يا هانم وواخدو العشم معاكي كده ليه
شمس استغربت طريقتو وقالت بعصبيه ...وانت بتكلمني كده ليه اصلا...وبعدين انت مالك مين ده انت لحد دلوقتي مقولتليش صفتك ايه علشان اعرف يحقلك تسأل او لا
عاصم مسكها من ايدها وبص لراغب بتحدي وقال يلا يا شمس
شمس بصت لامها وقالت...لا خلاص يا عاصم انا مش هينفع ارجع معاك خلاص
عاصم اتصدم وبصلها بزهول شديد وقال..انتي..انتي بتقولي ايه
شمس بصتلو والسعاده بتلمع في عنيها وقالت ..مش هتصدق يا عاصم ...الي ادالك المعلومات عني طلع غلطان اكيد يقصد حد غيري..انا طلعلي اهل ووقفت جمب فاديه وقالت..دي امي
عاصم بلع ريقه بخوف وقال بارتباك .اه ....اهلا احم..اهلا يا هانم ...شمس ممكن نتكلم دقيقه
شمس قالت طبعا ولسه هتمشي معاه راغب قال..انتي رايحه فين سألت وهرجع اسألك تاني مين ده..متطلعيش جناني عليكي
شمس قالت بنرفزه ..اللهم طولك يا روح..طيب ده دكتور عاصم زين خطيبي وفرحنا كمان كان يوم ارتحت كده يا راغب بيه
راغب اتسعت عنيه بشده وقال..ايه..قولتي ايه..خطيبك..خطيبك ازاي..وضحك وقال..لا والله خطيبك ..طب ليه محدش عزمني
شمس نفخت بغيظ وعاصم وقف قدامو مفيش خطوه وقال...زي ما قالتلك..خطيبها..ممكن اعرف بقى حضرتك مين...و تقربلها ايه
راغب قال بغضب مش من مصلحتك تعرف انا اقربلها ايه ولسه هيكمل..جات ايناس وقالت اقولكم انا هو يقربلها ايه
راغب اتقدم على ايناس بغضب وقال...امشي من هنا يا ايناس احسنلك
بس شمس قربت منهم وبعدتو عنها وقالت..ملكش دعوه بيها انا عايزه اسمعها وبصت لايناس وقالت..الاول اقدر اعرف مين حضرتك
ايناس ابتسمت بخبث قاصده توتر راغب الي كان بيبصلها بتحذير ومش عايزها تتكلم
بس ايناس ولا همها وابتسمت ابتسامه مستفزه وقالت لشمس ..انا بنت عم راغب جوزك يا حببتي وووو
