رواية شمسي وقمري الفصل الحادي عشر 11 بقلم زهرة الربيع

رواية شمسي وقمري الفصل الحادي عشر 11 بقلم زهرة الربيع 

في صباح يوم جديد شمس كانت نايمه في حضن راغب وحضناه بشده

راغب فتح عنيه ببطأ حس بتقل على دراعو بيبص اتفاجأ بشمس نايمه على ايده بقى يبصلها باستغراب بس غمض عيونه بصدمه لما افتكر كل الي حصل و بعد عنها بسرعه

شمس صحيت على حركتو وقالت بنوم..صباح الخير

راغب اتوتر وبقى يبعد نظرو عنها وقال....صباح..الخير..هو... احم هو ايه الي حصل

شمس استغربت سؤاله اتعدلت وقالت...ايه الي حصل ..انت مش فاكر الي حصل

راغب بعد عيونه اكتر وقال...لا..لا مش فاكر حاجه..مش فاكر اي حاجه

شمس لاحظت نظراتو الي بيبعدهم عنها وقالت بالم...محصلش حاجه...ولا اي حاجه عن اذنك..وقامت ودخلت تستحمى وهيه مش مصدقه الي حصل

راغب قعد على السرير وضرب على دماغو بحزن وعصبيه وقال بدموع...غبي..غبي..راغب كان متعصب من نفسو لدرجه كبيره بس حاول يهدى وقال..وفيها ايه يعني..ده الي جبتها علشانو..زيها زي غيرها .انا معملتش حاجه غلط..معملتش حاجه غلط و بقى يقنع نفسو بكده

شمس اوا ما دخلت الحمام وقفلت الباب حطت ايدها على بقها وبقت تبكي جامد وكاتمه بكاها وصوت شهقاتها بايدها ومش مصدقه الي عملتو في نفيها ليه ضعفت قدامو كده ليه فرحت لما قلها بحبك الف سؤال ملهمش اجابه خدت دش وطلعت وهيه مش قادره تقف ومش مستوعبه االي حصل

شمس اول ما طلعت لسه هتكلم راغب بس مدهاش فرصه جري على الحمام بسرعه زي ما يكون بيهرب منها

شمس اتنهدت بالم وحست بوجع في قلبها وعيونها اتملت دموع

عند عمر صحي من النوم وكانت شهد لسه نايمه صحاها وقال..شهد قومي محضرلك مفاجاه

شهد فتحت عنيها بنوم وابتسمتلو باستفهام

عمر قال ..امم عايزه تعرفي مش كده

شهد قعدت وهزت راسها بايوه وهيه متحمسه جدا

عمر ابتسم وقال...بصي يا ستي راغب صاحبي الي كلمتك عنو يعرف الشاب الي كنتي شغاله عندو وهيخليه يتنازل عن القضيه هو وعدني ايه رأيك

شهد وقفت بفرحه وهيه مش مصدقه وبصتلو وعنيها بتلمع من السعاده وشاورت بعض الاشارت

عمر ضحك وقال..ايوه والله ما بكدب عليكي كلها كام يوم وتطلعي مكان ما تحبي وتخرجي وتتفسحي واتنهد بحزن وقال..ويمكن مقدرش اشوفك تاني

شهد ابتسمت لما شافت الحزن على ملامحو وقربت منو ومسكت ايده وشاورتلو بدماغها بمعنى شكرا

عمر ابتسم وفضل يبصلها وعيونه بتلمع وقال...العفو يا شهد انا الي المفروض اشكرك اجمل اوقات حياتي قضتها معاكي

شهد شاورتلو بمعنى وانا كمان

عمر ابتسم وقال..احنا هنفضل صحاب مش كده

شهد شاورتلو براسها بسرعه

عمر ابتسم وقال..طيب انا هنزل دلوقتي راغب عايزني

عند راغب خرج من الحمام وبقى يلبس بدلتو وهو بيتحاشى يبصلها ..شمس بقت تتابعو بعيون مليانه دموع واول ما لقتو هيخرج قالت..استنى. انت هتفضل تهرب كده كتير

راغب اتنهد وقال من غير ما يبصلها..وانا ههرب من ايه

شمس قالت..متعملش عبيط انت مش طفل يا راغب حتى لو ماكنتش فاكر الي حصل بنا اكيد الوضع الي فتحت عينك عليه انت فاهم ايه الي حصل قبلو

راغب بصلها وقال بقوه بيحاول يفتعلها..اكيد عارف..وفاكر كل حاجه كمان..والي حصل طبيعي وكان المفروض يحصل من اول يوم ..انا اتجوزتك علشان كده ودفعت فيكي كتير برضو علشان كده

شمس بلعت ريقها بوجع من كلامو وغمضت عيونهاوهيه بتجاهد علشان متبكبش وقالت...مش فاهمه ..انت مش فاكر قولتلي ايه

راغب فهم ان قصدها علشان اعترف انو بيحبها قال بجمود.الي قولتهولك بقولو لاي واحده قبل العلاقه اكيد مش هقولك نشرة اخبار في الوقت ده..

شمس بلعت ريقها بصدمه وقالت..بس انا...انا افتكرت انك ..

بس راغب قاطعها وقال ببرود..افتكرتي ايه..كنتي متخيله اني حبيتك مثلا... انا مقبلش بيكي خدامه عندي ده اخرك معايا

شمس نزلت دموعها وفضلت ساكته مش قادره تنطق وراغب كمل وقال...وبعدين المفروض تكوني فرحانه دلوقتي..اخيرا هتخلصي مني

شمس بصتلو بدهشه وكانت نفسها تقولو ميعملش كده وانها مش عايزه تبعد عنو بس كرامتها منعتها قالت بقوه مصتنعه ودموع مكتومه..وانا اصلا فرحانه...فرحانه قوي ياريت تخلصني بسرعه

راغب لبس نضارتو بيحاوا يداري الالم الي في عيونه وقال وهو خارج...اكيد هعمل كده في اسرع وقت...خلاص بقيتي كرت محروق عايز اخلص علشان اشوف غيرك

بقلمي...زهرة الربيع

راغب قال كده وخرج بسرعه وشمس وقعت على الارض بحزن وانهيار وبقت تبكي وقالت ببكا...كنتي مستنيه ايه يا غبيه..كنتي عايزه ايه يا هبله... وبقت تبكي بشده

راغب نزل وقعد على طاوله بيفك الكرافته بعنف حاسس انو مخنوق مش قادر يتنفس

عمر شافو بالحاله دي اتخض اتقدم عليه وقال..مالك ايه الي حصل

راغب قال بدموع..الي حصل غلط..غلط ومكانش لازم يحصل..مكانش المفروض يحصل ابدا انا ازاي عملت معاها كده ازاي قولتلها كده انا استغلتها انا غبي غبي اوي

راغب كان بتكلم بانفعال وحزن شديد عمر قعد جمبو وطلبلو ليمون وقال..اهدى يا راغب احكيلي الي حصل بالهداوه

راغب شرب شويه وحاول يهدى وقال..انا احم..انا وشمس..امبارح ..يعني احنا

عمر اتنهد وقال..مفهوم تمام..ايه المشكله في كده ما انت اتجوزتها علشان كده..بس يعني مستغرب امبارح قولتيلي ان البنت جدعه وهتسبها تكمل حياتها وكلام كبير كده راح فين كل ده

راغب قال بدموع..كنت سكران مكنتش حاسس او يعني كنت حابب قوي اقرب لها مش عارف ازاي عملت معاها كده مش عارف ..وكمان قولتلها كلام زي الزفت كلام صعب قوي

عمر بصلو بدهشه وقال..ليه ليه ياراغب..دي مراتك وانتو معملتوش حاجه غلط او حرام و

راغب قاطعو وقال بانفعال..عايزها تنساني انا متعود على كده بس هيه هتتأذي بسببي كنت عايزها تنساني بعد ما نطلق و

عمر قال بمقاطعه..وتطلقو ليه مش يمكن تحبها ده اذا مكنتش حبتها اصلا

راغب قال بسرعه .لا..لا يا عمر..مش عايز..مش عايز احب تاني ولا اعيش الي عشتو تاني مش عايز وجع تاني ولا تعب مبقاش عندي طاقه ولا عندي مشاعر استنزفها هيه قالتلي قبل كده ....قالتلي انت مريض معاها حق..انا فعلا مريض البنت صغيره وجميله انا لو كنت عرفتها قبل ما اتجوزها استحاله كنت اذتها كده

عمر اتنهد وقال..انا مش فاهمك انت زعلان ليه ما دام مش بتحبها طلقها وهيه هتعيش وهتنسى الدنيا مش هتقف عليك .. البنت اصلا اتجوزتك مغصوبه

راغب بصلو بدموع وقال..بتحبني..شكلها بتحبني يا عمر..ده الي كنت خايف منو مكنتش عايزها تتعلق بيا كانت رافضه قربي ليها بس لما..لما ..قولتلها اني بحبها...وافقت..بتحبني يا عمر تخيل انا قد ايه كسرتها مش كفايه الي عملو معاها ابن عمها انا طلعت اسؤ منو

عمر بصلو بصدمه وقال..انا..انا مش عارف اقولك ايه..بس لو عايز نصيحتي فكر يا راغب..مش سهل تلاقي واحده زي شمس تحبك لشخصك بعيد عن فلوسك وبعد كل الي عملتو معاها البنت تستاهل تتحب تستاهل تعيش..روح اعتزر لها ومدام بتحبك هتسامحك

راغب قال بعصبيه..لا لاا..يا عمر..هطلقها...العمر قدامها اكيد هتحب وهتتجوز وتعيش حياتها مع انسان يحبها انا مستحيل احب تاني انا اصلا مش فاهم نفسي ومش عارف اذا كنت اتخطيت ايناس او لا الي حصل بيني وبين شمس لحظه ضعف مش اكتر حتى لو هيه ابتدت تحبني هتنساني افضل ما اتعيش مع واحد اكبر منها بعمر وميستاهلش حبها

عمر اتنهد بحزن على حالو وراغب لسه هيمشي اتفاجأ بدخول ايناس مع مصطفى وماجد

راغب بصلهم بغضب وقال...الله الله مع بعض اخيرا اعلنتو انكم فريق..

ايناس قعدت وماجد كمان من غير ما يردو

وراغب بصلهم باستحقار وبص لمصطفى وقال..وايه انت مش هتقعد كمان ولا انت جاي تسوق لهم العربيه

مصطفى قعد بتوتر وماجد قال..اقعد يا راغب عايزينك

راغب قعد وقال..ويا ترى مين فيكم الي عايزني

ايناس قالت..كلنا..كلنا عايزينك

ماجد قال اولا انا عايزك في موضوع المناقصه انت قولتلي هترد عليا ومردتش ..ها هتنسحب ولا لا

راغب بصلو بابتسامه جانبيه وقال..كويس انا اصلا كنت هكلمك في الموضوع ده عندي شرط وانسحب

ماجد قال .الي هو

راغب قال...شهد ..البنت الي كانت بتشتغل عندك وانت اتهجمت عليها

كلهم بقو يبصو لماجد بزهول وماجد قال بحرج..احم..انا متهجمتش عليها...دي كانت هتسرقني ولما مسكتها حاولت تقتلني و

بس عمر قال بزعيق..انت واحد حيوان وكداب و

بس راغب قال ..لو سمحت يا عمر ..انا بتكلم معاه

عمر قال..مش سامع بيقول ايه و

راغب قال بمقاطعه.... وبعدين

عمر سكت وماجد قال..هو فيه ايه هه البنت تخصكم في حاجه

راغب قال بزعيق ملكش دعوه ولو عايز المناقصه ترسي عليك تتنازل عن البلاغ اول ما تتنازل هنسحب

ماجد قال باستغراب..تمام..معنديش مشكله اصلا مالي بيها بس كلام رجاله اول ما اسحب البلاغ..هتتنازل

راغب ابتسم بسخريه وقال..طول عمري كلامي كلام رجاله..ها بقى وانتي يا بنت عمي جايبه الارجوز بتاعك وبتقولي عيزاني يا نعم

ايناس كتمت غضبها وقالت..والله مش انا الي عيزاك الارجوز بتاعي هو الي عايزك

راغب بص لمصطفى باستحقار وقال..عايز ايه

مصطفى مسك شنطه كانت جمبو وفتحها قدام راغب وقال.. بتوتر ...فلوسك اهيه المليون جنيه كلهم

راغب بص للفلوس باستغراب وقال...مش فاهم وضح

مصطفى بلع ريقه وقال بخوف...عايز ارجعلك فلوسك وترجعلي حببتي..عايزك تطلق شمس وووووو

الثاني عشر من هنا

تعديل المقال