رواية بيت عمتنا كامله وحصريه بقلم مني مدحت
( بيت عمتنا )
( الجزء الأول )
وها نحن أمام عماره متهالكه من الخارج ، وآيله للسقوط ، تتجه صوبها فتاة جميله تجر خلقها حقيبه تحتوى على كل ما تملكه فى هذه الحياه...
وقفت أمام مدخل العماره ثم أخذت نفسا عميقا ، وها هى أصبحت بداخل العماره ، تقف أمام درجات السلم الكثيره ، التى بالكاد لا تخلو أى واحدة من كسر بها ،لذا صبت الجميله كامل تركيزها على صعود تلك الدرجات المتكسره ، حتى وصلت أخيرا إلى الدور الخامس الذى توجد به الشقه التى تسكن بها أختيها الأصغر منها ..
=============
وقفت سلمى أمام الباب ، ووضعت حقيبتها جانبا ،ثم التقطت المفتاح من حقيبة يدها وفتحت الباب ، وكانت أول من قابلتها هى أختها الصغرى حلا التى كانت جالسه أمام التلفاز وأمامها ثلاثة علب من البيتزا وبعض السناكس ، لتنتهي من واحده وتبدأ فى الأخرى ..
فلقد كان حب حلا للطعام ملحوظا عليها منذ صغرها ، ولذا كان والدها يناديها على سبيل المزاح دبتى الصغيره ،حتى بات هذا لقبها فى البيت ، لدرجة أنها بالكاد يذكرها أحد باسمها ..
نظرت حلا إلى سلمى ، بعد أن وضعت قطعة البيتزا من يدها وسألتها قائله ..
_ سلمى !!! أيه الشنطه دى ؟!!
امممم أكيد " فرحه " قالتلك باللى حصل معاها النهارده ، وجايه تقعدى معانا شويه ..
= تقولى على إيه ؟؟
_ على إنها اتطردت من الشغل بعد لما اتخانقت مع زبون فى المطعم ، بعد لما ضايقها بالكلام عن بابا ..
= قالها إيه ؟؟ وكمان الزبون ده يعرفها منين ؟؟؟
تناولت حلا قطعه البيتزا مره أخرى وأخذت منها قضمه كبيره ، ابتلعتها سريعا قبل ان تكمل كلامها قائله ..
_ بالنسبه للكلام اللى قاله ..
فعلى كلام فرحه ،قالها كثير اوى ..
يعنى مثلا ، قالها باباك انتحر بعد ما اتقبض عليه وهو بيحاول يهرب مخ*درات معاه وهو مسافر بره مصر ..
و إن إزاى أصلا صاحب المطعم سمح إن واحده بنت تاجر مخ*درات تشتغل عنده ... وعمل خناقه كبيره ، فقام صاحب المطعم طارد فرحه من الشغل ..
أكملت حلا تناول قطعة البيتزا ، ثم تناولت باليد الأخرى زجاجة من العصير ، و أكملت مشاهدة برنامج عالم الحيوان الذى كانت تشاهده ، فثانى أكثر شئ تحبه بعد الطعام هو مشاهدة عالم الحيوان ، فلقد تخرجت هذا العام من جامعة الطب البيطرى بتفوق ، ولولا ما حدث لوالدها فى عامها الأخير ، لكانت أصبحت الأولى على دفعتها كبقية سنوات دراستها ..
لكن ما حدث أحبط الجميع، وخصوصا حلا التى كانت أكثرهم تعلقا بوالدها، فهى قبل كل شئ " دبته الصغيره " ..
فلقد رفضت الذهاب للجامعه ، لأنه كان يحدث معها مثل ما حدث مع فرحه اليوم ،فلقد كان يضايقها الكثيرون بالحديث عن والدها ، لكن سلمى أصرت عليها لتكمل دراسة الشئ الذى تحبه ، و كانت ترافقها الى الجامعه حتى تتأكد من ألا يضايقها أحد ..
لكن الحزن أثر على تحصيلها الدراسه ، وخصوصا بعد أن تخلت صديقاتها عنها ، لكنها تمكنت من جمع شتات نفسها قبل الإمتحانات بفتره قصيره وحاولت المذاكره وبذل قصارى جهدها وبالفعل نجحت بتفوق لكنها لم تحصل على الترتيب الاول كالسابق..
============
تقدمت سلمى نحو حلا بخطوات متباطئه ، وجلست قبالتها بكل هدوء ، لكن ذلك الهدوء المصطنع لم يستمر طويلا ..
ف سلمى لن تقدر على تحمل تلك اللامبالاة التى تعيش بها حلا ، لذا صرخت قائله ..
_ بطلى أكل حراااام عليكى ، وقوليلى الراجل ده عرف شكل فرحه منين ؟؟
= طيب ،بس متزعجيش كده ، هقولك..
عارفه الصحفي اللى كان كل يوم يقعد يتكلم على اللى حصل مع بابا ، وقعد ينزل فى صورك مع سيف ،ويقول إن بنته متجوزه رجل الأعمال الشريف سيف ، وقد إيه هو شخص كويس عشان ما اتخلاش عنك وكده ..
- أيوه ، ايوه فاكراه ، بس ايه علاقة ده ب فرحه ..
= اممم ،استنى بس حاسه سكرى وطى ، هاخد حبة عصير وأكمل ...
_ يابنتى حرام عليكى أنا اللى ضغطى حساه هيعلى، ولو جتلى جلطه هتبقى على إيدك ..
= طيب خلاص ، كل الموضوع إن نفس الصحفي ده فتح الموضوع تانى ،ومنزل على الفيس بوك صورنا إحنا التلاته ،وعمال شغال مقالات " تعرفوا على بنات رجل الأعمال الشهير " سلطان يحيى " الذى انتحر بعدما تم الإيقاع به وكشف ستاره ..
_ يا خبر ... احنا كده ضعنا ،ضعنا يا حلا ..
= اممم ، بعيدا عن إن أول مره أجرب الطعم ده من السناكس ،الا أنه فعلا ضياع ..طعمه بينقلك لحته تانيه ..
_ ااااااااااه ، يابنتى حراااااام عليكى بجد ..
بقولك احنا ضعنا خلااااص ..
بعيدا عن إننا خلاص بقى شكلنا معروف فى كل مكان، لا و كمان فرحه اتطردت من الشغل ، وانتى مش لاقيه شغل ، هنعيش ازاى ؟؟؟
= ام انتى غريبه صحيح ، هنعيش زى ماكنا عايشين ..
سيف جوزك هيبعتلنا فلوس اول كل شهر ، بس ابقى قوليله بقى يزودهم شويه بما إن حلا سابت الشغل ..
و فيه حاجه كمان ، فيه شيكولاته جديده نازله ترند بس غاليه شويه ،ونفسى بجد بجد أجربها ...
_ اممممم ،لا متقلقيش شكلنا هنجربها كلنا قريب أوى ،بس فى الجنه ..فى الجنه يا حلااااااا
عارفه ليه !!! عشان احنا هنم*وت من الجوع قريب خاااالص يا دبه ..لأنى اتطلقت من سيف ..
= ايه !!!! الحقينا يا فرحه ، الحقينا احنا بنضيع ..
بنضيع ايه ،احنا ضعنا خلاص ... صرخت حلا بجنون ..
