رواية من اجلك فقط الفصل التاسع 9 بقلم لولو الصياد
من اجلك فقط***********الفصل التاسع....
وقفت دهب بصدمه تنظر الي داخل الغرفه وانهمرت دموعها مما رات
وجدت في منتصف الغرفه تمتال لوجهه نيجار
هذا التمثال جعل سليم زميل له بكليه فنون جميله عمله خصيصا لنيجار حتي يكون وجهها امامه حين يفتح عيونه ولكنه نسي ان يخبر الخدم ان يخفوا التمثال من غرفته
سليم وهو يقترب منها باسف...
دهب بحزن... بتحبها
نظر سليم ارضا... نيجار مش بس بنت خالتي نيجار صحبتي وملازماني من طفولتي مكنتش بتفارقني وفجاه كل حاجه ضاعت انا عارف ان كلامي ده بيجرحك لكن غصب عني وعنك ده اللي حصل
دهب... انا مش عارفه ارد اقولك ايه حاسه اني مش في مكاني
سليم وهو يمسك بكتفيها
سليم... دهب... نيجار خلاص اتجوزت انا هحاول انسي وهنبتدي سوا بس ارجوكي اتحملي شويه مش هتغير في يوم وليله انا بشر والبشر بيخطا والتمثال ده هشيله حالا ومش هتشوفيه تاني يا نيجار
دهب بحزن وهي تزيح يده عن كتفها... اسمي دهب يا سليم مش نيجار
وتركته ودخلت الي الحمام
سليم وهو يخبط كف يده بالحائط...
سليم... غبي غبي....
بينما هي كانت بداخل الحمام تجلس علي البانيو وفتحت الدش حتي لايسمع صوت بكائها كانت تبكي نفسها كيف تكون تلك حياتها دائما كانت تتخيل نفسها مع زوجها الذي طالما انتظرته وانه ستكون حياتهم ورديه مليئه بالحب لم تكن تعلم ان الالم هو نصيبها فليسامحك الله يا جدي.....
...........
في الصعيد
في منزل ابراهيم الغول كان يجلس مع المحاسب الخاص به يراجعون الاعمال
حين دخل عليه احدي رجاله
الغول.... خلاص يا استاذ تجدر تتفضل دلوجتي بعدين نكملوا
استاذن المحاسب
الغول... جول
الرجل... ولد الشهاوي رجع البندر انهارديه هو وبنت الجناوي ومرت فهد الغمري شفناها انهادريه وهي بتجري حوالين داره الصبح بدري جوي وكانت لابسه خلجات غريبه جوي
الغول... وهو ياخد نفس دخان....وعمار الجناوي
الرجل... مفيش جديد بيتابع مل ارضه ومفيش جديد ولا حد شاف مرته واصل
الغول... طيب روح انت وبليغني بالجديد طول الوجت
الرجل... حاضر يا كبير
خرج الرجل بينما صعد الغول الي الاعلي الي غرفه ابنه الوحيد ويدعي قاسم شاب في 20من عمره فقد والدته منذ صغره وعاني من قسوه والده وهذا الايام تغيرت احواله اصبح يجلس بغرفته طوال الوقت علي النت وربي لحيته لا يعلم ما به
دخل الغول الي غرفه ابنه
الغول... مساء الخير
قاسم... وعليكم السلام ورحمة الله وبركاته
الغول.... ماشي يا شيخ جاسم ممكن افهم اخرت حبستك ديت ايه اني جبت اخري معاك
قاسم.... متقلقش يا حج جريب جوي هترتاح ميني ومن همي واريحك جوي جوي
الغول... جصدك ايه
قاسم... مفيش يا ابوي
الغول... هتنزل تتعشا معاي ولا كيف كل يوم هتاكل وحديك
قاسم... مش جعان لما اجوع هنزل اكول
الغول... يا ولدي ليه اكده انا معنديش اعز منيك انت جلبي بخاف عليك وخايف من جفلتك علي نفسك ديت تكون اخرتها شينه
قاسم... متجلجش يا ابوي
الغول... ربنا يهديك يا ولدي....
.............
في منزل حمدي الجناوي
كان حمدي يجلس وحده شارد
فلاش بااااااااك
حزين ولكن تذكر اليوم السابق للصلح حين جاء سليم لخطبه نيجار
في حوالي الفجر وجد حمدي احدي رجاله المخلصين يطلب السماح لرؤيته
علم حمدي علم اليقين ان حضور ذلك الرجل لينبهه علي كارثه كان رجل يدعي حمدان
حمدي.... كيفك يا حمدان عاش من شافك يا ولدي
حمدان وهو يقبل يده باحترام
حمدان... عايش في خيرك يا بيه
حمدي... خير يا حمدان جيتك دي دلوجتي اكيد فيها حاجه
حمدان....الغول يا بيه
حمدي... ماله ابن المركوب ديه
حمدان... عاوز يخلي النار تولع بين عيله الشهاوي والجناوي والغمري بيفكر فيها و. لولو الصياد... مصمم يخلي بحور دم بيناتكم وانت عارف ان فهد الغمري بيعزه جوي ومالي راسه بالكلام الشين ماهو جوز عمته
حمدي... تجصد ايه
حمدان... يا بيه سمعته بيتحدتت مع فهد الغمري انه ياخد تاره من عمار بيه يجتله كيف ما جتل سعيد بيه ابو فهد بيه
حمدي..بجديه.. شكل الغول مهيريحش نفسه واصل
حمدان... اني جيت اجولك تخلي بالك يا بيه وانت عارف اني شغال مع الغول واي جديد هخبرك بيه
حمدي وهو يعطيه بعض المال
حمدي... كتر خيرك يا ولدي
بااااااااك
حمدي... مكنش ينفع اسيب فرصه للغول يخس منيها علشان اكده ربطت بينهم وبتمني من ربنا ان يسعدهم ويكون اللي عملته صوح لكن الغول ديه شيطان منذ سنوات وهو يكره حمدي الجناوي وبشده
لانه اخذ منه حبيبته وهي ابنه عمه تزوجها رغم انفه كانت تعشق حمدي الي حد بعيد ورفضت الزواج من الغول وكان الجميع في البلد يعرف.لولو الصياد.. اخلاق الغول يمشي خلف الرقصات ويشرب مخدرات كان سيء للغايه لذلك رفض والدها ان يعطيها له واعطاها لحمدي القناوي وكانت ملكه متوجه في منزله الي ان مرضت بالكانسر وماتت وهي في 38من العمر صغيره وقتها اتهمه الغول انه هو من قتلها وظل يصرخ بذلك امام الناس وكان يتذكر كلمته وقتها الي الان....
الغول... بغضب وقهر عاشق ضاعت حبيبته....
الغول.... مش هسيبك يا ولد الجناوي هخليك تكره حياتك هاخد منك اعز ما ليك صدجيني مش هسيب حج دهب واصل يا ولد الجناوي
حمدي.... يارب استرها علينا وانتجم من كل ظالم يارب واصلح حال احفادي
.......
كان فهد الجناوي نائم بغرفته ومستغرق في النوم
حين سمع صوت صراخ نيجار وهي توقظه
نيجار.. فهد فهد فهد
فهد... ايه في ايه بتصحيني ليه دلوجتي
نيجار... الحق عاوزينك في مزرعه الخيل حالا بيقولوا في حريقه
فهد. وهو يتنفض واقفا.... حريقه استر يارب
وارتدي ملابسه سريعا باهمال
وخرج وهو لا يري شيء من شده الفزع
لا يعلم لماذا كلما قابل شخص يبتسم انه امر غريب ولكن ممكن الممكن ان يكون بسبب فرحتهم بزواجهم
وأخيرا وصل الي مقر الخيل وجد كل شيء هادي لا يوجد شيء نادي علي رجاله تجمع الجميع امامه ولاحظ ابتسامتهم
ظل يصرخ فيهم ويصرخ علي من جاء وفعل ذلك الفصل الرخم ولكن اقسم الجميع انه لم يحدث ولم يذهب احد الي منزله
تركهم فهد وتوجه الي فرسته المفضله وكان يسميها ماسة عل
...
..
..............
علي اسم شقيقته ماسه
فجاءه وجد فهد احدي رجاله يسعل من خلفه حتي يلفت انتباه
فهد... في ايه
العامل... بصراحه يا بيه في حاجه اكده خايف اجولها لحضرتك
فهد بغضب ...جول وخلصني انا مزاجي مش رايج دلوجتي خلص في حديتك ديه وجول بسرعه
العامل يا بيه وشك ملخبط بالالوان
نظر له فهد بصدمه. ..الوان ايه
احضر له العامل مرايه من غرفته ليري نفسه بها وكانت صدمت فهد وجهه ملييء بالالون ومرسوم بشكل مضحك وجهه ارنب
....شعر فهد وكانه يريد ان تنشق الارض وتبتلعه من فعلها ليست سوي تلك العقربه التي تزوجها فلا احد يجروء غيرها علي فعل ذلك وجعلته يخرج بفزع حتي يكون مسخره امام رجاله ولكن يقسم انه سيجعلها تندم علي ما فعلته اشد الندم ولكن كيف لم يشعر تذكر انه احضرت له كوب من العصير حتي انه شعر بالدهشه مما فعلت وايقن الان انه كان به منوم حتي تقوم بفعلتها ولكن فليرحمها الله مما سيحدث لها كان فهد يعود الي منزل وهو يغلي كان يشعر ان المسافه بعيده للغايه اراد ان يطير حتي يصل اليها سريعا وينتقم منها
اخيرا وصل الي المنزل وحين دخل
صرخ باسمها بقوه
فهد.... نيجاااااااااااار..
