رواية قلبي ومفتاحه الفصل الثامن 8 بقلم روز امين
بسم الله الرحمن الرحيم لا إله إلا أنت سبحانك إني كنت من الظالمين
صباح يوم جديد !!!
هبطت مها من أعلي الدرج بسعاده،،كانت تشتم روائح ذكيه تملئ جميع أركان المنزل ،،فاتيقنت أن والدتها بالمطبخ تحضر وجبة الإفطار،،
فدلفت سريعآ إلي المطبخ،، وجدت والدتها وزوجتا أخويها برفقتها لمساعدتها !!!!
تحدثت مها بمدح وهي تحتضن ماجده من ظهرها٠٠٠٠الله الله يا ست ماما ،،أيه الروايح اللي تجنن دي ؟؟
ثم أكملت٠٠٠٠واااااو ،،فطير مشلتت وعسل أبيض،، أيه الجمال ده كله يا ميجو♡♡
ماجده بإستعجال٠٠٠٠يلا يا مها ،،طلعي الفطار بسرعه ورصيه علي السفره،،
علي ما أرص الفطير وأجيبه !!!
قالت هنا زوجة أخيها ببشاشه٠٠٠٠شفتي يا مها،، ماما ماجده بعتت للست نجاة من الفجر مخصوص
علشان تيجي تعملك الفطير اللي بتحبيه،،
وكمان علشان تاخدي معاكي لمدام نور وأصحابك !!!
مها بدلال محتضنه ماجده٠٠ربنا يخليكي ليا يا مامتي وميحرمنيش منك أبدآ إنتي وبابا ،،
وأكملت بتنبيه٠٠٠٠٠أهم حاجه البط والحمام،، البنات موصيني عليه كتير !!!
ماجده بطمأنه لإبنتها ٠٠٠٠كل حاجه جاهزه يا قلبي وأكتر من اللي طلبوه بكتير كمان ،،
خير ربنا علينا كتير الحمد لله يا بنتي !!!
مها ببشاشه٠٠٠٠٠الحمد لله يا ماما،،ربنا يديمها علينا نعمه !!!
خرجت مها تجلس مع والدها وأخوتها بعد إنتهائهم من وجبة الإفطار ،،ومساعدة زوجات أخيها بلملمة سفرة الطعام،، وتوضيب المنزل،، وصنع القهوه والشاي لهم !!!!!
تحدث والدها موجهآ كلامه لها٠٠٠أمك ما قالتلكيش حاجه يا مها؟؟
مها بإستغراب٠٠٠حاجة أيه إللي ماما هتقولي عليها يا بابا؟؟خير يا جماعة هو فيه أيه؟؟
ماجده بفرحه ٠٠٠٠جالك عريس،،لكن أيه بقا،، كويس جدآ ومحترم وإبن ناس !!!
إرتبكت مها وقالت ٠٠٠عريس أيه بس يا جماعه دالوقتي،، ده أنا بجهز نفسي لإمتحانات الترم وإنتو تقولولي عريس،،
ده بدل ما تشجعوني وتدعولي أجيب تقدير زي كل سنه علشان أتعين في الجامعه ،،تقولولي عريس؟؟
أحمد أخاها٠٠٠تعيين أيه يا مها،،هو إنتي لسه هتتعيني كمان ،،
رأفت بحنان ٠٠٠٠يا بنتي أنا بخاف عليكي،، إحمدي ربنا إني قبلت إنك تكملي تعليم أصلآ في الزمن الغريب ده،، تقوليلي تعيين !!!
ماجده بسعاده وتفاؤل٠٠٠٠ما هو ده أحلا حاجه في العريس والموضوع كله يا مها،،
بصي،، هو عنده شقه في القاهره،، ولو إتجوزتيه إن شاء الله هاتعيشي هناك معاه،، وساعتها بقا إبقي إتعيني وإشتغلي براحتك !!!
محمود بتأكيد علي حديث والدته٠٠٠٠صح يا مها لو إتجوزتي وعيشتي هناك مع جوزك،،
هتشتغلي عادي،،وماحدش هايقدر يمنعك من ده !!!
مها بضيق وغلق للحديث٠٠٠٠مش وقته يا جماعه،،ويا ريت بقا تغيرو الموضوع ده !!!
والدها بحزم٠٠٠٠مفيش بعدين،،أنا مديهم مهله نفكر فيها،،
قدامك خمس أيام بالظبط تفكري فيهم،، وبعدين تردي عليا،، وبصراحه أنا مش شايف فيه أي عيب علشان ترفضي ،،
فكري وياريت تردي عليا بسرعه !!!!
مها بقلة حيله ٠٠٠حاضر يا بابا،، هافكر وهرد علي حضرتك !!!
٠٠٠٠٠٠٠
بعد إنتهاء اليوم،، صعدت مها إلي غرفتها وجلست علي سريرها وهي شارده وحزينه !!
سمعت طرقات فوق الباب أجابت ٠٠٠أدخل ٠
دلفت والدتها وجلست بجوارها وهي تنظر لها بلؤم !!!
مها بإستغراب٠؟؟فيه أيه يا ماما،، بتبصيلي كده ليه؟؟
ماجده بتساؤل ٠٠٠مش موافقه علي العريس ليه؟؟
دانتي حتي رفضتي تشوفيه زي ما بيحصل كل مره ؟؟
مها ممسكه يد ماجده بإستعطاف ٠٠٠والنبي يا ماما أقفي جنبي،،أنامش عاوزه أتخطب دالوقتي،،
بجد عندي مذاكره كتير ومش فاضيه لأي حاجه !!!!
نظرت لها ماجده وتحدثت بلؤم٠٠٠مش لما تصارحيني إنتي الأول أبقا أقف جنبك يا عين أمك !!!!
أجابتها مها بلؤم ٠٠٠٠أصارحك،،أصارحك بأيه ؟؟
رجعتي لعماد تاني؟؟؟قالتها ماجده مستفسره !!!
ردت مها بنفي سريع ٠٠٠لاء طبعاااااا ،،بتقولي أيه إنتي يا ماما،، أرجعله إزاي يعني !!!
يبقي فيه حب جديد٠٠٠٠ قالتها ماجده بإبتسامه !!!
جعلت مها تبتسم دون وعي وبخجل قالت ٠٠بصراحه فيه ♡♡
ماجده بتساؤل٠٠٠طب ما تحكيلي،،مش يمكن أقدر أقف جنبك وأساعدك !!!
أجابتها مها بسعاده وفرحه٠٠٠ ٠٠بصي يا ستي ،،هو حب ومش حب !!!
نظرت لها ماجده بعدم فهم وتحدثت٠٠٠ يعني أيه ده بقا إن شاء الله؟؟؟
أجابتها مها بأسف وأسي٠٠٠يعني حب من ناحيتي أنا بس يا ماما !!
وأكملت بحماس٠٠٠٠بصي يا ماما أنا هاحكيلك !!!!
وقصت مها علي أمها ما حدث معها بالتفصيل مع أدهم،، وبعد مده !!!!
نظرت لها ماجده وتحدثت بذهول٠٠٠٠صعيدي؟؟
وإنتي مالك ومال الصعايده يا مها،،
وهو إنتي أصلآ تقدري علي عيشة الصعايده ولا معاشرتهم يا بنتي ؟؟
خلاص،، ضاقت بيكي الدنيا كلها مالاقتيش غير صعيدي؟؟
يا بنتي دي دماغتهم مقفله ومابيتفاهموش غير بالسلاح !!
لا،،، لا إنسي،، أنا مستحيل أوافق علي حاجه زي كده !!!!
أطلقت مها ضحكه عاليه وأجابتها٠٠٠الله يخربيت السينما اللي بوظت الدنيا !!!
يا ماما الصعيد مش زي الأفلام ما بتجبهم كده ،،
ده معظمهم ناس متعلمه وكويس جدآ كمان،،
دول فيهم علماء وكتاب ومفكرين كتير جدآ !!!
وتحدثت بتعقل٠٠٠٠طب إنتي تعرفي إن معظم علماء الدين والعلم صعايده،،أه والله زي ما بقولك كده !!!
طب ده كفايه إن منهم شيخ الأزهر الشريف،، الشيخ أحمد الطيب ♡
وأكملت بفخر٠٠٠الصعيد ده يا ماما كنز من كنوز مصر
ثم أكملت بتهكم ٠٠٠وبعدين يا ماما إنتي لاقتيه هيموت عليا أوي وجاي يخطبني !!!
وأكملت بحزن٠٠٠٠ده مش حاسس بيا أصلآ !!!
وأمسكت بيد والدتها وتحدثت برجاء ٠٠٠٠إدعيلي يا ماما ،،إدعيلي يحبني زي ما بحبه !!!
ماجده بتحذير٠٠٠٠يا مها أنا خايفه عليكي،،
موضوع عماد عدي علي خير وبباكي معرفش عنه حاجه٠٠
لو أبوكي وأخواتك عرفو حاجه زي كده،، ممكن يقعدوكي من الكليه كلها،،وإنتي عارفه كده كويس،،
وساعتها أنا ممكن أموت فيها،، أنا حلمي إني أشوفك حاجه كبيره يا بنتي !!!
تحدثت مها بهلع ٠٠٠بعد الشر عنك يا ماما،، ماتقوليش كده يا حبيبتي !!!
وأكملت ٠٠٠٠وبعدين يا ماما أنا مبعملش حاجه غلط،،
والله عماد ده عمره ما لمس إيدي حتي،،
وأكملت بجديه٠٠٠٠٠ أنا بنتك وتربيتك يا ماجده،، وإنتي المفروض عارفاني كويس،،أنا الحمدلله ،،طول عمري الغلط ماليش فيه !!!
وأكملت بشجن في صوتها يظهر كم ألمها من الحب٠٠٠٠٠بس قلوبنا مش بادينا يا أمي !!!
وأكملت بتمني ٠٠٠٠أنا يا ماما نفسي أحب وأتحب،،
نفسي أختار الراجل اللي هاعيش معاه بقيت عمري،،
علي الأقل لو تعبت في يوم ،،مش هحمل حد المسؤليه وأرمي عليه أخطائي،،
هيكون ده إختياري وعليا إني أتحمله !!!
ماجده بإستسلام وحب ٠٠خلاص يا بنتي أنا معاكي وفي ضهرك دايمآ ،،
وإذا كان علي موضوع العريس إنسيه وأعتبريه منتهي،،
أنا هاتصرف وهاقنع أبوكي،،ولازم تخلي بالك من نفسك كويس أوي،، وياريت يا مها ماتخلنيش أندم إني وثقت فيكي ،،وتخليكي دايمآ أد الثقه اللي إديتهالك دي !!!!
مها بسعاده وهي تحتضن والدتها٠٠٠٠ربنا يخليكي ليا يا ماما ،،وصدقيني ،،عمري ما هاخليكي تندمي علي الثقه اللي حضرتك إديتيهالي !!!
◇◇◇◇◇◇◇◇◇◇◇◇
كان جالسآ بحديقة منزله وقت الغروب،، حيث الهواء النقي وهو يداعب ويلاطف أوراق الشجر بحنان ،، وزقزقة العصافير بأصواتها الكروانيه،، التي تغسل القلوب وتسعدها !!!
أتت إليه والدته وهي تحمل معها كوبآ من قهوته المفضله !!!
كان سرحآ شاردآ في تلك الجميله التي إحتلت تفكيره ،، ويبتسم دون وعي ♡♡
ليلي بوجه بشوش٠٠٠٠٠جهوتك يا جلبي،، عملتهالك بيديا زي ما بتحبها !!
أدهم بشكر وحب٠٠٠٠تسلم إيدك يا ست الكل،، تعبتك معايا يا حبيبتي !!!
ليلي بسعاده٠٠٠تعبك راحه يا نور عيوني ،،
جولي بجا،، كت سرحان فايه،، وياتري أيه اللي مخليك رايج ومبسوط إكده النوبادي ؟؟
أدهم بإبتسامه ٠٠ولا حاجه يا لوله،، هو بس الشغل الحمد لله كويس أوي،، وده مريحني جدآ الفتره دي !!
ليلي بتمني٠٠٠٠يارب دايما يا جلبي مرتاح ورايج !!!
وأكملت بتساؤل٠٠٠٠٠مابتروحش عند خالك حسين وعماد إبن خالك علي ؟؟
أدهم بضيق ٠٠٠٠لاء يا ماما،، وخلصنا منه الموضوع ده ،،
لا بروح ولا هاروح !!!
ليلي بخجل٠٠يا إبني خالك حسين بيتصل علي كل شوي
ويجولي بعزم أدهم ع طول ،،ياجي نشوفه ويجعد ويانا شوي ،، بس مابيجيشي !!!
إبجي روح طل عليهم وخلاص،، عشان خاطر خالك،، وكمان عشان مايجولوش لسه حاطط الموضوع إياه في دماغه !!!
أدهم بضيق٠٠٠يا أٌمي أنا مابرتحش هناك،، ولو علي خالي حسين بقابله بره،،كل فتره بزوره في شركته !!!
وكمان بقابل عاصم وماجد ولاده بره،، وهما كمان بيجولي الشقه دايما يسهرو معايا !!!
وأكمل بتهكم٠٠٠٠يبقي هروح لمين تاني بقا،، أروح أشوف ستاتهم ونسوان إخوالي مثلآ؟؟
صمتت ليلي بقلة حيله،، لأنها تعلم أن ولدها حين يتخذ قرارآ،، يكون الرجوع فيه شبه مستحيل ،،ففضلت الصمت والإستسلام لرغبته ،،،
ثم تحدثت من جديد٠٠٠٠٠طب ماهتروحش تجعد عند عمك إشوي؟؟
عشان مرت عمك مترغيشي وتجول يالي ما بيسالشي وتجعد ترط ف حديتها الماسخ ده كمان !!!
أدهم بقلة حيله ورضوخ ٠٠٠٠حاضر يا أمي،، حاضر،،
أهو المشوار ده كمان تقيل علي قلبي أكتر من بيت خالي نفسه !!!
ليلي بضيق وعصبيه٠٠٠٠أني جولتلك بلاش منيه الموضوع ده من اللول،،إنت اللي مشيت ورا كلام أبوك وطاوعته !!!
كاد أدهم أن يرد٠٠٠٠٠٠
لكن دخول والده من باب الحديقه أسكته وأنهي الحديث،، جلس والده وتحدث !!!
سليم بوجه بشوش ٠٠٠منور يا دكتور !!!
أدهم بإحترام٠٠٠٠ده نورك يا حاج سليم،،ربنا يباركلنا في صحتك يا أبوي !!!
ليلي ببسمه٠٠٠هاروح أعملك فنجان جهوه زين يا حاج،، أعملك ويا أبوك يا أدهم ؟؟
أدهم ببشاشه٠٠٠لا ياأماي ،،تسلم يدك يا حبيبتي،، كفايه علي الفنجان ده !!!
دلفت للداخل وتركتهما يتبادلان الأحاديث سويآ !!!!!
٠٠٠٠٠٠٠٠٠٠
بعد إنتهاء اليوم
صعد أدهم إلي غرفته آخد حماما دافئآ،، وجلس يتصفح علي جهاز الحاسوب خاصته !!!
وتلك الجميله الساحره التي خطفت عقله،،طيفها لم يفارق خياله،، حتي وهو وسط عائلته !!!
خطر له أن يبحث عن حسابها الشخصي،،عله يجد شيء يشفي صدره المشتعل بالإشتياق ♡
متي خلق هذا الشعور بداخله؟؟
كان منذ يومان فقط عادي جدآ !!
أو هو كان يعتقد هذا !
ما كل هذه المشاعر العارمه التي إجتاحت قلبه فجأه وبدون مقدمات ؟؟
بحث كثيرآ ولكنه لم يصل لشيء !!
فتلك الماكره لا تريد إزعاجها من البشر٠
فهي تستعير إسمآ غير إسمها،، لذلك لم يتعرف علي حسابها !!!
أدهم لنفسه ٠٠٠أيعقل أدهم ،،أيعقل بعد مرور كل تلك السنوات،، يعاود قلبك ويعشق ويدق مجددآ،، أيعقل أن تعشق فتاه أخري بعد ريهام؟؟؟
وجلس يفكر في مها ♡ وعيون مها ♡ وقلب مها ♡ وإبتسامة مها ♡وكيف له أن يمتلك♡قلبها ومفتاحه♡؟؟
◇◇◇◇◇◇◇◇◇◇◇◇◇◇◇
أما مها التي كانت تقف في شرفة غرفتها هائمه،، تفكر في محبوبها الذي أثر قلبها ♡
وتحادث حالها٠٠٠تري ماذا عساك تفعل الآن أدهم؟؟
أداخل مسكنك؟أم بالخارج بصحبة أصدقاء،،أم ترافق فتيات وتلهو معهن ؟؟
أيعقل مها،، أجننتي أنتي يا فتاه ؟؟كيف لكي أن تعشقي رجلآ لا تعرفين أدني تفاصيله ؟؟
أدهم هذا ككتابآ مغلقآ بالنسبةِ ليْ، لا أري منه سوي عنوانهٌْ ،،لا أستطيع أن أري ما بداخله مطلقآ !!!!
غريبآ أنت حقآ أدهم وغامض !!!
لا أحد يدري عنكَ شيئآ،، وأظن هذا أكثر الأسباب التي جذبتني لك معشوقي!!
كانت شارده ،،تتخيل أنها بجواره تنظر في عيونه بعشق وهو يقول لها ٠٠أحبك مها ♡
يا الله♡ يا له من إحساس مذيب للقلب
وجديد بالنسبةلها ♡
فابرغم حبها السابق لعماد إلا أن المشاعر هذه تختلف كثيرآ عن ما سبق ♡♡♡
دخلت علا أختها الصغري وتحدثت٠٠٠٠أيه يا بنتي روحتي فين،، عماله أكلمك مش بتردي ليه ؟؟
مها بشرود٠٠٠٠ هااا،،معلش يا لولو مخدتش بالي،، كنتي بتقولي حاجه ؟؟
علا بدلع ٠٠٠اللي واخد عقلك يتهني ،،وضحكت
قالت مها بمكر٠٠٠٠المذاكره والدراسه،، هي فيه غيرها،، وصمتت !!
تحدثت علا ٠٠٠٠علي فكره يا مها،،بابا شكله مصمم علي العريس المرادي !!!
وأكملت بسعاده ٠٠٠٠ بيقولو عريس زي القمر،، طول بعرض وحلو أوووي !!!
ضحكت مها وقالت ٠٠حلو إزاي يعني ؟؟
هي الرجاله فيها حلو ووحش يا لولو،،
يا بنتي أهم حاجه العقل والأخلاق !!
وأكملت بتعقل٠٠٠٠ يعني لما أتجوز راجل محترم وعاقل بس غني طبعآ !!
وضحكت ثم أكملت ٠٠٠أكيد هكون سعيده بأمر ربنا (سبحانه وتعالى )٠٠٠
وتكلمت بنبرة حزن٠٠
عارفه يا علا٠٠٠ كتير بيقولو عليا مغروره٠
علشان ما برداش إلا بالحاجه الكامله ،،
وعلشان عندي تطلعات وشروط في الراجل اللي عاوزه أتجوزه ،،بس والله أنا أغلب من الغلب !!
كل الموضوع إني بفكر قبل ما أخطي أي خطوه علشان مرجعش أندم،،بخاف من الفشل،،
وبعدين إنتي شايفه قصص الجواز الفاشله حوالينا كترت إزاي !!!
ثم نظرت ل علا وأكملت٠٠٠٠وموضوع أنه يبقي مرتاح ماديآ ده مش كلامي،، ده كلام دينا علي فكره !!!
الجواز الناجح لازم يبقي فيه تكافيئ علمي وثقافي ومادي !!!
علشان البنت مِننا تقدر تكمل حياتها،،وتخلف وتربي أولادها في مناخ طبيعي،، ومرتاح إلي حدآ ما !!!
وأوعي يا علا تصدقي إن الفلوس مش مهمه في حياتنا،،ده كلام غلط جدآ !!!
بدليل إن معظم الطلاق والخلافات بتكون ماديه،،
بس كمان يا لولو لازم يبقي معاها الرضا،،
لأن فيه ناس بتكون معاها كل حاجه،، بس للأسف مفيش رضا !!!
وأنا مابطلبش يكون ملياردير أو حتي مليونير،، أنا طالبه أنه يكون مقتدر ٠٠
وأقدر أعيش معاه بنفس المستوي اللي بابا معيشني فيه،، مش أكتر من كده وآلله !!!
وعلشان بعد كده ما أجبش أولاد وأظلمهم معايا !!!
علا بإبتسامه ٠٠٠إنتي عاقله أوي يا مها،، نفسي أفكر زيك بعقلي،، مش قلبي !!
ضحكت مها وتحدثت٠٠٠٠عقل أيه بس يا علا ،،علي فكره أنا كلامي ده بقوله في المطلق ،،
لكن القلب لما بيدق ويختار ،،ساعتها مابتفرقش غني من فقير صدقيني !!!
أهم حاجه الحب يا لولو ،،بس يا سلام بقا لما الحب يجتمع مع تطلعاتك،،
يبقي ساعتها ربنا بيحبك،، وأمك كمان تبقي دعيالك !! وضحكتا كثيرآ !!!
ثم أكملت٠٠٠شفتي بقا قاعدين نرغي ونسينا المذاكره إزاي ؟؟
وبعدين إنسي كل الكلام ده وفكري في مذاكرتك وبس !!
إنتي لسه صغيره وقدامك المستقبل جاي ،،
فكري إزاي تجيبي مجموع وتدخلي كليه كويسه،، وبعدها كل شيء هايبقي سهل إن شاء الله !!!
علا٠٠٠٠طب يلا نامي بقا علشان عندك سفر بكره،،
وترجعي تتأخري والدكتور الرخم ده يطردك تاني !!!
ضحكت علي ذكر إسمه ولمعت عيونها ♡♡
وبعد فتره نامت مها بعد تفكير طويل في ما سيخبأه القدر لها مع ذلك المتعجرف المسمي بحبيبها !!!
