رواية بيت العنكبوت الفصل السادس 6 بقلم همس
الـــ ج ــــــزا الــ سادس
في بيت ابو مشاري
مشاري: هاه ايش رايك يبه
ابو مشاري: ياوليدي احس ان مشاعل لسه صغيره على الزواج وحبيت تدرس لو سنيتين من الجامعه بعدين تتزوج
مشاري: يبه ماشاءالله مشاعل موصغيره اغلب البنات يتزوجون بعد الثانويه الولد شاريه يبه مايصلح نماطل فيه كل هالمده
ابومشاري: اجل ابشاورها اول
مشاري: حلو ابرسل الشغاله تناديها
مشاعل: نزلت عند اهلها
ابو مشاري: تعالي جنبي يابوك
مشاعل: جلست جنبه ماتعرف ايش السالفه
ابو مشاري: تعرفين يابوك ان سلطان خاطبك من زمان وهو الحين ناشب بحلقونا يبينا نعجل بالزواج ونخليه بالإجازة هذي بعد ماتخلصي من الثانوية وانا يابنتي اخاف تبين تكملين دراستك انتي ايش رايك
مشاعل: نزلت راسها وسكتت
مشاري: يالله ميشو ردي لنا الولد شاب حريقه واخاف يحرقنا معاه
مشاعل: قامت الراي رايك وراحت بسرعه لغرفتها
ابوها واخوها ضحكو على خجلها
مشاري: شفت يبه بغيت تعذب قيس وليلى الله يهديك هههههههههههه
ابو مشاري: الله يسعدهم يارب وانت رد على ولد عمك المطفوق وخله يفكنا مرة يرسل ابوه ومرة اخوك والمرة انت الله يستر من ناوي يرسل بعدك خلنا نرتاح من حنته ههههههههههههههه
مشاري: على طول دق على سلطان بسرعه سلطان البشاره
سلطان: كان توه صاحي من نومه يالله يفتح عيونه بس يوم سمع كلام مشاري نط من فراشه احلف مشاري
مشاري: افا عليك بدون حلف
سلطان: تكفى لاتلعب باعصابي
مشاري: الله يهديك سلطان هو انا عمري كذبت
سلطان: قام ووقف فوق السرير وصار يناقز الله يبشرك بالجنه والله لاجيب لك احلى هديه
مشاري: هديتي تسعد مشاعل
سلطان: ابحطها بعيوني وابخليها اسعد بنت مع السلامه اببشر امي
مشاري: وانا اببشر العنود
سلطان: رمى جواله وصار يرقص ونط من سريره وجري يبشر أمه وابوه
مشاري: طلع غرفته وفتح الباب بهدوء ابتسم يوم شاف العنود
العنود: صدت بدون ابتسامه تكمل قرايت الجريده
مشاري: قرب منها وباسها مع خدها صباح الخير حياتي
العنود: صباح النور وقلبت على الصفحه الثانيه
مشاري: كتم غيظه من تطنيشها له وتغير تصرفاتها كل يوم تصير اسوأ من اليوم الي قبله بس صابر مهما كان هذي بنت عمه ويمكن عدم الانجاب منكد حياتها جلس جنبها وحط يده على كتفها عندي لك بشاره حياتي
العنود: لفت له خير ان شاءالله بشر
مشاري: جهزي حالك بعد 3 شهور زواج ميشو وسلطان
العنود: جد متى هالكلام وكيف رضي عمي يقدم زواجهم مع انه كان رافض بتاتا
مشاري: كلمته واقتنع
العنود: مشكور ماقصرت اكيد سلطان الحين طاير من الفرح ابقوم ادق عليه او أقول لك ودني لهم اشاركهم بفرحتهم احسن
مشاري: من عيوني
العنود: راحت تلبس عباتها
مشاري: تنهد بضيق يوم راحت كم تمنى انها تبوسه وتقوله تسلم لي عيونك كم تمنى انه تحسسه يوم انها زوجته تحبه وتغار عليه بس الشكوى لله شكلي محكوم علي اني اعيش مع زوجه ماتحبني ولاراح بيوم تحبني الا ان ربي كتب لنا عيال يمكن يشدونها لي الله يعين
*******************************
في بيت نوال
غلا: وانتي ماصدقتي يقدم الزواج الا توافقين وربي انك مطفوقه
مشاعل: اجل تبغيني ارفض
غلا: ايه تغلي اثقلي شوي مو بسرعه موافقه
مشاعل: لا ماقلت موافقه قلت الي تبغونه سووه وطلعت غرفتي
سحر: هههههههههههههه فديت خجلك بس
مشاعل: بنات وربي احبه
غلا: وجع استحي
مشاعل: والله استحي بس احبه
غلا: مقطعك الحياء مرة
سحر: حرام عليك غلا هي تحبه بس ماتبين الا قدامنا خليها فرحانه الله يتمم عليهم بالخير
غلا: وانتي متى تتزوجين وتفكينا لاتنتظرين فويرس شكله مقرر يعنس
سحر: بحزن اصلا شكلي قريب راح اتزوج
مشاعل: جد
غلا: ايه جد ولد زوج امها حمتو تقدم لها رسمي وخطبها من ابوي والخبله راح توافق عليه وهي ماتطيقه
مشاعل: ليه سويتي كذا سحر
سحر: بحزن غصب عني علشان أمي مابغى زوجها ينكد عليها بسببي
مشاعل: طيب عندي فكره ماتزعلين زوج امك وتتخلصين من حمد هذا
سحر: بفرح ايش هالفكره
مشاعل: يتقدم لك اخوي فارس ويرد عمك انها مخطوبه له
سحر: بضيق كرهي لفارس اشد من كرهي لحمد
غلا: من جد
سحر: ايه من جدي
غلا: اجل منوه الشخص الي تكتبين خواطر وقصايد فيه
سحر: اول مرة توضح الي بقلبها شخص خليه بقلبي لانه ماراح اتزوجه ابد خلاص كل شي انتهى انا الحمد ولازم انسى أي شخص غيره وبكره راح اوافق عليه
غلا: يامجنونة لاتتهوري
سحر: اكون مجنونه لو خليت أمي تعيسه بحياتها يمكن ربي يوفقني ويسعدني مع حمد بسبب بري لها راحت لغرفتها وخلتهم
مشاعل: مسكينه اصعب شي تتزوجين انسان مو متقبلته ابد
غلا: ايه وربي مسكينه سحر ربي بلاها بحمدوه
مشاعل: الله يسعدها زي ماحاولت تسعد أمها
غلا: اللهم آمين كله من اخوك الثور الي ماتقدم لها أنا متأكده انها تموت فيه بس مكابره
مشاعل: فارس ماتوقع راح يتزوج بيوم يكره كل البنات حتى خواته ماعمري حسيت بحبه وحنانه لنا مع ان مشاري مو شقيينا بس احن مليون مرة علينا
غلا: صدق خالي بس وربي غثيث ومغرور بشكل فظيع الله يعين البنت الي راح تتزوجه
مشاعل : ايه والله الله يعينها
*******************************
تمت خطبة سلطان لمشاعل
اول كانت خطبة بس كلام بس الحين صارت خطبة رسميه
ورفضت انه يشوفها صح تضايق سلطان لانه يموت فيها ويتمنى يشوف الي قريب تكون حلاله بس رضخ لطلبها قال بكره تصير ببيتي واشبع من شوفتها
وبعد تمت خطبة سحر لحمد وشافها وانجن فيها بس مامنعه هذا يواصل لعبه مع بنات غيرها بدون علم ابوه
************************
في استراحة الشباب
سلطان: خسارة سحر انخطبت لحمد
فارس: يناظره بعصبيه ليه مستخسر انك ماخطبتها تراه يمديك الحين واختي الف من يتمناها
سلطان: عصب من كلمته منو قال اني ابي سحر الحين انت تعرف ان مشاعل حب الطفولة وعمري مانظرت لسحر غير اخت بس كنت اتمناك انت تخطبها
فارس: وع ماخطبت الا هالدلوعه
سلطان: اسكت فضحتنا قسم لو يسمعك عبدالرحمن تنقلب هوشه تعرف انها اخوها من الرضاعه ومايرضى عليها
فارس: فكنا منه هو اصلا أي شي مني ماراح يتقبله ويتصيد علي الزلة
سلطان: حط يده على فخذ فارس وانت مامليت من هالحال تعرف سبب زعل عبدالرحمن منك تنازل عن كبريائك يافارس وتصالح انت وشعاع مهما كان هذي اختك وكانت اغلى خواتك وو
فارس: رفع يده يعني لاتكمل رمى الورق الي بيده وتطفى زقارته وقام
سلطان: وين؟
فارس: بضيقه ابرجع للبيت انام
سلطان: يناظره وهو رايح الله يهديك بس
فارس: كان متضايق من كلام سلطان ركب سيارته وشغل اغاني سرحان مو مع الشريط دخن 3 زقاير بدون مايحس طفى آخر زيقارة ونزل ودخل للبيت رفع عيونه لجهة غرفة شعاع شاف ستارة تتسكر نزل راسه ودخل
شعاع: نزلت ستارتها بعد ماتطمنن انه رجع حركت كرسيها وسحبت نفسها على سريرها وفتحت انيس وحدتها وشارح صدرها قرات كلام ربها حتى نامت
***************************
في غرفة العنود
العنود: لازم اروح للشاليه الحين كل صحباتي فيه
مشاري: ياروحي الحين عندي اجتماع مهم مدة ساعتين تنتظريني اطلع من الاجتماع اجيك
العنود: لا وين ساعتين يكونون تفرقو لازم الحين
مشاري: خلاص حبيتي ادق على فارس يوديك هو ومشاعل
العنود: انا زوجتك او زوجة فارس
مشاري: ياروحي زوجتي بس والله ماقدر يالله حياتي الحين يبدا اجتماعنا انتبهي لنفسك وسكر السماعه
العنود: عصبت طيب مامشاري زود اني ماحبك ومصبره نفسي معاك تعاملني كذا دقت على نسرين تعتذر منها
نسرين: لاياروحي تجهزي انا راح ادبر احد يجيبك
العنود: لا ياقلبي ماله داعي اجي
نسرين: تجهزي دقايق واجيك باي
العنود: ارتبكت ياربي منو راح يجيبها لايكون صلاح ياويل حالي دقت على نسرين بس نسرين ماردت عشر دقايق قالت لها تجهزي احنا تحت طلعت من البيت وهي مرتبكه شافت سيارة بي ام دبليو السواداء واقفه عند بابهم تناظر جهة السواق شافت الشخص العرض الابيض الي كان قلبها يدق لشوفته بس الغريبه مازال يدق يعني زوجها من مشاري ماطفى حبها له ركبت بهدوء وسلمت بادب
صلاح: رد وعليكم السلام ومشى بالسياره وهو طاير من الفرح مايصدق بعد كل هالسنين العنود تركب معاه
فارس: توه راجع من عمله شاف سيارة صلاح والعنود تركب معاه مات من القهر بس احترام لاخوه سكت قال اكيد اخوي عارف وراضي
العنود: جلست تشكي حالها على نسرين
نسرين: والله مادري ايش مصبرك عليه ياروحي
العنود: صعبه اتركه الطلاق صعبه بحقي وحق اهلي وعمي يانسرين
نسرين: العنود ياروحي مامعاك عيال يربطونه فيك وانت ماتحبيه تطلقي منه يشوف حاله مع وحده تحبه وانتي الف من يتمناك وغمزت لها بعينها
العنود: ابتسمت بس اهلي وعمي
نسرين: قولي ابغى عيال ماحد راح يوقف بوجهك والكل عارف ان العيب منه مومنك
العنود: رجعت لبيت اهلها وراحت لغرفة امها قالت بتردد يمه
ام سلطان: سمي يابنتي
العنود: انا تعبت يمه تعبت
ام سلطان: ايش فيك بسم الله عليك من التعب ياضناي
العنود : حطت راسها على صدر امها وتبكي يمه حنيت ابغى اطفال كل الي تزوجوبعدي ومعاي جابو اطفال الا انا
ام سلطان: اصبري وربك يجيب خير
العنود: رفعت راسها لامه يمه مشاري عقيم واحتمال ونسبت ان راح يجيه عيال عشرين بالميه يعني ضعيفه مرة يمه انا مراة وكل سنه من عمري تمر مو من صالحي لاتنسين اني الحين عمري 30
ام سلطان: يعني تبين تنفصلين عنه
العنود: تمسح دموعها يمه تعبت انتظره
ام سلطان: يابنتي لاتستعجلي بقراراك
العنود: ماقلت لك الا يوم فكرت وفكرت الف مرة يمه
ام سلطان: خلاص يابنتي شورك وهداية الرحمن
العنود: بس اخاف من ابوي يجبرني ارجع له زي ماجبرني اتزوجه
ام سلطان: مستحيل اجبرك مرة ماراح يجبرك ثانيه انا راح اوقف بوجه لو يصير الي يصير
العنود: بفرح تخفيه واخوي سلطان اخاف بعد يجبرني تعرفي الحين خاطب مشاعل اكيد ماراح يرضى
ام سلطان: ماعاش من يحبرك على شي فيه تعاستك انتي بنتي مثل ماسلطان ولدي ماله حق يسعد نفسه على تعاستك
العنود: قامت وباست امها مع راسها الله لايحرمني منك يايمه
ام سلطان: ولامنك والله يوريني ولد ك احضنه بين ايديني
العنود: آآمين يمه آآآآآمين
*************************
في سيارة مشاري
مشاري: استغرب يدق على جوال العنود ماترد راح لبيت عمه بس وجه عمه موطبيعي كانه يخبي شي سأله مشاري عسى ماشر ياعم العنود ماترد على جوالها وانت وجهك اسود
ابو سلطان: بقلبه ليه مايكون وجهي اسود وانا عمك كيف ابقولك كيف ابدا معك الموضوع
مشاري: قام عم طمني العنود فيها شي عمتي ام سلطان فيها شي
ابو سلطان :ياوليدي ممكن تروح تجيب ابوك وتجيني نتشاور انا وياكم بموضوع
مشاري: بأدب ممكن ياعم على اذنك حس انه فيه شي مهم بس توكل على ربه وراح يجيب ابوه
ابو سلطان: دخل للصاله والله فشلتوني معه الله يفشلكم عجزت اتكلم انعقد لساني ماقدرت اقول شي
ام سلطان: مافيها فشيله ولاشي بنتي ومن حقها تدور ضنا
ابو سلطان: وين ولدك والله موقادر اواجه اخوي ووعياله حتى رجولي موطايعتني ارجع للمجلس
ام سلطان: ولدك عصب علينا يوم عرف بس قلت له مصلحة بنتي فوق الجميع ولا آني امك ولاعرفك لو عارضت وهذاني اقولها يابوسلطان ترا اخر يوم لي لو احد اجبر بنتي يكفي اجبرتها تتزوجه وسكت لان مشاري مايعيبه شي بس الحين العقم عن الف عيب
سلطان: نزل بإجبار امه له يستقبل عمه وعياله
مشاري: ماسك نفسه بس قلبه قارصه حاس فيه شي
ابو مشاري: بكل رزانه خير ياخوي ليش طلبتنا
ابو سلطان: والله مادري ايش اقولك ياخوي بس العنود ملت تنتظر الحمل وانت عارف ان مشاري علاجه طول مع اني ضد طلبها بس هذي البنت ورغبتها ومايجوز اجبرها ثانيه
ابو مشاري: ماتوقع هالشي من العنود وماقدر يرد وسكت
مشاري: مادام هذي رغبتها ياعم هي حرة ومن حقها تطلب تنفصل علشان العيال
ابو سلطان: والله انك كفو وانا عمك والله ان بنتي الخسرانة مو انت
مشاري: وقف الله يوفقها الله يجنبها الخساره ياعم ويوفقها ويسعدها وين ماكانت وورقتها بكرة تاصلها ان شاءالله قرب لعمه باسه مع راسه وطلع
ابو مشاري: بحزن يالله ياخوي على اذنك
ابو سلطان: وقف وشد يد اخوه اتمنى ياخوي ماقلبك علي شي ولاعلى بنتي
ابو مشاري: بحزن ماخبي عنك ياخوي انا ابو واحس بالحرارة الي يحسها مشاري ويخفيها عنا بس العنود بنت اخوي وبحسبة بنتي وماطلبت الاحقها ياخوي عن اذنك
ابو سلطان: طلع للصاله وناظر ببنته وقال والله انك بفراقك لمشاري خسرتي خسارة عظيمة مستحيل تعويضينها وطلع لغرفته وتركهم
أمها : ضمتها لايهمونك يابنتي ماطلبتي الا حقك
**************************
في غرفة مشاري
مشاري: طلع لغرفته ماحب يكلم أحد جلس على طرف سريره وأخذته الذكريات قبل اربع سنوات
في مجلس ابو سلطان
ابو صلاح: حنا جاين نبي القرب منكم يابو سلطان
ابو سلطان: والله لنا الشرف بس بنتنا مسميه لمشاري من يومهم صغار وهو ولد عمها وأحق الناس فيها وقريب زواجهم ان شاءالله
مشاري: تفاجأ من كلام عمه رفع عيونه لصلاح الي تناظره بحقد بغى يتكلم ويقول الحقيقه انه ماخطبها ولاشي بس ابوه قرب منه وبهمس ياويلك تنزل راس عمك قدام الناس
مشاري صار بحيرة من امره يخسر صديقه او عمه حس انه بدوامه
ابو صلاح: اجل على خير ماكتب ربي القرب منكم والله يسعدهم عن اذنكم
ابو سلطان: العشاء يابوصلاح
ابو صلاح: بزواج مشاري وبنتك ان شاءالله وطلعو
مشاري: لحق صلاح برا صلاح ممكن اقولك شي
صلاح/ بعصبيه مابيني وبينك أي كلام
مشاري: صدقني مالي علم بشي
صلاح: خذها حلال عليك ماكبرت بعينك الا يوم بغيتها رحت وسبقتني عليها وخطبتها من عمك
مشاري: والله ماخطبتها بس
صلاح: لابس ولاشي لا اعرفك ولاتعرفني وراح وركب سيارته ومشى
مشاري: رجع للبيت مهموم دخل لابوه يبه ممكن اخذ من وقتك
ابو مشاري: كل الوقت لك وانا ابوك قول وش عندك
مشاري: يبه صلاح يبي العنود من زمان وعمي احرجني قدام الناس
ابو مشاري: عمك مايبها لصلاح مارتاح للولد وشاريك انت وعطاك بنته ترد عطيته مو زينه بحق عمك ولابنته وانا ابوك
مشاري: بس صلاح يبيها
ابو مشاري: ابوها اعرف بمصلحتها واخوي شراء رجال يسعد بنته
مشاري: اسمح لي يبه افهم عمي ماقدر اتزوجها وهي بخاطر صديقي ماقدر يبه صلاح فهمته وزعل مني خسرته يبه تفهم كيف خسرته
ابو مشاري: لو كسرت كلمة اخوي قدام الرجال ماعرفك ولاتعرفني يامشاري
مشاري : حزن وسكت
ابو مشاري : رحم ولده قرب منه وحط يده على كتفه يابوك الزواج قسمة ونصيب لو صديقك فعلا يحبك مافرط فيك علشان خطبه بس صدقني مافرط فيك الأنه مايحبك ومو معقول تخسر عمك الي من لحمك ودمك علشان صداقه عابره مستعد يفرط فيك بذنب مالك دخل فيه هذاه ماسمع لك وعلى طول تخلى عنك
مشاري: طلع من ابوه ضايق ودخل غرفته ودق على ياسر وقص له كل القصة
ياسر: بحكمة صادق ابوك لاتخسر عمك علشان صلاح ان كان صلاح يحبك جد راح يرجع لك وان كنت ماهميته راح يبعد عنك لاتتبع المقفي ياخوك لو كان أغلى الناس عندك
مشاري: يعني رايك اكمل الي بداه عمي
ياسر: أكيد عطاك بنته من حبه لك وتعرف اغلى شي يمكله الانسان ضناه وهو اهداء لك قلبه الي ينبض جواته من حبه وتقديره لك استخير وتوكل على ربك
مشاري: تنبه من سرحانه تنهد بضيق ورفع عيونه للسماء ربي اشرح لي صدري ويسري لي امري ربي ارضيني بقضائك وقدرك ربي اجبرني بمصيبتي وعوضني خيرا منه
قام لدولاب العنود يجمع اغراضها بشنطة يبي يتخلص من أي شي يذكره فيها خلاص ماتبيه ماراح يجبرها وهو يجمع اغراضها طاح صندوق كانت دايم حريصه عليه بس مع الطيحة انفتخ قرب منه علشان يجمعه لقى عقد شكل قلب مكتوب عليه بالوجه الأول العنود والثاني صلاح فتح الرسايل لقاها حقت صلاح مرسلها للعنود قبل زواجهم وفيه رسالة جديدة مكتوب فيها احبك وراح اظل احبك تغير وجهه حط الصندوق على السرير ولبس ثوبه وطلع لبيت عمه
ام سلطان: غريبه مشاري عند الباب يطلب يشوف العنود
ابو سلطان: قام استقبله حياك ياوليدي وربي اني مستحي منك وندمت يوم اجبرتك عليها
مشاري: وهو حيل ضايق الي راح راح ياعم وهذا الشي ربي كاتبه علينا ممكن تناديها لي لاهنت ياعم
ابو سلطان: بحزن ابشر وانا عمك والله قال لها راح تندمين بس ماسمعت كلامي طلع ونادى العنود
العنود: ايش يبي هذا الحين
سلطانه: مادري ابوي يقول خليها بسرعه تنزل
العنود: نزلت بكل ثقه متأكده انه راح يترجاها تنزل له بس هي خلاص قررت قرار ماراح تتراجع فيه دخلت عليه بكل غرور زي عادتها
مشاري: طالع فيها بنظرة غريبه
العنود: استغربت اول مرة تشوف مشاري كذا نظراته مجرده من نظرة حنان وشوق خافت بس سوت نفسها قويه خير بغيتني بشي مشاري
مشاري: قام وقرب منها ومد لها صندوقها
العنود: ناظرت بالصندوق ورفعت عيونها لمشاري بخوف عجزت تتكلم
مشاري: مو من عادتي افتش اغراض احد بس طاح وانكسر وشفت العقد وفتحت الرسالة الي فيه وقريت وعرفت كل شي
العنود: لارد عرفت انها انتهت مجرد مايعلم اخوها وابوها راحت تنتهي للابد
مشاري: ماهقيت بنت عمي الي كانت زوجتي اربع سنين تخونني عاملتها مثل معلملة الرسول لزوجاته لاتظني ابد عاملتك بطيب لحبي لك بالعكس ماشدتني بشي لاتصرفاتك ولاحتى شكلك بس اقول قدوتي رسولي امساك بمعروف او تسريح بإحسان بيدي الحين انتقم من خيانتك لي افضحك قدام أهلك
العنود: بخوف مشاري انا
مشاري: حتى اسمي مابيك تنطقينه بلسانك مو انا الي افضح بأحد مو حب فيك بس حب للي عند ربي واتمنى انك تتوبي لربك وانا ابعتبرك نقطة سوداء مرت بحياتي وراح امسحها للابد طلع وخلاها
العنود: انهارت على الكنبة تبكي
ام سلطان: قومي سلطانة شوفي اختك ايش فيها طلع مشاري وهي لسه بالمجلس
سلطانة: راحت وشافت اختها تبكي يمه العنود تبكي بقووووووة
ام سلطان : راحت لبنتها مفزوعه وضمتها حسبي الله عليه شكله محطمها ياروحي هي خلاص يطلقها ويريحنا مايكفي انه عقيم جاي يلومها الحين عارف ان بنتي قلبها رهيف مايتحمل وجالس يأنبها
العنود: ضمت امها وبكت بقوووة كل ماتتذكر نظراته كلماته تبكي أكثر مشاري الي طول عمره حنون اول مرة يعصب كذا ماتخيلت انم شاري ينقلب عليعا بيوم توقعته ضعيف توها تبان قوته وشخصيته (( اتقى شر الحليم اذا غضب ))
********************
في استراحة الشباب
فارس: معصب على سلطان لو انك رجال وقفت اختك عندها والا فيه بنت محترمه تطلب الطلاق من ولد عمها الي حشمها وحطها فوق راسه
سلطان: ماقدر اجبر اختي على شي ماتبيه هذي حياتها حرة فيها
فارس: لانك رخمة ومو رجال ولا لك كلمة على اختك
سلطان: وقف معصب وقرب لفارس ناوي يضربه
الشباب الي معاهم بالاستراحه هدوا شباب وتعوذو من ابليس
سلطان: كيف نتعوذ من ابليس وابليس جالس قدامي ويخطي علي بالكلام وتبوني اسكت له
فارس: ووجهه محمر من زود العصبيه ليه زعلت يوم قلت لك رخمة ماتعرف تحشم اختك المتزوجة تطلب الطلاق من زوجها يوم حنت على حبيبها الاول
سلطان: عجز يتحمل فكوني عليه والله لادبه الي بيته من قزاز لايرمي الناس بالحصى منو الي ماتابع خواته
فارس: عصب بقوووة ماشوفك ميت وتبوس رجولنا حتى نزوجك اختنا
سلطان: النفس عافتها يوم انك اخوها وطلع وخلاهم بالاستراحه مشى بسيارته مسرع سلطان ماعرف ان اخته ركبت مع صلاح بسيارته
احمد: والله انك انجنيت خسرت ولد عمك الي كان صديقك طول عمره وهدمت سعادة اختك أخاف يكرب راسه ويفسخ خطوبتها منه
فارس: بعصبيه الكلب الحقير يعايرني بخواتي والله لادبه والله لاوريه منو فارس ولد بندر امس يبوس رجليني علشان اختي والحين يعايرني فيها
احمد: انت خليته يقول كذا انت عايرته باخته
فارس: انا شفتها بعيوني تركب مع صلاح بعدها طلبت تتطلق من مشاري تعرف منومشاري ياحمد الي شايلها فوق راسه مشاري ياحمد الي يتعذب بسكات يمكنكم ماتفهمونه بس انا افهمه واحس بحرته
احمد: الله يهديك بس هذي بنت عمك ومايصلح تقول عنها كذا
فارس: تخسى تصير بنت عمي ولااتشرف فيها لاهي ولا اخوها والله لاحره زي ماحرني
غلاب: بخبث تقدر تحره
فارس: كيف
غلاب: زوج اختك لغيره وباقرب وقت وكذا تحره وتنتقم منه ويجي فسخ الخطوبة منك مو منه
احمد: غلاب اذكر الله انا اصلح بينهم وانت تفسد
غلاب: بخبث سلطان غلط بحق فارس ومالومه لو احتر انا لو منه حريته باحب شي عنده وسلطان احب شي عنده اختك
فارس: اختي الي رماها قبل شوي
احمد: رماها من حرته بس
فارس: والله اول خطيب يجيها لاقنع ابوي يزوجها له
غلاب: توسعت ابتسامته ايش رايك فيني
فارس: طس مناك هذا وقت مزحك
غلاب: مامزح انا صادق منو يحصله الشرف يخطب اختك يافارس ياولد بندر
فارس: اعتبرها جتك هديه ما مامن وراها جزيه بس عطني فرصه اقنع ابوي واقنعها
غلاب: غريبه تقبلني وامي هنديه
فارس: مايهمني اهم شي احره
غلاب: بابتسامه خبث ومكركفو يافارس كفو
**************************
في غرفة شعاع
شعاع: ضامة مشاعل خلاص حبيتي بطلي بكي راح تذبحي نفسك كذا
مشاعل: ماتوقعتها منه ابد ياشعاع هذا الي مسوي يحبني ويتمناني وانا المجنونة الي صدقته وتبكي ثانيه
شعاع: بألم خلاص حبيتي لاتظلميه يمكن فارس استفزه وقالها غصب عنه
مشاعل: قامت عن حضن اخته جرحني ياشعاع حطمني والي كمل علي فارس ضغط على ابوي يزوجني واحد من ربعه
شعاع: بعصبيه ارفضيه مافيه احد يقدر يجبرك على شي ماتبغينه
مشاعل: جلست بألم على الكرسي ليتني اقدر ياشعاع ليتني اقدر جاني فارس يهددني ان ماقبلته ماراح يكلمني طول عمره كله يقولي يكفي ان سيرتك الحين راح تكون على كل لسان لان سلطان قالها بالاستراحه والكل راح يشك فينا آآآآآآآه ياشعاع والله ضقت ليتني مت ياختي والا صار لي كذا
شعاع: بلعت عبرتها وقربت كرسيها لأختها ضمتها ومسحت على راسها هدي ياختي هدي ماتضيق حتى تنفرج
مشاعل: متى تنفرج اعرف فارس ان حط براسه شي والله ينفذه
شعاع: بعدتها عنها قولي لمشاري او ابوي يقدرون يوقفونه عند حده
مشاعل: اخاف فارس يكرهني ويتجنب يكلمني زي ماسوى فيك كم لك من سنه وهو مايكلمك لاحن ولاهتم انا احبكم مابغى احد من اخواني يهجرني والله ماقدر
شعاع: ضمتها بقوة وبكت بصمت تبكي حرقتها على اختها الي خايفه انها تتعذب بدون ذنب وتبكي حرقتها على فراق اخوها الي كل يوم تتعذب لهجره لها وهو ماحرك شعره لها قالت بقلبها الى هالدرجه خواتك هاينات عليك يافارس احنا نحبك وانت ماتحبنا آآآه ياخوي الله يسامحك شكلك ناوي تعذب خواتك بالدور اخفت تنهدياتها الي احرقت صدرها علشان اختها ماتحس فيها
******************************
في بيت ابو سلطان
ابو سلطان: سكر السماعه ونزل تحت بالصاله وهو متغير وجهه حيل
ام سلطان: خير يابو سلطان ايش فيك وجهك مايبشر بخير
ابو سلطان: وهو يناظر بولده لابس فارس دق علي يعلمني عن خطبة اخته مشاعل
سلطان: طاح فنجال الشاهي من يده ايش تقول يبه
ابو سلطان: الي سمعته
سلطان:وانا وين رحت؟؟؟
ابو سلطان: انت تركتها قدام الكل ولاهمك شي وسبيتها وقذفتها هي واختها
سلطان: وقف وهو مقهور والله يبه انه حرني بأختي ورديت من غير شعور ندمت ورحت ابعتذر من عمي والا فارس يخسى اعتذر منه قلت ابصبر اسبوعين حتى الامور تهدا ماتوقعتهم يبعوني بالسرعه هذي
ابو سلطان:ياوليدي الناس لهم كرامه
سلطان: قلتها يبه الناس لهم كرامه وانا تهمني كرامتي وكرامة اختي يقذفها بدون سبب ليه !!!
ابو سلطانك الله يهديكم طيش شباب مادري متى تعقلون وتركدون طلع وخلاهم وراح لغرفته
سلطان: طلع بسرعه لغرفة اخته سلطانه دق باب غرفتها ودخل مستعجل
سلطانه: هلا سلطان ايش عندك وجهك متغير؟؟؟
سلطان: مشاعل فسخو خطوبتها مني وخطبها واحد غيري ومتأكد ا ن ورا هالسالفه فارس وان مشاعل ماتبغاه ارجوك تأكدي لي منها والله لاسوي المستحيلات حتى ارجعها غصب عن فارس
سلطانه: سكتت ونزلت راسها
سلطان: عطاها جوالها كلميها بسرعه ارجوك
سلطانه: لاتعب نفسك ياخوي
سلطان: لا اتعب نفسي !!!!
سلطانه: قامت من كرسيها طلبتك ياخوي انساها والف بنتك تنمناك بيت عمي لاحنا لهم ولاهم لنا خلاص كل شي بينا انتهى
دخلت العنود وامها بس وقفو عند الباب
سلطان: شي صار بين العنود ومشاري ايش دخلني انا ومشاعل فيه حرام عليكم مابقى على زواجي منها غير شهر بس شهر ويتحقق حلمي من بنت طول عمري كنت احلم فيها
سلطانه: بعصبيه اذا كانت البنت الي تحلم فيها ماهتمت فيك ومبسوطه بخطبتها لغلاب وتمدحه وفرحانه فيه مره
سلطان: فرحانه فيه !!! وغلاب الي كان صديقي هو خطبها !!! مشاعل الي كنت اظنها تحبني زي ماحبها تخلت عني بالبساطه هذي ليه كل هذا يصير ليه !!! وجلس على طرف السرير منهار
امه: قربت منه وضمته ياولدي والله لاخطب لك احسن واحلى منها الف مرة
العنود: سامحني ياخوي ان كنت السبب بالي صار
ام سلطان: مو ولدي الي ربيته على الرجوله ينهار علشان بنت شوفها هي بسرعه انخطبت ولا اهتميت فيك ان كنت ولدي جد خلني اخطب لك وعيش حياتك وارفع راسنا ولاتخلي احد يتشمت فينا ولافيك
سلطان: ماعاش من يشتمت فيكم يمه وانا حي ولاجابته امه الي يحطمني خلاص يمه اخطبي لي الي تشوفينها مناسبه لي باسها مع راسها وطلع
ام سلطان: دمعت عيونها الله يخليك لي ياوليدي ويسعدك يارب
****************************
في المدرسه
مشاعل: ليه غلا قلتي هالكلام لفايزه
غلا: لاني عارفه انها صديقة سلطانه وابغاها توصل هالكلام لا اخوه علشانا يعرف قدره ويعرف يرميك هالرميه
مشاعل: ارجوك ياغلا ابغى انساه خلاص مابغى سيرته
غلا: عرفتي انه خطب دانه
مشاعل: تفاجات دانه ماغيرها
غلا: ايوه دانه بنت خاله خطبتها امه له
مشاعل: تخفي المها الله يسعدهم خابرتها من زمان كانت تحبه وتتلصق فيه
غلا: وهو مسوي الولد الثقيل ومايعطيها وجه واتاريه مو رجال رمى البنت الي تموت فيه وماعتذر حتى وعلى طول راح يخطب بنت خاله مادامه من زمان يبغاها ليه يخطبك اصلا
مشاعل: تبعد عبره خنقتها ممكن تفكينا من هالموضوع لو سمحتي غلا خلاص الله يسعده كل واحد راح لطريقه
غلا: حبت تلطف الجو على مشاعل بس تعرفي ميشو صورة غلاب تجنن يابختك فيه ينافس جمال فارس والله احلى بكثير من سلطان
مشاعل: الرجال مو بجمال وجهه بجمال اخلاقه يوم حبيت سلطان حبيته لرجولته لبره بأمه وابوه بحنانه على خواته موزي فارس الي عمرنا ماحسينا بحنانه
غلا: ان شاءالله غلوب يكون جمال وجه واخلاق بس عيبه امه هنديه
مشاعل: بعصبيه ايش تقولي انتي عمر الجنسيه ماكانت عيب ايش الفرق بيننا وبينها مسلمة زينا زيها هذا تخلف ياغلا بالعكس انا دخلت قلبي كثير مانسى ضمتها لي بكل حنان وفرحه يوم شافتني عجزت امسك دمعتي وربي
غلا: الله يسعدك مابقى شي على زواجك
مشاعل: وقفت وتسندت على عامود في ساحة المدرسة يالله منو يصدق مابقى غير اسبوعين ونتخرج مابقى غير اسبوعين واتزوج انسان ماخطر ببالي اتزوجه والانسان الي كان حلم حياتي راح نتزوج انا وياه بنفس الليله بس هو مع زوجة غيري وانا مع زوج غيره
غلا: مسكت كتفها حاسه بحرة وحزن مشاعل ماتعرفي ايش الخيره في هالشي
مشاعل: الله يقدم مافيه خير وصالح
************************************
في بيت ابو شجون
شجون: تعبانه من الشغل دخلت غرفتها هي واختها استغربت ان فرح تأخرت ماجت وهي قايله انها راح ترجع الليله بدري قالت اكيد هونت وعجبتها السهره وراح تجلس اكثر تحممت ولبست قميصها القديم الي تغلسه وتلبسه وتششق من كثر الغسل ونامت ماحست بالي حولها من زود التعب بس نصف الليل قامت على طرق الباب بــــــــــقــــــــوة فزت من فراشها مفزوعه وخايف تأكدت من تسكير باب غرفتها بس الباب يدق اكثر خافت مرة ياربي منو الي يطق الباب ياربي ارحمني وينك يافرح ليه مارجعتي ليه خليتني لوحدي و.........
في بيت ابو شجون
شجون: تعبانه من الشغل دخلت غرفتها هي واختها استغربت ان فرح تأخرت ماجت وهي قايله انها راح ترجع الليله بدري قالت اكيد هونت وعجبتها السهره وراح تجلس اكثر تحممت ولبست قميصها القديم الي تغلسه وتلبسه وتششق من كثر الغسل ونامت ماحست بالي حولها من زود التعب بس نصف الليل قامت على طرق الباب بــــــــــقــــــــوة فزت من فراشها مفزوعه وخايف تأكدت من تسكير باب غرفتها بس الباب يدق اكثر خافت مرة ياربي منو الي يطق الباب ياربي ارحمني وينك يافرح ليه مارجعتي ليه خليتني لوحدي
ابو شجون كان نايم بعد سكره: قام من قوة صوت طرق الباب بعصبيه خير خير من عند الباب وفتح الباب بعصبيه شديده بس هدات عصبيته يوم شاف الي عند الباب
شجون: ارتاحت شوي انه فيه ابوها وانه مايعرف منو الي يطق الباب يعني ماجاب لها رجال من برا بس راحتها ماكملت لانها سمعت صوت الي عند الباب وهو يكلم ابوها
الرجال: انت سعد حمود
سعد: ايه انا انت منو ؟؟؟؟؟؟؟
الرجال: معك المباحث الجنائيه
سعد: تغير وجهه خير ايش تبون مني؟؟؟
العسكري: بنتك فرح متهمه بقضية قتل
سعد: ق ت ل انت وش تقول
العسكري: بسرعه قدامنا لاتضيع علينا الوقت وركبوه بملابس البيت معاهم بالسياره
شجون: حطت يدها على راسها وتحس الدنيا تدور فيها جلست على االأرض مو مصدقه الي تسمعه قتل اختي فرح تقتل لاااااااااااا مو معقوله ليه يافرح ليه تسوين كذا ليه اكيد كانت بسكرها وماحست بنفسها قامت تدور بغرفتها وتصفق بيدينها ياربي مو معقوله الي يصير
**************************
في مركز الشرطة
شجون: انتظرت حتى الفجر اذن وبسرعه دقت على ام طارق اليمينيه توصلها لمركز الشرطة بفلوس وجالسه في السيارة الف فكرة وفكره تدور براسها آهـ يافرح ايش وصلتينا له من مصيبه لمصيبه اكبر دخلت بسرعه لمركز الشرطه تجري بالممرات ماتعرف وين تروح لقت ابوها جالس على أحد الكراسي جلست جنبه ايش صار يبه
سعد: الله ياخذها من بنت من قالها تسكر وتوهقنا هالتوهيقه كيف نطلع منها الحين قام يدور بالممرر ويفرك ايدينه ياليت ربي شالها وريحني منها فضحتنا الله يفضحها
شجون: تناظر ابوها بألم تقول بقلبها مو انت الي ربيتها على السكر والضياع هذي هي النتيجه
سعد: لا الغبيه ماقتلت مالقت تقتل الا ابو رامي الي انتشلها من فقرها وعطاها ورباها احسن تربيه مالقت غيره الي كان منعم علينا بكل شي وماقصر علينا باي حاجه
شجون: بعصبيه الله هو المنعم سبحانه هو ماعطانا الي بعد ماشرا شرف بنتك منك وصار يتاجر بشرفك وشرفها على حثالة الأرض
سعد: بعصبيه انتي جب ولاكلمه يوم قرب يضربها قربت لهم الحارسه تعالي معي تشوفين اختك
شجون: حمدت ربها ان دخلت الحارسه بالوقت المناسب مرت بممرات السجن وهي تتحسر على حالهم الي وصلته اختها لهم اول شي بيوت دعارة والحين سجون وقضايا فتحت الباب ودخلتها وطلعت وخلتهم لحالهم شجون ناظرت بأختها باحتقار بس شافت وحده ماكأنها فرح كان شعرها مو مرتب ومكياجها سايل على وجهها ومحيوس وعلامات ارهاق التحقيقات والسهر من امس حتى الحين واضحه على وجهها
فرح: مارفعت رأسها لأختها وكانت تناظر الأرض
شجون: باحتقار وتريقه كفو يابنت أمي من داعرة الى قاتله ايش هالوظايف الحلوة والمرموق هالي صرت تترقي فيها آهـ يعني ماعجبتك وظيفة الدعارة رحت تجربي وظيفه غيرها برافو عليك من جد اهنيك
فرح: وهي منزلة راسها للارض ساكته بدون أي تعليق
شجون : بعصبيه يعني مارراح ترتاحي حتى توطي بروسنا للأرض حتى تخلي سيرتنا على كل لسان دمرتينا الله حسبيك ايش استفدتي من سكرك هاه ايش استفدتي من دشارتك وضياعك الحين قولي لي منو يفيدك ويحميك من حد السيف ابوك والا ابو رامي ضيعوك وتخلو عنك آسفه قصدي أنتي تخليتي عن ابو رامي الي حضنك ودلعك ووو اخرتها قتلتيه
فرح: بحقد لو يعيش لأقتله واقتله الف مرة ترفع يدها قتلته بيدي هذي وارتحت منه وريحت البنات منه
شجون: بعصبية و قربت منها لا بعد مبسوط انك قتلتيه ايش انتي مخلوقه من ايش ردي علي هزت براسها بحسرة خسارة أمي تكون ام لك او تتسمين بنت لفوزيه عبدالرحمن الي كانت من خيرة الحريم وينها تشوف بنتها الداعره وينها تشوف بنتها القاتله تدشر وتسكر وتقتل بدون رحمة ولاتتحسر ولاتتندم بالعكس تفتخر كل منكر تسوينه ماتندمي عليه خلاص قلبك صار حجر مايحس ولايخاف من الرب الي فوقه انتي ابد ماعندك تأنيب ضمير ماتحسي ماتندمي من وين مخلوقة انتي من وين ليتنك ماصرتي أختي ولاعرفتك بيوم عارك راح يلازمني طول عمري راح ادفع ثمن فضايحك بدون ذنب جنيته حسبي الله عليك حسبي الله عليك
فرح: ماراح اندم بعد اليوم ليتني من زمان قتلته وريحت ضميري وريحت الناس منه ومن اجناسه انا قتلت قاتل قتل برائة كم طفلة كان لازم اقتله ايه لازم اقتله ومن زمان بعد
شجون: كانت صاده عن اختها يوم سكعت كلامها لفت بهدوء شافت اختها تجمعت دموعها بعيونها سكتت واستغربت من ردها يعني يوم تقتلينه ماكتي سكرانه
فرح: وهي مازالت عيونها على الأرض ابد ماكنت سكرانه كنت بكامل قواي العقليه
شجون: بعصبيه اجل ليه قتلتيه ليه وطيتي روسنا اكثر من ماهي واطيه يافرح
فرح: تعرفي ليه قتلته ؟؟؟
شجون: باستغراب ايوه ليه؟؟؟
فرح : بحزن وألم قتلته قبل مايقتل برائة طفله مالها ذنب غير ذنب ابوها انه مدمن مخدرات شفتها يسحبها ابوها لابو رامي للانسان الي مافيه ذرة رحمة البنت عمرها تسع سنوات نفس عمري يوم يجيبني ابوي له البنت كانت تصرررخ وتترجى ابوها مايتركها مع ابو رامي
فرح : انتهت السهره وراحت تلبس عباتها علشان ترجع للبيت بس دخل ابو يسحب بنته صغيره عمرها تسع سنوات
الطفلة: بابا مابي ادخل بابا ارجوك لاتتركني
ابوها: يسحبها بقوة بدون أي رحمة حبيتي تعالي لاتخافي ابصير جنبك وهذاك الرجال يبي يعطيك الي تبغين من العاب وفلوس تشترين فيها الي تبغين
ابو رامي: كان جالس على كرسي ومعاه كاسة الخمر وابتسم بخبث يوم شاف الطلفة تعالي حبيتي جنبي
الطفلة: بابا مابي
ابوها: شدها بقوووة
فرح: عيونها على الطفلة ماصارت تشوف غيرها رفعت عيونها لابو رامي وشافت الخبث والكيد فيهم
الطلفة: وصلها ابوها لابو رامي
ابو رامي: رمى كبس الهروين على ابوها وحضن الطلفة ويسحبها للغرفة
الطلفة: وهي تشوف ابوها يتركها ويبعد عنها بابا تعال بابا لاتتركني ارجوك ماما تبيني رجعني لها ارجووووك
ابوها: جلس بزاويه وفتح الكيس وصار يشم فيها مثل الكلب المسعور ماهتم ببكاء بنته ولاترجيها له ماتت عنده الرحمة وماتت الابوة والغيرة على بنته
فرح: تناظر الاب بحقد وكراهيه راحت لابو رامي اطلب مني الي تبي بس اترك البنت بحاله انا بسدد قيمة سم هالرجال الحقير واعطيك زيادة عليه بس اتركها
ابو رامي : باستحقار طسي عني ولا لك خص بشي انتي حدك تشتغلي عندي زي الجزمة البسك من زبون لزبون بعدين ارميك
فرح: ماهتمت بتجريحه اهم ماعندها هالبنت الي ترتعش خوف من ابو رامي قربت من الطلفة وضمتهاارجوك اتركها هذي طفلة والله لاعطيك الي تبي بس اتركها
اب
ابو رامي: عصب قوة على فرح وهي حاضنة الطلفة بقوة والطلفة حست بلأمان معاها وحضنتها بقوة قرب من فرح وشد شعرها من قدام حتى رفعت راسها له الظاهر نسيتي نفسك قلت لك ياحيوانه ابعدي عن وجهي وخلي الغزال معاي لاتخربين جوي دفه فرح بقوة على الأرض وسحب البنت منها والبنت ارجوك لاتخليني بابا ماما لاتخلوني وصارت تصرخ بقوة وكل شوي يزيد صراخها وبكاها
فرح: حاولت تسكر اذانها بس كانها تسمع نفس صوتها بنفس عمر هالبنت تخيلت ترجيها لابوها تخيلت كيف تمنيت امها تحميها من ابوها وابو رامي تخيلت موقفها يوم رجعت للبيت وهي محطمه منكسره طفلة ماتعرف من الحياة غير اللعب بس خلوها تعرف الهم والكدر والتعاسه حرموها من الطفوله والانوثه تخيلت كيف يوم رجعت لببت وهي تعبانه وكانت ترتجف تحت بطانيتها وتتدكر الي صار لها وتبكي بقوة تذكرت انها غابت اسبوع عن المدرسه وكانت بفراشها مريضه يدخل ابوها يعطيها مسكن ويخليها ماقدر حتى يوديها للمستشفى خاف ينفضح
تذكرت يوم رجعت للمدرسه كانت تحسد البنات الي ماحد مسهم بسوء تمنت ا نتجي معلمة او مرشدة تسالها ليه غابت اسبوع ليه تغير نستواها فجاه بس للاسف ماحد حس فيها تخيلت كيف حرموها الضحك من قلب والفرح بعد ماسلبو شرفها بعز طفولتها بعد الي جاها ماضحكت ولافرحت من قلب تتصنع الفرح وضحك اغراء تذكرت ابوها كل ماتخلص فلوسه يسحبها لابو رامي كانت تبكي وتترجاه مابي اروح يبه لهم تكفى مابي ارجوووك بس ابوها بدون رحمة
مع ذكرياتها الأليمه وصراخ البنت الي ادمت جراحها الي حاولت تخفيه سنين تحركت بعصبيه للمطبخ واخذت سكين وركضت لابو رامي الي كان بدون قلب حاضن البنت ولاهمه صراخها كانت يتلذذ ويتمتع بدون أي رحمة او شفقة ماحس بدخول فرح عليهم بسرعه فرح طعنته كم طعنه بظهره حتى طاح قدامها والبنت هربت ماتعرف فرح وين هربت ماحست الا برجال يمسكونها ويجيبونها هنا
شجون: مبهورة من الحقايق الي تنكشف قدامها اول مرة فرح تعلمها عن ماضيها اول مرة فرح تفتح قلبها لها عجزت تتكلم او حتى ترد عليها
فرح: بحزن رفعت عيونها لشجون عرفتي ليه قتلته المفروض تجين هنا ياختي تهنيني لاني قتلته وريحت البنات من انجس مخلوق شفته بحياتي وتعاتبيني لاني ماقتلته من زمان وريحت وارتحت
شجون:بألم بس منوا جبرك تستمري معاه ليه ماتركتيه وارتحتي منه
فرح: بحزن تعرفي مين اجبرني استمر معاه
شجون: ايه مينا جبرك
فرح: تناظر أختها بحب انتي اجبرتيني
شجون/ انــــــــــــــــــــــا !!!!!!!!!!! ايش دخلني انا؟؟؟
فرح: انتي الي لاوين ذراعي فيك ابوي وابو رامي
عارف ابو رامي ان اغلى انسانه عندي واحافظ عليها انتي وكل مايشوفني اطفش منه او احاول انسحب يهددني فيك هو عارف اني انا خلاص انتهيت وماعندي شي احافظ عليه يلوي ذراعي فيك وانا جنوني احد يمسك بأذى ناظرتها بحب وحنان ممزوج بحزن ودعومها تسيل على خدها بهدوء ماتتخيلي ياشجون كنت فخورة فيك كل ماشوفك متمسكه بدينك ومحافظه على شرفك يزيد تضحيتي لك اقول يمكن امي ترتاح بقبرها لو بقى لها بنت شريفه قالت بألم وحسرة خسرت وحدة وبقى لها وحده مسحت دموعها مازالت وصيتها بأذني وهي تقولي لو جاني شي يافرح وصيتك اختك صح كنت صغيره يومها بس مانسيت ولاكلمة من كلمتها حتى ريحتها مازلت اتذكرها حناها نظراتها خوفها علي ووفرحتها بالي ببطنها
لفت تناظر شجون بحب وحزن والله اني احبك وكنت أتالم وانا أشوف نظرة الكره والاستحقار بعيونك نزلت راسها للأرض وماكنت الومك لاني اعرف اني أي شريف او شريفه راح ينظر لي نفس نظرتك تمنيت تحبيني زي ماحبك تمنيت تحضنني وتسمعين لهمي وغمي كنت استغل نومتك اقرب من عندك وانتي تعبانه من شغل شريف أتأمل وجهك وهو هادي بدون نظرات الكره الي تناظريني فيها تمنيت نكون زي اختين بالعالم نشتكي ونساعد بعض بس للأسف سعد الي يسمونه ابوي سكنا ببيت عنبكوت كله خيوط حزن وألم ربطنا بخيوطه وفرقنا عن بعض ينتقم منا بذنب ماسويناه
شجون: ركضت لها وحضنتها
فرح: فرحت يوم اختها حضنتها كانت عطشانة لحنان شخص قريب بكت بقوة بكت كل حزنها الي كتمته سنين كل ألمها كانت تبكي بقوووة كم تمنيت أحضنك وابكي على صدرك كل ماأجي من سهرات ابو رامي كل ماجي وانا لعبة يتسلون فيها الرجال ويرمونها بعد مايخلصون منها جربوني رجال بجنسيات مختلفه كنت ارجع واكره نفسي اتحمم وافرك جسمي اطلع للحمام ارجع كل الي ببطني كنت اشيل هم اتمنى افضفض اتمنى ارتمي بحضنك اشتكي همي وغمي بس ماحبيت اكدرك واحزنك اكثر قررت اشيل همي لوحدي
شجون: صعب تبكي وصعب تطلع دموعها قساوة الحياة خلتها كذا بس هالمره تلاشت كل قوتها وضمت اختها وبكت بحضنها
الحارسه: يالله وقت الزياة انتهى
شجون وفرح كانو ضامين بعض ومايسمعون شي غير شهقاتهم
الحارسه: بعدت بينهم
فرح: مسكت يد أختها وحضنت وجه شجون بيدها انتبهي لنفسك وسكري باب غرفتك عليك زين ارجوك ياختي امنتك عرضك وشرفك ضحيت بكل شي وتحملت الذلة والاهانة علشان تبقين شريفه وعفيفه طلبتك لاتفرطين بشرفك ابد
شجون: بحول الله ابحافظ عليهم لو على جثتي
فرح: وهي تمسح دموعها وتبتسم فخورة بأختها رغم حزنها الي يقطع قلبها كفو يابنت أمي
الحارسه: يالله بسرعه الزيارة انتهت
شجون : طلعت من زنزانة اختها محطمة كئيبه حزينه كانت تمشي بدون هدف كلام اختها يتكرر بإذنها ندمت انها مانصحتها بلين وعطف ندمت انها ماقتدت بنبيها يوم ينصح عمه ابو طالب بلين ومايأس منه حتى مات
تنهدت بحسرة لو كنا مع بعض كان فكرنا بطريقه نهرب فيها من جحيم ابوي بس تخليت عنها لذئاب بشريه ماترحم احد آآآآآآهـ يافرح انتي الي تحملتي كل شي لحالك
**************************
في الثمامه
احمد: تذكر فرح
فارس: وهو يقلب النار ايه الله لايعيدها ايش بلاها
احمد: يقولون قتلت ابو رامي
فارس: رفع راسه من جدك
احمد: ايه سبحان الله هذيك ملكة الجمال الناعمه تقتل
فارس: تلاقاها سكرانه وماحست بنفسها وقتلته
احمد: ايه يمكن ههههههههههههههههههههه
فارس: الله لايبارك فيها ولا بأهلها الي ماربوها
احمد: استغفر ربك يمكن اهلها ماقصرو بس هي دشرت وماقدرو عليها
فارس: لو بنتي ذبحتها ودفنتها خليها تولي بس ناس داشرة الله لايعيدهم
***************************
في سيارة فارس
فارس : مشغل أغاني وداخل جو معاها وصل للبيتهم بس قبل مايدخل للبيت تذكر ان معاه غرض لبيت أخته نوال راح لبيت أخته وشاف عبدالرحمن توه وصال للبيت
عبدالرحمن: شاف فارس بس ماعبره جاء يبي يدخل بدون أي كلمة
فارس: بتريقه لاسلام ولاكلام تراني مسلم والله مو يهودي
عبدالرحمن: لف طالعه من فوق لتحت ببرود قال السلام عليكم
فارس: حلوو عبرتنا بتسلميه وعليكم السلام
عبدالرحمن: ايه اخاف ربي مو زي غيري مايعبر أخته الي من لحمه ودمه ولا بسلام مدة اربع سنين
فارس: تزيد عصبيته اذا احد ذكره بشعاع بعصبيه وهو عاقد حاوجبه انا ابفهم الحين انت ايش دلخك جرحتك بشي اهنتك بشي أختي وانا حر فيها
عبدالرحمن: يطالعه باستحقار عارف انهم خواتك وتعذبهم زي ماتبغى
فارس: لاتتقط كلام ماله معنى ماعذبتهم ولاشي شعاع تستاهل ماجاها ومشاعل انقذتها من انسان مايستاهل ولايقدرها لإنسان كفو و شاريها
عبدالرحمن : تكتف ماشاءالله متى صار غلاب كفو ويستاهل مو دايم تستحقره وتعايره بإنه ولد الهنديه والحين كبر بعينك
فارس: ايه مانكر هو مافيه عيب الا إنه ولد هنديه بس شرى أختي مع إنه سمع ولد عمها الي هو خطيبها يقذفها لو غيره صدق وابعد عنا بس هو فزع وستر على أختي
عبدالرحمن: يطالعه باحتقار ويتكبم وهو راص على اسنانه غرورك وانانيتك راح يعمونك انك تشوف الي حولك على حقيتهم تخسر الطيب زي سلطان وشعاع وتكتسب الحقير زي غلاب والله اني اشوف الحقد والكره بعيونه
فارس: كلها اوهام يافليلسوف زمانك مسوي فيها انك فاهم كل شي وانت من جنبها اصلا غلاب ماصدق ان عايله زينا ترضى فيه ايش جاب عايلتنا لعيالتهم علشان كذا شارينا
عبدالرحمن: خلك بأوهامك وخلك برجك العالي راح يجي يوم تسقط منه وتنكسر وماتلقى أحد حولك عن ادنك ماعندي وقت اضيعه على مغرور وأناني زيك
فارس: يطالع عبدالرحمن وهو داخل لبيتهم بدون مايعبره اقال استغفرالله نفسيه هالولد مادري مين طالع عليه رمى الي الغرض بالحوش وطلع وهو معصب وراح لبيتهم
*************************
في بيت ابو مشاري
غلا: شفتو يابنات البنت الي كانت معانا هذيك المزيونة الي اسمها فرح ايش صار عليها
سحر: خلاص غلو الله يستر عليها
غلا: ايه والله الله يستر عليها بس مابان عليها انها كذا شكلها حيل رقيه وناعمه
مشاعل: يووه غلا قلنا خلاص حرام نتكلم ببنات الناس
غلا: ايه والله انكم صادقين الله يستر عليها بس انا وربي انصدمت يوم سمعت الخبر
سحر: خلااااااااااااااااااااااا ااااص ماتفهمين انتي
غلا: بسم الله علي ايش بلاها هذي معصبه تراني مو أنا الي غصبتك على حمتو
سحر: يوووه بدت تخربط بالحكي
مها: غلو قلبي ماتشوفيهم متضايقات خلاص خليهم
غلا: ياختي من خطبتهم وكل وحدة ماده بوزها وحطاه حرتها علي لأني ضعيفة مسكينه ماخذ حقي
مها: من جنبها ضعيفه
غلا: شوفي أشكالهم هذي أشكال بنات مخطوبات ترا سحر لسه زواجك يعني راح تظلي سنيتن وانتي محزنة كذا والا ميشو مابقى غير شهر معذورة بس غويلب يجنن شكله حليو ينسيك حزنك
مشاعل: تنهدت بضيق ليه احزن شوفي مشاري ياقلبي هو زوجته صدمته وهو مسوي انه مبسوط ولا على باله
سحر: ايه صح كيفه الحين
مشاعل: ياقلبي هو يضحك ويسولف بس أكيد يحترق جواته
مها: بعذره مافيه وحدة زي جمال العنود تفسخ منه وماينصدم
سحر: أي جمال يرحم والديك بنظري مشاري احلى منها
غلا: أجل احس ان خالي مشاري ماهمه واضح بوجهه انه مبسوط ولا على باله شي
سحر: جد تتكلمي غلا
غلا: ايه جد ادور فيه أي لمحة حزن ماشوفها
مشاعل: بحزن ماعتقد بس احسه يكابر
غلا: انتي حزينه ومتنكده على فراق سليطين وتشوفي كل الناس زيك
مشاعل: الله يسعده خلاص مسحته من قلبي
غلا: ماعتقد
مها: غلا ايش فيك اليوم تخطبي بالكلام
غلا: سوري ان زعلتكم بس طبعي صريحه
سحر: يمدحون بلع اللسان احيانا
غلا: آسفه اخاف اغص فيه وماجنبي مويه
سحر: ياملغك
غلا: عارفه بس ارحم من النفسيات الي اشوفهم
مها: غلاااااا ايش فيك
غلا: ياختي فلوها بعدين ترا سحورة امون عليها
سحر: فديتك كل حلالك بس نقطينا بسكاتك اليوم
غلا: اجل ليه مجمتعين الا علشان نسولف صح مهاوي اخبار يسورك
مها: مافيه جديد مو صوبي ابد وانا بديت اطفش منه تصدقون بنات غير فيني اشياء كثيرة صرت ماحب اتعطر ولا اوسع نقابي تخيلو مرة ادور عليه فترة راحته علشان اسلمه ملف مريض لقيته يتسنن ماشاءالله عليه كلنا بفرتة الراحة نروح كوفي ونريح ونسول فالا هو سيدا يروح يصلي بغرفة قريبه من مكتبه يصوم اثنين وخميس عودني على اشياء ةعطاني دروس بأخلاقه افكر احول للمستوصف الحي او وحدة صحيه خاصه بالحريم بدون اختلاط لأنه مرة سوا محاضرة ونصح الي يشتغلون من النساء يحرصون قدر استطاعتهم مايختلطون بالرجال الاللضرورة يابخت الي راح تتزوجه اشتغلت معاه ماعمري شفته يسرق النظرة او يلين معاي بكلمة لا أنا ولاغيري
سحر: وهي متهمه فيه ماشاءالله عليه قليل زيه
غلا: يمكن انتي تكوني زوجته
مها: ماتوقع ابد مادخلت مزاجه واضح من تصرفاته
مشاعل: اذا شفت اخوي مشاري او سمعت بواحد زي ياسر اتمنى فارس يكون زيهم
غلا: عاد كل الرجال بكفه وخالي فويرس بكفه
مشاعل: عمري ماشفت اخو زي قسوته
غلا: ياحبي لدحوم صح يعصب مني بس يجي يترضاني
مشاعل: عبدالرحمن حنون شوفيه كيف مع شعاع بس فارس دلال أمي له خربه معطيته صلاحيات لكل شي تحبه بجنون صح تحبنا بس من يومنا صغار ان الولد افضل عندها
سحر: بس ابوك مافضله عليكم واحسه شديد معاه
مشاعل: ليه بس تعرفي جلوس الأب قليل موزي الأم
غلا: صحيح شوفي أمي من يومنا صغار وهو ماتفرق بالمعامله بين ولد او بنت
مها: بس لاتظلمون فارس كان حنون مع شعاع بس بعد الي صار قلب عليها
مشاعل: طيب انا ليه خرب حياتي واجبرني على غلاب او يقاطعني ماسويت أي غلط ومع ذلك ظلمني
مها: يمكنه يحس انه كفو لك وان سلطان مايستاهلك
غلا: مهاوي كأنك دافعي عن فويرس ليكون حاطه عينك عليه بس
مها: ياختي قدام خشته من يومي صغيره ماعبرني فارس يدور بنت ملكة جمال تناسب جماله وترضي غروره
غلا: ترفع ايدنها للسماء الله يكون بعونك يالي راح تتزوجين فويرس
****************************
بعد مرور اسبوعين على الاحداث
ابو مشاري: ايه ياسر تلقاني هناك بالحارة الغربيه انتظرك لاتتأخر
ياسر: سم ياعم دقايق وانا عندك انا بس انتظر آخرالإشارة تفتح واجيك
ابو مشاري: انتظرك سكر السماعه وقرب عن بيت ناس فقراء نزل اكياس الرز واللحم والسكر حتى يجي ياسر
ياسر: هلا ياعم وباسه مع راسه خل عنك انا ابساعدك طقو الباب وعطاهم ياسر ظرف فلوس ودخل هو وابو مشاري
الشايب: ماقصرتو تعبتو انفسكم
ابو مشاري: وش دعوة تعبكم راحه جبت لك دكتور يكشف عليك
الشايب: والله مادري كيف اشكرك
ابو مشاري: الشكر لله وانا اخوك
ياسر: كشف عليه ياعم لازم تمرنا بالمستشفى قلبك تعبان شوي بس بعون الله الأمر بسيط بس لازم آخذ له اشعة اتأكد بكرة ابرسلك واحد يجيبك للمستشفى ويتررد فيك حتى تطيب بعون الله
الشايب: والله الدنيا بخير مادام فيها ناس طيبين امثالكم
ابو مشاري: حط يده على كفته شرواك يالغالي واسمح لنا نبي نمشي تعرف ناس متحاجين قريب منكم
الشايب: اعرف بس انتبه وترا حارتنا فيها ناس ابد موطيبين قبل اسبوع ماسكين بنت داشرة متهمه بقضية قتل يعني انتبهو منهم
ياسر: بابتسامه قرب منه وباسه على راسها لاتخاف ياعم الحافظ الله عن اذنك
الشايب: الله يحفظكم
ابو مشاري: يوم طلع هو وياسر تبي ترجع للبيت الحين
ياسر: معاي اغراض ابوزعها على الي هنا وارجع ان شاءالله
ابو مشاري: خلاص اجل انت روح للبيوت الي يمين وانا اروح للبيوت الي هناك
ياسر: طيب تصبح على خير
ابو مشاري: وانت من أهله
***********************
في بيت ابو شجون
شجون : كل ليله تمر عليها من اسوا لياليها مع انها يوميا تزور اختها الي تغيرت احوالها وزاد قربها من ربها وترهق نفسها بالشغل حتى اثر على مستواها يالله كملت شهادة الثانويه رغم ظروفها الصعبه ونظرات البنات لها والغمز واللمز عنها مع ذلك ماستحت من اختها ولا انحرجت تحب أختها ومستحيل تستعار من وحدة ضحت بنفسها علشان تحميها نالت الشهادة بتقدير جيد حمدت ربها انها مارسبت باي مادة
بس بمجرد قدوم الليل تبدا مرحلة العذاب والخوف عندها تحاول جاهدة توفر لابوها االمال لكنها عرفت من تضجره وعصبيته انه مايكفيه
تحممت نفس عادتها ولبست قميصها المهتري وسكرت النور بس ابوها دق عليها الباب لصقت بالباب سم يبه تامرني بشي
سعد: ايه يابنتيتي تعالي ابيك شوي
شجون: ارتاحت يوم سمعت كلمة يابنتي كم تعشق هذه الكلمة التي حرمت منها سنين عديده طلعت وجلست عنده بالصاله
سعد: بهدوء شوفي يابنتي انتي ماشاءالله عليك بنت عاقله وباره بابوك وتشوفيني من روحت هالحيوانه الي نزلت روسنا بالتراب وحالتنا حاله
شجون: يبه فرح ماخطت بـس
سعد: لاتكملين خليها راحت وراح تاخذ جزاها بس شوفة عينك الوضع ماينصبر عليه
شجون: والله يبه اني اشتغل شغلي مضاعف هذا الي قدرت عليه
سعد: قرب لها وبابتسامة خبث لايابنيتي انا جاني واحد اسمه راجي مو سعودي بس بنك متحرك قالي ابوفر لك الي تبي بس خل بنتك تشتغل معي
شجون: قامت معصبه يبه ماكفاك دمرت اختي تبي تدمرني بعد يبه انت ابو او عدو ماهمك غير الفلوس تدمر بناتك وحدة وراء الثانيه
سعد: وقف بعصبيه وبان وجهه الثاني اقول جب ولاكلمة انا مواعده بعد ساعه تجهزي ويالله قدامي
شجون: يبه نسيت وصية أمي لك يبه فوزية الي كنت تموت فيها لاتفرط ببناتها الله يخليك
سعد: بلاكلام فاضي ولايكثر تجهزي وروحي للرجال مواعدني يعطي الي ابي ويعطيك فلوس مضاعفه وتصيري بنت نعمه
شجون: وهي تبكي انت ايش مو اب تبي تدمر بناتك وحدة وراء الثانيه ترا ربي راح يسألك عنا والحين والله ماروح لو على موتي
سعد: وهويشدها من شعرها تروحين يعني تروحين
شجون: تحاول تفك نفسها منه بكل قوتها خلاص الحين ياموت ياحياة حاولت تقاوم شد ابوها وتتحمل الألم قالت خلاص يبه راضيه بس اببدل ملابسي واغسل وجهي واطلع لك
سعد: وهو يفكها زين ايه هذي بنيتي الي اعرفها قرب يضمها لاتخليني اعصب ثانية حبيتي مهما كان انتي بنتي واحبك وان ضربتك اضرب قلبي ترا تعرفين الاب مستحيل يقسى على بناته يالله حبيتي بسرعه علشان مانتأخر عليه احس راسي راح ينفجر لازم اخذ الهروين الي معه
شجون: سم يبه دقايق واجيك دخلت غرفتها واخذت عباتها وفتحت الشباك مع انه ضيق تحملت وحاولت تطلع منه أي تأخير مو من صالحها حاولت بكل قوتها تدخل منه تحملت الألم بس لازم تطلع اخيرا قدرت تطلع بيد مجروحه وقلبه يقطر الم وحزن وحسرة على ابو مايخاف ربه ببناته راحت تجري بالشارع بدون هدف وين تروح ماتدري بس اهم شي تنجي من ابوها وينك يافرح كنتي تحمميني من ابوي بعد ربي زاد خوفها من كل سيارة تمر من جنبها الوقت متأخر من الليل وطلوعها الحين قمة الخطرشافت رجال باين عليه علامات الصلاح ركضت بسرعه ناحيته
