رواية عشقت تلميذتي الفصل السادس 6 بقلم اية الشامي
رواية عشقت تلميذتى
البارت 6
استيقظت همس بكسل وكانت الساعه 11 ظهرا
ثوانى وارتدت جاكت البيجامه ونزل إلى الأسفل
همس: مروان مروااان
لفت انتباهها ورقه ملحوظات على التلاجه اخدتها و بدأت تقرأ
( أنا عارف أنك مش بتحبى لحظات الوداع عشان كده محبتش اعيشهالك أنا مشيت وأنتى نايمه أول لما انزل من الطياره هكلمك خلى بالك من نفسك وجهزى ل نفسك فطار بقى اشوف وشك بخير )
كانت دموعها تتساقط مع كل كلمه تقرأها
همس بحزن: خلاص مشيت
التليفون رن قالت همس بلهفه دا اكيد مروان
و ردت من غير ما تشوف مين اللى بيتصل
همس: الو
ميرنا: ألو أيوه ي همس
همس بحزن:ده أنتى
ميرنا: امممممم كنتى مستنيا حد غيرى ولا ايه
همس: لأ بس فكرتك مروان
ميرنا: ههههههههههه مروان ازاى يعنى مثلا أنتى في الاوضه وهو في الصالون بيتصل يطمن عليكى
همس:بمووت من خفت دمك مروان مش هنا يلا تعالى
بالفعل اتت ميرنا لهمس و قعدو يذاكرو مع بعض بجد واجتهاد فهمس تريد أن تصبح مهندسه ديكور لأنها تعشق هذا المجال جدا
ميرنا: اووووووف بقى أنا زهقت بقولك ايه أنا عايزة أكل
همس: روحي شوفيلك حاجه في التلاجه
ميرنا:هو أنتى حيلتك حاجه انا هعمل هوت شوكلت
همس: أعمليلى معاكى
بدأت ميرنا بتحضير الهوت شوكلت ولكنها لاحظت شرود همس الحزين
ميرنا:همس أنتى حبيتى مروان
همس بارتباك: ايه لأ طبعا ايه اللى أنتى بتقوليه ده
ميرنا:امسكى اشربى واهدى كدا أنا صاحبتك يعنى اكتر واحده عارفاكى كويس يعني من الاخر كده مش هتعرفى تحورى عليا احكى
همس:احكى ايه بصى انتى عارفه أنا مروان اتجوزنا ازاى
ميرنا: لأ مش عارفه هو أنا كنت قاعده معاكم
ضربتها همس بسب ثقل دمها
همس: طب والله ما أنا حكيالك حاجه ويلا قومى روحى
ميرنا: جرا ايه يا همستى دى مش كلمه يعنى وبعدين هو أنا كذبت يعنى هو مش جوزك ايه بقى مفيش حاجة كده ولا كده
همس: حاجه زى ايه
ميرنا: يعنى مثلا … مثلا نونو صغير جاى فى الطريق
همس:يا نهارك أسود أنتى دماغك الشمال دى ايه و اقسم بالله ما هسيبك
ميرنا: اااااه الله يخربيتك على بيته أن شاء الله ما اتنيلتى انتى وهو يا بعيده
ااااه دراعى ي بنت العضاضه ايه هو مش بجيبلك لحمه ولا ايه
همس : احسن تستاهلى
كانت همس جالسه بمفردها بعدما ودعت صديقتها كانت تنظر من النافذه على شكل النجوم الجميل وفي نفس الوقت كانت تنتظر اتصال من مروان بفارغ الصبر دقائق و آتاها اتصال فديو من مروان فتحت بلهفه
همس: مروان
مروان: عامله ايه
همس: أنا تمام أنت عامل ايه كنت قلقانه عليك متصلتش من بدرى ليه
مروان: آسف والله التليفون فصل شحن أول لما نزلت من الطياره
همس: طب مامتك كويسه
مروان: آه الحمدلله عايزه تكلمك
همس بفرحه: اوك
صافيه: حبيبتى كيفك
همس: الحمدلله ي طنط طمنيني عليكى
صافيه: الأمور طيبه حبيبتى
همس: الحمدلله
صافيه: مشاء الله عليكى كبرتى أنا اتذكر آخر مره شوفتك كان عمرك بس شهرين بس صايره متل القمر مشاء الله
همس: تسلم عيونك أنا حبيتك أوى والله ياريت تنزلى مصر مع مروان
صافيه: لأ لأ حبيبتى مصر لا
همس: ليه بس دى مصر بلد الخير والكرم
صفيه: الخير والكرم على أهله حبيبتي الله يجرنا منها
همس: ليه بس هم أهل مصر زعلوكى في حاجة
صافيه: أهل مصر على راسى والله بس هيك أنا ما إلى حظ بمصر حبيبتي مروان خبرنى أنك عم تدرسى
همس: آه دعواتك بقى
صافيه: قلبي معك حبيتى وراح اذكرك ديما بدعائى
أن شاء الله يوفقك وان شاء الله بس تخلصى امتحان بتيجى زياره ع دبى حبيبتي
همس بابتسامه: أن شاء الله أن شاء الله
صافيه: خدى مروان يبغى يحاكيكى
مروان: هههه متستغربيش كلامها اماراتيه بقى
همس: لا بالعكس أنا حبيتها أوى مامتك قمر أوى
مروان بفخر: عرفتى أنا طالع لمين
همس: لا طبعا انت مفكش حاجه منها
مروان: نظرك ضعيف المهم ها بتذاكرى ولا لأ
همس: لا والله بذاكر تعرف أنى انهارده حليت 6 تمارين
مروان: مشاء الله مشاء الله بتاكلى كويس
همس: آه
مروان: خلى بالك من نفسك و اقفلى الباب عليكى كويس
همس: ماشى
مروان: يلا سلام بقى عايزه حاجه
همس: آه عايزاك أنت
تغيير وجه مروان من هذا الكلمه
مروان:ما …ما أنا موجود معاكى فى كل مكان
همس: لأ أنت مش موجود … أنت .. أنت سايب فراغ كبير أوى يا مروان فى البيت وفي حياتى وفي كل حاجه والفراغ ده بيخنقنى
مروان: ايه الكلام اللى يوجع القلب ده بس عمرى ما اتخيلت أنى مهم أوى كده بالنسبة ليكى
همس ببكاء: والله ولا أنا أنا معرفتش قيمتك إلا لما امشيت
مروان:طب طب بطلى عياط عشان خاطرى كفايه ..بس بقى
همس: حاضر
مروان: أنا هاحاول أرجع في اقرب وقت بس اوعدينى أنك تهدى ماشى
همس:اوك ماشى
وتمر الأيام على همس التى أصبحت مثل الضائعه مثل الذي فارق أهله أصبح يومها ممل جدا لم ياتى أى شىء جديد حين ياتى الصباح تستيقظ بكسل تدرس لبعض الوقت تحاول أن تلهى نفسها في الرياضه أو مشاهدة التليفزيون أو الهاتف ومروان لم يستطع التحدث معها بشكل متواصل بسب سوء شبكات الاتصال
ياتى عليها المساء وهى تنظر إلى النجوم باشتياق
في دبى
كان جالس ينظر إلى صورها وفيديوهات وهى تغنى وتمرح وغيره كم اشتاق اليها و يتمنى أن يعانقها كان يكلم نفسه
مروان:دى الوحيدة اللى قلبي عشقها يااااا قد ايه الحب ده غريب قادر يغير نظرتك للإنسان بشكل غريب أول مرة شوفتك فيها قولت ايه ده مستحيل تكون بنت عمى واحده زى دى
دلوقتي بحمد ربنا عليكى
بعد كام يوم الساعه 12 منتصف الليل في مصر
كانت همس جالسه بمفردها فى الصالون وهى تشاهد فيلم كانت شارده ولكنها انفزعت حين سمعت صوت يخرج من الباب أحد يحاول فتحه كادت ان تموت من الخوف
همس بخوف شديد:م ….م….مين
اتفتح الباب نظرت همس بصدمه ثم قامت مسرعة
همس بفرحه: مروااااااان و دفنت نفسها فى حضنه باشتياق
مروان وهو يحتضنها بابتسامه: وحشتيني
همس:اااااه والله حاسه نفسى بحلم
بعد فتره كان يجلس على السرير وهو يحتضنها
مروان: همس تعرفى
همس: ايه
مروان: أنتى مش همس خلاص
همس: ههههههههههه والله إنت رخم
مروان: همس أنا بحبك
همس بصدمه: ايه
مروان: أيوه يا همس صدقيني أنا اكتشفت ده لما بعدت عنك عرفت أنك أحلى حاجة حصلت فى حياتى عرفت أن حياتي من غيرك ولا حاجه
همس بخجل: مروان أنا….
مروان: أنا مش عايز منك أى حاجة أنا بس حبيت اصراحك بمشاعرى وأنتى مش مجبوره أنك تقولى حاجه دلوقتي أنا عايزك أهم حاجة دلوقتي تركزى في دراستك تمام
همس: تمام
و انتهى اليوم و ذهب كل منهم للنوم و تمر الايام وهمس تستعد ل امتحاناتها وشبح الثانويه المرعب أكون أو لا أكون ضغط توتر خوف كل ده كانت بتمر بيه لكن مروان كان بيهون عليها كل دا كان بيسهر معاها بالليل ويساعدها في الدراسة يستيقظ معها مبكرا قبل الذهاب الى الامتحان كان يدعمها دائما
وها هو اليوم آخر يوم في الامتحان
أمام المدرسة
مروان:كل تمام
همس بتوتر: تمام
مروان :مسطرتك في إيدك سندوتشاتك في جيبك
همس: ههههههههههه
مروان: أيوه كده فكى وخلاص فاضل تكه
همس بمرح:تكه تكه
مروان: على آخر السكه
همس بضحك: كان ناس كتير شاكه وشوفو روحنا لفين.....يلا باااااى
مروان: بالتوفيق ان شاء الله
ذهبت همس إلى الامتحان بتوتر و بدأت في الحل بعد مرور 3 ساعات كانت همس خرجت من الامتحان و هى تبكى
مروان بلهفه : فى ايه مالك
همس ببكاء: مش عارفه الامتحان كان صعب أوى وفي حاجات كتير مش متأكدة منها أنا خايفه أوى
مروان: طيب أهدى أن شاء الله خير خير أهدى تعرفى احنا رايحين فين دلوقتي
همس: فين
مروان:رايحين السخنه
همس وهى تحتضن مروان بفرحه: بججججد
مروان : اومال
في السخنه
همس: مروان أنت جاى هنا عشان تنام
مروان بنوم: همس حرام عليكى إحنا جاين من طريق طويل نريح شويه
همس:خلاص ريح أنت أنا هنزل
مروان: أنتى ايع…اياكى تطلعى من غيرى
بعد 5 ساعات كانت الساعة 5 عصراً وطبعا البحر بيكون روعه في الوقت ده
على الشاطئ
همس: مروان هو البحر مفهوش ناس ليه
مروان: علشان ده شاطئ خاص
همس: أمممممم يلا أشوفك بقى
مروان: أنتى بتعرفى تعومى
همس بغرور: طبعا
ونزلت تعوم ومروان كان بيجهز بعض المشاوى وهو قرر أنه مش هينزل البحر لأنه لسه تعبان من السفر
لكن همس دى عادى لو جايه من آخر الدنيا أول ما تشوف البحر هترتاح أشار لها مروان أن تأتى
ولكنها لا تستجيب
مروان وهو يشير إليها: همسسسسس همسسسس
ولكن لا رد امتلأ قلبه رعباً عليها
و ذهب مسرعاً إلى البحر وظل يعوم في الاتجاه إليها بسرعه جدا كان خلاص على وشك أن يقترب منها و لكن ....
اخرت همس رأسها من الماء وهى تضحك بانتصار بعد ما نفذت مقلبها
همس: ههههههههههه شربت المقلب يا مااان
مروان بغضب من تصرفها: و اقسم بالله ما عندك دم
همس: أى ده أنت زعلت ده مقلب
مروان بغضب:بس بقى ابعدى عنى
همس: شوفت بتتخلى عنى واحنا بين السماء والأرض ازااى ااااه انخدعت فيك
ذهبت همس إلى الاتجاه الاخر ولكن أمسك بها مروان بشده لتشهق هى خجلاً
همس:هييييي مروان أبعد
مروان بغمزه: أبعد ايه بس وأحنا بين السماء والأرض
همس: طب ..طب أبعد علشان أنا عايزة أطلع
مروان: أممم وأنتى فاكره مقلبك ده هيعدى بالساهل كدة فاكره العقاب يا همس
همس ببلاهه: عقاب....عقاب أيه.....
