رواية سجينة ولكن الفصل الخامس 5 بقلم ندا
المعلمة :احنا عرفنا انه مشي من الشركة اللي كان بيشتغل فيها
دهب :ايوة هو كان استقال من فترة بس هو دا معناه اي
المعلمة :شغلي مخك معايا انا عرفت بدا فكرت في اي اللي يخليه يستقيل فجأة لان زي ما انتي قولتي انه شغال في المكان دا من سنين اشمعنا دلوقتي
دهب :هو قال انه تعب من الشغل ومبقاش قادر
المعلمة :لا دا محصلش مش دا السبب هما لما سألوا عرفوا انه كان متهم بالسرقة وطردوه مش هو اللي استقال
المعلمة :ما انا عارفة الكل كان بيشكر فيه ومش مصدقين ودا اللي خلاني اشك اكتر
دهب :يعني وصلتوا لايه
المعلمة :في حاجة في الشركة دي مش مظبوطة احساسي بيقولي ان الحقيقة عندهم
دهب :طب والعمل اي دا انا حتي مقدرش اخرج من المكان
المعلمة :بدال انتي في حمايتي سيبيها عليا انا مش هسيبك الا لما تطلعي براءة
دهب :انا دلوقتي مش عاوزة البراءة بس لا انا عاوزة اعرف مين القاتل الحقيقي واللي خلاني زي المجرمين هربانة لازم اخد حقي
المعلمة :انا عندي خطة هتساعدك
**************************************
في الشركة كان في شخص قاعد ومتعصب اوي وراجل واقف قدامه وهو خايف من اللي هيحصله
الشخص :ايه اللي انا سمعته دا ها قولي ازاي قدرت تهرب لا وبقالها ايام ومعرفش الا النهاردة
الراجل : ي باشا انا معرفش هربت ازاي ولا مين اللي هربها هي ملهاش حد
الشخص :انت بتسالني انا انا مشغلك عندي ليه عسان تقولي الحجج والاعذار الفارغة دي
الراجل :انا..انا
الشخص :انت هتعلق واللا اي انت دلوقتي تختفي من قدامي ومتظهرش الا وانت عارف طريقها انت فاهم
الراجل :فاهم ي باشا
خرج الراجل من المكتب ودخل واحد تاني وهو باين عليه العصبية الشديدة وقرب من اللي قاعد وحاله مشابه له
الشخص :قبل ما تتكلم ي نبيل اقعد واسمعني
نبيل :اسمع اي ها اسمع اي مش هو دا اللي اتفقنا عليه راضي
راضي :وانا كنت اعرف ان دا اللي هيحصل ما كل كانت تمام والبنت شالتها واتسجنت فجأة اعرف انها اختفت
نبيل :وفين الاغبية اللي انت مشغلهم عندك ومسئولين عن الموضوع دا
راضي :مش وقت كلامك دا ي نبيل احنا لازم نقعد ونفكر هنعمل اي عشان نطلع من المصيبة دي
نبيل :البنت دي بدال اختفت يبقي مش هتسكت وهتبقي سبب في كشفنا فلازم نخلص عليها
راضي :تقصد اننا
نبيل :ايوة اللي حصله يحصلها نخلص منها بدال ما كلنا نروح علي المشنقة
راضي : بس يعني كدا هنتدبس في مصيبة تانية
نبيل :واحنا مالنا احنا مش هنعمل حاجة بايدنا
راضي :اعمل اللي تعمله بس عاوزك تفتكر اني مش موافق علي اللي انت ناوي تعمله دا
نبيل :متقلقش سيبها عليا انا
**************************************
في مركز الشرطة كان الظابط المسئول متوتر جدا وهو قدام المسئول عنه اللي كان بيبصله بعصبية
الظابط :ي فندم انا بعمل اللي عليا وباذن الله هنلاقيها
_مفيش حاجة اسمها كدة ي حضرة الظابط انت اهملت في شغلك
الظابط :ي فندم انا
_متقوليش انا انت فاهم انا زهقت من مبرراتك التافهة دي قدامك مهلة يومين لو مقدرتش تلاقيها اعتبر نفسك موقوف عن العمل ومحول للتحقيق انت فاهم كلامي دا
الظابط :ايوة ي فندم
_يلا روح شوف حل في المصيبة دي
الظابط :تمام ي فندم
خرج من المكتب وهو متعصب من اللي سمعه وحاسس بالحزن من اللي هيجراله
الظابط :اكن انا اللي عمري ما سمعت كلمة وحشة في حقي اتوقف عن العمل بسببك وعد مني اني الاقيكي واندمك علي اللي عملتيه دا بس استني عليا
ياتري المعلمة هتعمل اي!?
واي السبب ورا قتل الشخص دا !?
والسؤال اللي محيرنا هل دهب هتقدر تثبت برائتها!?
السادس من هنا
