رواية سجينة ولكن الفصل الرابع 4 بقلم ندا
كانت دهب قاعدة لوحدها وهي خايفة لان المكان حواليها ضلمة وهي قاعدة لوحدها مفيش حد معاها هي بقالها يومين علي الحال دا ومستنية المعلمة تطلع والنهاردة كان ميعاد خروجها اليوم اللي مستنياه بفارغ الصبر عشان تكشف برائتها سمعت صوت من برة وكان الشاب اللي معاها في المكان واللي اخدها من بعد ما هربت
الشاب :انا جيبت الاكل يلا خوديه
دهب :لا انا مليش نفس من عاوزة آكل
الشاب :قولتلك اسمعي الكلام وبس انا مش مستعد اقع في ورطة مع المعلمة من تحت راسك هي موصياني عليكي
خافت دهب من نبرة صوته العالية واخدت الاكل وبدأت تاكل في صمت تام وكل اللي في دماغها هتثبت برائتها ازاي
دهب :لو سمحت هي المعلمة هتخرج امتي
الشاب :هي مخططة انها هتخرج النهاردة وهتيجي هي والرجالة هنا فلازم تفضلي في المكان دا ومتخرجيش منه فاهمة
دهب :فاهمة
خرج هو من المكان وسابها في وسط افكارها اللي بتخلي عقلها بيودي ويجيب
**************************************
بعد فترة سمعت دهب صوت عالي من برة فخرجت بالراحة ومن غير ما حد يحس بيها واستغربت لما شافت المعلمة قاعدة ومعاها رجالة وقدامهم حاجات كتيرة اوي خافت منها زي السلاح ومخدرات وحاجات كتيرة تانية انصدمت دهب من اللي بتشوفه وحست ان المعلمة فعلا خطيرة وانها ممكن تكون اتسرعت لما قبلت بمساعدتها لها
المعلمة :لا السعر دا مينفعنيش بحبح ايدك شوية دا انت شايفني لسة خارجة من السجن
الراجل :بس ي معلمة دا نوع معتبر وسعره اغلي من كدة بس عشان خاطرك انا قللت
المعلمة :يعني اي اخر القول
الراجل :اللي انتي عاوزاه ي معلمة انا ميرضنيش زعلك مني
المعلمة :يبقي كدة الشغل تمام سيبوا الحاجات دي هنا وانا هبقي اتصرف فيها ونبقي نتكلم في اللي هيحصل بعدين
الرجالة :تمام ي معلمة
خرجوا كلهم من المكان وهي ندهت علي الشاب اللي كان مع دهب طول الوقت وهو راحلها بسرعة
الشاب :اؤمريني ي معلمة
المعلمة :خد الحاجات دي من هنا وخبيهم في مكانهم وناديلي دهب
الشاب :اوامرك ي معلمة
**************************************
دخل الشاب علي دهب الاوضة وهي كانت قاعدة وخايفة ليكون حد عرف انها سمعت كل حاجة هي رجعت للمكان قبل ما حد يشوفها بس خوفها اللي متحكم فيها
الشاب :قومي يلا قدامي المعلمة عاوزاكي
مشيت وراه وهو وصلها للمعلمة ومشي علي طول وهي فضلت واقفة جمبها ومقعدتش ودا اللي خلي المعلمة تستغرب
المعلمة :مالك واقفة كدة تعالي اقعدي جمبي
دهب :لا انا مرتاحة كدة
المعلمة :دهب تعالي اقعدي جمبي بقولك انا مبحبش اكرر كلمتي مرتين
قعدت دهب جمبها وهي خايفة والمعلمة حست بخوفها دا
المعلمة :في اي مالك خايفة كدة
دهب : لا ابدا انتي طلبتي تشوفيني
المعلمة :ايوة انا فكرت في كل اللي انتي قولتيه ليا قبل كدة وفكرت فيه
دهب :كلام اي
المعلمة :مش انتي حكيتيلي كل حاجة عن حياتك انا ممكن اكون مسكت طرف الخيط في القضية دي
دهب :بجد
المعلمة :ايوة انا وانا جوة السجن خليت رجالتي يدوروا كويس ولاقينا حاجة غريبة
دهب :اي هي
ياتري ايه الحاجة اللي لقيتها المعلمة!?
ودهب هتثق فيها تاني واللا هتفضل خايفة!?
وهل الحاجة دي هتساعد دهب واللا لا!?
