رواية خطأ بالخطأ الفصل الرابع 4 بقلم شيماء مشحوت
سَمر: مالك يا شهد معيطة ليه؟
شهد بحزن: أختي لقيتها نايمة على الأرض عند خالو، وأنتِ عارفة الجو برد إزاي،وأكلها كان عيش ناشف وكل ده بسببي، وفوق ده كله مش عارفة أخرج أساعدها ندور على شغل.
سمر: إزاي خالك قاسي كده! بقولك إيه عندي فكرة جامدة جدا تقدري تجيبي منها فلوس وأنتِ مكانك.
شهد:إزاي
شهد بخوف وصدمة: لأ طبعا مستحيل أعمل كده، ريم لو عرفت ممكن تموت فيها.
سمر : طب كتبك هتجيبيها إزاي؟ ولا ناوية تقعدي وتضيعي مستقبلك وأخرتها تمسحي سلالم!
شهد بزعل: ماله مسح السلالم يا سمر، مش شغل حلال بتعب وشقى يبقا أحلى مية مرة.
سمر: خلاص براحتك يا حلوة، وعلى العموم مكنش قصدي طنط!
شهد : سلام.
..............
عند ريم اللي بعد ما روحت أدركت إن خالها مش موفر ليها أكتر من سقف بيته تتحمى تحته، وأن أي شيء تاني ولو أكل عليها هي.
بس ضحكت لما افتكرت كرم مرات خالها اللي سابتلها رغيف ناشف تتعشى بيه كتر خيرها يعني..
راحت كليتها الصبح من غير أكل أو أي شيء منسيتش تنزل بدري علشان تلحق توصل على معاد أول سكشن ولأن مافيش تروح مواصلات طبعا.
خلص يومها من سكشن لمحاضرة طول اليوم...
تعب ،أرهاق، بدون نوم أو أكل!
راحت علي الصيدلية وهي مش حسه بنفسها أو باللي بتعمله!
ريم : آنسة هند، أنا موافقة.
هند : موافقة على إيه.
ريم "بتوتر وتعب" : إن حضرتك تديني خبرة وشغل وأنا....
هند: تمام تمام يلا نبدأ الأول هعرفك على الضلع الثالث معانا هنا.
تعالىٰ
ريم بصدمة وذهول : أنت؟
لا، لا، مش معقول
إزاي؟
