رواية بيت العنكبوت الفصل الرابع 4 بقلم همس

رواية بيت العنكبوت الفصل الرابع 4 بقلم همس

الــــ ج ـــــزأ الـــــرابع في مطار الرياض فارس: اخير جت هالرحلة كنت انتظرها على احر من الجمر احمد: ايه ماصدقنا كتمة هنا نبي نروح نبسط انفسنا هناك ونكيف ,,, فارس شوف البنات الي هناك فارس: وين؟؟؟ احمد: البنات الثلاث الي جالسات لحالهم فارس: ايه شفتهم ايش فيهم احمد: شكلهم خقق شوف فارس: بدون مبالات تلقاهم بس بالنقاب والا اذا فسخو تلقاهم جياكر احمد: مادري احساسي انهم يجنون تخيل لو ان رحلتهم نفس رحالتنا فارس: والطل احمد: تعجبني ياثقيل اموت واعرف البنات مايهزون لك شعرة ليه فارس: ناظر بعيد كذا من ربي استحقرهم خلقني ربي كذا احمد: حط رجل على رجل وانا اموووت بترابهم خلقني ربي كذا فارس: عاد انت حدث ولاحرج مشبك ميه وقائمة الانتظار مية ثانيه هههههههههههه مابعد 3 جوالات شي وخمسين بطاقة من زين وسرا وموبايلي ومنتظره شركة اتصالات تفتح جديدة علشان تشتري منهم بعد هههههههههههههههههههه احمد: ياخي قول ماشاء الله لاتطخنا بعينك بعدين لاتكبر السالفة عشرة بنات بس وتقول ميه فارس: كيف متحملهم هم ودلعهم ماسخات مالغات مالي مزاجهم احمد: ياخي احبهم مبلي بحب البنات زي مابلاك بكرههم فارس: انا بس اتسلى فيهم انفث منهم نفثتين بعدين ادوسها بجزمتي احمد: اقول خلنا من دوستك ومشينا نادو على رحلتنا نادين: يالله فوفو نادو على رحلتنا فرح: طيب وهي تمشي سرحت بأختها وجلست تتذكر فرح لابسه عبايتها وشايلة شنطتها شجون لاوصيك على نفسك سكري باب البيت كويس واول مايجي الليل سكري باب غرفتك وخلي المفتاح عليه جت تبي تبوسها بس تراجعت لانها تعرف كره شجون لها رها: هيه فوفو وين رحتي فرح: ايش بغيتي رها: لي ساعه اكلمك ااشرك على المزيون الي يمشي قدامنا فرح: بدون نفس مادري مانتبهت احمد: يابختنا يافارس المزيونات بنفس رحلتنا لا ومن زين حظنا شكل الموظيف ياشر على الكراسي الي جنبنا علشان يجلسون فيها الموظيف : انتم الثنتين هنا والآنسه هناك فرح: لاسوري لازم نجلس سوا الموظيف : اوك راح وكلم رجال كان جالس وطلبه يغير مكانه وجلسو البنات جنب بعض وبينهم فاصل بين فارس واحمد طبعا احمد بالطرف وفارس عند الشباك نادين: الشاب بس يطالع فينا فرح: طنشيه رها: ان طنشته ماتقدر تطنش هالقمر الي جنبه نادين: مسوي ثقيل فرح: ضحكت بدلع مافيه ثقيل علينا احمد: والله يالي بالوسط عليها نظرات تذوب وشكلهم عوايل هااااي فارس: يطالع برا وساكت احمد: تعمد يكلمهم لف يوم طارت الطيارة ممكن لو سمحتي المجلة الي عندك نادين: بدلع ليه ماعندكم زيها احمد: الا بس شكل الي عندكم احلى او محليتها هالاصابع نادين: ضحكت بنعومة ودلع تفضل احمد: اخذها وتعمد يمسك طرف اصابعها وحط عيونه بعيونها وقال بهمس كذا ماتحمل اخاف اذووب نادين: عادي ذوب احنا رايحن لفرنسا راح تجمد هناك وغمزت له وصدت عنه تكلم البنات احمد: يااااااااا عيني دلع ونعومة وربي ماقدر على كذا نادو في الطيارة ان الطائرة راح توقف اضطرايا في أحد المطارات فارس: ياربي على هالحظ احمد: عادي خلنا نتمشى شوي بتركيا ايش ورانا نزلو وراح لبوفيه المطار وشافو البنات يشترون وراح احمد يكلم رها ونادين والا فرح كانت جالسه على الطاولة تنتظر البنات رها :تعالو حياكم وجيب صديقك معاك احمد: من عيوني ثواني بس راح جري لطاولة فارس تعال شوف لايفوتك البنات كشفو لثامهم وصارو يجنووووووون وعازمينا على طاولتهم فارس: مالي خلقهم احمد: تعال خلنا نبسط بس الثنيتن الي كشفو الثالثة لسه ماكشفت شكلها جيكرة موزيهم فارس: يمكن ههههههههههههههه رها: يارب يقتنع رفيقه ويجي فرح: راح يقتنع بس هو مسوي ثقيل علشان البنت هي تجري وراه اعرف اصناف الشباب زين بس ماعليكم انا راح اجيب راسه نادين: قدها وقدود ههههههههههههه فرح: يوم شافتهم قربو اسمعو لاتعلمونهم احنا بنات مين قولو لهم احنا بنات هوامير بالرياض واهلنا مسفرينا للخارج ننبسط اسبوع ونرجع اوك البنات: اوك رها: بس ليه ماكشفتي مو عادتك بالعادة اول وحدة تكشف انتي فرح: ماعليك لزوم الشغل كذا علشان اجيب راس هالمغروراسكتو جو احمد: مسائكم الله بالخير ياعسولات البنات وقفو وسلمو عليهم جلسو يسولفون ويمزحون الا فارس وفرح كل واحد يرد كلمة اوكلمتين ويسكت حتى جاء اكلهم نادين: فوفو حياتي كيف تاكلي بلثامك كذا يضايقك فرح: طيب بسس رها: بس ايش قلبو فارس: عقد حواجبه كان جلوسنا مضايقك نروح انا واحمد طاولة ثانية فرح: بدلع لاخلك عاتي وحطت يدها الي مزينة اظافرها بمناكير احمر يزيد بياضها حطت هاليد على لثلمها علشان تكشف فارس: قرب عصيره يشرب ولارفع عيونه لها بس يسرق النظرات سرق احمد: طير عيونه فيها يبي يشوف ايش تحت لثامها فرح: فسخت لثامها ومسويه مستحية ومنزله عيونها رفعتها بشويش لهم حتى تلاقت عيونها بعيون فارس فارس: شرق بعصيره احمد: كان مطير عيونه وفاتح فمه مبهور من جمالها بس فاق من سرحانه مع شرقة فارس بالعصير رها: بسم الله عليك فرح: كتمت ضحكتها قالت بنعومة بسم الله عليك ومدت له المنديل فارس: اخذ المنديل ولامس اصابعها وذاب اكثر نادين: حطت يدها على كتفه هاه بشر فديتك عساك تحسنت فارس: الحمد لله مافيني شي احمد: يبي يرقع زاد اذا شفت العصير حلو كذا لاتصير مشفوح وتشربه كله فارس: رفع عيونه لفرح ساعات يزيد العصير عن حلاه وتشرق فيه غصب عنك فرح: ابتسمت بنعومة ودلع ************************** في بسطة ام صالح ام صالح : يالله يابنت نشيل البسطة ونرجع للبيت شجون: سمي ياخالة بعد ماوصلو للبيت ونزلت شجون كل الأغراض خاله ايش رايك انام عندك الليله ام صالح: باستغراب ليش؟؟؟؟؟؟ شجون: بارتباك وتبلع ريقها علشان بكره ننزل للسوق بدري اعرف نفسي نومي ثقيل وان رجعت للبيت وراحت علي نومة ام صالح: اجل بالدراسة كيف تروحين للمدرسة شجون: كانت اختي فرح تقومني قالت بقلبها اغفرلي يارب على هالكذبة ام صالح: وين طاسه أختك هالمره شجون: بضيقه مادري عنها المهم خاله انام اولا ام صالح: كيفك بس البيت ضيق وماعندي غرف زايدة تنامين بالمخزن شجون: بفرح ايه ايه ام صالح: تراه مافيه مكيف شجون: عادي ياخالة ام صالح: اجل نظفي البيت قبل ماتنامين وراح اعطيك حقك شجون: مومشكلة راح انظف لك من عيوني مقابل نومتي عندك الليله ام صالح: وش دعوة يابنتي كل شي بحقه ونومتك عندي تفرحني الناس لبعضه وانا خالتك شجون : تسلمي ياخالة ماتقصري والله وراحت جري وهي مبسوطة للمطبخ تنظف وترتب البيت يوم خلصت شغلها اخذت فراش قديم من ام صالح وسكرت المخزن ونامت عليه حطت يدينها تحت راسها تنهدت بفرح اخيرا راح افتك من بيتنا هالليله الله ييسر لي امري الليله الي بعدها متى يخلص هالاسبوع وترجع فرح اخاف من ابوي اجلس بالبيت لحالي انا وياه آآآآآآآآآه اقول كلمة ابوي وماعمري حسيت انه ابوي انحرمت من حنان الأم وحنان الاب وهو حي الابو الي المفروض مصدر أمان لبنته وأنا صار مصدر رعب لي وينك ياغريب الي كنت معوضني عن الأخ والأب وكل شي انقلبت على جنبها الايمن وحطت يدها تحت خدها اقتداء بنبيها صلى الله عليه وسلم حتى هالسنة ماخليتها اذكر وصاياك لي زين ياغريب كان مدرسك يعلمك وانت تجي تعلميني اشتقت لك وربي اشتقت لك صح يومها كنت طلفة لسه برابع ابتدائي وانت بأول ثانوي بس كنت احس بالأمان معاك وكبرت وانا اسم زوجي مقترنة باسم غريب ماكان يحن علي غيرك ولايهتم فيني غيرك ولايدافع عني غيرك غمضت عيونها وسرحت بعييييد غريب: ايش فيك شجون تبكين شجون: تشاهق وعجزت تتكلم غريب: وهو جالس على الارض جنبها شجون ردي علي ابوك ضربك؟ شجون: تهز راسها لا غريب: فرح ؟ شجون: تهز راسها لا غريب: اجل مين ردي علي؟؟؟ شجون: تحاول تهدأ كنت امشي ومريت من عيال الحارة جاء زياد يتريق علي عجزت استحمل رديت عليه قام وجرني مع شعري وضربني غريب: قام معصب والله ماخليه شجون: جرته مع يده لاتكفى غريب خله غريب: وربي الي خلقني ماخليه وراح وهو معصب شجون: ركضت وراه واول مرة بحياتها تشوف غريب بالعصبيه هذي راح جهة زياد وجره مع صدره حاولو ربعه يدافعون عنه بس دفهم وجلس يضرب زياد بقوة حتى فر منه زياد وراح يقول لأبوه ركضت شجون لغريب الحين ابوه راح يعلم عمك جاسم وراح يضربك غريب: وهو يتنفس بقوة من زود العصبيه خليه يعلم ماهموني ونفس كلام شجون صار اصلا ابوزياد وجاسم يجلسون سوا جاء جاسم وابو زياد ثاير وجر جاسم غريب ودفه على الارض وصار يضربه بالعصا بكل قوته يقدر يدافع عن نفسه لان جاسم وغريب متحمل وماطلعت له ولادمعه حتى سال الدم من يد جاسم جرح يده بالعصا بدون مايدري شجون: ركضت ودفت جاسم بجسمها الصغير وهي تبكي حرام عليك ماله أب ولا أم ماتخاف ربك تطلع دمه راح ربي يعاقبك علشانه وهي تشاهق جاسم: تضايق يوم شاف يده المجروحه بس كان معصب عليه رمى العصا وراح ابو زياد : ارتاح يوم انتقم لولده ناظره ولد لقيط قليل أدب وراح زياد: بانتصارخلك علشان مرة ثانيه ماتمد يدك علي غريب: بعصبيه وربي والي خلقني ان مديت يدك على شجون لاقطعها لك وربي لاجاسم ولا ابوك يومها راح يمنعومني لو كان على جثتي زياد: خاف وراح غريب: راح تحت الشجرة بدون مايكلم شجون شجون: تألمك يدك صح غريب: مايرد عليها شجون: غريب اكلمك غريب: بعصبيه وأنا اسمعك شجون: عارفه انها تألمك صح غريب: بعصبيه مو يدي الي تألمني قدر كلمتك الي ألمتني انتي ذليتني ياشجون نزلتي راسي بينهم وفرحتيهم علي انتي جرحتيني تقولين ماله اب ولا ا مكانك تسرحمينهم شجون:ببرائة الطفولة قسم ماقصدت بس عجزت استحمل يضربك قدامي وبكت وربي ماكان قصدي اجرحك غريب: خلاص شجون ماصار شي شجون: مسحت دموعها وقامت شقت طرف ثوبها غريب: ايش تسوين يالمجنونة شجون: ابربط يدك غريب: بس ماعندك غير هالفستان شجون: ماهنمي راح البسه وهو مشقوق عادي غريب: ابتسم لها ومد يده لها ماراح افرط فيها ابد شجون: ابتسمت له بس غريبه غريب دايم انت هادي اول مره اشوفك عصبي كذا دايم زياد يقط كلام وماترد عليه كنت تقولي مابي مشاكل مع عمي جاسم غريب: وهو يمشي معاها راجعين لبيوتهم ايه لأنه كان يسبني انا كنت اقدر اتصبر بس انتي لا شجون: بس تصدق ماتوقعتك كذا بطل كأنك طرزان هههههههههههه غريب: من بركات ضرب عمي جاسم لي برد لحمي وصرت ماحس ههههههههههههه شجون:فتحت عيونها وانقلبت على ظهرها حطت يدينها تحت راسها وتناظر السقف ياترى انت وينك الحين ومازلت قوي وماتبان قوتك الا عند االزوم نسيتني او لا رميت قطعة فستاني او زي وعدك ماراح ترميه آآآآآآآآه اكيد الزمان نساك شجون بس انا مانسيتك ومستحيل انسى انسان وقف معاي فترة من عمري تزوجت او لسه؟؟؟ يارب انك مبسوط وسعيد هذا اهم شي عندي ******************** في بيت ابو مشاري البنات سهرانات عند مشاعل مها: بنات نسيت ابعلمكم شي مهم البنات خيرررررر بشرري مها: تتصنع الخجل بديت احب البنات جـــــــــــــــــد مها: لاخال ههههههههههه ايه وربي جد غلا: ومنو تعيس هالحظ قصدي سعيد الحظ مها: يسوري سحر: منويسوري هذا ؟؟؟؟ مها: الدكتور ياسر جراح قلب وشكله راح يداوي جرح قلبي ثقل وحلا ويجنن ويهبل مشاعل: قلتيها ثقل وانتي خفيفه مالت عليك مافيه توافق بينكم ابد اركدي بس ودوري غيره مها: يجنن غلا له اسبوع عندنا وانا احاول فيه بكل الطرق الفت نظره غلا: وعسى ليلى لفتت نظر قيس مها: ليتني ليلاه كان لفت نظره بس ماهتم فيني ابد بس ماراح ايأس مشاعل: لاتقطي نفسك عليه راح يحتقرك مها: اشوفك ماقطيتي نفسك على سليطين مشاعل: سلطوني فديته يحبني وانا احبه من يومنا صغار وهو خطيبي الحينوبعدين ماقطيت حالي عليه بس هو حاس بقلبي غلا: الحمد لله الذي عفانا مما ابتلاكم فيه حب ماحب حومتو كبدي هذي سلطان وهذي ياسر وهذي فارس سحر: يع لا ان شاءالله خلصو الشباب احب فارس غلا: يعني تسوين ماتحبين سحر: بارتباك ايه ماحب غلا: والخواطر الي دايم اطيح فيك وانتي تكتبينها لمين؟ سحر: كذا خيال زي كاتبات الروايات والأشعار مها: ايش عنه خواطرها وانا اقولك غلا: عن حبيب لها بس مو يمها ولاهو حاس بحبها وتغمز بعينها لسحر مشاعل: ياااااااااااااااااااااعين ي وطلعتي تحبين صحيح وتحبين فارسوه غلا: قايله لكم من زمان انها تحبه مها: هالمزيون هو يعطي وجه والا كان انا حبيته من زمان بس مغرور مايعطي وجه لأحد وراح تتعبي معاه ياسحر سحر: بعصبيه ياربي غثوتني فارس فارس متى راح تقتنعون اني ماطيقه مشاعل: قلنا لك مابعد الكره الا الحب وهذاك حبتيه ومخبيه علينا سحر: يووووه تصبحون على خير مع السلامه البنات تعالي يامجنونة غلا: سحر خلاص نمزح سحر: طنشتهم ونزلت تحت وهي حيل مقهورة شافت خالتها تحت باستها مع راسها ام فارس: وين يابنتي سحر: جاني النوم وابرجع فديتك ام فارس: لحالك سحر: عادي ياخالة من بعد البيت يعني كلنا بسور واحد ام فارس: لايابنتي ابوقف حتى تدخلين بيت عمك وراحت تلبس عباتها سحر: لاياخاله ام فارس : لاتحلفي فتحو باب الفله الي يدخل مشاري ام فارس: جابك ربي وقف لسحر حتى تدخل بيتهم مشاري: سمي ياخاله سحر: ياربي على هالحالة وربي استحي كيف امشي مشاري: وقف لها سحر: لفت عليه وهي متستره مايحتاج يابو بندر بس خالتي مكبرة السالفه ماراح يجيني شي خطويتين وانا واصله البيت مشاري: بابتسامه وانا ماوراي شي اشم الهواء برا حتى تدخلي بيتكم سحر: راحت وهي تسرع بمشيتها شوي وتطيح من سرعتها مشاري: ضحك على خجلها ودخل للبيت سحر: دخلت للبيت تنهدت براحه ربي لطف مو فارس كان علوم مايرتاح حتى يسمعني كم كلمة زي السم طلعت فوق لغرفتها وشققت كل خواطرها ضاقت يوم تذكرت انها لازم بكره تروح تزور امها الله يعين بس على زوج امها وولده الغثيث قامت وتسندت على شباكها تنهدت بضيق اخبي ماخبي حبي لك يا.... اخاف اني مفضوحه اني موبس احبك الاهيمانة بحبك اعشقك حتى النخاع من اول ماوعيت وعرفت الحب ماحب قلبي غيرك ولاختار رجال غيرك عارفه انك مويمي ولا حاس بحبي لك ولو عرفت اني احبك راح تستحقر حبي لك لأنك لاهي عني عارفه حبي لك غلطه كبيره بس الشكوى لله الحب يدخل بدون استئذان ومتأكده انك مو من نصيبي ولا راح بيوم تكون من نصيبي بس احبك وربي احبك ********************** في فرنسا سكنو البنات والعيال بنفس الفندق طبعا احمد اصر انهم يسكنون بنفس فتدق البنات مع انه كان غالي على فارس واحمد بس احمد صمم وفارس ماعارض كثير لأنه عنده فرح صيدة جديدة راح يتسلى فيها يومين وثم يرميها زي عادته رها: يالله بنات تأخرت على البارتي الي تحت نادين: طلعت وهي متكشخه ايش نسوي بالسنيورتا فرح لسه تكشخ رها: يحق لها اذا كشخت تكون بارزة حيل فرح: طلعت ايش فيها فرح نادين ورها صفرو خطيرررة يابنت الايه فرح: تدور على نفسها بدلع لاتطخوني بعينكم كانت لابسه تنورة ضيقه نصف الفخذ سوداء مع بوت اسود طويل بدي مشكوك كت بدونبس ماسك على الصدر ومسويه تسريحة ناعمه ومخليها كيوت مرة تحت في بهو الفندق مكان الحفل احمد: جالسه على الطاولة تأخرو مرة فارس: وهو كاشخ ببدلته الرسميه الي تناسب الحفله ويدخن وبدون مبالات مادري متى تثقل وتطنشهم لاتحرق دمك عليهم احمد:ياخي انت لوح ماتتحرك على جمال فرح ماحركتك انا نادين اقل منها جمال بس اروح ملح عندها شوف من هناك فارس: ايه هداخوينا عادل جاء عادل: جلس معهم واخذتهم السوالف بس احمد مويمهم بس يطالع الباب ينتظرهم نادين: وهي بالاصنصير مع البنات مادري ليه اخرتينا كذا فرح: وهي تعدل نفسها الثقل زين رها: ياخبلة خوذي خبرة من فرح ماراح تندمي نادين: أي خبرة يجي ابو رامي ويخرب علينا كل شي لاتنسين انه بكره مسوي حفلة كبيرة ويبغانا نجيه علشان نبسط زباينه احس اني طفشت فرح: طفشتي ماطفشتي هذا رزقنا رها: صادقه فروحه هذا رزقنا نادين: بسرعه فتح لاتأخرونا زيادة رها: والله البنت رايحه فيها ههههههههههههه فرح: راح تندم العيال زي كذا مالهم وفاء ينبسط شوي ويرميك اهم شي لاتتوهق فيهم الا اذا كان معاهم بزنس احنا مانشتغل بدون مقابل رها: شوفيها تأشر لنا معصبه ههههههههه احمد: فز من مكانه وراح صوبهم عادل: ايش فيه قام بدون مايتكلم فارس: بضحكة تريقه الولد طايح ببنات وسارقات قلبه وعقله عادل: ياويلي لايكونو مزيونات فارس: شويا ت وتشوفهم وتحكم عادل: وانت ليه ماسرقو عقلك وقلبك فارس: تخسى االي تسرق قلبي احمد: اهلين تأخرتو كثير نادين: تسوي مستحيه ايش اسوي فرح اخرتنا حيل احمد: وهو ماسك يدها ارحمي قلبي ولاتتأخري علي ثانيه نادين: بخجل اوك رها: اهلين احمد احمد: اهلين رها وطالع ورا رها وشاف قمر ورا رها قال بقلبه سبحان من خلقها اهلين فروحه فرح: بابتسامة ودلع جذابه اهلين حمودي احمد: تفضلوحاجزين لكم طاولة هناك عادل وفارس كانويسلفون ويضحكون وفارس متعمد يخلي ظهره ناحيتهم مسوي ثقل عليهم البنات هاي عادل: رفع راسه وانبهر من كشختهم بس فتح فمه يوم شاف جمال فرح فارس: انبهر من زينها وحجر ابتسامته يوم شاف عادل يطالعها وهو فاتح فمه داس على طرف رجل عادل وقال بصوت خفيف لاتفشلنا خلك ثقيل وسكر فمك عادل: يابن الايه ماقلت لي انهم كذا هذولي يجنون وخصوصا ام الاسود شوف الصدر والبياض والا الابتسامه الي تسحر والدلع والنظرات فارس: لايغرك نعومة جلد الثعبان عادل: اقول وخر مناك بس خلني ادور رزقي فارس: احذر ترا الي لابسه احمر لاحمد عادل: اجل انا الي لابسه اسود فارس: ان طلتها عادل: شكلها ذكيه وصعبه ومغرورة ابي الي لابسه وردي واخلي الثالثه لك مكار ومكارة قام عادل وغير مكانه وجلس جنب رها احمد ونادين منسجمين سوالف وضحك وعادل ورها كمان بس فارس الي يدخن ويشرب عصيره وفرح الي تقلب بجوالها احمد: تسمح لي رقصه نادين نادين: بدلع اوك عادل: ممكن رها رها: ممكن احمد: وهو ماسك خصرنادين مابقى غيركم قومو ارقصو فرح: بخجل مصطنع ماحب ارقص احمد: وهو مبسوط لان نادين معاه براحتكم فارس: طفى زيقارته انتي فرح ايش فرح: انا فرح بنت ...... ابوي يشتغل اعمال حرة من اكبر هوامير الرياض فارس: حلو طيب ليه مسافره لوحدك فرح: وهي تحط رجل على رجل ويبان فخذها الابيض الفاتن مولوحدي مع صاحباتي اهلي فري لأنه واثقين بتربيتنا فارس: حلو ويقول بقلبه وهو يطالع لبسها اوما تربية خوش تربيه رجال: طق كتف فرح ممكن رقصه فرح: بدلع سوري فارس: غريبه ماترقصي فرح: مارقص مع الغرب فارس: يعني ترقصي بس مع الي تعرفينهم فرح: يمكن فارس: طيب نقوم نرقص فرح: بخجل مصطنع مابغى ارفض لك طلب والا مو من عادتي ارقص فارس: مد يده لها فرح: مسكت يده بيدها الناعمه فارس: كأي رجل تحركت حواسه لمسكتها وهو يرقص معها كان يسولف معاها وهي تتكسر بكلامها ونظراتها ودلعها نعومة جسمها ذوبته قرب وجهه جنب وجهها وحط خشمه على خشمها هي قربت وضمته اكثر وسبلت عيونها وتتمايل بنعومة مع الأغاني الرمانسيه سهرو سوا وطلعو البنات لغرفهم عادل: وربي بنت خقق ماتوقتعهم كذا ابد طحتو على بنات ررروعه احمد: اما انا طيحتني نونا على وجهي عادل: وانا رورو طيحتني على خشمي هههههههههه ناظرو بفارس ساكت ويطالع التلفزيون ويدخن احمد: مسوي اخونا ثقل تراك اهلكت نفسك بالدخان عادل: خل عنك وربي مافيه واحد بكامل قواه العقليه يحضن ملاك زي فرح ولايجن فيها فارس: وهو يطفي جواله ويتكي على الكنبة ويحط يدينه ورا راسه من ناحية حلوة حلوة بس كله مكياج مو جمال طبيعي ابد هذا حتى عيونها ماسلمت منها كل يوم حاطة عديات غيراولا وثانيا اعجبتني وافتتني كرجل ايه بس حبيتها لا وماهزت فيني شعره وهي ترقص معاي واتحسس نعومة جسمها اتخيل ماسك لي ثعبان تتمسكن حتى تتمكن مجرد ماتسغفلك تلدغك وراح تكون لدغتها مميته اعرف هالأشكل من البنات واستحقرهم احمد: اقول بلافلسلفه ابروح انام عادل: آآآآآآآآه يارور بس تصبح على خير وخلك بهبالك حتى تطير منك فرح فارس: بضحكة تريقه خلها تطير عمرها ماوقعت عادل: اقول تصبح على خير بس ورانا سهره حلووة بكره فارس: وين نفس الفتدق او نروح لمنتزه غير عادل: لا فلها عندي لك سهره غيررررر واحد من هوامير الرياض جاي هنا ومسوي سهره شبيسل وداعييني وانا ابدعوكم فارس: لاعيب مانعرفه عادل: ماعليك امون عليه ودايم اسهر بسهراته بالرياض بس متأكد انها راح تعجبكم فارس: بإبتسامه راح نشوف

الخامس من هنا

تعديل المقال