رواية طفولتي المشتتة الفصل الرابع والاربعون 44 بقلم ضاقت انفاسي
قريب آذان العشاء
شوق تستعجل ريم : وبعدين معك
من لما رجعتي من المدرسه وانت جالسه على
اللاب
لو ادري كان خليت العلبه اليوم تيجي على اللاب وتكسره
علشان تريحين عيونك
يالله ما بقى وقت على الطلعه
ريم تناظر الشاشه بدون ما تسمع كلام شوق
لانها عارفه وش تبغى : ان شاء الله
سمعت اذان العشاء قررت تصلي وبعدها
تروح
صلت وجهزت نفسها وطلعت مع بنات خالها والجوري للسوق
واتفقوا ريم والجوري يتسوقون لوحدهم
وبنات خالها لوحدهم
ريم مسكت يد الجوري : يالله قبل لا يخلص الوقت
الجوري ابتسمت : لا تخافين رح تملين وبنات
خالك بعدهم يفرفرن
ريم هزت راسها بالموافقه وتوجهن للتسوق
كانت في اعين تراقب ريم وهي مو منتبه
ولا على بالها مندمجه مع الجوري
بعد وقت طويل من التسوق رن جوال الجوري
ردت بخوف بعد ما طالعت الاسم لانها تأخرت الو ......... بلعت ريقها بالمول ..........البنات ما كملوا ........طيب كيف ارجع وانا جايه
معهم
ابعدت السماعه عن اذنها من صراخه
ارجعت السماعه على اذنها بخوف ..........طيب انتظرك قفلت الجوال
وزفرت بضيق
طالعتها ريم : اخوك ؟؟
الجوري ووجهها مخطوف من الخوف : معصب لاني تاخرت
افففف من بنات خالك ما يشبعون من السوق
انا الحين وش يخلصني منه ؟؟؟
ريم وش رايك ترجعين معي ؟؟
ريم ما تحب تثقل على احد : لا رح ارجع مع
بنات خالي
الجوري هزت راسها وهي تفكر كيف تخلص حالها
من اخوها
بعد وقت اتصل عليها انه قريب من المول
خبرته رقم البوابه وانها رح تلاقيه
عند السياره
الجوري طالعت ريم : قريب من المول
ريم مسكت يدها لا تخافي الحين يروق يالله اوصلك للسياره
بلاه تخربطي من خوفك بالبوابه ويزيد عصبيته
اخذت نفس الجوري وتوجهت مع ريم خارج
البوابه
وقفوا ينتظروا بالخارج والجوري تفرك
يدينها بتوتر
وبعد دقايق وصل وتوجهت الجوري لسياره اخوها
بعد ما تطمنت ريم على الجوري
قررت ترجع على المول عند بنات خالها طلعت جوالها حتى تتصل ببنات خالها
تعثرت ووقع منها الجوال
نزلت على الارض بشويش واخذت الجوال وقلبها
خايف من المكان شغلت الجوال وهي تمشي
بعجله للداخل
اتصلت على شوق تعرف مكانهم
بعد الاتصال توجهت لمكانهم وهي تشعر بالراحه بعد ما دخلت المول
كالمعتاد بنات خالها شغل ترقيم هزت راسها بأسف على حالهن
سحبت كرسي وجلست معهم : مو تأخر الوقت ؟؟
منار ابتسمت : لا ما تأخر
وين الجوري ؟؟
ريم بصوت هادي : رجعت مع اخوها
شروق : اها
ورجعوا لسوالفهم وضحكهم وكأنهم بالبيت
وريم تشاركهم بهدوء
وتبتسم بنعومه
رن جوالها وكانت امها اشرت للبنات يسكتون
شوي : هلا ماما
ساره بقلق ما ترتاح اذا طلعت ريم مع بنات خالها : انت وينك ؟؟
ريم بتردد:بالمول
ساره بلوم : ريم الوقت تأخر يالله ارجعوا الحين
وانا رح اتصل بخالك علشان ترجعون
ريم براحه ما تبغى تجلس اكثر : ان شاء الله
قفلت ريم الجوال
اسماء طالعتها : وش تبغى عمتي ؟؟
ريم وهي ترجع الجوال للشنطه بدون ما تناظر البنات : بس تسأل وين انا
وبعد دقايق اتصل خال ريم وخبرهم انه بالطريق جاي
لهم
انقهروا البنات ما يبغون يرجعون
عدا ريم للي مو عاجبها الجلسه بالمول وتبغى ترجع للبيت
عدت الليله على ريم بخير
والقت نفسها على السرير بعد ما بدلت ملابسها ودخلت عالم الاحلام
**
**
**
**
**
ثاني يوم بعد العصر
جالسه بالصاله مع بنات خالها وعليها جلال الصلاه
وصوت ضحكهم طالع
دخل محمد واعطاهم نظره وتوجه لجناحه
بعدها دخل فيصل وبصوت عالي : طريق
ضحكوا البنات بصوت عالي عليه
دخل ناظرهن بفوقيه : انا وش قلت ؟؟
قلت طريق يعني انقلعن تسترن علشان ادخل
منار راسمه ضحكه عريضه : وحنا ما قلنا لك
ادخل
طالعها فيصل بغرور : انا لما اقول كلمه
تحطين لسانك بحلقك وما تراددين
شروق تناظره وهي فاتحه عيونها : صدق قليل حيا
وما يحترم للي اكبر منه
قاطعها فيصل وهو يناظرها باستعلاء : لا يكثر
وطالع ريم يمثل الحزم : جالسه مع هالسخيفات
وتاركه دراستك
وباسلوب نهر
قومي لا بارك الله فيك
انت ما منك فائده
وضرب كف بكف
طقوا البنات من الضحك عليه وعلى شكله واسلوبه
ريم وهي تمسح دموعها من الضحك : بب نات
هههههههههه
ورجعت للضحك ما قدرت تكمل
بس سكتهن صرخه من محمد للي نزل : وبعدين مع هذا الضحك ؟؟؟
فيصل يثبت وجوده : اقول لهم صوتكم طالع
ويعاندون ويرجعون للضحك
وخاصه هذي واشر على منار
محمد طالعهن بحزم : هذا اخر تنبيه لصوت الضحك ما ابغى اسمعه وطلع
فيصل تقدم من البنات وجلس مثل الكبار : بدل
ما تجلسن وتضيعون وقتكم بالكلام السخيف
روحوا ذاكروا
اسماء طالعته والبسمه مرسومه على ثغرها : ليه ما تذاكر انت بدل هذي النصائح
دائما داشر هنا وهنا
فيصل طالعها باستعلاء : انا رجال ما ينخاف علي
ومو ضروري اكمل دراسه
الخير كثير
منار واطلقت الضحكه العاليه : ههههههههههه
هذا سيف تو
واشرت على فيصل
شوق تقلد فيصل بسخريه : انا رجال ومو
ضروري اكمل دراسه
ريم تضحك مو قادره تتكلم على طريقه شوق
وهي تقلد فيصل
فيصل بقهر طالع ريم وعيونه تلمع بالدموع : تضحكين
بدل ما تسكتيهن يا قليله الحياء
لكن انا اراويك رح اقول لماما عنك
انك ما تدرسين
ووقف وهو يتوعد فيها
وطالع شوق بقهر قبل ما يطلع
كنت افكر اخطبك بس لو تموتين ما اخطبك يالعانس
وطلع
حطت ريم يدها على فمها تكتم ضحكاتها
اسماء بعد الضحك اخذت نفس : يا حليله فيصل بعده 10
سنوات وعامل حاله رجال
وطالعت شوق طيرتي عريس من يدك
بسبب سخافتك
انت وريم طيرتوا سيف وفيصل هههههههه
تابعوا البنات ضحك على فيصل وسيف ومواقفهم وحركاتهم السخيفه
قاطعهم صرخه من الجد سالم : بس انت وهي
ما في احترام صوت الضحك طالع
ومسك يد فيصل للي يمسح دموعه : مين للي زعلته ؟؟
سكتوا البنات وكتموا ضحكهم على فيصل
للي يمسح دموعه وقبل شوي عامل حاله رجال
فيصل بصوت طفولي باكي : كلهن
ريم بشخصيه قويه ردت وباحترام : المفروض يحترم للي اكبر منه مو يغلط على بنات خاله
ترضاها يا جدي يشتمنا ونسكت له ؟؟!!
الجد طالع ريم وتعجبه شخصيتها كل ما كبرت
كل ما ثقلت وشخصيتها صارت اقوى
مو مثل حفيداته ينجنن بزياده : لا والله ما ارضاها
وطالع فيصل بحزم : اعتذر لبنات خالك واختك
تراهم اكبر منك ولازم تحترمهم
فيصل ودموعه تنزل اعتذر
وطلع يبكي متوجه لامه حتى تاخذ حقه
طلع الجد سالم للمجلس
ورجعوا البنات لضحكهم
وخلال دقائق كانت ساره تتصل علشان فيصل
وطلبت من ريم تحط سبيكر وبهدلت البنات
على سمع فيصل للي انبسط
قفلت ريم الخط وهي تضحك مع البنات
**
**
**
**
**
مرت الاشهر على ريم بتعب من الدراسه
وامها زادت عليها الحصار وقت الامتحانات وتجيب كل شي لغرفتها
ووفرت لها كل اساليب الراحه حتى ما يتعكر مزاجها
ومنعت فيصل يقرب من غرفتها حتى ما يشغلها عن الدراسه
كانت ريم تحس بالضجر احيانا من الدراسه والملل
بس دائما امها تذكرها بمستقبلها
وتحمسها للدراسه
واخيرا مرت الايام على خير
وريم الحين تنتظر نتائج الثانويه
**
**
**
ريم واقفه عند الباب وتستعجل امها : يالله يا ماما
طلعت ساره وناظرتها : ليه مستعجله ؟؟
لا تغلبين نفسك معي كل مره
ريم مسكت يد امها : ما اقدر لازم ارافقك عند الدكتوره واطمئن على اختي بنفسي
ابتسمت ساره على حماس ريم : يمكن يكون ولد
ريم : لا ان شاء الله بنوته حلوه مثلي هههههه
ابتسمت ساره : يا غرورك
بعدها توجهوا للدكتوره الخاصه وبعد الكشف
نصحتها تروح للمستشفى
كونها بشهرها الاخير والخلاصه سابقه الجنين
ريم طالعت امها بقلق : الحين نتوجه للمستشفى حتى نطمئن على الجنين
ساره هزت راسها وهي حاطه يدها على بطنها
توجهوا للمستشفى وريم تدعي انه ربنا يقوم امها
والجنين بالسلامه
دخلوا المستشفى وريم ماسكه بيد امها
كاشفه الوجه كانت اطول من امها
عباتها وسيعه شوي مو مثل بنات خالها
وامها حاطه لثمه ولباسها على الموضه
بعكس ريم للي لبسها كان محتشم اكثر من امها
دخلت امها للفحص بعد اجراءات الدخول
وقررت الدكتوره يخلون ساره تحت الملاحظه
جلست عند امها وماسكه بيدها : ماما يوجعك شي ؟؟
ساره ابتسمت : لا ما يوجعني شي
ريم ناظرت ارجاء الغرفه بجدران بيضاء وستائر زرقاء رجعت نظرها لامها : متى ييجي اليوم
اكون دكتوره هنا ؟؟
ساره : قريب ان شاء تطلع النتائج وتدخلين طب
بس مثل ما قلت لك انتبهي حد يدري انك تدرسين
طب حتى بنات خالك وخالاتك وجدتك ولا حد يدري
بيني وبينك واي حد يسأل رح نقول انك تدرسين
كيمياء
انا رح ادبر لك كل شي حتى الخدم ما ابغى حد
يدري منهم عن دراستك
ريم عقدت حواجبها باستغراب من طلب امها : ولا
الجوري ؟؟
ساره بحزم : ولا الجوري هذا سر بيني وبينك
كانت ريم تبغى تستفسر عن السبب
بس قاطعها
دخول الجده وخالاتها
سلموا على ساره
وقعدوا يسولفون عن الولاده وكل وحده
تقول وش صار معها لما ولدت
وريم فاتحه اذانها تسمع
بعد وقت
ازهار انتبهت على وجود ريم : ريم تعرفين تشترين
لي عصير من الكفتيريا
وقفت ريم وعرفت انها طرده : تبون شي ثاني ؟؟
غاده : لا بس عصير
ساره بخوف : لا يمكن ريم ما تعرف تروح لوحدها
غاده : تراك كثير تخافين خلي البنت تعتمد على نفسها
ريم طالعت امها : اعرف اروح لا تخافي ماما
ساره بحرص : ريم انتبهي ولا تتأخرين
طلعت ريم بعدها ناظرت ازهار امها : مو منتبه
لها
بعدها صغيره تسمع ذي السوالف
الجده : وانا ما انتبهت كمان
ورجعوا يكملون سوالف ...
**
**
**
**
**
طلعت من الغرفه وهي تتحلطم من خالتها ازهار
وش فيها لو خلوها قاعده وتتثقف لوت بوزها
و نزلت وهي تمشي بخطوات هاديه ومتزنه
لفت نظرها الصيدليه تذكرت قصتها
وانه راكان كان صيدلاني يشتغل هنا
اقتربت من الصيدليه وناظرت للي جالس
كان رجال بالاربعين من عمره
ابتعدت عن الصيدليه وضربت جبهتها وكأنها
بذي الحركه تصحي نفسها من غبائها لانه راكان
مجرد شخصيه ذكرتها بقصتها
ما له وجود
كانت تحس بالاحراج من نظرات الرجال لها
لوكانت متغطيه كان حمت نفسها من نظراتهم
بس امها رفضت انها تلبس النقاب
بحجة انها صغيره
اشترت عصير لخالاتها وجدتها ورجعت
دخلت المستشفى وهي تمشي متوجه لغرفة امها
لفت نظرها طالبات متدربات بالطب
طار قلبها متى تصير مثلهم وتيجي تتدرب متى
وتصير دكتوره وتفتح عياده خاصه لها و...
قطع حبل طموحاتها صوت نادى بإسمها : ريم
اشترت عصير لخالاتها وجدتها ورجعت
دخلت المستشفى وهي تمشي متوجه لغرفة امها
لفت نظرها طالبات متدربات بالطب
طار قلبها متى تصير مثلهم وتيجي تتدرب متى
وتصير دكتوره وتفتح عياده خاصه لها و...
قطع حبل طموحاتها صوت نادى بإسمها : ريم
التفتت للخلف ووقفت وطالعته وهو يتقدم
منها
وقف عندها وطالعها بتحقيق : وين كنت ؟؟
طالعت ريم احمد من صغرها يناظرها كأنها
ماكله حلاله وقليل ما تشوفه حتى كلامها معه
شبه معدوم وجاي الحين يحقق معها وكانه
ولي امرها
تضايقت من سؤاله ما تحب حد يتدخل بطلعاتها
الا امها وبهدوء ردت : ماما رقم غرفتها ...
طالعها ورفع حاجب وعرف انها ما عجبها
سؤاله وطنشته
طالعها ببرود وتقدمها متوجه لغرفه ساره
بخطوات سريعه
ومقهور من تطنيشها لسؤاله
توجهت ريم خلفه بخطوات هاديه
دخلت الغرفه خلفه وكان جالس جنب جدتها
وطالعها اول ما دخلت وكأنها ماكله حلاله
طنشت نظراته و ردت السلام بهدوء : السلام عليكم
ازهار وقفت وهي تبتسم : هلا بالحامل والمحمول
وتناولت منها الكيس
احمد طالع ريم نظره وكأنه يقول لها لو قلتي لي وش
ينقصك
طنشت نظراته وجلست عند خالتها غاده تشرب
عصير
احمد بهدوء : يعني احتمال تولد اليوم ؟؟
ساره وهي عافسه ملامحها من الالم : احتمال
كبير لانه صار يجيني طلق خفيف كل شوي
احمد بملامح جامده : على خير ان شاء الله
ساره كانت تحس بالتوتر تعرف زوجها
ما يطيق يشوف ريم بس ما باليد حيله
مستحيل تبعد ريم عنها
طنشت نظراته لها وانسمجت مع اخواتها بالكلام
ريم طالعت امها بابتسامة ناعمه : ماما انا رح انام معك الليله
قاطعها احمد بحزم وهو يطالعها : ما له داعي
ريم طنشته وطالعت امها : وش رايك ؟؟
ساره بتوتر ما تدري وش تقول وخاصه بعد
نظرات احمد بتهديد
بلعت ريقها وقبل ما ترد حست بوجع قوي
صرخت بصوت عالي
التموا حولها بهلع وخوف
ساره وهي تعض على يدها من الوجع وحاطه يدها الثانيه جنب خصرها
وتهز راسها بوجع
رفعت راسها وهي تضغط على شفتها وتهز راسها
الجده بخوف : راحت الطلقه ؟؟
بعد دقايق رفعت راسها ساره بألم وهزت راسها
راحت
الجده وقفت : اذا رجعت لك بعد خمس دقايق تقريبا
بنفس الوجع وكان حامي
معناته قربت موعد ولادتك
وطالعت غاده : نادي وحده من الممرضات خلهم
يكشفون عليها
هزت غاده راسها وطلعت
ساره وهي تحاول تاخذ النفس بصعوبه طالعت
ريم للي تناظر امها بخوف ودموعها على وشك النزول
ساره طالعت امها بعد ما اخذت النفس : يمه
ريم
ورجعت عضت على شفتها من وجع الطلق
الجده طالعت ريم للي على وشك البكاء والخوف باين عليها : تعالي يا امي برا ننتظر الحين تيجي
الدكتوره وتكشف عليها
كانت ريم تبغى ترفض بس خضعت للامر الواقع
لما شافت الدكتوره دخلت وطلبت منهم
يطلعون
طلعت مع جدتها وهي خايفه على امها
بعد ما زانت علاقتهم خايفه تفقدها
هزت راسها بالرفض ما تبغى تفقد امها
ازهار حطت يدها على كتف ريم وابتسمت : لا تخافين حبيبتي
هذا يسمونه الطلق يعني شي طبيعي
كل ام تمر بذي المرحله فما له داعي الخوف
مسحت ريم دموعها وقلبها يتقطع
وهي تسمع صرخات امها
ماما تعبت لما ولدتني كذا
مهما ماما غلطت او قصرت بحقي
كله ما ينقاس جنب تعب الولاده
يا رب سامحني لاني كتبت عن ماما بالقصه
انها شريره
يا رب اغفر لي حتى لو ضربتني وعاملتني بالسوء
تبقى امي للي
ضاقت المر حتى اطلع لذي الدنيا
يا رب تقوم امي بالسلامه يا رب احفظها
يا رب احفظها
يا رب احفظها
يا رب احفظها
زفرت بضيق وهي على اعصابها
تذكرت الصلاه وقررت تروح تصلي وتدعي لامها
بالصلاه
لعل الله يستجيب لها وتقوم امها بالسلامة
عدلت الشيله ومشيت كم خطوه قاطعها احمد
بحزم : وين رايحه ؟؟؟
ما التفتت له وطنشته وهي تمشي بثقه
متوجه للمصلى
شد احمد على يده بقهر منها ومن غرورها
نفس اهل ابوها بالغرور
شايفين نفسهم ويكلمون الناس بفوقيه
زاد شد على يده وهو يتوعد اذا ما كسر
خشومها
بعدها التفت لازهار للي خبرته انهم رح يولدونها
**
**
**
**
**
شافت ممرضتين واقفات مع بعض
اقتربت منهم ريم بهدوء وسألتهم عن مكان
المصلى
جاوبوها وهم يتأملون شكلها بدقه
بعد ما راحت ريم
الممرضة الاولى باستغراب : تشبه الدكتور نايف
سبحان الله يخلق من الشبه اربعين
الممرضه وهي تطالع زول ريم : يمكن تقرب له بس لون العيون
يختلف
الممرضة الثانيه : شوفي هذا هو الدكتور نايف هناك
الممرضه الاولى وهي تتطالع د. نايف : اذا كانت تقرب له اكيد رح يوقف معها
كانوا الممرضتين يناظرون الموقف بانسجام ودقه
**
**
**
بعد ما سألت ريم عن مكان المصلى
تذكرت جوالها خلص من الشحن
فتحت شنطتها تتأكد انه الشاحن موجود او لا
دفعها شي بداخلها
ترفع راسها
همت ترفع راسها وبنفس اللحظه
شافت طرف الشاحن بالشنطه
رجعت نظرها للشنطه
وتنهدت براحه وسكرت شنطتها وتوجهت للمصلى بدون ما ترفع نظرها للي حولها
دخلت
وشافت كم حرمه جالسات توجهت تشحن
جوالها بالكهرباء
وبعدها وقفت وبدت تصلي الظهر
**
**
**
**
**
مر نايف من جنبها وكان منشغل بأوراق بيده
وما انتبه لاحد
الممرضة الثانيه : ما تقرب له
لو كانت تقرب له كان وقفت معه
بس سبحان الله تشبه الدكتور كثير
الممرضة الاولى : خلينا نرجع للشغل قبل ما يشوفنا
د. نايف ويعمل لنا موشحات
هزت الممرضه الثانيه راسها
**
**
**
**
**
**
بعد ما خلصت ريم صلاه جلست تستغفر وتدعي
لامها تقوم بالسلامه
تحركت من مكان الصلاه باتجاه الجدار
واركت ظهرها على الجدار وهي تطالع المصلى
ما حد بقى غيرها
بعدر مرور من الوقت وشافت جوالها صار فيه
شحن
سحبته من الشاحن وارجعت الشاحن لشنطتها
وقفت وهي تعدل شيلتها
وتوجهت خارج المصلى
كانت تمشي وهي تفكر بأمها وش صار عليها
ما تخيلت بيوم انه الولاده بذي الصعوبه
والتعب
بعد ما شافت تعب امها مستحيل تتزوج وتحمل
مو عارفه كيف يتحملون الحريم هذا الوجع
ويرجعون يخلفون مره ثانيه
وين عقلهم ؟؟؟؟!!!
وصلت وشافت جدتها جالسه بالانتظار مع خالاتها وبالجهة الثانيه
احمد التوتر واضح عليه
اقتربت من جدتها وسألتها : وش صار على ماما ؟؟
الجده رفعت راسها وطالعت ريم وزفرت بضيق : دخلوها غرفه الولاده والحين
ما في اي خبر عنها
هزت راسها ريم وجلست جنب ازهار بهدوء
وهي تدعي بقلبها لامها تقوم بالسلامه
بعد وقت اقترب منهم احمد : وش رايكم ترجعون للبيت
ولما تولد
قاطعته الجده : لا ابغى اطمئن عليها
وبعدها نرجع
هز راسه : طيب اجيب لكم
قاطعته الجده : والله ما لنا نفس لا تغلب
حالك
احمد : بس
قاطعته غاده : ما حد له نفس بالاكل
بعد ما تطلع ساره ونتطمئن عليها
لا تخاف رح نروح عالمطعم على حسابك
ابتسم احمد : على حسابكم بس تقوم بالسلامه
وبعدها رجع مكانه
وكانت الاتصالات شغاله يتصلون يتطمنون على ساره
رن جوال ريم ردت بهدوء : هلا شوق
قاطعها صوت طفولي : انقلعي عالبيت وانا اجي مكانك
ليه انت عند ماما وانا لا
ما تدرين انا رجال البيت ولازم اكون عندها الحين ريم ومو فاضيه لثرثرته زفرت بضيق : تعال مين منعك ؟؟!!
فيصل بصراخ وشوي يبكي : بابا رفض يخليني اجي
يالله انقلعي مثلي وراجعي على البيت
ريم بهدوء : كملت ثرثرتك ؟؟
فيصل بقهر : ايوه كملت وارجعي
ما كمل الكلمه الا ريم مقفله بوجه فيصل الخط
رجعت الجوال لشنطتها بعد ما حطته صامت
مقهوره ليه تأخروا كذا
طالعت غاده : مو كأنهم تأخروا ؟؟؟
ابتسمت غاده : لا ما تأخروا الولاده يبغى لها
وقت طويل
حست نفسها تطمنت شوي يعني تأخر امها
شي طبيعي
اذن العصر وهم ينتظرون
وكل شوي تقول لهم الممرضة
بعدها
كرهت ريم هذي الكلمه وقفت بضجر بعد
ما سمعت اذان العصر
ازهار طالعتها : وين ؟؟
ريم بدون نفس : ما رح اتأخر اصلي العصر وارجع
هزت راسها وطالعت جدتها : تروحين تصلين العصر ؟؟
الجده : روحي وبعدين ألحقك
هزت ريم راسها بهدوء وغادرت المكان
دخلت المصلى تصلي وتدعي لامها
من كل قلبها انه يقومها بالسلامه
طلعت من المصلى وهي تستغفر
توجهت عند جدتها وخالاتها
وشافت ملامح الفرح باينه تقدمت بسرعة : وش صار ؟؟؟
الجده بدموع فرح : الحمد لله جابت بنوته
من الفرحه ما عرفت ريم تعبر عن فرحتها الا
اللهم لك الحمد والشكر
وطالعت جدتها بفرحه : وين هي ؟؟؟
غاده : بعد ربع ساعه ندخل عندها
وبعد دقائق وصل سالم وعياله وحريمهم
وبعد ما سمحوا لهم بالدخول
دخلت ريم ودها تنط من الفرحه تقدمت
من امها بابتسامة : الحمد لله على سلامتك يا
عسل
ساره بصوت هامس متعب واثار التعب على ملامحها : الله يسلمك
تقدم الجميع وسلم عليها وبارك لها
وريم كل شوي تسأل عن البنوته
دخلت الممرضه ومعها البيبي بالسرير
ريم تناظرها بفرح ؛ تجنننننننن
وطالعت امها : عادي اقرصها ؟؟
ساره ابتسمت وما ردت
الجده ابعدت ريم عن البنت : ابعدي هذي بعده
لحمها طري تظنينها فيصل والا حموده
ريم ابعدت جدتها : طيب ابغى احملها
وبعد محاولات وافقت الجده
حملتها ريم بحضنها وتبغى تاكلها
كل شي فيها صغير
الجده بخوف : ريم حطي البنت بسريرها
بلاه توقع منك
ريم بعناد وهي تناظر اختها : هذي اختي خليني اشبع منها
الجده طالعت ساره بخوف خايفه البنت توقع
وخايفه يدخل احمد ويشوف ريم حامله البنت ويعمل مشكله : شوفي بنتك ريم الحين
توقع البنت منها
ريم عقدت حواجبها : ما رح توقع
ورجعت تضحك وتناغي لها
غاده اقتربت من ريم : اعطيني احملها شوي
ريم ابعدت عنها : لا لا الحين توقعينها
غاده فتحت عيونها على وسعهم : يالبزر
انا الحين اوقعها وعندي عيال طولي
هاتي اقول وبلا هذره زايده
ريم بعناد وسعادتها لا توصف وهي تحمل البيبي : لا
وطالعت امها بضجر : ماما شوفيهم
يبغون ياخذون اختي مني
ابتسمت ساره لها وطالعت غاده وامها واشرت لهم
اتركوها معها
ابتسمت ريم بنصر وهي تمسح على شعر
اختها بحنيه
بعدها بشوي صارت تبكي البنوته
طالعتهم ريم ما تدري وش تعمل لها.
اقتربت منها غاده وناظرتها : هاتي يالبزر وش عرفك
انت
البنت تبغى ترضع
اخذتها غاده وريم تقول لها بشويش خايفه عليها
وغاده انفجرت من ريم تتعامل معها كأنها ما تعرف
شي بتربية العيال
جلست ريم تناظر امها وهي ترضع اختها
وتحس بالعطف على اختها
مخلوق صغير ما يعرف شيء بالدنيا
ما يعرف همومها وجروحها
قاطع تأملها الجده : ريم علشان ترجعين مع اخوالك
ريم باعتراض : لا انا مرافقه مع ماما
الجده زفرت بضيق لانه احمد طلب منها ترجعها على البيت ما يبغى يشوفها واضطرت الجده تطلب منها ترجع ما تبغى تعمل مشاكل
لساره لانها تعرف احمد يعمل لساره مشاكل اذا شاف ريم : يا صبر ايوب
يا بنت لا تعاندي وامشي قدامي
غاده مسكت يد ريم : وين المصلى ؟؟
طالعتها ريم باستغراب وكانت تبغى توصفه لها بس غاده مسكت يدها : تعالي معي ما ابغى اسأل حد
وما خلت لريم فرصه سحبتها وطلعوا من المكان
وقفت غاده بمكان منعزل شوي
بعدها اخذت نفس بهدوء : ريم طالعيني
طالعتها ريم باستغراب من تصرفاتها
غاده بهدوء : ريم انت كبيره وعاقله
وتعرفين الصح من الغلط
تحبين تجيبين لامك مشاكل ؟؟؟
ريم رفعت حاجب وتكتفت : اكيد لا
غاده ما تعرف كيف توصل لها : خلاص ارجعي
على البيت ولا تعاندي
سكتت ريم وطالعت خالتها : احمد هو السبب صح ؟؟
غاده ما ردت بس اكتفت تناظر ملامح ريم
ريم تحثها على الكلام : احمد هو السبب ؟؟؟
غاده بهدوء : ايوه احمد
امك مسكينه ما لها علاقة بس هو تفكيره
متخلف اذا شافك يعمل لها
مشاكل ونكد
الغيره ذابحيته فإختصري المشاكل
وارجعي عالبيت الله يسعدك
طالعتها ريم ببرود وهزت كتفها : مشكلته ما يطيق يشوفني
ولما يصير المستشفى مسجل بإسمه وقتها
ارجع وما اخليه يشوفني
وتركتها ورجعت وهي تمشي خطوات واثقه
دخلت عند امها وابتسمت لما شافت احمد موجود
جلست قريب من امها
مجاكره بأحمد
الجده ما تبغى مشاكل : يالله يا ريم خالك ينتظر
ريم بخبث طالعت امها : سامحيني يا ماما
لاني ما رح ارد عليك وارجع
ورح ابقى عندك وما رح ارجع الا معك
ما ردت ساره وبداخلها استغراب هي ما طلبت من ريم
ترجع للبيت
الجده تمشي الكلام مع ريم وتجاريها : يا ريم امك طلبت منك ترجعين
خلاص ارجعي
واسمعي الكلام
ريم بعناد وهي تشوف احمد يناظرها وكأنها قاعده على قلبه : والله والله والله ما ارجع
وبدلع
ورح انام عند ماما
الجده طالعت ساره : تأخرت على اخوانك
وخليها عندك وطلعت
ريم ابتسمت بنصر وبنفسها ما اسمح لاحمد يفرض رأيه علي ويتدخل بشؤوني واذا ما يطيقني هذي
مشكلته
يكفي انه بوجوده ما ازور امي
وكمان هنا يمنعني حامض على بوزه
وقف احمد وعلامات الضيق على ملامحه : تبغين شي يا ام فيصل ؟؟
ساره بتوتر : سلامتك
طلع
ناظرت ريم امها وابتسمت : تعبانه ؟؟
ساره بهدوء : شوي
انتبهي على اختك ابغى انام هلكت اليوم
هزت ريم راسها وساعدت امها وغطتها
وتوجهت لاختها النايمه تمسح على شعرها
**
**
**
**
**
**
بعد العشاء دخلوا بنات خالها وعملوا
ضجه بالغرفه وسلموا على ساره
ريم بعصبية : اوصصصصصص
البنت نايمه يا زفته انت وهي
شوق بصوت عالي تضحك : ههههه شكلك
يا ريم مثل ام العيال هههههه
ريم بابتسامة وهي تناظر اختها : واحلى ام اكون لاختي
ساره طالعت ريم : يا ريم روحي مع بنات خالك
تعشين وارجعي ولا تتأخرون
ريم طالعت امها : قلت لك يا ماما ما اشتهي شي
شوفتك انت واختي نستني الاكل
حست ساره بسعاده تغمرها انه ريم مهتمه
فيها كثير : الحين لما تشوفين الاكل رح تنسينا
يالله روحي
هزت راسها وطلعت مع بنات خالها
كانوا يمشون وصوتهم طالع وضحكهم
توجهوا للكفتيريا
اشتروا عشاء وقرروا يجلسون بحديقه المستشفى
كانت جلستهم كلها ضحك
شروق وهي تضحك : هههههه لو تشوفين
اخوك فيصل وش عمل بعد ما قفلتي الجوال
شوق ضربت شروق بقهر : اضحك وش عليك انت
منار وهي تضحك : ضرب الجوال بالجدار وتكسر كل قطعه بجهة ههههه
ريم ضحكت على شكل شوق المعصبه : ههههههه
شروق : لا والنكته بعد ما كسره حس بالندم
يقول لها خلاص يوم الملكه اشتري لك جوال جديد
هههههههه
اسماء تكمل : مسكين ما شاف الا كف على صباحه من شوق
سكتت ريم وطالعت شوق بصدمه : ضربتيه ؟؟
شوق زفرت بضيق : قهرني كسر جوالي
ريم عارفه انه فيصل غلطان بس بنفس الوقت
حزنت عليه
وبان الضيق على ملامحها
منار تحرك يدها قدام ريم : سلامات الظاهر انك
تضايقتي على سيد فيصل
وقفت ريم بهدوء : تأخرنا على ماما
شوق وقفت ومسكت يدها : زعلتي ؟؟
ريم بدون اهتمام لسؤالها طالعت البنات : تحركن
منار وقفت بابتسامة خبث : بنات وش رايكم
نعمل جوله على المستشفى
وغمزت للبنات
طالعتها ريم بنص عين : قصدك ترقمي ؟؟
شروق وعجبتها الفكره : يمكن تلاقين دكتور
ويخطبك
ريم اقتربت منها وضربتها على راسها : يخطبك
قرد
اقول امشي قدامي
توجهوا للداخل والبنات يسولفون والعيون
عليهم تغلبها نظرات الاحتقار
بنظر الاغلب البنت جمالها بأدبها واخلاقها
والاهم
الحياء
بالرغم انه ريم ما ضحكت بصوت عالي او تكلمت
مثل البنات
الا نظره الناس لها انها مثلهم
ومن صنف بنات خالها والا كان ما مشيت معهم
وصلوا لغرفه ساره
ريم بابتسامة اول ما دخلت توجهت لاختها وبلهفه : صحيت ؟؟
ساره ابتسمت على لهفتها : صحيت ورجعت نامت
ريم وتسمح على شعرها : تجنن رب يحميها
شوق فوق راسها : على فكره اختك احلى منك يا ريم
شروق ابعدتهم وهي تناظر البيبي : ايه صحيح
وانت صغيره كنت سوداء مو حلوه
بس لما كبرت تغيرتي وصرت حلوه
ريم كانت تناظر اختها بعدها طالعت امها : ماما
مين احلى ؟؟
محمد كان واقف عند الباب وسمعهم وبهدوء
طالعهم : اكيد ريم
ريم طالعت باستغراب خالها
محمد وهو يتذكر شكل ريم وخاصه يوم ارجعها
لنايف طالع البنات : ترى ما يغركم
بصغرها
كانت ريم تجنن بس
سكت وما كمل
وطالع البنات بعجله : تأخرت عندي موعد
قدامي على السياره
ما قدروا البنات يعترضوا قدام محمد
وبدون مناقشة طلعوا
وهو طلع وراهم بعد ما استأذن
ريم كانت تبغى تسألها عن طفولتها وعن اشياء كثيره
بس بنفس الوقت ما تبغى تفتح دفتر الماضي
ناظرت امها تغير الموضوع : وش تبغون تسمونها
ساره بهدوء : ما ادري للحين محتارين
ريم وهي تبوس اختها : ربي يحفظها
وبتذكر
فيصل وحموده وين ؟؟؟
ساره : عند جدتهم فيصل زعلان ما يبغى ييجي
ريم بهدوء : باكر تطلعين وان شاء الله تشوفينه
وتراضينه
هزت ساره راسها وهي تكلم ريم نامت
بدون انذار من التعب
**
**
**
**
**
**
رجعت ساره للبيت وفيصل عمل لهم
عرس ليه ما اخذوه
واخذوا ريم
كانت ريم زيارتها لامها قليله وتختار الاوقات احمد
ما يكون موجود
بعد ما سافر احمد رجعت ريم لبيت امها
ومطاوشات بينها وبين فيصل مين يحمل
ديما
**
**
**
**
**
جالسه قدام اللاب وعلى اعصابها وتنتظر النتائج
وساره جنبها تفرك يدينها بتوتر
انحرقت اعصابهم بانتظار النتيجه
وبعد وقت نزلت النتائج وكانت ريم من الاوائل
اول ما طلعت النتيجه
بسرعه سجدت سجود شكر لله
وحضنت امها بفرح مو قادره تستوعب
اول خطوه لتحقيق حلمها اجتازته
ساره تحضنها وتبكي من الفرح
مو مصدقه انه بنتها كبرت وكملت الثانويه
بعدت ريم عن حضن امها وغمازها بان من الابتسامه : الحمد لله
ساره بفرح : اليوم نجهز ونعمل لك حفله
ولا حد عمل مثلها
ريم بتذكر عاهدت ربها اذا طلعت من الاوائل
ما تعمل حفله لانها تعرف حفله اهل امها
كله اغاني ومنكرات وبهدوء : لا يا ماما ما ابغى حفله
ساره عقدت حواجبها : كيف ما نعمل لك حفله ؟؟
قاطعهم صوت احمد الحازم للي كان واقف عند
الباب ومتكي عند الباب ومكتف يدينه وهو يوجه كلامه لساره : قالت لك ما تبغى حفله
والا لازم تحتفلين ببن..
سكت وما كمل اعطاها نظره قويه وطلع
ساره بلعت ريقها وطالعت ريم بابتسامة ومن
داخلها قلبها يتراقص من الخوف : براحتك
ريم حست بتوتر امها وخوفها زفرت ما تبغى تجيب مشاكل
لامها : يالله انا راجع عند بنات خالي تبغين شي ؟؟؟
ساره ابغى اقول لها خليك شوي اجلسي
بس ما قدرت خفت احمد يسمعني
وش يفكني منه زفرت بضيق وبتردد : سلامتك
**
**
**
**
توجهت لبيت جدها بهدوء بخطوات واثقه
ومقهوره من احمد متسلط على امها
كثير ما تلومها يوم كانت تعاملها ببرود بصغرها
سمعت صوت كريه يناديها طنشته وتابعت
خطواتها
سيف بقهر : ابغى ابارك لك بس ما تستحقين
ريم كانت تمشي ولا كأنه حد يكلمها
سيف وهو يمشي خلفها : ايوه خليك كذا شاطره لاني ابغى خطيبتي تكون من الاوائل
مع انه ما يشرفني اخطب بنت نايف
بس رح اتنازل واخطبك
وبثقه اهم شي لا تزعلين ولا تتضايقين قريب
اخطبك
تابعت ريم مشي ولا كأنه حد يكلمها
سيف وقف وشد على قبضه يده بقهر من تطنيشها : يصير خير يا بنت نايف
وقسم لأطلع تطنيشك لي من عيونك
انا ادري انها ميته علي بس تكابر
وهز راسه وهو يتوعد فيها
**
**
سيف
عمره 24 سنه لا شغل ولا مشغله
طلع من المدرسه وما كمل الثانويه
ونظريته دام الخير موجود ليه يتعب نفسه ويدرس هالطلاسم
مغرور بنفسه كثير طوله 1.70 نحيف اسمراني
وينطبق عليه المثل
اسد علي وبالحروب نعامه
يستقوي على للي اضعف منه
**
**
**
**
**
**
**
*
دخلت ريم بيت جدها
ولاقوها البنات بالزغاريد ويباركون لها
رجع لها شعور الفرح من جديد
تحس انها تعبت وحصلت على غايتها
مع انها ما زالت ببدايه الطريق
جلست بعد التباريك مع البنات وجدتها
وجدها
شوق : وش رح تدرسين ؟؟؟
ريم بابتسامة: اقدم واشوف وش يطلع لي
منار باندفاع : اكيد طب
ريم تمثل الانقراف : يعوووووو
انا ناقصني قرف
اسماء باستغراب : يعني ما رح تدرسين طب ؟؟؟
خساره
كنا ناويين نزورك بالجامعه ونرافقك بالتطبيق
وغمزت للبنات
طالعت ريم البنات بمعنى حب في ترافقوني والا علشان
منار ضحكت وطالعت اسماء : فكره حلوه نرافقك
بالجامعه
وبرجا يا ريم يا ريم ادرسي طب
ريم بابتسامة : شدي حيلك وادرسي طب
وحركت حواجبها وهي تجاكرها
منار مدت بوزها : انت تعرفين ما منا فائده
وما ننجح الا بالواسطه
الجد طالعها : وليه تنجحين بالواسطه
وش ينقصك راس والا رجل ؟؟
الجده : تدري اذا درست مين للي رح يجلس على
المرايه ساعات
مين للي رح يلف بالاسواق
واعطتها نظره قويه
شروق بضجر : يعني المواد صعبه ما نقدر نفهمها
الجد : ليه غيركم يفهمها على طول
هذا ما له الا تفسير واحد
انكم غبيات وعقلكم مثل حبه الرز
ريم كانت تناظر البنات وتجاكرهم وهي تلعب بحواجبها
والبنات منقهرات فتح لهم الجد سالم
محاضرات طويله عريضه
