رواية خطأ بالخطأ الفصل الثالث 3 بقلم شيماء مشحوت
هيثم أنت اللي عملت كده صح؟
هيثم ببرود واستفزاز: عملت إيه؟
هيثم: أيوا أنا، مش قولتلك ظبطيني معاها رفضتي؟
سمر : هي مش كده، قولتلك مية مرة، حرام عليك ضيعتها.
هيثم: مش عايز رغي كتير، بدل ما تحصليها، أنا لسه معملتش حاجة، فاتعدلي أحسنلك..
سمر: قصدك إيه؟
هيثم : قصدي كل الصور والفيديوهات اللي بتنزليها عندي.
سمر باستغراب: محدش بيشوف أي حاجة بنزلها غير البنات بس وأكيد أنت مش ضمنهم.
ضحك ببرود: بس أختي عندك، حِجة بسيطة وفونها يبقا معايا وكل حاجة بقا، وأنا مستني الموافقة.
ردت سمر بخوف: علىٰ؟
هيثم: أموت أنا فالكتكوت اللي بيسمع الكلام هقولك...........
.......
في الصيدلية
بصي أنا عندي حل بس بشرط اللي هيكون بينا هيفضل بينا؛ هعلمك كل حاجة خلال يومين بس في مواعيد محددة علشان محدش يكون هنا، وبعدها تيجي للدكتور وتقدمي على الشغل بخبرة بس كل حاجة أنا اللي أعرفها ومتنسيش المساعدة دي، ماشي؟
ريم بتوتر وخوف : إيه اللي هيكون بينا غير إنك هتعلميني مش فاهمة.
هند: مش وقته لما يجي وقتها هتعرفي، ها هتعملي إيه؟
ريم: محتاجة وقت بكرة هرد عليكِ.
خرجت من الصيدلية حالتها أصعب مما كانت داخلة، ومش عارفة تقرر إيه؟ توافق؟ نتيجة الموافقة دي إيه؟ هتعمل إيه مع أختها؟ الناس؟ هتحمي أختها من الناس إزاي بعد الفيديو ده؟
وصلت البيت لقيت أختها أكلت ونامت على السرير، وجروحها واضح إنها بقيت أفضل.
بدأت تِحس بوجع جسمها مكان الضرب اللي أخدته من غير أي مسكن يداوي الألم.
" تردد روحي الآهات، وقلبي متألمٌ
أسأل وأتسائل ما ذنب متحطم".
قررت تشوف حاجة تاكلها بس إتصدمت بـ........
