رواية من اجلك فقط الفصل السادس والثلاثون 36 بقلم لولو الصياد
من اجلك فقط**********الفصل السادس والثلاثين....
عمار.... بعصبية.... تاخدي خلاجتك وعلي بيت خيك وورجتك هتوصلك اهناك
ماسه بحزن وهي تنظر له...
ماسه... همشي يا عمار لاني مش رخيصه عشان اقعد مع واحد مش عاوزني وكمان مش هفرض نفسي عليك بس في حاجه لازم تعرفها
نيجار... انتم مجانين في ايه انت ازاي عاوز تبهد مراتك انت مبتفكرش
نيجار بغضب وهي تخرج من الغرفه
نيجار ....انت بجد مفيش عندك مخ
عمار وهو ينظر لماسه ببرود
عمار... كملي حديتك
ماسه.... عاوزك تعرف اني هكون بينك وبين فهد مش هسمح لك تاذي اخويا وانا عايشه وصدقني يا عمار هتندم اوي على كل ده
وبالفعل جمعت ماسه ملابسها ورجعت الي منزل اخيها ولكن وهي مكسوره حزينه من جفاء زوجها وقله تفكيره وتسرعه واخيرا ان يفرط فيها هكذا بكل سهوله ولكن كل هذا لا يهم ما يهمها فقط هو حياه فهد فان قتل يشعل النار مره ثانيه......
.......................................
بينما علي الجانب الاخر
رجع فهد من المنزل الغول وذهب الي فرسته
فهد وهو يفكر بينه وبين نفسه
غدا سوف يظهر براءته ويجعل الجميع يعلم انه لم يقتل حمدي القناوي وخصوصا نيجار وعمار يريد ان يظهر براءته امام عمار فقط من اجل شقيقته حتي لا يحزنها ولا تتدمر حياتها بسبب فهم خطا وايضا نيجار زوجته وحبيبته نعم يحبها بكل قوته بل يعشقها ولكن بشكها به كسرت شيء بداخله يريد اثبات براءته لها حتي تعلم كم كانت مخطئه ........
.........
علي الجانب الآخر في منزل الغول
دخل الغفير الخاص به علي الغول فقد سمع صوت تكسير شيء بالداخل بعد خروج فهد
دخل الغفير بسرعه وجد الغول يقوم بتكسير كل شيء حوله
الغفير وهو يقترب من الغول ويحاول تهدئته
الغفير... مالك يا بيه
الغول بغضب... بعد عني
الغفير... يابيه اكده هتاذي نفسيك
الغول وهو يجلس ارضا ويضحك بهستيريا فقد فقد عقله بموت ابنه أصبح في حاله غير طبيعيه
الغول.... ههههههههههه عارف ياابن المركوب انته اني حاسس اني طاير عارف ليه
الغفير بحزن علي سيده رغم انه كان قاسي معه ودائما ما يسبه ولكن بفعل العشره وطول الفتره الماضيه وهو يخدمه حزن عليه فالعشره لا تهون سوي علي ابن الحرام كما يقولون
الغفير... ليه يا بيه
الغول... وهو يضحك... ولدي راجع انهارديه عاوزك تخلي الخدم ينضفوا اوضته وكماني يعملوا له الوكل اللي هيحبه والحلو كماني مش عاوز حاجه نجصه
الغفير بحزن فهو قد سمع حديثه مع فهد وعلم ان ابنه قد مات وهو سلل انهياره هكذا
الغفير بحزن... حاضر يا بيه
الغول وهو ينظر له بحب لاول مره ويعامله بلين
الغول... اني عارف اني زعلتك كتير بس من انهارديه هتغير وهعمل كل اللي عاوزه ولدي مش هجوله لا علي حاجه واصل مش عاوز ازعله
الغفير وهو ينظر له بدموع ويتجه الي الباب
الغفير... هروح أشوف الخدم واجهز اللي جلت عليه
الغول وهو يبتسم... كتر خيرك واني هتسبح والبس لبس جديد واخرج استناه بره في المندره لحد ما يرجع اني مستنيه
الغفير بهمس... ربنا يصبرك يا رب يا بيه مفيش اعز من الولد
...........
