رواية طفولتي المشتتة الفصل الثالث والثلاثون 33 بقلم ضاقت انفاسي

رواية طفولتي المشتتة الفصل الثالث والثلاثون 33 بقلم ضاقت انفاسي

صحيت الصبح على طرقات على الباب فتحت عيوني

بصعوبة ورجعت سكرتهم مو قادرة افتح عيوني من النعس

زادت الدقات على الباب تاففت بضيق وجلست على السرير وانا مفتح عيني ومسكر عين

وتوجهت للباب افتحه كنت امشي مثل السكران وبلوزه البيجاما رافعه من جهة اليمين وشعري معفوس

سالت من ورى الباب بصوت ناعس : مين

سمعت صوت عجوز النار : افتحي بسرعه

فتحت الباب وانا شبه مغمضه : نعم

جدتي فتحت عيونها : بعدك نايمه اليوم حفله سديم وانتي نايمه

رديت وانا مغمضه: طيب ؟؟

ردت جدتي بعصبيه : ما في وقت يالله يمديك تجهزيني

فتحت عيوني نص تفتيحه : ومين قال لك اني موافقه اجهزك شايفيتني فاتحه صالون

فتحت جدتي عيونها : نعم نعم وانا ما حجزت كوافيره علشان انت تحطين لي مكياج

رديت بصوت ناعس : طيب خلص خليني انام واشبع نوم علشان اعرف اجهزك على الساعه 1.00 ناديني

ردت باعتراض : لا لا ما يكفي الوقت لازم ابكر من كذا

تاففت : اقول لك انا ما ابغى اجهز احد تبغين على الساعة 1.00 حياك ما تبغين خلي الكوافيره تجهزك اوكي

جدتي بضيق وباستسلام : طيب طيب لا تتاخرين

هزيت راسي وانا مغمضه عين ومفتحه عين

وبعدها غادرت جدتي وبسرعة ركضت على السرير

حتى اكمل نومتي

**

**

**

**

**

**

**

كنت مستغرقه بالنوم بس صحيت مفزوعة على

صوت صراخ قريب مني : بعدك نايمه

نهضت بسرعة وفتحت عيوني بشويش

وناظرت جدتي وبعدها غمضت عين وفتحت عين وانا اناظرها

جدتي بعصبية : ريم صحصحي

ناظرتها وانا مغمضه عين وفاتحه العين الثاني وبصوت ناعس : نعم

جدتي وهي شاده على حالها كثير : نعامه تر

وبعدها سكتت واستدركت كلامها نعم الله عليك يالله عجلي ما بقى وقت

ناظرتها وانا افرك عيوني : كم الساعة ؟؟

ردت جدتي وهي تحاول تكتم اعصابها :الساعه 1.00

وقفت وانا اتثاوب: الحين الحقك بس دقايق اسبقيني على جناحك

هزت راسها جدتي وطلعت

اما انا تثاوبت مره ثانيه وبعدها توجهت للحمام وغسلت وجهي حتى اصحصح واخذت اغراض المكياج وتوجهت لجناح جدتي

**

**

**

دخلت الجناح بعد ما طرقت الباب اول ما تدخل تلاقيك صاله متوسطة الحجم كذا شكلها

بصراحه ما عجبتني كثير  بعدها توجهت لغرفة النوم خلف جدتي وكان شكلها كذا

جلست على كرسي التسريحه وانا اتثاوب

ناظرتني جدتي وعلامات الاستعجال عليها ومرتبكه : يا بنت الحلال خلصيني ما جبتك علشان تنامين هنا عجلي مستعجله ورانا الضيوف ولازم اكون جاهزه قبل وصولهم

ناظرتها ببرود : قبل ما ابدأ فيه شروط نفذتيهن اجهزك رفضتيهن انا الحين طالع من الغرفه

وناظرتها بمعنى وش رايك

ناظرتني جدتي بقهر ولو يطلع بيدها كان خنقتني هي مولعه ومستعجله وانا اتكلم ببرود : يعني ضيعتي علي الوقت والحين جايه تتشرطي وجلست على السرير قبالي وهي تضرب كفها على فخذتها حسبي الله عليك وشدت على اسنانها خلصيني وش هي شروطك

ناظرتها ببرود : امممممم تشتري لي 3 كراتين عصير سن توب

قاطعتني بقهر : خلص خلص اشتري لك يا مشروهه 3كراتين !!!

يالله عجلي تراك رفعتي ضغطي

وقفت ببطئ واشرت لها تجلس مكاني

وبديت اجهز فيها ولما قربت اجهزها دخلت ام خالد وام سليمان

ام خالد وهي مستعجله : عجلي ما بقى وقت

ناظرتها ببرود : الوقت طويل ربع ساعه واكملها

ام خالد رفعت حاجبها : وين طويل الله يسامحك وانا وام سليمان متى تخلصين لنا

رفعت حاجب وعفست ملامحي : نعم نعم ومين خبرك اني موافقة اجهزكم انتم واشرت عليهم

ولويت بوزي وتخصرت اصلا يا دوب اجهز نفسي ما بقى وقت

اتصلوا بالكوافيره تيجي الحين وتجهزكم انا ما عندي وقت

ولفيت وجهي وانا احط مكياج لجدتي

ام خالد بقهر : من وين الحين نلاقي كوافيره كذا قطعتينا

رديت بلامبالاه.: اتوقع اني ما اتفقت مع احد اني اجهزه لو اتفقتم معي وبعدين انسحبت حقكم تعترضون حتى ام سلوم ما اتفقت معها

ام سليمان باعتراض : طيب ليه خالتي ما اتفقتي معها والحين جهزتيها

جدتي وهي جالسه على كرسي التسريحه ومجمده

ملامحها خايفه يخترب المكياج : اسكتي اسكتي رفعت ضغطي حتى وافقت وكمان بشروط مو لله تشتغل هالمقروده

ناظرتها بتهديد : انا مقروده وقرصتها بعيوني

لما شافتني وانا اهدد وما رح اكمل لها ضحكت بتصنع : ههههه لا لا امزح معك

ام خالد بقهر : طيب اشرطي علينا وحنا ننفذ بس عجلي ما ودنا نتاخر

تكتفت وبتفكير : اممممممم الحين ما مو ذاكر شروط بس لما اذكر وعد تنفذوهن

ام خالد بسرعه : وعد ننفذهن بس عجلي

ناظرت ام سليمان بنص عين : وانت خالتي موافقه

ام سليمان وهي تكتم غيضها : موافقة

جدتي بصراخ : خلصيني رفعتي ضغطي

حكيت راسي وبعدها رجعت اكمل لها

وبعد ربع ساعه انتهيت

وتوجهت للسرير وجلست عليه وانا اتمطل

ناظرتني ام خالد : يالله عجلي يا ريم دوري الحين ما فيه وقت

وقفت وانا اتخصر : لحظه لحظه اجهزكم وبعدين تروحون على القاعه وتتركوني لحالي ومين يوديني ؟؟

ام سليمان : يا بنت الحلال ننتظرك لحد ما تجهزين وتروحين معنا

وقفت عند الباب : انا مو مغفله الحين اروح غرفتي البس واتجهز قبل ما اجهزكم

وطلعت من الغرفه قبل ما يعترضن

**

**

**

**

ام خالد وهي تعض على شفايفها بقهر : اخخخ يالقهر

نفسي انتفها من شعرها ذلتنا

ام سليمان بضيق وهي تناظر الساعه : قلت لك خلينا نشوف كوافيره تيجي هنا واحنا ندلل عليها مو هي تذلنا مثل هالحيوانه

ام خالد وهي تتنهد : المشكله هالحيوانه مبدعة بالمكياج شوفي خالتي ما تصدقين انها هي نفسها

ام سليمان وهي تناظر الجده : صادقه

الجده دخلت غرفة الملابس تلبس جلابيه الحفله

وبعد دقايق دخلت على ام خالد وام سليمان : كيف ؟؟

ام خالد ناظرت الجده وهي لابسه جلابيه لونها ازرق وكلها برق واكمامها عريضه ومن عند الخصر ضيقه : واو روعه لاول مره تكونين كذا

اعطتها الجده نظره قويه : وش تقصدين ؟؟

ام سليمان بانبهار : مو قصدها شي بس روعه المكياج ناعم ومناسب لك مو مثل كل مره يكون ثقيل

الجده وهي تناظر نفسها بالمرايه ومبهوره بنفسها : يالله طلع من وراها فايده بنت ساره

**

**

**

**

دخلت غرفتي وتوجهت للحمام اخذت دش عالسريع وجففت شعري

وبسرعة توجهت للخزانه واحترت وش البس اخترت

فستان لونه عنابي ماسك على الجسم كله

خيط ساتر لنصف الساق ومخصر وله سير فضي على الخصر

و لبست صندل كعبه عالي لونه فضي وبعدها سرحت شعري وعملت فيه حركه بسيطه وحطيت فلل لونها فضي ولبست سلسلة فضيه فيها حرف اسمي وخاتم فضي ناعم

وطلعت بسرعه على جناح جدتي بعد ما اخذت العبايه والشيله

دخلت بعجله وانا ابتسم وسمعت صوت جدتي الهامس : بسم الله ما شاء الله

طنشت نظراتهن المبهوره وطلبت من ام خالد تجلس حتى اجهزها وطلبت منها تشتري لي لاب توب ووافقت بدون تردد مقابل اجهزها بسرعة

**

**

**

**

بعد مرور وقت طويل كملت وانا احس ظهري انكسر

جلست على طرف السرير وانا اناظرهن واقول بنفسي الله يخلي المكياج صحيح انهن ناعمات بس بعد المكياج اتوقع يغطن على سديم

بعد ما قفلت جدتي الجوال ناظرتنا وبعجله : يالله عجلوا صقر ينتظرنا تحت

ام سليمان وهي تلبس الشيله: ساميا راحت ؟؟

ام خالد وهي تلبس العبايه : راحت مع بناتها على الصالون

وبسرعه تجهزنا ونزلنا

وصلنا عند السياره نزل صقر من السياره وفتح الباب الامامي وركبت جدتي ومن الباب الخلفي ركبت خالتي ام خالد وام سليمان

ولما تقدمت اركب وقفتني يد صقر الممدوده : وين ؟؟

ناظرته ببراءة : ودي اركب معكم

صقر رفع حاجب وسكر الباب وناظرني بحده : اسف مو سواق عندك

رديت بقهر : طيب مع مين اروح ؟؟

هز صقر اكتافه بلامبالاه : مو مشكلتي

جدتي كانت فاتحه الباب وتتكلم بالجوال بعدت الجوال عن اذنها وسالت صقر : علامك واقف ؟؟

صقر وهو يتكتف : هاذي واشر علي ما تطلع معنا

جدتي بهدوء : ما في حد تيجي ريم معه كل اعمامها بالقاعه خلص مشيها

صقر بصراخ ما له داعي : والله ما تركب انا مو سواق عندها وعند كل واحد يخلف ويرمي بناته علي

لا وهذا انا حلفت ما تركب معي

جدتي كلمت للي كانت تحكي معه بالجوال : سمعت يا نايف بإذنك صقر مو قابل تعال انت وخذ بنتك ....... كيف مو فاضي مين ياخذها للقاعه ..........ناظرتني ببرود هذا نايف يقول لك ارجعي على البيت ما في داع تحضرين وبعدها كملت كلامها على الجوال صقر معصب وراكب راسه ..........خلاص قلت لها ترجع ........ان شاء الله ........مع السلامه قفلت الجوال والتفتت على صقر : يالله يمه عجل تأخرنا

سكر صقر الباب وبعدها لف الجهة الثانية وحرك السياره وغادر المكان

وانا واقفه اناظر زول السياره تسلسلت دمعه من عيني غصب عني وانا حاس بالعبره خانقيتني

ما تتصورون الموقف للي كنت فيه صعب صعب توقعت صقر انه يمزح معي ما توقعته لئيم كذا رفعت نظري للسماء وغمضت عيوني بألم وانا محتار من هالعايله الحقوده

كلهم حقودين لئيمين اكرهم اكرهم نزلت دموعي على خدي وانا رافعه راسي للسماء ومغمضه عيوني

لو وحده من بنات عمي ما تركوها بالبيت لوحدها بس انا ما حد سأل عني

حتى ابوي لو سلمى بيرضى انها تبقى بالبيت لوحدها

ليه بناته وزوجته بنفسه وداهم للقاعه وانا ما حد سأل عني !!!!

جلست على الارض وعضيت على يدي ودموعي تنزل و بداخلي دوامه من الافكار وقررت انفذ للي في بالي وما علي من حد ما رح اضعف وابكي مثل الصغار

وقفت وانا امسح دموعي وشهقاتي تعلى مو قابله توقف

مشيت خطوتين وبعدها وقفت وانا اهز راسي بالرفض الفكره الاولى ما رح انفذها

وبعدها توجهت للبيت ناديت ميرفت وانا في بالي انفذ الفكره الثانيه وطلبت منها تيجي معي بعد ما اخذت العنوان

وبعدها ناظرت نفسي بالمرايه الموجوده ببدايه الصاله وعيوني منفخه من البكاء وانفي احمر وبسرعه توجهت للمغسله وغسلت وجهي ونشفته وعدلت الشيله وناظرت نفسي

وبعدها طلعت مع ميرفت توجهت لغرفة السايق وطلبت منه يوديني للعنوان المكتوب بالكرت

صحيح اني حزينه وقلبي مجروح بس مستحيل ابين لهم ضعفي لازم اكون قويه

كنت جالسه بالسياره واناظر من الشباك وحاسه نار بداخلي نبذهم لي يجرحني ......وصلنا القاعه ونزلت كان فيه رجال قريب من القاعه

ولاول مره احس بالخجل بس طنشت هالشعور ودخلت من بوابه النساء

وقبل لا ادخل للقاعه خلعت العبايه ورتبت نفسي وحطيت مكياج بطريقه يخليني بنت كبيره

وبعدها دخلت القاعه بثقه كانت كثير من النظرات حولي بس طنشت وقفتني جدتي بدهشه وبصوت هامس : كيف اجيتي ؟

رديت عليها بغرور وبدون نفس : ما يخصك

قاطعتنا وحده من الحريم : ما شاء الله تبارك الرحمن هاذي حفيدتك واشرت علي

بصراحه كنت بعدني متضايقة من الموقف وكرهانه كل الناس بس صممت احضر عناد فيهم كلهم وغصب عنهم وحبيت افشل جدتي لانه لو صممت كان ابنها النسر ما تركني

ناظرت جدتي والحرمه بتعالي وبعدها تركتهم ورحت

مع انه مو من طبعي كذا بس ما اعرف الفيوزات كانوا عندي ضاربات 

**

**

**

الجده باحراج من تصرف ريم : ايييي هاذي ريم بنت نايف

ام زياد بقهر : وعلامها نافشه ريشها كذا وكأننا مو من مستواها

الجده بطيبه زائفه : هاذي حياتها مغروره ونافشه ريشها علينا بنت ساره حسبي الله ونعم الوكيل

ام زياد لوت بوزها وتتوعد بداخلها ريم

**

**

**

**

**

كنت اناظر الناس بكره اكرهم كلهم لا تسألوني البنات وش لابسات لاني من القهر للي بداخلي ما ناظرت حد وبعدها توجهت لطاوله بعيده وجلست عليها وانا حاسه حالي ودي ابكي

قطع علي خلوتي بعض الحريم

الحرمه الاولى : مخطوبه

ما ادري ليه جاوبت كذا يمكن لانه معظم انظار الحريم علي ومطنشين بنات عمي فحبيت اقهرهن : لا مو مخطوبه

الحرمه الثانيه : كم عمرك ؟؟

فكرت ورديت : اولى ثانوي

الحرمه الثالثه : مو كأنها صغيره ؟

الحرمه الاولى : لا لا موصغيره الفصل قرب ينتهي يعني ثاني ثانوي مناسبه

الحرمه الثانيه : مناسبه اممم وش اسمك يا حلوه واسم ابوك ؟؟

رديت بابتسامة ما ادري سببها : اسمي ريم نايف ........

الحرمه الثالثه : هذا النسب للي يشرف

نغزتها وحده من الحريم وبعدها استأذنوا وراحوا

وصار كل شوي تيجي حرمه وتسألني نفس الاسئله وجاوبت نفس الاجابات

وانا مبسوطه لفت نظري بنات اول مره اشوفهن يناظرني بحقد بس طنشت يمكن غاروا مني وبعدها وقفت وتوجهت للمنصه ونزلت ارقص واهز هز كل الانظار كانت علي

وبنات عمي يناظرني بحقد وغيره وخاصة روان

بعد ما كملت قالوا انه سليمان وده يدخل وانا انجن جناني وركضت بسرعه ولبست عبايه وحطيت اللثمه على وجهي اخاف واحد من الشباب يعرفني لاني حاطه مكياج

ورح تصير كارثه اذا عرفوا اني نفس البنت للي كنت بالمول

المهم دخل سليمان واعمامي وابوي ونواف وسامر

والكل كان حولهم

حسيت بالقهر بداخلي ليه سليمان وسديم عملوا حفله وانا لا

حتى خطيبي ما شفته ومنعوني اشوفه

جلست على احدى الطاولات وحاسه حالي ودي انفجر من البكاء

وعيوني مليانه دموع حاسه بالغربه عضيت على شفايفي من القهر متى اتزوج وابعد عنهم

وبعد ما انتهت الحفله توجهت للمغاسل وغسلت وجهي من المكياج ونظفته بالكريم

وعدلت شيلتي

وطلعت برا القاعه وحطيت اللثمه على وجهي ادور ميرفت وين اختفت ما ادري

وما ادري مع مين ارجع مر من قدامي رجال اثنين واحد يقول لثاني : بنات ما يستحن على وجوهن بهاللثمه للي يحطونها لو انها اختي كان كسرت وجهها وبعدها وقف عند سيارته ينتظر الظاهر اهله

بصراحه قهرني ان شاء الله يلتموا عليه عشره ويكسروه تكسير

طلعت جدتي وام خالد وام سليمان طنشتهم وراحن على سيارة صقر يركبن

يمكن يظنن اني الحين ابوس اديهن علشان ارجع معهن بس حامض على بوزهن

لفيت وجهي لمحت طيف ميرفت وبسرعه مشيت خطوه لجهتها بس في يد مسكتني ........

**

**

**

**

بعد ما راح صديقي وقفت عند السياره انتظر امي واخواتي وعيني على قليله الحيا للي واقفه برا لا حياء ولا احتشام وفوق كذا لابسه لثمه وعيونها مكحلات

كنت اتمنى انها تقربلي حتى اروح واكسر راسها تكسير عضيت على شفتي بقلة حيله

بعدها ركبت السياره لما شفت امي واخواتي طلعن

بعد دقيقتين ركبن وردوا السلام

وجلست انتظر الخدامه اخذت بنت اختي على الحمام

ناظرتني امي وبقهر : ما ادري ما بقى بنات حتى ابوك يبليك بهالزواج

ناظرتها باستغراب : وش فيه ؟؟!!

ردت امي بقهر : خطيبتك هالحيوانه نافشه ريشها علي وتكلمني من رؤوس خشومها وكاني حشره عندها

وبعدها التفت لخواتي : خبرنه بعمايلها بنت الحسب والنسب

تكلمت اختي : خطيبتك الحريم يسألونها مخطوبه ترد عليهن انها مو مخطوبه واخذوا اسمها حتى يخطبوها

في بنت تستحي على حالها تعمل كذا

قاطعتها امي : حتى قدام اولاد عمها حاطه اللثمه والمكياج ينقط تنقيط

بصراحه عصبت انها تلبس كذا قدام اولاد عمها بس حاولت اضبط اعصابي واحط اعذار ما احب احكم على الشخص بدون ما يدافع عن نفسه او اسمع منه

هزيت راسي بهدوء

امي بعصبية : مو مصدقنا شوف قدامك واشرت على البنت للي واقفه قدام القاعه هاذي خطيبتك مو مصدقنا روح اسألها

بصراحه انا جن جنوني عندي غيره مو طبيعيه انا خطيبتي تلبس كذا

وبسرعة نزلت من السياره وتوجهت لها قربت منها مشيت خطوتين وهي مو منتبه لي مسكتها من يدها ووقفتها

لفت وجهها وناظرتني باستغراب وبعدها عفست ملامحها وحاولت تفك يدها : يا قليل الحيا فك يدي

ناظرت عيونها كانت وسيعه ومع الكحل ولونهم المحير كانوا فتنه

رديت وانا اكتم غيضي : لو تعرفين الحيا ما طلعتي كذا وناظرتها بنظرات ناريه

ردت بعصبيه وبريق الدموع بعيونها : اتركني وش تبغى مني يا قليل الحيا وبعصبيه وصراخ بدون وعي اتركني اقول لك اترك يدي ما تفهم

**

**

**

**

سمعت صراخ استغربت وناظرت نواف اشر لي نواف ومشينا باتجاه الصوت

شفنا بنت وزياد ماسك يدها بس لما شافتنا نادت : نواف

تقدمنا منهم وشفت ريم والدموع بعيونها وناظرت زياد ماسك يدها بقوه

ناظرته بحده : نعم وش عندك ماسك يدها وبعصبيه اتركها قبل ما اكسر يدك

ناظرني زياد ببرود : بصفتك وش تكسر يدي ؟؟

رديت بعصبية يعني يخفف دمه وهو عارف اني ابن عمها : ابن عمها

رد ببرود : وانا زوجها

رديت بعصبية : باحلامك تتزوجها لو على جثتي وبامر ريم تعالي هنا

التفت زياد على ريم بعصبية : غطي وجهك وشد على اسنانه بقهر

وبسرعه غطت ريم وجهها كامل بالشيله انا جن جنوني يتامر عليها وهاذي مثل الهبله خايفه منه وبصراخ : ريم تعالي هنا ولا تردين عليه

زياد وهو يكتم عصبيته : اذا سمحت وخر منها زوج وزوجته لا تتدخل بينا فاهم

نواف بعصبية : متى ما تزوجتها ساعتها تكون زوجتك اما الحين حامض على بوزك ونصيحه باقرب وقت يا ليت ترسل ورقه الطلاق وبعصبيه ريم تعالي انقلعي هنا واعطاه نظرة تحدي

تقدمت ومسكت يد زياد ابعده عن يد ريم

بس دفشني زياد بعصبيه وبتهديد وهو يرفع اصبعه بوجهي: اذا قربت مرة ثانيه من زوجتي اكسر وجهك مره ثانيه

نواف وعيونه حمر من العصبيه : بدر استنى بس دقيقة نبعد ريم وبعدين نتفضى له

وبامر ريم تعالي هنا

هزت راسها بالرفض

عصبت منها ملزقه بعريس الغفله وبصراخ : يا حيوانه تعالي هنا

ناظرني زياد بغرور : اسمع مو فاضي لك الحين عندي كلام بيني وبين زوجتي بالعاميه فارق انت وللي معك

كلامه وطريقته استفزتني وبدون وعي هجمت عليه وضربته بكس ببطنه

ترك زياد يد ريم وهجم علي بصراحه كان الفارق بالطول واضح ضربني زياد كم لكمه على وجهي وطبعا فزع لي نواف والتفينا الاثنين عليه

كان صراخنا بالمكان كله تجمع الرجال حولنا واولاد عمي سمعوا بالهوشه ووقفوا معنا وطبعا قرايب زياد واصحابه ما قصروا وصارت مشاجره كبيره

حاولوا الشيبان يوقفون الشجار بس لا حياه لمن تنادي

وبعدين حضرت سيارات الشرطه وبصعوبه فرقت بيننا

واخذت كل المشاركين بالشجار لمركز الشرطه

ولحقوا الشيبان لمركز الشرطه حتى يشوفون وش سبب المشكله

......

**

**

**

**

اضطريت ارجع مع جدتي وحريم اعمامي وزوجه ابوي مع السواق

جدتي وهي حاطه يدها على صدرها : يا رب استر واحفظ عيالي يا رب يا رب يا رب

ساميا : طيب وش سبب الشجار ومع مين متشاجرين ؟؟؟؟

ام خالد : علمي علمك ما ادري قلبي ناغزني على نواف يقولون كان ببدايه الشجار

ام سليمان : لا حول ولا قوه الا بالله

كنت اسمع كلامهن وساكته لو يجيهم خبر اني سبب الشجار كان دفنوني هنا

خليني ساكته احسن يا رب احفظ زياد من كل مكروه

حطيت يدي على قلبي وهو يدق بسرعه خايفه وقلبي ناغزني حسيت بالاختناق نزلت الشيله عن وجهي

وانا احاول استنشق الهواء

ناظرتني جدتي بقهر : وانت يا قليله الحيا كذا فشلتيني مع الحرمه

ناظرتها بدون نفس يعني انا وين وهي وين

كملت جدتي تكلم حريم اعمامي : قليله الحيا حماتها ام زياد واقفه ودها تسلم عليها ناظرتها بغر

قاطعت جدتي باندهاش : الحرمه للي كانت واقفه معك نفسها ام زياد خطيبي ؟؟؟

جدتي بدون نفس : ايه نفسها وبعد ما انقلعتي صارت تذم فيك ......

حطيت راسي بين رجليه ويدي على راسي وانا خلاص فقدت اخر امل العريس طار طار والله ما كنت ادري

انها ام زياد ما كنت ادري

وعضيت على شفايفي بقهر الحين عرفت ليه البنات كانوا يناظروني بحقد لانهم بناتها كانوا واقفات معها

خلص طار العريس

علشان كذا كان معصب علي معاه حق يعصب

اكيد امه الحيه واخواته الفتانات خبرنه

يا ربي انا وين ما اروح الاقي بوجهي ناس حقوده لئيمه فتانه

مين مسلطهم علي وصارت دموعي تنزل خلص مو قادره استوعب انه خلاص طار العريس

ما ادري متى وصلنا نزلت وبسرعة ركضت لغرفتي

وقفلته بالمفتاح ودموعي على خدودي

كلما اقول زانت انعمت يا رب لطفك

وجلست جنب السرير على الارض وسندت راسي للجدار

وغمضت عيوني وانا احس خلاص انتهيت دمروا حياتي .........

**

**

**

**

**

**

بالمركز الامني

كانت الدنيا مقلوبه اضطر الضابط يدهل المشاركين

بالشجار حتى يتم التحقيق

توصلوا بالتحقيق انه بدايه الشجار كان بين زياد ونواف وبدر

فاستدعوهم للمكتب

الضابط بهدوء وهو يناظر الثلاثة : ممكن اعرف وش سبب المشكله ؟؟؟

بدر وهو يثبت نفسه حتى ما يقوم يرفس زياد : حضرته ماسك يد بنت عمي ويصرخ عليها بالشارع وضربها

زياد بعصبية : فوق قله ادبك و تكذب كمان

الضابط بحزم يناظر زياد : كلامه صحيح اني كنت ماسك يدها بس اني اصرخ عليها وضربتها اسمح لي انه هذا واشر على بدر كذاب

الضابط باحتقار لزياد : وتقولها كمان ببرود ماسك يد بنت عمه

ناظره زياد بابتسامة نصر : بالاول قبل ما تناظرني كذا يا سياده الضابط إسأل وش علاقتي بالبنت وبعدين تحكم على الناس لانه البنت تكون زوجتي وشدد على الكلمه

ناظر الضابط بدر وهو يقرص عينه : صحيح كلامه ؟؟

بدر بقهر : صحيح انه ملك عليها بس والله ليطلقها

الضابط بحزم اشر لبدر يسكت وبعدها التفت لزياد : كمل وش سبب الشجار ؟؟

وقفت مع زوجتي ومسكت يدها بس هي ما انتبهت لي وخافت وصرخت ولمحت هذا واشر على نواف ونادت باسمه

طبعا تقدم هذا واشر على بدر بفوقيه وتهجم علي وضربني بوكس على بطني وبعدها هجمت عليه ارد له الضربه وبعدين صار للي صار

**

**

**

**

**

**

**

بمكان اخر في بلاد الغرب في بيت بسيط جدا يتكون من غرفتين ومطبخ وحمام في قريه نائيه لا توجد فيها خدمات مثاليه كان جون جالس بغرفه بسيطه فراشها قديم خاليه من الاثاث تقريبا كان يناظر ابنه الصغير

جون : جوليا تعالي بسرعه وانظري ماذا فعل ابنك

دخلت الغرفه جوليا وعفست ملامحها : يا إلهي لقد نظفت الغرفه للتو

ضحك جون بصوت عالي : ابنك هذا مشاغب جدا وليس كباقي اخوته

دخل الغرفه البسيطه الابن الاكبر : امي متى وقت الغداء اشعر بالجوع

جوليا وهي تنظف الغرفه : اصبر قليلا

مر شهر كامل على الشجار انتهى بصلح بين العائلتين وجدي اقام عشاء كبير للصلح ما فاتحني جدي بالموضوع ولا سألني عن شي بس ما خلصت من تحقيق عمي فيصل وصقر وقتها اتهموني اني على تواصل بينه بصراحه يضحكوني بافكارهم وما خلصت من نظرات الاحتقار من الاثنين وخاصه لاني لما جاء الضابط انكرت انه زياد ضربني وقفت بصف زياد لانه اولاد عمي هم المخطين يمكن تقولون انه انا ناديت نواف استنجد فيه وبعدين وقفت ضده

صحيح اني ناديت نواف لاني ما كنت اعرف انه هذا الشخص نفسه زياد

بس الخطأ على اولاد عمي المفروض قالوا لي ترى هذا زوجك مو يتشاجرون معه ويسببون بمشكلة كبيره

يعني ودهم اشهد زور علشان يرضون علي

وطلعت مني اه بالم لما تذكرت موقف ابوي وقتها قام الدنيا وولعها وحصلت منه كم طراق وصار يدعي

علي بالموت ولا هالفضيحه عنجد احيانا احس انه عقلهم فيه تخلف وين الفضيحه ما ادري

وجدتي هاذي عباره عن شريط كل ما تشوفني تعيد نفس الاسطوانه تدرون قسم بالله حفظتها عن غيب كلامها

(يا قليله الحيا تتواعدين معه ولا تصف مع الغريب ضد اولاد عمها الله لا يوفقك عجبك كان رموا احفادي بالسجن علشان تقابلينه......

وموشحات طويله عريضه وكاني مو حفيدتها وطبعا الجوز الثلاثي نفس الكلام يزيدون ويعيدون نفس الكلام

مع ذلك طنشت كلامهم وزدت شطانه تدرون اخذت ثلاث انذارات من المدرسه صرت مزعجه ومشاغبه وكسوله علاماتي كلها صفر واحيانا واحد

لا تلوموني وتقولون مستقبل لانها خلاص ما عادت تفرق معي ما تهمني لا دراسه ولا غيرها صرت كل الضغوطات للي احسها افرغها بالمدرسه اجاكر المعلمات او مع البنات اتشاجر

الظاهر رح اتاخر عن المدرسة وانا اخبركم 

تنهدت بتعب وحطيت الشيله على راسي ورتبتها وناظرت نفسي بالمرايه وتحسست الحبوب المتواجده بطرف خدي احسها خفت عن اول وبعدها

حملت حقيبة المدرسة وطلعت من الغرفه وكالعادة

انزل على الدرابزين صحيح ما خبرتكم زاد طولي 2 سم

بعد ما نزلت عن الدرابزين لبست الحذاء لاني امسكه بيدي وانا اتزحلق علشان اعرف انط

عدلت الحذاء ورفعت نفسي كان ابن عمي فيصل عرفت اسمه مؤخرا اسمه سامر ناظرني مثل ابوه بإحتقار وطلع

بصراحه انا عصبت يمالي الساحق والماحق انا ما خلصت من ابوه حتى يجيني هو لويت بوزي وطلعت من البيت بهدوء لا تسألوني عن الفطور خبرتكم بالبدايه اتناول جميع الوجبات بغرفتي

مشيت باتجاه البوابه بس المشكله الدكتور نسر قصدي صقر واقف قريب من البوابه ويناظرني بتعالي

يا لطيف يا لطيف من هاذي العايله مشيت من جنبه

وما رديت السلام كذا مزاج سمعت صوته ينادي علي بس طنشت ولا كأنه حد يناديني وركبت الباص وتوجهت للمدرسه

**

**

**

**

**

بالفسحه جالسه مع الجوري واسمع سوالفها عن خطيبها

مرت من جنبنا بنت دايما تناظرني باحتقار وتكبر واسكت لها بس اليوم الفيوزات كانت ضاربه معي

وقفت وناديتها طبعا وقفت البنت وهي تناظرني بتكبر

انا اكره هاذي النظره لانها نفسها يناظروني اهل ابوي بها تحسسني وكاني شي منبوذ قذر ما يستحق الحياه

وبدون وعي ضربتها كف على وجهها وبعدها هجمت عليها مع انه فارق الطول واضح بس ما اهتميت اهم شي افرغ الكبت والقهر للي عشته بحياتي

وما وعيت على نفسي الا بالاداره مين فرقنا عن بعض وش صار ما ادري وكاني كنت بحلم ناظرت البنت وجهها كله تخميش ودم خفيف نازل منه وشعرها منفش

بصراحه استغربت ما توقعت اني قويه كذا نقزت على صراخ المديره : عجبك كذا

الحين لازم اتصل بولي امرك

ما رديت عليها لاني متأكده نايف ما رح يرد او ييجي لانه الشهر الماضي لما ضربني عصب جدي عليه وقال انه لو يشوفني ميته قدامه ما له دخل

فجلست على الكنبه باريحيه وانا ابتسم

اجرت المديره اتصال وبعدها كانت تكتب وبعدها اتصلت على رقم ثاني وكلمته ييجي المدرسة حالا

استغربت رقم مين حصلت كنت بعيده عنها شوي وتتكلم بالجوال بصوت هامس حتى اني توقعت انها تكذب علي وما اتصلت باحد

بس المفاجئه بعد ثلث ساعه المديره والمعلمات تغطوا

رفعت نظري للباب حتى اشوف مين للي حضر بلعت ريقي لما شفت جدي ومعاه عمي فيصل هالعم ناشب لي بكل شي لو ظل مسافر افضل لي

جلس جدي وسال المديرة بهدوء : اتصلتي فيني وطلبتيني فيه شي ؟؟

المديره بقوة شخصيه : قبل ما ادخل بالمشكله الرئيسية احب اطلعكم على امر مهم مستوى الدراسي للريم سيء علاماتها كلها اصفار

رد عمي فيصل ببرود : يعني اذا البنت غبيه نشتري لها مخ حتى تصير ذكيه ولوى بوزه

قاطعته المديره : اتوقع يفرق لما يكون الطالب متفوق وبعدها تصير علاماته اصفار

ومسكت كالمديره كشف العلامات وناولته لجدي

وتكلمت بهدوء : شوف يا عم الفرق بين علامات الفصل الاول والفصل الثاني

ناظر عمي فيصل مع جدي بالكشف وبعدها ناظروني بحده

المديره : لو ريم كسوله كان ما اعترضت بس طالبه متفوقة مثلها وتم نقلها مرتين لصفوف اعلى

المفروض الحين ريم بالصف الثامن بس لانها متفوقة تم تقلها لاولى ثانوي

فتح جدي عيونه على وسعهم وبعدها ناظر الورقه وكانه وده يتاكد من هالمعلومه

عمي فيصل اعطاني نظره قويه : وش السبب يا ريم علاماتك بالفصل الاول كلها كامله والحين كلها اصفار ما شاء الله شي يرفع الراس وبعدها هز راسه بوعيد

المديره : في امر ثاني لازم اطلعكم عليه

ناظرتها بقهر هالفتانه

المديره بهدوء : البنت مشاغبه كثير تتطاول على المعلمات والطالبات واعطيناها ثلاث انذارات

جدي رفع حاجبه : بس ما وصلنا شي من الانذرات !!!!

المديره مسكت القلم وطلعت اوراق ومدتها لجدي : شوف كل انذار كانت تيجي حرمه وتتعهدها

ناظرني جدي بقوه : مين للي اتكفلتك ؟؟

ناظرت المديره نظرة بمعنى خلص يكفي فضايح ونشر غسيل بس لا حياة لمن تنادي هالفتانه

كملت المديره كلامها : انا اليوم استدعيتكم لاني اتوقع انه المدرسه فتحوها للتعليم مو حلبه مصارعه

اشرت علي ريم اليوم تهجمت على بنت وعجبت عليها وجه البنت كله دم وحالتها حاله حتى اتوقع اهلها ما رح يسكتون فحبيت احطكم بالصوره قبل ما يوصل اهل الطالبه وهم الحين على وصول فتفاهموا معاهم انتم

عمي فيصل وعيونه حمر من العصبيه وهو يتوعد بي : ليه تضربين البنت ؟؟

رديت بثقه عكس قلبي يلي يتراقص من الخوف : هي للي بلشت مجاكره ودايما اسكت لها واسأل البنات

هز راسه بتوعد : وتضربيها وكانك خريجه سجون ما شاء الله طالعه لخطيبك

رديت بدفاع : بدر هو للي بدأ وضربه

قاطعني بصراخ : اخرسي حاطينك محامي دفاع عنه

وبتوعد يصير خير يصير خير

جدي بحزم ناظر المديره : اذا سمحتي تعطينا ملفها رح ننقلها لمدرسه ثانيه

فيصل بقهر : من زمان قلت لك انقلها من هاذي المدرسه لانه ما حد خربها غير هاذي المدرسه

كانت المديرة ودها تدافع عن المدرسه بس قاطعتها : ما رح انقل من هاذي المدرسه

اعطاني نظره عمي : ولك عين تعترضين بس يصير خير حسابك بالبيت

صرت اقرا الفاتحه على روحي من الحين لانه اكيد جدي عمي رح يدفنوني .....

**

**

**

**

**

ركبت بالسياره من الخلف بعد ما انحلت المشكله مع ولي امر البنت واخذ جدي ملفي من المدرسه

بعد ما حرك عمي فيصل السياره وجدي جنبه وساكتين

حبيت اكسر الصمت تنحنحت وبابتسامه : عمي وقف عند البقاله اشتري لي عصير عطشانه

وقف فجأة عمي فيصل ولف وجه علي : اختصريني تراني دافنك اليوم بس حليني ادفنك بالبيت مو هنا

رديت بابتسامة تقهر : طيب قبل ما تدفني اكسب في اجر وجيب لي عصير

بما اني مدفونه مدفونة خليني اقهره قبل ما يقهرني

رد علي بصراخ : ولا نفس لا تخليني انزل من السياره

رديت بتلقائية : انزل

فتح عمي الباب تكلمت بسرعة : خلص خلص امزح معك

مسك يده جدي قبل ما ينزل : ما ودنا فضايح تنصل البيت ويصير خير

تردد بالاول وبعدها رجع وحرك السياره وتكلم وهو يكتم غضبه :

انا اقول يبه نسجلها مع البنات علشان اي خطأ عليها بالمدرسه يخبرونا البنات

هز جدي راسه وهو يتوعد الله يستر اليوم لا بالله اليوم رح تطلع جنازتي

غمضت عيوني بالم وبعدها وصلت البيت وانا احس وصلت لعند المقبره اليوم رح يدفنوني

يا ليتهم يذبحوني واموت وارتاح من الحياة وصرخت بداخلي يا ليت

نزلت من السياره بهدوء وانا حاسه نفسي امشي للموت برجليني

عمي فيصل بعصبية : امشي قدامي اشوف

مشيت بهدوء خلفهم دخلنا البيت

فيصل يناظر جدي : خليني بس اليوم اربيها واسنعها

ناظرني جدي والعصبية تشع من عيونه ومسك يدي وصعد الدرج حاولت افلت يدي منه واهرب بس وين اروح وين اهرب

كنت اسمع جدتي وام خالد يسألون عمي فيصل وكنت اسمع كلماتهن خلها تستاهل يمكن تتسنع

وصلني لغرفتي ودخل هو وعمي فيصل وقفلوا الباب بالمفتاح

وبعدها مسكني جدي من شعري وهو يشد على اسنانه : لمتى اسكت عن تصرفاتك الطايشه ها لمتى

ورماني على الارض

وبعدها مسك العقال وشعرت بلسعات العقال على جسمي

غطيت وجهي بيدي كنت احس بالالم بكل انحاء جسمي بس ما صرخت ولا طلبت منهم يوقفون عن الضرب مستحيل اذل نفسي لناس قلوبها حجر وحقوده

مسك الجد يد فيصل ووقفه وبتعب : يكفيها للي اجاها وبصراخ وقسم بالله يا ريم اذا كررتي حركاتك هاذي لادفنك اليوم

وبعدها طلع جدي وعمي فيصل وقفلوا الباب علي بالمفتاح

ما تحركت من مكاني وانا مغطيه وجهي ودموعي ما وقفت

بكيت وجعي وحزني بكيت يتمي انا احس نفسي يتيمه واهلي عايشين وينك يمه تعالي شوفي غلطتك انتي و ابوي تعالوا بس عيشوا معاناتي للحظه بس

عايشين حياتكم ومبسوطين وانا وانا اتجرع مر الغربه

اتجرع مر الشتات مر النبذ

نفسي اعيش مثل باقي البنات اقول بالمدرسه بابا قال وبابا عمل وبابا اشترى لي وبابا وبابا وبابا

لما اجي ابغى اقول قدام البنات بابا ما في شي اقوله الا بابا ضربني بابا تبرى مني

عضيت على شفتي بقهر

حاولت اكتم شهقاتي ما قدرت اكرهم كلهم وش الفرق بيني وبين حفيداتهم مدللينهم وانا مبهدليني

طول الشهر الماضي اسمع الشتايم علي ومع ذلك ابتسم واطنش لمتى لمتى اصبر على هالعيشه

اخذت نفس وانا احس حالي مخنوقه وبعدها غمضت عيوني بألم ..........

**

**

**

**

**

**

قفل الجد الباب على ريم بالمفتاح وبعدها ناظر الجده للي كانت واقفه هي و ام خالد وبعدها نزل بدون اي كلمه ولحقه فيصل

دخلوا الصاله الخارجيه وجلس الجد بصدر الصاله وبجهة اليمين جلس فيصل وبعدها دخلت ام خالد والجده

وبعد سكوت دام ربع ساعه دخل صقر ورد السلام واستغرب السكوت وجلس بجانب فيصل وبهدوء : وش فيه وناظر امه ؟؟

الجده : والله يمه ما ادري بالضبط وش فيه بس رجع ابوك واخوك ومعهم ريم ودخلوا غرفتها ونزلوا فيها ضرب

تفاجئ فيصل وناظر ابوه باستفسار

الجد بقهر : هالحيوانه تظن نفسها خربجة سجون نازله ببنت ضرب ومعجبه عليها وبالموت اهل البنت تنازلوا حتى دفعنا لهم تعويض

وشد على اسنانه بقهر انا اخر هالعمر تشوه سمعتي وتستدعيني مدرسه حكوميه على امور تشرف مثل ذي

فيصل يهدي ابوه : خلص يبه هدي نفسك

ناظر الجد صقر بحزم : اسمع حنا اخذنا ملفها ورح ننقلها لمدرسة بنات عمها ورح توخذها وترجعها مع البنات وانت تتابع سلوكها المدرسي ويا ويلها اذا وصلتني شكوى عنها

صقر بهدوء : طيب وينها ريم الحين ؟؟

فيصل بكره : بغرفتها منطقه وابوي قفل الباب عليها

وقف صقر وهو يكتم عصبيته : يعني ما ادري عنكم

ما عندكم حل الا بالطق وناظر ابوه ما لقيت غير هذا الوحش يدخل معك واشر على فيصل

فيصل احتدت ملامحه : انا اخوك الاكبر منك ثمن كلامك قبل ما تكلمني

طنشه صقر وناظر ابوه : اعطيني المفتاح

الجده لوت بوزها : خايف على مشاعرها

اخذ صقر المفتاح وطنش كلام امه وتوجه لغرفه ريم فتح الغرفه وشافها نايمه على الارض ووجهها مغطى بشعرها

تقدم منها وجلس على الارض وابعد شعرها عن وجهها

وتنهد بقهر بعدها حملها بشويش وحطها على السرير وغطاها وطلع بهدوء من الغرفه

وبعدها طلع من البيت كله لانه ما يضمن نفسه يتشاجر مع فيصل

**

**

**

**

**

**

**

صحيت الصبح وانا اتالم وتذكرت البارحه لما صحيت وبدلت ملابسي كان جسمي خرايط وكل الالوان للي تعجبكم

قمت بشويش وحمدت الله انه اليوم عطله ما في دوام وتوجهت للمرايه اناظر نفسي

ناظرت نفسي كنت لابس بيجاما خيط لونها زهر ومرسوم عليها صوره دبدوب

وشرت البيجاما لحد الركبه ناظرت ذرعاني كانت اشكال والوان حتى رقبتي ما سلمت منهم

وتحسست مكان الضربه على رقبتي لونها بنفسجي

بلعت غصتي وعيوني تلمع من الدموع

خلص قرفت الحياه نفسي اموت واخلص منهم كلهم حتى كف يدي وصله كم ضربه

مسكت شعري ورفعته بالكماشه ما لي خلق امشطه وتوجهت لجنب السرير وجلست على الارض وسندت راسي على الجدار

واناظر بانحاء الغرفه بلا نقطه وبعدها نزلت نظري للارض وسرحت بعالمي الحرمان ......

**

**

**

**

**

دخلت غرفة ريم كان السرير فاضي شفتها جالسه على الارض قربت منها وجلست على الارض

وانصدمت من الضربات المعلمه بجسمها رفعت راسها بيدي وانصدمت من العلامات للي برقبتها

تنهدت بندم كيف ما ضبطت اعصابي ناظرت عيونها

كانت حزينه و تلمع بالدموع

مسحت على راسها وبهدوء وصوت نادم : سامحيني يا بنتي فقدت اعصابي

لفت وجهها عني وما تكلمت مسكت يدها بشويش : يهون عليك تزعلين من الشايب

ما ردت علي تنهدت بألم : يا ليت يدي انكسرت قبل ما امدها عليك صدقيني ساعة غضب

كانت ساكته ولافه وجهها للجهة الثانية وما تتكلم بصراحه سكوتها يذبحني احب اشوف البسمه على وجهها

مستحيل اقبل بالبسمه تنطفي من محياها : انا اسف شوفي انا ابو سليمان اعتذر منك وبابتسامه ترى ولا واحد من اولادي او احفادي ضربته واعتذرت له الا انت سكتت لثواني طيب كلميني واي شي يرضيك انا مستعد اجيبه لك بس ارضي وفكي هالكشره

تعبت معها مطنشيتني عالاخير بصراحه قلبي عورني عليها احس اني اذيت يتيمه مع انه امها وابوها عايشين بس ما حسسوها بالابوه والامومه حتى امها صار لها شهرين ولا مره طلبت تزورها طلبت تزور بنات خالها اما امها ما تجيب لها طاري

متاكد مثل ما عاملها نايف عاملتها ساره بس وش ذنبها هاذي اليتيمه

ناظرتها وهي صاده وجهها عني وقلبي محروق عليها

سبحان طول عمري قاسي لكن ريم ما ادري ليه لها شفقه بقلبي احزن عليها

تنهدت بقله حيله : الحين اتركك لوحدك بس تاكدي ما رح ترتاحين مني الا لما ترضين فاهمه

ناظرتها وهي نفس الحاله كاني اتكلم مع الجدار ولا عبرتني استغفرت ربي وطلعت من الغرفه وانا خلقي ضايق عليها ........

**

**

**

**

**

**

بعد العصر

الجده تناظر ام سليمان : اسكتي اسكتي عمك راح وراضاها بس يقول ما تكلمت معه ولو بحرف ساكته وما تكلم احد حتى الغداء ما تناولته

ام سليمان ببرود : اخرها ترجع توكل لما تجوع

الجده تناظر ام خالد وام سليمان وساميا : وين البنات ؟؟؟

ام خالد : في بيت نايف مجتمعات هناك

الجده تحوس ومو عارفه تقعد : ام خالد اطلعي حاولي بريم تنزل تجلس معنا هالحيوانه مو عارفه اجلس بدونها

ام سليمان : والله صادقه يا خالتي سوالفها وحركاتها

تحلي القعده مع اني ما احبها بس احب قعدتها

ام خالد بضحكه : هههههه وقسم بالله سوالفها نفس سوالف الحريم وتعليقاتها من الاخر

التفت الجده على ساميا : روحي شوفيها خلها تيجي تكمل سولافة ام سعيد ما كملتها وانا احوس ودي اعرف وش صار

وقفت ساميا : ان شاء الله

**

**

**

**

**

**

**

دخلت الغرفه بعد ما طرقت الباب وما حد رد علي كانت جالسه على السرير

ناظرتني وبعدها لفت وجهها وصارت تتطالع الشباك

ترددت وش اقول لها لانه ما في علاقه بيني وبينها : ءءء ريم خالتي تقول لك تعالي اجلسي تحت بالصالة

حتى ما كلفت نفسها تناظرني

عدت مرة ثانية ولا حياه لمن تنادي ساكته وما تكلمت بحرف واحد

قررت اتركها على راحتها وطلعت من الغرفه بهدوء وانا مقهورة من نايف تارك بنته للي وده يستفرد عضلاته

حرام والله حرام دخلت الصالة بضيق

سالتني خالتي : ناديتيها ؟؟

جلست وبعدها ناظرتها : والله حرام يا خالتي البنت كبرت ومخطوبه ما يصير يضربهوها كذا جسمها كله

الوان وسكتت من القهر

خالتي بلامبالاه : خليها يمكن تتسنع وتصير عدل

ام خالد : ما حد يموت من الضرب وحتى تغير الموضوع وش اخبار ام بدر

ام سليمان : رح تبقى عند اهلها لبعد الولاده وضعها تعبان وبنتها مغلبيتها تقول اخواتها يساعدنها عليها

ام خالد : الله يقومها بالسلامه .......

بعد الغروب شديت على بطني بيدي وانا احس بالجوع

بس ما لي نفس للاكل وقفت وتوجهت للبلكونه

كان الجو خيالي وفيه نسمه بارد ترد الروح للجسد ناظرت

للسماء يكسوها اللون الاحمر وكان فيها بعض غيوم متفرقه وبعدها ناظرت الاشجار بالحديقه كانت تتمايل من الهواء الخفيف وكانها تتراقص

ضميت يدي لصدري والهواء يلاعب شعري الطويل

وتنورتي تتحرك يمين ويسار بخفيف

اخذت نفس وما ادري ليه جات امي على بالي

مشتاق لها ومشتاق لكلمه يمه

ومشتاق لشوفتها رغم كل للي صار وسمعته منها

رح ابقى احبها احبها بالرغم من الجفى احبها اتمنى ارجع وارتمي بحضنها

وارمي كل همومي عليها

اتذكر لهفتي عليها لما تزور بيت جدي اركض من غرفتي بسرعه وانزل عندها بس اتفشل دايما لانها. كانت تنشغل مع خالاتي

وبلعت غصتي حتى اذا سألتها اي سؤال تطنشني ولا كأني كلمتها

ما زلت اذكر الموقف لما سألتها سؤال طنشتني ولا كأنه حد يكلمها

وانا متأكده انها سمعتني بس تشاغلت بالكلام مع خالتي ازهار

ظليت اناظرها وانا انتظر ترد على سؤالي

وبنفس الوقت جاء ابنها وسألها تركت خالتي وجاوبته وهي تضحك وبعدها ضمته وباسته على خده وهي مبسوطة

كنت اناظرها وقلبي ينفطر انا استحق هذا الحنان والاهتمام اكثر من ابنها

انا المفروض تجلس معي وتسألني عن حالي طول المده للي عشتها عند جدي سالم كنت انتظر امي تسألني عن حالي

تسألني كيف حياتي عند نايف

تسألني عن مدرستي

تسألني اذا ينقصني شي

تسألني تسألني تسألني تسألني

واجاوبها عن حالي واقول لها حياتي بدونك وبعيد عنك عذاب

كنت انتظر تسألني كيف قضيت 5 سنين عند نايف

كنت اتمنى اجاوبها واخبرها عن السجن للي كنت اعيشه اخبرها الظلم وقسوة نايف

كنت اتمنى اخبرها عن طفولتي المحرومه

كنت اتمنى اخبرها عن دار الايتام

كنت اتمنى اخبرها عن اول يوم بالمدرسة

كنت اتمنى اخبرها استهزاء البنات علي لانه ما عندي ام ترتبني

كنت اتمنى اخبرها عن كل شي ينقصني مثل باقي البنات

واطلع معها عالسوق وتشتري لي احلى الفساتين

كنت اتمنى اخبرها عن عمتي الهنوف وطيبتها وعن هديتها للي اعطتني اياها

كنت اتمنى اخبرها عن ام بدر وروعتها

واشياء كثيره كنت انتظر الفرصة حتى اخبرها بس ما اعطتني وقت كانت دايما تتهرب مني

عضيت على شفتي بألم وانا اتذكر لما كنا جالسين بالصاله وكنا نخطط لحفلة ذكرى ميلاد شروق ومندمجات بالتخطيط

بس لفت نظري لما خالتي غاده سألت امي : ابنك المقرود هذا متى ذكرى ميلاده واشرت على اخوي

ردت امي بابتسامه وهي تبوس اخوي وفرحانه فيه : ربي يحفظه ذكرى ميلاده ..../......./... ورح يكون بيوم الاثنين

ردت غاده بابتسامة : ول ول الظاهر انك حاسبه كم شهر بقى وكم يوم وكم ساعة

ردت امي وهي تحضن اخوي : بقى شهرين و6 ايام

سألتها خالتي : وريم متى ذكرى ميلادها

ناظرت امي وانا انتظر بشغف اسمع منها تاريخ ميلادي واحس فعلا اني مهمه عندها عالاقل بمعرفه تاريخ ميلادي

راضيه بالاهتمام القليل راضيه بس انصعقت لما سمعت الجواب وكأني زجاج وتحطم لقطع صغيرة

ناظرت امي خالتي وبتفكير : كأنه ....../....../.....

بصراحه كانت صدمه لي تاريخ ميلادي غلط غلط غلط رفعت نظري للسماء وانا هالذكرى تؤلمني ومع ذلك حطيت لها عذر يمكن ذاكرتها ضعيفة وتنسى وهزيت كتفي بحزن وانا اردد يمكن يمكن

اخذت نفس وذكرياتي تحوم لليوم للي غرقت فيه

غمضت عيوني وانا اتذكره بألم

اتفقت مع البنات نطلع للحديقه ونجلس فيها كان الوقت بعد العصر

طلعنا وجلسنا وحضرنا كل لوازم الجلسة وكنا جالسات ونضحك ومبسوطات ونعلق على بعض

شروق وهي تضحك : ههههههه بنات تخيلو شكل ريم وهي عروسه هههههههه

شوق وهي تكمل : ههههه ما اظن تلاقين فستان زفاف على حجمك

منار وعيونها تنزل منها الدموع من كثر الضحك : هههههه خلص روحي على قسم الاطفال عندهم فساتين ههههههه شي من الاخر

شروق وهي توخذ نفس من كثر الضحك : هههههه وتخيلوا العريس طولها ههههههه نقول له يروح على قسم الاطفال ههههههههههه

ناظرتهن : سخيفات اصلا وسكتت وفتحت عيوني على وسعهن

واشرت للبنات بخوف وانا اشوف اخوي الصغير قريب من البركه

وقفوا البنات بخوف وبعدها ركضنا قبل ما يقع بالمويه

بنفس الوقت شافته امي وخالاتي وركضوا مثلنا حتى يمسكونه قبل ما يسقط بمويه البركه

لما اقتربنا منه مدت شروق يدها تمسكه بس بلحظه تزحلق وغرق بالمويه

بنفس الوقت وصلت امي وجن جنونها لما شافت ابنها بالمويه وبدون قصد ابعدتني بيدها عن طريقها

بعجله حتى تنقذ ابنها

دفعتني بقوه عن طريقها وبسبب الدفع وقعت بالمويه وما كنت اعرف السباحه

كنت احاول ارفع راسي لخارج المويه حتى اخذ النفس شفت امي وانا احس نفسي خلاص رح اموت كنت احاول اطلع راسي من المويه وانا احس المويه تدخل حلقي واحرك يديني مثل المجنونه

نزلت امي للمويه ناظرتها وانتظرت تساعدني

بس انشغلت بانقاذ ابنها وطلعت من المويه وهي حامليته وابتعدت عن البركة

للحظه كنت رح استسلم للمويه خلاص ما اقدر اقاومالمويه اكثر ارتخى جسمي وغرقت بالمويه ...

ولما البنات استوعبوا الموقف نزلت بسرعة شوق ومنار وطلعوني من المويه بعد ما فقدت الوعي

كانت امي تصرخ باسم ابنها ما صرخت باسمي وكانه ما في بهالدنيا غير اولادها

وانا وانا يمه وين موقعي بحياتك وين موقعي بحياتك يمه وصرت اردد بيت شعر

يمه يا نبع الحنان .......

ناظرت الاشجار والسماء والغيوم والشفق الاحمر ببطئ وانا اتساءل

وين الحنان ليه ما سقتيني منه يمه ليه ؟؟؟؟

يمه مشتاق لغلاك قلبي الغلا اهداك ........

رفعت نظري للسماء وبألم تساءلت

ليه ما قابلتي الهديه بالمثل اهديت امي الغلا

ليه ما بادلتيني بالشوق والغلا ليه ؟؟؟؟؟؟

شوفتك تسوى كثير وحبك بقلبي كبير .......

غمضت عيوني بألم

ليه ما حبتيني مثل ما حبيتك

مسحت دمعه تسلسلت من عيني لما سمعت طرقه

خفيفه على الباب قطعت علي خلوتي بنفسي

سمعت خطوات قادمة باتجاهي ما تحركت من مكاني ظليت واقفه وضامه يدي لصدري

بعدها استقرت الخطوات جنبي وسمعت صوت دافي قريب من اذني : الجو ما شاء الله روعه

ما رديت وما اصدرت اي حركه وكاني متجمده سوى شعري للي يتطاير وتنورتي للي يحركهم الهواء وكأن الهواء يلاعب شعري وتنورتي

لما ما لقى مني جواب حط يده على كتفي برفق وبحنان وبلهجه تصرخ بالندم : بعدك زعلانه ؟؟ طيب لك رضاوتك اطلبي وانا انفذ وش قلتي ؟؟؟

ما رديت عليه

لفني على جهته وهو ماسك اكتافي بيدينه الاثنتين : وش يرضيكي يا بنتي ؟؟

وكانه بكلمة بنتي فجرت كل طاقه التحمل عندي

بعدت يدينه عني بعنف ودموعي غصب عني نزلوا وبألم رديت : مو بنتك انا مو بنتك لو انا بنتك كان ما ضربتني كذا كان ما خليت المتوحش يضربني

دايما اسمعكم كلكم تشتموني وتحتقروني وتضروبوني ما لي قيمه عندكم ما لي احترام

ضربتوني وكانكم ودكم تنتقمون مني

روحوا على بيت سالم وانتقموا منه انا ما لي ذنب بشي

واشرت على جهة الشارع : روح على سالم وانتقم منه وبضعف انا ما لي دخل فيكم كل يحط حرته فيني وش ذنبي علشان ما لي ام ولا اب يحموني ويدافعون عني

ويوم قررت اخذ حقي بنفسي وادافع عن نفسي ضربتوني

حرمتوني اعيش مثل اي طفله بين امها وابوها

حرمتوني اعيش طفولتي مثل باقي الاطفال

حرمتوني افتخر واذكر اسم بابا او ماما قدام البنات

حرمتوني اعيش جو اسره واحس بالامان

حرمتوني من كل شي تمنيته بحياتي ودكم الحين

تحرموني ادافع عن نفسي ودكم البنات يهينوني واسكت لانه ما عندي ام او اب ياخذون حقي من البنات ويدافعون عني

بعدها خففت نبره صوتي وناظرته بعيون دامعه مكسوره مذلوله : وين اروح ؟؟؟ ما حد طايقني ؟؟ ما حد يحبني ؟؟ انتحر وخلاص ارتاح وترتاحون

وجلست على الارض وحطيت يدي على فمي وانا اشاهق : ابوي يكرهني ما وده يشوفني وفوق هذا متبري مني بدون ذنب وامي ما تبغاني وبدون ذنب اقترفته الا اني غلطه غلطه

اذا امي وابوي كذا متبرين مني وحاقدين علي ويكرهوني لاني اذكرهم ببعض ما اعتب على حد اذا كرهني

وبعدها ناظرت جدي بابتسامة ألم : لا تخاف مو زعلانه منك

جلس جدي على الارض وحضني بقوه وبصوت مهزوز : ما عاش من يذلك وانا راسي يشم الهوى يا ليت يدي انكسرت قبل ما امدها عليك

وبعدني عن حضنه وابتسم على الخفيف وهو يمسح دموعي : انتي بنتي غصب عن الكل انت بنتي للي ربنا رزقني بها بعد هذا العمر مستحيل افرط فيك وبعدين انا اعاملك مثل بناتي اسألي هيفاء والهنوف عن الضرب للي حصلنه مني

انتي ولا شي على الاقل انتي انا راضيتك اما الهنوف وهيفاء كانوا يجون يراضوني هم وادلل عليهم

وبعدها وقفني وهو يبتسم : يالله غسلي وجهزي نفسك بعد العشاء عازمك بمطعم على احلى عشاء ويا ويلك اسمع اعتراض

اتفقنا

ناظرته ودموعي بعدها بعيوني ما ادري ليه رضيت عليه ابتسمت وانا اهز راسي وبصوت مبحوح : ان شاء الله

لا تقولون كيف رضيتين بسرعة انا طبعي كذا اذا زعلت ارضى بسرعة

اقترب جدي مني : ايوه كذا خلي الابتسامه على وجهك كذا احلى

ابتسمت بخجل

كمل كلامه : بعدين لا تقولين لحد عن الطلعه سر بيني وبينك اوكي

هزيت راسي بالموافقة

وبعدها باسني على راسي وطلع

**

**

**

**

**

**

**

بعد العشاء جهزت نفسي وناظرت نفسي بالمرايه واخذت نفس

وانا محتاره من تصرفات جدي احيانا يكون قاسي معي واحيانا طيب بس ما ادري ليه احسه يعاملني مثل بنته

صحيح انه البارحة ضربني بس ما الومه كل اب يعمل كذا لو المدرسة اتصلت به وخبرته ببطولات بنته مثلي اكيد رح يضربها ويعصب ويزعل منها وبما اني تحت رعايته فمن حقه اذا اخطأت يعاقبني بس انا للي زعلني وضايقني عمي فيصل ما له دخل بحياتي وما له يمد يده علي بما انه جدي موجود هو ما له دخل

وبصراحه تندمت لاني ضربت البنت كذا

كان لازم اتخذ اسلوب ثاني اخذ حقي منها مو كذا وكاني خريجة سجون

لحظه غضب بسببها فقدت صديقاتي وانتقلت لمدرسه ثانيه

لويت بوزي وبعدها طلعت من الغرفه توجهت لجهة الدرج وكالعاده ما اقدر اقاوم التزحلق

حملت صندلي بيدي ونزلت تزحلق على الدرابزين ولما قربت اصل للارضيه نطيت باحترافيه

سمعت صوت تصفيق رفعت راسي كان صقر يبتسم : ما شاء الله فاتحين سيرك هنا

طنشته وجلست على الدرجه الاولى البس الصندل

ناظرني وهو يغمز لي وبمرح : لا لا يهون عليك تقاطعين عمي الصغير لانه طردك من سيارته لا لا ما اقدر على بعدك انا

ناظرته بنص عين وبعدها رجعت اعدل الصندل

ناظرني وهو يضحك : ههههههه تدرين يا ريم انك هههههههه تحفه وانتي زعلانه ههههههههه

وقفت بقهر : نفسي افهم شخصيتك المتناقضه احيانا تضحك معي وتمزح وكاني واحد من ربعك

واحيانا تناظرني بفوقيه وغرور وتسمعني كلام يغث

ممكن اعرف وش سبب التناقض وكتفت يديني

ناظرني وهو يبتسم : امممم سؤال وجيه وحتى تعرفوا الاجابه تابعونا بالحلقه القادمه هههههههه

ناظرته بقهر : متاكد انك مو شارب ؟؟

ناظرني وهو يضحك : سالب وإلا موجب هههههههه

قهرني يتريق علي طنشته وطلعت وانا اسمعه يناديني وين رايحه

##

##

##

##

كان جدي بالسياره ينتظرني فتحت الباب الامامي وركبت بعد ما رديت السلام بصوت هامس

وبعدها حرك جدي بهدوء ......

دخلنا المطعم واختار جدي طاوله بعيده شوي عن الناس

جلسنا بهدوء ناظرني جدي وهو يبتسم : يالله المزيونه وش ودها تتعشى ؟؟

ابتسمت بخجل وناظرته : للي تبغاه اي شي

رد علي : وش رايك بكبسه ؟؟

ناظرته باستغراب : كبسه !!!

ناظرني وهو يقرص عيونه : انتم البنات تحبون الاشياء الخفيفه هاذي الاشياء ما تعجبكم تخافون يخرب البرستيج

ابتسمت : لا عادي خلص اطلب كبسه

رد جدي وهو يسند ظهره على الكرسي : اذا ما تبغين كبسه خلص عادي اختاري شي ثاني وما عليك مني لاني لو يطلع بيدي فطوري وغداي وعشاي كبسه

رديت بهدوء : لا عادي خلص اطلب كبسه ما عندي مشكله

طلب جدي لنا كبسه وامور ثانويه وبعدها التفت علي : هاه مبسوطه يا بنتي ؟؟

هزيت راسي بالموافقة

تنهد وهو يسند راسه على يدينه : تعرفين كان ودي اخذك معي لما اسافر بعد يومين تغيرين جو وتتعدل نفسيتك شوي

رفعت حاجب : طيب وين المشكلة ؟؟؟

ضربني على راسي بخفه : ناسيه المدرسه ؟؟؟

لويت بوزي : عادي اعطل ما رح يؤثر !!

رجع جدي سند ظهره على الكرسي : ما شاء الله عليك والاصفار للي تعبتي حتى حصلتيهم حرام يروح تعبك على الفاضي

وناظرني وهو يقرص عينه : تذكرت انا اتصلت بمديره المدرسة الجديده وخبرتها عن وضعك وعن مرضك وقالت مو مشكله تعيد الامتحان الاول عندهم وبعدين لا تنسين انه امتحانات الشهر الثاني على الابواب يعني جدولك فل

لما ينتهي الفصل رح اخذك معي وتختارين المكان للي نفسك تسافرين له اتفقنا

هزيت راسي وانا مقهورة من المدرسه ضيعت علي السفره

ناظرني جدي وسألني سؤال ما توقعته صعقته بالجواب وتناقشت معه بهذا الموضوع

وحنا نتناقش وصل الاكل وبعد ما راح الجرسون ناظرني وابتسم : شرطك ووافقت عليه بس المقابل تدرسين وتحصلين علامات ترفع الراس والحين تعشي وبعدها اطلبي اي شي مني وانا انفذه بس استعجلي وقت الدلال محدود

ابتسمت وتذكرت وحبيت استغلها لصالحي : اممم جدي ابغى خط نت

ناظرني بشك : وش تبغين فيه ؟؟

رديت : يعني كل بنات للي بعمري عندهم لاب توب ويدخلون النت الا انا حتى بنات عمي عندهم

رد بتفكير : بس اخواتك ما عندهم !!

رديت بابتسامة : انت جاوبت اخواتي بنات نايف اما انا بنتك وبعدين انت قلت لي اطلبي وانا انفذ

تنهد جدي : طيب اعتبريه وصلك ولاب توب كمان

وش تبغين

لعبت بالملعقه وانا احركها : اممم جوال

ناظرني وكانه مو عاجبه : بس بعدك صغيرة على الجوال ما له حاجه قبل ما تقولين بنات عمي عندهم اقول لك ما حد عنده الا سديم ورغد لانهم باخر مرحله بالثانويه

رديت باعتراض : بس انا كبيره ادرس اولى ثانوي

ضحك جدي وهو يناظرني : هههههه تذكرين يوم المكتب وانا اسألك أي صف تقولين اولى ثانوي وقتها رفعتي الضغط عندي

رديت بزعل : تضحك وانت كسرت وجهي من الكفوف مشكلتكم ما عندكم حل وسط كله ضرب

ضحك جدي : ههههه لا تقولين ودك الحين رضاوه على هاذي السولافه تراها قديمه

رديت وانا لاويه بوزي : ايه زعلانه وابغى رضاوه جوال

ابتسم جدي : طماعه اوكي خلص اعتبري الجوال وصلك

قمت من مكاني وبسته على راسه : مشكووووووور

وانا مبسوطه على االاخير وانا اتخيل شكل بنات عمي لما يشوفون معي الجوال وكمان عمي فيصل خله يفقع < اعرف اني مجاكره 

رجعت مكاني وناظرني جدي بحزم : بس من الحين اقول لك لو اسمع خبر انك تكلمين زياد ما رح اسحب منك الجوال رح اكسره فوق راسك مفهوم وما رح اراضيك وقتها

ابتسمت : اوكي اتفقنا وبحماس متى تجيبه لي

ابتسم جدي على حماسي : كملي عشاك وبعدها اشتري لك

كملت عشاي بسرعه وانا متحمسه للجوال احس نفسي ودي اطير وانا اناظر جدي ياكل ببطئ

فزيت بسرعة لما وقف جدي بس ناظرني جدي باستغراب : وين وين ؟

ابتسمت باحراج : اروح معك علشان الجوال

اشر لي بالجلوس : اقعدي وخلك ثقيله انتظري هنا اغسل واجيك ما رح اتاخر

حسيت بالفشيله وجلست على الكرسي باحراج

بعدها رجع جدي وتجولنا بالسوق واشترى لي جوال من احدث الانواع واخترته لونه زهر وبعدها اشترى لي خط للجوال وخط نت وبعدها اشترى لي لاب توب

كنت امشي معه واحس نفسي طايره من الفرح ودي اطير

نسيت كل احزاني اعرف اني بعدني مثل الاطفال يبكون واذا حد اعطاهم هديه ينسون ام البكاء وما يدرون عنه

وانا الحين مثلهم فرحتي كانت كبيره

حاول جدي يقنعني اشتري ملابس او اي شي ينقصني

بس رفضت وانا مستعجله ودي ارجع عالبيت وامسك الجوال بيدي

رجعنا على البيت وانا بقمه سعادتي 

**

**

**

**

**

**

**

جالس بالمجلس ويهز رجله بتوتر وبنرفزه: يا برود اعصابك تقول انها طلعت ومو عارف مع مين وجالس تنكت مع الشباب

رد صقر ببرود وهو يناظره : بقلعتها وش تبغاني ادور بالشوارع ادور عليها

فيصل بقهر : خلص اسكت ما ودي اسمع صوتك وناظر ساعته حتى ابوي تاخر وين راح ارن عليه ويعطيني مشغول

وبعدها ناظر نايف : وانت بنتك الوقت تأخر وما رجعت وبعدك جالس

صقر ببرود يقهر : يمكن مواعده زياد وبعدها ناظر الشباب كل شي جايز

صرخ فيصل : اخرس ما ودي اسمع صوتك فاهم

وبعدها ناظر امه المشغوله مع الجوز الثلاثي بامور مهمه الله يستر من تجمعهن

ناظر فيصل امه : عاجبك سوالف ابنك

الجده : والله يا بنيه ما ادري وش اقول وبعدها رجعت تكمل سوالف مع الجوز الثلاثي الظاهر سوالفهم خطيره ما تحتمل التأجيل حتى انها ما تهتم لامر ريم

نواف يهمس لسليمان : تتوقع وين راحت ؟؟ تدري لو ادري انها مع زيادوووو الا اكسرها بيدي

سليمان وهو يناظر للبعيد : يمكن ما استبعد عنها شي لا تنسى وقفتها مع زياد ضدنا المره الماضيه

نواف يؤشر بحواجبه على بدر وعمر : لمتى رح يضلون على هاذي الحاله ما يكلمون بعض

سليمان بدون اهتمام : لا تخاف بكره يرجعون لبعض مستحيل تنقطع العلاقه على طول

المهم عندي انه ريم تتطلق من الزفته بس مو لاقي طريقه اطلقها منه

وجدي رافض فكره الطلاق والحيوانه ملزقه فيه وكانه حاجب لها وعض على شفته بقهر

نواف بهدوء: انا معك بطلاقها بس اخاف من الاثم والحرام ولو يطلع بيدي هالحقير يطلقها اليوم قبل بكره

فجأة دخل المجلس الجد ورد السلام بصوت جهوري شوي

ردوا الموجودين السلام وبعدها وقف فيصل حتى يخبر الجد بس سكت

لما شاف ريم داخله المجلس وبصوت ناعم ردت السلام

سليمان ينغز نواف : ما كانت كذا وهي صغيره

نواف : الظاهر انه حرق شمس وبعدها اعطاه نظره تهديد اخبر السلطات عليك واشر بحاجبه على جهة سديم

سليمان يبتسم : لا دخيلك وبعدين مجرد راي شوف شوف هذول الاربعه اكلوها بعيونهم واشر بحواجبه على بدر وعمر وسامر وعبود

ناظرهم نواف : حتى سامي بس تدري احس انهم ودهم يخطبونها عناد ببعضهم

هز سليمان راسه : يمكن كل شي جايز

فيصل يناظر ريم للي جالسه جنب الحريم : وين كنت طالعه بدون استئذان

ناظرته ريم وبابتسامه تقهر : كنت مع جدي عزمني على العشاء واشترى لي لاب توب وخط نت وكمان اشترى لي ورفعت يدها وهي تمسكه جوال

وبابتسامه تقهر : حلو صح ؟؟؟

ناظرها الجد ابتسم وهو عارف مقصدها

وقف نايف بعصبية : لهنا ويكفي مهزله وناظر ابوه سحبت البنت مني وقلت انك ودك تربيها عندك ورفضت انها تسافر معي ومع ذلك ما اعترضت

زوجتها ولا اخذت شوري ومع ذلك ما اعترضت

منعتها من التغطايه وما سمعت اعتراضي

واخرتها تشتري لها جوال اسمح لي يبه رجاء اسحبه منها بدون مشاكل

ناظرت ريم نايف باستغراب وهي تقول بنفسها معقول كان صادق معي و رجع ياخذني علشان اسافر معه بس جدي منعه ليه ؟؟؟

وقف الجد بعصبية : اولا رفضت انها تسافر لاني خبرتك السبب اكثر من مره وش يضمن انك ما تضربها والبنت تهرب وين رح تلاقيها ببلاد الغرب قول لي وين رح تلاقيها

ثانيا زوجتها وعمرها 14 وكثير بنات يتزوجن بهذا العمر مو مثلك لما كان عمرها 8 او 7 سنوات ودك تزوجها لعزام صاحبك !!!

الكل ناظر نايف باستغراب وعلامات الدهشة على وجوههم

كمل الجد متجاهل نظرات الاستغراب

ومنعتها تتغطى لانك تعرف وضعها الصحي اكثر مني

اما الجوال فريم بنتي وانا حر بنفسي اشتري لها للي ودي إياه وبعدها اعطى نايف نظره قويه

نايف بهدوء وهو يحاول يضبط اعصابه وهو يناظر ابوه : طيب خلها ترجع تعيش عندي انت شايف البيت كله شباب عندي توخذ راحتها اكثر

رد الجد بحزم : اتوقع طلبت هذا الشي مني اكثر من مره وقلت لك ريم ما تطلع من بيتي الا لبيت زوجها ويا ليت ما ترجع تفتح الموضوع مره ثانيه

ورجع الجد مكانه وجلس بهدوء

نايف جلس مكانه وهو حاس نفسه مقيد كثير من ابوه تنهد بقهر وعجز

كان فيصل وده يعترض بس سكت لما سمع كلام ابوه اذا نايف ما سمح له يتدخل اكيد ما رح يسمح له كمان يتدخل وعض على شفته بقهر وناظر ريم تلعب بالجوال وكانها تجاكر فيه شد على اسنانه بقهر وهو يتمنى يقوم يطقها

عند البنات

روان بقهر : اخخخخخ يالقهر انا اكبر منها ورافضين يجيبون لي جوال

سديم تناظر ريم بحقد: شوفوا تلعب فيه علشان تقهرنا مالت عليها

مي وارتفع عندها الضغط : ليه يعني جدي يميزها عنا كذا يعني وش تفرق عنا ولا كمان مشتري لها لاب توب و انا ما عندي الا لما ادخل ثالث ثانوي واضطر استخدم لاب رغد

سلمى لوت بوزها : انتم على الاقل عندكم اما احنا ممنوع نستخدمه

روان بقهر : عمي نايف وابوي كبي بيس نسخه واحده بالعقليه والتحجر افففف بعكس عمي ابو سليمان وعمي سلطان تحسونهم في شي اسمه تفاهم عندهم ومواكبه العصر

سديم تناظر اختها روان وهي تقرص عيونها : لو يسمعك ابوي يا عصريه

رغد اشرت بعيونها : اقول ناظرن ريم كيف مندمجه بالسوالف مع الحريم ما ادري كيف تستحمل سوالف الحريم فلانه تطلقت وتزوجت

سديم وهي ترجع ظهرها للكنبه : لا والمشكله جدتي وحريم اعمامي يستانسون معها وامي تقول والله القعده مع ريم احسن من القعده معكن

والله مو عارفه وش يعجبهن بسوالفها

رغد تغمز لسديم وبصوت هامس : ما علينا منها قولي لي سليمان ما اتصل فيك اليوم

سديم بصوت هامس مقهور : لا ما اتصل بس ارسل رسالة

رغد بهمس : خليني اقرأها

سديم خايفه حد يسمع وبصوت هامس : بعدين بعدين

وبعدها رجعوا يكملون كلامهم مع البنات ......

**

**

**

**

**

الجده وهي تضحك بشويش : يقطع شرك يا ريم طيب وما قالت لك البنت وش صار بعد ما ابو سعيد ضربها وطردها

ريم وهي تناظر جدتها والحريم ومعطيه طاف للي حولها : لا والله ما قالت لي البنت لانه صارت المشكله بالمدرسه وما جلست معها

ام خالد : شفتي يا خالتي طول وقتها تقول انا وانا ونافشه ريشها وبالاخير طلع زوجها ضاربها وطاردها كمان

ناظرت ريم ام خالد وام سليمان : انتم ضحكتوا علي وعدتوني بلاب توب وما

قاطعتها ام خالد : انتي للي ما عجبك تتشرطين ودك النوع الفلاني وما ادري ايش انا وعدتك لاب وانتي ما حددتي نوعه وبعدين يا طماعه دوبه عمي مشتري لك واحد

ابتسمت ريم : ومين قال لك اني ودي تجيبين لي لاب توب الحين

خلص فستان زواجي تفصيله على حسابك انتي وخالتي ام سليمان

ومن الحين اقول لك انا اختار التصميم اتفقنا

ام سليمان : بعد سنتين ذكرينا هههههه

ام خالد بتحقيق : وكيف اقنعتي عمي يشتري لك جوال ؟؟

جدتي بقهر وكأنها الحين تذكرت : وكمان عازمها على العشى وانا صار له متزوجني0 100 سنه ولا مره عزمني على مطعم

سبلت ريم عيونها بدلع وهي تبتسم : لانه ما عندكن اسلوب بالكلام والدلع مثلي

ام سليمان وهي تكش عليها : لا يا شيخه اقول طيري

ردت ريم بابتسامة : اذا مكياج ما تعرفن تحطن على وجيكهم ودكم تنعزمون على مطعم

ناظرتني ساميا : صحيح تذكرت من وين متعلمه هذا الرقص

جدتي : اعوذ بالله من هالرقص الله لا يبلانا

ناظرت ريم الجده وهي تقرص عيونها : قولي انك غيرانه لانك ما تعرفين ترقصين مثلي وبدلع اصلا ما رقصت كويس لانه حفلتكم اسلاميه ومو حاطين اغاني

شهقت جدتي وحطت يدها على صدرها وبصوت عالي نست نفسها : وهذا والحفله اسلاميه ورقصتي كذا يا ريم شلون ترقصين لو كان اغاني

ناظروا الكل لجهتنا

ناظرت ريم الموجودين باحراج وصار وجهها الوان وبعدها ناظرت جدتها بمعنى عجبك فضحتينا

وبعدها همست ريم لهن : صدقني ما رح اعلمكم الرقص على اصوله ولوت ريم بوزها

ام سليمان : ومين قال لك ودنا نتعلم ؟؟!!

ريم رفعت حاجب وبدت تلعب براسهن

نتركها تلعب براس الحريم ........

**

**

**

**

**

**

**

**

صقر جالس عند الشباب ومبسوط فجأة سمعوا صوت ضحك عالي

كل المجلس ناظروا جهة الحريم كانوا يضحكون ومو قادرين من كثر الضحك

والجده حاطه يدها على فمها من كثر الضحك ودموعها تنزل

وريم تناظرهن بابتسامة جميله وجذابه

اعطى الرجال الحريم نظره سكتن إلا الجده صارت تضرب على فخذها من كثر الضحك

الجد بحزم : وبعدين

ردت الجده وهي تضحك : ههههههه مو ههههه قادرة هههههههه يقطع ههههههه شرك يا ريم ههههههههه

ودخلت بنوبه ضحك والحريم رجعوا يضحكوا من جديد بقوه

عصب الجد وبصراخ : قومن اطلعن برااااااا ولا وحده تبقى هنا اشوف

وقفن الحريم وهن مو قادرات يوقفن من كثر الضحك والجده تتمايل بمشيتها من كثر الضحك

وصوتهن برا المجلس يقولون ريم

وقفت ريم تطلع بهدوء بس ناداها الجد بحزم : ريم تعالي هنا

تقدمت ريم لعند الجد للي كان جالس بصدر المجلس : نعم

الجد بحزم : وش قلتي لهن حتى ضحكوا كذا

ناظرت ريم الموجودين بالمجلس والكل يناظرها وعنده لقافه يعرف وش سبب الضحك

رجعت ناظرت جدها وبابتسامه : سوالف حريم

فيصل عصب وبقهر : انتي يالبزر وش عرفك بسوالف الحريم وصار يقلدها باستهزاء سوالف حريم

ناظرت ريم عمها فيصل وهي تحط يدها على خصرها : وش شايفني شاب شواربه مترين ؟؟

صقر : لا شايف قزم مضيع رضاعته

ضحكوا الشباب بصوت عالي

اسكتهم صرخت الجد : ولا نفس هاذي بنت عمكم وتحترمونها غصب عنكم وبعدها ناظر فيصل لا تكلم ريم مرة ثانيه كذا البنت كبيره ومخطوبه

وبعدها ناظر ريم : ابغى اسمع سوالف الحريم يالله سمعينا خلينا نضحك

اقتربت منه وهمست بإذنه وخبرته بالسولافه

وقبل ما اكملها ضحك جدي

وهو يناظرني : ههههه انتي داهيه ههههه خلص روحي ههههههه

ناظرته ريم : بس بعدني ما كملت لك السولافه

اشر الجد بيده : هههه خلص ما ودي اسمع اثقلي يا بنت هههههه يالله اطلعي بسرعه

طلعت ريم والكل يناظر الجد وعنده لقافه يعرف السولافه

صقر : علامك يبه تضحك ؟؟؟

الجد زاد في الضحك وما قدر يرد من كثر الضحك

فيصل والفضول ذبحه : وش للي يضحك كذا ،؟؟

الجد وهو يضحك : سوالف حريم ههههههههه خلص انسوا السولافه هههههههه

سكت الجميع وهم متضايقين ودهم يعرفون السولافه والفضول ذبحهم ....

**

**

**

**

**

**

**

في صاله وسيعه جدرانها محجره باللون البني والبيج والكنب اوف وايت وعلى الجدار بالزاويه ساعه كبيره على شكل قلبين حب مندمجات ببعض القلب الاول فيه xxxxب الساعه والقلب الثاني منظر من ورد كان جالس بالصاله ومتربع على الكنبه و يطقطق على اللاب ومنسجم

دخلت امه بهدوء وحطت فنجان القهوة على الطاوله

وبضجر جلست مقابله

ناظرها وهو مروق ويبتسم : علامه القمر زعلان ؟؟

ناظرت ابنها ذو البشره الحنطيه والملامح الجميله وبقهر: انت اخرتك تجلطني ببرودك

ناظر امه وابتسم من يوم الشجار وهي تفتح معه موضوع الطلاق ما ملت : يا يمه البنت ما لها دخل باولاد عمها

لوت امه بوزها : وعاجبك انها تكلمني من طرف خشومها وإلا لبسها الماصخ

ابتسم على امه نفس السولافه تعيد كل يوم : يا يمه لا تحكمي على البنت من اول مره يمكن كانت تعبانه واكيد انها ما تعرفك

لو كانت تعرفك كان استقبلتك احلى استقبال ولباسها انا ما رح احكم على البنت اولا لانه يمكن بيئتها ما ساعدتها على الالتزام

وجدها خبرني انها اصلا ما تتغطى عندها مشكله ومع الايام تنحل

وبعدين احس البنت فيها خير كونها ما تتغطى بس بالحفله تقولين تلثمت قدام اولاد اكيد علشان المكياج

والبنت الظاهر انها مطيعه لاني بس طلبت منها تغطي وجها

تغطت بدون اعتراض

رفعت ام زياد حاجبها : تدافع عنها كذا وانت بعدك ما تزوجتها عيل لما تتزوج اكيد رح تبعينا كلنا علشانها ست الحسن والجمال

اخذ نفس زياد ومو عارف كيف يقنع امه واخيرا اجت فكره براسه : اسمعي يمه وش رايك بكره تزورينهم

واذا استقبلتك استقبال ما عجبك انا مستعد اطلقها

لانها للي ما تشيل اهلي بعيونها ما ابغاها

موافقه ؟؟

ناظرته امه بتفكير : موافقه ولا تخاف وتقول اني رح اكذب عليك رح اقول لك الصدق

ابتسم زياد : خلص اتفقنا وتناول فنجان القهوة وشربه بهدوء .......

**

**

**

**

**

**

**

**

**

في اليوم الثاني ( يوم جمعه )

بعد الغداء كانت ريم تحضر فلم سمعت طرقات على الباب وبصوت كله ملل : مين

فتحت طيف الباب : انا تعالي العبي معنا

ناظرتها ريم وبعدها التفتت على التي في : ما ابغى الحين بعد العصر تعالي

تبرطمت طيف وطلعت تخبر الاولاد

ورجعت ريم تتابع الفلم

كانت حياتها فارغه روحيا ما في اي صله بينها وبين ربها

اكملت ريم متابعة الفلم دون ان تدرك ان الله يراقبها ومطلع عليها

وبعد انتهائه توجهت للاب توب ودخلت النت تتصفح بشكل عام بعض المواقع المهتمه بالازياء

بعد وقت دخل عليها احمد بلهفه : يالله اذن العصر تعالي العبي معنا

بدون ما تناظره ريم وهي تتصفح المواقع : وش قاعدين تلعبون ؟؟؟؟

احمد بحماس دخل الغرفه : الغميضه يالله تعالي

ناظرته ريم وتاففت وهي تسكر الاب : الحين اجي

وبسرعه ركض احمد يخبر الاولاد

طلعت من الغرفه العب معهم وبدينا

اللعب ودخلت حماس باللعبه

وبعد مرور وقت باللعبه كانت طيف تلحقني حتى تمسكني

كنت اركض بالصاله للي قدام غرفتي كنت اركض بحماس

والحيوانه طيف سريعه كثير ومن كثر الحماس بدون وعي توجهت للدرج وتزحلقت على الدرابزين

ومع ذلك هالزفته طيف نزلت على الدرج تلحقني

وصلت قبلها لتحت وبسرعة توجهت خلف الدرج

وهي تلحقني

وبعدها ركضت على المطبخ وانا خلاص تعبت ما اقدراتحمل ركض اكثر

تخبيت تحت الطاوله بالمطبخ

ارتاح شوي واريح جسمي كنت اتنفس بسرعة وقلبي يدق بسرعه

وبعد خمس دقايق دخلت طيف المطبخ كنت مرتاحه شوي ونفسي رجع طبيعي تقريبا

خليتها حتى اعطتني ظهرها وبسرعه طلعت من المطبخ وانا اركض

ومن كثر الحماس كنت ازاعق

دخلت غرفه استقبال الحريم ووصلت لنص الغرفه وانا اناظر خلفي وازاعق

بعدها وقفت وناظرت امامي وانصدمت وانا اشوف عندنا ضيوف

وللاسف مو اي ضيوف

ناظرت نفسي كنت لابسه بلوزه باكمام طويله لونها اسوده ماسكه على جسمي (بدي)

وشباح جينز ازرق وكمان ضيق

وشعري هنا المشكله رابطه قرون وحاطه شبره لونها ابيض

كنت واقفة ومتصنمه دخلت طيف من خلفي وهي تضحك ومسكتني وبصراخ : مسكتك مسكتك

ناظرتنا جدتي وبحده : ريم طيف

كنت ودي انزل وادبك واقول طار العريس طار العريس

يخلف علي وعلى حظي ....وداعا إلى اللقاء يا عريس الغفلة <فيس يبكي

بس لااااااااااا مستحيل استسلم واطير العريس من يدي

اخذت نفس وبابتسامه : هلا والله بخالتي ام زياد وانا اقول البيت منور

وتقدمت منها وبوستها على راسها وجلست مقابلها وانا اهلي وارحب بها

وبعدها ناظرت طيف : خلص روحي عند البزران

وبعدها ناظرت ام زياد وانا ابتسم : تعرفين اطفال صغار وجدي ما يخليهم يطلعون يلعبون برا فحبيت افرحهم والعب معهم وحتى اكون قريبه منهم لبست وعملت كذا بنفسي وابتسمت بغباء

ناظرت جدتي وهي متفشله مني وتناظرني بحده

ابتسمت ام زياد مجامله : اخبارك يا ريم ؟؟

ناظرتها وانا ابتسم : بخير الحمد لله

ردت ام زياد : اسفين زرناكم بدون موعد

ناظرتها وانا ادلع : لا عادي يا خالتي البيت بيتكم وبأي وقت تشرفينا

دخلت الخدامه ومعها العصير وقفت بسرعة حتى اظهر قدامها اني سنعه وتناولت من الخدامه صينيه العصير

ام زياد :خلص لا تتعبي حالك

قدمت لها العصير : تعبك راحه يا خالتي انا اخدمك بعيوني وبنفسي كنت اقول كله علشان عريس الغفلة 

وبعدها قدمت لجدتي وهي تهمس لي علشان ابدل ملابسي طنشت لانه خلص شافتني وانتهى الأمر

وحطيت صينيه العصير وجلست مكاني

ناظرتني ام زياد نظره ناقده : وكيف دراستك ؟؟

ابتسمت : الحمد لله

دخلت الغرفه ام خالد وقفت وانا اهلي بها : هلا هلا خالتي تعالي اجلسي اعرفك على خالتي ام زياد

ناظرتني ام خالد وهي تقرص عيونها بمعنى من متى الاحترام بس سلكت لي

تقدمت وسلمت على ام زياد وبعدها جلست

ودخلوا مع بعض سوالف مع انه جدتي وام خالد ماخذين موقف منها علشان المشكلة للي صارت

وبعد مرور ساعه استأذنت ام زياد كان ودي اطلع معها بس جدتي حشرت نفسها وطلعت معها

انقهرت وجلست على الكنبه بقهر ناظرتني ام خالد

وهي ترفع حاجبها : مبسوطه على حالك

ناظرتها : وش تقصدين ؟؟؟

ام خالد وهي تناظرني بتأكيد : اذا ما وصلتك ورقة الطلاق باي وقت راجعيني

تظنين ام زياد رح تسكت ابنها يتزوج بزر روحي ناظري نفسك بالمرايه

انا ما اهينك قاعد بس انا اقول الحقيقة لانه ما في ام ترضى ابنها يتزوج بزر مثلك

وبعدها وقفت وطلعت من الغرفه بدون ما تنتظر مني جواب

بصراحه دب الرعب بقلبي معقول تخلي ابنها يطلقني الله لا يوفقها اذا عملت كذا لانه حرام عليها انا مالي ذنب

حسيت الدنيا سكرت بوجعي وبسرعه طلعت من الغرفه وتوجهت للدرج وانا ناسيه وجود اولاد عمي بالطابق الاول وصلت الدرج وما انتبهت على الشخص للي شافني وصد وجه للجهة الثانيه

دخلتي غرفتي وانا اندب حظي ........

**

**

**

**

**

**

ركبت ام زياد مع زياد وبعدها حرك السياره كانت امه

ساكته واستغرب سكوتها

سألها بهدوء : كيف الزياره ان شاء الله استانستي

بس تفاجئ بدموع امه

وقف السياره والتفت لامه : علامك تبكين يمه ؟؟ وش صار ؟؟ حد آذاك بكلمه ؟؟

مسحت امه دموعها وبعدها تنهدت : حرام عليهم

ناظرها باستفهام وهو عاقد حواجبه

نزلت دمعه من خدها : ولا شي يمه تمم زواجك منها البنت طيوبه وعلى نياتها والابتسامه ما تفارق وجهها

وان شاء الله تسعدك

ناظر زياد امه وحس في شي تخبيه عنه بس ما حب يضغط عليها هز راسه وبعدها حرك السياره وهو يفكر ليه امه تبكي .........

**

**

**

**

**

**

**

**

**

رمت نفسها على السرير وهي خايفه حتى ما طلعت من غرفتها ومقفله الباب على نفسها

وحتى رفضت تتعشى اخذت نفس وخلاص راسها انفجر من كثر التفكير

ووصلت لقرار نهائي اكيد اي لحظه رح توصلها ورقه الطلاق

**

**

**

**

دخلت غرفتها بدلت ملابسها وبعدها بدقايق دخلوا بناتها عندها وطلبوا منها تخبرهم عن مشوارها

ناظرتهم بحزن ودموعها تلمع بعيونها : اه يمه لو شفتوها تكسر الخاطر ما تصدقون انها نفسها للي شفناها بالحفله هاذي طفله صغيرة تصدقون ما تفرقونها عن حفيدتهم بالصف الأول الابتدائي ما ادري كيف زوجوها

قاطعتها سوسن : بس بالحفله عادي شكلها !!!

طيب كيف استقبلتك ؟؟ وش كانت لابسه ؟؟

ردت أم زياد : اصلا ما تدري عن وجودي قاعده تلعب مع البزران وهم يلحقونها دخلت الغرفه وتفاجئت بوجودي لابسه بنطال وبلوزه ورابطه شعرها قرون

ضحكوا بناتها وهم مستغربات قرون

تنهدت الام : اقول لك ما تفرقينها عن البزران

سألت نوفه : طيب حلوه بدون مكياج ؟؟

ردت ام زياد : تبارك الرحمن مثل اللعبه وخدودها يجننون لونهم زهر وشعرها سبحان الخالق لونه يجنن ما ادري اذا مصبوغ او طبيعي

بس سبحان الله الزين ما يكمل البنت قصيره كثير وما تناسب زياد من ناحية الطول فرق كبير يعني للي يشوفها يظنها بنته مو زوجته

ردت بنتها سوسن : الطول لا تحزرين عليه يمكن تطول هذا عند ربنا

ام زياد : ان شاء الله ربنا يسمع منك والله انها تكسر الخاطر

تصدقون انها تعيش عند جدها

سألت نوفه : وابوها عايش صح ؟؟

ام زياد : ابوها وامها عايشين بس راميينها وتكفلها جدها والله احس قلبي متقطع عليها لو تشوفين عند رقبتها شفت لون احمر خفيف الظاهر انه مكان ضرب وبحرص انتبهوا لا تجيبون سيره لزياد مو ناقصنا مشاكل

حرصت ام زياد بناتها ما يخبرون زياد بشي وكملت لهم كلامها عن الزياره ......

**

**

**

**

**

**

**

**

صحيت ريم الصبح ونفسيتها زفت وعقلها مشغول

وهي تفكر

جهزت نفسها وقبل ما تطلع ناظرت نفسها ووجها شاحب

طنشت وما تناولت الفطور نفسها مسدوده ونزلت

الدرج بهدوء

كان سامر ونواف واقفين بالصاله الخارجيه طنشت ريم وجودهم ونزلت الدرج بهدوء وهي سرحانه بعقلها

مو عارفه وش تسوي اذا طلقها اكيد الجوز الثلاثي رح يشتفون فيها

وعمها فيصل وعضت على شفتها بقهر اكيد رح يشتفي ويجاكرها

امتلأت عيونها بالدموع خلص مو قادرة تستوعب فكرة الطلاق

مر على ملكتها شهر ونص وتطلق نفضت راسها بالرفض حتى تبعد هاذي الفكره من راسها

بس

نقزت على صراخ صقر رفعت نظرها وجدت حالها بعدها بنص الدرج واقفه

ناظرت صقر بغباء علامه يصرخ

تكلم صقر وهو عاقد حواجبه : انتي مخبوله لك 5 دقايق واقفه بنص الدرج واكلمك وانتي بعالم ثاني

ناظرته ريم وكان سامر ونواف واقفين جنبه وبعدها نزلت راسها ونزلت بهدوء وما تكلمت بحرف

ناظرها صقر باستغراب من الهدوء والسرحان والدموع للي بعيونها

مرت من جنبهم بهدوء وما تكلمت بحرف وكأنه كل هموم العالم فوق راسها

نواف يناظر صقر : علامها اليوم ساكته كل يوم تلاقيها صوتها يرج البيت بالازعاج

صقر وهو يبتسم : يمكن ناسيه رضاعتها

وبعدها طلع متوجه لسيارته حتى يوصل البنات للمدرسه قبل ما يروح دوامه

**

**

**

**

**

**

**

**

**

وصلت ريم لسيارة صقر كانوا البنات متجمعات عندها وقفت بعيد شوي عنهم كانوا يناظرونها ويتهامسون

طنشت نظراتهم وهمساتهم سمعت صوت صقر قريب منهم وهو يناظر البنات : ابعدن عن السياره لتخربوها والله ما ادري وش مستفيد منكن كأني سواق

سديم تناظره : واحلى سواق بالعالم

ناظرها صقر وهو يصغر عيونه : اضحكن علي بكم كلمه يالله يالله اركبن بدون كثرة حكي

توجه صقر وفتح بابه وقبل ما يدخل ناظر ريم للي كانت واقفه بعيد عن البنات ابتسم لها وهو حاسها حزينه وشي مشغل بالها : يالله شرفي والا ودك عزيمه يا اميره

دخلوا البنات بدون تعليق وبعدها تقدمت ريم بهدوء وما ردت على صقر

وركبت من الخلف وجنبها لينا

بعدها حرك صقر وطول الطريق يناظر ريم من المرايه ومحتار وش للي يخليها كئيبه كذا

طول الطريق وريم تناظر من الشباك وكأنه كل احزان العالم فوق راسها

وبعد مرور وقت وقف صقر ولف وجهه على البنات : يالله شرفن يا جواكر

روان فتحت عيونها : حنا جواكر ؟؟؟

صقر وهو يبتسم : ايه كلكم جواكر باستثناء القمر للي بالخلف زعلان

ناظروا البنات كانت ريم تناظر الشباك وعلامات الحزن على وجهها

ما عجبهم البنات الكلام ونزلوا وهم يتحلطمون

حركت ريم نفسها حتى تنزل وقبل ما تنزل مسك صقر يدها وبجديه : وش مضايقك ؟؟؟

ناظرته ريم ونزلت دمعه من عيونها مسحتها بيدها الثانيه وبعدها نفضت يدها من صقر وبصوت مبحوح : ولا شي

وبعدها نزلت بهدوء ودخلت المدرسة .....

استغرب صقر حالتها وش للي يخليها تبكي وصمم اليوم يعرف وش سبب بكائها

حرك السياره وبعدها توجه للمستشفى ......

**

**

**

**

**

**

دخلت المدرسة ببرود ما كانت مهتمه انها ما تعرف احد لانه عقلها كان مشغول بامور ثانيه

وبعدين هي تعودت هاذي المره الثالثه تدخل مدرسه جديده عليها لوحدها

ناظرت البنات في اختلاف كبير بين البنات في هاذي المدرسه ومدرستها القديمه من ناحيه المظهر

سألت احدى البنات عن الاداره وبعدها توجهت للاداره بثقه وما اهتمت لبنات عمها واخواتها للي تركوها ولا وحده ارشدتها

كان اغلب البنات يناظرنها لانها جديده بالمدرسة

دخلت الاداره بثقة وسألت عن صفها وخبرتها المديره تراجعهم علشان الاختبارات .....

كان يومها عادي بالمدرسة وما خلصت من لقافة البنات

بالفسحه كانت تمشي مع بنت من صفهم صاحبتها بس للحين ما تعرف الا اسمها

قاطعتهم بنت طويله ونحيفه وبشرتها ناعمه وباستفسار : انتي ريم بنت عم سديم

ناظرتها ريم باستغراب : ايوه

نوفه بابتسامة : يعني انتي خطيبة اخوي زياد

ريم لما سمعت اسم زياد حست الزمن وقف

استوعبت الموقف بعد ثواني وبعدها ردت ريم بغباء : مين زياد ؟؟؟

ضربتها نوفه على راسها بخفه : لا بالله عقلك ضارب البارحه امي كانت عندكم نسيتي

حكيت راسي باحراج : اه صحيح تذكرت

قاطعتني ليان صديقتي الجديده : لا لا ما اصدق انتي مخطوبه

تخصرت نوفه للبنت : يعني مو عاجبيتك خطيبه اخوي ؟؟

ليان بفشيله : لا مو قصدي ما شاء الله عليها بس بعدها صغيره

كانت ريم تناظر نوفه والافكار تجول بعقلها وهي تقول بعقلها معقول اخوها ارسلها علشان تخبرني بالطلاق

نوفه بابتسامة : البارحه امي مدحتك وتقول ما شاء الله سنعه ومو مثل الحفله كنت مغرورة

كانت ريم مو مصدقه مدحتني يعني ما قالت لابنها يطلقني اخذت ريم نفس بارتياح وبعدها ابتسمت : لا لا يوم الحفله انسيه كنت تعبانه ومتضايقه اصلا ما كنت اعرفكم

خلصت الفسحه

نوفه بابتسامة : يالله حصل خير اشوفك مره ثانية

وبعدها استأذنت وراحت

وانا تنفست براحه وحالي انقلب 360 درجه كان ودي اقوم وارقص واغني من الفرحه .......

**

**

**

**

**

**

**

**

في مكان بعيد

كان البيت كله حزن فبعد موت زوجها جون اضطرت ترحل للمدينه هي واطفالها الصغار

استأجرت بيت صغير جدا

وحتى تكسب قوت يومها اضطرت للبيع على عربه بعض الاكسسوارات واطفالها يبيعون الورود

يا ترى ما قصتهم وهل سيكون لهم تأثير بروايتي ؟؟؟

**

**

**

**

**

**

**

بعد انتهاء دوام المدرسه كنت مبسوطة على الاخير

وتأكدت انه زياد ما رح يطلقني

وبنات صفي الحمد لله نوعا ما طيوبات

طبعا طلعت قبل بنات عمي وتعمدت اوصل سياره صقر قبلهن

وصلت السياره قبلهم وفتحت الباب الامامي وجلست بثقه والابتسامة العربضه مرسومه على وجهي

ناظرني صقر وهو رافع حاجب : اشوف الصبح قالبه بوز والحين مبسوطه على الاخير سبحان من غير الاحوال

تنهدت براحه وانا اكش عليه : اسكت اسكت فلم رعب كنت عايشه من البارحه لليوم حتى الفسحه

الحمد لله اختفى الرعب

رد صقر وهو يتريق : طؤ طؤ طؤ هذا فلم رعب طلع

خبريني عنه هذا الفلم والاهم بطولة مين ؟؟؟

شافت ريم البنات قربوا من السياره : خلص انسى اهم شي انه راح الرعب والحين ارتحت تصدق بعدني على غداء البارحه

ناظرني وهو يقرص عيونه : كله بسبب الفيلم

قبل ما ارد عليه فتحت سديم الباب وبامر : يالله انزلي يا انسه هذا مكاني

ناظرتها بغرور : لما جلست ما شفت اسمك مكتوب عليه وبعدين انا جيت قبلك

سديم وهي تكتم غيضها : اقول لك انزلي

لفت ريم وجهها لصقر وناظرته بمعنى تكلم

تنهد صقر بقرف : وبعدين يعني ؟؟ خلص سديم ارجعي للخلف ومن يوم وطالع للي توصل اول هي للي تركب قدام

يالله خلصوني تراها واصله معي من الحر اففففففف

سكرت سديم الباب بقهر ورجعت للخلف وهي تتحلطم

اما ريم كانت مبسوطه على الاخير لانها قهرتها

سديم بقهر : هالقزم صاير يعنقر ويجلس من قدام اصلا للي ينظر للسياره من الامام يظن الكرسي فاضي ما يدري انه القزم جالسه عليه

لفيت وجهي عليها وانا احرك حواجبي : القزم للي مو عاجبك احلى منك بمليون مره يا جوكرررررر

اصلا احمدي ربك كل يوم انك خطبتي وما رضي جدي بالشوفه الشرعيه والا لو شافك عريس الغفلة

كان هج مسكين وصابته سكته قلبيه من وجهك للي يجيب الغث

سديم بقهر : اخرسي يالقزم وصاير لك لسان كمان

روان بكره : على الاقل سديم ابوها مربيها وضافها في بيته مو مثل بعض ناس ابوها راميها ومتبري منها الله لا يبلانا

حست بالغصه ريم من كلامها بس مستحيل تخليهم يتشفون فيها ناظرتها بغرور : وش الفايده اعيش مع اب ويطعمني ويسقيني بس ما يثق فيني لو ابوك واثق فيك ليه ما يشتري لك جوال

روان بقهر وعصبية : اخرسي يا حيوانه

صقر بصراخ : بسسسسسسس

وقسم بالله اذا سمعت نفس واحد الا تنزلوا كلكم من السياره مفهوم

سكت الكل وعم المكان الصمت .......

**

**

**

**

**

**

**

دخلت انا وسديم وروان البيت بس ما تكلمت معهن

توجهت لدرج الطابق الثاني

وحمدت الله اني ما شفت احد وخاصة عمي فيصل

مستحيل يشوفني الا يسمعني كم كلمه

دخلت غرفتي وقفلت الباب بالمفتاح ورميت الشيله على الارض والحقيبه

وتوجهت ابدل ملابسي واحط راسي وانام بدون غداء لاني ما نمت امس من كثر التفكير .......

**

**

**

**

بعد العصر كنت جالس على مكتبي ومن شهر ونص عقلي مشوش

رميت الكتاب للي على مكتبي على الارض بقهر ومو متخيل انها خلاص طارت مني وملكت على غيري

حطيت يديني على راسي وانا اكرر غبي غبي

ليه رفضت لما سألني جدي ليه رفضت

عضيت على شفتي بقهر كله بسبب غروري وكبريائي ما سمح لي

ما سمح لي غروري ارضى اخطب بنت يطلب جدي مني اني اتزوجها

كنت مخطط اني بنفسي اخطب ريم من جدي بس خلاص كل شي صار سراب

حلم الطفوله طار من صغري وانا اخطط اني اخطبها

اخخخخخ

شديت على يدي بقوه وانا مقهور من غروري وكبرياءي لي حطم حلم حياتي ..........

**

صحيت كانت الغرفه مظلمه فركت عيوني وانا اتثاوب

وقفت بكسل وانا اتمطل

بعدها فركت عيوني وانا اتثاوب

و بعدها شغلت انوار الغرفه وتوجهت للحمام غسلت وجهي ونشفته وبعدها طلعت وبدلت ملابسي

ولبست تنوره طويله وسيعه لونها اخضر زيتي وبلوزه اكمامها طويله لونها ابيض وفيها حركات بسيطه وسيعه شوي

اجى على بالي احط كحله

كحلت عيوني وبعدها حطيت الشيله على راسي ولبست صندل كعبه عالي وبعدها طلعت من غرفتي بعد ما القيت نظره اخيره على نفسي

توجهت للدرج وشفت الخدامة وسألتها وين جالسين وخبرتني بالصاله الخارجيه

نزلت ولما اقتربت من الصاله سمعت صوت

وحده تتكلم غريب شوي علي

ما ادري ليه قررت ارجع على غرفتي رجعت خطوتين بس المشكلة عمي فيصل لمحني

وبصوته للي يرفع الضغط عندي : ريم تعالي اشوف

كنت ودي اطنشه بس متأكده رح يعمل لي مشكلة

وهو بس ينتظر الزله علي

دخلت الصاله وانا ابتسم : نعم

عمي فيصل بأمر : تعالي سلمي على عمتك هيفاء

وبنات عمتك واعطاني نظره رفعت ضغطي

ناظرت مكان ما اشر شفت للي يسمونها عمتي اول ما شافتني لوت بوزها بقرف لا لا يا شيخه خلي عنك

بس اذا ما قهرتها ما اكون ريم

توجهت بدلع وانا ناويه مثل ما يعاملوني اعاملهم

مدت يدها والظاهر انها تنتظر ابوس راسها سلمت عليها برؤوس اصابع يدي

وسحبت يدي منها بقرف وانا رافعه حواجبي بغرور

وبعدها توجهت لبنات عمتي طبعا جالسات مع بنات عمي مالت عليهن كلهن

سلمت عليهم نفس الطريقه برؤوس اصابعي

وبعدها توجهت وجلست جنب ساميا بغرور ومسكت جوالي

وصرت اطقطق فيه مع انه مو مسجل فيه رقم جدي

كنت اسمع سوالفهم بدون ما اناظر احد

جدتي بفرح : الحمد لله واخيرا استقريتي هنا قريب مني

عمتي هيفاء : اقرفت الغربه يا شينها

ناظرت عمتي وهي تكلم جدتي

وبعدها ناظرت جوالي طفيته كانت القعده ممله جدا لويت بوزي وبعدها وقفت طلعت من الصاله وتوجهت للحديقه برا

كنت اتمشى بهدوء لفت سمعي اسم عبود التفت لمكان الصوت شفت اثنين وينادون على شخص اسمه عبود واخيرا عرفت شكل عبود

شفت عبود توجه لهم كنت افكر اروح لهم بس غيرت رأي لما شفتهم جايين لجهتي

وصلوا لعندي وردوا السلام علي

رديت بهدوء وانا ابتسم سبحان الله مين يصدق هالبزران صاروا كذا كبار وطويلين الا انا قصيره

سألتهم وانا ابتسم : اخباركم

ناظروها ورد عليها عبود : بخير اخبارك ؟؟

ابتسمت ريم وبفرحه : الحمد لله بخير

وبعدها ناظرت سامي وحموده : ما عرفتكم انتم الاثنين ؟

ضحك سامي : هههه لا تقولين ناسييتني وغمز لها

ابتسمت ريم ابتسامه جميله : لا لا مو كذا قصدي انكم كبرتم وما عدت اعرفكم

حموده : والله من حقك ما تعرفيني لاني تغيرت كثير وما شاء الله كل بنات الحاره ذبحتهم بجمالي

ابتسمت ريم : خلاص عرفتك انت حموده ابن عمتي هيفاء صح ؟؟

سامي وهو يتكتف : ليه عرفتيه وانا لا ؟؟ طيب ليه

قاطعته ريم وهي تضحك : ههه عرفتك يا ابو الطلبات ساااامي

عبود وهو يقرص عيونه : يا دبه اشوف سبقتيني بالدراسه !!!

حكت ريم راسها بغرور

سامي وهو يضرب عبود على راسه : ما حد قال لك تكون كسول

ضحكوا على شكل عبود المنحرج بس قاطعهم صوت تصفيق

ناظروا خلفهم وظهرت علامات الخوف على ملامح الشباب

اما ريم ناظرت وبنفسها يا ليل النشبه

فيصل يناظرهم وهو مو عاجبه ورافع حاجبه وهو يوزع نظره بين الاربعه : ما شاء الله وهز راسه ما شاء الله وبصراخ وش قله الادب هاذي

وبعدها ناظر ريم بحده : انت يا محترمه اشوفك واقفه وتضحكين وطاقه الميانه معهم وضرب يدينه ببعض ما في حياء ولا احتشام

ناظرته ريم وهي تتكتف وعافسه ملامحها : وش فيها كلمت اولاد عمي

فيصل بعصبية مسكها من كتفها وهو يشد على اسنانه : بنت لا تراددي وقسم بالله تندمين

ناظرته ريم وهي ترفع حاجب : بالله انا جاي على بالي اندم وش رح تعمل يعني ؟؟ نفسي اعرف ليه حاط ضدي ؟؟

نفض فيصل ريم من يده بقرف : الحين رح تعرفين وش رح اعمل بس اتصال بسيط

قاطعته ريم بلامبالاه : ودك تخبر جدي عادي اتصل وخبره

ضحك فيصل باستهزاء : ومين قال لك اني ودي اتصل بابوي مسكينه رح اتصل بعريس الغفله زياد واقول له خطيبتك جالسه ومع اولاد عمها وبدون عباية وببرود كمل وبعدها انتظري اذا ما وصلتك ورقة طلاقك من زياد

بهتت ملامح ريم وتذكرت يوم الشجار كيف عصب وطلب منها تغطي وجهها قدام اولاد عمها

كيف لو ييجي ويشوفها الحين بهذا المنظر ولا واقفه ونازله سوالف وضحك مع اولاد عمي

ناظرت عمها فيصل وبنظرات خوف : خلص عمي انا اسفه والله ما اكررها بس لا تقول له

ناظرها فيصل بقهر : الحين لما وصل الامر لزياد اسفه وما اكررها ومن قبل لسانك مترين يرادد

لكن بأحلامك ومسك الجوال وفتحه

اقتربت ريم ممه وبرجى : تكفى يا عمي تكفى لا تخبره

ابعدها فيصل بقسوه واخيرا لقى طريقة يقهرها فيها : ابعدي عني

رجعت ريم وقربت منه : تكفى يا عمي طلبتك لا تقول له بالله عليك لا تقول يا عمي

ناظرها فيصل وانصعق من الدموع للي في وجهها

ووجهها احمر من البكاء والكحله ساحت على وجهها

انقهر منها لهاذي الدرجه تخاف منه وهي ما شافته الا مره

وانا معطيتني طاف ولا تخاف مني و تراددني بقوه عين

عض على شفته بقهر

قاطعهم صقر للي وقف عندهم ناظرهم باستغراب : وش فيه ؟؟؟

جلست ريم على الارض وهي تشاهق وبعدها رفعت نظرها لصقر وبصوت متقطع من البكاء : ع ع م ي و ددد ه يي ق و ل ودخلت بنوبه بكاء

عقد صقر حواجبه وناظر الشباب : فهمومي وش السالفة ؟؟

عبود بتردد : ءءء عمي وده يتصل بزياد ويقول له انه ريم وسكت خايف عمه صقر يعصب عليه

صقر وضغطه بدأ يرتفع ما حد مفهمه السالفه وريم قطعت نفسها بكى خاف تكون السالفه كايده وبعصبيه : خلصني وش وده يقول ؟؟

فيصل ببرود ناظر صقر ومسك الجوال وهو يجري اتصال : الحين تدري وش رح اقول بعد ما اتصل وتسمع بإذنك وش رح اقول لزياد

ناظرت ريم عمها فيصل وهو يجري اتصال وبسرعه ركضت ومسكت يده للي حامل فيها الجوال : تكفى يا عمي تكفى لا تقول له

وبسرعة توجهت لصقر ومسكت يده : تكفى قول لعمي ما يتصل بزياد اخاف يطلقني تكفى يا عمي

سحب صقر الجوال من فيصل وبعصبيه : فهموني السالفه !!

ريم ودموعه على خدودها والكحل سايح : عمي فيصل وده يتصل بزياد ويقول له اني

اخذت ريم نفس

وبعدها رجعت ناظرت صقر يقول له اني كنت واقفه مع عبود وحموده وسامي واتكلم معهم واضحك واني مو لابسه عبايه

صقر بداخله يضحك على ريم عامله هاذي المناحه على هاذي السالفه وانا خايف ظنيت السالفه كايده تنهدت براحه وناظرتها ببرود : طيب واذا قال له وش فيها اولاد عمك واذا مو عاجبه الاستاذ زياد بعد ما يتزوجك يمنعك اما الحين ما له دخل بتصرفاتك

وناول الجوال لفيصل وغمز له بدون ما ريم تنتبه : خذ كلمه واعلى ما بخيله يركب

وقفت ريم وبسرعة ومسكت الجول وبصراخ : لا لا لا والله اذا سمع ليطلقني ويزعل مني وناظرته برجى تكفى يا عمي لا تخبره

صقر ناظرها ورفع حاجبه : دامك عارفه انه يزعل زياد ليه تكلمينهم وناظرها ينتظر الاجابه ؟؟؟

ريم اشرت على الشباب بتعب وخلاص طاقتها انتهت : هم للي وقفوا عندي وكلموني انا ما لي دخل

ناظر صقر الثلاثه وهم منحرجين وراسهم بالارض : ما شاء الله بصراحه ابدعتم من متى عنا الاولاد يكلمون البنات ويضحكون معهن وهز راسه بوعيد حسابكم بعد يومين لما يرجع ابوي يتفاهم معكم

عبود ووجه اصفر : الا جدي ما يدري والله ما كان قصدنا شي

خلص توبه والله ما نعيدها

قاطعه صقر وهو يؤشر بيده : انتهى الموضوع لكن وقسم بالله لو يتكرر

حموده براحه : والله ما يتكرر

وبعدها صقر ناظر ريم ومسك يدها بحنيه ومسح الكحل وبابتسامه : والله لو ييجي الحين زياد غير يهج من الخوف ويتخرع من شكلك

ضربته ريم على صدره بخفيف وبصوت مبحوح : اسكت

ناظرهم فيصل وهو يمسك الجوال : ومين قال لكم انه الموضوع انتهى انا الحين رح ارن على زياد

وبسرعه ريم ناظرت عمها فيصل وبعدها ناظرت صقر نظرت استعطاف بمعنى شوفه

تقدم صقر وحط يده على كتف فيصل وهو يغمز له : خلاص امسحها بوجهي يا ابو خالد

رجع فيصل الجوال لجيبه : بس علشانك يا اخوي امسحها لكن قسم بالله اذا بعض ناس لسانها الطويل ما قصته اني ما رح اسكت لها

واخلي زياد

قاطعته ريم بدون نفس : خلاص قلت لك اسفه

فيصل رفع حاجبه باستنكار : شفت شفت اسلوبها الخايس معي

ضحك صقر وضرب على كتف فيصل بخفيف : خلص امسحها بوجهي

وبعدها ناظر ريم : بسرعة قبل ما يغير فيصل رايه طيري من هنا

ناظرت ريم فيصل وبعدها اقتربت من صقر وبصوت هامس لصقر : انتبه عليه لا يتصل على زياد راقبه زين

رفع صقر نفسه وناظرها باطمئنان: خلاص لا تخافين بس روحي

لفت ريم نفسها تغادر بس تفاجئت بوجود كل الشباب قريب منهم انحرجت اكيد سمعوا المناحه للي عملتها صار وجها احمر من الفشيله وبسرعة غادرت المكان ......

*

*

*

اقترب صقر من عبود ومسكه من اذنه : وش كنت تتكلمون معها ؟؟

ناظرهم فيصل بعصبية : انتم ما تستحون على دمكم هاذي بنت عمكم من لحمكم ودمكم لو يدري نايف قسم بالله ليدفنكم الثلاثه مكانكم

واعطاهم نظرة تهديد اعتبروا هاذي المره قرصت اذن وقسم بالله مرة ثانيه لتندمون وبعدها اشر لصقر بحواجبه حتى يدخلون داخل

ترك صقر وفيصل الشباب وتوجهوا للداخل

فيصل بقهر : شفت شفت كيف تخاف منه !!

صقر يضحك : هههه اما حرام عليك انا متاكد نشف الدم بعروقها

فيصل وهو يضحك : هههههه اما نكته ما تدري ريم اصلا انه رقم زياد مو معي ههههههه حبيت العب بأعصابها

صقر بابتسامة : انت مو لعبت باعصابها انت حرقت اعصابها وبالاخير رقم زياد مو معك لو تدري ريم كان اكلتك بأسنانها ......

*

*

*

*

*

*

*

مرت ريم من الصاله الخارجيه وهي معصبه عالاخير

سمعت صوت عمتها هيفاء : تعالي يا بنت ساره

ريم بصراخ : اذا عندك كلام خليه بحلقك فاهمه

وبعدها توجهت ركض على غرفتها

وقفلت الباب بالمفتاح ورمت نفسها على السرير وهي تبكي لو درى زياد اكيد رح يزعل ويطلقها

وقفة

سبحان الله كثير نشاهد هاذي المواقف بحياتنا نخاف من الناس وما نخاف من رب الناس

كثير اشوف بنات متزوجات او مخطوبات ازواجهن عندهم غيره ولازم يطلعون بلبس ساتر اشوفهن بحضور ازواجهن متسترات وبغياب زوجهن عادي ما يهتمن ولما تقولين لها تقول لك اهم شي فلان ما يدري

طيب ورب العالمين المطلع علينا بالكبيره والصغيره

عادي يشوفك ويغضب عليك ؟؟؟!!

هاذي مشكلتنا نخاف زعل الناس واعز الناس علينا يزعلون علينا

اما رب العالمين هل حسبنا حساب انه بأفعالنا المخالفه لاوامره رح يغضب علينا ؟؟!!!

**

**

**

**

**

**

هيفاء وجها احمر من الفشيله وحمدت ربها ما في احد الا حريم اخوانها والبنات

ناظرت امها بقهر : شفتي يمه وش قالت لي

عجبك بنت ساره وش قالت لي ؟؟

الجده ببرود : قلتي بعظمة لسانك بنت ساره وش ترتجين منها

ام خالد تزيد الحطب : لا والله يا خالتي ما يصير هذا الكلام وكانها هيفاء شغاله عندها تصرخ بوجهها

ام سليمان تؤيد ام خالد : والله انك صادقه في شي اسمه احترام الكبير

هيفاء صار وجهها احمر من العصبيه

دخل فيصل وصقر وهم يضحكون تفاجئوا بملامح هيفاء

صقر وبعدها الابتسامه مرسومه على ملامحه : وش فيها اختي العود زعلانه

هيفاء ووجهها محتقن من العصبيه : الكلبه للي فوق تصرخ بوجهي كأني بزر قدامها

ناظر صقر فيصل وضحك : ههههههه بالله لا تلومينها ههههههه كويس انها هدمت البيت عليكم ههههههه

فيصل بجديه : فتحتي مع ابو محمد الموضوع ؟؟؟

هدت ملامح هيفاء شوي : والله فتحت الموضوع وقال ما عنده اعتراض اذا البنت موافقه خلاص على بركة الله

ناظر فيصل سميه بجديه : وان شاء الله استخرتي يا بنتي

سميه باحراج وهي تناظر الارض

الجده تناظر فيصل : لا تحرج البنت تظنها ريم ؟؟

تنهد فيصل : ريم ما في مثلها نسخه انا اعرف البنت تستحي مو توقف بوجهنا وتطالب تجلس معه كمان

سميه تساسر سديم : ما اقل حياها هالريم كيف تطالب بكذا والله فشيله

سديم بكره : قلت لك هاذي البنت ما تستحي

سميه بصوت هامس : بس الصراحه جميله كيف اولاد خالي ما خطبوها وطلعت غريبه انا مستغربه

سديم ما عجبها المدح : مالت عليها هالشيفه

سكتت سمية وبداخلها تقول والله ما حد شيفه غيرنا بجنبها

**

**

**

**

**

**

**

جلسوا الشباب بالحديقه وسليمان يتكلم بحده : انتم كيف تسمحون لنفسكم تكلمونها

سامي لوى بوزه : يا ليل ابو لمبه تراكم

قاطعه سليمان بقهر : انت بالذات انطم يالبزر فاهم انا اتكلم مع عبود وحموده

سامر : قسم بالله تقهر لهاذي الدرجه تخاف من زياد وتحسب له حساب

بدر بقهر : مالت عليها هالحيوانه ما ادري ليه متعلقه فيه كذا

ريان ببرود كالعاده : خطيبها اكيد رح تحسب له حساب وما ودها تزعله

بدر بقهر يؤشر على ريان : سكت دهرا ونطق كفرا

وقف ريان ببرود : متخلف

وبعدها غادر المكان بهدوء

وقف بدر يلحقه مسكه سليمان : علامك هذا اخوك كانك ما تعرفه وما تعرف بروده

تعوذ بدر من الشيطان وجلس مكانه ............

**

**

**

**

**

في صباح اليوم الثاني نزلت ريم بعجله حتى تسبق سديم والشله عند السياره

طلعت وتوجهت للسياره بس حست بالقهر لما شافت البنات عند السياره بس اعدادهم زايده

صارت تمشي شوي شوي وبدلع

وقفت بعيد عنهم شوي

وهي معطيتهم طاف والبنات يناظرنها ويتهامسن

وبعد دقايق وصل صقر وتكتف وناظر البنات : وش هذا انا حاسه حالي باص مدرسه

فتح باب السياره ودخلن البنات

صقر بقهر : اطلعوا انا كذا سيارتي ما تستحمل

روان من داخل السياره : عمي ريم ما لها مكان

صقر بعصبية : لا ريم ولا انتي رح تركبون سيارتي يالله كل البنات انزلوا

كل واحد يوخذ بنته على المدرسه يالله انزلوا

سديم برجى : يا عمي مشيها بس اليوم الحين ننتأخر على الدوام

طنشها صقر واتصل على فيصل ونايف وابو سليمان وابو محمد

وطلب منهم يوصلون بناتهم واعتذر منهم

وبعدها ناظر بنات هيفاء: يالله ابوكم ينتظركم باب البيت

نزلوا البنات وهم يتحلطمون

وصل نواف ومعه نوف وطيف بضيق : يعني يا صقر ضروري تنكد علي من الصبح يالله تفضلوا

توجهت روان وسديم ونوف وطيف مع نواف للسياره

وبعد دقايق ضرب هرن سليمان عند البوابه الرئيسية توجهت رغد ومي للسياره

وبعده مباشره وصل نايف طلعت سلمى ولينا لسياره نايف

وناظرت ريم صقر انتظرت منه يطلب منها تبقى بس ما تكلم

توجهت بهدوء لسياره نايف بس قبل ما توصل حرك نايف السياره وغادر المكان

وقفت ريم تناظر زول السياره بلعت غصتها ولفت ادراجها لداخل البوابه كان صقر جالس بالسياره ضرب هرن لها صقر بس طنشته وتذكرت لما طردها صقر من سيارته وين كرامتها كيف نسيت وركبت معه

شدت على قبضه يدها بقهر وين كرامتها لما ركبت معه

وعضت على شفايفها بقهر

طلع صقر من سيارته : ريم تعالي انا اوصلك

طنشته ريم وركضت للداخل دون ما تلتفت له

دخلت غرفتها وقفلت الباب بالمفتاح ومسحت دمعه

ما رح ابكي

وتوجهت للسرير وطلعت الجوال من تحت المخده وجلست على السرير

واخذت نفس ورنت على جدها كم رنه وفصلت

وبعد دقيقة رن عليها فتحت خط الو .........الحمد لله بخير ..........انت ودك اياني اروح عالمدرسه مشي ..........يعني ترضاها يطردني صقر من سيارته .......طردني وكل البنات راحوا مع اهلهن ..........اقول لك كل بنات عمي حتى اخواتي وبنات عمتي ......... ليه .......انا اجاوبك لانه ما لي اهل ........لا تدافع لو كان لي اهل كان ما رجعت لغرفتي ما في حد يوصلني .......مستحيل ارجع اركب معه ........اقول لك لو تقطعني ما اروح معه .........طردني مرتين من سيارته ما رح ارجع ........حلفت يمين ما اركب سيارته ........ما رح اكفر عن يميني ...........الحل خلص اروح مع السواق والخدامه ..........بعدت ريم السماعه عن اذنها من صراخ جدها ............طيب يالله اعطيني الحل ........نايف تركني واخذ بناته وما رضي يركبني ........

طيب انتظرك .........سلام

**

**

**

**

**

**

رن جوال صقر ناظر الاسم واستغرب رد وبهدوء الو ..............علامك يبه معصب ............انا باب الييت .............انا ما طردتها لوحدها طردت البنات كلهن ............ابعد صقر الجوال عن اذنه من صراخ ابوه وبعد ما خلص الجد بهدلته لصقر ومسح فيه الارض قفل الجد الخط بوجه .......

**

**

**

**

رن جوال ريم ردت بهدوء : الو

الجد بهدوء : اسمعي هذا عمك فيصل ينتظرك حتى يوصلك

ردت ريم باعتراض : لا لا مستحيل اركب مع عمي فيصل

صرخ الجد : بسسسسسس وبعدين معك صقر ونايف ما ودك تركبين معه وابو سليمان مو فاضي وسلطان مو موجود ها قولي لي مع مين ان شاء الله ناويه تروحين ؟؟؟

نسيت ريم نفسها وبزلت لسان وبدلع : مع زياد

صرخ جدها بعصبيه : ريم بلاها قله الحياء هاذي وبسرعة انزلي عمك ينتظرك بس اتحملي يومين ولما ارجع انا بنفسي اوصلك كل يوم للمدرسه اتفقنا

ردت ريم بقهر : اتفقنا

الجد بهدوء : يالله بالسلامه يا بنتي

ريم : الله يسلمك وقفلت الخط وعي تتأفف ما لقى غير فيصلووووووه

وقفت ونزلت وانا امشي بشويش حتى اتاخر عليه

وصلت قريب من السياره ناظرني عمي فيصل بقهر : خلصيني تمشين على بيض وخايفه ينكسر

ما رديت عليه ومشيت من جنب عمي صقر ومسكني من ذراعي وهو معصب : يا فتانه وش قلتي لابوي ؟؟

اخفيت ابتسامتي وعرفت من ملامحه انه جدي مسح فيه الارض ما رديت عليه وتظاهرت اني زعلانه عليه

لما شافني مبوزه ارتخت ملامحه والظاهر انه حاس بالندم بس يتظاهر بالعصبيه كان وده يتكلم بس قطع عليه فيصل معصب : خلصوني

تركته ريم وجلست من الامام ساكته ناظرها فيصل بعد ما حرك : انا بناتي مو فاضي اوصلهم للمدرسه وش دخلني حتى اوصلك

ناظرته ريم وهي تصغر عيونها : سبحان الله بكل صغيرة وكبيره تخصني تتدخل فيها وضربتني وكل يوم تسمعني كلام يسم البدن عادي انت عمي ولك حق تتدخل

اما توصلني على المدرسه ما لك دخل على طول تنسحب

ناظرها فيصل وكأنها كبت عليه مويه بارده كلامها صحيح : انا نفسي اعرف لسانك هذا الطويل كم متر ؟؟

ردت عليه ريم بابتسامه : طول لسان اختك هيفاء وبنتك روان

فيصل بعصبيه يقاطعها : تخسين صحيح روان لسانها طويل بس قدام اعمامها والاكبر منها تسكت وما تتكلم اما انتي اعوذ بالله

ناظرته ريم وبجديه : عمي ليه ما في اغاني بسيارتك ؟؟ علشانك شايب ما تحط اغاني ؟؟ بس مو شرط خالي محمد شايب بس كل سيارته اغاني !!

فيصل انقهر : شايب بعينك يا حيوانه اذا خالك شايب انا بعز شبابي واعطاها نظره

ريم بعدم تصديق : بعز شبابك واحفادك طولك ؟؟!!

ناظرها وده ياكلها كيف ترادده : لانك غبيه انا تزوجت بعمر صغير قبل عمك سلمان

ريم بضحكه : هههههه شايف يا عمي طالعه لك بالزواج المبكر هههههه

فيصل يضربها بخفيف على راسها : ما الومك يا قليله الحيا دام اخوالك عيله ابو سعد انزلي انزلي وصلنا

نزلت ريم وقبل ما تصك الباب ناظرت عمها بجديه : على الاقل اخوالي احسن منكم ولا مره واحد فيهم مد يده علي وصار يفرد عضلاته وسكرت الباب بقوه ودخلت المدرسة

وتركت خلفها بركان ثائر يتحلف لها ......

**

**

**

**

**

**

**

انتشر بالمدرسه خبر انه زياد اخو نوفه خاطب ريم وما خلصت ريم من لقافة البنات

بالفسحه جالسه ريم مع ليان والبنات يناظرونها البعض بحقد والبعض بانبهار

مروا بنات من جنبها ناظروها بحقد وتهامسن بصوت وصل لسمع ريم : كيف زياد يخطب هاذي القزم

ريم صارت عندها عقده من كلمة قزم طنشت البنات ورجعت تسولف مع ليان

اشرت ريم لليان بعيونها : شايفه الشله هذيك ؟؟

ناظرت ليان مكان ما اشرت ريم : ايه

ريم بابتسامة الم : هذول بنات عمي واختي وبنات عمتي

ليان باستغراب : ليه تناظرون بعض كذا بحقد

هزت ريم اكتافها بمعنى ما ادري

قاطعتهم زميلتهم اسمها فاطمه جلست معهم وغيروا الموضوع وصاروا يتكلمون عن الدراسه ......

**

**

**

**

**

**

**

مرت ايام ريم خلال الاسبوع عاديه بالمدرسة تعرفت على صديقات جديدات

وما كانت تختلط ببنات عمها نهائيا

عمها فيصل كل اليوم يوصلها للمدرسه لوحدها للي خلى سديم وروان ينقهرون لانه ابوهم ولا مره وصلهم للمدرسه ......

صقر حاول يراضي ريم ويتحركش فيها بس ريم اعطته طاف

عبود وسامي وحموده بعد الموقف ما عادوا يكلمون ريم خافوا عمهم يخبر جدهم لما يرجع من السفر

الشباب كل واحد له مخطط وافكار يرسمها لحياته تختلف عن الثاني

الجوز الثلاثي بحضور هيفاء يتضددون لريم بزياده لذلك صارت ريم تقل نزلاتها تحت تمضي وقتها على النت

ولما ما تنزل كل شوي ترسل الجده وام خالد حد ينادي ريم

سديم منشغله مع سليمان وتكلمه بالسر بدون علم اهلها لانه فيصل عنده ممنوع

سميه وافقت على نواف بس تنتظر قدوم الجد حتى يملكون

نايف خلال هذا الاسبوع هادي ويمضي وقته بالمستشفى

**

**

**

**

**

**

**

لمحه بسيطه عن سميه : بنت هيفاء عمرها 23 سنه متخرجه لغة عربية طولها 165 حنطيه عيونها وسط انفها صغير فمها وسط وجها وسيع دائري لها غماز بخدها الايسر شعرها لحد كتوفها ناعم لونه اسود

جسمها نحيف

**

**

**

**

**

**

جالسه مع جدتها وتسولف معها ومندمجه بالسالفه

قاطعتها ام خالد : طيب وش عرفها البنت انها جارتهم اشترت الماس

ريم وهي تكش عليها : اقول لك البنت هاذي بحفله اخوها تقول جات جارتهم ولابسه خاتم وحلق الماس وتتفشخر فيهم

ام خالد بتذكر : ايه ايه صح تذكرت طيب وبعدين الشرطه وش عملت ؟؟؟

ريم ببرود : ولا شي لانه ما في دليل

وقفت ساميا وناظرت الجده : هاذي الحرمه مو قليله سمعت عنها من قبل

يالله استأذن يالله يمداني اجهز الغداء

الجده : خليك وتغدو هنا

ساميا : لا لا يا خالتي مره ثانيه وبعدها ناظرت ريم : تعالي تغدي عنا

استغربت ريم وبحرج : لا شكرا مره ثانيه

ساميا بإصرار : تراك هنا تقريبا شهرين ما دخلتي بيتنا

حالفه يمين ؟؟؟

ريم : لا يا خالتي مو لشي بس وفركت اصابعها بتوتر

الجده تناظر ريم : قومي قومي لا تفشلين الحرمه هذا بيت ابوك مهما عمل يبقى ابوك وله حق عليك

احتارت ريم تروح او لا وبالاخير قررت تروح لبست عباتها وتوجهت مع ساميا باحراج وخايفه نايف يطردها ..........

**

**

**

**

**

دخلت بيت ابوها وساميا ترحب فيها ناظرت البيت فيه تغيرات لون الجدران الكنب السجاد الستائر تغيرت

بس حوض السمك بعده موجود وهاذي الفازا موجودة وفيه بعض مناظر جديده

جلست ريم بالصاله باحراج ناظرتها ساميا : لا تستحين هذا بيتك تراه

حست ريم بالحزن سبحان الله بيت ابوها وتستحي تدخله

نادت ساميا البنات بما انه اليوم عطله نزلوا وتفاجئوا بوجود ريم

طلبت ساميا منهم يسلمون على ريم واعطتهم نظره تهديد

سلمت ريم على البنات وجلست بهدوء

لينا بلقافه : غريبه ريم عندنا

ناظرتها امها بتهديد : ليه غريبه هذا بيتها مثل ما هو بيتكم

التزموا البنات الصمت وبعد دقايق راحت ساميا على المطبخ تشرف على الاكل

استغلت سلمى ولينا الوقت وصعدن فوق

تنهدت ريم وهي تناظر اخواتها يصدن عنها بدون ذنب وبعدها دخل سيف وهو يلعب

ناظرته ريم بابتسامة رد لها الابتسامه : كيفك ريم ؟؟

ريم بصوت ناعم : الحمد لله

سيف يمثل الزعل : انا زعلان عليك !!

ابتسمت ريم على اسلوبه : ليه زعلان مني ؟؟

سيف بطفوله : تلعبين مع الاولاد اما انا لا

ريم بابتسامة : انت ما اشوفك كثير اما احمد ومصعب دايما عند غرفتي يجون اما انت ما تيجي

سيف بغرور : تعرفين ما احب العب مع البنات لاني كبير

ضحكت ريم على اسلوبه فعلا انه بزر

سيف بجديه : سمعت انك شاطره بالمدرسه ليه ما تساعديني بحل واجباتي

ريم بهدوء : ليه ما تعتمد على نفسك ؟؟

عفس سيف ملامحه : الدراسه صعبه وما افهمها ما ادري من وين الاسئله

ريم بمزح : من المريخ

سيف يصدق كلامها : طيب ما في الا المريخ يجيبون من عندهم اسئله

دخلت ساميا الصاله وتفاجئت انه البنات مو موجودات وظهر عليها الضيق بس ما تكلمت

وقفت ريم وطلبت تساعدها بترتيب الاكل على السفره اعترضت لكن ريم اصرت عليها

كانت ريم ترتب الاكل على السفره وسمعت صوت السلام

رفعت ريم راسها وشافت نايف ردت السلام بهمس واشغلت نفسها بالترتيب .......

**

**

**

**

**

جلس نايف على الكرسي بهدوء وهو يناظر ريم ترتب الاكل

دخلت ساميا بابتسامة : يعطيك العافيه

نايف بهدوء: الله يعافيك

تجمع الكل على طاوله السفره وجلست ريم معهم جنب سيف كانت تاكل وخدودها حمر منحرجه

ناظرها نايف وهو في باله موال مستحيل يتخلى عنه كان الصمت يعم المكان

كملت ريم اكل مع انها ما اكلت كثير

وقفها صوت نايف للي وقف عن الاكل وبأمر : ريم الحقيني

ترددت ريم تلحقه بس تشجعت وهي تناظر ساميا واخوانها انرسمت على وجوهم علامات الاستغراب ............

**

**

**

**

**

**

***

**

**

جالسين بالصاله الخارجيه بعد الغداء

صقر باستغراب : ريم وافقت تروح على بيت نايف والله غريبه

الجده وهي تمسك السبحه : بالبدايه اعترضت بس ساميا اصرت عليها

فيصل : فيها الخير ساميا

نواف : يبه اي ساعه جدي يوصل

فيصل : بعد العصر ان شاء الله يكون هنا

سديم : وخالد اخوي ما رح يرجع معه

فيصل بقهر : هذا اخوك رح يقهرني ما ادري وش يعجبه بالغربه تارك اولاده هنا وهو هناك مستانس

صقر بضحكه : اخاف تزوج مرة ثانية من هالشقر

فيصل يعقد حواجبه : كل شي جايز ما استبعد عنه

**

**

**

**

**

**

**

كل البنات بالمدرسة يسولفون عن خطيبتك

ناظرها وهو يمسك العصير بيده ورافع حاجب : وش يقولون عنها

نوفه وهي تحرك حواجبها : ما رح اقول لك

وبسرعة ركضت فوق قبل ما يمسكها بتحقيق

تنهد وهو مو عاجبه هذا الحال حفله ملكه ممنوع شوفه شرعيه ممنوع اكلمها بالجوال ممنوع اجلس معها ممنوع اطلع معها ممنوع

افففففف زودها هالشايب انا لازم اكلم ابوي يكلم جدها ويحلحلها شوي على الاقل البنت تعرف طبيعتي وش الاشياء للي تعجبني والاشياء للي ما تعجبني حتى ما نختلف بعد الزواج

اففففف بعد سنتين وقت طويل ضحكت على نفسي. انا كنت رافض فكره الزواج وعامل كذا

ما اقول غير الله يعيني على طلبات هالشايب

**

**

**

**

**

**

**

**

كان الكل مجتمع بالمجلس وينتظرون لحظه وصول الجد

على الرغم من قسوته وشدته الا انه الكل يحبه

دخل الجد بابتسامة وسلم على الجميع وبعدها حمل طيف وهو يبوس فيها على خدها

وتفاجئ الجميع بدخول خالد سلم الجميع عليه بحراره وام خالد والجده يبكون من الفرح

وبعد السلام عن الحال والاحوال كان جالس خالد وحاط طيف بحضنه ويبوسها من شده الفرحه وزوجته جالسه مع الحريم ومتغطيه كامل مو ظاهر شي منها

ناظر الجد الموجودين وبهدوء سأل الجده : وين ريم ؟؟ ليه ما جت تسلم علي ؟؟

بلعت الجده ريقها وخايفه من المشاكل ناظرت نايف بتردد وسكتت

الجد بحزم : انا اسال وين ريم ما تسمعون ؟؟

نايف ببرود : ريم في بيتي

الجد رفع حاجب بحده : وش تعمل ببيتك اتوقع هذا بيتها روح جيبها الحين

وقف نايف وهو يكتم غيضه : يبه رجاء البنت بنتي ما يطلع لك تاخذها مني

الجد مو عاجبه الكلام : انا حلفت يمين ما تطلع من بيتي الا لبيت زوجها

نايف ما لقى غير هذا الحل : بالطلاق من ام سيف ما تعيش ريم غير عندي لحتى تتزوج

وقف الجد بعصبية : انتم ما عندكم غير بالطلاق بالطلاق

وقف ابو سليمان : يبه هدي وكل شي بالتفاهم خلص انت كفر عن يمينك يبه وخلي البنت تعيش عند ابوها

الجد بعصبية وبحزم وبدون تراجع بقراره: ما علي منه يطلق يزوج ما لي دخل ريم ترجع هنا الحين وبصراخ بسرعة تيجي الحين

الرابع والثلاثون من هنا

تعديل المقال