رواية قلبي ومفتاحه الفصل الثاني والثلاثون 32 بقلم روز امين
بسم الله الرحمن الرحيم لا إله إلا أنت سبحانك إني كنت من الظالمينرواية قلبي ومفتاحه
بقلمي روز آمين
بعد مرور بعض الوقت
وقف سليم مستأذنآ للمغادرة مع عائلته،، بعد جلسة تعارف كانت مريحه ومثمرة لكلا العائلتان !!!
الحاج رأفت بوجه بشوش ٠٠٠ إن شاء الله بكرة هانستناكم علي العشا،، وأنت يا حاج عزت،، ياريت تشرفنا وأخوات حضرتك كمان،، عاوزين نتشرف بوجودكم،،
وكمان علشان أعمام مها وأخوالها ماحضروش الفاتحه،، فابكرة إن شاء الله نتعشي مع بعض ونقرأها تاني،، علشان أعمامها يقرأوها معانا !!!
سليم بتفهم٠٠٠إحنا تحت أمرك طبعآ،، وده حجهم،،بس مالوشي لزوم للعشا،، ماعايزينش نتعبكم ويانا !!!
رأفت٠٠٠ تعبكم راحه يا حاج،، وبعدين ده واجبكم علينا !!
ماجدة ناظرة ل ليلي ٠٠٠خليكي إنتي والبنات منورنا شويه كمان،، ملحقناش نشبع من قعدتكم الحلوة دي،، ودكتور أدهم يبقي يوصلكم براحتكم !!
ليلي ببشاشه٠٠٠ماهاينفعش يا حبيبتي،، إخواتي مستنيينا هانجعد وياهم شوي جبل ما ننام،،
وبكرة إن شاء الله هناجي ونجعد براحتنا،، والأيام جايه كتير ،،إحنا خلاص بجينا أهل !!!
كان أدهم يقف بجانب مها ويتحدث ٠٠٠هاكلمك أول ماأوصل،، عاوز أسهر معاكي إنهاردة لحد الشمس ماتطلع علينا !!
تحدثت مها ببسمه٠٠٠هاستناك ،،أدهم هو أنتو هتسافرو لشقتك حالآ !!
أجابها أدهم٠٠٠لا يا حبيبي،، إحنا هنبات هنا في بيت جدي،، ده بيت إخوالي سايبينه لماما وخالاتي ،،ورثهم يعني،، أي واحده منهم بتيجي هنا بتقعد فيه،، إحنا قاعدين لبكرة،، بعد بكرة الحاج وماما وإخواتي هايسافرو سوهاج علشان يجهزو لكتب الكتاب،،وكمان علشان يبلغو العيله ويستعدو،،
وأنا هارجع القاهرة علشان شغلي
ونظر لها بحب ٠٠٠هاروح علشان أجهز نفسي أنا كمان،، عريس بقا !!نظرت له بخجل وإبتسمت !!
إستأذنو وذهبو !!!
نظر رأفت إلي مها،، وسعد لسعادة وجهها المنير،، أشار بيده لها وبدورها أسرعت له وأرتمت بحضنه لتروي روحها من حنان أبيها الفريد ♡♡
رأفت بسعادة٠٠٠مبروك يا مها ♡
مها وهي تشدد من إحتضانه وضمته بسعادة٠٠٠ الله يبارك فيك يا حبيبي،، ربنا يخليك ليا ومايحرمنيش منك أبدآ يا بابا !!!
ربت علي ظهرها بحنان ووضع قبله حانيه علي جبينها !!
ماجده بسعادة٠٠٠العريس زي القمر،، الله أكبر طول بعرض بجمال بأدب،، اللي يشوفه مايقولش صعيدي خالص !!!
أحمد بضحك٠٠٠ماما فاكرة الصعايده زي المسلسلات ما بتجيبهم،،لابسين جلاليب ومربيين شنبهم وحواجبهم مترين !!
ضحكو جميعآ !!!
بعد مده صعدت مها لغرفتها،،
كانت في قمة سعادتها،، توضأت وصلة ركعتين شكر لوجه الله الكريم الذي إستجاب لدعائها وقرب بينها وبين معشوق عينيها في الحلال !!
ودعت الله أن يتمم عليها تلك الفرحه بخير وسلام !!
بعد صلاتها ودعائها وجدت هاتفها يرن،، خلعت عنها إسدالها وجلست علي سريرها بسعادة لتحادث رفيق روحها ♡♡
ظغطت علي زر الإستقبال،، علي الفور أتاها صوته الحنون ♡
أدهم بصوت حنون٠٠٠٠وحشتيني ♡♡
مها ببسمه ووجه يشع سعادة٠٠٠لحقت أوحشك،، أنا لسه كنت معاك ♡
أدهم بحنان٠٠٠إنتي بتوحشيني وإنتي معايآ أصلآ !!!
ثم ناداها بصوت مفرط بالحنان٠٠٠يامها ♡♡
ردت عليه بنعومه ٠٠٠يا نعم ♡♡
أدهم بهيام٠٠٠هو أنتي ليه حلوة أوي كده؟؟
وأكمل بحب ٠٠تعرفي إني كنت هموت وأحضنك إنهاردة،، كان نفسي أوي أضمك لقلبي وأبص في عيونك،، وأشم نفسك وأسحبه كله وأحبسه جوه صدري،، علشان أتنفسك ♡♡
صدقيني لولا وجود اللي حوالينا،، لكان حبيبك إتهور وعمل حاجات يعاقب عليها الشرع والقانون♡
وتحدث بجنون٠٠٠٠وصدقيني ماكنتش هاندم لحظه واحده علي اللي هاعمله♡
مها بخجل من جرأة كلماته ٠٠٠٠عيب كده يا أدهم !!
أدهم بنفي وجرأه٠٠٠لا مش عيب يا مها ،،إنتي حبيبتي وخطيبتي وكمان إسبوع وهاتبقي مراتي،، نور عيني اللي هاعيش معاها وهاعيشها أحلا سنين عمرنا !!
أنا هاعيشك اللي عمرك ماكنتي هاتعيشيه غير مع أدهم سليم وبس،،
أصلآ ماحدش في الدنيا دي كلها حبك أد أدهم،، وعلشان كده ماحدش كان هايعرف يوريكي اللي أدهم هايورهولك وهاتشوفيه في حضنه،،ياروح وقلب أدهم من جوه ♡♡
مها ناطقه لإسمه بهيام٠٠٠أدهم ♡♡
أدهم بعشق٠٠٠عيون أدهم،،ياروح ونبض قلب أدهم،،أؤمريني يا مها وأنا أجبلك الدنيا كلها تحت رجليكي ♡♡
مها بحب٠٠٠ربنا يخليك ليا يا حبيبي،، أنا بحبك أوي،، وبجد مبسوطه جدآ إنهاردة ومش مصدقه نفسي،، معقول خلاص بقيت ملكك ♡
أدهم بتملك وثقه٠٠٠لا يا مها،، إنتي ملكي من يوم ما شفتك،، ملكي حتي من قبل ما تتولدي ،،إنتي بتاعة أدهم سليم،، نور عيونه ونبض قلبه،، إنتي دلعي اللي هاشوفه علي أديكي يا مها ♡♡
وأكمل بقلة صبر٠٠٠٠إمتي بقا الإسبوع ده يعدي،، مش قادر أصبر أكتر من كده !!
تحدثت بدلع وإستفزاز٠٠٠وإنت بقا متخيل أيه اللي ممكن يتغير بعد الأسبوع ده يا أدهم يا سليم ؟؟
وأكملت لتغيظه٠٠٠علي فكرة بقا يا بيبي ،،ماما قالتلي،، إن بابا لما أخدك ووقفتو بره لوحدكم،، إتفق معاك إن من بعد كتب الكتاب ولحد يوم الفرح،،
ممنوع تلمسني بأي شكل من الأشكال،، وإن مش معني إنك هاتكتب كتابك عليا،، إن سيادتك تفتكر إني بقيت مراتك بجد وتاخد راحتك أوي معايا !!!
كانت تقول كلماتها برواق وهدوء وكأنها تغيظه،، كان يستمع لها ويضحك علي سذاجتها،،وعندما إنتهت من حديثها المثير للضحك بالنسبه له !!
هنا ضحك بعلو صوته ضحكته الرجوليه التي أذابتها،، وجعلت جسدها بأكمله يرتعش من سحر ضحكته،، وحمدت الله أنها لم تكن معه بتلك اللحظه،، وإلا كانت إنهارت وأرتمت بين أحضانه،،وليكن ما يكون !!!
تحدث بصوت رجولي جذاب٠٠٠بابا يقول اللي هو عاوزه،، أما أنا بقا،، فابمجرد ما أمضي علي عقد جوازنا مافيش مخلوق في الكون ده كله،، هايقدر ياخدك من حضني تاني،، إنتي مكتوبه علي إسمي من يوم ولادتك ♡♡
وتحدث بتفاخر ٠٠٠يابنتي إنتي أساسآ ملكي من قبل الجواز،، قلبك،، وعقلك،، وروحك،، وكيانك،،كل دول ملك ل أدهم،، بيعشقو أدهم،، بيدوبو ويتسحرو لما يشوفو أدهم قدامهم ♡♡
وتحدث بغرور٠٠٠أنا بالعقد ده هابقي باملك أخر حاجه فيكي ماأملكهاش،، وهي جسمك،، واللي بإمتلاكه هبقا ملكت الدنيا كلها،، وإكتملت يا ملكة زماني،،وحورية أيامي ♡♡
تحدث بسحر مناديآ عليها ٠٠٠يا مها ♡♡
كانت تستمع له بعيون مغلقه وقلب نابض،، وروح حالمه وسارحه في ملكوت كلماته،،التي تنزل عليها تدغدغ مشاعرها ،،وكأنها تستمع لأجمل لحن مر علي أذنيها بكامل حياتها ♡♡
أفاقت علي صوته يناديها بسحر ♡
ردت كمسحورة بصوت هائم بحبه ٠٠٠ يا نعم ♡
أدهم بحب٠٠٠هو أنا ليه بحبك أوي كده ؟؟أنا ليه وأنا معاكي بحس نفسي طاير وعايش في عالم تاني ♡
أنا أنهارده وأنا قاعد معاكي كنت بجاهد نفسي بصعوبه،، علشان ماأبانش ضعيف وخايب أوي قدامهم،،خوفت بباكي يقول عليا ايه الواد الخرع اللي جاي يطلب إيد بنتي ده ؟؟
مها بإنتشاء ٠٠٠علي فكره بقا،، بابا أعجب بيك وبشخصيتك جدآ،، لدرجة إنه قعد يقول فيك شعر،، وأد أيه إنت راجل محترم وعاقل ورزين،، وأد أيه متربي وكلامك بيدل علي شخصيتك الناضجه !!!
رد عليها بلؤم٠٠٠طب وياتري عجبت بنت بابا هي كمان؟؟
مها بدلع ودلال٠٠٠بنت بابا دومي عاجبها من أول يوم بص في عيونها،، بنت بابا بتعشق دومي،، وقلب دومي،، وعيون دومي،، وكل دومي ♡♡
حراااام عليكي،،قالها بشوق حارق ٠٠٠وأكمل٠٠٠ليه كده يا مها؟؟ إنتي عارفه إنتي عملتي أيه فيا بكلامك ده،، إرحميني حرام عليكي ♡♡
وتحدث بتهديد مفتعل٠٠٠علي فكرة بقا ،،أنا مش مسؤل لو ركبت عربيتي وجيت عندك حالآ ،،ولو بباكي سألني هاقوله مش ذنبي ،،ده ذنب بنتك اللي دوبتني وكسرت كل جسمي بكلامها ♡♡
وهنا دخلت ماجده علي مها التي إرتبكت لدرجة أن الهاتف كاد أن يسقط من يدها !!!
مها بإرتباك٠٠٠مااا،،ماما
ماجده بإستغراب٠٠٠أيه يبت مالك،، بتمأمأي كده ليه ؟؟
ثم إبتسمت وقالت٠٠٠٠ بتكلمي أدهم ؟؟
مها ببسمة خجل أومأت لها رأسها بإيجاب٠٠٠أه أدهم !!
ماجده بعمليه٠٠٠طب إدهولي،، عاوزاه !!
كانت تستمع لضحكاته علي الهاتف لموقفها التي وضعت به !!!
تحدثت بأدب مصطنع٠٠٠دكتور أدهم ،،ماما عاوزه تكلمك !!
وأعطت الهاتف لوالدتها !!
ماجده بسعادة٠٠٠٠مساء الخير يا دكتور،، ولا أقول يا أدهم،، وضحكت
أدهم بضحك وإحترام ٠٠٠٠أي حاجه منك جميله يا ماما،، وبعدين دكتور أيه بقا،، إحنا خلاص بقينا أهل !!
ماجده٠٠٠كلمة ماما طالعه من بوقك زي السكر يا حبيبي !!
أدهم بأدب٠٠٠٠ده بعد إذنك،،ولو تسمحيلي حضرتك أقولهالك،، مع إن حضرتك أصغر بكتير من إن واحد في سني يقولك يا ماما !!
ماجده بسعادة٠٠٠ده شيئ يشرفني يا دكتور،،وبعدين مانا خلاص بقيت حماتك رسمي !!
ثم تحدثت بجديه٠٠٠٠بقولك يا دكتور،،كنت عاوزه أعرف منك الأصناف اللي بتحبوها علشان أجهزهالكم بكرة علي العشا،،يعني،، أخاف أعمل حاجه وتطلعو مش بتحبوها !!!
أدهم بإحترام ٠٠٠أي حاجة من إيد حضرتك أكيد هاتعجبنا،، أرجوكي ماتتعبيش نفسك وتحتاري !!!
وبعد إلحاح من ماجده أخبرها أدهم عن عدة أصناف يحبزونها هو وعائلته !!!
وأكمل بجديه٠٠٠أه،،ماما بالمناسبه،،إحنا كلمنا جواهرجي معرفه من القاهرة،، وهاييجي بكرة إن شاء الله ومعاه تشكيله كبيرة من الدهب والمجوهرات،،علشان مها تختار منها شبكتها،،
أنا حبيت أقول لحضرتك علشان ماتتفاجئوش،، الحقيقه الحاج حابب يشتريها قبل ما يرجع علي سوهاج،، وماحبش يتعب حضراتكم وتسافرو القاهرة !!!
ماجده بترحاب٠٠٠ياحبيبي البيت بيتك،، وأي حد من طرفك ينور ويشرف،، وصدقني يادكتور مالوش لزوم،، كفايه أوي الدهب اللي جبتوه إنهاردة !!!
أدهم بلباقه٠٠٠لا طبعآ يا ماما،،مها غاليه،، وغاليه أوي كمان،،ولازم يجيلها أحلا وأغلي شبكه،، أنا لو أطول أجبلها نجمه من السما وأحطها تحت رجليها،، أكيد مش هتأخر !!!
ماجده بفرحه٠٠٠ربنا يكرم أصلك يا حبيبي ويتمم فرحتكم علي خير،، يلا يا حبيبي تصبح على خير،، مها معاك أهي !!!
وأعطت الهاتف ل مها وخرجت !!
أدهم بلؤم ٠٠٠كنا بنقول أيه بقا ؟؟
مها بضحكه خطفت قلبه٠٠٠ماكناش بنقول حاجه،،وروح نام بقا يادومي وسيبني في حالي،، أنا ماما جايبلنا تحت برج حمام عاوز يتنظف ويتحشي !!!
وتحدثت بمرح٠٠٠ماما خلاص أعلنت الطوارئ،،بعتت لعماتي وخالاتي وكلهم جم تحت،، عندهم حفله سوارية مع ديوك الرومي والبط والحمام،، فلو سمحت سيبني أنزل علشان ماأخدش كارت أحمر !!
أدهم ب مشاكسه٠٠٠بس أنا بقا مش باكل الحمام غير من إيد ليلي !!
مها ب تفاخر٠٠٠طب إستني لما تاكله من إيد ماجده وبنت ماجده وبعدين أحكم !!
أدهم بلؤم٠٠٠لكن أنا مش عاوز أكل حمام من إيد بنت ماجده،،
وتحدث بصوت حنون٠٠٠أنا عاوز أكل بنت ماجده شخصيآ،، مش عاوز حاجه من الدنيا كلها غيرها ♡♡
وذهبا مجددآ في رحله لعالمهم الخاص ♡♡
◇◇◇◇◇◇◇◇◇◇◇◇◇◇◇◇◇
في اليوم التالي
ذهب أدهم وعائلته،، وليلي دعت أخاها حسين ليحضر قرائة الفاتحه،، فهو أخاها الكبير وتقدرة،، وقرأت الفاتحه بحضور جمع كبير من العائلتان !!
بعدها إختارت مها شبكتها،، التي كانت عبارة عن،، خاتم من الألماس وعقد ألماس رقيق وفريد،، وإسوارة أيضآ وفرط ليكتمل الطاقم،،
وقد أهداها الحاج سليم طقم من الذهب الخالص !! وأيضآ أختار لها والدها عقدآ وإسواره كهديه منه لإبنته وقرة عينه الغاليه !!وقد ألبسها أدهم شبكتها في جو مبهج وسعيد للجميع !!!
ثم إتجهو لسفرة العشاء،، التي كانت عبارة عن وليمه ضخمه مكونه من خمس سفر متلاصقه ومليئه بنعم الله وخيرة عليهم ،،حقآ كانت وليمه مشرفه للغايه،، جلس الجمع في ود وتفاهم وسعاده ،،ثم إنصرفو كل منهم ليتجهزو لليلة عقد القران التي ستقام بمنزل رأفت !!
◇◇◇◇◇◇◇◇◇◇◇◇◇
في اليوم التالي،، ذهبت ليلي وبناتها للمكوث ببيت حسين حتي موعد عقد القران،، فقد سافر سليم وأحمد لدعوة أقربائهم لعقد القران،، وقد طلب منها سليم المكوث عند أخيها،، بما أن عقدالقران بعد عدة أيام قله فلا داعي لسفرهم،، وخصوصآ أن سميه كانت بصبحة أطفالها !!
كانت عزه تجلس مع ليلي في الحديقه يحتسون القهوه،،
وكانت سعيده للغايه بخطبة أدهم ل مها،،فبهذه الزيجه ساينتهي كابوس مها المزعج بالنسبه لها !!
تحدثت عزه بخجل٠٠٠أنا مكسوفه منك جدآ يا ليلي ،،من إللي عمله عماد مع أدهم،، وبجد أسفه بالنيابه عن عماد !!
ليلي بإستغراب٠٠٠وهو أيه اللي كان حوصل بين أدهم وعماد يا عزه؟؟
عزه ٠٠٠ليه هو أدهم ماحكالكيش ؟؟
ليلي ٠٠٠إنتي خابرة أدهم زين،،تجيل ومايحبش يحكي كتير،،طبعه إكده،،مش كل اللي جواه بيخرجه !!
بدأت عزه بقص الروايه ل ليلي،، سمعت منها ليلي وحزنت علي حال عماد،،ثم صعدت له غرفته ودلفت لتتحدث معه،، فهو إبن أخيها الغالي الذي تحبه !!
ليلي بوجه بشوش٠٠٠حبيب جلب عمته الغالي ولد الغالي،، جاعد إهني لوحده وسايبني ليه،،أيه ياواد،، معايزش تجعد ويا عمتك ؟؟
وقف عماد سريعآ إحترامآ لعمته الحنون٠٠٠عمتو،، تعالي يا حبيبتي إتفضلي !!
ليلي جلست بجانبه ووضعت يدها علي خده بحنان
وتحدثت٠٠٠إنت عارف إني بحبك زي ولادي ولا لاء ؟؟
عماد بحب٠٠أكيد يا حبيبتى!!
فبدأو بالكلام وبعد كلام ومناوشات وتفسيرات !!
تحدث عماد٠٠٠أدهم كان عارف إني بحبها يا عمتو،، وبرغم كده قرب منها وإستغل زعلها مني !!
ليلي ٠٠٠صدجني يا جلبي ماكانش يعرف،، أدهم حبها من أول مشافها وأنا لاحظت إكده عليه،، ولما عرف فاتها،،
وجتها أني ماكنتش خابرة هو فاتها ليه؟؟
ماعرفتش غير من أمك دالوج،،وجتها جولتله وأتحايلت عليه يرجعلها لانه تعب يا نضري وكان حزين ،،وصدجني جلبه اللي رجعه ليها تاني !!!
وبعدين يا عماد ماتزعلش مني،، البت عشجاه،، وجوي كمان،، يعني هاتجبلها علي نفسك تاخد واحده عاشجه غيرك،،
وكمان أني شفت خطيبتك جمر في ليله الله أكبر،، إرضي بنصيبك يا ولدي وأفرح لخوك،،ولو كت غاليه عليك إنسي عداوتك ل أدهم،،
ده ولدي بردك وإنت كمان ولدي،، جلبي حزين عشان فرجتكم دي،، إوعدني يا عمده إنك تنسي صراعك ويا أدهم !!
عماد بإحترام ٠٠٠حاضر يا عمتي،، أناعلشان خاطرك أعمل أي حاجه!!!
◇◇◇◇◇◇◇◇◇◇◇◇◇◇◇◇◇◇
بعد يومان
في إحدي النوادي الليليه،، حيث الأضواء الخافته والموسيقي العاليه،، كان يجلس علي( البار) كلآ من عماد وعاصم وأمجد في سهرة شبابيه،، كانا عاصم وأمجد يحاولا تهدئة عماد بعد سماعه خبر خطبة مها وأدهم،، فهو مازال عاشقآ لها حتي النخاع ،،وتأثر وجن جنونه،، ولولا كلامه مع عمته ليلي لكان إفتعل أي شيئ ليبرد نارة من ناحية أدهم !!
عاصم بتعقل ٠٠٠٠خلاص بقا يا عماد حاول تنساها،، دي كلها يومين وتبقي مرات إبن عمتك،، وأكيد هاتجمعك بيها مناسبات كتير بحكم القرابه ،،فلازم تنساها علشان خاطر عمتك !!!
عماد بحزن٠٠٠مش قادر يا عاصم،، مش قادر يا ناس،، إنت متخيل إنت بتطلب مني أيه ؟؟
أنسي حب عمري كله،، أنسي روحي اللي عايشه معايا وملزماني زي ضلي !!!
أمجد بنفاذ صبر ٠٠٠ماخلاص بقا يلا،،، ماتجمد كده أومال وفوق لنفسك،، ماكانتش حتة بت اللي مقطعينلي بعض عليها أنت وأدهم ده كمان،،رجاله خيخه صحيح،،
ليه إن شاء الله،، من قلة الحريم،،
دا أنت عماد علي يلا،، بإشاره من صباع إيدك تترمي تحت رجلك ملكات الجمال ،،ماتسترجل كده !!!
عاصم بلوم٠٠٠ليه،، هو إنت فاكر كل الرجاله زيك يا أمجد،، الدنيا كلها عندهم حريم،، فيه حاجه إسمها حب يا بني أدم،، سمعت عنه ؟؟
أمجد ببرود وهو يضع إحدي حبات البندق بفمه٠٠٠لا يا حبيبي،، لا سمعت،،ولا عاوز أسمع ،،وكفايه أوي اللي إنتو شفتوه من اللي إسمه أيه ده،،، الحب !!!
وأكمل بلوم ناظرآ لعماد٠٠٠وبعدين تعالالي هنا،،إنت عاملي محزنه عليها ليه؟؟ وإنت أصلا محاربتش عليها ؟؟
عماد بغضب٠٠٠٠أنا ماحاربتش علشانها؟؟طب وخناقاتي مع أبوك دي كلها كانت ليه؟ مش علشانها ؟؟
أمجد٠٠٠٠عمده،،بص في عنيا كويس ،،إنت ماوقفتش قدام أبويا وإستسلمت علشان أبويا قوي وأنت ياحرااام خفت منه،، علشان هايحرم إخواتك من ورثهم،، لا ياحبيبي ،،فوق يا عمده،،إنت خفت علي منصبك والإمتيازات الكتيييير أوي،، اللي مديهالك حسين بيه،، واللي إتحصلت علي ضعفها بعد خطوبتك لبنت شريكة،،
الإمتيازات اللي إحنا نفسنا يا ولاده مانملكش نصها،،
ثم نظر له بجرأه وهي يعري حقيقته أمامهم٠٠٠إنت عارف كويس أوي إن أبويا عمرة ما كان هياكل حق بنات أخوه،،ولا حقك إنت شخصيآ،، ده كان مجرد تهديد،،أبويا مش وحش أوي كده يا عماد !!
تعالي نبص من الناحيه التانيه بقا،، أدهم عمل أيه علشان البنت دي ،،راح وقف قدام أبوه وبكل جرأه فسخ خطوبته من بنت عمه،، وكان ممكن جدآ أبوه يغضب عليه بسبب الحركه دي،،لكن طلع دكر وماهموش،، كل اللي هامه هو حبه ليها وقربه منها وإزاي يوصلها !!
وهنا سفق أمجد بيده٠٠٠٠وكده خلصت يا معلم،، هو أحق بيها ويستاهلها وبجدارة،،واد برنس،،، إنت بقا خليك ذكي وبلاش تخسر كل حاجه ،،
كانا عاصم وعماد ينظران له ويعلمان بداخلهما أن معظم كلامه صحيح !!!
وأكمل أمجد٠٠٠تعرف يا عمده أنا لو منك أعمل أيه؟؟ أخد فريده في دراعي وأروح أحضر كتب الكتاب،، وأبين للكل إن أنا عماد علي،، ولا بيهمني !!!
◇◇◇◇◇◇◇◇◇◇◇◇◇◇
وأخيرآ♡
أتي اليوم الذي سايوثق به أدهم عقد إمتلاكه لمن ملكة فؤادة ♡
في منزل رأفت،،كان الجميع يقف علي قدم وساق للتجهيزات لحفلة عقد القران،،
كان المنزل مليئ بالأقرباء والأحباء ،،وصديقات مها اللواتي حضرن للوقوف بجانب صديقتهم الغاليه،،
تعاقد رأفت مع شركة تجهيز الحفلات ،،للتكفل بالحفل من مأكولات ومشاريب وزينة المكان الخاص بالحفل !!
منزل رأفت تحيطه مساحه هائله من الأرض الخاليه،، وقد إستغلها منظم الحفل بصنع حفل ولا أروع بأجواء ساحرة،،
فقد حدد مساحه بوضع الورود والأنوار،، ووزع بداخلها التربيزات والمقاعد المزينه بالمفارش البيضاء والموضوع عليها الزهور لإستقبال المعازيم،،
أما موضع جلوس العروسان،، فوضعو حوله ستائر حريريه شفافه تتهافت من الهواء،، مزينه بورود بيضاء وأخري حمراء،، ووضع أمامهم (دانس فلور) مستدير ومضيئ بأنوار ساحره لرقص العروسان فوقه !!
كانت مها بغرفتها برفقة إحدي المتخصصات لتزينها ليومها المميز،، فاليوم هو موعد إكتمالها،،
بعد مدة،، كان أدهم يجلس داخل غرفه الضيوف،، ومعه جميع عائلته وعائلتها ،،واضعآ يده بيد رأفت ليتممو مراسم عقد القران ♡
بنفس اللحظه نزلت مها وجلست لمكانها المخصص،، تحت أنظار جميع المعازيم المنبهرين بجمالها وسحرها وأناقتها بفستانها ومكياجها الرقيق الرائع ♡
♡ما كل هذا السحر صغيرتي ♡
كانت النظرات ما بين محب وسعيد وأخر حاقد وحاسد،،
بعد الإنتهاء من المراسم وبعد المباركات ل أدهم !!
خرج كا أمير يجول بعيناه ويبحث عن أميرته،،
وصل لمكان الحفل،، نظر بعيناه،، وجدها أخيرآ،، كانت كانجمة لامعه مضيئه في ليل صيفياً ساحر ♡
أسرع إليها كالمسحور كانت تقوده أرجله بدون عقل ،،كان الجميع ينظر له ليهنئوه،،ولكنه تخطاهم جميعآ ولم يعر لأي منهم أهميه،،
وأخيرآ وصل لها،، وقف بوجهها،، أمسك وجهها بكفيه وهو ينظر لها بلهفه وسعادة غامرة،، كان حالها كحاله،، تنظر له بسحر وعيون عاشقه،، غير مستوعبه لكل ما يحدث حولها ♡
نظر بعيونها بلهفه وقال٠٠٠مبروك يا حبيبي،، مبروووك أخيرآ بقيتي ملكي وبقيت ملكك يا مها ♡
وبدون مقدمات وضع قبله علي وجنتها،، ثم ضمها بقوة وأغمض عيناه وتأوه بسعاده،،كاد أن يدخلها داخل عظامه،، كانت تضمه وهي مغمضة العينان،، غامسه أنفها داخل عنقه،، تشتم رائحة جسده التي طالما تمنت أن تشتمها،، والأن أصبح حلالها،،فلتتمتع به ولو قليلآ ♡
هو أيضآ كان يشتم رائحتها العطرة،، ويضمها له بعنف،، واضعآ يده علي ظهرها يتحسسه بحنان ♡
لم يشعرا بحالهما إلا وماجده تتلمسهم بحنان لتفض ذلك الإشتباك الساخن الظاهر للجميع،، وخوفآ أيضآ من أولادها الذكور،، فهم غيورين بشدة علي أخواتهم،،
حتي ولو كان زوجها،، فليس له الحق بإحتضانها أمام العلن هكذا،، هذا ما كان يحدث حاله به دكتور محمد المٌستشاط من هذا الأدهم،، الذي أتي وأختطف جوهرتهم الثمينه من بين يديهم !!!
مها ناظرة بخجل لوالدتها،، التي بدورها أخذتها داخل أحضانها بسعادة غامرة،، وأيضآ ليلي التي إحتضنت صغيرها بكل حب وسعادة ،،وألتف حولهم الأهل والاحباب للمباركة لهم،،
وبعد وقت كبير،، أخيرآ جلسا ليستريحا ،،كان ممسكآ بيدها محتضنآ إياها بشده،، لم يتركها لحظه،،
قبلها بحنان وقال ٠٠٠مبروك يا مها،،خلاص بقيتي مراتي ♡
نظرت له بسعادة٠٠٠بحبك يا أدهم،،بحبك أوي ♡
أدهم بفرحه٠٠٠يا قلب أدهم وفرحة أدهم،، وروح أدهم اللي إكتملت بيكي يا مها !!
أتت أريج٠٠٠٠مبررررروك يا دكتور،، ألف مبروك،، خلي بالك من ماهي ،،البت بتحبك ♡
أدهم ناظرآ لمها بهيام٠٠٠وأنا بعشقها،، وهاحطها جوه عيوني وهاقفل عليها برموش عنيا ♡
أريج ٠٠أحم أحم نحن هنا يا دكتور،، ثم ضحكت وذهبت وتركتهم لعشقهم ♡
إنطلقت الموسيقي الخاصه برقصتهم الأولي معآ،، وقف أدهم ماددآ يده لها ،،وبنظرة ناعمه أخذها بين يديه ووقفا معآ علي(الدانس فلور) لف يده بإمتلاك حول ظهرها،، مما جعل القشعريرة تسري في جسدها،، وأمسك يدها بيده ،،
ومن جانبها وضعت يدها علي كتفه بحنان،، ونظرا لبعضهما بشوق،، متناسين الكون بأكمله،، وظل يرقصان معآ
علي نغمات هادئه،،وورقات الورود تهبط عليهم بنعومه،، والستائر الناعمه ترفرف حولهم مع أعقاد الورود التي تهتز من الهواء،، في مظهر رومانسي ساحر ♡
كانت عزه تجلس مع مروة وجيجي زوجة حسين،، وزوجات ولديها عاصم وأمجد،، فاريهام لم تحضر،،لم ترد أن تري عشق روحها بأحضان غيرها،، وأيضآ عماد لم يحضر لنفس السبب !!
تحدثت جيجي بعتاب٠٠٠هي دي اللي قولتو عليها مش أد المقام ولازم أجيب لإبني واحده تليق بيه،، دول أهلها نقلو أفخم وأحدث القاعات لبيتهم،،شايفه البوفيه عامل إزاي؟؟
ولا البنت وجمالها ورقتها،،ربنا يسامحك يا عزه إنتي وحسين جوزي علي اللي عملتوة في عماد !!!
عزة٠٠٠خلاص يا جيجي أنا مش ناقصاكي،، كفايه عليا عماد وحالته اللي وصلها من يوم ماعرف خبر خطوبتهم رسمي !!
مروة ٠٠٠مالوش لازمه الكلام ده يا جماعه،، البنت شكلها بتحب أدهم أوي،، وبعدين أدهم محترم ويستاهلها !!
علي ترابيزه أخري،،تجلس هنيه والده سلمي زوجة أحمد وتتحدث بغيظ مع سلمي وعاليا ٠٠٠شوفو البت اللي تدب بعينها رصاصه،، حجيجي جليلة حيا ،،شوفو بتترجص وياه كيف،، وعماله تتنطط ويا أصحابها وتترجص يمين وشمال،، بجا يا أبن ليلي تسيب بتي عشان تاخد الرجاصه دي،، طب كت جولي وأني كت حزمتهالك يا نضري !!!
سلمي تتلفت حولها يمينآ ويسار٠٠٠أحب علي يدك تسكتي يا أماي،، ل حد يسمعنا مانخلصوشي،، سيبيهم يشبعو ببعض !!
في هذه اللحظات أتت إليهم ليلي بوجهها البشوش٠٠٠٠منوره يا أم إيهاب،،عجبالك يا عاليا،، وإنتي عجبال ماتجومي بالسلامه يا سالمه وتجبيلنا سليم اللصغير !!!
إبتسمت هنيه إبتسامه صفراء٠٠٠جريب جوي إحنا كمان هنكتبو اللكتاب ونعلو الجواب لعاليا علي إبن أخوي،،
بس ما كتوش جادرين تأجلو لحد مانكتبو إحنا الاول عشان حديت الناس !!
ليلي ببسمه٠٠٠والله ماهاتفرج يا سلفتي ،،ربنا يفرحنا كلياتنا ،،هانعملو أيه بحديت الناس إحنا ،،وبعدين الناس ماهاتبطلش كلام علي الفاضيه والمليانه !!
بعد إنتهاء الليله،، نزلت مها ودخلت بيت أبيها برفقة أدهم،، الذي لم يتركها ولم يحول عنها نظرة،، ولم يترك يدها لحظه واحده !!!
ماجده بسعاده٠٠٠أنا محضرالكم العشا بتاعكم في الأوضه دي،، تعالو إغسلو إديكم كويس علشان تاكلو !!
أدهم بإحراج٠٠٠ماما بعد إذنك أنا عاوز أقعد مع مها لوحدنا،، وكمان بعد إذنك أنا عاوز أشوف شعرها !!
ماجده بتفهم٠٠٠وماله يا حبيبي،، حقك،،إنت خلاص بقيت جوزها رسمي !!
ثم نظرت ل مها٠٠٠ إدخلي يا مها مع أدهم في أوضة الأنتريه،، والعشا هايكون عندكم حالآ !!
دلفت مها بخجل مع أدهم،، ووضعت ماجده العشاء وخرجت وأغلقت خلفها الباب !!
وبدأ أدهم علي الفور وبلهفه بفك حجابها ليري شعر أميرته !!
إنتهي من فكه،، وما أن نزعه عنها حتي ظهرت سدائل الليل السوداء،، فقد كان شعرها أسود حريريآ كاظلمة الليل ،،كان مظهرها كامهرة عربيه أصيله !!!
نظر لها بجنون عاشق قائلآ٠٠٠إنتي إزاي حلوة أوي كده؟؟
ونظر لكريزتيها بشوق وقرر أن يقطف أول ثمارهما معآ،، فمال علي شفتاها برقه ،، في أول قبله لهما معآ ♡
وأحتضنها بشده رافعآ إياها بحضنه،، ليذوبا معآ في أحضان الهوي ♡
