رواية طفولتي المشتتة الفصل الواحد والثلاثون 31 بقلم ضاقت انفاسي
فجأة سمعت صوت اقتربت من سياج البلكونه وناظرت للاسفل بهدوء ما حد رح يشوفني لانه الغرفه مظلمه
كانوا الشباب واقفين تحت ويسولفون وفجأة لمحت طيف سليمان قادم وهو مبتسم للشباب
تقدم منهم وهو يبتسم وبصوت عالي شوي باركولي يا شباب
بدات التبريكات تنهل على سليمان وهو يضحك ومبسوط عالاخير
سأله واحد من الشباب : الحين لك شهر مقرفنا ما تبغى تخطب والحين اشوف الابتسامه العريضه على وجهك وش للي تغير ؟
رد عليه سليمان وهو يبتسم بفرح : ما تغير شي يا بدر كيف ما ودك اياني افرح وانا مناسب عمي ابو خالد
ناظروه الشباب وعلى راسهم علامات استفهام
عمر وهو معقد حواجبه : قصدك عمي ابو سيف الظاهر انك من الفرحه خربطت بالاسماء
سليمان وهو مبسوط على الاخير وهو يناظر عمر : ما خربطت لاني اليوم ملكتي على سديم بنت عمي فيصل وناظر الشباب وهو يبتسم والفرحه تشع من عيونه
بصراحة كانت صدمه لي مستحيل مستحيل طيب وانااااااا
اخذت نفس عميق حتى اقدر اضبط اعصابي
كيف يملك على سديم الزفته اكيد لعبن بعقله الجوز الثلاثي
واخذنه مني جلست على الارض وانا مو قادرة استوعب يعني خلاص طار العريس ما في فستان ما في كوشه ما في زفه شديت على قبضه يدي وانا اردد مستحيل مستحيل
سمعت واحد من الشباب يسأل : كيف ؟؟ وريم والفحوصات اليوم وش للي تغير ؟؟
سمعت صوت سليمان يرد: هذا جدي جاء الحين يوضح لكم كل شي
وبعد دقايق سمعت صوت جدي سلم على الشباب
من الصدمه ما قدرت اوقف اشوف اكتفيت اني اسمع اصواتهم
الجد بهدوء ناظر الشباب : اكيد عرفتوا انه ملكة ريم من سليمان انلغت
بدر بتعجب : والسبب ؟؟
ناظره الجد وبعدها وزع نظره على باقي الشباب : ما تطابقت الفحوصات
وبعدها كمل وين الحريم ؟؟
سامر : بالصاله الداخليه
الجد ناظر سامر وبامر : روح تأكد انه الكل بالداخل واقفل الباب الخارجي الكلام للي ودي اقوله ما ودي حد يسمعه المفروض نتكلم بالمكتب بس ما في وقت الملاك على الطريق وربعنا على وصول وسكت لدقايق
بعد ما اشر له سامر انه الوضع تمام ناظر الجد احفاده وبعدها تكلم بهدوء : الحين رح نملك لسليمان وسديم
وبعدها ناظر الشباب وسألهم كلهم نفس السؤال وكلهم اجابوا نفس الاجابه الا شخص واحد ما كان وده يرفض لكن اضطر انه يرفض لاسباب راجعه له
بعد ما سمع اجاباتهم
رد عليهم بصيق براحتكم انا مستحيل اغصب واحد منكم على شي ما يريده وخاصة الزواج لازم يكون اختياري مو بالغصب
والحين يالله على المجلس الجماعه على وصول
مشى الجد وتبعه اولاده واحفاده والسكوت سيد الموقف ......
*
*
*
وقفت على طولي وانا احط يدي على فمي امنع شهقاتي وبداخلي مستحيل مستحيل انا يعرضني على احفاده امتلات عيوني بالدموع وبسرعة توجهت للسرير ورميت نفسي عليه وانا ابكي مو مصدقه يعرضني عليهم وبالاخير كلهم رفضوني وين اودي وجهي الحين من الجوز الثلاثي ومعايرتهن وخاصه بعد العرس للي عملته الصبح رح يشتفون بي ويتشمتون اخخخخخ يالقهر
وعضيت على شفايفي من القهر ودموعي ما وقفن بكى
لا تقولون الموضوع ما يسوى كل هذا البكاء حطوا نفسكم مكاني تكونوا متجهزين للملكه وفجأة ما في ملكة ولا خرابيط صعبه والله صعبه وخاصة انه المعرس قدام الكل انه يبين للكل انه رافضني ومبسوط انه ارتاح مني ليه
حطوا نفسكم مكاني انعرض على اولاد عمي وكلهم يرفضوني والله صعبه صعبه
بس لحظه نهضت نفسي وجلست على السرير ليه انا ابكي علشان يتشمتون بي لكن حامض على بوزهم اصلا هو المفروض هم يبكون خسروا وحده مثلي والله لاقهرهم كلهم مثل قهروني والايام بيننا
مسحت دموعي ودخلت للحمام وغسلت وجهي اكثر من مره وانا اخذ نفس علشان تروح الدموع
وبعدها طلعت من الحمام وناظرت نفسي بالمرايه رتبت شعري من جديد
ورجعت للبلكونه ووقفت عند السياج وانا حاسه حالي محطمه من الداخل كلما افرح ما تكمل فرحتي .....
*
*
*
*
الجده بفرحه : الحمد لله الحمد لله يا كثر فرحتي انه سليمان ملك على سديم الحمد لله
ام سليمان وهي واقفه بوسط الصاله وتضحك : نفسي اشوف شكل ريم لما تعرف انه سليمان ملك على سديم
ام خالد تناظر سديم للي وجهها احمر من الخجل : اسمعيني زين كل صبح ومساء تحصنين نفسك من هالريم بلاه تحسدك هاذي حسوده وعينها حاره مثل امها
سديم بفرحه واحراج : ان شاء الله يمه
الجده تقوم من مكانه وتجلس جنب سديم وتبوسها : امواح هذول البنات الخجولات مو مثل قليله الحياء للي تترقص ما في حياء ولا مستحى
ام سليمان بتأييد : صادقة يا خالتي الحمد لله انفكينا منها .......
وبعدها التفوا البنات حول سديم يخططون للملكه الاسبوع القادم .........
*
*
*
*
*
دقيت الباب بطرقات خفيفة وبعدها فتحته ما انتظرت منها الاذن بالدخول
كانت الغرفه ظلام شغلت واحد الاضواء الخفيفه ناظرت انحاء الغرفه ما كانت موجوده وبعدها وقعت عيني على البلكونه استغربت وجود طفلة صغيرة بالغرفه بعدها استوعبت مستحيل بهذا الوقت استدارت ريم وناظرتني
كان الهواء يلعب بشعرها الطويل ولابسه فستان حق البزران وقصيره وايد ونحيفه بشكل كبير
بصراحة بقيت مكاني اتأملها
لما شافتني دخلت الغرفه كانت تمشي حافيه وابتسمت ابتسامه خفيفة انرت الاضاءه القويه وتأملت ملامحها كانت عيونها وسيعه نفس نايف ورموشها كثيفه لون عيونها غريب للوهله الاولى تظن انه ملون لكن لما تقترب لونهم عسلي
انفها وسط لا صغير ولا كبير مناسب لوجهها اما فمها نفس امها لا هو كبير ولا صغير مرسوم رسم وعلى جانب فمها الايسر حبت خال صغيره معطيتها جمال زياده
وجها دائري طفولي بشرتها بيضاء بس في بعض حبوب بسيطه منتشره بوجهها يمكن لانها في فتره مراهقه
بس اذا شفتها تحلف يمين انها عمرها 10سنوات طفله صغيره
لما تأملتها بعدها قررت اعود ادراجي وهونت عن الموضوع بس وقفني صوتها الناعم
*
*
سمعت صوت بالغرفه التفتت شوفت جدي داخل واقف ويناظرني بتفحص
وبعد دقايق من التأمل حسيته وده يطلع سألته وانا ابتسم : بغيت شي ؟؟
رد علي بتردد : خلص انسي الموضوع ولف نفسه حتى يطلع
عاد تعرفون عندي لقافه انسى فيها ام احزاني توجهت لجدي وتكلمت بهدوء : والله ما تطلع غير لما تخبرني
تنهد جدي وظهرت علامات الضيق على ملامحه وبعدها مسك يدي وتوجه وجلس على السرير واجلسني جنبه وبهدوء تكلم وهو يناظرني : تعرفين انه كل شي قسمه ونصيب
قاطعته وانا ابتسم و مصممه مستحيل اخلي حد يتشمت في : اذا قصدك تقول عن سليمان اعرف انها انلغت الملكه وانه ملك على سديم
تفاجئ جدي وبعدها سألني : وش عرفك ؟؟
رديت وانا حاسه جدي في موضوع ثاني شاغله رديت بلامبالاه : ما في شي هالايام يبقى متخبي المهم وش الموضوع للي جيت هنا علشانه
ناظرني جدي وبعدها شتت نظره بانحاء الغرفه : اسمعي صديقي ابو زياد اليوم خطبك لابنه والحين هو بالمجلس ينتظر علشان تملكين لكن انا الحين هونت انسي الموضوع ونهض نفسه واقفه
وبسرعة مسكت يده عريس ثاني مستحيل اطيره من يدي اذا رفضت رح يظنون اني ميته على سلمانوه تكلمت بانزعاج وانا خايفه انه يطير العريس : ليه هونت ؟؟؟
رد جدي وهو يرجع يجلس ويناظرني : بعدك صغيره كثير حتى العريس كبير عليك عمره 28 سنه خلص سكري عالموضوع وانا اتصرف
وقفت بعصبية : ما رح انسى واسكر عالموضوع اتوقع هاذي حياتي وانا اقرر مستقبلي مو انتم
وقف جدي بضيق وعصبيه مكبوته : ممكن اعرف ليه ميته عالزواج وانت بعدك صغيره ؟؟
ريم وبصوت مخنوق : ودي اعيش حياتي ابغى شخص واحد بس مسؤول عني مو يكون قراري بيد مئه واحد والشاطر يرميني هنا وهنا
خلاص انا قرفت حياتي انا ودي استقل اكون تابعه لشخص واحد وبغض النظر عنه تعرف لو تزوجني للحارس الهندي ما عندي اعتراض اهم شي اني اتزوج واستقل بحياتي هذا للي ودي إياه
وبعدين لا تقول صغيره ليه كنت ودك تزوجني سليمان دامني صغيره
وقف جدي وتنهد وبعدها ناظرني بحده : صحيح كنت ودي املك لك على سليمان بس كنت ناوي الزواج يكون بعد 3 سنين على الاقل وقتها تكوني كبرتي وسكت لثواني وبعدها ناظرني بقهر دام هذا رايك ما راح اعترض واتفضلي قدامي علشان توقعي واشر للباب
حسيت بالانتصار اني صممت على راي واخذ للي ودي إياه بدون ما افكر بالعواقب اهم شي كان عندي اني املك وبس
اشر جدي على الشيله : حطيها على راسك احتياط مع اني طلبت من الشباب ما حد يدخل داخل بس احتياط
مسكت الشيله وانا مستغرب وش فايدتها وانا لابسه فستان خيط وقصير بس يالله اهم شي اني املك
مشيت خلف جدي بهدوء حتى نسيت البس برجلي الصندل كنت عاريه القدمين <حافيه
نزلنا الدرج بهدوء وكان اصوات الحريم قادم من الصاله الداخليه توجهنا للجهة الثانيه
وصلنا للغرفه للي جنب المجلس وقفت وانا اسمع اصوات الرجال مندمجين بالسوالف اخذت نفس وانا احس نفسي متوترة كله يهون اهم شي املك واقهرهم كلهم
ناظرني جدي بقهر : استني هنا ادخل واجيب الدفتر علشان التوقيع ولما يسألك الشيخ تقولين موافقه
وبعدها اعطاني نظره ناريه بصراحه خوفتني فوق توتري
بس قبل ما يمشي جدي فتح باب المجلس ودخل علينا صقر واغلق الباب وراه وبعدها نقل نظراته بيني وبين جدي
وبعدها تقدم منا وسأل وكأنه وده يقطع شكوكه : وش صار معك فوق ؟؟
رد جدي وهو يناظرني بوعيد : كل خير بس خليني ادخل اجيب الدفتر علشان العروس توقع واشر علي
ناظر صقر جدي بدهشه : هاذي ريم ؟؟
رد جدي باستهزاء : ابشرك هاذي ريم واشر علي
صقر وكانه جن جنونه : كيف ودك تزوجها هاذي بعدها بزر صغيره
انقهرت منه انا بالموت حتى وافق جدي ييجي ويخرب كل شي بنيته تكلمت معه وانا ارفع اصبعي له بتهديد : انت لا تتدخل وبحده فاهم
وبعدها ناظرت جدي : عجل جيب الدفتر اتأخرت عالشيخ
رد صقر وهو يشد على اسنانه : روحي يا بابا شوفي الرضاعة تلاقينها بالمطبخ وباستهزاء قال تتزوج هذا اخرها نزوج بزران
وبحده انقلعي على غرفتك
وبعده ناظر جدي انا الحين ادخل وانهي هاذي المهزله
ومشى خطوتين ركضت عند الباب قبله وبتهديد : قسم بالله اذا بتخرب الموضوع لادخل كذا وافشلكم
ناظرني باستهزاء :،عادي ادخلي رح يفكرون انك بزر مضيعة رضاعتها وبحده اعمليها وقسم بالله لاحش رجولك حش
رديت بقهر : بزر بعينك انت لا تتدخل حياتي وانا حر فيها فاهم
الجد بعصبيه : الحمد لله انها الغرفه فيها عازل صوت والا كان انفضحنا عند العربان وناظرني بعصبيه انقلعي عن الباب وانت اشر على صقر الحقني داخل ويا ويلك اسمع كلمه منك فاهم
ابتعدت عن الباب وفتح الباب صقر وقبل ما يطلع اعطاني نظره ناريه
تنهدت براحه بعد ما طلع بصراحه نظراته تخوف
بس قبل ما يطلع جدي تكلم بدون نفس : قربي من الباب ولما يسألك الشيخ جاوبي انك موافقه
ابتسمت ابتسامه عريضه : ان شاء الله
خرج جدي وكان مفتوح الباب علشان يطلع صوتي لما يسألني الشيخ اجاوب
وبعد دقايق اسمعت الشيخ يقول : بس يا ابو سلمان البنت صغيره وانا اخاف تلحقني مسؤوليه علشان كذا اقترح عليكم تأجلونها لحتى تكبر البنت
بصراحه قهرني انا كلما اقول زانت انعمت وبدون شعور رديت على الشيخ :انا موافقه يا شيخ وانت وش عليك مني صغيره والا كبيره ملك وبعدها توكل
اسمعت تمتمات وبعدها الشيخ على بركة الله بعدها بدقايق دخل جدي ومعه الدفتر وبقهر ونظرات توعد : بسرعه وقعي
ناظرته وانا استخف دمي : و ين اوقع ؟؟
شد جدي على اسنانه بقهر واشر: هنا وقعي
مسكت القلم وانا متوتره بدون ما افكر او احسب حساب للحياه الجايه كان اهم شي اني املك وبس
بعد ما وقعت مسك جدي الدفتر وبنظرات وعيد يصير خير
هزيت اكتافي باستغراب ليه يتوعد فيني ما عملت شي
بعدها دخل جدي وقفل الباب وراه وبعد عده دقايق
الظاهر طلعوا الجماعة
تضايقت ما شفت عريس الغفلة لاني كنت ودي اطلع بس تاخرت علشان اشوفه
فجأة دخل اعمامي وعيونهم تقدح شرار
جدي بعصبية : انتي ما تستحين على وجهك لسانك طوله مترين ما في حياء تتكلمين قدام الرجال
عقدت حواجبي باستغراب : انت قلت لي اقول للشيخ موافقه صح والا لا وانا قلت له موافقه
رد جدي بعصبية : قلت لك اذا سألك الشيخ مو تردين قبل ما يسألك وشد على اسنانه بقهر
حطيت اصبعي بفمي بحركه طفوليه وابتسمت : والله انسيت خلص المره الجايه ما رح اجاوب غير لما يسألني وابتسمت بعباطه بعدين جاي تصرخ بوجهي الواحد يبارك بالاول
واقتربت من جدي وانا ابوسه واسلم عليه وانا واقفه على اصابع رجلي : امواح الله يبارك فيك وعقبال ما نفرح فيك
سحبني من يدي عمي فيصل بقسوه وهو ياشر على وجهي : وش حاطه على وجهك حتى صرتي كذا
ناظرته وانا اسبل عيوني متجاهله وجع يدي : سرررررررررر المهنه
رد جدي بحزم : ريم علبة الالوان والنظاره ما نسيت الحين تروحين وتجيبيهن
عفست ملامحي بضيق : طيب وين المشكلة فيهم ليه ودك تاخذهم ؟؟؟
رد بحزم : حتى اضمن ما تحطين على وجهك مثل اليوم
رديت عليه وانا ادلع : عادي اشتري علبه ثانيه
قاطعني جدي بعصبية : علشان احش رجولك وقسم بالله لو ترجعي تحطين على وجهك مثل الصبح لتندمين
وبعدها كمل وهو يناظرني بجديه : اسمعي زين عرسك بعد سنتين
رديت بدون وعي وانا اتخصر : ليه سنتين مطول
قول لهم بعد شهرين
عمي فيصل بغيض : انا للي ودي ادفنها هنا ناظرني بحده بعده طولك شبر وميته عالزواج اثقلي يا قليله الحياء
لويت بوزي وما عجبني الكلام
كمل جدي وهو يناظرني نظرات ناريه : ما علينا مكالمات معه ممنوع وتجلسين معه كمان ممنوع ولا تطلعين معه
قاطعته بعصبية وانا متخصره: نعم نعم وليه ان شاء الله صديقاتي بالمدرسه خاطبات ويكلمون بالجولات وكل وحده فيهن تجلس مع خطيبها لوحدهم ويطلعون مع بعض لوحدهم بالاسواق واشرت على نفسي بقهر ليه انا ممنوع ؟؟؟
وضربت رجلي بالارض من القهر
رد جدي وهو يحاول يكتم عصبيته : جاوبتي بنفسك صديقاتك مو انت في اختلاف كبير وبحزم انا لما اتكلم ما تقاطعيني فاهمه
النقطه الثانية بالنسبة للاكل رح تاكلين كل الوجبات بغرفتك حتى تاخذي راحتك واولاد عمك ياخذون راحتهم والنقاب ممنوع تتغطين كامل عيونك ما ابغى اشوفهم ظاهرات
ومناقره مع بنات عمك ما ودي اسمع مفهوم وبكره تشترين عبايه راس و غشاوه اما نقاب ولثمه ممنوع
رديت باعتراض وانا ودي ابكي من القهر : بس انا ما اقدر اتغشى وليه البنات هنا يلبسون نقاب وانا ممنوع
قاطعني جدي : اعرف انه عندك ضيق نفس بس اتوقع اذا تغطيتي من البيت للباص ما رح تختنقين وهنا بالبيت رح اعفيك منه بس مو بالطالعه والنازله رايحه جايه حدك الصاله الداخليه والطابق الثاني ما حد من الشباب يدخله خذي راحتك وبتهديد يا ويلك اذا سمعت انك وصلتي المدرسة بدون ما تتغطين كامل فاهمه وهو يناظرني نظره قويه
حسيت بداخلي انه ينتقم مني لاني وافقت عالزواج دامه مو عاجبه ليه يكلمني عنه اخخخ يالقهر رديت بقهر وانا مكتفه يديني : انتظر دقيقه اروح اجيب قلم ورقه علشان اكتب القوانين وباسلوب ساخر حتى ورقه ما ظنيت انها تكفي وش رايك اجيب دفتر
قاطعني بصراخ : ريم حطي لسانك بحلقك احسن ما اقصه لك وخلص تقدرين تروحين الحين ولا تنسي ترسلي الاغراض
ناظرت الموجودين عمي ابو سليمان كالعاده ملامحه جامده ما يتكلم وبعدها ناظرت عمي فيصل للي كان يناظرني بنظرات ناريه تجاهلت نظراته وانا اناظر نايف كان واقف عند الباب ولا كأنه له دخل يناظرنا بصمت ناظرته بكره اكره ولاخر يوم بحياتي رح اظل اكره هو وساره اكرهم مثل ما دمروني وحطموني
حسيت بالعبره تخنقني فقررت الانسحاب واطلع من الغرفه قبل ما اضعف اخذت نفس وبعدها اتجهت خارج الغرفه بهدوء ...........
*
*
*
*
*
بعد ما طلعت ريم تكلم فيصل بقهر : يبه كيف زوجتها هاذي بزر حرام والله صغيره ما تعرف مصلحتها ليه تطاوعها ليه
وبعدها ناظر نايف للي واقف عند الباب وهو يؤشر عليه : وانت ما كأنها بنتك ساكت وراضي بالمهزله بكره لازم تروحون للمحكمه واطلقونها هذا الموضوع ما ينسكت عنه انا بالبدايه سكتت ما كنت ادري انها بزر وحط يده على راسه مو قادر يستوعب وبعدها كمل انا اول ما دخلت فكرتها بنت الجيران جايه تلعب مع بنتي نوف للي عمرها 10 سنوات مو قادر اتخيل انكم زوجتوها
الجد ينهي الموضوع : خلاص البنت ملكت وين عيني من ابو زياد وانا اطلب منه الطلاق انا منعتها بس هي اصرت خليها تتحمل نتايج عنادها
فيصل بقهر : بس يبه
الجد بقهر وهو يناظر فيصل : خلاص الموضوع انتهى لا تفتحه
ناظر فيصل ابوه وشافه مخنوق وخاف عليه : رح اسكت الحين وكانه تذكر وبانفعال مدرستها لازم تغيرها ما خربها غير هالبنات صارت تسمع سوالفهن حتى صارت هالبنت ما في حياء ولا احتشام
الجد بلامبالاه : لا بنات ولا شي بس هي فاتحه اذانها لهاذي السوالف وبعدين البنت اولى ثانوي لنفرض انها ما كبرت وظلت نفس الحجم نحرمها من الزواج لانه حجمها صغير واختك هيفاء تزوجت وعمرها 16 سنه يعني الموضوع ما يحتاج منك كل هالعصبيه يا فيصل ......
نايف وهو يرفع حاجب باستهزاء وهو يتكتف : مين للي قالك يبه انه عمرها 16 ريم عمرها 14 سنه
لف الجد وناظر نايف وهو يفتح عيونه : انت وش تخربط ؟؟
نايف ببرود : ما اخربط هذا للي جاك اذا سلمى عمرها 13 سنه وريم اكبر منها بسنه كيف صار عمرها16 فهمني وهو يقرص عيونه
الجد بقهر وعصبية مكبوته وهو يأشر على نفسه : انا اليوم سألتها قالت لي اولى ثانوي وشد على قبضة يده يا فضيحتي بين العربان يقولون زوج حفيدته وهي بهاذي العمر اكيد فيها شي
غمض عيونه بقهر وبعصبيه بعد ما فتحهم : انا ابو سلمان تكذب علي وقسم بالله لتندم الحيوانه
بس قاطعه صوت الزغروده العالي .........
*
*
*
*
*
بعد ما طلعت من الغرفه كنت ناويه اصعد لغرفتي بعدين غيرت راي الحين الزوج الثلاثي يظنون اني منقهره منهم بس والله لاقهرهن وتوجهت للصاله الداخليه وانا اتغنج بمشيتي
دخلت الصاله واطلقت الزغروده العاليه كل الموجودات ناظرني وعلى راسهن علامه استفهام
دخلت وانا ادبك واغني وبعدها التفتت لجدتي وبدلع : باركي لي يا عجوز النار وسبلت رموشي بدلع انخطبت
ناظرتني جدتي بشماته مثل ما توقعت وبعدها كشت علي: يا مخبوله سليمان تركك وخطب هاذي المزيونه واشرت على سديم
ام سليمان بشماته : خليها يا خالتي تحلم ههههههه
ناظرتهم بتعالي وبابتسامه نصر : ومين قال لكم اني ملكت على سليمان وكشيت عليهم بدلع وانا اتمايل
انا ملكت على زيود خطيبي وسبلت عيوني بدلع
وبعدها ناظرت سديم وانا اجاكرها والعب بحواجبي : لا تفكرين انك اخذتي سليمان يعني شي كثير واشرت باصبعي بدلع لا يا حلوه خليها حلقه بإذنك دايما بقايا الذئاب لا تأكله الا الكلاب
وبعدها بصراحه بلعت ريقي وانا اسمع جدي يصرخ باسمي الله يستر بس ما حبيت اظهر خوفي قدام الحاضرين دخل جدي وعيونه النار تطلع منها وبصراخ وهو يناظرني ؛ انا تكذبين علي انا
تقدمت منه وقلبي طبول من الخوف وبابتسامه ما لها مكان بهذا الموقف : تعال نتفاهم بالمكتب يا طويل العمر وغمزت له بدون ما حد يشوفني بمعنى لا تفشلني قدامهن
ناظرني بقوه كان وده يتكلم بعدين سكت لثواني وبعصبيه : الحقيني عالمكتب بسرعه وبعدها طلع تنفست براحه
لفيت خلفي وانا ادلع : باااااااااااي وغمزت لجدتي وطلعت بسرعه ودخلت المكتب من الباب الداخلي
دخلت ورجع قلبي طبول لما شفت نظرات جدي الناريه اشر لي بالجلوس
قعدت بهدوء وناظرت جدي للي كان واقف عند كرسي المكتب سألني بحده : اي صف تدرسين يا ريم ؟؟
ناظرته باستغراب وجاوبت بهدوء : اولى ثانوي
نقزت على صرخته : كذااااابه
وتقدم مني ووقف امامي وبحده رح اعيد السؤال مره ثانيه : اي صف تدرسين يا ريم ؟؟
رفعت راسي وناظرته باستغراب : اولى ثانوي
ما حسيت إلا بكف على وجهي وكرده للفعل حطيت يدي على خدي
جدي بعصبية : ليه تكذبين علي ليه تظنين اني بزر تضحكين علي وشد على اسنانه بقوه لاخر مره اسألك اي صف تدرسين يا ريم ؟؟؟
حسيت العبره ودها تخنقني صرت اردد بداخلي طنش عش تنتعش ونزلت يدي عن خدي ورفعت راس وناظرت جدي بثقه : اولى ثانوي
ما حسيت الا بيده على خدي الثاني حطيت يدي على خدي وناظرته وعيوني تلمع بالعيون
جدي بعصبية وهو يناظرني بحده : ليه تكذبين علي ليه وانتي عمرك 14 وانا المغفل للي فكرتك 16 اجلت العرس لسنتين لحتى يصير عمرك 18
وبتهديد يصير خير الحين انقلعي عن وجهي قبل لا ارتكب فيك جريمه
اخذت نفس وتقدمت منه وانا مقرره ابيع كل الاحساس للي عندي ابتسمت ومسكت يدي وانا ادلع : بهون عليك ترتكب في جريمه يالشايب وسبلت عيوني بدلع
ناظرني جدي وهو ينفض يده مني بعصبية : شايب بعينك وبحده تراني مو طايقك اختصريني وابعدي عني لا تفتكري انه من لما جيتي هنا ضحكت معك اني اغليك ولك درجه لا لا تفكرين انت بالنسبه لي مجرد حفيده دخلت علينا بالغصب ومجبورين نربيك بس
ومهما عملتي مستحيل توصلين لدرجة احفادي مستحيل وناظرني بحقد
صحيح قررت ابيع الاحساس للي عندي بس هذا مجرد كلام لاني بشر وعندي احاسيس ومشاعر يمكن اطنش احساسي ومشاعري اما اتخلى عنها مستحيل وناظرت الارض
كلامه وطريقته معي كانت جارحه جدا ليه يقول لي هذا الكلام؟؟؟
وش الفرق بيني وبينهم ؟؟؟
ليه يكرهوني ليه؟؟؟؟
وش ذنبي ؟؟؟
بس مستحيل اضعف طنشت احاسيسي ومشاعري وناظرته وابتسمت بصعوبه : اذا وجودي يضايقك رجعني لعند نايف اعيش عنده هو اولى يتحمل غلطته وابتسمت وعيوني تلمع بالدموع
ناظرني باستهزاء : نايف مو كانه ابوك ؟؟ عموما اصلا ابوك وشدد على حرف الكاف زمان تبرى منك قبل 6 سنوات علشان كذا انا تبرعت واتكفل فيك واربيك
ناظرته وانا متكتفه و امثل اسلوب الامتنان للي باطنه استهزاء وبداخلي طعنات : مشكور كثر الله خيرك ما تقصر يا طويل العمر
رد جدي وهو متوجه لكرسي المكتب وبحزم : اول مرة واخر مرة تكذبين فاهمه
رديت بابتسامة : ان شاء الله والمره الجايه وضح سؤالك لانك الصبح سألتني بالسياره اي صف ما سألتني عن عمري ....
لف علي وناظرني وهو يجلس على الكرسي ورفع حاجبه : وش يفرق معك السؤال اذا كانت الاجابة وحده يا انسه ريم
رديت بثقه : الاجابه مو وحده لاني بصف اولى ثانوي
قاطعني جدي بعصبية : ريم قلت لا تكذبين خلص سكري على الموضوع احسن ما ادفنك مكانك
رديت عليه وانا اضحك ومتجاهله حزني : هههههه اذا دفنتني هنا يطلعك شبحي بالليل وتموت من الخوف ويدفونك هنا جنبي ههههه كيف هاذي الفكرة وغمزت له
رد علي جد وهو يقرص عيونه : سخيفة مثل صاحبيتها والحين اطلعي بسرعه قبل ما ادفنك لانك اليوم قهرتيني بافعالك
رفعت يدي وانا ارفع يدي واعمل الحركه العسكرية : حااااااضر سيدي
وبعدها نزلت يدي وانا اسبل عيوني بدلع : اوامر ثانيه ؟؟
بدون ما يرفع راسه : ما في شي ثاني بس اطلعي وسكري الباب خلفك
رديت بهدوء : ان شاء الله
وطلعت خارج المكتب وبسرعه ركضت لغرفتي قبل ما اشوف حدا ويشوفون الخرايط للي بوجهي ويتشمتون بي
وصلت الغرفه وبسرعة قفلت الباب بالمفتاح وتوجهت للمرايه بعد ما انرت الاضاءة ناظرت نفسي كانت خدودي لونهم احمر شديد ومكان اصابع جدي واضح حطيت يدي على خدي وانا احس النار شابه فيهم من الوجع واحسهم انهم انتفخوا اخذت نفس وما قدرت امنع شهقاتي وسيلان دموعي
وبسرعة ركضت على السرير ورميت نفسي ابكي واحمد الله اني ثبتت نفسي وما انهرت عند جدي لاني لو تاخرت دقايق كان انفجرت عنده
جرحوني وقهروني وكسروني وذلوني كنت ودي ادعي عليهم بس تراجعت وانا ادعي يا رب صبرني يا رب قرفت الحياه سنتين انتظر سنتين هنا اكيد رح اموت قهر ما اقدر اتحملهم سنتين
كله بسبب نايف اكره هو وساره اكرهم اكرهم اكرهم اكرهم ودخلت بسبات عميق وانا اردد الكلمه وصوت انيني بانحاء الغرفه ...........
*
*
*
*
*
*
بعد ما صرخ الجد على ريم وناداها عالمكتب طلعت ريم من الصاله الداخليه
التفتت الجده على ام خالد وام سليمان وهي فاتحه عيونها : شفتم قليله الحياء مركبه باروكه وحاطه عدسات ومكياج
ام سليمان : انا اتوقع حطت 2كيلو مكياج ويالله يخفي سوادها
ام خالد باستغراب : شفتم كيف مبيضه حالها بالمكياج والله ودي اسألها وش اسمه والله انه اصلي للي خلى ريم بيضاء
رغد : يمه اشتريلي نفس النوع وقسم بالله ما عرفتها هالحيوانه مين يصدق انها ريم السوداء صارت بالبياض هذا
سلمى : حتى الباروكه للي حاطيتها لولا شوي اطول منها ههههه
ساميا اعطتها نظره بمعنى اسكتي
بلعت سلمى ريقها وسكتت
مي وبمسخره : شفتم ما اقصرها مع اني اكبر منها بسنتين بس الفرق بالطول كثير
سديم وهي تضحك : ههههه والله انا فكرتها نوف اختي حاطه باروكه ههههههه طولها شبر ومع الفستان صدق انها بزر
روان بغرور : اسمعتي وش قالت عنك قال بقايا الذئاب لا يأكله الا الكلاب
سديم بقهر لما تذكرت : والله ما حد كلب غيرها
لينا : وش قصدها بالمثل ما فهمت
الجده وهي تناظر لينا : قصدها يا بنتي انه سليمان خطبها بالاول وبعد ما تركته اخذته سديم
يعني هي الذيب وسديم الكلب
ام خالد : تخسى والله ما احد كلب غيرها وبعدها ناظرت الجده بس مين للي خاطبها صحيح يا خالتي ما قلتي لنا
الجده بلامبالاه : جعلها متملكه على قرد ما همتنا اهم شي طلعت غريبه وارتاحوا عيالنا منها
ام سليمان باستفسار : وش عرفك انه غريب انا خايف يكون واحد من عيالنا
الجده ببرود : لا ما سمعتيها وش قالت خطيبي زيود وحنا ما عندنا اسم زيود
ام سليمان بدهشه : وش تقولين يا خوف قلبي يكون زياد
الجده وهي معقده حواجبها : مين زياد ؟؟؟
ام سليمان بقهر : خالتي علامك نسيتي زياد ولد ابو زياد صديق عمي
الجده براحه وهي تستبعد توقعات ام سليمان : لا لا ما اظن زياد اسمه يصدح بالبلد معروف ومشهور وله مكانته بالمجتمع وكثير نشوفه على التي في ودك يوخذ ريم ههههه ضحكتيني بصراحه
ام خالد تناظر ام سليمان وهي تقرص عينها : والله الظاهر انك خرفتي زيااااااااد يوخذ ريم الظاهر انك انهبلتي وين ريم وين زياد ما في مقارنه بينهم
وكملوا سوالفهم وهم يتوقعون من يكون خطيب ريم .
بعد ما خرجوا الجماعه والجد والاعمام دخلوا داخل توجهوا الشباب للحديقه
صقر بقهر وهو يجلس على الارض ويتربع : اخخخخ قهرتني تقول لي وهو يقلد صوتها انت ما لك دخل فاهم اخخخ قهرتني انتم ما شفتوها بزر
بدر قاطعه وهو يضحك : وانت وش للي قاهرك بقلعتها
صقر بقهر مكبوت : ما رح تفهموني
سليمان : والله اني كنت ودي اقوم وادفنها مكانها كيف فشلتنا قدام الجماعه للي يسمعها يقول عانس 40 سنه وخايفه العريس يطير وصار يقلدها موافقه يا شيخ حتى جدي تفشل وما عرف وش يقول من الفشيله
تقدم فيصل وابو سليمان وجلسوا مع الشباب بعد ما ردوا السلام
عمر باستفسار : وين جدي وعمي نايف ؟؟
فيصل وبعده معصب :نايف طلبوه المستشفى وابوي راح عند ريم الحيوانه تزغرد وترقص بصوت عالي مصدقه نفسها عروس
سامر ببرود : من الصبح وهي ترقص وتغني وما عمل لها جدي شي ما رح يعمل الحين شي لها
فيصل يبتسم بشماته وهو يناظر لبعيد : اتوقع تحصل لها كم طراق الحيوانه طلع عمرها 14سنه ومخبره ابوي انها اولى ثانوي وابوي معصب عالاخير حاولنا نهديه علشان صحته بس ما سمع لنا
نواف فتح عيونه : صغيره كثير كيف تزوجونها لازم تطلقونها باسرع وقت
صقر بقهر : وزياد كبير 28 سنه بينهم 14 سنه وباستهزاء ما ظنيت تقبل ريم بالطلاق لو شفتها ميته عليه
فيصل بقهر وهو يلعب بالعشب للي على الارض: ما خربها غير بنات المدرسه تقول كل صديقاتها خاطبات والحيوانه معترضه وترادد ابوي ودها تجلس معه وتطلع معه بالاسواق مثل صديقاتها فعلا قلة الحياء انا ما قاهرني الا لما شفتها وقسم بالله بنتي نوف مبينه اكبر منها بزر صغيره كثير وطولها شبر
صقر بقهر وهو يضغط على كف يده : كنت ابغى اطلع وانهي الموضوع واكنسله ركضت عند الباب ووقفت وتهدد بي اذا الغيت الملكه الا تطلع قدام الرجاجيل وتفشلنا
سليمان باستغراب : هي عملت وقالت لكم كذا ؟؟
فيصل : ايه قالت وتعمل اكثر من كذا شيطانه بجسد طفله
بعدها ناظر نواف بقهر انا قلت لك اخطبها لك علشان اسنعها بس انت ما تسمع الكلام وناظره بلوم
ابو سليمان بحكمه : يا فيصل البنت ملكت وبعدها صغيره بكره تكبر وبتعقل بس انت طول روحك شوي كل شي بالهداوه وعلشان يغير الموضوع متى رح يرجع خالد ؟؟
فيصل بقهر : هذا الثاني قاهرني كل مره يقول بعد شهر بعد شهرين بعد ست شهور كل ساع براي وتارك اولاده هنا ومزعجني اعطيني الاولاد اكلمهم
صقر بابتسامة : اولاده اكيد رح يشتاق لهم
فيصل بانزعاج : بس مو كل ساعة يرن والاولاد لما يكلموه خذ بكى ودهم ابوهم
عمر بابتسامة حتى يخفف عن عمه : والله يا عمي شكلك صرت شباب مع الصبغه الجديده مين يصدق انه عندك احفاد
فيصل ابتسم وهو يمسح على شعره والشماغ بحضنه : اسكت لا تذكرني كله بسبب الكلبه ريم تقول عني شايب وخبرهم بالموقف علشان كذا رحت صبغة شعري وخذ تعاليق من هنا ومن هنا
ضحكوا الشباب بهدوء على الموقف إلا
عمر انسدح عالارض : ههههههههه خطيره هاذي الربم لو ما ملكت كان خطبتها ههههههههه
فيصل وهو يرفع حاجب : تدري انك مخبول وش للي يضحكك بالموقف لهاذي الدرجه
عمر وهو يضحك : هههههه لا بس هههه تخيلت شكلك يا عمي هههههههههه وريم تقول لك كذا
فيصل وهو يرفع حاجب : اقول متى رح تعيد المواد للي حاملها بالجامعه
سكت عمر وناظر صقر بلوم للي ما خلى حد وقال له
ضحك صقر وهو يناظر فيصل : عرفت تسكته هههههه
فيصل بافتخار وهو يغمز لصقر : اعجبك .......
*
*
*
*
*
في مكان اخر ما دخلناه من قبل
حط الشماغ على الكنبه وبعصبيه مكبوته وهو يناظر ابوه : يبه وش هذا الموقف السخيف للي حطيتني فيه كذا تحرجني قدام الجماعه على الاقل لو حطيت عندي خبر مو اكون مثل المغفل
ابو زياد ببرود : يعني للي يسمعك يقول تطيعني ما كان في طريقه اني ازوجك الا كذا نسيت لما كنت ودي اخطب لك بنت عمتك ورفضت وقتها زعلت عليك طنشتني ولا اهتميت ودامك رافض فكره الزواج ما كان في حل الا الاحراج
زياد بقهر وهو يناظر ابوه : وانا اقول ليه الزمت علي اروح معك على ملكة حفيد ابو سلمان ولما شفت اعمامي استغربت بس طنشت وانا حاس في شي بالموضوع
ام زياد وهي توزع نظرها بينهم : وش صاير مو فاهمه شي ؟؟
زياد باستهزاء،: ابد يالغاليه بس زوجك إلي هو ابوي واشر عليه طلب مني احضر ملكة حفيدة ابو سلمان ولما وصلنا بعد ما ملك حفيده التفت الشيخ وسال وين المعرس الثاني اشر ابوي علي اتخيلي يمه موقفي حسيت حالي مغفل وعض على شفته من القهر
سوسن بلقافه : شفتها ؟ حلوه ؟ كم عمرها ؟
زياد لوى بوزه : اشتغلت اللقافه لا ما شفتها ممنوع عندهم جدها طلب اني ما اشوفها ولا ازورها ولا اتكلم معها حتى بالجوال ما يبغاني اكلمها اما عمرها يقولون انها اولى ثانوي والزواج طلبوا بعد سنتين حتى تكمل الثانويه ارتحتي الحين هذا للي اعرفه وبس
نوفه : لا تقول انك لما تتزوجها تعذبها وتنتقم منها مثل الروايات وغمزت له
ناظرها زياد وهو يرفع حاجبه : مو انا للي انتقم بامور سخيفه صحيح انه ابوي احرجني بس انا متأكد لو ما احرجني ابوي وسالني قبل ما نروح اكيد رح اوافق لانه ربنا كاتب انها تكون من نصيبي وهذا النصيب ما ما اعترض عليه بالعكس رح احطها بعيوني اما سخافاتك يا نوفه انتي وخيالاتك مو عندي
وبعدها التفت على ابوه وهو يضحك : شفت يبه كيف فشلتهم هههههه اما شكلها البنت نهفه هههههه
وخبرهم بالموقف
ام زياد وهي مو عاجبها هالشروط : وانت موافق على شروطهم
زياد بلامبالاه : اصلا موضوع الزواج كله مو ببالي فاعتبر نفسي اني ما خطبت وبعد سنتين يصير خير
ام زياد باعتراض : بس
قاطعها ابو زياد : لا بس ولا شي دام زياد موافق ما في مشكله وخلي الامور على ما هي ......
وبعدها استاذن زياد وطلع على غرفته وهو يفكر كيف شكل هالريم ...........
*
*
*
*
*
صحيت الصبح وانا حاسه راسي مصدع من كثره البكاء تنهدت بتعب وانا حاسه حالي مكسله بس لازم اروح عالمدرسه لاني غبت الاسبوع الماضي كله تذكرت بنات خالي يالله مشتاق لهن ولجلستهن وسوالفهن وخبالهن انا لازم اكلم جدي علشان ازورهن
قمت من السرير بكسل واتمايل وقبل ما ادخل الحمام ناظرت نفسي بالمرايه وانا احك شعري واتثاوب بكسل ناظرت وجهي كان فيه علامات خفيفة مكان الكفوف مسحت على وجهي بلطف
وبعدها ناظرت ملابسي يالله نسيت ابدل ملابسي نمت بالفستان اخذت ملابس ودخلت الحمام اخذ دش وانا اقوي نفسي واطنش كل من حولي
وبعد ما جهزت نفسي ومشطت شعري وعملته جدوله على جهة اليمين وربطتها بشبره حمراء وجدوله على جهة اليسار وربطتها بشبره حمراء وغرتي قصيره يعني للي يشوفني يفكرني بالابتدائي
لبست عباتي وحطيت الشيله على راسي وغطيت شعري كله وبعدها سمعت طرقات خفيفه على الباب كانت الخدامه جايبه الفطور طلبت منها ترجعه ما ودي افطر نفسي مسدوده من البارح كسروا فرحتي ونغصوا علي لكن بسيطه وقسم بالله اذا شفت سديم تجلس مع سليمان لولع الدنيا ليه هي تجلس مع خطيبها وانا لا
اه يا ترى كيف شكله انا لازم اسال عنه واخذ معلومات علشان البنات اذا سألوني اقدر اجاوبهم
وبعدها حملت حقيبة المدرسة للي كانت بمكانها من الاسبوع الماضي ما لمستها وتوجهت خارج غرفتي وانا اتثاوب بكسل وصلت عند الدرج ما قدرت اقاوم التزحلق على الدرابزين
تزحلقت وانا مبسوطة على الاخير لمحت زول جدي وبسرعه ركضت خارج البيت قبل ما يكتشفني ويشلع اذاني
وصلت البوابه كان صقر واقف عند سيارته ويكلم بالجوال كان يكلم بالجوال وهو يناظرني بس انا اعطيته طاف ومشيت وانا ادلع ولابسه كعب يمكن شبرين علشان ابين اني كبيره بس وقفني صوت صقر الحازم بعد ما تعديته بخطوتين : ريم
بدون ما الف عليه تكتفت : نعم
سمعت خطواته تقدم ووقف قدامي
بصراحة انقهرت مع اني لابسه كعب بس جنبه كنت قصيره كثير
ناظرني باستهزاء : اخذتي معك الرضاعه ؟؟
بصراحة قهرني يتمسخر رديت عليه وانا ارفع حاجبي بغرور : الطول طول نخله والعقل عقل صخله
ومشيت خطوه بس مسك يدي بعصبيه : وقسم بالله اذا كلامك هذا ينعاد لادفنك هنا وبسرعة غطي وجهك
ناظرته وانا اضحك بعد ما فكيت يدي منه : تعرف حيرتوني انت ودك تدفني هنا والشايب وده يدفني بالمكتب والعم فيصل وده يدفني بالصاله الداخليه
وبعدين معكم حددوا مكان واحد
ناظرني بغرور : يا سخافتك بسرعة غطي وجهك وبلا كثرة حكي والعبايه هاذي اذا شفتها عليك مره ثانيه احش رجولك قبل ما تطلعين فيها فاهمه
رديت علشان اغيضه تكلمت بدلع وانا اتخصر : مالك دخل وبعدين دامه وسبلت عيوني بدلع خطيبي زيود ما اعترض ما حد له دخل مفهوم
ناظرته وهو مفول من العصبيه : طالت وشمخت يالبزر وبعدها تكلم وهو يكتم عصبيته ريم انا طبعي هادي لا تعصبيني
شفت الباص وبسرعة ركضت وقبل ما اطلع وقفت وتكلمت باسلوب ينرفز : انا رح اغطي لانه خطيبي وده اياني اتغطى مو علشانك وبعدها مديت لساني وحطيت الشيله على وجهي وركضت بسرعه للباص ....
*
*
*
*
دخلت المدرسة وبالصف طول الوقت وانا سرحانه واتخيل شكل خطيبي ولا انتبهت للشرح وفجأة نقزت على صوت صراخ الابله : ريييم
ناظرتها بغباء : نعم
الابله بعصبية : انا لي ساعه اناديك وحضرتك مو معنا ليه ان شاء وبهدوء فيك شي يا ريم انت طالبه متفوقة وحافظي على تفوقك والحين يالله اطلعي عالسبورة وحلي هاذي المسأله
بصراحه بما اني نويت اعيش حياتي بالتطنيش والدراسه من ضمن التطنيش خلص ما في داع للدراسه وحبيت اقوم بدور البنت الغبيه وقفت وانا ابتسم بعباطه ووقفت عند السبوره وبابتسامه عبيطه : ابله اكتب من هنا والا من هنا
ناظرتني الابله وبعدها تكلمت بدون نفس : هنا المساله يالله عجلي بسرعة حليها
ناظرت المسأله وبديت اجيب واحط من عندي تخبيص وقفت الابله فوق راسي وبعصبيه : وش ذا التخبيص امحي بسرعة واشرت على حلي وارجعي مكانك وركزي معنا
مسحت السبوره كلها ومع المساله عصبت الابله : انا قلت لك امسحي االحل للي كتبتيه بس ليه مسحتي المسأله وبقهر ارجعي بسرع مكانك
رجعت مكاني وانا ابتسم لانه هذي الابله عصبيه واكره ما عليها حد يحل على السبورة غلط كانوا البنات يناظروني مستغربين لاني معروفه بذكائي واليوم ولا حصه شاركت واذا سألوني المعلمات اجيب من الغرب واحطه بالشرق هههه بصراحه عجبتني حياة الكسل يا ليتني رديت على الجوري كان الحين جالسه جنبها ومونسيتني
خلصت الحصة وبعدها كانت الفسحه وبسرعه ركضت للخارج مشتاق للجوري والنور واول ما شفتهن سلمت عليهم بحراره وجلسنا نسولف وخبرتهن باخر الاحداث واني ملكت
الجوري : يا غبيه لازم تتعرفي وتجلسين معه قبل الزواج حتى تتفاهمون مع بعض
النور : صحيح كلام الجوري انا اجلس مع خطيبي عادي ما فيها شي دامك ملكتي ما فيها حرام على الاقل تتكلمين معه بالجوال
لويت بوزي بقهر : من وين اجيب رقم جواله وانا اصلا ما معي جوال
الجوري بتفكير : لا تخافي رح ندبر لك حل المهم بنت عمك سديم حلوه
لويت بوزي بقرف من هالسيره : امممم هي امممم ايه حلوه
النور بلقافه : وصفي لنا شكلها
ناظرت النور وانا اتذكر شكلها : ما اعرف طولها بالضبط لانها كانت جالسه بشرتها حنطيه وعيونها وسط وانفها صغير كثير وفمها وسط عادي وعيونها بني غامق وشعرها اسود مو ناعم كثير بس حلوه فيها جاذبيه
الجوري بقهر : يعني احلى منك ؟؟
ابتسمت بعباطه : والله ما اعرف يمكن هي احلى مني يكفي انها مبينه وحده كبيره مو مثلي كل الناس تفكرني بزر وبقهر شوفو لي حل ودي اكبر
قبل ما يشوفني العريس ويتركني ويقول هاذي بزر
النور بتفكير : صحيح للي يشوفك يظن انك بالابتدائي ناظرتها بحده
النور تضحك : ههههه لا تناظريني كذا اخاف وبعدين اسمعي كلامي للاخر
ناظرتها واستهزاء : كملي يا حكيمه زمانك
النور بابتسامة : غصب عنك حكيمه المهم انت بعدك 14 يعني بسن النمو يمكن لما يصير عمرك 16 تتغيرين وتصيري كبيره مثلنا
رديت بقهر : طيب بنات جيلي طويلات واشرت على بنت من عمري شوفو هاذي من عمري بس شوفو الفرق بالطول مو مثلي قزمه
الجوري تبتسم : يا بنت الحلال ربنا خلقك كذا ما يصير تعترضين على خلقته قولي الحمد لله وانتبهي لغذائك واكلي كويس علشان تطولين وكثري اكل فستق يقولون انه يطول
رديت : الحمد لله خلص اليوم ودي اشتري فستق واظل اكل ليل ونهار ........
*
*
*
*
رجعت عالبيت وانا تعبانه وحاس نفسي ضايق من الشيله دخلت وبعدني راكبه اول درجتين وقفني صوت جدي : ريم
لفيت عليه وانا متغشيه :: نعم
تكتف وهو يناظرني بحده : وش علاقتك بزياد ؟؟
بصراحه استغربت السؤال ورديت بغباء : مين زياد ؟؟
الجد بعصبية : .........
*
*
*
1_مين الشخص للي كان وده يوافق على ريم بس تراجع ورفضها ؟؟؟
2_ ايش راي زياد اذا شاف ريم هل رح يكمل الخطوبه والا رح يفسخها ؟؟
3- نايف وسكوته ايش سببه ؟؟؟
4- الجد شو سبب سؤاله لريم وش سمع حتى يسألها هذا السؤال ؟؟؟
