رواية لست من نسلي الفصل الثاني 2 بقلم سوارة
: هااا يا دكتورة نتيجه التحاليل ايه؟؟؟
الدكتورة : انا أساساً مكنتش محتاجه اعمل نتيجة تحاليل عشان هي حامل!!!
الأم بصدمه قبل ما يغمى عليها : ايييييييييييييه !!
الدكتورة بصدمه : يا ممرضة نقاله بسرعة !!
معتز : مليكة مبقاش ليها حد بعد امها غيرنا انا هجيبها تعيش معانا
حسينه بعصبيه وغيظ : وتعيش معانا ليه؟؟؟... ما بيت امها وابوها موجود!!
معتز : يا حسينه اتقي ربنا البت ملهاش غيرنا وانتي عارفه ان عندها تأخر في المخ يعني محتاجه لحد معاها يخدمها !!
حسينه : وانا طبعاً مش هكون الحد ده... انا مستحيل اخدمها !!
معتز بعصبيه : انا مش بستأذنك اساساً ودي بنت اخويا الغالي... اقسم بالله يا مرا لو عارضتي أو عملتي حركات كده او كده للبت لتكون طالق بالثلاثه!!
حسينه بخوف وتراجع : مش قصدي يا معتز بس انت شايف البيت مليان شباب أولادك كلهم رجاله ومش متجوزين وهي بت لوحدها ومش فاهمه
معتز : وانتي أولادك مش عارفه تربيتهم؟؟؟.. ولا هم مش مربايين؟؟؟
حسينه بتنهد : خلاص يا معتز جيبها هعمل ايه معاك يعني
نفيسه : بتقولي ايه عايز يجيب بنت اخوه تخدميها والله عال العال ياختي ياللي كنتي حسينه هانم بقيتي الخدامه حسينه وهي الهانم !!
حسينه بغيظ : هعرف أخرجها بطريقتي واوريكي مين الهانم بس المهم بقى ابعتيلي تغريد يومين كده محتاجاها!!
نفيسه : ليه عشان تشتغل خدامه معاكي للهانم ده بعينك يا حسينه!
حسينه : لا عشان البت حلوة وبطل الصراحة وممكن تسحر اولادي وابوهم هيوافق عليها عشان بت اخوه وانا عارفه عينكم من زياد ابني لتغريد!
نفيسه بتفكير وبجمود : خمس دقايق حالا وتلاقيها في وشك ولو عايزاها اكتر من يومين مش مشكله بس تستعجلي!!
حسينه بابتسامه لنجاح مخططها وهي بتقفل التلفون : و في أقرب وقت!!
معتز بابتسامه وهو بيستقبلها : يا اهلا ببنت الغالي!!
نهر ببراءة ودموع : فين ماما يا عمو انت قولتلي لو وافقت اعيش معاك هتخليني اشوفها هي فين؟؟؟
معتز بحزن وهو بيربت على كتفها : ماما اضطرت تسافر فتره قليله وهتجبلك معاها هدايا وألعاب كتير يا حبيبتي لما ترجع وقالتلي خليها معاكي مسافه ما ترجع
نهر بفرحه وهي بتصفق : بجد يا عمو
معتز بابتسامة لفرحتها : بجد يا قلب عمو يلا ادخلي!!
كانوا قاعدين كلهم حوالين السفرة بيتعشوا بهدوء وسط نظرات حب وحقد وفرح ومكايد بتقف مره واحده بصدمه وهي بتشهق لما حسيت بحد بيحسس على رجليها
