رواية اشواك الورد الفصل الثاني 2 بقلم ميفو السلطان

رواية اشواك الورد الفصل الثاني 2 بقلم ميفو السلطان

البارت الثاني...
كان التطاحن بين العائلتين وصل اشده لدرجه ان شباب العائلات تناقصا واصاب الامهات الرعب مما يحدث من بشاعه مايدعي التار لتدخل الحاجه سعيده والده عزيز لتتحدث مع الحاج عابد كبير العائله لتقول.. كيفك يا أبا الحاج.. لعلك بخير وبعافيه..
ليهتف.. بخير يا مرت الغالي نحمد الله اهو الصحه في النازل.

لتقول.. الشر بره يا أبا الحاج داحنا عايشين في خيرك..بس دلوك عايزه اجولك حاجه ماههملهاش لبعدين..

ليهتف.. جولي يا بتي خير فيه ايه..

لتقول.. عزيز ولدي يا أبا الحاج شاب وعفي والتار بقي طايح في الكل وهننجهر(هننقهر) كلياتنا علي شباب العيله.. الله يعينك يا أبا الحاج لازمن توجف(توقف) سلسال الدم ده.. الشباب هيروحو واحد بعد التاني وهنتحصرو عليهم العمر كله. كفايه الغالي اللي راح وراح جدامه(قدامه) شباب من الجهتين.. انا اه جلبي محروج(محروق) علي جوزي بس ولدي نن عيني يا حاج وماهملهوش لجبروته وينجتل (ينقتل) في الاخر.. احنا لازمن نشوف حل دلوك الا الأجل بيقرب من ولدي ولو حصل هموت بحصرتي..

ليهتف الجد.. والله يا سعيده يا بتي بقالي كتييير بفكر في إكده(كده) ومابيفارجنيش واصل وخوفي علي ولدي كيف خوفك واكتر.. انا رايد الهم ده يوخلُص ونعاود كيف ما كنا وكل دار تجفل(تقفل) علي عيالها بامان.

لتهتف.. ده الصوح يا عمي وده اللي لازمن يحصل وماهتسألش في الشباب اللي عايزين يجلبوها حريجه (حريقه) يابا الحاج ابوس يدك تحفظلي ولدي انا جلبي جايد (قايد) نار من الخوف..

ليهتف عابد.. خلاص يا سعيده انا هكلم المامور وكبرات البلد يجيبوها من عنديهم عشان مايبانش اننا بنتنصل من التار انا ليا طريجتي يا سعيده احافظ عالعيله ونفس الوقت مانبانش اننا اللي بندور عالصلح..ولما عزيز ياجي(يجي) ابعتيه ليا اما اشوف هنعملو معاه ايه ده وهو كيف الطور مابيتفاهمش.

لتهتف بس والله جلبه كيف الجشطه وحنين دا نور عنيا يابا الحاج.. زينه الشباب دا كيف الاسد ماخد يطوله ولا يخصله..بيركب الرماح وهو رواخ يا حاج طلته تخطف العين والحلب.. خابره انه واعر بس هو إكده هيبه وجيمه والكل بيعمله حساب في الناحيه اسمه بيتهزله الغريب والجريب الله يحميه ويحفظه جلبي بياكلني عليه.ميفوميفو.

ليهتف ماتجلجيش(تقلقيش) ولدي ماهيخالفش اوامري..

لتبتسم سعيده.. الله يطول في عمرك يا عمي ويخليك يا رب فوج راسنا بخيرك وحكَمتك.. من غيرك هنروح فين.. لتتركه وترحل وقلبها بدء يرتاح فهيا تعلم ان عابد ليس قليل وانه سيحفظ لها ولدها وان ولدها لن يتخطي كلام جده..

مر الوقت ليتواصل عابد مع المأمور في السر واحد نواب مجلس الشعب ليدخلو بدورهم ليتصالح العائلتين وينهيا انهار الدم ولكن لا يظهر عابد في الصوره ليستجيب المامور علي الفور ويذهب لجابر الهلالي ويجمع رجاله الهلاليه ويخبرهم انه يتدخل للصلح واقناع عابد الجبالي بالصلح كان جابر رغم ضعفه الا انه رجل ذو حكمه.. كان الشباب منفعلين ورافضين الصلح الا ان جابر تعافي علي نفسه ووقف وصرخ فيهم.....
اجفل خاشمك منك ليه.. ماعادش الا العيال كمان اللي تتحدت وتتكلم.. ماسمعش حد يونطج بجول اهه. ليجلس صابر ووهدان يتقبلان راي الجد فوهدان مرحب بشده لان ابنه شاكر ممكن ان يقتل اما صابر فلا يهَه من الامر شئ..

ليبدا الجد ويقول.. طب يا حضره المامور كيف هنعملها اكده كيف هيكون الصلح.. ماحدش منينا هيجدم(هيقدم) كفنه وماحدش من الجباليه هيعملها واصل يبقيي كيف الحل..

ليهتف المأمور.. النسب يا حاج جابر الهلاليه تناسب الجباليه. نخلصو من الجصه(القصه) بطولها واكده هيجيبو عيال وتتوحد العيلتين يا حاج...

ليهتف جابر وهما هيوافجو عالنسب يا حضره المامور.. انا ماهاوفجش الا اما هما يوافجو ماهحطش راسي تحت رجليهم..
ليقف الشباب مره اخري ويصيحو ليطردهم جابر برات المجعد ويبقي كبار الرجال لياخذ راي الجميع ليوافق الجميع علي الحل وياخدو النسب من عند جابر الهلاللي

وانصرف المامور واخبر الحاج عابد باللي اتفقو عليه ليهتف عابد.. يعني الحل دلوك النسب طب هناسب جابر مع ولدي عزيز اكده صوح..

ليهتف المامور.. صوح يابا الحاج وهما ماهيوافجوش الا اما انت تجول اه او لا...

ليهتف عابد طب يا حضره المامور انا هلم رجاله العيله وهخبرهم واحد واحد وهخبر ولدي عزيز وارد عليك اولت اما نوصل لرأي في الموضع ده لينصرف المامور َمنتظرا الرد..

بعد فتره استدعي عابد عزيز وولده عاصم وحفيده قادر وبدا في اخبارهم برغبه المامور بلم الشمل والصلح عن طريق النسب..

ليهب عزيز.. انت بتجول ايه يا جدي عايزنا نناسب ولاد الهلاليه علي اخر الزمن داحنا اسيادهم يا جدي.. كيف تجول إكده من اساسه..يا مري.. نناسب دول اللي ما نستعبناش نشغلهم خدامين عندينا

ليهتف عاصم.. وفيها ايه يا ولدي شباب العيله بينجتلو واحد ورا التاني استهدي بالله يا ولدي واستعذ بالله. اسمع لجدك..

ليقول عزيز.. انتو اتجنيتو(اتجننتو) اياك نناسب مين.. نناسب دول دا تبقي مسخره وَمقلته علي لسان الجباليه وطبعا قادر ماهواش اللي هيناسب يبقي فاضل مين مفيش الا عزيز يناسب علي اخر الزمن الهلاليه.. عايزني اجيب بت هلاليه واعملها ست وهيا ما تسواش.. دانا عزيز.. اللي البنات بتتمني ابصلهم اخد هلاليه يا حدي.. احيب بت اعملها مرتي وانا هجرف مَنيها. انت عايز تجلطني يا جدي..

ليقف عابد.. فيه ايه يا عزيز كبرت علي جدك اياك وعايز تعصاني وتفضحني انا اديت كلمتي وانا كلمتي حد سيف علي رجابيكو(رقبتكو) كلياتها فاهم يا ولد ابني.. والا خلاص عشان انا كبرت هتاجي(هتيجي) تجعد مكاني اياك..

ليهتف عزيز.. ماعاش ولا كان يا جدي اللي يكسر كلمتك بس اكده كتير جوي هتجوز مين بس. هطجها(هطقها) ازاي..دانا ست الستات تتمناني اخد هلاليه يادي المرار الطافح

ليهتف الجد هتتجوز ولو عايز تتجوز بعدها ابقي اتجوز بس يا ولدي نوجف الدم ده امك هتموت بحصرتها..

ليقول قادر.. . لو عايزني يا جدي اني اتجوز انا موافج اخد بدور بنت وهدان ونخلصو من الجصه (القصه) طالما عزيز مش عايز..

ليلتفت عزيز ويصرخ فيه.. والله وكملت المقلته يابن الجبالي. ماعاد الا العيال تتكلم.. عايز تتجوز مكاني يابن عمي ويجولو(يقولو) عزيز فضح العيله وقادر العيل الصغير هو اللي حلها.. اجفل(اقغل) خاشمك ماسمعش حسك واصل.. ليستدير لجده خلاص يا جدي انا موافج بس لو حبيت اتجوز كيف كيفي وهَما يوافجو علي إكده..بت الهلالي ماهتبجاش(تبقي) مرت عزيز الجبالي الا عشان التار وبس وما هتتسماش ست الدار ولا ليا ست من اساسه.. تاجي تترمي في اي مصيبه تاخدها تعيش تخدم من سكات ولا توريني وشها انا ماطايحش حالي ولا لجيتها في سكتي هجطرن ايامها وليا الحج اني اجب بت علي كيفي تبجي مرتي.

ليتنهد الجد.. عين العجل (العقل) يا ولدي ربنا يهديك انا هكلم المامور ونشوف هنعملو جاعده(قاعده) كبيره والا هيبقي فرح كبير وهنتفج..

ليصرخ عزيز .. لا يا جدي لا هنعملو فرح ولا هنتهببو هيجيبو البت عالساكت اكده انما ما هيحصلش الجرف ده... كفايه اني وافجت انما فرح ومسخره َ وحديت ماسخ ما هيوحصولش واصل.عايز بقي مقلته والكبير والصغير يتمسخر علي وانا جاعد ومجعد جاري هلاليه دا حزن اسود وحط عليا . انا اكده يا جدي باجي علي نفسي عزيز الجبالي هياخد البت من عند الهلاليه دا لحاله مرار طافح.. وتركهم وخرج والغضب ينهشه..

ليهتف عابد ربنا يهديك يا ولدي وماتخربش كل حاجة بجبروتك ده..

خرج عزيز وكان مثل الطور الهائج ليلحقه عمار صديقه وسره ورفيق سكته ليهتف واه مالك اكده جاي مولع..

ليصرخ عزيز محروج وحاسس اني هموت محصور.. انا عزيز هيجوزوني حته هلاليه عشان التار.. الله يحرج دي عيله هموت يا عمار دانا عزيز.. يعملو فيا اكده اخد هلاليه من عند جابر. عزيز. عزيز ياخد دي.

ليقطب عمار.. ايه جابر.. هتاخد البت بدور يعني.. هيا مليحه يعني تمشي حالها.

ليهتف عزيز بغل.. مليحه ايه وزفت ايه انا اخد دي.. انا اخد نوراه البلد واخد ست الناس وان كات تتطولني من اساسه.. انا عزيز اللي البنات بتترمي تحت رجلي ورجاله الناحيه بيجو يطلبوني..انا عزيز اللي ما اخد الا بت جمال وحسب وعيله.. عزيز يجيله جمر بدر منور عزيز ياخد النجاوه. انت اتجنيت وتجولي مليحه.. يا مري.. اروح فين دلوك.

ليهتف عمار.. طب ماتحرجش أكده. هاتها وارميها في اي موطرح وتشوفلك جوازه زينه..

ليقف عزيز.. ايوه انا هتجوز تاني يوم ما هجعدش انا وشايل الطين إكده.. تترمي تولع بس ماهتتسامليش ست واصل. (حاسب حاسب ليطقلك عرق هنشوف يا دكر )

وصل الخبر لعيله الهلالي فارتاح جابر ونادي علي وهدان وصابر ليخبرهم وان عزيز سيأخذ بدور بنت وهدان ليهدا الجميع اخيرا وينتشر الخبر ان عزيز الجبالي سيناسب جابر الهلالي.

الا ان الامر لن يمر مرور الكرام فهناك تلك المغلوله التي ما ان عرفت حتي اصابها القهر وما ان دخل وهدان عليها حتي انقضت عليه وبدات في بخ السم لتهتف غاضبه.. بقي الحديت اللي اسمعته صوح يابن عمي..

ليقول.. حديت ايه يا جليلة..

لتصرخ.. ان عزيز الجبالي هياخد البت اللي عندنا..هياخد بتي

ليهتف. ايوه حوصل والاتفاج كان مع كبرات البلد عشان ننهو حديت التار ده ونجطعه من اساسه..

لتصرخ.. وطبعا َمافيش الا بتي بدور مش اكده..

ليهتف.. فيه ايه يا وليه انت اتجنيت هيا بتك تطول...دا عزيز اللي ما حدش يطوله.. عزيز يا وليه.. اللي زيها تزغرط وتموت من الفرحه.. داني الفرحه هتجتلني.. اسكتي عاد

لتصرخ.. لا يا وهدان مش عايزاها تطول.. بتي ما هتتجوزش عزيز الحبالي لو هموتها بيدي

لينظر اليها ويقول.. بتجولي ايه يا جليله انت عايزه تفضحينا وتخلينا مسخه في البلد كلياتها(كلها) .. بدور خلاص هندوها لعزيز..

لتقول بغضب. اه يا وهدان عشان ياخدوها ويذلوها..دي جوازه شوم وعزيز جبروت وجوازته جهر وهم وهياخد بتي يجهرها.. بتي ماهتروحش هناك ولا تعتبلهم دار.. دول عيله جادره وطايحه اديهم البت اللي حيلتي يمرمطوها انت فاكر انها جوازه صوح.. دا تخليص حج (حق) يابن عَمي وعزيز الجبالي هيموت بتك والا يطفشها كيف َما عمل صابر اخوك بس صابر كان بيحب مرته انما عزيز هيكره بتنا بدور.. عزيز طايح وفارد جلوعه وجوازته من بتي هيحرجه يقوم يجهرها ويمرر عيشتها.. انت فاكره هياخدها ست كت فرحت اه وجولت يادي الهنا بس ده هيذلها ويرميها للحريم كيف الكلبه تخدم وتنذل واللي عنده حاجه يرميها عليها.. بت هتخش دارهم وتموت العمر كله يا سوادك يا جليله بس والله مَا هيوحصل ابدا..

ليهتف وهدان.. كيف اكده ونتفضحو اياك.. انت يا مره اتجنيتي.. بعدي عايز انام..

لتنقض عليه والله في سماه لو نمت لاكون واخده بتي وراح دار ابويا وماهتشوفنيش واصل..

ليصرخ وهدان.. انت بتهدديني.. انت عايزه تفضحيني دا كلام ينجطع فيه رجاب (رقاب) انت باينك ناويه علي جتلنا كلياتنا اعجلي(اعقلي) يا جليله واجصري الشر

لتقول بغل.. وياخدو بدور ليه ما ياخدو ورد..

لينظر اليها مصعوقا.. انت اتجنيتي اياك واعيه للي بتجوليه.. ورد كيف.. دا هما وافجو يناسبونا بالعافيه نجوم نديهم ورد.. ورد يا جليله اللي سيرتها علي كل لسان ورد المعيوبه يا جليله انت عايزاهم يجطعو فينا كلياتنا..دا لو جولنا إكده يطيحو فينا. لا وعزيز وورد يا مري دا كان عزيز مايكفهوش عيلتك بحالها. ورد يا جليله الا ما فيه كلب عتب يطلبها انت واعيه بتجولي ايه.. ورد هتندفن في مجعدها العمر كله ولا حدش هياخدها.. عايزه عزيز.. عزيز ياخدها. دا كان يسودها علينا ويغفلجها ويجومها نارين.. بس بس بطلي رط

لتصرخ اه.. ياخدوها هيا إكده والا إكده عايشه ميته وابوها ما هيبصش عليها واصل ولا يهمه نرميلهم ورد يمسحو بيها ارضيه الجباليه ماهي عايشه هنا خدامه خلاص تروح تكمل هناك تبقي إكده ان شالله يموتوها..انما بتي لاه. اموتها بيدي ولا عزيز يحهرها.. ياخد وار يلوك فيها براحته ماهي ما هتنطوجش واحنا هنرنيها ماعايزنهاش واصل.

ليصمت وهدان يفكر.. ليتنهد ماهيرضوش يا جليله وهنتفضحو وهيرموها في وشنا يا بت الناس اعجلي..

لتهتف.. مش لما يعرفو انها مش بدور..

ليقطب جبينه.. كيف ده ماهي هتبقي عروسه والكل هيعرف

لتقول.. طب اسمع واجعد إكده عشان تنجي بتك من المصيبه دي.. دلوك هما ما هيعملوش فرح وهياخدو البت سكيتي تمام اكده. انت هتكلم ابوك وتقنعه نديلهم ورد ماهي مش فارجه وعرفه ان ورد اكده عيشتها مرار وممكن ابوها في يوم يجتلها وخوفه من صابر وانه ممكن يجتلها و هيجبلنا العار صوح.. يبقي نبعدها عن صابر ونديها للجبالي. اكده نكون خلصنا من الفضايح.. وان الجباليه لما ياخدو ورد ما حدش هيونطج بشي واصل.. دول ناس جادره وألسنه الناس هتتخرس يا. وهدان منها حمينا بتنا من الذل والمرمطه ومنينا حوشنا صابر من جتل ورد وانت خابر انه بقي كيف الشيطان والبت بتكبر ولو بصت اكده والا اكده هيجتلها ويجطعها والجباليه هياخدو البت مالهاش عازه لا عندينا ولا عنديهم بس البلد هتبطل حديت عنها واي كلام داير..لتكمل بمسكنه.. ساعتها هنكون كسبنا ثواب يا وهدان في البت ورد ونضفنا سمعه العيله.. ها ايه رايك بقا..

ليصمت وهدان وكلام جليله يتخلل عقله وينمو ويكبر وشعر بالارتياح فهو يعلم ان الجباليه هياخدو بنته. يعذبوها ويعاملوها كالخدامه..
ليقول.. والا وحديتك زين يا وليه بس برضك هنعملوها ازاي.. ماهيرضوش بورد واصل. دا يجلبوها حرايج ..

لتهتف.. اسمع انت تجول لابوك ان كتب الكتاب هيكون بين الكبار بس يعني اللي هيكتب ويخش المجعد(المقعد) جابر الهلالي وعابد الهلالي وما هيخشش صنف راجل وتتحجج ان الشباب لو حضرو هيجطعو بعض يبقي نجصرو الشر ونكمل الصلح من سكات وعابد الهلالي راجل كبير ماهاياخدش باله ولا هيبص اصلا ولا هيعرف ورد من بدور.. نكتب اسم ورد ونمضيها ونخلصو والبت بتمضي في الاخر واكده يكون ابن الجبالي هيمضي عمياني وجده ماهيخلهوش يتكلم من اصله هما هياجو ياخدوها كيف البجره (البقره) ويمشو ماهواش فرح وعرس دا محزنه وحزن اسود ليهم.وهتتاخد متغطيه وتتلجح(تتلقح) كيف الكلبه ولما يعرفو ما هيعاودهاش هيخافو علنار اللي هتقيد. ها ايه رايك..

ليهتف طب وصابر هنحله ايه..

لتهتف ماتحلوش ابوه يجله وهو ما هيصدج يرميها كيف الكلبه وهيفرح فيها كَمان..

ليطرق وهدان ويدور كلامها السم في ودانها لينتفخ ويحس انه حمي بدور ليقول.. طب يا جليله هكلم ابوي ونشوف ربنا كريم..

لتصرخ لا دانت هتكلمه وهيتنفذ يابن الهلالي بتي ماهتروحش هناك واصل يبقي تمحط في الصخر عشان اكده.. احنا هنرميله ورد مالهاش عازه تغور تموت والا تنحرج وهنحمي بتنا ويبقي التار خلص وابني ربنا يحفظه برضك.. والا ايه..

ليهتف وهدان.. صوح كلامك.. من صبحيه النهار هجوم(هقوم) واكلم ابوي وهخليه يوافج ابوي هيخاف من صابر ويخاف انه يجبلنا مصيبه ويجتل بته في يوم.. صوح إكده..

لتهتف جليله.. يسلم خاشمك يا جوزي يا غالي يا ساتر ولادي.. دانت السند يا غالي.. ((منك لله وليه)

جلست جليله منتفخه بعد ان نام وهدان.. اهو اكده اكون خت بتاري وناري بردت منك يا نعمات بتك هتتذل كيف ماتذليتي وهتبقي خدامه لولاد الجباليه.. بتك هتترمي بالرخيص زي ما صابر رمي عشجي له بالرخيص.. خلاص يا جليله انت اكده وصلتي للي عايزاه وحافظتي علي بتك منيهم ونامت جليله وقلبها ينهشها ان يتغير مخططها وتمنت ان تتم تلك الزيجه لتهدا ويقل غلها.(ان شالله غلك يلف علي رقبتك يا بعيده 

كانت ورد لا تعلم اي شئ عن اي حاجه فهي منفصله عن البيت كانت كيف الملاك راضيه بما قسمه الله لها واستسلمت لقدرها كانت تدعو في كل صلاه ان ينجيها من تلك العائله ولكنها تعلم انها باقيه لمماتها فسَمعتها التي لاكتها الالسنه تمزق قلبها وتنزع احشائها.. فكانت محطمه تماما تشعر بالقهر من ظلم البشر ولا تعرف لماذا نعتوها بهذه الصفات وهيا الشريفه في نفسها عزيزه النفس لا تدع احد ينظر اليها.. كانت حقا جَميله. انثي ذات طله ملائكيه وجسد يغوي من يراه ويهلك وكانت تعلم ذلك ولكن ما ذنبها فجَمالها هو الذي جلب العار لها تمنت لو تعلم من فعل ذلك وتنهش قلبه وما يكمل همها ابنه عمها بدور التي لا تكل ولا تمل وتسمعها سم الكلام..

في ذات يوم كانت تمر ورد من امام حجره بدور لتسَمعها تكلم رجلا وتتَمايع في الكلام لتنصعق من هول ما سَمعته لتخش عليها وتقول.. انت اتجنيتي يا بدور كيف تكلمي راجل غريب اكده انت عايزه تفضحينا..

ارتبكت بدور ولكنها كانت مثل اَمها قادره لتقول.. فضيحه ايه يا ورد ما تتلمي احنا سايبنلك الفضايح كلياتها لمي نفسك احسنلك.(هيا برضه )

لتهتف ورد غاضبه انت كمان بتتبجحي يا بت عَمي..

لتصرخ فيها بدور وادب اصباعي في عينك اعرفي مجامك(مقامك) واجفلي خاشمك الله في سَماه لاكون جاطعه(قاطعه) لسانك ده..(قادره قادره)

هنا دخلت جليله و هيا تصرخ.. فيه ايه يا بدور بتصرخي ليه..

لتهتف بدور إلحجيني(إلحقيني) ياَمه البت ورد جايه تتبلي عليا وتجول اني بحددت راجل في التلافون.. يرضيكي اكده..

لتنتفخ جليله غضبا وتهجَم علي ورد بقي اكده يا معيوبه يا بت الَمعيوبه عايزه تفضحي بتي كيف فضيحتك يا فاجره..

لتصرخ ورد يا مرت عمي دي كانت بتكلم راجل..

لتهتف اخرسي جطع لسانك دا بدور ست البنته ستك وتاج راسك .. وقامت ومسكتها من شعرها وقالت.. اسَمعك بتفتحي خشمك علي بتي هجول لصابر. هو ما بيصدج (ببصدق) اصلا وينزل فيكي طحن كيف البهيَمه.. اياك تنطجي على ستك كلمه..(منك لله وليه)

ليدخل شاكر فيه ايه يا أماي ماتسيبيها في حالها مابتعملش حاجه..
لتصرخ جليله اخرس انت ايه اللي دخلك في حديت الحريم..

ليهتف شاكر يا أما حرام عليكي كل يوم اكده.. معلهش يا ورد ماتزعليش

لتصرخ جليله يلا من جدامي لاخلي عيشتك هباب كل شويه تنحنحن كيف النسوان يلا من اهنه واستدارت لورد يلا غوري َو خلصي الوكل داهيه تاخدك من هنا ونرتاح..

خرجت ورد والدموع تنزف َمن عينها ونزلت وهيا تشكو ربها من بشاعه ما يفعلون..فاي ذنب فعلت تلك المسكينه ليفعلو بها ذلك..
نزلت ورد مقهوره ليقترب منها شاكر.. حجك(حقك) عليا يا بت عمي والله ما عارف افتح خاشمي خزيان من امي..

لتهتف ورد بغلب.. كتر خيرك يا شاكر والله ماليا غيرك إهنه.(هنا) . دانا نسيت الكلمه الحلوه الا منك يا واد عمي.

ليهتف شاكر بحب.. والله يا ورد لو اجدر كنت حوشت عنك كل حاجه وبعدتك عن إهنه. والنبي يا ورد ماتعبريهم هما ماعرفش بيعملو ليه إكده وجدي ساكت ليه برضك..

لتهتف.. وانت ذنبك ايه يا شاكر ابويا هو السبب

ليقترب منها.. معلهش يا ورد والله نفسي احطك جوات عيوني(يا حزنك يا حزين)

ليصدح صوت جليله(عقربه الكون جت ) .. بتجول ايه يا محروج انت. هيا مين اللي هتحطها في عينك عشان اجي اخزجهملك.. انت اتجنيت واجف تتنحنح للمحروسه جبر يلمك.. امش غور من إهنه والا يمين بالله لاخلي ابوك يطردك برات الدار يلا غور من وشي
ليحني شاكر رأسه ويخرج وهو يشعر بالقهر..

لتقترب جليله بغل.. بقي واجفه للواد يا بت تشاغليه مانت صحيح مفضوحه ومعيوبه.. لتقترب منها وتمسك شعرها.. والله لاجتلك لو جربتي للواد تاني انت فاكره ان حد هيبصلك واصل.. ويشيل عيبتك من اساسه.. انت لو اتجوزتي هتتجوزي جوازه كلاب وتترمي خدامه انما تبقي ست دار لاه ماهيحصولش يا بت نعمات.. العيبه محوطاكي من فوج لتحت.. لمي حالك ولمي شينك وعيبك بعيد عن ولدي وغوري انحبسي فوج ومهشوفكيش واصل ومالكيش وكل انهارده يلا غوري علي فوج ماعادش الا بت نعمات الواد يبصلها

لتصعد ورد والقهر منغرز في قلبها لتذهب تناجي ربها وتبكي.. يا رب انجدني من اللي انا فيه.. يا رب انا صابره وانت بتجول.. يوفي الصابرون اجرهم.. يا رب ارحمني. يا رب خدني تعبت من الذل ده. عملت ايه هعيش اكده هكمل اكده.. لو طلت اطفش كت طفشت بس اروح فين.. يا رب جايه عند بابك بستنجد بيك ترحمني.. لتنزل عليها سكينه من ربها وتحس ببعض الراحه وتذهب لتنام لعلها تهرب من واقعها.. كانت ورد تنام وحيده جميله فاتنه تركت نفسها لتهرب من زمن وصمها بقهر وذل.. زمن لو ترك الناس واخرجها لهم ستنير لهم الطريق ويلهثون ليصلو اليها.. ورد عن حق ليست ورده ولكنها ورد.. جامعه لكل الجمال.. فنجدها في جمالها ليس لها شبيه من يراها تسرق قلبه دون عناء منها تشع جاذبيه دون اراده منها.. لو اقتربت منها ستجد الحنان والطيبه تغرقانك دون توقف تعيش لتعطي ولا تعيش لتاخذ.. تستحق كل ما هو غالي وعزيز.. ورد تستحق العزيز والاعز ليبذل من اجلها الغالي والنفيس ولكن عندما يكشف اوراقها وتظهر له من وسط العتمه لتفوح رائحتها لتلهبه ويعاني ويعافر حتي يصل لها.. نامت ورد تشكو ربها ظلم بين وسواد حالك.. تشكو ايامها وسنينها التي دعكتها وتركتها لكل نفس دنيئه تتخبطها يمينا ويسار.. كانت ورد مع كل ذلك حامده راضيه تهرب من واقعها. ولكن قدر ربنا مقدر ومكتوب َواللي مقدره لورد هتشوفه عين اليقين.. بس ربنا عادل واكيد ورد هيجي يوم وقدرها هيبقي رحمه من ربنا..ربما ياتي يوم ستعلو ورد وتعلو ينذل لها كل من لاكها بالسنته حتي لو كان عزيزا في قومه.. انتظرونا وسنري..
قلم ميفو السلطان

الثالث من هنا

تعديل المقال