رواية قلوب صماء الفصل الثاني 2 بقلم فاطمة الألفي
عاد الحاج قاسم السمنودي إلي دوارة وجلس مع ابنائه ليتحدث معهم عن أمر الزيجة والنسب بين العائلتين .
جلس الجميع ينتظرو ان يلقي عليهم النبئ المهم الذي جمعهم من أجله .
حامد الابن الاكبر لديه متزوج وله من الأبناء( محمد ، رحيم ، منذر )
ونصر الابن الثاني متزوج وله من الأبناء (قاسم ، حامد )
وابنته منتهي ارمله بعد وفاه زوجها تقطن فى بيت والدها وليس لديها سوا ابنتها (عنبر).
والابن الأصغر محمد متوفي منذ زمن وتقطن زوجته واولاده بمدينه الاسكندريه بعيدا عن مشاكل الثأر والصعيد وله من الأولاد (مالك ، محمود ، ماريا )
جلس الأبناء باهتمام يتبادل النظرات بينهم وتحدث الحاج قاسم وقصي عليهم القرار الذي اقبل عليه واستمع الأبناء حامد ونصر ومنتهى حوار والدهم بصدمة شلت الجميع من هول هذا القرار فكيف يحدث نسب بين العائلتين وبينهم دم ..
لم يستطع حامد الصمود وتحدث بانفعال . كيف يابوي تحط يدك في يد اللي جتل خوي امحمد الله يرحمو ، كيف طاوعك جلبك تعمل إكيدة والدم اللي بيناتنا يا بوي ، عاوز تجوز ولد امحمد من عيله الشهاوي اللي جتلو ابوة كيف بس ،بدل ماتشيع تجيبو اهنيه ويأخد بطاره ويطخهم عيران عاوز اتجوزو
قاسم يضرب بعصاة الأرض بقوة ليصمت الجميع . ولا كلمة زيادة يا حامد اللي حوصل زمان كولهتنا خابرينو زين يا ولدي وكفيانا عداوة لحد اكيدة ، والازغيرين ذنبهم ايه فى اللي حوصل ، وانت ولادك جارك وخيك كمان ولادة فى حضنه لكن ولد امحمد متغرب وعايش بعيد عن اهني كيف المطارد عشان الطار ومش هنفضل أكيدة اني خايف على مالك وخواتو عاوزهم يعيشو في امان ، وولاد الحج واصف مش هيسكتو ويهملو عايش أكيدة وانت خابر زين بيفكرو كيف ، واني اتصرف بالعجل لم حطيت يدي فيد الحج واصف عشان شاري روح حفيدي و خايف عليه يموت فطيس بعيد الشر عنيه ، والحج واصف امعاي ولحد دلوك مانع ولادو عن ولد خيك ، يبج لازمن يوحصل نسب ونلم المستور يا ولدي ونجفل على الدفاتر الجديمة وماتتفتحش وأصل ، وبت عامر الشهاوي ملهاش يد بلي حوصل زمان وكل حي خد جزاتو يا ولدي .
الكلام للكول مش عاوز مخلوج يفتح خاشمة بنص كلمة وكلمتي هتمشي علي الكول الزغير جبل الكبير واني هدلة سكندرية اتحدت مع مالك ولم اعاود هنتم الجواز وخولص الكلام .
منتهي بغضب . وها يا بوي وبتي مش هى اوله بولد خالها كيف راح يتجوز بت نوارة ويهمل بتي يرضيك عاد يابوي
قاسم بشدة . سدي خاشمك يابتي وبتك عريسها موجود لم يعاود من ديشو هنتم الجوازة ومين جالك ان مالك هيتجوز بتك يا ام مخ ضلم لو مالك كان رايد عنبر كان اتجوزها من زمان واكتمي مش عاوز كُتر حديت ماسخ ، اني لازمن الحج الجطر جبل مايتحرك وادلي دلوك على سكندريه
نصر . كيف لحالك يابوي اجي امعاك ولا قاسم يجي امعاك
قاسم بجدية . لاع مش عاوز حد امعاى يا ولدي همولني لحالي المشوار دي لازمن اكون لحالي فوتكم بعافية .
تركهم الحاج قاسم وتوجه إلى محطه القطار ...
..........فى دوار الحاج واصف الشهاوي .........
دلف لداخل الدوار بعد رحيل الحاج قاسم وجد ابنائه فى انتظارة.
على . بوي كان عاوز ايه الراجل دي منيك
واصف . قعمز ياولدي وانا اجولكم كان عاوز اية الحج جاسم
جلس على وشاكر باهتمام .
واصف . على وينها نوارة عيط عليها يا ولدي لازمن تحضر الحديت اللي هجوله .
علي . حاضر يا بوي .
ذهب علي لاحضار زوجته فقد تزوجها بعد وفاه شقيقه وهذة عادتهم فى الصعيد ، إذا توفي الزوج على الاخ ان يتزوج من ارمله اخية من أجل الحفاظ على المال والابناء ، وهذا ما حدث بعد وفاه عامر الشقيق الأصغر وترك خلفه زوجته واثنان من الابناء (يزيد ، جميلة )
يزيد 26عام ويدرس الطب بالخارج .
وجميلة فى الثامنه عشر من عمرها وتركها والدها وهى فى عامها الأول ، وعمها هو الذى تكفل بها ، فهو يعاملها بكل حب وطيبه ويفضلها علي جميع ابنائه من زوجته الاولى ، التى دائما تبغظها وتبغض والدتها نوارة لانها تشاركها زوجها ، لكن لم ينجب علي من نوارة وله من زوجته الاولى ثلاث أبناء (واصف ، عامر ، عنود )
وزوجته تدعي زينب .
اما شاكر متزوج من ابنه عمه إسمها هنيه وله من الأولاد (سند ، كرم ، عز )
+
بعد دقائق حضرت نوارة وجلس الجميع أمام الحاج واصف
وقصي واصف على مسامعهم طلب الحاج قاسم واخبرهم بموافقته وتم قراءة الفاتحه ، وانه لا يقبل باي اعتراض وسوف تتم الزيجه بأسرع وقت منعا لبحور الدم وعليهم الانصاع لطلبه واخماد نار الثأر ..
تعصب علي وصرخ بانفعال . كيف اللي بتجوله دي يا بوي
واصف بحدة . الزم حدودك وانت بتتحدت امعاي بوك مش عيل ازغير عشان تعلي صوتك عليه اكيدة .
شاكر بهدوء . طب فهمنا يابوي كيف توافج تحط يدك فيدهم وعز ولدي رايد جميله وهى مكتوبة على اسمو من وهم عيال ازغيرين ، كيف تترك ود عمها وتجوزها الغريب ومن مين من ابن اللي جتل بوها كيف دى يوحصل يا بوي دى جنان عاد
واصف بشدة . وها يعني بوك اتجنن إياك هى كلمه وجولتها ومش هرجع فيها واصل ومش عاوز اسمع حس فيكم ، دي حفيدتي واني اللي اجرر تتجوز مين وتهمل مين ، اني بس اجول مين ينفعها وخولص الحديت ، نوارة عيطي على جميله رايد اتحددت امعاها فى قاعتي ومش عاوز حد يفتح خاشمه في الموضوع دي خابرين وطول مااني عايش جميلة ملزومه مني اني ومن بعدي جوزها ، ولم ابج اموت ابجو اعملو كيف ما بدالكو خابرين عاد
علي . واني يابوي ماليش رأي جميله دي بتي ومن حجي اوافج علي عريسها
واصف بجديه . لاع جميلة بت المرحوم عامر يا علي وهملني دلوك ...
تركهم وتوجه إلى غرفته ، جلس بالفراش ينتظر قدوم حفيدته ليخبرها عن أمر زواجها ...
عندما اخبرتها والدتها توجهت إلى غرفه جدها وقفت أمام الغرفه ودقت الباب وبعد ذلك دلفت إلى مكان جدها .
كان يجلس بتعب على الفراش ونظر إليها بحنان وابتسامته المعهودة .
واصف بابتسامه يشاور لها أن تقترب وتجلس جانبه . تعي يابتي جاري اهني رايدك فى كلمتين
جلست جميله بجانب جدها وهى تبادله الابتسامه وتنظر له باهتمام .
وضع الجد يدة يرتب على ظهرها بحنيه وهم بالتحدث اليها .
واصف . خابرة يا جميلة انتي غاليه عندي جوي جوي وانتي بتي اللي مخلفتهاش ، واني رايدلك الخير يا بتي والصالح ، ويعلم ربنا اني دي الزين ليكي ولخيك يزيد
نظرت له باستغراب عندما نطق هذة الكلمات اذا الأمر جد وفى غايه الأهمية لأجل أن يتحدث ويلقي بمقدمه قبل الحديث فى الموضوع .
تابع واصف حديثه معها . انتي خابرة ان فى طار بينا وبين عيله السمنودى ولاجل الدم يابتي مايطلش خيك يزيد لازمن نوافج على طلبهم هو صعيب شويا بس انتي يابتي جدها وجدود وباذن واحد أحد مش هترفضي لجدك كلمه ولا تزغيرني جدام الناس ، وعشان نجفل الجديم يابتي والكول يعيش بأمان بعيد عن بحور الدم والعداوة تتجفل ومش تعاود واصل ، عشان اكيدة لازمن نناسب عيله السمنودي وانتي يا حبه عين جدك تجوزي من ولد ولدهم واكيدة نخفي على الجديم عشان الشباب اللي كيف الورد يا بتي يفضل وسطينا وكفاينا دم وطار عاد يا بتي جولتي ايه يا بتي هترفضي لجدك طلبه وانتي خابرة اني بعمل اكيدة لاجل مصلحتك انتي ويزيد ولاد المرحوم الله يرحمو وأن كان علي عز ولد عمك هنفص الكلام فى موضوعه ودي عشان الصالح للعيلتين يا بتي
نظرت إليه جميله بتردد . وجدت جدها مرحب بالفكرة من أجل إخماد الثأر فاذا عليها أن تضحي من أجل ارواح الكثير من العائلتين ومن أجل اخيها فهي لم تتحمل ان يصيبه أي مكروة .
ابتسمت لجدها وارتمت بحضنه وهى تمنع الدموع من التساقط بصعوبه ، ضمها جدها بحنان وقبل رأسها بحب وهو يتنهد . كنت خابر انك لا ممكن تتني كلمه جدك يا جلب جدك .
......
