رواية بيت العنكبوت الفصل الثامن والعشرون 28 بقلم همس
يوم قبل زواج سحر ومشاري
في بيت ابو مشاري
الكل حايس الشغاله مع أم فارس يرتبون البيت من فوق لتحت ومشاعل فرحت بموافقة زوجها انها تجي معاهم ومع اصرار أم غلاب جت مع مشاعل تساعدهم حلفت عليها مشاعل وأمها بس هي قالت ان منعتوني حسستوني غريبة بينكم
مشاعل: علشاني مايتعبونها وهي حامل خلوها تروح لغرفة مشاري ترتبها وتفرش مفرش فخم ابيض راحت للحمام وحطت فيها اكسسوارات حلوة ووزعت الروايح العطرية الي تناسب الحمام
مشاري: دخل هلكان وتعبان لأنه كان مع العمال يعلقون عقود على بيتهم ابو مشاري مصمم الا ينور البيت بالعقود لو انها حركه قديمه الا إنه متمسك فيها
مشاعل: شافته ووجهه محمر يووه لايتعبك المكيف
مشاري: يناظر بغرفته نظرات اعجاب وش هالزين كله ميشو تعبتي نفسك ريحتها فايحه من بعيد ومفرش ولا اروع
مشاعل: مافيه تعب من زمان مشتريتها قلت ابفرشها ليلة زواجك والحمد لله ربي قدرني عليه
مشاري: كلفتي حالك وزوجك معاك
مشاعل: تقول بقلبها مادفع ولا ريال بعت ذهبي وجبت لك ابتسمت بوجه اخوها الحمد لله مافيه تعب ولاشي
مشاري: فتح الحمام يوووه خسارة اخربه ابروح لحمام الجناح الثاني مخليته يلق ماشاءالله ههههههههههههههه
مشاعل: ضحكت فديت عمرك بس ليه متعب نفسك مامعاك أحد يساعدك
مشاري: ماقصرو العيال فارس و عبدالرحمن وسلطان وكل شوي اجلس اجلس بس اخوك مايصبر ابتحمم وانزل لهم
مشاعل: يوووه ثانيه
مشاري: ابتسم لاخلصنا بس يبون يجون راعين القهوة والشاهي والفرشات ابي اتاعبهم وافرش وأتاكد من شغلهم
مشاعل: تتحمم وتنزل وتتحمم ثانيه وتنزل
مشاري: ايه حتى يأذن العشاء ويتكون آخر تحمم خليني الق قبل تجي سحورة
مشاعل: ههههههههههههه فديتك انتي وياها
مشاري: جاء يبي يطلع ماقصرتو والله تعبتو انفسكم حيل معاي وخصوصا انتي وحملك وجيتي تساعدينا
مشاعل: ماعندي أغلى منك اخوي تعرف غلاتك عندي يامشاري ماينافسها الا غلا ابوي وأمي
مشاري: ودي اقرب ابوسك مع جبينك بس فشيله ابتحمم وابوسك على راحتي ابتسم وطلع
مشاعل: الله يوفقك مع سحورة ويعوضك خير يارب
نوال: طقت الباب اهلين شكلي تأخرت
مشاعل: لا ماتأخرتي ولاشي
نوال: تعرفين مابي اخلي سحورة أمها لسه ماجت واخاف تستفرد فيها المجنونة وتطفشها جتهم الي تنقش وانا طلعت جري لكم بس خليت شغالتي تسبقني للبيت من زمان علشان تساعد خالتي لفت تناظر يوووه ايش كل هالكشخه ذوقك يجنن ميشو
مشاعل: عيونك الي تجنن شغغلات بسيطه كملت غرفته فديت عمره
نوال: الله يسعده اليوم ودوم الا ماقلتي لي ليه جايه خالتك عيب والله استحيت وهي تشيل مع امي والشغالات وتحط
مشاعل: ياختي جننتي حلفت عليها رفضت يوم شفتها شالة بخاطرها خفت تزعل كذا طبعها نوال راحتها تساعد الكل يافديتها بس عمري ماشفت اطيب منها
نوال: اجل مابي اتأخر عليهم ابنزل احلف عليها هي وخالتي انا والشغالات نكمل الباقي طلت على الحمام يووووه خيال طلع شكله لو تشوفك غلاوي تنشب لك بس حظك لاهيه هناك
مشاعل: ايه كان تقلب كل اكسسوارة وتسالني بكم ومن وين جايبتها اعرفها واعرف لاقافتها ابلبس عباتي واروح لهم شكل الحوش مليان علشان الشغل تحت
نوال: ايوه بس مافيه عمال راحو بس خذي احتياطك عن اذنك ابروح تحت اساعدهم
مشاعل: نزلت ولبست عباتها دقت على مشاري باقي عمال او لا لأني ابروح لبيت ابو عبدالرحمن
مشاري: لا ياختي مافيه احد خذي راحتك
سلطان: كان يرش الارض قبل مايفرشون العمال
مشاعل: طلعت من باب البيت
مشاري: توهـ مسكر منها نادى سلطان حاسب ياخوي ابعد المويه حتى تمر مشاعل وراح لها يمسك يدها خاف تزلق مع المويه
سلطان: كان وجهه للباب سمع اسمها حس بقشعريره مو طبيعيه وهي واقفه قدامه بعاباتها غصب عنه بحركة لا اراديه رفع عيونه ثواني الا يسحب الي ويلف بكل جسمه ويعطيها ظهره
مشاعل: مسكت يد مشاري وهي ميتة خجل قالت بهمس كان قلت لي ياخوي
مشاري: ابتسم ومسك يدها بحنان ماعليك اخاف اقولك العيال قدامك تهونين ماتروحين وأنا ابيك تتطمنين على سحورة وضحك
مشاعل: نست خجلها ونست ان العيال وراهم يشتغلون ايه قول كذا هههههههههههههههه
سلطان: استغفر ربه وكمل شغله مع الشباب صح مو طايق فارس بس لعيون مشاري وعمه مستعد يسوي أي شي
============
في مكان ثاني كانت عيون تراقب كل شي يصير مقربة كرسيها وتطل مع الشباك الي يطل على حوش عمها
العنود: مقفله باب غرفتها وتابع حركاتهم الكل مبسوط هذا يشتغل وهذا يأشر للعمال وهي نيران تحرك قلبها شافت مشاري وهو ماسك يد وحده من عباتها واضح انها مشاعل وواضح فرحه وضحكته نزلت دمعتها وهي تشوفه ووتخيل مسكته ليدها قبل وسواليفه ومزحه عليها مسحت دمعتها الله يوفقك يارب طق باب غرفتها رجعت الكرسي وسكرت الشباك وفتحت الباب
سلطانة: ياحليلهم بيت عمي من الفجر وهم حالة
العنود: تتظارهر قدام أختها ايه الله يوفقهم وجلست على طرف السرير
سلطانة:جلست دقيت على غلو اشوف اخبارهم تقول شوشتي طايره اليوم بس اسنع وادبر بسحير حتى الفطور مافطرت
العنود: ضحكت الي يسمعها يصدقها
سلطانة: وهي تبتسم ايه صايرة الكل بالكل مالت عليها بس تلقينها مجننة سحر وتقول ادبرها ههههههههههههههه
العنود: تغصبت الضحكه تبي تظهر انه ماهمها تقول بقلبها يابختك ياسلطانة ليتني اضحك من قلب زيك
سلطانة: عارفه ان أختها تتظاهر سكتت ورفعت عيونها لها عرفتي بصلاح
العنود: لفت الجهه الثانيه الله يشفيه عرفت
سلطانة: ربي أخذ حقك منه
العنود: ناظرت أختها حبيتي سلطانة لاتتشمتي فيه بالعكس حزنت عليه مرة
سلطانة: لايكون مازلتي تحبيه وناويه ترجعي له
العنود: مستحيل ارجع له مالي بالزواج خلاص لا من صلاح ولاغيره وحبه قتله من يوم ارسل طلاقي بجواله
سلطانة: اجل ليه الي ماتستحي جايه لك قسم بغيت اذبحها
العنود: كانت تبكي وتقولي سامحيني العنود كنت أغار منك ومن حياتك مع مشاري كنت بحجيم مع زوجي الاول وانتي كنتي زبدة بيد مشاري غيرتي اعمتني عن كل شي يوم شفت اخوي يبك صرت اكثر بالكلام عارفه انه غلط وعارفه انك كنتي مبسوطة مع مشاري بس الشيطان حريص
سلطانة: فتحت عيونها من جد حقيره شين وقوة عين لا وجايه تعترف بعد
العنود: خافت من الحوبة يوم شافت حال أخوها تقولي عارفه كلامي مو سهل وعارفه راح تكرهيني بس اتمنى تسامحيني وأمي مستعده تجيك وتنفذ أي طلب تبينه بس ترجعي لاخوي ترا اكثر شي همه ومتحسر عليه أكثر من عينه انتي يقول رجعوها لي ومستعد اعوضها عن كل الي فات
سلطانة: ايش رديتي
العنود: قلت الله يسامحكم كلكم والي جاني لو مارضيت فيه كان مايجيني غلطت بحق زوجي الأول مشاري وربي انتقم له مني بس رجعه ماراح ارجع وارجوك يانسرين عيني لاتشوفك والله يسامحك حاولت تناقشني بس رفضت اسمع أي كلمة زيادة
سلطانة: ضمتها كفو يابنت ابوي وربي يعوضك احسن منه
العنود: قالت بقلبها كان رازقني بزين الرجال بس ماعرفت قدره الا بعد فوات الآوان
=============
في بيت ابو عبدالرحمن
مشاعل: فتحت الباب ودخلت الا تسمع فوق صوت غلا علقت عباتها وراحت لهم خير خير غلو ليه صوتك طالع
غلا: ياختي جننتي أمي حطتها عندي وبلشت فيها ست وستين نقش يمكن اوريها تقول مابي ابي انعم
سحر: ماردت كانت تقلب بالدفتر
مشاعل: طيب خليها تختار عي بنفسها
غلا: اصلا ماتبي بس علشان خالي ميشو يبي تبي تحط علشانه واضح انها مغصوبه تحطه
سحر: مالك شغل انا بعد احبه من زمان
غلا: واضح ماعمره طب يدك
سحر: حبيته الحين كيفي
غلا: ايه قولي كذا سحبت الدفتر قسم هذا يجنن
سحر: اووف ميشو ياختي خذيها لبيتكم مو قادرة اركز من الفجر مزعجتني
غلا: تقلد صوت سحر ميشو خذيها لبيتكم مالت عليك مضحيه بالجمعه هناك علشانك وتطرديني بعدين ماصار بيت مشاعل مشاعل لها بيت جدي صار بيتك مع مجنونك فلان بن فلان وترقص بحواجبها الي هناكـ >>>
سحر:ابتسمت لها بتريقة شرحك متعوب عليه
غلا: ماتصدقين كيف تعبت وانا احاول اوصلك المعلومة
مشاعل: معاها الدفتر وتقلب فيه هذي جونان شوفيها سحورتي
سحر: مرررة تجنن ناظرت النقاشة خلاص ابغى هذي
غلا: سحبت الدفتر بنت الذين هالبقرة من زمان اقولها لها رافضة والحين يوم قالت لها ميشو تقلد دلعها ايه تجنن
سحر: هههههههههههههههههه مابي شورك استريحي
غلا: قامت وجفتها مع راسها مالت عليك وعلى الي يعطيك آرائه اصلا
بدت الخضابة تنقش سحر وغلا حطت رجل على رجل على اكنبة مسكت جوالها اهلين عريسنا
سحر: فز قلبها يوم سمعت طاريه
مشاعل: تناظر بغلا وسحر تبتسم
غلا: ايه موذيتنا مايعجبها العجب ليتك تأجله كم سنة حتى البنت تكبر وكذا
سحر: تناظرها مقهورة شوفي مشاعل ايش تسوي غلاوي
غلا: بدون مبالات جلست تخربط على مشاري فجأة دق جوالها وهي حاطته على إذنها فزت ورمته
سحر ومشاعل والخضابه ماتو ضحك عليها
مشاعل: صدق من قال حبل الكذب قصير
غلا: فاطسة ضحك دقيقه بنات ابشوف من خرعني واوريه شغله شافت الرقم ياويل حالي هذا خالي ميشو كأنه حاس فيني سوت نفسها عاقله اهلين خالي العريس
مشاري: وهو يبتسم اهلين غلو كيفك بشريني عنك
غلا: ماعليها ماعندها خلاف وتناظر سحر
مشاري: شكلك ماتسمعي زين سألت عنك لسه ماجاء دور عروستي
غلا: ابختصر عليك الطريق عارفه راح تلف وتدور علشان تسأل عنها امممم نقشت نقشة ماشي حالها شويات تخلص اصور لك يدها او اقولك اصور لك هي بشوشتها علشان تشوفها قبل الكشخه وبعد الكشخه علشان تعرفها على حقيتها وماتنصدم فيها بعدين تشوتها وتجلس على كبدي
سحر: تأشر لها بيدها يعني الوعد قدام ماتقدر تتحرك لأنه الي تنقشها ماسكه يدها
غلا: فتحت السبيكر
مشاري: اصلا مايحتاج كشخه ولاشي فديت قلبها زينه بدون شي راضي فيها لو تربطه شعرها قرنين بليلة عرسها زي يومها صغيرة
غلا: رمت جوالها خطيرررررررررررر خالووووووووووووووو اخذته بسرعة ترا عروستك سمعت كل كلامك
مشاري: مادامك فاتحه السبيكر وهي تسمعني نامي زين اميرتي ولاتتعبي حالك وان ضايقتك العوبا غلو دقي علي وأنا اادبها لكـ لاوصيك
غلا: سكرت السبيكر هذا جزاتي ياخال
مشاري: مع السلامة يامجنوتنا راح ازوجك قريب بس اصبري علي
غلا: تناظره يوم سكر شكله يبي يزوجوني يبي الفكه مني عارف اني راح الصق بكبده واستنر بجناحه علشان سحورتي لاصقه لاصقه ياخال مافيها فكه
=================
في حوش ابو مشاري
شغلو الانوار من المغرب وجلسو على الفرشات استعداد لبكره
عبدالرحمن: راح نسهر الليلة مع عريسنا علشان يودع العزوبيه
سلطان: وهو يشرب القهوة ايه تنهى بحياتك قبل الحبسه
مشاري: ابتسم بقلبه جربت الزواج مو جديد علي بس مع اميرتي غير ان شاءالله
فارس: بكل غرور ايه تجيك وحدة تلصق فيك لاتطلع لاتروح عني غريبات هالحريم يصلقون لصقى فكس
سلطان: مايهضمه ولايلف يشوفه اذا تكلم
ابو مشاري: مابلع كلام فارس مازال حاقد عليه بعد شجون لف على مشاري عاد يابوك يرفعون العمال الفرشات وبكره نغسل الحوش ونفرش ثانيه اليوم ماشاءالله المغرب الكل جانا وسلم علينا ماقصرو اجل كيف بكره
سلطان: يناظر مشاري بحب أكيد الكل يحب مشاري من فيه مايحبه
فارس: الا كيف ام زوجتك الخايس
مشاري: رجع لها بعد ماعطاني الوعود والمواثيق مايجرحها بكلمة
فارس: كيف رضت ترجع له
مشاري: علشان عيالها يبون ابوهم
فارس: يع من يبيه هذاك الشيبه
ابو مشاري: كثير رجال تصرفاتهم تطفش وماتنحب مو بس هو
فارس: انقهر من رد ابوهـ سكت مارد
غلاب: جاي يبي ياخذ امه وزوجته ويسهر معاهم شوي بس يوم شاف سلطان سهران معاهم جن جنونه دخل وسلم بدون نفس دق على جوال مشاعل
مشاعل: كانت مبسوطة مع البنات دق جوالها سم غلاب
غلاب: اطلعي بسرعة
مشاعل: شويات يجيبون العشاء نتعشاء سوا كان ابوي ينتظرك ترا
غلاب: وهو راص على اسنانه اطلعي بسرعه بس من الباب الخلفي
مشاعل: اصلا انا ببيت زوج أختي تعالي هناك
غلاب: تنهد براحة خلاص اباخذ امي واجيك وسكر السماعه رجع لهم عن اذنكم
ابو مشاري: افا وانا عمك تعشاء معنا
غلاب: عندي دوام ماقدر اسهر انتظر أمه تطلع وأخذها
سلطان: بقلبه فكه ماحبه هالغثيث
=================
الكل تفرق كل واحد لبيته
غلا: كانت نايمه مع سحر بنفس سريرها وتلعب بشعرها من يصدق آخر ليله معاك
سحر: وهي تناظر السقف راح افقد هبالك غلاوي
غلا: ياشيخه الي يسمعك يقول راح تبعد كلها خطوتين وراح تشوفيني قدام خشتك اربع وعشرين ساعه
سحر: ابتسمت هذا الي مريحني
غلا: بعدت يها عنها سبحان الله مين يصدق كنت راح تتزوجين حمتو والحين راح تتزوجين احلى واحن رجال عرفته
سحر: ابتسمت بقوة فديته
غلا: طقتها على راسها وجعه استحيت يابنت
سحر: هههههههههههه ايش سويت
غلا: مجرد ماجيب طاريه استحي اختشي دبري حالك مو تفتحين لي هالخشه فديته تقلد صوتها مالت جد الي اختشو ماتو
سحر: طيب ولايهمك راح استحي امممم راح نشوف عريسك تستحين عند طاريه او لا
غلا: ياخت انا الحياء بعته بحراج بن قاسم لاني ابيه ولاهو يبيني
سحر: مسكت يدها وحضنتها كنتي لي أخت وصديقه وبنت عم انا ممتنه لعمي وعياله ربي رحمني انه حرمني من أهلي وعوضني بأهل زيكم وخنقتها العبرة
غلا: ماتبي تبكي اقول صرفت الموضوع اقول أخمدي ابرك لك ترا عريسك موصيك تنامي باستها على راسها وطلعت وخلتها سكرت الباب تنهدت بحزن الله يعيني على فراقك ماتخيل بيتنا بدونك سحورتي
================
في غرفة مشاري
مشاري: تحمم ودخل غرفته ابتسم يوم شاف نظافتها وترتيبها مابي انام على السرير اخربه طلع للغرفه الثانيه فيه سريره القديم نفر واحد ماغيره اول اذا تعب ينام عليه لأن العنود تخاف من العدوة ماتتحمل الانفلونزا حط راسه على مخدته تخيل سحر يومها صغيره اول مادخلت اول ابتدائي كان هو بثالث متوسط هو الي ودها مع غلا
سحر كانت لابسه شرايط بيض ومريولها الجديد الي المفروض تفرح فيه بس مافرحت وكانت تمنع عبرتها لاتنزل عكس غلا الي لابسه نفس المريول وطول الطريق تسولف على خالها ومبسوطة اول مانزلو بسرعه غلا تبي تدخل للمدرسه بس سحر رفضت تنزل
مشاري: مسك يدها ليه حبيتي ماتبين تنزلين
سحر: ماتقدر ابي ماما
مشاري: رحمها أمها توها متزوجة وهي عمها توها أخذها ومربيه عنده سجورتي اول ماتطلعين ابوديك لبنده تشترين شكولاته على كيفك وتوريني كتبك الجديدة
سحر: نزلت دموعها مابي ادخل مابي
غلا: شدتها مع يدها يالله بسرعه ندخل
مشاري: بسها مع خدها علشاني لاتبكين والخميس راح اروح فيك انتي وغلو للملاهي اوك
سحر: تحب الملاهي هزت راسها طيب راحت مع غلا وكل شوي تلف تناظره
مشاري: ابتسم على ذكراها سبحان الله الحين الطفلة البريئة زوجتي آآآآآهـ الله يجيبك يابكرة غمض عيونه ومن التعب نام بسرعة
===================
يوم زواج سحووورة & مشاري
غلا: تحوس بغرفة سحر وكل شوي تطق باب حمام سحر يالله سحر اطلعي اخاف انك انتحرتي ترا خالي اليف والله مايعض
سحر: تسمعها وطنشتها وتضحك على جنونها
غلا: اقول سحورة تسمعيني او ادق على خالي يجي ينقذك اخاف غرقتي بالبانيو
سحر: جالسه بحمام دافي ورغوة الشامبو عليها وماترد عليها مطنشتها
غلا: زين أخذت الجوال وقربت عن باب الحمام تراني ادق ومعاي جوالي قسم
سحر: عارفه انها تكذب طنشتها علشان ترفع ضغطها
غلا: عرفت انها ماصدقتها فتحت السيبكر الو خال
مشاري: هلا غلووو
سحر: قامت من غير شعورها ورغوة الصابون فيها ولبست روب الحمام
غلا: خال تعال ماكلت كلمتها لان سحر اخذت الجوال وسكرته
مشاري: استغرب ليه سكرته عاد الاتصال مالقى رد حس ان غلا تلعب باعصاب سحر عارف غلا وجنونها ترك جواله وكمل شغله
سحر: وهي شادة شعر غلا جد انتي هبلا او ايش
غلا: أي مادري يقولن مجنونة بس اتوقعها اشاعات مغرضه
سحر: كلميني جد ايش تستفيدي اذا سويتي كذا جننتني تراك
غلا: وهي تتوجع ليه طنشيني خفت عليك اعرفك خوافه وتحبي خالي بجنون وسامعه انه من الحب ماقتل خفت تقتلي نفسك
نوال: دخلت وشافتهم كذا
سحر: بسرعه تركت غلا
نوال: ناظرت غلا بعتاب لاتكوني مسويه مقلب فيها حرام عليك غلا خلي البنيه تودعنا بخير جننتيها بمقالبك ترا حبيتي ترا مقالبك تحرجها وتضايقها واحنا نحبها ونبغاها تودعنا بخير وذكريات حلوة زي ماودعتنا
سحر: خنقتها العبرة وضمت نوال والله ياخاله اني احبكم وماذكر الا كل خير منك انتي وعمي وعيالك وصعبان علي اترككم وبكت
نوال: دمعت عيونها فديتك سحورة احمد ربي انك راح تتزوجي اخوي علشان اضمن شوفتي لك
سحر: تشوف الدموع ايه بدينا بالأفلام الهنديه دموع وحزن واحنا بفرح يالله بس فلوها وخلونا ننبسط
نوال: بعدت سحر عن حضنها يالله حبيتي كملي تحممك وانتي سحر ياويلك لو ضايقتيها روحي وخليها بحالها
غلا: تناظر سحر يوم قربت سحر من جنبها شدتها سحرر وحضنتها بقوووة راح افقدك يالدوبا وجلست تبكي
سحر: ضمتها بقووة وانا وربي
غلا: ماتخيل يومي بدون اشوفك سحورة انتي اختي وصديقتي وروحي
سحر: يكفي غلووو وربي انك تقطعين قلبي
غلا: ماتبي تضيق صدرها بعدتها عن حضنها ومسحت دموعها وانتي صدقتي اني ابكي بس ابعيش المسلسل الهندي الي عشتيه انتي وأمي قبل شوي
سحر: ضحكت فديتك بس
غلا: يالله مابقى شي جهزي حالك شويه وتجي الكوافيره راح تصيري احلى عروسه
سحر: بخوف تتوقعين اعجبه
غلا: تعجبينه ونصف
سحر: يارب اعجبه انا احس اني ولاشي قدام العنود واحسه يحبها حيل
غلا: بلا سخافه خالو مشاري ماحسه كله حب احسه احترام وترا العنود ملامحها حاده انتي ملامحك طفوليه وناعمه والاحظ خالي مرة مبسووطه وينبسط اذا تكلمت عنك يالله يخفي ابتسامته
سحر: يارب غلا يارب وربي اني احبه واموت فيه بس اتمنى يحبني زي ماحبه
غلا: يحبك اكثر ان شاءالله ويابختك فيه
سحر: تنهدت ايه وربي يابختني فيه امنيه مستحيله تحققت لي
غلا: شدتها مع روبها بس امنيتي تكملي تحممك احس الشامبو لصق على جسمك يالله خلصينا
=====================
في بيت ابو مشاري
مشاعل: يمه مادقيتو على شجون تعزمونها انا ادق عليها جوالها مسكر
فارس: يتابع بحماس بس بصمت
دلال: نفسها تجلد مشاعل بس ماتقدر تقول شي بهمس قالت إف
فارس: طالعها بنظرة يعني خير
دلال: خافت وسكتت
ام فارس:لايبنتي مادقيت عليها ابوك قايل لاحد يضايقها يكفي ماجاها والظاهر انها مغيره رقم جوالها
مشاعل: بحزن اشتقت لها
ام فارس: حبت تغير الموضوع كيف الحمل معاك
مشاعل: ماعليه بكرة ادخل الشهر الثالث
فارس: الله يتمم عليك عقبالنا خوفي اطلع عقيم زي اخوي مشاري
امه: بسم الله عليك حبيبي
مشاعل: بدون نفس تفاؤلو بالخير تجدوه وقامت من عندهم
فارس: اتمنى تعطيني ريق حلو ماتكلمني الا من وراء خشمها
أمه: حبيبي مع الحمل المرة ينقلب مزاجها لاتلومها ياروحي
فارس: اووف اكره دلع الحريم
أمه: بحنان بكره تدلع عليك دلال
فارس: خليها تحمل ويصير خير
في غرفة مشاري
مشاري توه مخلص تحمم دق جواله فرح يوم شاف الرقم هلااااااا وغلاااااااااااااااااا وين الغيبه يالقاطع
ياسر: أي غيبه كل نهاية اسبوع ادق عليك
مشاري: مان علي باسبوعين وانت خشتك ايه عرفت غلاك وصرت تتغلى علي
ياسر: لو اتغلى ماجيت على اول طيارة يوم عرفت بخبر زواجك
مشاري: فتح عيونه لاتقول انك هنا
ياسر: الا الحمد لله الفجر وصلت
مشاري: خابرك قايل لي ماقدر عندي امتحانات ومزحوم
ياسر: مررة مزحوم بس لعيون اخوي مشاري كل شي يهون بكره ان شاءالله راجع
مشاري: يوووه ياسر غلبت حالك وتعنيت والله كل كلمات الشكر قليلة بحقك
ياسر: مابين الاخوان شكر وتعرف انت اقرب الناس لي
مشاري: عسى عيني ماتبكيك وجعلني افرح فيك
ياسر: تنهد بضيق الي ابيها ماحصلتها الى هالحين
مشاري: والله انك مكبر المسألة حيل كم بنت تقابل وتلمح لك ياهي ياأهلها وكلهم ماعجبوك
ياسر: ولا وحدة دخلت قلبي بس ماعلينا اخوي تزوج كأني انا متزوج وبكره يجيك ولد تسميه علي
مشاري: والله انك متفائل مرة
ياسر: دايم ظني بربي كبير
مشاري: ونعم بالله بس تراني خاطبك لبنت عزيزة وغاليه علي بس رجه تحمل رجتها ابيك انت تربيها وتعقلها
ياسر: لاياخوي تعرف ذوقي في البنات
مشاري: ماراح تندم ترا قلبها طيب وخفيفة دم
ياسر: الله يوفقها مع غيري بس انا مشغول بدراستي الحين وبعد ماصير استشاري واجيب الشهادة اوعدك راح افكر بالزواج ان شاءالله
مشاري: الله يعجل بشهادتك وافرح فيك يارب
ياسر: صح أخبار اخوك مع زوجته الاولى
مشاري: خلها على ربك يا ياسر بس
ياسر: افا ايش صار
مشاري: المسكينة اقامو على أختها حد القصاص
ياسر: عقد حواحبه لاحول ولاقوة الا بالله الله يغفر الله يارب ايه لاتقول اخوك تركها علشان كذا
مشاري: تنهد بضيق هي مفروضه عليه وفرح ان جته الفرصة يتخلص منها
ياسر: حزن علشانها ورحمها تنهد بضيق ياخوي قول ريحها وفكها احيانا الطلاق راحه
مشاري: وأنت صادق اتوقعها راح ترتاح وهي بعيده عنه وابوها توفي مابقى شي تخاف منه الله يسعدها ذاك البنت وربي قليل زيها عمري ماشفت زي حكمتها وهدوئها امي ياياسر ماكنت تحبها وخلتها تحبها من تصرفاتها وطيبة قلبها
ياسر: صدقني وثق بالله ان ربي راح يعوضها خير واخوك راح يندم بيوم
مشاري: والله دايم اقوله راح تندم يافارس بس لاحياة لمن تنادي
ياسر: عطلتك ياعريس كمل لبسك وكشختك وراك سهره الليله
مشاري: مشكور يااغلى من اخوي
ياسر: ياليل ردينا للشكر يالله اخليك وانا ابنام شوي قبل يأذن العصر تعبان وهلكان من الطريق
مشاري: نوم العوافي وجاء يبي يسكر
ياسر: مشاري
مشاري: ســـــم ياياسر
ياسر: بتردد انت عرفت بالي صار لصلاح
مشاري: سكت شوي ايه وصلني الخبر الله يعينه
ياسر: والله لو تشوف حاله تحزن عليه حيل
مشاري: ربك يعين والله يعوضه خير حتى بنت عمي الله يعضوها خير منه
ياسر: اللهم آمين المهم عطلتك اشوفك اللي هوانا ابزفك بسيارتي ترا
مشاري: أكيييييييييييد ماعندي اعلى منك
ياسر: ابتسم الله يغنيك ويخليك
مشاري :سكر منه وكمل اغراضه وهو مرررة مبسوط كأنه اول مرة يتزوج يمكن لان زواجه الاول حاس ان العنود مو متقبلته وانه مفروض عليها فرض يحس بشوووق لسحر مو طبيعي طالع ساعته ماطولك ياليل
================
في القاعه
غلا: بسررررعه اطلعي ماصارت سحوورة كل هذا لبس فستان
سحر: احاول اسكر السحاب مو قادرة
مشاعل: تبيني اساعدك ياقلبي
سحر: لاشويات ويتسكر
نوال: يالله بنات وين سحر
غلا: الهبلا مو قادرة تسكر سحابها
نوال: افتحي ان ادخل اساعدك سحورة
سحر: فتحت لنوال
غلا: هالبقرة لنا ساعه نترجاها نساعدها ورافضه وأمي بسرعه تفتح لها
مشاعل: لاتنسين تراها تمون على نوال كأنها أمها
ام سحر: ها هـ وينها سحورة
غلا: شويات وتطلع ياخالة
ام سحر: فديتها ودموعها متحجرة بعيونها
نوال: طلعت وفتحت الباب عروووووستكم خلصت
الكل متحمس يشوفها
سحر: طلعت بفستان ابيض ماسك على جسمها النحيف ووسيع من تحت شايله شعرها كله على فوق ومثبته تاج ناعم على راسها ونزالها طرحتها على وراء وكانت طرحتها خليجيه ومكياجها ناعم زي نعومة ملامحها
غلا: صفرررررررت ررررررروعه ياأميرررررتنا سحورة
سحر: بخجل وخوف جد
مشاعل: جدين وعمين وخالين تجنني يابنت تجنن ناويه تجلطي خالي هالليله شكلك
ام سحر: قربت لبنتها وصارت تقرا عليها بسم الله عليك ياروحي وضمتها ونزلت دموعها
نوال: همست بإذنها تماسكي
سحر: شويه وتنزل دموعها
غلا: يوووه العروسه راح يخرب مكياجها بسرررعه على الزفه نلحق مابقى من المكياج
الكل ضحك حتى سحر ابتسمت بس كانت خايف حيل
نوال: يالله حبيتي الزفه وشويات تبدأ
سحر: خايفه ياخالة
ام سحر: تعالي قلبي انا معاك وصلوها عند الدرج ونزلو قبلها
غلا: ابنزل قبلك درجتين وانزلي بعدي علشان اصورك
سكرت الأنوار والكل يترقب نزول سحر الي سحرت الكل بشكلها ونعومتها
العنود: بحزن تترقب نزول سحر تتذكر زواجها يوم ترفض تنزف ويوم دخل عليها مشاري وكانت معبسه ومابتسمت له ابد ناظرت بسحر الي كان الفرح والخجل بملامحها نتهدت بحزن تساهل يامشاري كل خير يارب تسعدينه ياسحر وتعويضنه الي حرمته منه
سلطانة: تناظر أختها بطرف عينها وحاسه فيها بس سوت نفسها مالاحظتها حزينه مرة لأختها بس ماتقدر تسوي لها شي
سحر: نزلت ردجة درجه وهي مرتبكه وخايفه مرة ماصدقت توصل للكوشة والكل جاء يبارك لها
العنود: قربت منها علشان تبارك لها
سحر: تغير وجهها
العنود: ابتسمت وقربت لها لاتفرطي فيه حاول تسعديه تراه جوهرة ثمينه الله يسعدكم
سحر: انقهرت من كلمتها وماردت عليها
نوال: معاها جوالها ترا عمك يقول نصف ساعه وراح ندخل مشاري
سحر: معاها باقة الورد وصارت ترجف البنات يرقصون قدامها ومو مركزة تستحي منه حيل
نوال: يالله حبيتي ندخل داخل علشان ندخل مشاري
===============
عند الرجال
مشاري: عبدالرحمن اتوقع يكفي ماعندكم نية تزفوني لها
عبدالرحمن: الي يشوفك ياخال يقول ماتزوج قبل اركد الثقل زين هههههههههه
مشاري: نشوفك ان شاءالله اذا صرت عريس
عبدالرحمن: اعجبك انواع الثقل
مشاري: نشوف بعدين وراح اذكرك
محمد: يالله مشاري على بركة الله
مشاري: فرح كأنه له سنة ينتظرها
سند : يطالعه يحق لك تفرح بالفلوس الي راح تجيك من ورث ابوها كسبتها وخسرها ولدي الخبل حمد
صلاح: كان لابسه نظارة سواداء علشان يخفي عينه راح دخل مسرع قبل مايدخل مشاري على عروسته مشاري
مشاري: وقف ولف يدور الي يناديه
صلاح: قرب له بخجل ومتأكد ان مشاري ماراح يعطيه وجه
مشاري: طالعه بعدين وهو ساكت يبي يشوف ايش يبي
صلاح: بخجل جيت ابارك لك وسكت
مشاري: مد يديه وسلم ببرود واضح بخاطره شي بس مايبي يردهـ علشان ربه بس
صلاح: ماتوقع موقف مشاري كذا معاه وهو الي هدم بيته وخرب حياته استحى من تصرفه وعجز يتكلم راح له و حضنه مشاري سامحني اخوي
مشاري: الله الي يسامح ويعفي ومابقلبي شي عليك وجيتك هنا فرحتني حيل مشكور ماقصرت وسلامتك ماتشوف شر
صلاح: انا الي اشكرك ووو
مشاري: لاتكمل الي فات فات واحنا عيال اليوم
فارس: مقهور من موقف اخوه من صلاح بقهر يالله ياخوي تأخرت عليهم
مشاري: اعذرني صلاح مضطر اروح وان شاءالله اشوفك وقت اوسع
صلاح: براحه ان شاء الله راح عند ياسر
ياسر: عين العقل الي سويته
صلاح: تأنيب ضميري حيل متعبني ياياسر والله الحين بعد موقف مشاري معاي راح يقتنلي مو بس يتعبني
ياسر: من حيني قايلك مشاري قليل من الرجال زيه طيبة قلبه وأخلاقه ماتلقاها بالزمن مقتدي نبيه اللهم صلي وسلم عليه
صلاح: والله انك صادق واحد زي مشاري حرام أحد يضره وانا ضريته وخربت حياته
ياسر: كيفك معاها ماحوالت ترجعها
صلاح: مر اضيه ترجع لي ابد الي سويته فيها مو قليل ابد
ياسر: حط يدهـ على كتفه خلاص ياخوي الي فات مات
صلاح: يالله نطلع أحس نفسي مخنوق مرة
ياسر: يالله مشينا
سحر: دخلوها لغرفة خاصه فيهم ودخلو معاها اهل مشاري وأمها
غلا: كل شوي تقول جاء ويتجهزون بعدين تقول لا توه ماجاء
مشاعل: يوه طفشتينا تراك جاء ماجاء
غلا: لابس يعجبني تقلب وجه سحورة ابي اطلع من وجهها كل الوان الطيف كل ماقول جاء يطلع لي لون جديد بعدين يختفي هههههههههههههه
مشاعل: راح نشوف بيوم زواجك
غلا: انا ابخوفه مو هو وراح تشوفون
نوال: يالله جاء
سحر: خلاص ترجف بقوة حتى طاحت منها باقة الورد
غلا: ركضت ورجعتها لها اثقلي يابنتي اركدي وربي خالي مايعض
عبدالرحمن: دخل قبلهم بعدين محمد عمها
مشاري: آخر من دخل قال بسم الله بصوت عالي بعدين قال السلام عليكم
سحر: صوته يربكها ماضايقها طول ملاكها مرة طلع وياها بعدها ماكلمها ولاشافها علشان مايشغلها عن دراستها
ام سحر: قربت منه مبرروك ياوليدي احرص عليها حيل تراها أمانة برقبتك
مشاري: باسها مع راسها من عيوني قرب من سحر وتوه يشوفها زين لان اول مادخل كان الكل بوجهه يباركون له شاف ملاك صغير مرتبك ابتسم بحنان وقرب لها وباسها مع جبينها
سحر: زادت حرارة جسمها بوسته اربكتها حيل
مشاري: مسكها مع يدها وأهله يباركون لهم جلس معاها ورقصو عنده وعطوهم عصير قرب العصير لفمها
سحر: مرتبكه حيل مو قادرة ولاتشرب
مشاري: بهمس سحر
سحر: رفعت عيونها له لبيه
مشاري: ابتسم لها
سحر: نزلت عيونها بسرعه وابعدت عن العصير
غلا: لازم تشربون بعض ابصوركم
سحر: هزت براسها لا
مشاري: يالله سحورة قربيها من فمك بس
سحر: استحت ترفض وقربتها من فمها
مشاري: همس لها عند إذنها ليتني انا العصير
سحر: تقلب وجهها الوان
غلا: لاااااااااا مانبي الوان الطيف تطلع عند الصورة
الكل ضحك عليها
وسحر: خلااااص زاد احرجها شويه وتبكي
مشاري: حس فيها يالها نمشي
سحر: لارد
مشاري:مشاعل جيبي عباتها
غلا: ماكملت صوركم
مشاري: الي أخذتيهم يكفي بعدين نكمل
غلا: شوري عليكم ترا راح تندمون
نوال : خلاص غلا خليهم براحتهم
مشاعل: عطت سحر عباتها وساعدتها هي وأمها على لبسها
سحر: مرتبكه مو قادرة حتى تلبس
مشاري: بشويش عليها
غلا: بسم الله ياخال ماراح نآكلها
مشاري: ومين قالك اني راح اسمح لكم تآكلونها هذل لي لحالي بس
سحر: عضت على شفايفها من الخجل
مشاري: مسكها وطلع معها وفتح لها الباب وركبها وساعدها على فستانها
محمد: مسكه ماوصيك عليها يامشاري هذي من ريحة الغالي عبدالعزيز
مشاري: سحر عيوني الثنيتن ان جاها شي انعميت
محمد: حضنه وطبطب على ظهره كفو ياولد بندر كفو وعارف انك قد الأمانة
مشاري: كفوك يالله عن اذنك فسخ مشلحه وركب وهو حيل مبسوط
سحر: بس تفرك ببقاتها تنفت بيدها بدون ماتحس
مشاري: يطالعها ويبتسم كيفك
سحر: بهمس الحمدلله
مشاري: دووم يارب
مشاري: مبرروك
سحر: الله يبارك فيك
مشاري: مافيه لي مبروك كيفك
سحر: استحت وماردت
مشاري: ابتسم لها ويوم وصلو لليبت فتح لها الباب وساعدها على فسخ عباتها
سحر: وقفت ماتحركت ومنزلة راسها ماحست الا ورجوالها تبتعد عن الأرض انتبهت وهي بحضن مشاري شايلها سحر لا انا ابمشي
مشاري: كنت اشيلك طفلة خليني اجرب اشيلك وانتي زوجتي
سحر: ارجوك نزلني مشاري قالتها بنعومه وبصوتها المبحوح
مشاري: تقولين اسمي وتبيني انزلك مشى فيها وقرب للدرج
سحر: خافت تطيح وضمته
مشاري: فرح يوم ضمته بدون ماتحس وصل للغرفه ونزلها
سحر: ماصدقت توصل نزلت ونزلت راسها
مشاري: مسك يدها وجلسها على الكنبة وجلس جنبها يطالع فيها
سحر: تفسخ وتلبس دبلتها من زود خجلها لانه حيل خجلها بنظراته
مشاري: مسك ذقنها ولفها عليه ويطالعها بعيون كلها حب
سحر: منزلة عيونها ماقدرت ترفعها
مشاري: ارفعي عيونك
سحر: بخجل رفعت عيونها له
مشاري: والله كبرتي واحلويتي بس مازلت ملامحك ناعمه زي ماكنت
سحر: نزلت راسها بخجل
مشاري: حبيتي لاتحرميني من عيونك
سحر:فرحت يوم سمعت كلمة حبيتي منه رفعت عيونها الصغار الحلوات وابتسمت وطلعت غمازاتها
مشاري: خلاص مو محتمل كل هالحلا قدامه من يومك صغيره كنت اتعمد اضحكك علشان تطلع غمازاتك
سحر: خدودها حمرت من زود الخجل ومو قادرة ترد عليه
مشاري: فرح يوم شاف وجهها اشرق بفرحه تكتمها مسك يدها وباس اصبع اصبع بعدين حطه يدها بيده بس ماقلتي لي انا ايش اعني لك ياسحر وافقتي علي مضطرة او لا تنظرين لي اني كبير بالعمر وفارق العمر بيننا يمنع سعادتنا او لا
سحر: ناظرته بشوق انت حب الطفولة يامشاري
مشاري: استغرب وتفاجأ من ردها احلى مفاجأة له اول شي تغير وجهه
سحر: انتبهت لنفسها وفاقت من سكرة حبهاله سحرها بكلامه لها اسكرها وخلاها تعترف له بحبها له ندمت على كلمتها ونزلت راسها
مشاري: لآآآآآآآآآآآآآ ارجوك لاتحرمني من العيون الحلوة غير مكانه وجلس عند ركبها احلى مفآجأة ياسحورتي وربي احلى خبر سمعته بحياتي معقولة النسمة الهاديه الرقيقه سحر تحب شايب زي مشاري
سحر: ابتسمت له بحنان لاتقول عن نفسك شايب انت احلى رجال شفته بحياتي
مشاري: الى هنا وخلااااااص ماتحمل بنت بنعموة ودلع وانوثة سحر تعترف له بحبها له ماقدر يتحمل ...........
نسكر الستار عنهم ونخلي معاريسنا يكملون سهرتهم بهدوء ورومانسيه والصباح رباح نمر عليهم ونشوف ايش صار عليهم
صباحية حلوووة ياكتكايت الحب والغرام
راح نزوركم ونتطمن عليكم بالجزا التاسع والعشرين
بس
