رواية القصه واللي كان الفصل الرابع والعشرون 24 بقلم رحاب القاضي

رواية القصه واللي كان الفصل الرابع والعشرون 24 بقلم رحاب القاضي 

"لا نحتاجُ سِوى الرأَفة بِبعضنا البعض، الرأفةُ في الحديث، في الفِعل، في التمسُّك، وحتىّ في التخّلي." - أحمد خالد توفيق ــــــــــــــــ•••ــــــــــــــــــ•••ــــــــــــــــــ•••ـــــــــــــــــ _ما بين نسمات الليل، بمنزل راقي باحد البنايات العاليه كان يجتمع برفاقه، والغضب مسيطر عليه ولما لا وهو اكثر من ذاق الظلم والان يري غيره قتل بلا ذنب من هؤلاء السامون.. خالد بحده غلط ي سليم انت عايز تنتقم منه مكنتش سكت وانت عارف انهم هياذو البنت الغلبانه دي.. سليم ببرود مكنتش اعرف انهم هيموتوهاا.. يحي بسخريه لازعه لا ي راجل كانو مثلا هيشكوها بدبوس.. سليم بجمود من غير تريقه ي يحي انا.. صاح فيه يحيي بغضب مقاطعاً اسكت ي سليم، انت كده مفرقتش عنهم فحاجه مانا لو عايز انتقم منهم كنت قتلت مرات خليل ولا بنته بس دول ناس ملهاش ذنب مشكلتك كانت مع محمد وعمر والشيمي البنت دي مكنش ليها ذنب راحت نتيجة قرفهم وربنا ادلك سبب ودليل عشان تنقذها وانت سكت وشاركت معاهم بسكوتك.. سليم بغضب مكنش قلبه هيتحرق غير كده، انا سكت بس عشان اشوفه متعذب ومحروم من البنت اللي حبها زي معمل فيا، وعمر انا اللي زنيت ع خالد يتجوز نور قبل كتب الكتاب عشان يتوجع نفس وجعي، وانا معاكم هنا عشان انتقم منهم وبس.. خالد بهدوء قبل ان تتاذم الاوضاع بينهم خلاص ي جماعه اللي حصل وسليم معاه اهو الفديو هما اكيد دلوقتي هيفهمو محمد ان اللي قتل مي يحي.. سليم بهدوء انا هبعتله الفديو واخليهم يولعو فبعض.. يحي بحده انت متفكرش من دماغك تاني ي سليم، والفديو تخليه عندك لحد يوم العمليه عشان انت ما تتكشفش وتروح في داهيه وتبقي الضحبه الجديده ليهم.. سليم بتنهيده غاضبه طيب العمليه امتي احنا معندناش ولا معلومه عنها اصلا والوقت عمال يعدي وده وحش علينا احنا.. يحي بضيق انا مراقب مندور الاربعه وعشرين ساعه مفيش خبر عن حاجه زي دي خالص.. سليم بجمود طيب مهو يمكن عدنان بيسوحنا او بيلبسنا فالحيطه مثلاً.. خالد بنفي لا لا مستحيل انا اعرف عدنان كويس لو كان فنيته حاجه كان قلب علينا الدنيا من غير ميحتاج يخطط، بس هو فعلا عايز يبطل لانه كان قبل كده بيعترض ع شغل الحج بس الحج كان بيزعق فيه وبيهدده زي مبيعمل معانا بالظبط.. سليم بغيظ اومال مش عايز يساعدنا لي فهموني؟.. نهض يحي واقفاً واجابه عشان اللي احنا عايزين نسجنه وندمره يبقي ابوه.. خالد انت رايح فين ي يحي؟.. يحي بجمود رايح مع سالي للدكتور، وموضوع العمليه ده مقدمناش غير نستني لان اي حركه غبيه هتودينا فداهيه.. _ذهب للخارج واخرج هاتفه وبحث عن رقمها الذي غيره مؤخراً الي اسم "ام يونس" واضعاً قلب احمر بجوارها، يعلم بانها غاضبه الان لانه اخبرها انه سيقوم بتوصيل فرح الي المحطه، ورغم انها لم تبدي اعتراض الا انه علم بحزنها من هذا لذلك ارسل معها خالد وبقي هو بالعمل، قام بالاتصال بها.. فاتاه صوتها الهادئ نعم؟.. اردف بهدوء وهو يدلف خارج الاسانسير متجهاً لسيارته انعم الله عليكي بتعملي اي؟.. سالي بجمود كنت باكل وبتفرج ع التلفزيون.. يحي بابتسامه هادئه وهو يصعد سيارته بتتفرجي ع اي وبتاكلي اي؟... اجابته بتنهيده عاليه باكل سندوتش جبنه بيضه وطماطم وزتون ويتفرج ع فيلم بحبك.. اردف بنبره هادئه وانا كمان بحبك.. ابتسمت رغماً عنها قائله بنبره خجوله لا ده فيلم تامر حسني واسمه كده... يحي بنبره حاده اي لا دي هو انتي مش بتحبيني ولا اي؟.. سالي بهروب من مشاكسته انت سايق صح؟.. يحي بحزن مصطنع بتتهربي من السؤال ماشي ي سالي، زعليني بقي وانا سايق عشان اتعصب واسوق بسرعه واعمل حادثه مانتي لو بتحبيني مش هتعملي كده.. قاطعته قائله بخجل شديد بحبك ي يحي اسكت بقي.. ضحك بهدوء قائلاً هههههه طيب مانا عارف انك بتحبني عشان انا اتحب اصلا.. سالي بغيظ انت عايز اي ي يحي وفينك اصلا مش المفروض فالشغل ولا روحت فين حضرتك؟.. اجابها بهدوء بصي ي ستي انا حسيت الصبح ان في واحده حبيبت قلبي زعلت اني هوصل فرح فعشان زعلها فارق معايا بعت خالد مع فرح واخدت انا شغل خالد وشغلي ومعرفتش اكلمك، وبعدين دلوقتي كنت قاعد مع خالد فكافي كده وخلصت اهو وجاي اخدك.. سالي بعدم فهم هتاخدني فين؟.. يحي بخبث فحضني طبعاً.. سالي بغيظ وخجل اتلم ي يحي وبعدين اقفل متتكلمش فالفون وانت سايق ممكن.. ابتسم بهدوء قائلا حاضر بس ممكن انتي تقومي تجهزي عشان اجي اخدك ونروح للدكتوره نطمن ع الواد يونس.. ابتسمت باتساع قائله هو انا كنت هروح بكره و.. يحي بهدوء لا انا حجزت من يجي ساعتين وهنروح النهارده عشان موضوع الدوخه والتعب اللي بيتكرر معاكي ده.. سالي بحماس ماشي هجهز بسرعه اهو بس متتاخرش.. ابتسم لحماسها بسعاده قائلاً حاضر ي حبيبتي مش هتاخر.. _منذ الصباح يجلس عدنان بغرفته بذلك الاوتيل، تاره يقف بالشرفه المطله ع الماء وتاره اخري يجلس بالداخل وهو شارداً ويتردد باذنه كلام ذلك الرجل الذي يدعي فؤاد عندما جاء له بالصباح واخبره بما عرفه عن صفيه.. _فلاش باك... ـــــــــــــــــــــــ عدنان بجمود متتكلم ي فؤاد ع طول؟.. فؤاد بايماء ي باشا انا مش عايز اقول حاجه تعمل مشاكل وعشان كده سألتك انت عايز اي من البنت دي وده عشان مش عايز حضرتك تزعل او تدايق من اللي هتسمعه.. احتدت ملامحه قائلاً بجمود اتكلم ي فؤاد مش هقول تاني.. فؤاد بضيق الحج عبدالدايم كان شيخ الجامع بتاع منطقة مندور العشري وكان صاحب الحج مندور وغالي عليه وكان عنده قهوه بس كان مشغلها بما يرضي الله لا شيشه ولا سجاير ولا حتي كان بيخلي اي طالب فايام الدراسه يقعد فيها، المهم الراجل ده عنده بنتين ومراته ماتت وهو بتولد البنت الصغيره، بنته الكبيره صفيه كانت هي وعمر عزام بيحبو بعض وده ع كلام ناس كتير فالحته وقالو كمان ان عمر راح خطبها اكتر من مره من ابوها بس ابوها رفض عشان هو كان مش مظبوط وحضرتك عارف يعني اي عمر عزام... عدنان بنظرات جامده كمل.. فؤاد بجديه وبعض من القلق متابعاً وقالو ان بعد م ابوها رفضه راحت غلطت معاه فالحرام وابوها لما عرف اللي عملته بنته طب ساكت ومات وهي اتجوزت عمر عزام.. _لمعت الدموع فعينه بخزلان وعدم تصديق لما استمع اليه واردف بجمود... عدنان كمل ي فؤاد، في حاجه تاني؟.. فؤاد بقلق في كتير اولهم ان شوقي راح اتجوز اختها الصغيره عشان يبقي مع عمر ونسيبه، بس اللي حصل ان عمر واخوه طفشو صفيه دي فعيشتها لحد مطفشت من عمر ورفعت عليه قضيت طلاق وع كلام الناس برضو انها فضلت سنين بتحاول تطلق منه وهو كان معلقها وخلاص وبهدلها لحد متدخل الحج مندور وطلقها منه وساعدها تفتح القهوه بتاعت ابوها وفتحلها البيت من الاول وخلاها قعدت فيه، وقالو كمان ان من وقتها وهي بقيت بدل البت الغلبانه الضعيفه بقيت ست الحته كلها تأمر وتتأمر واجدع راجل هناك بيعملها الف حساب.. _ضحك عدنان بهدوء وعدم تصديق فكيف لتلك الفتاه البريئه من وجهة نظره ان تكون بتلك الشخصيه القويه.. فحين تابع الاخر فوسط م بسال عليها ي باشا، روحت سالت واد صاحب محل موبيلات قالي كلام مش كويس عنها وانها ع علاقه بيحي عادل اللي شغال مع الحج مندور.. عدنان بنظرات غاضبه علي علاقه بمين الواد ده اكيد بيخرف من دماغه.. فؤاد بضيق وقلق للاسف ي باشا هو معاه حق لانه وراني تسجيل لكاميرات الشارع ان يحي كان بيتسحب بالليل ويروحلها ويطلع من عندها وش الفجر، بس بعد متجوز بطل يروحلها، وبقيو بيتقبلو عادي فالقهوه وكده.. عدنان بسخريه غاضبه كان بيساعدها، والييه مكنش بيساعدها لله فـ لله، وجايه ترسم عليت دور الشرف... فؤاد بهدوء في حاجه اكيد ورا باقي الموضوع ده، لازم تفهم ي باشا هي عايزه توصل لاي مع جنابك.. _فاق من شروده وعيناه مليئه بدموع متحجره قاسيه وصلبه تأبي الهبوط كي لا تخبره انه ضعيف، بل ظلت عالقه وكانها تخبره بان لا ينحني ولا ينكسر ويبقي متحجراً وصامتاً مثلها، لا يعلم لما تالم عندما علم بكل ماضيها القذر، هل احبها لا يعرف ولكنه رسم بباله اشياء سعيده ومختلفه معها والحقيقه خزلته بواقع مرير، لاول مره ينجذب لاحد مثلها ويبدو انها ستكون الاخيره.. _ذهب لخزانة ملابسه وابدل ملابسه لاخري عباره عن بنطال رمادي وقميص اسود ابرز عضلاته بقوه وحذاء اسود رياضي وتألق بكامل اناقته وذهب للخارج وهو ينوي فعل شئٍ ماا.. ـــــــــــــــــــــــــــــــــــــــــــــــــــــ ــــــــــ #بقلم_الكاتبه_رحاب_القاضي ــــــــ ـــــــــــــــــــــــــــــــــــــــــــــــــــــ _وفي منزل الهام كانت جالسه معها لبني التي اخبرتها بهدوء... لبني انا لازم امشي بقي ي الهام؟.. الهام بحزن تمشي فين، هو انتي جيتي فاي وهتمشي فأي ي لبني اقعدي معايا شويه.. لبني بجديه والله كان نفسي بس مش هينفع انا سايبه صفيه تعبانه فالبيت حتي مراحتش الكافي بتاعها النهارده، قولت اعزي ام مي واجي اشوف يوسف وامشي.. الهام بقلق خير مالها صفيه، حصلها اي؟.. لبني بضحكه هادئه والله معارفه اقولك غير ان صفيه دي وقعت فحكايه زي الافلام.. الهام بحماس لا احكيلي يلاا.. لبني وهي تنهض وتذهب للخارج وقت تاني ابقي احكيلك مش فاضيه.. الهام بهدوء وهي تذهب معها للخارج ماشي ي حبيبتي خلي بالك من نفسك.. _فذلك الوقت فتح الباب ودلف سليم للداخل وما ان وجدها امامه حتي ابتسم رغما عنه لها.. لبني بهدوء ازيك ي سليم عامل اي؟.. اجابها بنفس ابتسامته بقيت كويس.. لكمته الهام بزراعه وهي تكتم ضحكاتها، فصحح قوله بتوتر قصدي يعني كلنا بنبقي كويسين لما بنشوفك.. توردت وجنتيها بخجل قائله ده من ذوقك والله، بعد اذنكم.. سليم بجديه رايحه فين؟.. الهام بنفاذ صبر هتكون رايحه فين ي قلب اختك البنت مروحه بيتهم.. سليم بهدوء طيب انا هوصلك ي لبني مينفعش تروحي لوحدك.. لبني بجمود لا شكرا انا هاخد تاكسي عشان ما اتعبكش معايا كتر خيرك.. سليم بهدوء انا فاضي ومش ورايا حاجه هوصلك وارجع ما فيش تعب ولا حاجه.. الهام بابتسامه واسعه خلاص ي لبني خليه يوصلك، الدنيا مش مضمونه والتكاسي بالليل بقيت مش تمام ومش مظبوطه اليومين دول.. همس لها سليم بغيظ وحياة امك لما ارجعلك ي الهام لانفخك.. لبني وهي تذهب للخارج ماشي هتعبك معايا يا سليم.. الهام وهي تكتم ضحكاتها ياريت كل التعب يبقي منك ي لبني.. _ذهب سليم خلف لبني واغلق الباب بوجه شقيقته وذهب مع لبني الي منزلها كي يصلها، وكانت هي تنظر من النافذه بصمت ولا تتحدث باي شئ.. سليم بهدوء وانتي ناويه بقي تعملي اي فاللي جاي؟.. تنهدت بضيق واجابته ولا حاجه اديني اهو سعات بشتغل مع صفيه فالكافي وسعات بقعد فالبيت مفيش هدف معين.. نظر لها بخبث قائلا ده امر طبيعي وان شاء الله فيما بعد ربنا هيرزقك بزوج وبيت تتلهي فيهم اكتر.. ضحكت بسخريه واجابته يعم اقعد وانت ساكت قال بيت وجوز، هو مين هيرضي ياخد وحده فظروفي.. _نظر لها مطولا ثم اجابها بجديه وثبات وهو يعود بنظره للامام قائلاً... سليم انا.. نظرت له بعدم فهم، فتابع هو بجديه انا عارف انك مش غبيه وشايفه اني معجب بيكي ومستني بس الامور تتعدل و.. صاحت فيه بحده انت هتوصلني وانت ساكت ولا انزل.. _رمقها بجمود وصمت، فحين تنهدت هي بضيق لا تعلم ما يفكر به ولكنها مشتته وبقوه بداخلها لا تعي كيف تتصرف، وصلت سيارة سليم اسفل المنزل الجديد الذي تقيم به مع صفيه، وكادت ان تهبط.. ولكنها توقفت عندما اردف هو بثبات هتجوزك ي لبني ومش هبص لاي حاجه تاني غير اني عايز اتجوزك واكمل حياتي معاكي.. _تسارعت دقات قلبها ولكن هناك عقل رافض هذا التفكير بقوه فاجابته بحده... لبني ربنا يشفيك ويهون عليك ي سليم... _تركت السياره صافعه الباب خلفها بقوه وغيظ تحت ضحكاته الهادئه عليها قائلاً لها بصوت شبه عالي قبل ان تدلف الي منزلها.. سليم انا عارف اني غبي ومتسرع بس انتي السبب مبقتش عارف اتصرف ازاي قدامك.. _ابتسمت رغماً عنها ولكنها اخفت ابتسامتها واستدارت له قائله بحده مصطنعه.. لبني امشي ي سليم ومتخلنيش اشوف وشك تاني.. سليم بغمزه خبيثه لا والنبي صدقت انا كده انك متعصبه مثلا.. _رمقته بغيظ وذهبت من امامه، فحين ضحك هو بقوه وشعر بالرضا لانه رأي بعض القبول منها ومن تصرفاتها العفويه تلك.. ــــــــــ #بقلم_الكاتبه_رحاب_القاضي ــــــــ _عند محمد منذ ما حدث لها امامه وهو جالس بمنزله لا يتحرك خارجه، كيف يدلف الي الخارج واصبحت الشوارع التي يسير بها خاليه منها واصبحت اماكنه المفصله تفتقدها مثل قلبه الذي تهشم لفراقها القاسي، كان يجلس ع الاريكه وينظر لصورهم سوياً بهاتفه وايضا لتلك المحادثه الكتابيه التي كانت بينهم، بدأ يقرأ بها ودموعه تهبط بلا توقف.. فتح مسجل الصوت وارسل لها بصوت باكي انا مش عارف بعمل اي ولا ببعت اي وعارف انك مش هتردي ولا هتسمعي اللي هقوله بس انتي وحشتيني، وانا والله مش قادر اعيش من غيرك.. _اغلق ذلك المسجل واخذ يبكي بقوه وشهقاته تعلو اكثر فأكثر، استفاق من نوبة بكاءه ع رنين جرس منزله، مسح دموعه بهدوء وذهب وفتح الباب فتهجمت ملامحه بغضب ما ان رأي امامه عمر عزام.. اردف بغضب وحده انت اي اللي جابك هنا؟.. دلف عمر للداخل قائلا جيت عشان عارف انك بتفكر ان انا اللي قتلتها، بس انا لو كنت عايز اعمل كده كنت عملت من اول مسيبت الشغل معايا.. محمد بغضب مين ليه مصلحه يعمل كده غيرك؟.. عمر بخبث يحي عادل اللي اخدت منه مراته يوم فرحه زمان واتجوزتها، معرفش هو فكر يردلك اللي عملته ولا عمل كده عشان يوقعنا فبعض بس في واحد من رجالة مندور سمعه وهو بيخطط مع مندور انه عايز ينتقم منك ويحرق قلبك.. _ذلك الموقف الذي يمر به جعله غير قادر ع ربط المعلموات ببعضها واصبح اي شي يقال له يثير شكه حول الجميع.. ابتسم عمر بأنتصار ما ان راي نجاح خطته وتابع حديثه قائلا انا مش ناسي كل خدماتك ليا ووقت متكون عايز تجيب حق اللي راحت انا فالخدمه.. ابتسم محمد بسخريه قائلا انا مش عيل صغير هتضحك عليه، لو في شك جوايا ليحي ففي مليون شك من ناحيتك انت والوسخ خليل ولو هجيب حق اللي راح مني كله من اول فرح وابني ومي وشغلي والقرف اللي كنت فيه معاكم وقتها مش هحتاج مساعدة حد، واتفضل من غير مطرود.. عمر وهو يذهب للخارج انا مقدر حالتك ومش هحاسبك ع كلامك بس انا قولت اللي عندي.. _محمد وهو يقف امام الباب من الداخل وعمر بالخارج واردف له بحده... محمد واللي عندي بقولك انك تخلي بالك عشان لو اتاكدت انك انت اللي عملت كده وقتلتها مش هيكفيني موتك ي عمر ي عزام.. _اغلق الباب بوجهه بقوه، فحين تنهد الاخر بضيق وغضب وهو ينوي لذلك الشاب بالكثير من العذاب.. "وهل يوجد اكثر من ما هو فيه عذاب يا عديم الرحمه💔" ـــــــــــــــــــــــــــــــــــــــــــــــــــــ ــــــــــ #بقلم_الكاتبه_رحاب_القاضي ــــــــ ـــــــــــــــــــــــــــــــــــــــــــــــــــــ _وضعت لبني الحامل المعدني الذي يوجد عليه بعض السندوتشات وكوب عصير امام صفيه التي كانت تجلس وتشاهد التلفاز.. لبني بهدوء وهي تجلس بجوارها كلي دول واحكيلي من الاول الحكايه يلا.. صفيه بغيظ في اي ي لبني مانا حكيتلك يجي ميت مره في اي بجد؟.. لبني بأبتسامه واسعه وحماس مهو انتي غبيه الواد ده بيلمح انه عايز يرتبط بيكي وبعدين هو اعترفلك انه معجب بيكي اووي، وبعدين انا كنت اسمع شوقي الله يرحمه وهو بيتكلم عنه بيقول انه غني اووي وليه كلمه وهيبه هنا وفلبنان... صفيه بسخريه اديكي قولتي واحد زي ده هيبص لصفيه اللي ولا متعلمه كويس ومطلقه وظروفها ع قدها لي؟.. لبني بهدوء مهو مفيش تفسير لتصرفاته غير كده، وبعدين بصراحه انتي من لما غيرتي طريقة لبسك وبقيتي تتكلمي بهدوء وانتي بقيتي حلوه اووي.. صفيه بتنهيده حزينه مانا لقيت مفيش منها فايده، وبعدين سيبك من الكلام فالموضوع ده لو هو فنيته حاجه هتبان ووقتها افكر فيه، انما انا الدنيا علمتني متعشمش فحاجه.. لبني بغمزه خبيثه بزمتك ي شيخه الواد مدخلش دماغك ومخليكي تفكري فيه.. توترت قليلا واجابتها بنفي حلي عن دماغي بقي ي لبني شويه.. لبني بنبره ساخره وهي تكتم ضحكاتها قائله هحل عنها حاضر هي فيها اللي مكفيها.. _صدح صوت طرق ع باب المنزل، فوضعت لبني حجابها وذهبت لتفتح الباب، وما ان فتحته حتي وجدت عدنان يقف امامها ولكنها لم تتعرف عليه.. لبني بهدوء نعم؟.. عدنان بجمود صفيه جوه.. ابتسمت بهدوء قائله انت استاذ عدنان صح؟.. _اومئ لها برأسه بنعم، وقبل ان تتحدث جاءت صفيه من خلفها.. قائله بهدوء... صفيه مين ي لبني؟.. _ما ان رأته يقف امامها حتي توترت كثيراً واخذت تنظر لهيئتها باحراج فهي كانت ترتدي منامه بيتيه بسيطه وترفع شعرها للاعلي بشكل عشوائي.. ابتلعت ما بجوفها بخجل قائله انت بتعمل اي هنا؟.. تجاهل هو النظر لها قائلاً لـ لبني بهدوء ممكن ادخل؟.. لبني بابتسامه رقيقه ايوه طبعا اتفضل.. _دلف للداخل ووقف امام صفيه التي كانت متوتره للغايه لا تعلم سبب مجيئه ولكنه اصبح يؤثر فيها بشكل غير عادي.. صفيه بتوتر اتفضل جوه و.. قاطعها بنبره جامده عايزه توصلي لاي تاني معايا؟.. نظرت له بعدم فهم قائله اوصل لاي ازاي؟.. ابتسم بسخريه وهو يرمقها من الاعلي للاسفل باشمئزاز قائلا اخرة دور الشيخه الشريفه اللي بتعمليه معايا ده؟.. لبني بحده انت بتقول اي ي جدع انت متحترم نفسك.. عدنان بجمود وهو ينظر لصفيه هااا متردي ع اختك ولا ارد انا.. رمقته بدموع متحجره، فحين اجابته لبني بحده لا عارفه كويس كل حاجه، بس ده ميديلكش الحق انك تكلم اختي كده، بصفتك اي بتتكلم اصلا؟.. عدنان بغضب انا مقولتش حاجه لسه، وجاي اسالها بالذووق هي عايزه توصل لاي معايا اظن موضوع خالد ويحي خلص انتي بقي عايزه مني اي؟.. صفيه بهدوء انا مش عايزه حاجه انت ال.. عدنان بغضب ونبره تحمل الكثير من القسوه انا اي؟ انتي ي صفيه اللي وهمتيني انك بني ادمه محترمه، بس اللي عرفته عنك انك اقذر وحده شفتها من لما عرفت حكايتك مع عمر عزام ليحي ي ست الشريفه.. _نظرت له بصدمه من معرفته كل هذا وهبطت دموعها بحزن وخزي.. لبني بعدم تصديق هو بيخرف بيقول اي ي صفيه، اي دخل يحي فحياتك؟.. رمقها عدنان بغضب قائلا باستفزاز متردي ع اختك ساكته لي؟.. نظرت برجاء ان لا يخبر شقيقتها بشئ ولكنه تابع متجاهلاً بكاءها قوليلها انك كنتي فعلاقه غير شرعيه مع يحي زي اللي كنتي فيها مع عمر قبل ميتجوزك، والله واعلم في مين تاني.. خرجت عن صمتها هذه المره واجابته بغضب انت دخلك اي فكل ده كنت مع عمر ولا يحي ولا غيره انا مش من حق اي حد يحاسبني ع حاجه ي عدنان.. عدنان بحده عدنان باشا ويستحسن اسمي ميتنطقش ع لسانك خالص.. لبني بغضب الكلام ده بجد انتي ازاي تعملي كده ي صفيه طيب موضوع عمر عدي وسامحتك عليه تروحي تغلطي غلطه اكبر، انتي بجد ازاي كده؟.. صفيه بحده ملكيش دعوه انتي كمان لا انتي ولا هو ولا اي حد ليه الحق يحاسبني ع تصرفاتي عشان محدش فيكم كان مكاني، انتي ي لبني اول وحده اتخلت عني لما جوزك قالك تقطعي علاقتك بيا عشان بقيت مطلقه سمعتي كلامه ورمتيني ع اوسخ جزمه.. رمقته هو بغضب وتابعت وانت، انت فعلا اللي زيك ميستحقش انطق اسمه ع لساني وقبل متيجي تحكي وتعايب ع شرفي روح شوف نفسك شغال اي وبتعمل اي وابن مين ونسبك لمين، امبارح حضرتك كنت بتكلمني ع الستات اللي تعرفها بكل فخر وكانك عامل انجاز وانت كنت بتتسلي بيهم، انما انا يحي وعمر انا حبيت كل واحد فيهم ووثقت فيه واتخزلت من كل واحد فيهم بجرح ووجع اصعب من التاني، وانت دلوقتي جاي بعد مكنت بتحاول تقرب مني تلومني ع الماضي بتاعي اللي انت ملكش دخل فيه ولا فحياتي اصلا.. لمعت الدموع بعينه تأثر بحديثها ولكنه انكر ذلك واجابها بقسوه انا لو هندم ع حاجه واحده فعمري، هتكون ان يوم مقلبي ومشاعري اتحركت لوحده كانت و** زيك.. _اردف كلماته المهينه وتركها وذهب للخارج غاضباً بقوه، فحين جلست هي ع الاريكه وهي تبكي بقوه والم، جاءت لها شقيقتها واحتضنتها بقوه وهي تربت ع كتفها قائله بحزن وندم.. لبني انا اسفه والله مكنت اقصد اهينك قدامه ولا الومك، انتي ليكي حق عندي وانا قصرت فيه، بس والله هفضل معاكي ومش هيبعدني عنك غير الموت.. ابعدتها عنها وتابعت ببكاء وابتسامه هادئه انتي امي اللي ربتني انا اتولدت من غير ام بس لقيتك انتي عوضتيني عنها ولما ابويا مات انا كنت بتحامي فيكي من شوقي ومن الدنيا كلها واختي اللي كان سري وكل مشاكل حياتي بحكيهالها، انا مليش غيرك ي صفيه واسفه ع كل حاجه جرحتك فيها من غير مقصد.. صفيه ببكاء انتي معاكي حق انا غلطت ودفعت تمن غلطي ده غالي اووي، بس والله بحاول اتغير وابقي كويسه وعايزه ابقي كويسه واعيش بصفيه اللي هي انا من غير تصنع واحده تانيه غيري عشان اقدر اعيش.. مسحت لها لبني دموعها قائله بابتسامه هادئه انتي احسن وحده فالدنيا وانا معاكي وهنبقي احسن بنات زي مكنا لما ابويا كان عايش صح.. _اوميت لها صفيه ثم احتضنتها ببكاء وقلب متألم، فذلك الشاب رغم معرفتها القليله به الا ان حديثه القاسي المها بقوه نظرت الخزلان بعينيه لها المتها وجعلتها تندم اكثر ع ما فعلته بماضيها.. _بالاسفل وقف امام سيارته وكان الحارس يفتح له الباب ولكنه استدار ناظراً الي منزلها مجددا، وتردد بأذنه قولها.... "قبل متيجي تحكي وتعايب فشرفي روح شوف نفسك بتشتغل اي وبتعمل اي وابن مين ".... تنهد بغضب وصعد سيارته قائلاً للسائق اطلع ع بيت مندور العشري.. نظر الي النافذه وتابع بغضب دفين هي كده جابت اخرها مع الكل و معايا... _وها هي الحياه تتركك تخطئ وتمرح باخطاؤك وافعالك، وتأتي مؤخراً وتعاقبك باشياء لن تتوقع حدوثها، وسيكون عقابها بنفس ملاز اخطاؤك... _بالمنيا.. ـــــــــــ قمر بجمود قولت لا يعني لا ومش هغير كلامي... نظر ياسين لوالده برجاء فضحك والده قائلاً انا مليش دعوه ومعنديش مشكله بس لو امك وافقت انا موافق امك رفضت انا رافض.. كتمت عائشه ضحكاتها فأردف ياسين بغيظ والله لولا انك ابويا انا كنت وصفتك بوصف لايق عليك اووي.. عادل بسخريه ياخي بدل معمال توصف فيا شوف حل مع امك.. قمر بحده اسكت ي عادل ومتدخلش فالموضوع.. ياسين بهدوء ي ست الكل ي ست الحبايب انتي عماله تقولي لا يعني لا، طيب اقنعيني... اعتدلت قمر فجلستها قائله وماله اقنعك ي حبيبي، اولا دي اكبر منك.. ياسين بهدوء السن مش عيب وبعدين هي تبان اصغر مني، وكلهم 3 سنين مش حوار يعني.. قمر بحده متقاطعنيش، وبعيد عن موضوع السن انت اي يجبرك تتجوز وحده ارمله وانت احسن بنت تتمناك.. ياسين بغضب مكتوم اولا انا مش عايز غيرها لاني شوفت بنات كتير وفيهم الكويس والوحش بس قلب ابنك ي قمر مدقش غير لدي وبعدين هي ذنبها اي ان جوزها مات بعد فرحها بشهر هاا قوليلي.. قمر بغضب ي حبيبي ملهاش ذنب وربنا يكون فعونها بس متجيش تبص عليك انت وتجرجرك ليها.. ياسين بحده لا ي ماما انتي فاهمه غلط انا اللي جريت وراها وابوها الاول كان غاصبها توافق انما هي لو عليها عايزه تقعد عند ام جوزها والاولاني ومتتجوزش وانا اللي جريت وراها واقنعتها تديني فرصه وهي بنت محترمه جدا ودكتوره صيداليه واسألي سالي عنها.. قمر بضيق ماشي شالله تكون وزيره مش دكتوره تاخد واحد زيها في نفس ظروفها انما انت متروحش ترمي نفسك لوحده زي دي وانت مش ناقصاك حاجه.. _صمت ياسين بضيق وكاد ان ينهض فامسكت عائشه بيده جعلته يجلس مجدداً بجوارها واردفت لوالدتها بهدوء... عائشه يعني اي ي ماما وحده زي دي، طيب مانا ارمله وزيها.. قمر بتوتر انتي حاجه وهي حاجه ي عائشه.. عائشه بحزن مصطنع لا ي ماما هي ظروفها زي ظروفي وانا اصعب، بس الفرق اني انا قعدت ببنتي هتبقالي فالاخر وهيبقالي حد، انما هي لسه صغيره والدنيا قدامها.. قمر بضيق يبقي تاخد حد فنفس ظروفها ي عائشه.. عائشه بحزن ي ماما هو انا لو لقدر الله مكنش معايا قمر بنتي وكان جالي حد زي ياسين يتجوزني انتي كنتي هتفرحي بالعريس ده ولا هتستكتريه عليا.. قمر باقتناع يعني انتو كلكم موافقين؟.. ياسين بابتسامه هادئه وهو يقبل يدها كلنا موافقين بعد موافقتك انتي ي ست الكل.. عادل بجديه خلاص ي قمر وبعدين مش سالي مرات ابنك شكرتلك فيها وفاهلها وابنك ده لافف وداير ويعرف البنت كويسه ولا لا واكيد اختار صح.. قمر بجود طيب بس انا مش هروح اخطبها غير بعد شهرين تلاته عشان تعبانه.. ياسين بحده ي ماما لي ي ماما انا واخد منهم معاد.. قمر بغضب عشان روحت اخدت معاد من غير مكون عارفه انك رايح تخطب اصلا، وحاجه تاني عشان ست الحسن والجمال اللي حددتلك فترة الخطوبه قبل متتم تعرف اننا مش واقعين عليها.. ياسين بقلق انتي مين قلك ع موضوع فترة الخطوبه ده؟.. قمر ببرود مرات اخوك... ياسين بغيظ ماشي ي سالي الكلب اما اشوفك.. _بغرفة الطبيبه الخاصه بامراض النساء، كانت تجلس سالي علي السرير الطبي ويحيي يقف بجوارها ومقترباً منها بقوه وهم ينظران الي الشاشه الصغيره التي يوجد بها صغيرهم.. يحي بعدم فهم هو اي اللي ظاهر ده كل دي دماغه.. سالي بضحكه هادئه يبني الشاشه بتكبر الصوره شويه عشان الدكتوره تطمن ع يونس.. يحي بابتسامه مشاكسه يالهوي ع اسم يونس وانتي بتقوليه.. توردت وجنتيها بخجل قائله بتحذير اتلم ي يحي احنا قدام الدكتوره.. اجابها ببراءه هو انا عملت حاجه.. قاطعتهم الطبيبه قائله بهدوء البيبي زي الفل ي دكتوره سالي وصحته حلوه وجسمه حلو بالنسبه للشهر السابع، واهو قدامكم وهو بيتحرك وثواني هسمعكم صوت الحركه.. سالي بابتسامه واسعه وعينان تلمع بدموع السعاده اهو ي يحي سامع صوت يونس بص صغنن ازاي؟... نظر لها يحي بابتسامه هادئه قائلاً انا شايفة فعنيكي وبحبه بـ حبك ليه ي احن وحده شفتها فحياتي.. _امسكت يده بهدوء وهي تنظر له بدموع، فحين ابتسمت الطبيبه وهي تنهض من ع مقعدها بعد ان اغلقت ذلك الجهاز قائله بهدوء... الدكتوره تعالي اتفضلي ي دكتوره سالي.. _اومئت لها سالي بنعم ثم بدات تقوم بتعديل ملابسه وقبل ان تذهب للطبيبه لاحظت ان رابط حذاءه غير منعقد فاتت لتعقده ولكنها وجدته جثي ع ركبته امامها وقام بضبته لها بهدوء وما ان نهض حتي وجدها تضحك بهدوء وهي تنظر له... يحي بهدوء خير بصالي كده لي؟.. سالي وهي تحتضن يده نفسي تفضل كده ع طول.. يحي بمرح اخص عليكي ي جزمه عايزاني افضل تحت رجلك كده اخص.. ضحكت بهدوء قائله بنبره صادقه انت مكانك ديما فقلبي وفوق راسي بس قصدي تقضل كده ع طول حنين وهادي ومبتعملش حاجات تحرق دمي.. يحي بهدوء والله انتي ناكره للمعروف مانا كنت طول الليل بدلع فيكي وبقولك اجيبلك اي اعملك اي ومنيمك فحضني وبصالح فيكي ودلوقتي تقولي مش حنين، طيب اي رئيك بقي عقاباً ليكي اننا هنخرج من هنا هنروح نتعشي في مطعم شيك كده وابن ناس.. ضحكت بصوت عالي واجابته ههههه لا ده انا ازعلك كل يوم بقي.. قبلها من وجنتها بهدوء قائلا ع قلبي زي العسل ي عسل.. _ابتسمت بخجل فاردفت الطبيبه التي كانت تراقبهم بضحكه واسعه قائله.. الدكتوره انا اسفه اني بقاطعكم والله بس في ناس تعبانه بره ليها مواعيد.. سالي باحراج وهي تتركه وتذهب للطبيه انا اسفه جدا ي دكتوره والله.. الطبيبه بابتسامه رقيقه ولا يهمك، دي الفتمينات اللي هتمشي عليها ومش محتاجه اقولك متتعبيش نفسك باي مجهود جسدي او نفسي لان البيبي كويس بس انتي ضعيفه جدا وده هياثر عليه بالسلب وتبعدي عن العصبيه هاا العصبين يا سالي بلاش عصبيه.. سالي بقلق ان شاء الله ي دكتوره بعد اذنك.. ـــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــــــــــــ _وقفت سيارة عدنان امام منزل مندور، هبط منها بعد ان فتح له السائق، ووجد امامه خالد يصعد لمنزله.. خالد بهدوء اهلا وسهلا نورت المنطقه.. عدنان بجمود خالك فوق؟.. خالد بقلق ايوه، في اي ي عدنان؟.. _لم يجيبه عدنان وذهب للاعلي، فذهب خلفه خالد وهو قلق للغايه من ان يخبر عدنان مندور بما يخطط له هو ويحي، فتحت لهم سعاد الباب ودلف الاثنين للداخل.. مندور بجمود طيب هتكلم انا وعدنان جوه فموضوع يخص الشغل.. سعاد بهدوء اتفضل ي استاذ عدنان واول متخلص مع الحج هيكون العشا جهز ونتعشي سوااا.. عدنان بهدوء شديد وملامح جامده ان شاء الله.. _كاد ان يذهب عدنان خلف والده ولكن جذبه خالد من زراعه ونظر له بقلق، فربت عدنان ع كتفه بهدوء قائلا... عدنان متقلقش الموضوع بعيد عنك وعن يحي خالص.. _ ذهب عدنان خلف والده تحت نظرات القلق من خالد، فحين دلفت نور خارج المطبخ وجلست ع الاريكه.. قائله بحده لوالدتها انتي بتقوليلو يقعد يطفح معانا لي ي ماما هي المشرحه ناقصه قتله.. سعاد بتهكم انا مش هرد عليكي واقولك ان دي الاصول والواجب، بس هقولك خلصتي اي جوه فالعشا اللي من العصر بتعملي فيه.. _ذهب خالد وجلس بجوارها فابتعدت عنه قليلا واردفت بقلق لوالدتها... نور مرزوقه عملت رز وباميه ومكرونه بشاميل وحمرت فراخ وبتعمل فالملوخيه جوه.. سعاد بغيظ انا بسألك انتي نيلتي اي، وانا قولتلك تخلي مرزوقه تساعدك مش تخليها تعمل كل حاجه وانتي تقعدي تقطعي شوية خضار... نور بتوتر وياريتني عرفت اقطعهم.. كتم خالد ضحكاته فاردفت له سعاد بغضب انا مش عارفه اقولك اي والله ي خالد ربنا يعينك ي بني.. احتضنها خالد بهدوء قائلاً انا كفايه انها معايا ي مرات خالي وهبقي اعلمها الطبيخ ع مهلنا.. نور بحده شيل ايدك ي بابا احسنلك.. همس لها بخبث مش هشيل واتلمي بدل مقول لامك ع المخده اللي بتبقي بينا وهي ي حرام مش طيقاكي... اجابته بغيظ طيب خليك فاكر كلامك ده وانت نايم ع الكنبه بره مدام مش عجباك المخده اللي بتبقي بينا.. سعاد بقلق هما بيزعقو لي جوه.. خالد بقلق مش عارف... _كان مندور بالداخل غاضب وبقوه، تحت نظرات الهدوء من عدنان.. صاح مندور بغضب قصدك اي هتبطل انت اتجننت ي عدنان؟... عدنان بسخريه وانا افضل شغال فحاجه مش عايزها لي؟ عشان ابويا عايزني اكمل فيها واساعده ابويا اللي زعل دلوقتي اني جاي اشوفه، ولا ابويا اللي ناكر نسبي ليه ومن لما اتولدت وسجلني باسم امي وكأني ابن حرام.. مندور بغضب اكتم خااالص وبطل كلامك السخيف ده، ودلوقتي تطلع من هنا وتروح ع لبنان ومشوفش وشك فمصر تاني غير لما اقولك والا والله ي عدنان هدمرك.. عدنان بحده انت اي، لي بتعمل معايا كده؟ انا ابنك مش واحد من اللي شغالين عندك انا ليا حق عليك مشوفتش منه حاجه، بقولك حاضر ع كل حاجه تقولها وبحاول ارضيك بكل اللي اقدر عليه وانت مش بيهمك غير مصلحتك وشغلك الزباله وبس... _انتهت جملته بصفعه قويه ع وجهه من مندور، اغمض عدنان عيناااه بألم واحتقنت معالم وجهه وازداد غضبه عندما استمع لقول مندور المهدد له.. مندور بغضب لو الكلام ده طلع منك تاني او جيبت سيرة انك هتسيب الشغل هدمرلك عيلتك كلها وهدمرك انت كمان، انا اهم حاجه عندي شغلي وي غبي انا مكبرك ومخليك الكبير فكل حاجه، وانت كبرت شغلك فالهندسه بعيد عني وبقيت من اغني اغنياء بلدك وسيبتك كل ده ومش مديلك حقك، انا كل حد بيشتغل معايا بياخد فوق حقه، انما انا مخلفتش غير نور وانت ابني ااه بس ده سر محدش هيعرفه لو حد عرفه هنسي انك ابني واللي خليتك توصل ليه هخليك فلحظه وحده من غيره.. نظر له عدنان بعدم تصديق قائلا انا مكنتش عايز كل اللي وصلت ليه ده، كنت عايز اب يعترف بيا، انا رغم اللي وصلت ليه ده لسه الناس فلبنان بتقول عليا ابن حرام وانا ابويا عايش، بس انت فعلا متستهلش كلمة اب وانا مش هكمل معاك ولا هسكت ع حاجه تاني واللي عايز تعمله اعمله يا حج مندور.. _ذهب عدنان للخارج وخلفه مندور يحاول ان يوقفه ولكنهم صدمو من ان نور وسعاد وخالد يقفون بالخارج وينظرون لهم بعدم تصديق.. سعاد بدموع اللي سمعته ده صح ي مندور؟.. مندور بقلق انتي مش عارفه حاجه ده بيخرف.. _رمقه خالد باشمئزاز فكيف للان قادر ان ينكر وجود ابنه ويجرحه هكذا.. عدنان بجمود لا حضرتك كل اللي سمعتيه صح وجدا... مندور بغضب وهو يدفعه للخارج اسكت وغور اطلع بره.. سعاد بحده مش هيطلع ي مندور غير لما اعرف منه كل حاجه؟.. عدنان بجمود انا ابنه ي ست سعاد.. تابع وهو ينظر لنور واخوكي ي نور، اخوكي اللي الحج مندور حرمني من ان حتي اقدر اخدك فحضني او اكلمك براحتي.. _هبطت دموعها وامسكت بيد خالد الذي حاوطها بزراعه بهدوء، يعلم ان هذا الموقف مؤلم وقاسي لقلبها الصغير.... مندور بغضب قولت اللي عندك اطلع بره يلاا.. عدنان بدموع متحجره ونبره تحمل كل معاني الحزن همشي وهمشي من البلد كلها ومن النهارده اعتبر ان ابنك مات، وتعتبر لي اصلا بالنسبالك انا ميت من زمان.. _تركهم وذهب للخارج فذهبت نور خلفه سريعاً ومعها خالد.. امسكت نور يده قائله ببكاء استني متمشيش.. ابتسم بهدوء قائلا عرفتي بقي خالد مكنش بيغير عليكي مني لي؟.. اومئت براسها بنعم قائله ايوه عرفت، ممكن متمشيش انا كان نفسي ع طول يبقي عندي اخ كان نفسي اجرب الشعور ده اووي.. اقترب منها ومسح دموعها بيده قائلاً بهدوء انا موجود فاي وقت بعيد عن اي حاجه حصلت جوه انا مش هبعد عنك انتي بالذات اتفقنا.. ابتسمت بهدوء وسط بكاءها قائله اتفقنا.. _احتضنها هو بهدوء لاول مره، توترت هي كثيراً وبداخلها مشاعر كثيره خوف وخجل ولكن كان الاكبر من كل ذلك حنين واشتياق لا تعلم متي جاء اليها ومتي كان بداخلها ولكن منذ ان علمت بأنهم اخوه وهي احبته واحبت وجوده، رفعت يداها الصغيرتين وبادلته العناق بهدوء تحت ابتسامة خالد ومتابعته لهم.. ابتعد عنها قائلا بجديه متتكلميش مع باباكي فاي حاجه، هو مشكلته معايا انا، بس بيحبك انتي جداً، بيحبك اكتر من اي حاجه فالدنيا فمتزعليهوش ماشي ي نور.. نور بهدوء حاضر اصلا انا اخاف اروح اكلمه او اقوله حاجه، وبعدين انا مبسوطه بيك ومش عايزه اعمل مشاكل خالص.. _ابتسم لها بهدوء فتلك الفتاه ازالت كثيراً من الحزن الذي كان بداخله الان ببراءتها وطيبتها، ابتعد عنها ووقف امام خالد قايلاً بجمود.. عدنان الحج مندور ميعرفش اني اعرف اي حاجه عن العمليه الجديده لانه هيجيبها مع مستثمر تاني غيري بس كل المعلومات انا جيبتها بطريقتي وهبعتهالك، واللي شايفينه صح انت ويحي اعملوه وانسو اي حاجه قولتها ليكم قبل كده.. خالد بحزن ع حال هذا الشاب انت هتروح فين دلوقتي؟.. عدنان بجمود انا عامل حسابي لكل حاجه من زمان ودلوقتي هظبط كام حاجه فمصر وهمشي ع باريس.. نور بحماس خدني معاك انا العيله دي لا بتحبني ولا بطيقها ولا في بينا عمار اصلا خدني معاك والنبي.. ضحك عدنان رغماً عنه قائلاً ههههههههههه هاخدك الامور تتحسن وهبعتلك تجي تقعدي معايا زي مانتي عايزه.. نور بابتسامه واسعه انت كنت فين من زمان بس كنت فييييين.. عدنان بجمود خلي بالك منها ي خالد، نور بعيد عن اي حاجه بتحصل.. خالد بجديه من غير متقول.. ذهب عدنان للخارج، واردفت نور لخالد بقلق هو اي اللي هيحصل ي خالد وانا هبقي بعيد عنه.. خالد بجمود هقولك كل حاجه وكل اللي عايزه تفهميه هفهمهولك بس تعالي نشوف ابوكي وامك واي الهدوء اللي فوق ده ليكونو قتلو بعض.. لكمته فكتفه بقوه قائله بحده اتلم ي زفت بعد الشر... _بداخل ذلك المطعم، تجلس سالي امام يحيي وتتناول طعامها بشهيه مفتوحه تحت مراقبته لها بابتسامه هادئه.. اردف بهدوء كويس ونفسك اتفتحت النهارده بقالها كام يوم مسدوده ومش بتاكلي حاجه.. اجابته وهي تبتلع ما بجوفها البركه فيك دوا فاقد للشهيه متجسد ع شكل بني ادم ومن غباءي روحت حبيته واتجوزته.. ضحك بهدوء قائلا وانتي اهو بتعوضي الايام اللي عدت... سالي ببعض احراج ع فكره انا بس بقيت باكل اكتر لاني دلوقتي باكل ليا وليونس.. اجابها وهو يكتم ضحكاته ااه مانا عارف وعشان كده سايبك تاكلي الاكل كله ومدوقتش لقمه واحده.. سالي بقلق انت جعان؟.. يحي بأبتسامه ساخره اومال جاي اتفرج عليكي يعني.. سالي بهدوء طيب اطلب اكل تاني طيب.... يحي بجديه لا انتي خلصي اكلك وانا هروح اكل صنية البطاطس بالفراخ اللي انتي عملتيها.. سالي بضحكه هادئه انت عرفت منين اني عملتها؟.. يحي بابتسامه هادئه شوفت امبارح الورقه اللي كتبتي فيها الوصفه بتاعتها، والضهر الواد بتاع السوبر ماركت قالي انك طلبتي منه الحاجات اللي قريتها امبارح.. سالي بتذكر ااه صح انا قولتله انك انت هتحاسبه ع الحاجات اللي طلبتها عشان الفلوس مش فاكره كنت شيلاها فانهي شنطه وكسلت ادور عليها.. يحي بهدوء كلمي اكلك ي ام يونس كملي.. امسكت بتلك الشطيره الخاصه بها مجدداً قائله بابتسامه واسعه حبيت اووي انك بتناديلي بأم يونس.. _بدالها الابتسامه وظل يتابعها مجددا، فلاحظت هي متابعته لها فتوردت وجنتيها بخجل وما زادها خجلاً.. عندما اردف لها بصوت هامس ونبره متيمه قلولو قلولو، قلولو بحبه بحبه من اول دقيقه قلولو الحقيقه ابو عيون جريئه.. اخذت تنظر حولها بتوتر وخجل قائله بهروب من نظراته المربكه لها ع فكره المفروض لما تغنيلي تغني للمطرب اللي انا بحبه يعم العندليب.. يحي بضحكه مرحه اسكتي وسيبينا عايشين اللحظة هي بتبدأ بقلولو الحقيقه وبتختم معانا بمشيت ع الاشواك.. ضحكت بقوه ع قوله، فحين قال هو بهدوء انتي بتحبي عمرو دياب اووي صح؟.. سالي وهي تتناول طعامها امم جدا ها حافظ حاجه ليه ولا ابدا النكد من دلوقتي.. اخذ يفكر قليلا ثم نظر لها بخبث واخذ يغني بصوت هامس مجددا بحبه فدلعه وتقله بحبه فغيرته عليا ولما بيتهيألو.. ضحكت بهدوء قائ ايوه جات ع الوجع دي عندك صح، بس انا مش بيتهيألي.. يحي بابتسامه واسعه طيب في اغنيه تانيه بتقول.. تابع بنبره عاليه وهو يطرق ع الطاوله وبحبك انا وبحبك انا وبحبك من زمااان... سالي باحراج وخجل شديد وهي تنظر حولها بس ي يحي فضحتنا.. _اخذ يضحك بقوه وهو ينظر لمن حولهم الذين يرمقوهم ويتهامسون عليهم تنهد مطولا قائلاً لها بهدوء... يحيي اقسم بالله انا ومعاكي بعمل حاجات من غير محسبلها حساب، جننتيني ي ام يونس.. _ضحكت بهدوء وهي تتابع تناولها للطعام، فحين صدح رنين هاتفه، امسكه ووجد المتصل هو خالد فاردف لها بهدوء وهو ينهض... يحيي كملي اكلك وانا هرد ع خالد بره واجي نحاسب ونمشي.. سالي بهدوء ماشي بس متتاخرش بره.. يحي بجديه ماشي، بس هي حاجه اكيد بخصوص الشغل ومش هينفع ارد هنا.. سالي بايماء خلاص ماشي تمام.. ذهب يحي للخارج ووقف امام الباب من الخارج واجاب بهدوء ايوه ي خالد؟.. خالد بجمود عدنان كان هنا من شويه وقلب الدنيا فوق دماغ مندور.. يحي بقلق حصل اي بالظبط اتكلم؟.. خالد بهدوء قال قدام الكل ان مندور يبقي ابوه، وقال انه مش هيشتغل معاه تاني.. يحي بجمود واي السبب وقال هو شغال اي قدام نور والست سعاد؟.. خالد بهدوء لا هو مقالش غير انه ابن مندور بس عدنان واخد قرار انه ميشتغلش تاني مع مندور ولا غيره ومندور حالف ليدمره.... يحي بهدوء مش هيعمله حاجه ده ابنه.. خالد بسخريه لا يعمل مندور بيكره اللي يعاديه حتي لو كان ابوه، بس عدنان مأمن نفسه فشغله فالهندسه والمعمار ومندور مش هيقدر ياذيه.. يحي بضيق احنا كده مش هنعرف ندبس عدنان فانه يتحاسب معاهم... خالد بحزن مش هيتحاسب ي يحي عدنان اداني كل المعلومات ع العمليه الجديده مندور مكنش قايل لعدنان عليها، هيجب بضاعه من واحد غيره وعدنان عرف من بره ودلوقتي قالي اعمل اللي تعمله وهو هيمشي.. _فذلك الوقت كانت سالي انهت طعامها، فشعرت بوخزه فبطنها جعلتها تتالم قليلاً، ولكنها فضلت عدم الجلوس اكثر كي لا تتالم اكثر وان تنهض وتتحرك قليلاً، فاخرجت بعض النقود من حقيبتها ووضعتها ع الطاوله وذهبت للخارج، وجدته يتحدق بالهاتف، كادت ان تذهب وتقف بجواره ولكنها توقفت وهي تستمع لقوله الذي جعلها تشعر بان قدميها قد شُلت.. اجاب يحي خالد قائلاً بجمود متديش امان لعدنان ي خالد احنا لازم نتاكد من المعلومات دي وان مندور هيجيب بضاعه من واحد تاني، بس نعرف مين اللي بيصنع البودره ومندور هيجيب منه غير عدنان وناويه يخبي البضاعه دي فين وهعديها من الحكومه ازاي،واكيد هو هيقولنا بعد ميظبط كل حاجه عشان كده لازم نتصرف، ولو معرفناش يبقي مش هنعمل حاجه عشان مش بثق فاللي اسمه عدنان ده.. خالد بحده افهم ي بني ادم، انا عارف عدنان كويس زمان مندور بعتني ليه وعشت معاه سنتين وقتها عرفت ان هو كمان اتغصب ع الشغل مع مندور، ودلوقتي هو بعد بجد ولو دي خطه من مندور مكنش هيقول انه ابنه ويفضح مندور دلوقتي.. يحي بجمود طيب ي خالد كلم سليم وقوله ع اللي عرفته ولما نتقابل نبقي نشوف هنعمل اي.. _اغلق معه يحي واستدار للخلف فوجد سالي تقف خلفه وترمقه بجمود، فتوتر كثيراً وانتابه القلق من ان تكون استمعت لشئ.. فاردف بهدوء خارجي انتي خرجتي امتي ولي؟.. اجابته بهدوء لسه خارجه تعبت من القعده والدكتوره قالتلي لازم اتمشي كل شويه.. _تنهد يحي بارتياح فنبرتها اكدت له انها لا تستمع لشئ، ابتسم واجابها بهدوء وهو يمسك يدها... يحيي طيب يلا بينا نتمشي وبعدين نروح.. سحبت يدها من يده قائله بجمود لا انا تعبت وعايزه اروح معلش.. يحي بهدوء ماشي يلا بينا.. _تفتكرو سالي هتعمل ايه بعد اللي سمعته ده؟

الخامس والعشرون من هنا

تعديل المقال