رواية طفولتي المشتتة الفصل الرابع والعشرون 24 بقلم ضاقت انفاسي

رواية طفولتي المشتتة الفصل الرابع والعشرون 24 بقلم ضاقت انفاسي

الجد بهدوء : بالنسبة للموضوع للي جمعتكم عليه ريم رح تعيش عندي هنا

نايف باعتراض :،يبه الله يخليك ريم ودي اخذها معي

الجد بحزم : كلمتي ما اثنيها بنتك منت قادر تربيها ودك توخذها هناك وافرض انها شردت وين ودك تلاقيها ببلاد الغرب عالاقل هنا لما تشرد نلاقيها اما هناك ما رح تلقاها والتفت على ابو سليمان هاه وش رايك ؟؟

ابو سليمان بحكمه : بصراحه كلامك يبه صحيح بنتك يا نايف اكثر من مرة كررتها ولازم تحط كل الاحتمالات افرض انها شردت وين رح تلاقيها هناك انا اشوف الافضل تخليها عند ابوي وش رايك يا سلطان

سلطان : انا ما لي دخل فيها وبعدها وقف لو ادري انه الاجتماع لهذا الموضوع كان ما جيت والحين انا استأذن

الجد بحزم التفت لنايف بعد ما خرج سلطان : عاجبك للحين اخوك ماخذ بخاطره عليك

نايف بهدوء : يبه يعني اعتذرت له ووضحت له إنه ما كان قصدي بس هو راكب راسه بالعناد ومو راضي يقتنع وبعدها تنهد بقهر

الجد بحزم : ما علينا المهم بكره تجيب كل اغراض ريم هنا وما عليك بالباقي

نايف وهو يكتم عصبيته : يعني تعاملوني ولا كأنها بنتي ما إلي كلمه عليها لين متى هذا الحال اقولك خلص خذ ريم عندك وانا متبري منها ومن كل فعايلها ولا تيجي يوم تشكيها لاني خلص رفعت يدي منها

ابو سليمان : يا نايف ما توصل للدرجه ذي ما فيها شي لو عاشت هنا لا تكبر الموضوع ...

الجد بحزم : بربرتك هاذي وفرها لبعدين وهاذي رح تبقى بنتك غصب عنك فاهم ويالله الحين خلينا نطلع للمجلس

ابو سليمان بمزح : الله يسامحك يبه كان خبرتنا بالمجلس قدام الكل بدل هالمشوار لمكتبك

الجد : كلها كم متر ومتكاسل تمشيها بعدك بدايه الاربعين وهذا حالك اقول قوم وانت اشر على نايف لا تظل قالب بوزك تقول انك قابر مرتك

كان نايف وده يتكلم ويعترض لكن الجد اشر له امشي قدامي وبلا هذره كلام يالله

نايف بقله حيله انصاع لامر ابوه ......

*

*

*

*

*

كانوا الكل جالس بالمجلس وعندهم فضول يعرفون وش فيه بالمكتب حتى سلطان لما طلع ما تكلم بشيء وظل ساكت وإذا سألوه يقول لما يطلع ابوي يقول لكم

عمر بلقافه : اموت واعرف وش هو الموضوع

بدر بتأكيد : اكيد جدي خبر عمي نايف إنه وده يحيرها لسليمان

ما كمل بدر إلا علبه المناديل بوجه

سليمان بعصبية : بتعرف تخرس الحين وإلا اجي اخرسك

الجده التفت عليهم : علامكم تتناقرون وش فيه ؟؟

نواف وهو يسكر على الموضوع : لا ما في شي يتمازحون مع بعض صح شباب

كلهم تكلموا مع بعض : صح

بدر وهو يفرك مكان الضربه : الله ياخذك قال مزح

سليمان بحزم : عشان تعيد سخافتك مرة ثانية واعطاه نظره خلاه يبلع لسانه ويسكت

كان عمر وده يتكلم بس دخول الجد وبعده نايف وابو سليمان خلاه يسكت ويتابع الموقف بصمت

جلس الجد بمكانه المعتاد همس عمر للشباب : شباب وجه عمي نايف ما يطمن!!!!

اشر له نواف بمعنى اسكت

كان الكل ينظر للجد وينتظر يتكلم نظر الجد للجميع وبصوته الرزين للي يحسب له كل احفاده حساب : اكيد الحين ودكم تعرفون سبب تجميعكم هنا طبعا تعرفون إنه اكثر من مره حاولت ريم تشرد من البيت وحنا عايله لها سمعتها بالبلد واي شي يمسنا وكثير من الناس يدورون لنا الزله

وعشان كذا أنا عارضت إنه نايف ياخذها معه لأنه احتمال كبير تشرد هناك وقتها ما رح نقدر نلاقيها ببلاد الغرب

الجده : طيب ارجعوها لعند امها وش ودنا فيها ؟؟

الجد بحزم : رجاء وانا اتكلم ما حد يقاطعني واعطى زوجته نظره خلتها تبلع لسانها وتسكت اكمل الجد كلامها وبعدين نرجعها لأمها نسيتي إنها رمتها علينا وبعدين ريم بنتنا مو بنتهم ومصيرها لو عاشت عندهم ترجع هنا

عشان كذا أنا قررت إنه ريم رح تعيش عندي هنا

كانت الجد ودها تعترض لكن الجد سكتها بعصبية : انا لما اقول كلمتي ما أثنيها وقسم بالله يا ام سلمان إذا اعترضتي ليصير شي ما هو طيب لذلك اختصري والموضوع منهي وبكره رح تيجي هنا

وقف الجد بحزم : يالله وقت صلاة العشاء الحين وتوجه خارج المجلس متوجه للمسجد ....

قام نايف وسلطان وابو سليمان والشباب ما معهم خبر قاعدين يتناقشون صرخ عليهم ابو سليمان : صايبكم صمخ ما سمعتم الاذان يالله قدامي عالمسجد

قام الشباب وهم يتحلطمون ومو عاجبهم شي وخاصة تعامل مع ابو سليمان معهم ......

*

*

*

*

*

*

طلعوا الرجال للمسجد وبدت الجده باعتراضها وقهرها : انا اخر عمري بنت سارة تعيش عندي هزلت وعضت شفايفها بقهر

ساميا بحسن نيه : يا خالتي هدي شوي عشان صحتك

الجده بعصبية : انت وش عليك رمتيها وعلي ورح تسافرين وتظل هالريم شوكه بحلقي

بس ما اقول غير الله ياخذها

ام سليمان بقهر : الله يكون بعونك يا خالتي كيف رح تتحمليها ولوت بوزها بتكبر

الجده وداخلها بركان : متى افتك من خشتها متى ؟؟

ام سليمان : يعينك الله يا خالتي على هالبلوى بس انتي الحين هدي وان شاء الله ما يصير إلا كل خير

كانت ام بدر تستمع وهي ساكته مو قادرة تتكلم خوف من سلطان لانه ما يسمح لها ترادد امه حتى لو كان على امه الحق فالتزمت الصمت وهي تتابع الاحداث

*

*

*

*

*

*

صحيت الصبح على صوت جنى وهي تصحيها فتحت عيونها ريم بشويش وجلست على السرير بهدوء وفركت عيونها من النعس

جنى بسعاده : صباح الخير

ريم بنص ابتسامه وبعدها ما صحصحت كويس : صباح الورد

جنى مسكت يدها : يالله بسرعه غسلي وتعالي الفطور جاهز

توجهت ريم للحمام وغسلت وجهها ومشطت شعرها وربطته كعكوله ونزلت تحت بهدوء وجنى تمسك بيدها

دخلوا الصاله كانت ام جنى وعزام جالسين على الطاوله

عزام بابتسامة : يا هلا والله بالزين كله تعالوا افطروا بسرعة

جلست ريم بهدوء بعد رد السلام وبدت تتناول فطورها وهي تسمع سوالف عزام مع امه وهي ممتنه لهذا الشخص وما رح تنسى جميله ابدا

قطع كلام عزام رنين جواله فتح الخط ورد بهدوء : هلا والله .....الحمد لله بخير ....انا بالبيت انت وينك .....كانت تاخرت شوي خلها تلعب مع جنى شوي .......يا سخفك خلص الحين تجهز ....يالله بامان الله ....مع السلامه

قفل الخط ونظر لريم للي تغيرت معالم وجهها بعد الاتصال : يالله يا ريومه ابوك جاي على الطريق قريب من هنا جهزي نفسك ....

نزلت رأسها ريم وما ردت وكانت بداخلها ودها تقتل نايف وتتخلص منه وترتاح بس وين ما تهرب مصيرها ترجع له لذلك استسلمت للامر الواقع

وقفت ريم عزام باستغراب : كملي فطورك بعده ما وصل

ريم باستسلام : خلص شبعت .......

ونظرت لجنى للي كانت تبكي : ليه تبكين يا جنى انا زعلتك ؟؟؟

جنى وهي تمسح دموعها : خليك هنا لا تتركيني

كانت ريم ودها تتكلم بس سبقها عزام وبحزم : جنى بلا دلع يعني ريم لازم ترجع عند ابوها لا تخليني ازعل منك

مسحت جنى دموعها ونظرت لعزام : خلص لا تزعل وتقدمت من ريم وسلمت عليها ........

اما ريم كانت شارده تفكر بلقاءها مع نايف اكيد رح يضربها ويشتمها اخذت نفس حتى تطرد الخوف من قلبها .........

*

*

*

*

*

*

كنت انتظر بالسياره لحتى تنزل الاميره كنت للحين قلبي حاقد عليها شفتها كانت تمشي ويمسك عزام بيدها لا انكر اني تضايقت لكني طردت هذا الشعور

وصل عندي عزام وهو يهلي ويرحب بي كعادته يستخف دمه نزلت من السياره وسلمت عليه ونظرت لريم نظرت لي وبعدها ناظرت لعزام

وبتردد : انا اسفه ما رح اكررها

نظرت لها بتكبر وانا اعرف انه عزام طلب منها تعتذر طنشت اعتذارها

واشرت لها تركب مسك يدها عزام و

فتح باب السياره من الامام واجلس ريم برفق وسكر الباب وبعدها توجه لجهتي وبهمس بإذني :إذا لي خاطر عندك لا تضربها خلص سولافه صارت وانتهت اوكي

هزيت راسي له وما لي مزاج اتكلم وبعدها غادرت المكان بهدوء

كانت جالسه بجنبي وهاديه ما تكلمت معها لأنه مزاجي معكر من امس

وصلت بيت ابوي وقفت السيارة وطلبت منها تنزل

نزلت بهدوء،وعلى وجهها علامات استغراب ليه جايبها هنا

جاوبتها قبل ما تسأل : رح تعيشين هنا عند جدك

ريم بتفاجئ : تقصد اعيش عند عجوز النار ؟؟؟

نايف بعصبية : ريم للحين ماسك نفسي ما اعمل بوجهك خرايط فاحترمي نفسك اسلم لك فاهمه

وبعدين هاذي جدتك يا ويلك اذا ما احترمتيها والحين امشي قدامي

ريم بعناد : قلت لك ما ودي اعيش هنا رجعني عند جنى قبل ما افقد اعصابي

نايف وصبره نفذ : لا يا شيخه كل شي ولا صبرك ينفذ امشي قدامي بلا هذره زايده

نظرت ريم لنايف وعيونه حمر من العصبيه لوت بوزها ومشت باتجاه الفيلا

دخلوا داخل الفيلا كان الجد والجده جالسين دخل نايف ورد السلام وجلس على الكنبه بتعب وبعدها نظر لريم وبأمر : تعالي سلمي على جدك وجدتك بسرعة

ريم بنظرة غرور : تقدمت وسلمت باطراف اصابعها عليهم وكأنها منقرفه

كانت صدمه للجد والجده

الجد بعصبية : ليه ما تسلمين مثل العالم والناس يا قليله الحيا

ريم بنظره تكبر وهي رافعه حاجبها : هذا سلامي وإلي مو عاجبه بكيفه

وبامر يالله وين غرفتي ؟؟

الجد بعصبية : قسم بالله اذا ما عدلتي اسلوبك لتندمين فاهمه

نظرت بعفويه ريم لنايف للي كان ينظر. لها وعيونه حمر من العصبيه

حكت راسها ونظرت للجد بابتسامه امزح معك يا شيخ علامك صاير حريقة ما بتنطاق

بلعت ريم ريقها من صرخة ابوها : وقسم بالله اذا ما عدلتي اسلوبك لتندمين للحين ماسك نفسي فاختصري وامشي انقلعي من هنا بسرعه خلي الخدم يدلونك غرفتك

شافها بعدها واقفه صرخ : انقلعي من وجهي

نظرت ريم له ورفعت حاجب : اعصابك لتحرق البيت وركضت بسرعة مثل البرق قبل ما يمسكها نايف

وما انتبهت على إلي كانوا واقفين خلف الباب ويتسمعون خرج نايف خلفها وهو يتوعد فيها

شاف عند الباب الشباب واقفين

نايف بعصبية : نعم واقفين هنا وش ودكم بعدين من يوم رايح مو طالعين داخلين بنتي هنا بتعيش قبل ما تدخلون تستأذنوا فاهمين وطلع وتركهم متوجه لبيته لانه اذا بقى في بيت ابوه اكيد رح يطلعها جنازه .....

*

*

*

*

جلسوا بالحديقه وهم منسدحين على الارض من الضحك

بدر وهو يضحك : شفتم كيف ترادد جدي يا قوات عينها

نواف : والله انك صادق حنا صرنا كبار وللحين نحسب حساب لجدي ولا والمشكله تتكلم ببرود مع عمي نايف والله انا خفت منه وهي ولا على بالها ترادد

عمر: والله انها نهفه بس قهرني عمي نايف شفتم كيف يتكلم معنا وكاننا اطفال قال بنته موجوده من حلاتها حتى نستاذن قبل ما ندخل

سليمان بقهر : عنجد اسلوبه سيء جدا كان معنا اذا كان معصب يحط حرته فينا

نواف : خلينا من هاذي السوالف وش رايكم نروح على النادي اليوم ؟؟؟

وبدا الشباب يخططون لتضييع وقتهم بما انهم اليوم اكملوا امتحاناتهم ....

كانت تتجول بأنحاء الفيلا كان المكان كبير وواسع جدا تدخل من غرفه لغرفه واستغربت كثره الغرف وبداخلها تتسائل وش ودهم بهاذي الغرف الكثيره هزت كتفها باستغراب شافت درج ينزل للطابق للي تحت غير للي صعدته كانت حاسه،حالها ضايعه مو عارفه ترجع المكان للي جات منه

قررت تنزل الدرج لعلها ترجع للمكان للي كانت فيه نزلت اول درجه لكنها توقفت وجات في بالها فكره شيطانية بعد ما شافت الدرابزيل وعجبها شكله اللولبي طلعت عليه تزحلق وكانت مبسوطة عالاخير وصوت ضحكها عالي كانت اول مره تشعر بالسعدة والضحك لهذه الدرجه ولما وصلت قريب من اخر الدرج كان جدها طالع من إحدى الغرف وتفاجئ بها

ريم بصوت عالي وهي تضحك : ابعععععععد لادعسك هههههه ولما وصلت لنهاية الدرج قفزت على الارض كانت ركبها على الارض ويدينها على الارض حست بالم بسيط بس طنشت

رفعت راسها وشافت جدها ينظر لها بنظرات ناريه غمزت له وبابتسامه : كيف هاذي الحركه

تقدم منها جدها ومسكها من اذنها ووقفها وهو ماسك اذنها وتكلم بعصبية : مجنونه انتي ؟؟ لو وقعتي وانكسرتي ووقتها اقعد ابلش فيك من مستشفى لمستشفى وشد على اذنها هاذي الحركه لا تعيديها

هزت راسها ريم بالموافقة عشان يترك اذنها ترك الجد اذنها وعيونه تتوعد فيها

مسحت ريم اذنها وضحكت بصوت عالي : ههههههه قول انك غيران مني يالشايب لانك ما تقدر تزحلق مثلي وصارت تلعب بحواجبها

تقدم الجد منها معصب : انا اوريك من الشايب الحين

هربت ريم لجهة الدرج ولما وصلت لنهايته التفت لجدها للي كان بداية الدرج طلعت لسانها لجدها : هههه شايب ما تقدر تلحقني

الجد للي كان وقت صلاة : عقابك مو الحين بعد الصلاة ما رح اتاخر على الصلاة عشان بزر وبنظره ناريه رفع راسه لريم للي كانت بآخر الدرج انقلعي الحين على غرفتك

نزلت درجه ريم بهدوء ونظرت لجدها وهي رافعه حاجب بعد ما كتفت يدينها : تصدق إني اشك انك بديت تخرفن وباستفسار وانا وش عرفني وين هاذي الغرفه باقي كل يوم اصبح وامسي ببيتكم وانا ما ادري ؟!!

نظر الجد لها باسف : ما اقول غير الله يعين نايف على ما ابتلاه اعطاه بنت عقلها ناقص الله يكون بالعون ونادى بصون عالي : ميرفت ميرفت

بعد دقايق جاءت ميرفت تلهث ونظرت للجد للي كان واقف عند اول الدرج ونظره لاخر الدرج : نعم بابا

الجد بحزم : خذي هاذي المخبوله على غرفة الهنوف ومن يوم رايح هاذي رح تكون غرفتها

هزت راسها ميرفت وتوجهت للدرج لجهة ريم اما الجد توجه للمسجد حتى يصلي الظهر .....

*

*

*

*

*

دخلت ريم الغرفة بعد ما وصلتها ميرفت وخرجت وصارت تتأمل المكان بانبهار شافت لون الجدران لونها زهر وعليها صور كبيره لبعض رسوم الكرتون عجبها جدا بس ما عرفت الشخصيات لانها ما عمرها تابعت افلام كرتون لعدها شافت فيه نافذتين كبيرات من السقف إلى الارض كله زجاج وواحد من النوافذ يفتح على شرفه انذهلت وعجبها جدا ولون الستائر ابيض مموج مع لون زهر فاتح وكان فيه خزانه ومقابله فيه مكتبه صغيره للدراسه لونها زهر وسرير كبير وحمام وفيه على السرير دب كبير ركضت على السرير ومسكت الدب كان اكبر منها كانت في حالة ذهول وعجبها المكان حيل رجعت الدب مكانه

واتجهت للنافذه فتحت باب البلكونه وقفت كان الجو حار جدا بما انه وقت الظهر نظرت للاسفل شافت جدها واعمامها ومعاهم نايف داخلين الفيلا ووراهم الشباب واجت في بالها فكرة شيطانية تلفت حولها ما في شي غير قواره على الارض مزروع فيه ورد لوت بوزها وهي تفكر وتبحث عن ادوات لتنفيذ خطتها نظرت داخل الغرفه شافت على المكتب الصغير كاسه فاضيه وانطلقت مثل البرق

واتجهت للحمام بسرعه

*

*

*

*

*

كان يمشون باتجاه بيت جدهم للي كان سراميك ابيض وبجانبه نجيل اخضر وبعض الورود على جنبه

نواف وهو يمسح جبينه : اففف حر شديد

بدر : شباب استعجلوا بمشيتكم خلنا ندخل داخل قبل ما ننصهر من الحر ودز سليمان قدامه استعجل يا شيخ

سليمان وهو يمشي ومبسوط عالاخير ولا مهتم لبدر : اه واخيرا كملنا دراسه واتخلصنا من مغثتها ورفع اديه لفوق وهو يقول ييييييس

ما حس الا بمويه فوق راسه صرخ : اححححح نظروا الشباب لفوق حتى يشوفون مصدر المويه لكنهم انصدموا بالمويه فوق راسهم

نظرت لهم بابتسامه شيطانيه نظروا الشباب لهم وعصبوا من هاذي الحركة وخاصه عمر لانه جواله كان بيده وصار كله مويه

سليمان بعصبية : قد هاذي الحركه يا حيوانه؟؟

ريم لانه صور الشرفه قصير فكان من السهل تشوفهم : امممم بصراحة انخنقت من ريحتكم واصله لعندي اعنبوه إبليسكم تروشو ومدت لسانها ودخلت وتركت خلفها دلوين الماء طبعا هي دخلت الحمام تحط بالكاس مويه تفاجئت بوجود دلوين ماء حطت فيهم مويه لنصهم حتى تقدر تحملهم بعد ما اغلقت باب البلكونة

ووقفت بوسط الغرفه

وهي تشعر بالنصر كانت تقوي نفسها وتقول بنفسها ما رح تسكت لهم ورح تكون شوكه بحلوقهم لانهم حرموها من امها

بلعت غصتها ولفت انتباها شي ما انتبهت له لما دخلت كانت شاشه عرض توجهت بسرعة وبدت تحاول تشغلها لانها ما عمرها شغلتها حتى لما كانت عند عمها سلطان ما كانوا يشغلون تلفاز وبعد عدت محاولات واخيرا اشتغل

ولصدفه كان القناة على قناة اطفال كان فيه رسوم متحركة جذبتها و جلست على الارض تربعت وجلست تتابع وهي فاتحه فمها ومبسوطة عالاخير ودخلت جو مع توم وجيري ......

*

*

*

*

عمر بعصبية : هالشينه والله لتندم وننتقم منها

بدر نظر لسليمان وانسدح عالارض من الضحك

سليمان بقهر : علامك تضحك ؟؟؟

بدر وهو يضحك : هههه شكلك يضحك كأنك صوص مبلول ههههه

سليمان بدون نفس : روح شوف شكلك بالاول وبعدين اضحك على غيرك

نواف بهدوء تركهم ومشى وقفه عمر : وين يا ابو الشباب ؟؟؟

نواف بدون نفس : يعني عاجبك اشكالنا ودي ابدل ملابسي والكلبه للي فوق وقسم بالله لتندم

توجهوا الشباب مع نواف حتى يبدلوا ملابسهم وهم يتوعدون بريم .....

*

*

*

*

*

كانوا جالسين بالصاله كان نايف جالس من جهة الشباك وبصدر الصاله جالس ابوه ويجلس مقابل له سلطان وابو سليمان وكانوا يسولفون بالشغل ووقف نايف والضيقه بوجهو : يالله انا استأذن ودكم شي ؟

دخلت الجده بهذا الوقت : وين يمه اجلس خليك جالس اتغدى هنا

جلست الجده بجانب الجد وهي تنظر لنايف تنتظر جوابه

نايف بهدوء : تسلمين يمه خلها مرة ثانية وطلع متوجه لبيته

الجده بحزن : مو عاجبني حال نايف

الجد بلامبالاه : ما فيه غير العافيه بس انتي لا تظلين توسوسين

الجده بقهر : هذا ضناي وحاسه فيه كله من البلوى للي عندنا ضيقت خلقه

ابو سليمان بلقافه : وكيف الضيفه الجديده عندكم ؟؟

الجد بفقدان امل منها : ملسونه بشكل وقرده تخيل وقال له الموقف

سلطان وضع يده على فمه حتى يخفي ضحكته وبداخله مبسوط على ريم مهما صار يحبها ولها مكانه بقلبه

ابو سليمان بضحكه خفيه : اتحملها بعدها بزر ولازم تطول بالك

الجد بثقة : ربيتكم وما اني عجزان اربيها لانها ودها تربيه من اول وجديد اخوك ما عرف يربيها

ابو سليمان : الله يقويك ويهديها هالبزر يالله انا استأذن الحين

وقف سلطان : وانا بعد عن اذنكم

الجده بحنيه : خليكم تغدو معنا

سلطان اقترب منها وباس راسها : تسلمين يالغاليه مرة ثانية

الجد : بامان الله

بعد خروجهم خيم الصمت بالمكان لعدة دقايق،بعدها دخلت الخادمه ووزعت نظرها على الجد والجده : الغداء جاهز

استند الجد على يد الكنبه وبعدها وقف ووجه كلامه للخادمة : روحي نادي ريم وجيببها على صاله الطعام لانها ما تعرف المكان

وقفت الجده بجانب الجد وبدون نفس : خايف عليها ما تدل المكان هاذي جنيه ما يفوتها شي

تركها الجد وتوجه لصاله الطعام وهو يردد : الله يجيبك يا طولت البال

تبعته الجده وهي تتحلطم ودخلت الصالة وجلست بجانبه جهة اليمين بهدوء

بعد عده دقايق دخلت ريم الصاله كانت الطاوله بشكل اسطواني وكبيره حيل لونها اسود وعليها بعض الاصناف كانت الصاله شبه فاضيه لا تحتوي سوى طاوله الطعام وبعض فازات كبيره موزعه بشكل مرتب

الجده بشراسه : اخيرا شرفتي

التفت لها الجد واعطاها نظره بمعنى اسكتي

لوت الجده بوزها وناظرت ريم وكأنها حشره منقرفه منها

تألمت ريم بداخلها من هذا التصرف وصممت تقهرها مثل ما جرحتها

ريم برفعه حاجب : خايفه على كرشتك تفش شوي اذا تأخر الاكل شوي ارحمي معدتك من كثر تبلعين اكل والتفت حولها يمين ويسار وبعدها نظرت لجدتها وبنظرة وكانها تبي مصلحتها : بكره هالشايب يتزوج عليك يقول وش ودي فيها برميل

فتحت الجده عيونها على وسعهن من هالبنت الملسونه

ريم بلامباله : انا ودي مصلحتك ونصحتك وانتي حره وبعدها عملت حالها متفاجئة بوجود جدها : انت هنا وانا على بالي هالعجوز لوحدها واشرت على الجده

الجد بحزم وهو يحاول يتحكم باعصابه : ريم احترمي حالك وثمني كلامك احسن لك واعطاها نظره

ريم وهي تحس بانتصار وقهرت جدتها وملامح الجده علامات الضيق على وجهها : حاضر وسحبت الكرسي وجلست بهدوء متجاهلة جدتها للي كان قلبها يودي ويجيب خايفه زوجها يتزوج عليها ويتركها وبداخلها تدعي على ريم للي حطت الوسواس بقلبها

اكملت غداها وتوجهت مسرعه لغرفتها للي حفظت طريقها دخلت وبسرعه جلسة على الارض مقابل التلفاز

طبعا تركته،شغال لانها ما تعرف تغلقه بعد ما تربعت حطت يدها على خدها وجلست تشاهد بتمعن وباندماج

مر الوقت وريم بعدها جالسه على نفس قعدتها وعيونها على التي في حتى ملابسها ما بدلتهن بالرغم انه الخدامة احضرت ملابسها ورتبتهن بالخزانه

بعد اذان المغرب فجاة انفتح باب غرفتها بس ريم ما انتبهت كانت مندمجه ولانه الباب خلفها ما انتبهت

وهي جالسه وباندماج فجأة انطفى التي في استغربت التفت خلفها شافت جدها بيده الريموت تكلم بجديه : لعنبوه ابليسك انت من هالصبح جالسه عليه قومي انزلي تحت كل اعمامك متجمعين يالله اشوف قدامي

ريم بقهر : ليه تطفيه يالله شغله ودي اعرف وش صار على هزيم

الجد نظر لها ومو عاجبه مراددتها حتى انها ما تحسب له حساب بعكس احفاده كلهم يحسبون له الف حساب : كلمتي ما اثنيها ونفس زايد واشر على التي في رح اطلعه من غرفتك

نظرت ريم للتي في وبقلبها مو متخيله تعيش بدونه تعلقت فيه وقفت وهي مبوزه ومشت حتى تنزل تحت وصلت عند الجد مسكها بعد ما تقدمت كم خطوه عنه التفت له بمعنى خير

الجد بحزم نظر لها كانت ترتدي بنطال جينز ازرق وبلوزه بدي ابيض وفوقها جكيت حفر جينز : بدلي ملابسك بسرعه وانا انتظرك هنا

بلعت لسانها وخافت اذا تكلمت ياخذ جدها التي في فتحت الخزانه واحتارت وش تلبس دقايق واخرجت تنورة كتان لونها كحلي وبلوزه اكمامها طويله لونها سكري دخلت الحمام وبعد دقايق طلعت

نظر لها الجد وبداخله ضحكه على شكلها وخاصة التنورة لانها ريم قصيره كثير و التنورة كانت على طولها اشر لها الجد انها تلحقه مشيت خلفه وهي تحفظ الاماكن لحتى ما تضيع

دخل الجد المجلس الكبير للعائله وكان الكل مجتمع نظرت بالبدايه ريم للكنب حتى تحفظ وتعرف الغرفه للايام القادمه كان لونه خمري غامق منقوش باللون السكري

بعدها نظرت للموجودين كان الرجال جالسين بجانب بعض بصدر المجلس

اما جهة اليمين كانوا الحريم جالسات جنب بعض وبجهة اليسار الشباب والاطفال متجمعين بآخر المجلس يلعبون من اول نظره ما لفت انتباها الا عبود نسيت الموجودين وكأنه ما في حد إلا عبود ركضت لجهة الاطفال وما انتبهت للعيون للي كانت تراقبها

وقفت قدام عبود و بحماس : عبود تعال نلعب

نظر لها عبود بغرور : ما رح العب معك ولا حد رح يلعب معك صح ونظر للاطفال الموجودين يسألهم

هز الجميع راسهم مؤيدين كلام عبود

عبود دفها من قدامه ورجعت خطوات للخلف : روحي العبي مع البنات رازه وجهك هنا

نايف ومن داخله يغلي على ريم : ريم

التفت بهدوء على مصدر الصوت ورفعت حاجب بمعنى خير

نايف بحزم : روحي اجلسي عند البنات واشر على مكان البنات الصغار

نظرت له ريم من فوق لتحت ولفت وجهها وجلست عند اختها لينا و بداخلها مقهوره من عبود

رغد : لا تجلسي عندنا في اسرار ما ودنا حد يسمعها

مي : ابعدي من هنا لينا لا تجلسي جنبها

سلمى باستهزاء: بنات شوفو شعرها يفشل ههههه

لينا قامت من عندها : ابعدي عنا ما بدنا تجلسين هنا وجلست عند رغد

نظرت ريم بأسف على خواتها المفروض يكونن معها مو ضدها

حست نفسها مخنوقة بعد موقف عبود وزاد ضيقتها هذا الموقف اصعب شعور لما تشعر نفسك منبوذ من الجميع وغير مرحب فيك

بلعت غصتها وهي تحاول تطنش كلامهم لكنها جن جنونها لما سمعت سلمى تقول : يا حرام امها رمتها هنا وراحت

لما سمعت ريم كلامها. ما قدرت تضبط نفسها قامت واتجهت لسلمى ومسكتها من شعرها وصارت تضرب فيها بدون وعي ......

*

*

*

*

*

الجد بجديه : انا طلبت من ابو صقر وهو قال رح يتكفل بالصفقه

سلطان براحه : خلص ابو صقر قد المسؤوليه

قطع كلامه والتفت لصوت الصراخ

كانت ريم ماسكه سلمى وتضرب بها بدون وعي نايف فز على طوله لما شاف كذا وصل لريم للي كانت بآخر الصاله وبصعوبه ابعدها عن سلمى

نظر نايف لسلمى وشاف وجهها مشخبط وشعرها منفوش جن جنونه ما قدر يستحمل يشوف بنته المدلله كذا وقاعده تبكي التفت لريم واعطاها كف بكل قوته

وتكلم وهو يشد على اسنانه : ليه تعملي كذا يا حيوانه

نظرت ريم لنايف بأسى هي بنته مثل ما هي سلمى بنته ليه ما سألها وش عملت سلمى عشان تضربيها مباشره بدون ما يعرف السبب ضربها

حست بغباءها وهي تقول بنفسها هذا هو الاب للي كنت انتظره واحلم فيه ليل والنهار عضت على شفتها من القهر وهي تضحك على نفسها طلع ابوها اكثر شخص تكره على وجه الارض تمنت لو

ظلت على عماها وما عرفت إنه ابوها

هزها نايف بقوه تكلمي

رفعت راسها والتفت وشافت الكل يطالعها وجهت نظرها لنايف وببرود : ما يخصك

كان نايف وده يضربها مسك يده ابوه وبحزم : اعتقد انك تبريت منها مالك حق تضربها فاهم

وخر الجد نايف من امامه وبعصبيه : ريم وسلمى تعالوا هنا

تقدمت ريم من جدها بثقة اما سلمى كانت تبكي وخايفه من جدها

الجد بعصبية : سلمى تعالي هنا

نايف بقهر : يبه شوي شوي عالبنت فوق ما هي مضروبه يعني

اعطى الجد نظره لنايف بمعنى لا تتدخل : تعالي هنا بسرعه

*

*

*

ساميا بضيق : تفرك يدينها ما تطيق تشوف بناتها يبكون وخاصة سلمى الخوافه

ومقهورة من ريم ليه تضرب بنتها

كانت ام بدر ودها تروح يم ريم لكن مسكها سلطان واعطاها نظرة بمعنى ما لنا دخل

تراجعت ام بدر وجلست على الكنبه وبداخلها خايفه على ريم ....

الجد بحزم :،وش السالفه ؟؟

سلمى ساكته والخوف مسيطر عليها وتمسح دموعها

الجد بعصبية : انا اسأل وش السالفه ووجهه نظره لريم

ريم بلامبالاه : سوالف بنات ما لك فيها

الجد للي تفشل من ردها

الشباب كانوا يضحكون بهدوء بعد ما تفشل جدهم

الجد حتى يلقط وجه : ما علينا المهم هذا الموقف ما ودي يتكرر يالله بسرعه سلمن على بعضكم وبصوت عالي بسرعة

تقدمت سلمى للي معروف عنها انها خوافه وتقدمت من ريم ومدت يدها تسلم :ءءءءانا اسفه

نظرت ريم بتعالي وبصوت عالي : قسم بالله لو تكررين كلامك غير تكون نهايتك على يدي انت وشلتك هاذي وبصراخ فاهمه

هزت سلمى راسها بخوف : والله ما اعيدها

نايف انجن جنونه وهو يشوفها تهدد ببنته وقدام الكل وللي قهره بنته الخوافه سلمى

الجد حتى ينهي الموضوع : يالله اجلسوا مع بعض والعبوا مع بعض بدون شجار فاهمين وتوجه خارج المجلس لانه وقت صلاه العشاء بعد ما قال لاولاده يلحقوه ....

اعطى نايف لريم نظرة تهديد وطلع هو وسلطان وابو سليمان ....

الجده بحده للشباب : علامكم جالسين يالله عالمسجد

بدر بتملل : يا جده بعده ما اقام الصلاة

الجده بعصبية : يعني لازم توصلون اخر ركعه يالله عالمسجد بسرعه

قام عمر وهو يضحك على بدر لانه تفشل قدام الحريم

طلعوا الشباب وهم يناظرون ريم بتوعد .....

*

*

*

الجده تقدمت قريب من ريم : قسم بالله لتندمين يا حيوانه

ريم بلامبالاه : اعلى ما بخيلك اركبي وتوجهت للكنبه وجلست بهدوء

تقدمت ساميا من سلمى وصارت تمسح بدموعها وتحضنها وترتب بشعرها

بعدها اعطت ريم نظره حاده واخذت بنتها وطلعت من المجلس تغسل لبنتها

رجعت الجده لمكانها وهي تشتم ريم وتسبها وريم معطيتها طاف ....

بعد هالموقف رغد ومي ولينا خافوا منها وطلبوا يصيروا صديقات لبعض ...

وبعد تفكير وافقت ريم تصادقهم

كان عبود يناظر ريم ومقهور انه البنات صاروا صاحباتها كان وده تبقى وحيده لانها رفضت تلعب معه وقرر إنه يبحث عن خطط حتى يبعد البنات عنها

..

الخامس والعشرون من هنا

تعديل المقال