رواية طفولتي المشتتة الفصل الثامن عشر 18 بقلم ضاقت انفاسي
البارت الثامن عشر
*
*
*
*
*
نايف بحزم : اسمعي يا ريم نسيت امس انبهك على بعض الامور قسم بالله لو اسمع انك تلعبين مع الاولاد صدقيني لاسحب ملفك من المدرسه ظلك بغرفتك جالسه فاهمه
قبل ما تتكلم ريم سحب سلطان الجوال وتكلم بحزم : وبعدين معك انا سكتت لك بالبدايه انت بتشكك بتربيتي وبعدين اولادي صغار بعدهم وبدر انا ابوه ما اشوفه وعلم يصلك ريم رح تلعب مع اولادي وتعمل للي بدها اياه مو عاجبك طق راسك بالطياره فاهم ويالله مع السلامه ...
قفل الجوال و تنهد بقهر ونظر لريم بابتسامة : يالله يا ابوي الغداء جاهز
كانت ريم مستغربه كان سلطان معصب عالاخير وبسرعة روق ردت له بابتسامة بريئة ومشيت وراه ولحقهم سامي وعبود للي سكتوا خوف من ابوهم وعصبيته وحمدو ربهم انه ريم موجوده والا كان فجر البيت <كل الاباء واحد لما يعصبوا ههههه
*
*
*
*
*
جلسوا على طاولة الطعام وكانت ام بدر تحط قدام ريم اكل وسلطان يقول لها ودك تكملي صحنك كله وكانت ريم تشعر بالخجل فهي لم تحصل على هذا الاهتمام من قبل
قاطع عبود اهتمام ام بدر وسلطان بريم : لنا الله تراني موجود انا والخبل للي جنبي واشر على سامي
سامي : خبل بعينك يا ملسون يمه يالله اعطيني مثل ما حطيتي لريم بصحنها ودي عصير نفس ريم ولا تحطيلي شوربه ودي كمان
قاطعه صرخه من ام بدر : خلص اسكت يا كثر طلباتك افففففف
سلطان بهدوء : بعدين يا سامي مع طلباتك الكثيره ولف لجهة ام بدر للي جالسه جنبه عاليمين : ابنك الداشر ليه ما اشوفه على الاكل ؟
ام بدر : عنده حصه زياده يقول
سلطان بتشكيك : صدقتيه اذا ما كان مع اولاد عمه داير لكن انا رح امر عالمدرسه واشوف هالحصص الزايده وش سببها
كان بدر واقف قريب من الصاله وسمع كلام ابوه وانصدم من وين وده يجيب كذبه جديده صار يرجع للخلف بهدوء عشان يهرب ويلاقي كذبه قبل ما يواجه ابوه لكن وقفه صوت سلطان للي لمحه وهو يهرب : اهلا اهلا حياك يا بدر اتفضل اتغدى معنا اكيد تعبان من الحصص الزايده تعال هنا وانا ابوك
حك بدر راسه بارتباك ونظر لامه للي كانت تلعب بحواجبها
انقهر من امه ليش تقول لابوه عن الحصص الاضافية تكلم بتردد وتلعثم :ءءءءء ودي وحك راسه خ خ خلاص عليكم بالعافيه مستعجل عندي امتحان بكره وما يمديني اذاكر
سلطان : خلص روح لكن قسم بالله اذا اشوفك طالع من غرفتك ما في طلعه اليوم لا سلمانوه ولا نوافو يالله استعجل عشان يمداك اتذاكر
كانت ندى كاتمه ضحكتها على شكل بدر للي اتورط بزياده
طلع بدر وهو يتحلطم على غباءه للي بسببه انحرم من الغداء ومن الطلعة و المشكله ما عنده امتحان
ومن قهره ما انتبه لوجود ريم عندهم
*
*
*
*
سلطان كان مو قادر يتكلم من الضحك وندى مثله وسامي وعبود يضحكون على بدر ويتشمتون
اما ريم كانت تراقب بصمت وتتمنى يكون عندها اب متفهم مثل سلطان وبنفس الوقت مستغربه من ضحكهم لانها ولا مره بحياتها ضحكت كذا اكثر من التبسم ما عندها
*
*
*
*
*
جلسوا بالصالة بعد الغداء وصاروا يسالوا ريم اسئله وكانت تجاوب بادب قاطعهم سامي : ريم تعالي نلعب (بليستيسن)بلايستيشن
ندى بحزم : اطلع حل واجباتك وبعدين اللعب وبعدين ريم ودها تحل واجباتها صح يا ريم ؟
هزت ريم راسها بالموافقة
ام بدر : انتي اي صف يا ريم ؟؟؟
ريم : بصف ثاني وثالث
عبود : ههههه غبيه ما تعرف باي صف هي ههههه
ام بدر اعطته نظره خلته يبلع لسانه : كيف يا ريم ما فهمت ؟
ريم تشرح بيدها الصغيرة : انا الحين بثاني ابتدائي صح ؟
هزت ندى راسها بالموافقة
كملت ريم : وعشاني شاطره كثير خلوني ادرس معه صف ثالث يعني السنه الجايه اكون برابع ابتدائي
ندى : اها فهمت عليك يا عيني على الشطارة شايف يا عبود صير مثلها
سلطان بفرح : ما شاء الله دافوره مثل ابوها
لفت كلامه نظر ريم : انت تعرف ابوي
قاطعها سلطان قبل ما يفهم قصدها : ايوه اعرف انه ابوك كان الاول وجاب معدل عالي بالثانوية
كانت ودها تسال عن ابوها وتعرف معلومات عنه بس قاطعهم دخول ريان .
*
*
*
*
دخل ريان بنفسيه رد السلام وجلس بتعالي
سلطان : وين كنت يا دكتور ؟؟
ريان بنفسيه و يا دوب طالع الكلام من فمه : عند خالتي
سلطان مو عاجبه رد ريان : اها
عبود بلقافه : ريان اسمع اخر الاخبار ريوم رح تعيش معنا واشر على ريم
نظر ريان لريم بغرور وتكبر ورفع حاجب وطنش
ونظر لامه : خالتي تقول لك ليه ما تردي عالجوال ؟
ام بدر بلامبالاه : صامت جوالي
وقف ريان بنفسيه وتوجه خارج الصالة
سلطان بقهر : هذا ابنك ودي اذبحه لمتى رح يبقى مناخيره بالسماء
ام بدر : انا غسلت يدي منه عجزت فيه
عبود : نفسي اعرف على وش شايف نفسه يبه يمكن وراثه وطالع لعمي نايف
اعطاه سلطان نظره : عيب عليك هذا عمك ومين قال لك انه نفسيه مثل ريان
عبود ببراءة: والله يبه تلاقيه يمشي ومناخيره بالسماء ويتكلم معنا بغرور وقام عبود يقلد نايف بمشيته وياشر بيده: يا ولد انقلع من هنا
وقف سلطان : انا الحين رح اعلمك كيف تتمسخر على عمك ومسك سلطان العقال
عبود لما شاف ابوه كذا وينطلق بسرعة 360 ويفتح باب اول غرفه بوجهه وكانت غرفة بدر وسكر الباب بالمفتاح وجلس على الارض وهو يتنفس بتعب من الركض ويقول ابوي ابوي
بدر لما شاف عبود كذا وقف على طوله من الخوف فكر ابوه جاء لعنده بالغرفة وجاء عبود يحذر بدر
بدر بخوف : وش فيه ابوي درى انه ما في حصص زياده وما عندي اختبار بكره ؟؟؟
اخذ عبود نفس وبعد ما تاكد انه ابوه ما لحقه قرر يعمل نذاله ببدر
بدر بخوف والعرق على جبينه : تكلم يا ملسون ابوي درى ؟؟
هز عبود راسه باسف : ابوي ناوي عليك وحلف ما تطلع من البيت اسبوع كامل حتى عالمدرسه ورح يقفل الباب بالمفتاح وممنوع تاكل الا وجبه وحده وسكت
بدر بقهر : الله يا خذك يا عبود على هاذي الاخبار
عبود بخباثه : بعدني ما اكملت
انجن جنون بدر : وبعد في عقابات وضع على اصبعه من القهر
عبود : ابوي قال وده يروح عالمدرسه ويشوف علاماتك وسلوكك ويبهدلك قدام كل الطلاب وشلتك الخايسه حلف بالطلاق من امي ما تكلمهم
بدر بعصبيه : خلص اسكت وانقلع براااااا
عبود : اذا اطلعت اخاف يكون ابوي قريب ويدخل عليك لانه متحلف لك وده يذبحك بس اختصر عشان ريم بنت عمي
تنهد بدر بقهر : خلص اسكت وكانه استوعب كلامه وش قلت ريم هنا ليه
عبود تربع : لانها رح تعيش هنا معنا عمي نايف راح وتركها وابوي بشهامه اخذها وجابها هنا
بدر وهو مو رايق لريم وسوالف عبود : خلص اسكت ما ودي اسمع صوتك
وامضى وقته وهو رايح جاي بالغرفه يدور حل
وعبود مبسوط وقاعد ع اللاب توب يلعب
بعد مرور ساعه قرر انه يطلع ويواجه ابوه ويطلب منه يسامحه
طلع من الغرفه ونزل من الدرج على رؤوس اصابعه وصل لوسط الدرج للي بيطل على الصاله للي عند الباب تنفس براحه لما ما شاف ابوه موجود
شاف امه وريم جالسات بالصالة تكلم بصوت عالي: اقول يمه جايبه شغاله جديده واشر على ريم ههههههه
قاطعه كف على رقبته من ابوه كان وراه بس بدر ما انتبه له : هاذي ريم تاج راسك يالخايس
بدر بخوف : يبه ااااانا
سلطان بتحقيق : متصل بنواف عشان يتصل معي ويقول وده اياك بامر ضروري ؟؟
بدر ببراءه : والله ما اتصلت عليه وما ادري عن شي
سلطان شاف الصدق بعيون بدر : روح شوف وش وده نواف بس لا تتاخر فاهم
ببدر مو قادر يستوعب : يبه كيف اروح وامي ؟/!!
سلطان برفعت حاجب: علامها امك وش فيك منهبل
بدر : انت حلفت اني ما اكلمهم واذا كلمتهم تطلق امي ؟؟؟
سلطان بنفاذ صبر : انت وش تخبص امشي من قدامي قبل ما اغير راي
ونزل سلطان مستغرب من ابنه وكلامه للي مو مفهوم
بدر ضرب جبهته بقوة : غبي الحيوان عبود انا يضحك علي وعده عندي لما ارجع ونزل مثل البرق عن الدرج قبل ما يغير ابوه رايه
ضرب سلطان كف يده ببعضها على هبل هذا الولد خلص فقد الامل انه يعقل
.....
*
*
*
*
*
*
كانوا جالسين بمكانهم المعتاد
قاطعهم بدر وهو يركض ويجلس وهو يلهث : فاتتكم اخبار كثيره والتفت لسليمان وغمزه : وخاصة انت اخبار تهمك
