رواية قلبي ومفتاحه الفصل السادس عشر 16 بقلم روز امين
بسم الله الرحمن الرحيم لا إله إلا أنت سبحانك إني كنت من الظالمين ررواية قلبي ومفتاحه
بقلمي روز آمين
رجعت إلي مسكنها تعبه،، أبدلت ملابسها وتوضأت وصلت فرضها،، ثم غفت في نوم عميق !!
أفاقت تلك الغافيه علي صوت أيه ٠٠مها إصحي يا بنتي أيه النوم ده كله؟؟
مها بتملل ودلع على سريرها، يظهر كم الراحة التي لاقتها في نومها٠٠٠٠هو أنا نمت كتير؟؟
أيه ٠٠كتير أيه،، إنتي بقالك ساعتين ونص نايمه،، دي أول مرة تعمليها وتنامي الوقت ده كله !!
إصحي علشان تتغدي،، مدام نور بعتتلك عفاف كام مرة علشان تنزلي تتغدي !!
تحدثت مها بوجه بشوش٠٠٠٠مش حاسه إني عايزه أكل هنا إنهارده !!
وبتفكير ٠٠٠٠أممم أنا هطلب أوردار أطلبلك معايا؟؟
أيه بتساؤل وفضول٠٠٠٠هتطلبي أيه؟؟
ردت مها ٠٠٠٠جاي على بالي أكل سمك وجمبري أيه رأيك؟؟
أيه بموافقه٠٠٠٠تمام أطلبيلي معاكي !!
مها بإيماء ٠٠٠٠حاضر،، هاطلب الأول وأقوم أتوضا وأصلي وأكلم ماما،، علي ما الدليفري يوصل !!
بعد مده آتي موظف توصيل الطلبات،، جلست مها وأيه يتناولون طعامهم في الحديقه ويتبادلون الأحاديث !!
أيه ٠٠٠٠علي فكرة دكتور أدهم رن عليكي وإنتي نايمه !!
مها بلامبالاه٠٠ ٠٠أه ما أنا شفت الفون ،،هكلمه بعد الأكل !!
أيه ب فضول ٠٠٠٠٠ممكن بقا تفهميني أيه اللي حصل في الكافيتريا إنهارده ده ؟؟
مها بضحكه ووجه سعيد٠٠٠٠٠ولا حاجة،، سعادته عمل معايا موقف ماعجبنيش،، فقولت أديله قرصة ودن صغننه كده علشان يحرم !!
وضحكت بإنوثه قائله ٠٠٠٠مش بيقولو جوزك علي ما تعوديه !!
أيه بإستهجان ٠٠٠جوزززك ،،هو خلاص بقا جوزك؟؟
مها مشيرتآ بإصبعها بمرح٠٠٠٠علي إعتبار ما سوف سيكون إن شاء الله !!
أيه بإستغراب ٠٠بس المفروض إنك بتحبيه؟؟
تحدثت مها بتعقل ٠٠٠بصي يا يويو،، مش علشان بحبه أديله الحق يعاملني زي ما هو عايز،، لازم أحطله قوانيني من الأول !!
أنا بحب أتعامل إزاي،، وأيه ينفع يعمله معايا،، وأيه ما ينفعش !!
وأكملت ب حكمه ٠٠٠٠ما هو أنا لو أتنازلت من أولها بإسم الحب،،
وسمحتله يهني ،،هافضل أتنازل علي طول،
وساعتها مش هيشوفه هو تنازل وتضحيه لاء،، هيبقي حق مكتسب بالنسباله !!
وتحدثت ب تعقل ٠٠٠حياتنا إحنا إللي بنختارها يا أيه،، إحنا إللي بنحط قوانينها إللي هنستمر بيها ،،فهمتيني؟؟
أيه بإستغراب٠٠٠٠فهمتك يا مها،، بس بصراحة كنت فاكره حبك لدكتور أدهم أكبر من كل إللي قولتيه ده !!
مها بحب٠٠٠٠والله بحبه وبعشقه كمان ،،لدرجة إني ممكن أموت من غيره !!
بس علشان بحبه لازم أحافظ عليه،، وأحط مبادئ وقوانين لعلاقتنا علشان تستمر !!
وأكملت بدلع وهي تتناول طعامها بشهيه عاليه٠٠٠٠٠علي فكرة السمك حلو أوي ٠٠
أيه ضاحكة٠٠٠٠والله إنتي دماغ يا مها،، ساعات بحسك رومانسيه لأبعد الحدود،،
وإن قلبك هو الوحيد إللي بيحركك ،،
وساعات تانيه أحس إنك عقل مدبر ماشي علي الأرض !!
مها مشيرتآ بأصبعيها٠٠ ٠٠أنا الإتنين يا أيه،، وعلشان ما أتعبش في حياتي! لازم أفكر وأقرر بقلبي وعقلي مع بعض،،
وإلا كان زماني قاعدة بعيط وأندب حظي علي عماد !!
أيه بضحك٠٠٠٠لا بقا أنا شايفه إنك تغيري المجال وتدي دروس تنميه بشريه أحسن !!
ضحكتا الفتاتان وأنتهيا من طعامهما وصعدت أيه للغرفه ومها أمسكت هاتفها وقررت الإتصال ب أدهم ٠٠
ضغطت علي زر الإتصال أتاها الرد علي الفور،، يبدو أنه كان ينتظر مكالمتها٠٠
أدهم بعتاب٠٠٠٠علي فكرة يا مها أنا زعلان منك أوي !!!
مها بتهكم٠٠٠٠لا والله،، وياتري زعلان ليه بقا إن شاء الله ؟؟
وأكملت بسخريه٠٠٠ أاااه،، يمكن علشان طردتك من مكتبي مثلآ ؟؟
ولا علشان كلمتك بطريقه أقل ما يقال عنها أنها مهينه لكرامتك !!
أنت بجد غريب أوي !!
وأكملت بغضب٠٠علي فكرة،،مش أنا إللي أتعامل كده خالص يا أدهم !!
أنا طول عمر كرامتي أهم حاجه عندي،، واللي بيحاول يقرب منها بيشوف مها تانيه خالص غير إللي يعرفها !!
وأكملت بإستغراب ٠٠٠انا أصلآ ماأعرفش إزاي بتكلم معاك عادي كده وعديت الموضوع،، وهو لسه ما عداش عليه يوم ؟؟
أدهم بغرور٠٠٠٠علشان بتحبيني،، وماتقدريش تعملي حاجه غير إنك تحبيني وتغفريلي ،،
وأكمل ب لوم٠٠٠٠ بس أنا بجد زعلان منك يا مها
وتحدث موضحآ ٠٠٠٠٠أولآ ٠٠علي عدم ثقتك فيا ودي مش أول مرة تحصل !!
ثم تحدث بتحذير٠٠٠٠٠ثانيآ بقي وده الأهم،، أول وآخر مرة تختبري صبري عليكي،،
أو تحاولي تستفزي رجولتي !!
قسمآ بالله شوية وكنت هاقوم أجرك قدام الكل ،وأضربك قلمين علي وشك يفؤكي من إللي كنتي بتعمليه !!
مها بإستنكار٠٠٠٠٠لا والله ،،وبصفتك أيه بقا إن شاء الله؟؟
أدهم ب مداعبه٠٠٠٠تااااني،، ما قولنا جوزك وحبيبك،، وإلا هو الموضوع عجبك وحابة تسمعيه كل شوية !!
وضعت مها يدها علي صدرها من فرت السعاده وهي تبتسم وقالت٠٠بصراحه آه !!
ثم تحدثت بحزن٠٠٠٠ بس أنا لسه زعلانه منك أوي يا أدهم !!
أدهم مذكرآ إياها٠٠٠ مش إحنا يا حبيبي إتفقنا إننا ننسي كل اللي حصل،، وكأنه ما حصلش من الأساس !!
مها ب تعقل٠٠٠٠تمام،،وأنا هحاول أنسي،، بس وحياتي عندك ،،لو فعلا باقي عليا وعلي حبنا،، بلاش الموضوع ده يتكرر تاني !!
أدهم بحزم ناهيآ النقاش٠٠٠٠٠خلاص يا مها،، أنا غلطت وبجد أسف ليكي،، وإنتي كمان غلطتي فبلاش نتعاتب ،،خلينا نحاول نتخطي الموضوع وننساه !!!
مها ب طاعه ورضي٠٠٠٠٠حاضر يا أدهم ،،ثم أكملت ٠٠قولت لماما حاجه؟؟
أدهم ٠٠٠٠أه طبعآ،، كلمتني إنهارده تشوف ما بعتش الصور ليه،،حكيتلها علي اللي حصل !!
مها ب معاتبه٠٠٠ليه كده يا أدهم،، أكيد زعلت مني !!
أدهم بضحك وطمئنه٠٠٠٠٠لا يا ستي ماتقلقيش،، بالعكس،، دي قالتلي ٠٠٠سلمها يا واااد ماجابها إلا أبوها ،تِسلمْ البطنْ إللي شاَلَتهَا !!
كان أدهم يقلد والدته ويتحدث صعيدي،، مما جعل مها تضحك من قلبها، لتقليده لوالدته،،
وهي تستمع لأول مره أدهم يتحدث هكذا !!
وسعدت أيضا أن والدته تفهمت تصرفها بل وأعجبت به !!
مها ب ضحك وإعجاب٠٠٠٠أدهم ،،كلامك حلو أوي وأنت بتتكلم صعيدي،،
وأكملت مترجيه إياه٠٠٠٠ علشان خاطري أتكلم تاني !!
أدهم ٠٠٠٠لا والله عجبتك،، علي العموم ماتقلقيش ،،لما نروح زيارات الصعيد بعد الجواز هاتسمعيني كتير !!
أنا أصلآ مبتكلمش غير صعيدي هناك ،، لو إتكلمت كده عمك الحاج سليم يتبري مني
ومش بعيد كمان يضربني بالنار !!
ضحكا كثيرآ وكأن شيء لم يكن !!
وعاشا بعالم عشقهما سارحين بسماء الهوي !!
فحتي إن غضبوا وتمادوا بالغلط،، فالعشق سيشفع لهم ♡
٠٠٠٠٠٠٠٠٠٠٠٠٠٠٠٠٠٠٠٠٠٠٠٠في مكان آخر في منزل عماد ،،
كانت العائلتان تتجمعان كعادتهم ،،وكانت أخوات عماد مروة،،وريهام يحضرون بأزواجهم وأبنائهم ،،
كان عماد ومروة يجلسان بعيدآ عن التجمع العائلي،،
يتحدثون سويآ،، فا مروة الأخت الكبري لعماد ،،وهي ذات عقل كبير وتعشق أخيها الوحيد وترأف علي قلبه العاشق !!
مروة بحنان وهي تنظر لأخيها بأسي ٠٠٠٠يا حبيبي أنا زعلانه علشانك أنت،،مش علشان أي حد تاني،،
يا عماد إنت إتغيرت أوي !!
أنا نفسي أشوف عماد بتاع زمان،، اللي ضحكته كانت ماليه البيت كله !!!
عماد بحزن ولوم٠٠٠وأجيبه منين عماد ده،،
بعد إللي عمله عمك معايا يا مروة وكلكم وافقتوه للأسف !!!
مروة بتبرير ٠٠٠٠٠أنا مليش ذنب يا عماد، أرجوك ماتظلمنيش،، أنا وقتها كلمت عمو حسين وإترجيته يخطبلك مها،،
بس أنا كلامي هيغير أيه ؟؟
إنت أكتر واحد عارفه وعارف أنه ما بيسمعش غير لدماغه وبس !!
وأكملت ب تعقل ٠٠٠٠علي العموم الكلام ده فات أوانه خلاص ،،
أنا بكلمك علشان خطيبتك إتصلت إمبارح ب ماما بتشكيلها منك ومن معاملتك ليها !!
نظر لها عماد وتحدث بإستهجان٠٠٠٠٠مني أنا،، وبتقولها أيه بقا إن شاء الله ؟؟
أجابته مروة٠٠٠٠بتقول إنك مابتخرجهاش غير بعد إلحاح منها،، وحتي لما بتخرجها بتفضل ماسك فونك وتقلب فيه
وبتتجاهلها،، بتقول لماما إنها حاسه إنك خطبتها غصب عنك !!
عماد بعصبيه ولا مبالاه٠٠٠٠طب كويس إنها حاسه،، ولو مش عاجبها الوضع تتفضل تخلع من بكره !!
وتبقي عملت فيا خدمة عمري !!
وأكمل بإستغراب ٠٠٠٠ أنا أساسآ مش فاهم هي إزاي قابله علي كرامتها وضع زي ده ؟؟
مروة ممسكه يده بحب٠٠٠٠بتحبك،، البنت بتحبك يا عماد،، والحب مايعرفش حاجه إسمها كرامة !!
وأكملت ٠٠٠٠ما تنساش إنك كنت حلمها ومازلت٠٠
عماد بأسي٠٠٠٠وده إللي تاعبني جدآ يا مروة،، البنت كل شويه تحكيلي عن حياتنا بعد الجواز هنعمل أيه وهنسافر فين
وبترسم أحلامها،، وأنا عارف ومتأكد إني عمري ما هكون معاها أو مع غيرها !!
وأكمل بحب وعيون عاشقه٠٠٠٠٠ أنا قلبي ملك ل مها ♡
وعمري ما تخيلت نفسي مع واحده غيرها♡
وأكمل بحزن٠٠٠ أنا عمري ما كنت قليل الذوق يا مروة،، أنا بس بعاملها كده علشان أفوقها،، صعبانه عليا وآلله !!
مروة بتعقل٠٠٠٠٠إللي أنا شيفاه،، إنك لازم تنسي موضوع مها وتعيش حياتك مع خطيبتك !!
يا عماد خليك واقعي ،،عمك عمره ما هيتنازل عن أبو فريدة وملياراته !!
ولا أنت نسيت اللي عمله في عاصم !!
عماد بثقه ٠٠٠ بس أنا مش عاصم يا مروة،، عاصم رضي بالأمر الواقع علشان ده بباه،،
لكن أنا بس محترمه لحد دالوقتي علشان هو اللي رباني بعد بابا الله يرحمه وأهتم بينا ،،
وعلشان كده وافقت علي الخطوبه !!
بس كلها شهرين والصفقه هتم،، وفي نفس اليوم هفركش الخطوبه،، وأطلب مها من بباها !
وأكمل بجديه٠٠٠كل واحد مننا عنده خططه،، هو يخطط براحته٠
بس أنا هعمل اللي أنا عايزه في الآخر،،
وأكمل بثقه٠٠٠٠ أنا عماد علي يا مروة،، مش أنا اللي أي حد يمشيني علي مزاجه !!
أتت إليهم عزه والدة عماد وتحدثت ٠٠٠أيه واخدين ركن بعيد عن الكل وبتتكلموا في أيه؟؟
عماد بوجه مبهم٠٠٠ولا حاجه بعد إذنكم ،،أنا طالع آخد شاور !!!
وقف وصعد إلي جناحه المخصص له !!!
أما عزة نظرت له بإستغراب ثم جلست بجانب مروة متحدثة ٠٠٠ماله عماد يا مروة ،،أيه البواخه إللي هو فيها إنهاردة دي؟؟
وأكملت بتهكم٠٠٠٠لتكون الهانم ما ضحكتلوش إنهارده ولا حاجه؟؟
مروة بحزن٠٠٠٠والله حرام إللي بيحصل لعماد ده يا ماما ،،عماد بيحبها بجد،،
دي عيونه بتضحك وهو بيتكلم عنها ،، وبشوف لمعه فيهم مابشوفهاش غير لما تيجي سيرتها !!!
وأكملت ٠٠ علشان خاطري يا ماما كلمي عمو وخليه يوافق إنه يتجوزها !!!
عزه بكبرياء٠٠٠٠بطلي غباء يا مروة،،دي مجرد نزوة في حياته،،
ثم مين مها دي إللي تشغل عماد علي إللي مشي مع نص بنات البلد،،
ده بس علشان ما طالش منها حاجه،،وده ذكاء منها ولعب علي كبير ،،علقته بنظام شوق ولا تدوق !!
تبصله وتضحكله،، تجننه وتكلمه في الفون،، بس ممنوع تخرج معاه أو يبوسها أو يحضنها ،،شغل عالي إنتي ماتعرفهوش،،
الصنف ده أنا عارفاه كويس يا مروة !!!
مروة بنفي٠٠٠٠لاء يا ماما حضرتك غلطانة،،أنا شفت البنت قبل كده ،،
شكلها محترمة وبنت ناس ،،وكمان جميلة جدآ ،،والأهم من ده كله إن عماد فعلا بيحبها
وأكملت ٠٠٠٠ أنا خايفه البنت تتخطب وساعتها ممكن نخسر عماد للأبد !!
عزة بلا مبالاة وثقه٠٠٠٠ولا هنخسرة ولا حاجه،، ليه مش فاكرة عاصم والبنت إللي كان بيحبها ،،وأهو أول ما أتجوز إللي عمك إختارهاله وخلف،، نسي كل حاجه وعايش مبسوط !!
مروة بإستهجان٠٠٠غلطانه يا ماما وبتكابري نفسك،، بزمتك ده عاصم حسين إللي كانت ضحكته منوره وشه،، ده حتي مابقاش بيبتسم ٠٠
ثم أكملت بتذمر٠٠٠٠وبعدين بصراحه إللي إسمها فريده دي مدلعه أوي ولبسها أوفر،،، وأنا بصراحه مابرتحلهاش !!
هي دي يا ماما اللي هتبقي مرات عماد وتربي له ولاده؟؟
عزة بضحك وأستنكار٠٠٠هي مين دي إللي تربي ولاد عماد؟؟
وإنتي فاكره إنه لو حتي إتجوز البنت بتاعته دي،، كنت هسمحلها تربي ولاد عماد !!
لو علي موضوع الولاد ماتقلقيش يا مروة٠
هما بس يتجوزوا ويخلفوا وأنا مش هخرجهم من حضني أبدآ،، دول هيبقوا ولاد عماد الغالي ♡
مروة بحزم٠٠٠٠خلاص،، صارحي عماد وقوليله إنك مش موافقه علي مها،، إنتي كده بتديله أمل كداب !!
عزة٠٠٠وأخسره ؟؟
أديني بسايرة وبقوله هكلم عمك وهقنعه،، لحد ما البنت دي تخلص وترجع علي بلدها،، ولا تتجوز و نخلص منها٠٠
وساعتها مش هيلاقي قدامه غير فريده ومليارات أبوها !!
مروة ٠٠٠وهو إحنا ناقصنا فلوس يا ماما،، إحنا الحمد لله كويسين جدآ ٠٠
عزة٠٠٠يا بنتي الفلوس والسلطه لازم يندمجوا مع بعض علشان يبقوا أقوي وأقوي
وأنا معنديش غير عماد وعايزه أشوفه أحسن واحد في الدنيا كلها !!
وأكملت بحب٠٠٠أنا مش ضد مها يا مروة ،،كل الحكايه إني بحب إبني لدرجة ما حدش يتصورها !!
صدقيني يا مروة ،،بكره ينساها ويعيش حياته ،،وبعدين فريده بتحبه فأكيد هتعمل المستحيل علشان تسعده٠٠
وفي الآخر يا بنتي كل الستات شبه بعض !!
٠٠٠٠٠٠٠٠٠٠٠٠٠٠٠٠٠٠٠كانت مها مازالت تتحدث في هاتفها مع أدهم !!
أدهم ٠٠٠٠عارفه يا مها ،،مع إننا بقالنا فترة مش كبيرة مع بعض بس (سبحان الله )حاسس إني معاكي من سنين،،
حاسس إني أعرفك من يوم ما خرجت للدنيا !!!
مها بتعقل وتأكيدآ علي كلماته٠٠٠ده حقيقي يا أدهم،، لأن ده كمان نفس شعوري،،
عمر العلاقات مش مقياس لتحديد متانتها وقوتها،، فيه ناس بنعرفهم وفي وقت قصير جدآ بنحس إنهم بقوا أقرب لينا من روحنا !!
ونستغرب ونسأل نفسنا !! إحنا إزاي عشنا عمرنا من غيرهم ؟؟
والعكس صحيح،، فيه ناس بيبقوا معانا من سنين،، لكن أرواحنا وقلوبنا أبعد مما يكون !!
الوقت عمره ما كان مقياس لدرجة قربنا أو حبنا لبعض !!
أدهم بحب ٠٠٠٠٠ده حقيقي جدآ علي فكره !!
بدليل إن علاقتنا انا وإنتي مش من كتير ،،بس اليوم بيعدي فيها بسنه،، بقيتي أقرب حد لروحي يا مها !!
إنتي بقيتي روحي نفسها،، بحبك يا أحلا حاجه حصلتلي ♡
وأكمل ٠٠٠علي فكرة،، أنا أخدت أجازه الأسبوع الجاي (إن شاء الله )،،هسافر علشان أكلم أبويا في موضوعنا !!
خلاص يا مها،،ما بقتش قادر أستغني عنك،، بقيتي إدماني ♡
وأكمل بعشق٠٠٠٠ مش قادر أستحمل أكتر من كده،، عاوزك في حضني في أسرع وقت ممكن ،،نفسي أخدك في حضني وأنسي معاكي الزمن والناس !!
مها بخجل٠٠٠أدهم ♡
أدهم بهيام ٠٠٠ياعيون أدهم ونبض قلبه ♡يا حياة أدهم يا مها ♡ يا عمري الضايع إللي لاقيته بعد غياب سنين ♡ يا فرحة عمري إللي هاتنسيني قسوة الزمن ♡بحبك يا مها،، بحبك ♡
وأكمل بإشتياق وترجي٠٠٠٠حبيبتي عاوز أسمع منك بحبك يا أدهم،، قوليها يا مها،، محتاج أوي أسمعها منك !!
مها بعشق وصوتٍ أٌنثوي٠٠٠٠بحبك يا أدهم ♡بحبك لدرجه عمري ما كنت أتخيل إني أوصل لها ♡بحبك لدرجة إني ممكن أموت من غيرك♡خليك معايا دايمآ يا أدهم أوعي تسيبني،، أوعي يا حبيبي♡
أدهم بعشق٠٠٠٠أسيبك ،،طب أتنفس إزاي؟؟
يا مها إنتي بقيتي بالنسبالي النفس إللي لازم أتنفسه علشان أقدر أعيش !!
أنا إللي من غيرك أموت يا مها ♡
أدهم ب تعقل٠٠٠خلاص بقا يا حبيبي يلا إطلعي أوضتك ،،كده هتبردي وبكرة نكمل كلامنا في الجامعه !!!!
مها بدلع٠٠٠مش عارفه،، حاسه إني مش عاوزه أسيبك خالص إنهارده ،،
عايزه أفضل أتكلم معاك،، مش عاوزه أقفل يا أدهم !!!
أدهم بحب وتأكيد٠٠٠ولا أنا يا حبيبي عايز أقفل وأسيبك،، بس أنا خايف عليكي،، الجو برد أوي إنهارده !!
وكمان عندك مذاكره مش لازم تهمليها،، كده هاحس بالذنب يا مها !!!!
أغلقلت الهاتف معه بعد سماع كلماتها المعتاده منه التي أصبحت تعشقها
بحبك،، بحبك،، بحبك بعد غلقها الهاتف مباشرتآ،، سمعت صوت حركة خلفها ٠٠
إلتفتت سريعآ وجدت مدام نور !!
أنتفضت برعب !!!
نور ضاحكه ٠٠٠أيه يا ماهي،، إتخضيتي كده ليه ؟؟
مها بخضه٠٠٠مفيش بس ماحسيتش بيكي خالص !!!
نور بتبرير ٠٠٠أنا كنت داخله أعمل قهوة لنفسي،، شفتك من شباك المطبخ وإنتي بتتمشي في الجنينه،
قولت أجي اسألك أعملك فنجان معايا،،
وندردش شويه ،،من زمان ما قعدناش مع بعض !!!
مها هزت رأسها بنفي وقالت٠٠٠متشكرة جدآ مدام نور،،
بس بجد عندي مذاكره كتير لازم تخلص،، ولو يعني مصره علي القهوة،، فا بعد إذن حضرتك ممكن تبعتيهالي فوق مع عفاف،، وهكون شاكره جدآ لحضرتك !!
نور بإبتسامه ٠٠٠بس كده،، إنتي تؤمري يا ماهي،، القهوة والمطبخ كله تحت أمرك ،،إنتي بس تأشري !!!
شكرتها مها وصعدت إلي غرفتها وقفت عند الشرفه لتغلقها،،
وجدت نور تتحدث في هاتفها وتتلفت حولها وكأنها تعمل في المخابرات الحربية !!!
مها لنفسها٠٠٠٠يا لهذه السيدة الخبيثة٠٠ دائمآ ما يراودني شعور أنها تحيك المؤامرات٠٠
حقآ إمرأه غريبه !!!
وأكملت ٠٠أعرف أن كل نفس أتنفسه يحسب علي،، أشعر بأنني تحت المنظار طوال الوقت !!
ولكن ما بيدي لأفعله ،،هانت مها ،،هانت !!!
نفضت رأسها من الأفكار وقالت٠٠٠
لا تشغلي بالك مها ،،إلتفتي لدراستك يا فتاه وأنسي أمرها !!
٠٠٠٠٠٠٠٠٠٠٠٠٠٠٠٠كانت عزه ومروة مازالتا جالستان ،،أتت إليهم ريهام متحدثه٠٠٠أيه يا ست ماما إنتي عزمانا إنهارده علشان تقعدي إنتي ومروة لوحدكم !!
ونظرت بضحك وأكملت بدعابه ٠٠٠هاااا بتنموا علي مين،، يالااا اعترفوا ؟؟
عزة بحزم٠٠٠بنم ده أيه يا بنت!!!
وأكملت بأمر٠٠٠تعالوا نقعد مع عمكم وإجوازكم ،، ما يصحش نسيبهم وحدهم !!
ثم نظرت وجدت عماد ينزل سريعآ من أعلي الدرج كان يرتدي ملابس يبدو عليه أنه خارج مستعجلآ !!!
عزه بإستغراب وهي تتجه ناحيته٠٠٠٠ رايح فين يا حبيبي في الوقت ده ؟؟
عماد بإستعجال ويظهر علي وجههِ الإنزعاج٠٠٠٠رايح أقابل واحد صاحبي يا ماما وراجع علي طول !!
عزه بتذمر٠٠٠يا إبني هاتسيب ضيوفك وتخرج،، عيب كده يا عماد !!
عماد بنفاذ صبر ٠٠٠٠ماما الله يخليكي أنا مستعجل !!
وبعدين ضيوف مين،، هما بناتك وأجوازهم بقوا ضيوف خلاص !!!!
وخرج مسرعآ دون إنتظار ردها
مما إستدعي إستغراب عزه وقلقها
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠جلست مها تدرس علي مكتبها وهي شاردة،، لاحظت أيه شرودها وقررت إخراجها منه !!
أيه بتساؤل٠٠٠٠٠مالك يا مها،، سرحانه وشكلك قلقانه كده ليه،، دكتور أدهم قالك حاجه ضايقتك؟؟
مها بحزن٠٠٠٠خاااالص يا أيه،، بالعكس ،،كان رومانسي ولطيف لأبعد الحدود !!
ومع ذلك ماأعرفش مالي ،،حاسه قلبي مقبوض أوي،، أيه السبب مش فاهمة ؟؟
ربنا يستر ،،قلبي مش متطمن !!
وبعد تفكير تحدثت بتردد٠٠٠٠٠طب أكلم ماما أطمن علي أهلي !!
أيه بنفي٠٠٠٠٠الوقت متأخر يا مها،، كده هتقلقيها عليكي،،إستعيذي بالله من الشيطان،، كده وقومي نحاول ننام الوقت إتأخر !!
مها بشرود وحزن٠٠٠٠٠حاضر يا أيه ،،
خلدت إلي النوم وتمنت من( الله عز وجل) أن يأتي بالخير ويذهب عنها كل شر !!!
كان أدهم جالسآ علي الأريكة،، ممسكآ بجهاز اللاب توب،،يعمل عليه٠
فجأة سمع صوت جرس الباب ،،إستغرب،،،من سيأتي له في هذا الوقت المتأخر،، ودون إستأذان ؟؟
إتجه إلي الباب وفتحه ،،وجد أمامه آخر شخص تخيل أن يأتي لزيارته،، وفي هذا الوقت المتأخر !!
