رواية غدر القاسم الفصل الرابع عشر 14 بقلم صابرينا
الحلقة 14
..
مراد ضرب اقسمت بالحلقه الاولي وحكينا قصه ازاي مراد حب اقسمت واتجوزها لحد ماضربها
بس اقسمت قدرت تهرب من مراد وتبعد عنه بس الحظ وقعها في ايد صقر
صقر يكون اخو ياسمينا ام مراد
والي هو عايز ينتقم لاخته من اقسمت وامها
بس اقسمت خافت تقول اسمها الحقيقي لصقر
فسمت نفسها (يقين )
عشان مراد ميقدرش يوصلها
ودلوقتي اقسمت وصقر في بيت واحد
صقر شاهين عدوته في بيته وقدام عيونه هل حايحبها هل حاينتقم منها ولا الست نبيله والدته حايكون ليها دور في القصه
وياتري مراد وقاااسم حايعملوا اااي
والاهم مييين سدره
وذنبها كاان ااايه
............اااالله اعلم...............
***********************
الفصل 14
في غرفه والده صقر
اخذ صقر اقسمت ليعرفها علي والدته
ذهبت اقسمت وجلست بجوار السيده نبيله علي الفراش
هنا ورفعت السيده نبيله يدها بصعوبه ووضعتها علي وجه اقسمت
وكانت الام تبكي وتبكي بحرقه
انها تراها سدره و ليست ابنتها أقسمت
كان صقر مذهول
والدته تتحرك الان يبدو ان ليقين سحرها الخاص
رجعت الام بذكرياتها الي الوراء
وهنا تبدا حكايه
........(الاسيره والسجان) .........
سدره &قاااسم
في منزل بسيط جدا في الاسكندريه
كانت هناك فتاه تدعي
سدره
كانت تصلي وتبكي وتبكي عند السجود
يارب يارب انجح يارب نجحني
يارب تعبت وذاكرت
وانتهت من صلاتها
يارب نجحني وانا مش حااشد شعر البت نبيله تاني ومش حااسرق الشيسي من عيال الشارع وحاابطل اكل السكر
ومش حااغشش البت نبيله تاني
اوووف منك لله ي نبيله اتاخرتي ليييه بس
كانت سيدره تعيش مع ابويها لكنهم توفا منذ سنه وهي الان تعيش بمفردها فلم يكن لها سوي عائلتها ونبيله ابنه زوجه ابيها
رن رن رن رن رن
ركضت سدره للخارج
وفتحت الباب لكنها صدمت من الذي تراه.
كانت نبيله
نبيله (قمحيه البشره بااعين عسليه وشعر بني طويل نسبيا)
كانت تبكي بحرقه قلب
سدره:مالك .
نبيله:سقطنا.
وقعت دموع سدره كالشلالات واخذت في البكاء وجثت علي قدميها غير قادره علي الوقوف
دخلت نبيله لتواسيها
نبيله:معلشي ي سدره نعوضها السنه الجايه
كانت سدره تبكي :بس انا ذاكرت والله واهتميت قوووي
نبيله:خلاص بقي احنا يدوب نلحق نجيب الهدوم عشان الكليه
سدره اتفاجئت من نبيله يبدو انها خرفت بسبب الصدمه
سدره:خلاص احنا نذاكر السنه الجايه
نبيله:بس ي تري نجيب فساتين ولا بناطيل
اخذت سدره نبيله في احصانها
وتحدثت
سدره:ي حبيبتي ي نبيله انتي مخك لسع من الصدمه معلشي احنا ان شاء الله السنه الجايه ننجح
نبيله:ننجح مييين ي بت العبيطه احنا جبنا
99في الميه
خلعت سيدره الشبشب الخاص بها وحدفته علي نبيله
سيدره:العبيطه دي تبقي امك ي بت الهبله
بتحوري عليا وديني ماانا سيباكي ي بت عبد الصمد
نبيله:ي وليه بطلي دبش بقي بهزر ي عب المعطي بلاش تكبر الموضوع
سدره :داانتي وقعتي قلبي قولت بس بقيت سقوطه
نبيله:ياااه ي بت اخييرا حانبقي دكاتره
سدره:بصي هو صحيح ابويا لما اتجوز امك انا مكنتش طايقاكم بالامانه بس حبيتكم قوووي عشان انتوا عيلتي
احتضنت نبيله سدره
هم ليسوا اخوه اشقاء ولكن جمعهم الحب
نبيله:الله يرحمهم
سدره :اللهم آميين
رن رن رن رن رن رن
سدره ونبيله بصوت واحد
اخييييييه
عم عويس فلوس الايجار يع يع يع
اول الشهر
نبيله:منه لله البعيد مش بيتاخر
سدره:يكش الدنيا تشتي عليه ظلط البعيد
سيبيلي الطلعه دي
نبيله حاتعملي اااي
سدره:ولا حااجه حااحميه روحي هاتي المنفضه
ذهبت سدره الي الحمام وملاءت وعاء به الكثير من الماء
وخرجت
نبيله:انا خايفه .
سدره:جمدي قلبك كدا
اول مااحميه انتي تضربيه
نبيله:ماااشي
سيبيني عليه بس انتي.
ذهبت سدره تفتح الباب هنا والقت كامل الماء علي الرجل ووضعت الدورق علي راسه بالكامل
والرجل يصرخ من بروده الماء
وصوته مبهم غير معلوم
جاءت نبيله وبدات تضرب عويس بالمنفضه
سدره بغضب :مش حاانسيبكم النهارده حااخليك عبره لصحابك عشان متبوظوش الجرس
انتهت نبيله من ضرب عويس وهي تكتم ضحكاتها وازالت سدره الدورق عن عويس
وضعت سدره يدها علي فمها وهي تستطنع الخضه
سدره ونبيله بصوت واحد
اوووبس عمو عويس
عويس بغضب
يعني انتوا مكنتوش عارفيني
سدره:ماحضرتك يعني مش باين من الارض حانعرفك منين
عويس رجل ثلاثيني في العمر صاحب العماره
ولكنه قزم وسمين
ويهوي النساء ويريد الزواج من سدره
عويس بغضب :مش عارفين تفرقوا بيني وبين العيال
سدره:وانا مالي اذا كنت مش باين من الارض
عويس:قصدك ااي يعني فهميني
سدره:قصير
عويس:هااا بتقولي اااي
نبيله:لا حضرتك هي مش قصدها بس هي يعني افتكرتك العيال الي بتجي تبوظ الجرس وكدا حضرتك عارف الولاد دوول مزعحيين خالص
عويس: هاااا طب انا خلصت الجيم بتاعي وكنت جاي عشان الايجار اخده
سدره بصوت يكاد ان يكون مسموع :اكيد كان بيلعب عقله
عويس:هااا بتقولي اااي
سدره:بقول ربنا يكملك بعقلك اااي غلطت
بصبح ي ااستاذ عويس بصبح
اتت نبيله بالمال
نبيله:اتفضل ي استاذ عويس الفلوس اهي
عويس:كام دوول
نبيله:500جنيه زي ماطلبت
عويس:لا ي ماما ماليش انا ف الكلام دا 500جنيه دوول ايجار الشهر الي فات
الشهره دا عايز 600
سدره بصوت مسموع :اكيد 600مازمان الابر الي بتاخدها زادت يكش البعيد يطول
عويس:انتي قولتي حاجه
انتي بتقولي اااي
سدره:بصبح ع استاذ عويس بصبح
عويس:لا قولي حاجه
سدره ومسكت الدورق الفارغ وتحدثت
سدره:بقول حاانضف الشقه يكش البعيده تنضف
مسكت نبيله ضحكاتها بصعوبه وهي تخبر عويس
نبيله:معلشي ي استاذ عويسس حااندبر الباقي ونبعتلك الفلوس
عويسس:ماشي ي ست نبيله
سلام.
سدره:سكه القرافه ي بعيد
استدار عويس لسدره ولكن سدره تحدثت
سدره:سكه السلام ي استاذ عويس
وتحدثت بصوت خفيض
يكش تشتي عليك ظلط تروح ماتنشف ي بعيد
استدار عويس مره اخري واتي لسدره
عويسس:اه صحيح انا والست الوالده جايين عشان حاجه لينا عندكم واهو بالمره ناخد باقي الايجار حانيجي الساعه 7 كدا
ذهب عويس
نبيله:ودا جااي ليه ي سدره
سدره:الفار بيلعب في عوبي
نبيله:اقفلي المنور دا وقوليلي حانجيب منين باقي الايجار داا معاش ابويا وابوكي يدوب بيكفينا
سدره:حاتتحل ي اوختي وتبقي عسل وبعدين نبقي ننزل نشتغل
نبيله:واحنا نفهم ف ااي بقي عشان نشتغل فيه
هنا واخذت سدره تتراقص بخصرها يمين ويسار
سدره:رقاصه
هيهيهيهيهي
ميحكمشي
جرت نبيله ورا سدره بالمنفضه
نبيله:انا حااوريكي
وديني مانا سيباكي
اخذت الفتاتان تمرحا سويا ثم ارتدوا ملابسهم
وذهبوا الي الكورنيش ليتمشوا قليلا
ويكملا احتفالهم وفرحتهم
علي الكورنيش
نبيله:حانعمل ااي ي سدره الكليه مصاريفها غاليه واسكندريه كمان مصاريفها غاليه
سدره:ي بنتي مجموعنا كبير واكيد حانلاقي منحه
نبيله:المنحه تفتكري حانعرف
سدره:اكييد بلاش تشاؤم خلينا فرحانيين بقي بنجاحنا
نبيله:تفتكري عويس جايب امه لي
سدره:مش عارف بس اكيد موضوع صغير زيهم
نبيله:ي بت بطلي تتنمري علي الناس
سدره:عويس دا حلال فيه التنمر الجشع الطماع
يكش يولع البعيد وبدل ماتشتي ميه تطفيه
تشتي ظلط
نبيله:طب يالا ي اوختي خلينا نشوف ام عويس عايزه مننا ااي
ذهبت الفتاتين الي المنزل
الساعه السابعه
في منزل سدره
جاء عويس وام عويس وطبعا مش حااتكلم
العيله كلها اقزام
بس تتميز بالجسد السمين
ام عويس:رن الجرس تعبت من السلم
عويس :لا رنيه انتي
ام العويس:يووه ليه ي واد بيكهرب ولا اااي
رنت ام عويس الجرس
ذهبت سدره تفتح الباب لام عويس
كانت ام عويس تحاول الدخول لكن الباب ضيق
فاانحشرت بمعني اصح
سدره:انا حااشد وانت زوقها معايا والنبي ي اخ
تعمدت سدره ان تسحب ام عويس من يدها بقوه
الا ان صرخت متالمه من الوجع
جاءت نبيله وساعدت سدره
الا ان جاءت لسدره فكره
ذهبت سدره الحمام
وطلعت ومعها الشامبو
نبيله :اااي دا
سدره:اوعي انتي اش فهمك حااحطلها شامبو عشان ازحلقها
ام عويس:شايف الي انت جايبني عشان اخطبهالك
عايزه تزحلقني بينا من هنا والله ماانا داخله
سدره:صادقه والنبي دااحنا مش عارفين ندخلك اصلا
ام عويس:شايف ام لسان طويل الي مسكنهم في العماره
ياانا ي هي في العماره دي
دخلت نبيله
نبيله:ي جماعه استهدوا بالله مش قصدها حاجه
ام عويس:اومال ااي يعني تزحلقني
هي كلمه لموا هدومكم وغوروا من هنا
سدره:ليييه هو كلام سيكي ميكي احنا معانا عقد ودافعين ايجار
ام عويس:ايجار اي ي ام ايجار دا انتي بتسمي الملاليم الي بتدفعيهم دووول ااايجار
وبعدين العقد فاضل فيه اسبوع وينتهي ويالا بقي خلي العماره تتضف
سدره :طيب ثواني وجيالك ي ام عويس
ذهبت سدره الحمام وعباءت سطل ماء وافرغت بيه عبوه الشامبو كامله
سدره:يالا مش خساره ف ام عويس وكله عشان العماره تنضف
خرجت سدره بسطل الماء ولكنه ثقيل فنادت علي نبيله
نبيله:اي دا الله يخربيتك
سدره:كدا كدا مطرودين يبقي ننضفهم بقي
نبيله عندك حق
ساعدت نبيله سدره علي حمل سطل الماء وهنا القوا الماء الممزوج بالشامبو علي ام عويسس وعويسس
ام عويس وعويس صرخوا ولموا الجيران
الشامبو دخل ف عينوهم
سدره:عشان العماره تنضف
يخلص الاسبوع ونسيب العماره الفقر دي
سلام ي ام عويس
واغلقت سدره الباب بقوه ف وجهوهم
كانت ام عويس وعويس يشتعلوا غضبا ويصرخوا
وعويس يخشي الحركه والتزحلق
وتمكنوا الاثنان بصعوبه الهبوط للاسفل
***************************
في منزل سدره
نبيله :حانعمل ااي ي سدره اهو بسبب جنانك دا انطردنا
سدره:بصي احنا نحط معاش ابوكي علي معاش ابويا ونروح ناخد سكن طالبات في الجامعه
نبيله:طب ومصاريف الجامعه
سدره:نبقي نشوف المنحه ونشوف الدنيا
اليوم التالي
ذهبت الفتاتان للسوال عن السكن الجامعي والمنح ولكن
مدير الشئون:اسف والله ي بنات حاليا وضع الكليه خلا المنحه من 99ونص
سدره:يعني جت ع الحظ تدق طبل
جت الحزينه تفرح مالقتلهاش مطرح
نبيله :طب مفيش اي فرصه
مدير الشئون :لا في ف القاهره فرصه
سدره بخوف من هذه المدينه
سدره:القاهره
***********************
في غرفه السيده نبيله والده صقر
كانت تسرح بعقلها وهي ترا اقسمت
الا ان خرجت من دوامه ذكرياتها حين وجدت اقسمت تطبع قبله علي جبهتها
كانت قبله حانيه
كاوالدتها
ابتسم صقر لاقسمت فاانها كالملاك
اطفيء صقر الاضواء بغرفه والدته لترتاح قليلا
وخرجوا سويا من الغرفه
صقر:وجودك بيساعد من تحسن امي
اقسمت:انا حبيتها قوووي
وتحدثت بسرها
مش عارفه ليه حاسه اني اعرفها مش غريبه عليا
حاسه انها مني وان في حاجه بتربطنا سوا ببعض
اوصل صقر اقسمت لغرفتها
لكن دخل خلفها الغرفه واغلق الباب
ثم...............
.
يتبع
الخامس عشر من هنا
