رواية غنوة الداغر الفصل الحادي عشر 11 بقلم ميفو سلطان
الفصل الحادي عشر11
بقلم ميفو السلطان
دخل جمال علي داغر وهتف بص يا داغر انا جبت اخري اسابيع واختك مصدرالي الوش الخشب والواد الزباله ده نازل نحنحه لو مش هتجوزهالي قول هخطفها واتجوزها والله هعملها.
ليتنهد داغر ويهتف.. بطل وش مش ناقص عالصبح عندي صداع اهمد.
ليصرخ جمال.. مانت قلت هتحلها وسيادتك نايم في العسل ونازل حب وسحسحه ياخويا ووشك ورد وانا بعض في الارض.
ليهتف داغر ساخطا.. مانا عارف قرك منك لله اهي رشقت في وش اهلي نبرت يا اخويا.
ليهتف.. ايه يا بومه فيه ايه.
ليهتف داغر.. حرمي المصون ميساء رجعت البيت وقضيت ليله سوده امبارح دا من غلبي اتسحبت ورحت عند غنوه ورجعت الصبح زي الحراميه انا مش قادر انا خلاص.
ليهتف جمال.. حبيتها يا داغر
ليهتف داغر.. ماعرفش بس كل اللي حاسه اني عايز ابقي جنبها ابصلها وماشيلش عيني من عليها عايزها في حضني انا امبارح كت هموت محصور ميساء ماعتش حاسس بيها.
ليهتف جمال.. طب ماتطلقها خلاص لو بطلت تحبها.
ليتنهد يعني.. اخرتها بعد سنين اطلقها مش عارف ماقدرش اعمل كده انا مش واطي.
ليهتف.. طب خلاص نظم نفسك مانت كت قبل كده متجوز اتنين.
ليهتف داغر.. لا غنوه غير. غنوه ملكتني مش قادر ابعد عنها.
ليهتف جمال.. طب طبيت يا نحنوح خلاص قشطات يا معلم..
ليتنهد داغر.. ويبتسم تفتكر يا جمال..
ليهتف جمال.. يبني انت وشك نور من ساعه مالبت دخلت حياتك وبتبقي قاعد عنيك هتتهبل عليها انا بتاع نسوان وعارف.
ليضحك داغر.. اه بتاع نسوان لو مريم سمعتك.
ليهز جمال راسه.. اه اصلها ناقصه هم.. هتجوزهالي امتي البت انهبلت والزباله اكرم بيصطاد في الميه العكره..
ليتنهد طيب يا حبيب اخوك هتصرف بس يلا زق وانا هتصرف.
ليستدعي مريم لتدخل عليه ليهتف اقعدي يا مريم.. دلوقتي جمال عايز يتجوزك.
لتهب وتهتف.. انا قلت لا يا ابيه لا دا واحد قليل الادب.
ليهتف.. بس جمال معذور يا حبيبتي وانت بتحبيه
لتدمع عينها.. حتي لو بحبه استحاله اتجوزه.
ليهتف داغر.. حتي لو عشان اخوكي.
لتقطب جبينها.. عشانك ازاي.
ليجلس ويتصنع الهم.. بصي يا قلبي انت عارفه ان جمال شريكي في كل حاجه والمجموعه زي ماليا ليه.. جمال حاطط جوازك قدام خراب المجموعه.
لتنظر اليه بذهول.. ايه ده بيهددك جمال بيهددك يا ابيه..
ليهتف ايوه المجموعه هتتخرب وتعب السنين هيروح انا واقع فيكي يا مريم وجمال رافض اي اتفاق الدنيا هتخرب وانت في ايدك السبب.
لتجلس مقهوره موجوعه.. بقي جمال يهددك ليه دا اخوك َمتربي معاك اخص عليه عشان يعمل كده اتجنن ده.
ليهتف.. بيحبك يا مريم.
لتصرخ.. اللي يحب ما.يوجعش.. وهو وجعك و وجعني.
ليهتف.. مالكيش دعوه بيا انا طالب منك تفكري تنجدي اخوكي..
لتظل مهمومه وتجلس تفكر في اخيها فهو كابيها لتتنهد وتهتف.. انا موافقه يا ابيه بس عرفه اني هتجوزه وهطين عيشته ولا هيطول مني حاجه مش البيه طاح فينا انا بقه هوريه وهندمه علي عملته دي حتي لو موتني في ايده واه شرطي هنقعد عندنا.
لبهتف با مريم تقعدو فين يا حبيبتي.. اه تنوري بس جمال له بيته وحريته يا حبيبتي.
لتهتف اومال.. ياخدني ويقهرني لوحدي.
خلاص يجبلي فيلا جنبكو لازق والله ماهقعدله في بيته ساعتها.
ليتنهد ويبتسم.. حاضر يا قلبي
لتقول.. وتاكد عليه مايستناش مني حاجه ولا هفرحه وهسود عيشته ولا هيلمسني بقلك اهوه ولو عمل ايه وقامت وتركته وذهبت علي جمال وفتحت عليه الباب وهجمت عليه وصرخت لتكون فاكر انك بكده هتذلنا وانك قدرت عليا ياسي جمال.
كان جمال مبهوتا لا يفهم شئ.
لتصرخ.. والله لاسود عيشتك وجوازتك هتبقي طين وهندمك علي الجوازه دي.. مش انا اللي تعمل فيها كده والله لاحرق قلبك واعمل حسابك ماهتلمسنيش ولا تطولني. جواز ه زفت علي دماغك وتركته مذهولا وخرجت.
ليهتف جوازه ايه اللي زفت هيا اتجننت ليقوم ويدخل علي داغر.. فيه ايه مريم هتموتني مالها عملت فيها ايه دا اتحولت.
ليضحك داغر دانت هتشوف ايام جاز وحكي له كل شئ
ليتهالك جمال نهارك اسود ودي هعمل معاها ايه دا وبور انت طينتها طب ايه.
ليبتسم داغر.. ايه ايه مالهاش حل لو مش عايز فركش.
ليهب.. فركش ايه اتجننت انت لا انا راشق بس ايه دا هتقتلني.
ليضحك داغر... امال بتاع نسوان ايه مش هتقدر عالبت الغلبانه و َالله صعبانه عليا.
ليهتف جمال.. طب اعمل ايه بموت فيها وهيا نازله نطح وبتحبني اعمل ايه قلبي شقق.
ايهتف.. طب يا خويا عليك بقه وعالنحنحه سحسح لحد مالبت تنخ هوكتب كتاب بس جواز انت وشطارتك..
ليهتف جمال.. لا والنبي اتجوز يا داغر بالله عليك ادهالي والله هلين دماغها.
ليتنهد.. طب نكتب ونشوف اهدي وركز بقه.
ليهتف جمال تسلملي يا حبيب اخوك ربنا يسعدك.
عند غنوه كانت تتجنب ميساء تماما وكذلك ميساء لا تقربها ولكنها بدات في التخطيط لازاحتها لتمر الايام وتبدا ميساء في الشجار مع الخادمات فهيا تدعي انها تفقد اشياء من مجوهراتها والكل يستعجب مما يحدث ليمر ايام اخري وتهدا ميساء وكانت كل حين واخر تفتعل نفس الاعمال وتتشاجر مع الخدم ليدخل عليها داغر ايه هو كل شويه تخانقي فيهم ماتقفلي علي حاجتك او جايز بيتنطرو هنا والا هنا.
لتهتف... اقفل ليه دا مش بيتي واماني من امتي يا داغر ايه اللي جد في البيت عشان اقفل لا ماهقفلش ان شالله كل حاجه تروح بس والله لو قفشت اللي بيعمل كده لاطين عيشته.
ليهتف... مين يعني.
لتصرخ ما ده اللي مجنني يا داغر الخدم دول معايا من سنين منال ونجلاء انتو مربينهم وغلابه اوي.. انت مش عارف ايه الجديد في البيت هتجنن .
ليتنهد ويهتف.. جايز اتنطرو روقي كده هجبلك غيرهم.
لتهتف تسلم يا حبيبي ربنا يخليك ليا يا قلبي.
كان القلق يعتريه ويشعر بان هناك شيئا خاطئا.
لتجتمع ميساء مع فتيات الخدم لتهتف بصو بقه انتو هنا بسببي وروحكو في ايدي. انتو غلابه ولو مانفذتوش هسرقكو والبسكو التهمه وماحدش هيصدقكو ويكذبني. يبقي اللي اقوله يتنفذ..
لتخاف الفتيات وتهتف احداهن اللي تامري بيه يا هانم.
لتهتف خلاص اسمعو بقه تنفذو ولا فيه كلمه تنقص ياما هلبسكو مصيبه واقول انكو اللي سرقتو الحاجه.
لترتعب الفتيات لا يا هانم احنا غلابه..
لتهتف.. طيب اللي قوله يتنفذ واللي هتنطق هلبسها مصيبه.انا هنا ست البيت ووكلمتي مصدقه هتشتكو هتتحبسو من البيه فاقصرو شري لتمتثل لها الفتيات وتبدا في التخطيط لتفتعل مصيبه يتغير مجري البيت كله..
كانت ناديه تجلس ومعها ملك لتاتي لها احدي الخادمات.. هاتي يا هانم عنك انت تعبتي كفايه لتعطي ملك لها لتاخذها الخادمه وتذهب بها الي حجره ميساء التي كانت قد خرجت بره البيت لتذهب غنوه ولتسال عن ملك لتخبرها الخادمه انها مع منال الخادمه الاخري لتصعد اليها وتدخل عليها غرفه ميساء لتقوم الخادمه الاخري بتصوير غنوه وهيا تدخل حجره ميساء وهيا تقفل ورائها لتدخل غنوه ايه يا منال ملوكه كويسه هاتيها عنك..
لتهتف منال اتفضلي يا هانم واعطتها كيس اسود..
لتقطب غنوه.. ايه الكيس ده..
لتهتف منال دا كيس فيه الرضعه والبامبرز والمناديل شيلاهم عشان ما يتنطروش وانا بنضف..
لتاخذها منها غنوه لتاخذ غنوه الطفله لتهتف الخادمه طب خدي الحاجه يا هانم انا هرضع ملك دقيفه واجبهالك..
لتهتف غنوه ماتجيبها ارضعها
لتقول لا ماينفعش نقطع الرضعه انت خدي الكيس وانا هجبهالك الاوضه دقيقه لتمتثل غنوه وتترك الخادمه في الحجره لتصورها الخادمه مره اخري وهيا تخرج بالكيس الاسود بمفردها وهكانت الايام تمر وميساء تخطط مع الخادمات ويتكرر نفس الفعل وغنوه لا تشك في شئ فالخادمات يتعاملون باريحيه معها ولكنهم من خوفهم مجبرون علي تلك الاذيه..
كانت غنوه تقف في احد الايام تكلم اخيها حازم ليخبرها ان اختها ستتزوج لتسعد هيا ولكنه اخبرها ان المصاريف كثيره لتهتف وهيا تتذكر مرتبها الذي تاخذه من داغر. ولا يهمك انا معايا فلوس كتير وهتصرف ليدخل عليها داغر ويستمع لها وهيا تخبر اخيها ان معها اموال وستتصرف له ولكنه لم يعير الامر اهميه ليقترب منها ويقبلها لتبتسم له وتغلق مع اخيها ليهتف.. وحشتيني..
لتبتسم وتهتف انت كمان والله ليهتف كتب كتاب مريم قرب وعايزك تبقي معاها البت طايحه.
لتهتف.. مانت برضه ضغط عليها ماتقلها الحقيقه.
ليهتف... هتعند عيله صغيره وهيا بتحبه وهو كمان يبقي خلاص بقه اجوزها واخلص وافوق للقمر اللي واحشني.
لتضحك.. انت ايه ده مانت كل يوم معايا.
ليضحك... والله بخاف اتقفش عامل زي الحراميه بس غصب عني لو مانمتش في حضن القمر بتبقي ليله غم.
لتخجل منه وتهتف... بجد يا داغر انا مهمه اوي كده.
ليهتف.. ياختاااي اسكتي اسكتي دانتي مخدر المس القمر يخدرني واسيح فيها وانام زي العيل الصغير.. دا قمري بيهبلني.
لتهتف... انا مبسوطه اني مهمه عندك وانت كمان والله بقيت كل حاجه عندي..
ليقترب منها... ازاي ماتقولي كده ازاي.
لتخجل وتحني راسها ليهتف..ليهمس بحب لا وحياه القمر. خرجلي اللي جوا كله كله..
لتتنهد وتهتف أخرج ايه بس يعني مش حاسس
ليقبلها بحنان.. حاسس وقلبي هيتفرتك بس عايز اسمع.
لتركن علي قلبه وتسمع دقاته لتهمس حاسه اني طايره كنت بجري وتعبانه وفجأه ارتاحت ووقفت اريح قلبي كنت لوحدي طول عمري وحسيت ان دنيتي اتملت.. كنت بخاف اقرب من حد ودلوقتي قربك بيريح قلبي .. انت بقيت دنيتي وحاسه اني في سعاده مش مصدقاها. داغر انا خايفه مش متعوده عالسعاده دي حاسه ان ربنا ماخلقنيش لكده عشان كده مش مصدقه الفرح اللي ملا قلبي..بديلك قلبي عن طيب خاطر وعارفه انك هتحافظ عليه عشان لو ماحفظتش عليه هيموت.انت اجمل حاجه حصلتلي في حياتي.. انت روحي ونور عنيا..
ليظل ينظر اليها بحب.. قلبك ده هموت عليه وهحطه بعيوني العمر كله . ليقبلها ويهمس قلبي يا ناس هفطس..
لتهمس خلاص ماعتش هقول اوعي بقه..
ليهتف لا لا لا لااااالا والنبي دانا بسيح من كلام القمر..
لتضع يدها حوله.. عارف لو طلت افتح قلبي واخبيك جواه كت عملتها..
ليقول بهيام.. قلبي هينفجر.. دا كده بقه عايزين شرح توضيحي َحبيبي لازم يعرفني ازاي وحملها مسرعا وبدا يدغدغها.
لتضحك. بطل اسكت نهارك ابيض نزلني.
ليهتف.. بس بس نخطف حاجه عالسريع كده قبل الليل مايجي واشدد لوحدي لينهال عليها يذيبها ويذوب معها وهيا سعيده محبه ومشاعرها قد وضحت لها لتنام في احضانه وقد وعت ان داغر اصبح لها حياتها وروحها وانها احبته بل عشقته بقوه لتسعد اخيرا انها دخلت حياته وهو بجوارها لتتمني ان يكون قد اصبح مشاعره مثلها لتسعد وتتمني ان تعيش تلك السعاده الابديه..
كان الجميع يجلسون ليدخل داغر ويهتف.. مريم حبيبتي كنت طالبه فلوس وقت ماتحبي قولي عشان تجهزي نفسك يا قلبي.
لتهتف مريم ربنا يخليك يا ابيه.
لتهتف مريم.... هنبقي نروح سوا نشتري طلباتنا.
لتهتف غنوه تامري يا حبيبتي ..
كل ذلك وتلك الحرباء تستمع وتخطط لالصاق تهمه شنيعه بغنوه لتعيد نفس الاتفاق مع الخدم لتاتي بالطفله الي حجره ميساء وتذهب غنوه لتاخذها وتصورها الخادمه الاخري لتذهب ميساء وتاخذ الاموال التي وضعها داغر في الدولاب لتجد بجوارها بعض المستندات المهمه والمناقصات لتصورها وسرق ما فيها وتتفق مع الخدم ليخفوها في حجره غنوه بعيدا عن يدها حتي لا تكشفهم ومعهم الخواتم التي ضاعت من رميساء لتاتي مريم الي داغر وتطلب منه الاموال ليذهب الي حجرته ولكنه لم يجدهم ليثور وينادي الخدم ويبدا في الصراخ.. انا فوت قبل كده اللي حصل قلت مره اتنين وهيتلمو انما توصل انكو تاخدو حاجات من اوضتي في بيتي دا مبقاش بيت.
لتبكي الخادمات.. والله يا بيه ماخدنا حاجه والله ماخدنا حاجه.
ليهتف.... انا مش عايز اأذي حد وأبلغ الشرطه.
لتقترب غنوه.... اهدي يا داغر حرام تضيع مستقبلهم.
ليصرخ... امال يسرقوني واسكت والله لاخرب بيوتكم ان ما قلتو وديتو الفلوس فين.. لتنوح الفتيات ليهتف طيب انت اخركو الشرطه ويفتح تليفونه لتصرخ الخادمه هنقول بس والنبي ماتعمل حاجه.
ليهتف انطقو مين اللي خد الفلوس..
لتهتف احد الخادمات هنقول بس لوحدنا معاك احنا خايفين
لياخذهم ويذهب بهم الي المكتب ويقف منفعلا غاضبا يلا انطقو.
لتهتف بص يا بيه احنا غلابه ومانتاخدش في الرجلين احنا متربين هنا عمر شفنها مين اللي خد الحاجه وكان بيدخل القوضه.
ليقطب جبينه ماتنطقي يا روح امكَ هتغنيلي.
لتهتف الاخري... الست غنوه يا بيه.
لينظر اليهم بذهول ليتحول الي غضب.. نهار ابوكو اسود مين يا زباله انت اتجننتو.
لتهتف.... يابيه شفناها وخفنا نقول بس صورناها عشان مايتقالش اننا اللي بنسرق احنا معاكو من سنين يا باشا دي اخرتها واخرجت تليفونها واعطته فديوهات متعدده لغنوه وهيا تدخل الحجره وهيا تخرج بالكيس الاسود لينقبض قلبه لتهتف والحاجه عندكو يا بيه في القوضه كنا بنشوفها لترد الخادمه الاخري يا بيه احنا طالبين الامان احنا غلابه والله يا بيه احنا مانمد ايدينا سنين واحنا عايشين متربيين هنا..
ليظل واقفا مذهولا غنوه لا مش ممكن ليهتف غاضبا يمين بالله لو كتو كذابين لاوديكو في داهيه واخرب بيوتكو ليخرج مندفعا وياخذ غنوه من يدها ويصعد الي حجرتها ويغلقها ويصرخ هما فين.
لتبهت غنوه.. هما ايه..
ليهجم علي غرفه الملابس ليبعثرها عن اخرها والغضب والخوف ياكله كان يطيح في الحجره ويبعثرها وهيا خائفه وتهتف فيه ايه انت عامل كده ليه ليجد اخيرا احد العلب مخفاه وراء احد المفارش ليفتحها لينشل مما امامه فهناك الاكياس السوده ليفتحها إيه الفلوس والمجوهرات وما اصابه في مقتل ورق مناقصاته متصور امامه ليهوي قلبه استبيعه استخونه وتتلقي اموالا وهيا تقف مذهوله مما في يده ليستدير والغضب اعماه ليمسكها ويهتف بفحيح.. ايه ده دول ايه والورق ده بيعمل ايه هنا..
لتهتف ماعرفش والله ماعرف ماشفتهمش.
ليصرخ.. ماشفتيش ايه دا في دولابك وخد التليفون وايه ده انطقي.. .
لتدخل ميساء جايبلنا حراميه تعملها ست بيت دي اخرتها يا بيه وانا اللي راضيه وساكته.
.
مصورينها طالعه من اوضتي وادي الفلوس اهه. تاخد ورق منقصاتك تبيعه لعدوينك وتقبض علي قفانا ايه الفجر ده ايه تاني مستني ايه دي تبقي مراتك دي تبقي ست تربي بنتك تعلمها ايه السرقه دي اللي هتأمنها علي بنتك البت دي لازم تتحبس او تترمي في الشارع ساكت ليه..
كان يجلس وهو غير مصدق ليضع راسه بين يديه صامتا فحبها سيخلع قلبه.
لتقترب غنوه... انت ساكت وموطي راسك ليه ساكتلها ليه لتهز راسها بوجع اوعي تقلي انك مصدق فيا اوعي يا داغر اوعي دانا اموت لتقرب منه وتصرخ بصلي موطي راسك ليه لتصرخ وتدفعه ماتوطيش راسك قلها اني مش حراميه انا مراتك زيها ليه تصدقها وتكذبني.
ليصرخ اخرسي ..
لتصرخ بوجع.. اخرس بتاع ايه.
لتصرخ ميساء.. تسكتي وتخرسي انت واحده حراميه عايزاه يعملك ايه يصقفلك انك سرقتيه ايه البجاحه دي.
ليصرخ هو كفايه كفايه بقه كان منهارا. لا يعرف ماذا يفعل يحبها ويعشقها ولكن لا يعرف ماذا يفعل.
لتهتف غنوه لا مش هسكت مش هسكت انتو االي ظلمه انتو اللي ماعندكوش رحمه اسرقك ليه انطق اسرقك ليه حرام عليك بصلي بطل تسكت ماتموتنيش قلبي هيقف مش بعد اللي قلتوهولي واديتني الامان ترجع تصدق فيا ليه ليه.
لتهتف ميساء... اسمعي يا بت انت انت تقعدي تترزي هنا للبنت لحد مانشوف مكانك حد وبعدين تغوري من هنا انما نسيبك البنت تعلميها السرقه لا اللي زيك ماكنش ليه يخش بيوت احنا هنعمل بأصلنا ونعمل حساب خالك ومانفضحكيش ونحبسك بس خلاص تترمي بره.
لتظل غنوه واقفه. قلبها سينخلع من مكانه ليهتف بغضب.. داغر ميساء اخرجي بره لتخرج ميساء ليظل هو جالسا بقهر يغلي من داخله يريد ان يقتلها لا يقوي علي النظر اليها.
لتهتف هيا.. ايه صدقتها صدقت مراتك. كذبتني ايه مش مراتك انا كمان انت بسكوتك ده بتموتني انت بتقتلني ليه عملتلك ايه هتكمل سكات ايه هتسمع ليها وترميني وتجيب واحده مكاني اصلي حراميه.
ليهتف بغضب.. انت ايه مش حاسه بالمصيبه اللي انت فيها.
لتهتف... لا مش حاسه عشان ماعملتش انا نصيبتي فيك انت في وجعي منك انت في تصديقك ليها وتكذيبك ليا.
ليهتف بغضب .. كنتي هتجيبي فلوس لاخوكي منين يا غنوه
لتهتهف.. اه فاكر اني هسرقك واديلوه صح تصدق.. بصلي وانطق اسرقك ليه خليك راجل وبصلي..
ليفور من داخله ويهب والغضب يحرقه اخليني راجل واحبسك عشان حراميه دا اللي عايزاه. ان اتجوزت حراميه
لتصرخ.. اخرس اياك تقول كده قطع لسانك. انا انضف منكو كلكو.
ليصفعها علي وجهها بشده.. بقي اخرس بقي دي اخرتها بعد ماجبتك ونضفتك وعيشتك عيشه ماتحلميش بيها تسرقيني وتخونيني.. مصوره شغلي يا قادره وهتبيعيه وتقبضي.. ايه فاكره انك هتلزقيها لحد تاني.
لتصرخ... بطل والله ماحصل انت ازاي تكلمني كده حرام عليك.
ليصرخ... ازاي اكلمك كده كان موجوعا منها ليبدا في ايذائها ليهتف وانت مين اصلا عشان ماكلمكيش حته زباله حراميه لمتها تقومي تيجي تسرقيني يا زباله ايه مثلتي عليا ومش عايزه فلوس وتقولي لاخوكي معاكي فلوس وهتتصرفي ايه بيسلكلك المجوهرات البيه والله لاخرب بيتكو انا بعد ما امنتك ودخلتك دنيا ماتحلميش بيها تدوري بوساخه تضحكي عليا. تاخدي فلوس ودهب لو كان بس كت سامحتك انما تخونيني وتخربي شغلي وتصوري المستندات .. ايه هتبيعي شغلي مش مكفيكي اللي سرقتيه.
لتصرخ.... حرام عليك والله ماخدت حاجه انا مظلومه تصدق فيا كده والنبي ما تصدق انا غنوه اللي قلتلي ما هوجعكيش واني حاجه مهمه وانت بقيت كل حاجه ليا انا اعمل فيك كده. لتقترب منه وهيا تنتحب.. داغر والله ماخدت حاجه ولا شفت فلوس ولا صورت ورق كانت تشهق اوعي يا حبيبي حرام عليك داغر هموت والله هتقتلني كده.. غنوه هتموت.. اعمل كده ليه وانا ماليش الا انت اعمل كده ليه.
ليهتف... ايوه عشان جربوعه خططتي تدخلي البيت وعارفه بهجومك اني هجيبك ما مين اعور في البلد الا انت يا زباله قلتي قربي من بنته وعلمي عليه وانا مش هقدر اعملك حاجه مانت اتعلقتي ببنتي فاكراني اهبل.
لتصرخ.... بس بس انت ايه حرام عليك قلبي بيوجعني هيموتني منك لله.
ليهجم عليها وينهال عليها ضربا
.. انت لولا الملامه كنت سلمتك للشرطه تتحبسي يا زباله ايه ده تنامي في حضني وتدوري تسرقيني انا داغر سليمان تضحكي عليه واحده ماحدش يبصلها لميتك ونضفتك ودخلت بيتي يا زباله تسرقيني تخونيني تبيعيني لاعدائي كان يضربها بعنف.
لتدخل مريم وناديه وينصدما
ليمسكها من شعرها.. وهيا تصرخ حرام عليك والله ماعملت حاجه والله ماعملت حاجه ليدفعها ومريم تنتحب وتصرخ كدب كدب غنوه استحاله تعمل كده حرام عليك ليظل هائجا لا يعرف ماذا يفعل ليلقيها بعيدا ويهتف تقعدي هنا زي الكلبه لحد ماعرف هعمل فيكي ايه فاهمه.
ليتركهم ويدخل المكتب ويهيج ويكسر المكتب باكمله ويتهالك والوجع يمزقه لتنهمر دموعه ليهمس بوجع.. ايه الوجع ده ليه ليه انا تعملي فيا كده تسرقيني انا دانا دانا حبيتك ولو طلبتي عيني كنت جبتهالك تضحكي عليا وتدوري تسرقيني وتتفقي مع اخوكي لا وتبيعي منقصاتي يا جاحده ليه ناقصك ايه ليه.
لتدخل عليه مريم وتصرخ انت ظالم ظالم غنوه ماتسرقش ماتسرقش غنوه هتعمل كده ليه قلي حرام عليك مانت جوزها وحبيبها هتعمل كده ليه لو طلبت حاجه هتجبيهالها غنوه حيه وماتقربش لحاجه مش بتاعتها دا بتتكسف من خيالها وعندها عزه نفس.. ليه تسرق هاتلي سبب.
ليدخل عليهم جمال فيه ايه مالك يا حبيبي فيك ايه.
لتذهب اليه مريم... في مصيبه يا جمال داغر ضرب غنوة واتهمها انها سرقته تصدق والنبي يا جمال قله انها ماسرقتش خليه يرجعها.
ليصرخ... داغر بطلي بطلي الحاجه طلعت من اوضيتها والخدم مصورينها والهانم قايله لاخوها هتديله فلوس كتير بتسرقني وتديله وورق الَمناقصات متصور ومتعان.
لتنهار مريم... لياخذها جمال في احضانه اهدي اهدي.
لتهتف... والنبي يا جمال قله وعرفه انها ماسرقتش حاجه يروح يشوفها حرام والله دي مظلومه..
ليهتف طب اهدي اهدي حبيبتي وانا هتصرف لتخرج منهاره ليجلس جمال ممكن تهدي كده وتفهمني ايه اللي حصل..
لينظر اليه داغر والدموع في عينيه انا اندبحت يا جمال حبيبتي سرقتني تصدق تعمل ده كله عليا وتسرقني انا اتسرق بعد ما دخلتها حضني انا مش واجعني الفلوس تغور انا واجعني خلعتها لقلبي كانت هتبيع ورق المناقصات انا قلبي هيقف.. تغور الفلوس الخيانه صعبه. دانا كل يوم في حضنها تعمل فيا كده دانا بتنفسها ومابعرفش انام الا في حضنها انا قلبي هيقف مش عارف هعيش من غيرها ازاي انا نفسي اموتها اطردها بره مش قادر مش قادر.. ليهب بس لا انا مايتعملش فيا كده بعد َماخدتها في حضني وامنتلها تقهرني كده.
ليهتف جمال... ماتهدي بقه ايه هتنهبل..
ليهتف داغر اعمل ايه اعمل ايه ايه المصيبه دي تعمل فيا كده ليه حوشت عنها ايه لو طلبت كت ادتلها تسرقني تطلع حراميه وتخوني.
ليهتف... اهدي طيب واقعد معاها واعرف ليه عملت كده.
ليصرخ..... اقعد مع مين انا عايز اموتها بايدي.. دي كات في حضني ومديها الامان تقلي اقعد دانا عايز ارميها بره تغور.
ليهتف.... اهدي طيب وبنتك هتعمل ايه.
ليهتف... واسيب دي تربيها اسيب واحده حراميه تربيها.
ليهتف جمال.. طب اهدي سيبها وهات واحده البنت تتعود عليها وبعدين مشيها.
ليجلس بقهر.. امشيها.. انا حبيتها يا جمال مش قادر امشيها هموت.
ليتنهد جَمال.. طب اهدي الاول ونشوف نفكر هيا قالت ايه.
ليهتف داغر ماعرفش كانت بتصرخ ماسرقتش هتقول ايه يعني..
لينظر اليه جمال.. مش عارف اصل بصراحه الموضوع غريب ليه تعمل كده..
ليهب داغر انا لازم اعرف هيا عملت كده ليه.. ليتركه ويصعد كانت هيا تنتحب بقهر في احضان مريم ليدخل عليهم ويصرخ في اخته اخرجي بره لتنكمش غنوه ليصرخ اخرجي.. لتخرج هيا ليقترب ويشدها من يدها دلوقتي تقليلي ايه اللي خلاكي تسرقي ناقصك ايه انطقي.
لتنظر اليه بقهر ووجع وتهز راسها وتنهمر دموعها ليصرخ بقلك انطقي نقصك ايه تنامي في حضني وتدوري تسرقيني انت ازاي زباله كده.
لتصرخ.. حرام عليك بقه كفايه انت ايه مابتحسش هسرقك ليه انا عمري ما بصيت لحاجه غيري ارحمني ليه توجعني كده حرام عليك قلبي هيقف منك لله.
ليصرخ وليكي عين تنطقي الفلوس يا هانم خارجه من دولابك وورق المناقصات يا زباله معاكي هتبيعيه لمين انطقي ومصورينك وانت بتدخلي قوضه مراتي اللي ضفرها بعشره زيك.
لتدفعه وتصرخ في وجهه لا انت تحترم نفسك فلوس ايه يابوفلوس انت وفلوسك علي جزمتي ليصفعها علي وجهها بشده كمان ليكي عين انا لو مش عامل حساب لخالك كنت حبستك
لتحس بقلبها ينشق وتقترب منه وتمسكه من ملابسه .. تحبسني انا.. انا يا داغر تحبسني.انا بعد مامنتلك ونمت في حضنك امال كت بتقول ايه وتقربلي ليه هاه كت بتعمل كده ليه وتقولي عايزك وهسعدك كان ايه كان كدب انت ازاي جاحد كده..يا ظالم يا كداب انت ايه منك لله.. مش قلتلي انت روحي ودنيتي يا جاحد.
هنا تلبسه الغضب واعمي قلبه ودفعها ليهتف.. لتكوني فاكره اني عملت كده عشان حاجه لا يا شاطره انا مابصلكيش. واحده في بيتي اهو استفاد منها. ما مراتي اللي ضفرها برقبتك ماكنتش موجوده وانا عايز حاجه في سريري ماهو ابو بلاش بيبقي رخيص وانت وقعتي وطلعتي سهله عشان تديني نفسك وفاكره انك هتتمكني وتعملي عملتك ولا احسش.. لا فوقي داغر سليمان مايقربش من زباله زيك حته فلاحه جربوعه .. فاكره ايه حبيتك مثلا.. ليضحك.. عايزه تبقي هانم زي مراتي وانت جايه من الشارع بمنظرك ده. لا دانت بصيتي لفوق اوي وقلتي اما اضرب ضربتي واهبش وخلاص انا ماهخدش بالي.. وهعديها.. لا دانت تفوقي اعديها لما تكوني عندي حاجه انما انت واحده مالكيش قيمه جربوعه جبتك َنضفتك وعملت ست.. انت عندي مربيه لبنتي اللي هاخدها منك وارميكي بره يا زباله .احب فيكي ايه مابتبصيش في المرايه داغر يبصلك انت ويحبك انت دا بقت مسخره.. انت اخرك يومين ابسط نفسي معاكي ولو انك ماتبسيطيش حد وازهق وارميكي لان ستك جت.. الهانم جت.. ولما الست تيجي الخدامه تترمي..
لتغمض عينها بوجع وتحس بدوار لتسند علي الفراش وتجلس بانهيار.. لتحس انها ماتت ومات بداخلها مشاعرها تجاهه فهو خلع قلبها.. كان بيمثل الحب عشان ياخد جسمي وبس احست بقلبها سيخرج من مكانه داغر يعمل كده فيا كانت مقهوره.. كله ده كدب. قلبي هيقف.. كان بيضحك عليا وبيتسلي بيا في سريره وبس.. انا ماسواش وقعني وطعني كده ليه دانا كت في حالي ماجيتش جنبه كل ده عشان يبسط نفسه ما مراته مش موجوده ياخدني عشان رخيصه في نظره.. انا رخيصه.. انا خدامه.. لترف يدها الي ندبتها لا شعوريا من قهر كلامته ومعايرته لها.. انا ماسواش.. انا اخري يومين .. عايز يحبسني اااااه يا قلبي اااه.كانت تقف ساهمه قلبها يمزقها وعيونها تسيل منها الدموع. كانت مقهوره انه صدق فيها ودبحها ولن يحبسها من اجل خالها لتتجلد َو تهتف طب كتر خيرك يابن الناس عملت باصلك.. يعني همشي من غير فضيحه كتر خيرك بجد اخلاق انا ماشيه
ليبهت وقلبه يرجف ويحس بانشقاق في قلبه عندنا ذكرت كلمه الرحيل ليصرخ و...
