رواية جحيم العشق الاسود الفصل الحادي عشر 11 بقلم فريده احمد
الفصل الحادي عشر(طعنه غدر مؤلمه)
الاولاد ناموا أخيراً... عهود ف نفسها: أخيراً بقي هعرف اقعد اكتب شويه... اما اطلع الجنينه عشان اكتب بمزاج.
فتحت رسائلها تتفحصها قبل ان تندمج ف الكتابه... وجدت رساله غريبه
((استاذه عهود... انا ياسين قطب حضرتك ما تعرفنيش ولا انا اعرفك بس جدي الله يرحمه وصاني ان لو جري له حاجه ابعت لك الرساله دي وقالي انتي هتفهميها... وهوه توفي من اسبوع وانا بنفذ وصيته الرساله هتلاقيها عندك ع الواتس وماتسالنيش هوه جاب رقمك منين لاني بجد معرفش بس انا بنفذ وصيته وبس وشكرا لتفهمك))
عهود استغربت.... فتحت رسايل الواتس ولقت رساله وورد فتحتها ... لقت كلام غريب
((استاذه عهود زي ما وعدتك اني هبعت لك قصه عن منظمه سوده محتله العالم المنظمه اسمها فرسان الهيكل منظمه هدفها تدمير العالم وتطهيره بتسعي للمليار الذهبي عايزه تقضي ع البشر ويفضل بس المليار الذهبي وهما صفوه المجتمع من وجهه نظرهم... المنظمه حاليا بتسعي ل حرب إلكترونيه و بتنشر اوبئه وامراض خطيره وبتصنع هيه العلاج... هدفها تقضي ع الحكومات والرؤساء ودحض الأديان كلها والعملات كلها وتعمل هيه حكومه واحده عالميه وعمله ألكترونيّة موحده .... المنظمه دي موجوده من قديم الازل وفيها من كل الدول والمجتمعات والطوائف الدينيه المختلفه فيها رجال سياسه ومشاهير ولاعيبه كوره وممثلين ويمتلكوا بنوك ومناجم ذهب واصول ف اكبر شركات العالم... المنظمه دي فيرس خطير بينتشر بسرعه ماهوله وبالفعل بداوا يحققوا نجاح كبير ومنتشرين ف كل مكان استاذه عهود انا وصلت لك رسالتي واللي قدرت اجمعه عن المنظمه دي......و رسالتك انتي ككاتبه انك توصلي المعلومات دي للناس ولو ف شكل قصه المهم الناس كلها تحذر منهم وتعرف إيه اللي مستنيهم ف المستقبل دا لو المنظمه سابت لهم مستقبل يعيشوه...اللهم بلغت اللهم فأشهد))
عهود صدمت من الكلام قالت بسخريه:أيه الكلام ده الراجل ده بيخرف يقول إيه....قال مليار ذهبي قال....بس هيه فكره كويسه...انا ممكن ادخل الكلام ده ف الرواية..هجرب واشوف رد الناس هيبقي إيه هوه ممكن حد يصدق الكلام الفارغ ده.
ضحكت بسخافه ع نفسها وبدأت ف الكتابه.
&&&&&&&&&&&&&&&
ف منزل نسرين القديم
اللواء اسامه:وبعدين يا نسرين يا بنتي هتفضلي حابسه نفسك ف البيت كده لحد امتي يا بنتي لازم تخرجي للعالم لازم تواجهي مش تضعفي حاولي تساعديني عشان اقدر اجيب لك حقك من المجرمين دول.
غدير:سياده اللوا عنده حق يا نسرين...كفايه عزله وخوف...فين نسرين اللي واجهت اكبر عصابات لوحدها...فين نسرين اللي دخلت مخابئ المجرمين وعاشت بينهم وقضت عليهم....فين الرائد نسرين اصغر ظابط خد ترقيه ف وقت قصير...نسرين لازم تقفي ع رجلك وترجعي ااقوي من الاول...حبيبتي انا حاسه بيكي...وفاهمه يعني إيه اغتصاب...بس يا نسرين لحد امتي هتفضلي كده ابوس ايدك فوقي لنفسك و ارجعي نسرين باشا اللي الداخلية كلها بتحلف بيها.
نسرين أجهشت ف البكاء من جديد....غدير حضنتها بقوه....اللواء اسامه انتفض واقفا قال بحزم:قسما بالله يا نسرين لأجيب الكلاب دول ولو هخسر شغلي وحياتي كمان....غدير خليكي معاها اوعي تسبيها لحظه وانا راجع المديريه لازم اعرف وصلوا لإيه ف القضيه وانتي يا نسرين خدي وقتك...ما تستعجليش رجوعك...بس انا عايزك يوم ما ترجعي ترجعي قويه صلبه...وانا هستناكي يا بنتي.
رحل ليتركها تنوح وتبكي كما تشاء لتفرج عن مكنون قلبها.
غدير بحزن:بالله عليكي كفايه عياط...عيونك دبلوا خالص هتتعمي يا بنتي حرام عليكي نفسك كده.
نسرين وهيه تشهق بكاءا:مش قادره أنسي يا غدير...كل اما اغمض عيني أشوفهم...افتكر عيونهم اللي كانت بتضحك وهما سامعين صراخي افتكر ايديهم وهيه بتقطع ف لحمي...ولا...ولا لما...لما.
غدير حضنتها بقوه...تخيلت الموقف وانكمش جسدها رعبا....هدأت نسرين بعد فتره.
غدير:نسرين حاولي تنسي يا اما هتفضلي ع وضعك ده...فكري ان اللي حصل لك دا...حصل لغيرك وبيحصل كل يوم لبنات زينا...احنا لازم نقوي مش نضعف لازم نحمي شرف البنات من الكلاب دول...انا عايزاكي تقفي ع رجلك وتوصفيهم ل طارق زميلنا وهوه هيرسمهم ويوزع صورهم ع كل الاقسام والمديريات...خلينا نعمل شغل القانون أدام الكل وبيني وبينك نعمل شغلنا احنا بقي انا محتاجاكي معايا عشان نقدر نوصل لهم.
نسرين ارتسم الجمود ع عيناها....قالت بتصميم:انا عارفاهم يا غدير.
غدير بصدمه:ايييييه...عارفهم إزاي ولييييه.
قاطعتها:سمعت كلب فيهم بيقول ل سيف عمك بيسلم عليك.....عمي عبد العزيز هوه ورا اللي حصل لي دا...عشان ينتقم من اخوه إسماعيل...عشان يكسر قلبه ويجيب له جلطه تاني...بصي يا غدير دا صراع داير ف عيلتي من زمن طويل....بس ليه انا لوحدي اللي أدفع التمن....انا هنفذ خطتك...انا هحبس ولاد عمي ولو بالزور...هحرق قلب عمامي وجدي اللي حتي ما فكرش يتصل يتطمن عليا....ايوا انا هأخد حقي منهم وبعدين حسابي مع اعمامي نفسهم.
غدير نظرت لها بقلق نسرين تتحدث بجديه كبيره جعلتها تخاف منها.
/////////////////////////////
حمزه مسك راس نورهان ووطاها....ضغط ع البنزين ودخل ف الطريق بجواره...رفع وجهه بحذر ونظر خلفه والسياره منطلقه بأندفاع للامام.
حمزه:جومي يا نورهان اطلعي...خلاص هربنا منيهم.
نورهان:هوه مين دول وعايزين منك إيه.
حمزه:ماخبرش...بس هعرف عن جريب جوي.
نورهان بصراخ:حاسببببببببب.
السياره صدمت ف شجره بعنف...ارتدوا معا...وفتح كيس الهواء ف وجههم.
حمزه بعد كيسه ومسك كيس نورهان بعده...مسك وجهها بيده وسألها بلهفه:نورهان انتي بخير يا بت...فيكي حاچه.
نورهان نظرت خلفها وقالت بقلق:شكلهم جايين ورانا لازم نهرب.
فتح بابه واخرج سلاحه....صرخ فيها:أخرچيييييي.
خرجت ووقفت بجواره...مسك يدها وسار ف الطريق بين الشجر...سالته:هنروح فين كده يا حمزه بيه.
حمزه:تعالي يا بت البيت اللي كنا رايحين له جريب من اهنه...تعالي نتداروا فيه....واه وينه تلفوني.
نورهان:ف العربيه...حتي تلفوني انا كمان هناك.
حمزه بعصبيه وغضب وصراخ ظل يسب ويلعن...نورهان خافت منه....سار بها حتي وجدوا منزل كبير ف مكان مهجور.
نورهان خافت من شكل المنزل...حمزه شدها ودخلوا..... المنزل بابه صدأ....فتح بسهوله..المكان مظلم مقبض....حمزه ذهب لنافذه ونظر من خلالها ع الطريق.
نورهان:خلاص شكلهم تاهوا ولا تعبوا من الجري زي ما انا نفسي اتقطع انا كمان.
حمزه بسخريه:ما تچمدي يا بت ما تخافيش انا عحميكي منيهم.
تمتمت:ياشيخ روح انت عارف تحمي نفسك.
حمزه:عتجولي حاچه يا بت.
نورهان سارت له وقفت امامه وقالت بغضب:هوه ينفع تبطل تنادي لي بالقابك دي شويه انا استاذه كبيره ف القانون وليا أسم محترم ياريت تنادي لي بأسمي وبطل تقولي يا حرمه ويا مره ويا بت وقطران ويا زفت انت سامع عشان انا جبت اخري.
حمزه بجديه:اسم كبير منين يا حرمه انتي...دا انتي جضيتي سنين ف السچن وخدتي ع جفاكي لما شبعتي عايزاني اني احترمك كيف.
كلامه قاسي...جرحها بشده...نظرت له بكسره انكمش جسدها لذكري ايامها ف السجن....عادت للخلف ولفت وجهها بعيد عنه.
حمزه غضب من نفسه لتعمده جرحها...قال ليغير الموضوع:هنباتوا اهنه الليله الطريج واعر واني مش هخاطر وامشي بليل أكده.
نورهان لم ترد عليه....غضب لتجاهلها له...تركها وخرج يراقب المكان ويتاكد بأنهم غير ملاحقين.
&&&&&&&&&&&&&&&
حسن ركض ع صوتها وجدها معلقه ف الهواء واضح انها لم تري انتهاء الطريق ف الطابق الرابع.
مد يده لها قالت برعب:حسن ألحقني والنبي.
رفعها بسهوله....أرتمت ف حضنه من الخوف...بعدها وقال بغضب:إيه يا سما مش شايفه الطريق ادامك إيه المكان مش ضلمه اوي كده.
سما ترتعش...قالت:انت السبب انت اللي حرقت دمي خلتني مش شايفه ادامي.
حسن:واللهي هيه كل مصيبه هتجيبيها فيا انا.
سما:ايوااااا....كل مصيبه انت السبب فيها...لو....لو كنت وافقت زمان اننا نتجوز ونسيت اني غنيه وانك الحارس بتاعي مكناش رجعنا البلد دي ابدا ولا كنت هشوف منذر ولا ابويا كان غصبني ع الجواز منه...ولا كان...ولا كان ضاع عمرنا يا حسن...كان زمانا عندنا طفلين ولا تلاته...وكنا هنبقي مبسوطين مع بعض....عنادك وكبرياءك هوه اللي وصلنا لكده وهوه اللي دخلنا العيله القاسيه دي...انا كرهه اني من عيله الأنصاري....ايوا بعترف لك دلوقتى بكل صراحه...انا بكره ابويا وجدي وابوك واخويا...بكره العيله دي كلها...ولو...لو مكنتش انت عملت حادثه وفقدت الذاكره....كان زمانك لسه شغال معاهم ف تهريب السلاح والآثار ف شغلنا...وكنت هكرهك زيهم...انا بجد بتمني ان العيله دي كلها تتحبس...تنهار...تتدمر....احسن حاجه عملها عبد العزيز ف حياته انه ساب امي تأخدني وتبعدني عنكم...بجد يارتني ما قابلتك ف يوم...ياريتك ما ظهرت ف حياتي ابدا يا حسن.
نظرت له بكره وغضب...تركته ورحلت.
&&&&&&&&&&&&&
ع الطريق
عمار يفكر بغضب وهوه يقود سيارته...يتذكر وجهها بوضوح ف المحكمه وهيه تقوله له:خلي عندك كرامه وطلقني قبل ما القاضي يحكم لي بالخلع....انا كده ولا كده هتطلق منك يا عمار.
عمار:نورهان اعقلي...انا غصب عني عملت كده.
نورهان:كفايااااااااا...كفايه بقي...الخيانه مفيهاش غصب...محدش غصبك تخون مراتك وتزني مع واحده زباله ....بس ااقولك ع حاجه...فعلا الطيور تقع على أشكالها..لو انت كنت راجل محترم و عندك ذرة كرامة واحترام لنفسك مكنتش نزلت للمستوي ده وبصيت لبنت حقيره رخيصة زي دي...لو كنت بتحب مراتك كنت حاولت تساعدها وتثبت براءتها مش تستغل بعدها وتخونها...عمار ريح نفسك مفيش حاجه هتقولها هتخليني اغير رأيي...طلقني يا عمار قبل ما تتفضح والناس تتكلم عنك...ما تنساش انك اتفضحت قبل كده واتقال عنك انك جوز المحاميه تاجره المخدرات....بلاش يتقال عليك كلام بسببي تاني ...اشتري كرامتك واسترجل شويه بقي.
عمار رفع يده وصفعها بقوه ع خدها....حمزه كان يراقب من بعيد.... ركض عليه و صفعه بقوه...عمار صدم...تجمع الناس حولهم
سأل احد العساكر:في إيه بيحصل هنا انتوا ف محكمه عايزين تتخانقوا اطلعوا برا.
حمزه ل عمار:يدك لو اتمدت عليها تاني هجطعها لك يا واد الأنصاري.
عمار:انت مين ودخلك إيه أصلا.
نورهان بجفاء وبرود:دا عشيقي يا عمار....آه ماهو انت مش احسن مني يا ابن عمي...زي ما خنتني انا خنتك...عشان كده بقولك خليك راجل وطلقني.
عمار لم يصدق اذنه نورهان جرحته وأهانته بشده أمام الجميع...صرخ فيها:انتي طالقققققققق.
المحامي انهي إجراءات الطلاق ف نفس اليوم واصبحت نورهان حره لكن بطريقه حرجه مؤسفه.
عمار ضرب المقود امامه عده مرات وقف بالسياره وصرخ لنفسه
((لييييييييه....ليه يانورهان....تخونيني انا....تقلي مني قصاد الناس...انا يا نورهان.....ماشي يا بنت عمي...مش هنسي لك أبداً اللي عملتيه فيا...مهما الزمن طول...هأخد حقي منك...هذلك زي ما ذلتيني قصاد الناس...انا مش هرحمك يا نورهاااااااااان))
وصل لقريه ابو زمناح ف شبه جزيره سينا
المكان هادي....ذهب مباشره لأرضهم خرج من سيارته
ونظر حوله ف ضيق....الارض تشبه الخرابات جافه مريعه...قال ل نفسه:انا مش فاهم جدي عايزني انا أصلح الارض دي ع اساس إيه...وليه الأرض دي بالذات مش فاهم ليه مش عايز يبيعها ونخلص منها بقي.
سمع طلق ناري من خلفه:مين هناك انت يا جدع انت بتعمل اي عندك.
عمار بزعيق:وانت مال اهلك انت ومين عينك حراسه اصلا فين ابو غريب.
الرجل:انا اللي بسأل يا جدع انت انت مين.
عمار اخرج سلاحه واطلق منه ف الهواء...الرجل تحفز ورفع سلاحه يقاتل عمار....ظهر رجل اخر قال:وجف ضرب منك ليه....في ايه يا عسال...مين ده وبتضرب عليه نار ليه.
عسال:دا غريب وجاي يستولي ع الأرض دي.
عمار بصراخ:استولي ع ايييييه...دي ارضي...انا عمار الأنصاري يا بهيم انت.
الرجل:اهدي يا عسال دا حفيد محمود الأنصاري صاحب الأرض والبيت الكبير.
عمار:صح هوه فين البيت ده...انا نسيت عنوانه.
الرجل:تعالي يا باشا ورانا بعربيتك...في كلام كتير عايز اجولهولك جبل ما تعمل اي حاچه اهنه.
عمار تعجب منهم...ذهب خلفهم ...وصلوا بعد ربع ساعه الي فيلا كبيره لكنها مهجوره...عمار نزل من سيارته ووقف ينظر لها بقرف.
قال الرجل:معاك ابو زيد السيناوي....جلي يا عمار انت چاي تعمل ايه اهنه ف ارض چدك.
عمار:هوه ايه اللي جاي ليه...انا اجي وقت ما أحب.
صوت نسائي جميل من خلفهم:أبا....يا حج...اباااااااا.
عمار خلع نظارته ونظر لها بصدمه...قالت الفتاه ل عسال:إيه يابن عمي...واقف مع ابويا هنا ليه....بقالي ساعه بتصل بيكم محدش بيرد.
عمار بفرحه:مين إسراء الفضائية...انتي هنا بتعملي إيه.
إسراء بدهشه:مين عمار ابن الاكابر عمار صعيدي رايح جاي...معقوله انت وهنا ف بلدي.
عمار: يااااه يا اسراء... انتي لسه عايشه .
إسراء:لاء مت من اربع سنين وراجعه بمنحه تجديد...ايه يا ظريف ما انا ادامك اهوه.
عسال بغضب:اييييه يا إسراء واقفه تهزري مع الغريب ادامنا كمان.
إسراء:اهدي يا عسال عمار مش غريب...عمار يابن الأكابر اعرفك بالشيخ ابو زيد ابويا...ابا...دا عمار زميلي ف الجامعه ااقصد كنا زمايل.
ابو زيد بصدمه:معقوله...عمار واد الأنصاري هوه نفسه عمار زميلك الچمعاوي.
إسراء:اه يا حج هوه نفسه.
ابو زيد:يعني...يعني يا بتي عمار ده اللي كان چاي يتجدملك من خمس سنين ومچاشي.
إسراء نظرت ل عمار بخجل...عمار اتحرج بشده...إسراء:ما تخف يا حج اللي راح راح...خلينا ف دلوقتى...ايه اللي جابك يابن الأكابر عندنا ف قريتنا المتواضعه البسيطه المعدومه.
عمار نظر حوله وقال بلامبالاه:مفيش حاجه مهمه..جيت ازرع ارضنا واعمرها.
شهق الثلاثه ف نفس واحد ونظروا لبعضهم بصدمه وخوف.
~~~~~~~~~~~~~~~~
مع نور الهدي
وقفت امام قصر محمود تتأمله والدموع ف عيناها...تتخيل ما سيكون رده بعدما تخبره انها زوجته حبيبه قلبه
سألها البواب:انتي مين يا ست انتي وواقفه كده ليه عندك.
نور بفرحه:انا عايزه محمود بيه صاحب القصر.
البواب:محمود بيه ولا مراته ست عهود هانم.
نور برقت له...كذبت أذنها قالت بعدم فهم:مر...مراته...قصدك إيه...محمود بيه مراته اسمها نور عهود دي صاحبتها مش....
قاطعها بنفاذ صبر:يا ستي نور هانم تعيشي انتي البيه دلوقتى متجوز عهود هانم...انتي عايزه مين فيهم.
نور بصدمه:انت متاكد يا فرحات ان عهود مرات محمود.
البواب:الله دا انتي عرفاني انا كمان انتي مين يا ست.
لم ترد عليه تركته وسارت كالمخدره....شعرت بأن خنجر سام رشق ف صدرها...الدموع ملأت وجهها وقلبها.
لم تتخيل انه نسيها بتلك السهوله وتزوج صديقتها المقربه....طعنه الغدر والخيانه آلمتها بشده...ركضت ف الشوارع كالضائعه.
