رواية روح كامله وحصريه بقلم هيام ختعن
الحلقه (1)
في احدي البيوت القديمه كانت واقفه تتامل البيت وبتفتكر كل حاجه فيه وافتكرت ذكريات طفولتها وذكريتها الحلوه مع اهلها وابتسمت لما وقفت قدام السفره وافتكرت خنقاتها هي واخوها مين هيقعد ع الكرسي دا وفاقت من شرودها ع صوت بيناديها
التفتت لها روح وكانت بتحقق في ملامحها عشان تفتكرها واخدت سمر بالها ان روح مش فاكراها
سمر. انا سمر ي روح مش فاكراني
روح. سكتت لثواني ايوه افتكرتك بس شكلك اتغير اوي عن زمان
سمر. بتضحك مااحنا كنا اطفال بقي فلازم لما نكبر ملامحنا تتغير بس انتي ماتغيرتش انتي لسه جميله زي ماانتي
روح. وانتي كمان لسه ضحكتك جميله زي زمان
سمر. انتي هترجعي تقعدي هنا
روح. بصت لها وبصت للبيت نفسي ارجع هنا تاني واعيش كل لحظه حلوه عشتها في البيت دا منه لله اللي كان السبب
سمر طيب ماترجعي هنا تاني
روح. بصت لها حتي لو رجعت اهلي مش هيرجعو البيت هنا بقي ذكره حلوه في حياتي
سمر. عندك حق ي روح ربنا يرحمهم ويصبرك
روح. ي رب المهم انتي عامله اي طمنيني عليكي
سمر. الحمد لله تمام اتجوزت ومعايا عمر
روح. ربنا يبارك للك فيه
سمر. اللهم امين وانتي ماتجوزتيش
روح. بتنهد اتجوزت واطلقت
سمر. لا حول ولا قوه الا بالله لي كده
روح. مافيش نصيب
سمر. اهم حاجه انك بخير انتي النهارده بقي تتغدي معانا
روح. معلش ي سمر اعزوريني انا النهارده مش هينفع ورايا مشوار مهم
سمر. لا هزعل والله انتي وحشاني اوي ووحشني الكلام معاكي
روح. هاجي هنا ع طول وهنقعد ونتكلم زي زمان
سمر. طيب ع الاقل تعالي سلمي ع ماما
روح. حاضر
وقفلت روح الشقه وراحت عند سمر تسلم ع والدتها
صفيه. روح عامله اي
روح. الحمد لله بخير انتي عامله اي
صفيه. الحمد لله ي حبيبتي انا كنت بسالك عمك عنك بس هو اخر مره كلمته قالي مااعرفش عنها حاجه وبعد كده مبقاش بيرد عليا وانقطعت اخبارك
روح. بتنهد الحمد لله انا خلاص رجعت وهتشوفيني ع طول
صفيه. البيت كله نور لا مش البيت بس دي المنطقه كلها نورت
روح. حبيبتي ي طنط
صفيه. انتي حبيبتي ي روح انتي بنت الغاليه عمري ماشوفت منها حاجه كانت الله يرجمها اطيب خلق الله عمرها مازعلت حد وحتي ابوكي الله يرحمه كان راجل طيب
روح. الله يرحمهم معلش انا لازم استاذن
صفيه. لا عيب تبقي بيتي وتنزلي من غير ما تتغدي معانا
روح. معلش اعزوريني المره دي بس وعد المره الجايه هتغدي عندك لان عندي مشوار مهم
صفيه. طيب ي حبيبتي بت ي سمر خدي رقم روح عشان نتصل نطمن عليها
سمر. حاضر
وجابت سمر موبايلها وكتبت رقم روح واخدت روح رقمها وودعتهم ونزلت راحت تقابل امجد
روح. عامل اي
امجد. الحمد لله تمام انتي عامله اي
روح. الحمد لله جبت لي المعلومات عن سيف
امجد. طبعا عرفت للك هو بيبقي قاعد فين اكتر الوقت بس اللي عرفته انه مش سهل بنت توقعه
روح. لا دي بتاعتي انا بقي
امجد. هتعملي اي
روح. سندت ضهرها ع الكرسي هتعرف بقولك
امجد. قولي
روح. طالبين محاسبين في الشركه عندهم فانت هتروح وانا واثقع انك هتعرف تقنعهم انك تشتغل هناك
امجد. افرضي اترفضت
روح. اتعدلت في قعدته وخبطت ع التربيزه وبنبره صوت متعصبه. ماينفعش تترقض انت لازم تدخل الشركه باي طريقه ي امجد
امجد. طيب اهدي ماشي هروح
روح. عتجيب رقم ماحدش يعرفه غيري وانا كمان عشان نعرف نتكلم وكمان هنخف مقابلات عشان ماحدش يشك فيك
امجد. حاضر واي تاني ي روح
روح. بتضحك ولا حاجه. انت عارف اني بثق فيك وانت صحبي واخويا وطبعا لازم تقف معايا ولا اي
امجد. طبعا
روح. يلا انا همشي وقتك خلص معايا لو في جديد كلمني
امجد. احنا لسه ما ااكلناش ولا شربنا حاحه
روح. روح كل مع مراتك ي امجد انا ورايا معاد
وسابته ومشت روح بنت جميله جدا بتتميز بملامح هاديه وتبلغ من العمر 30 سنه وامجد يبقي صاحبها من ايام الكليه
مر الوقت وجاه الليل ولبست روح دريس رقيق جدا وحطت لمسات بسيطه من الميكب ورشت عطرها المميز الهادي واخدت عربيتها وراحت الكافيه اللي في سيف وقعدت ع تربيزه قدام تربيزه سيف وطلبت مشروبها المفضل وكانت بتراقب سيف من بعيد
نادين. مالك ي سيف حاسه انك مش في المود النهارده
سيف. بتنهد لا عادي ضغط الشغل بس
ياسين. انا قولت للك اجازه ونطلع السوخنه نقعد كام يوم نفك عن نفسنا شويه ونغير نفسيه ونشوف اوزز وندلع
نور. انا اللي مش هخليك تشوف تاني ي ياسين لو ما اتلمتش
ياسين. ي حبيبتي التغير حلو
نور. لا يا شيخ
ياسين. طبعا
نور. ياسين انت حابب انكد عليك صح
ياسين. لا انا ش بحب النكد وانتي لو نكدتي عليا انا هبص بره عشان افرفش واخلص من مود الزعل ووقتها هبقي خونتك وانتي اللي هتبقي السبب
نور. ممم طيب اتلم يا ياسين
ياسين. انا ملموم شيفاني مرمي ع الارض وبصوت شبه مسموع ستات عايزه الحرق نكد نكد
نور. بتجز ع سنانها بتقول اي ي ياسين
ياسين. بيضحك. بقول بحبك ي نور وانتي العين والنيني وعمرى ما اقدر اشوف غيرك وعنيه جات ع روح
نور. انت باصص فين وبصت وراها. وشافت روح. دا انا هخلع عنيك من مكانها
سيف ونادين. بصو ع روح وكانو بيضحكو ع نور وياسين وفي نفس واحد البنت حلوه يا ياسين
سيف. ذوق حلو المره دي
نادين. لا يا شيخ شكلك انت كمان عايز عينك تنخلع
سيف. بيضحك ومسك ايديها قبلها ماقدرش اشوف غيرك اصلا
نادين. بابتسامه رقيقه. بحبك
سيف. انا كمان بحبك
نور. بتضرب ياسين في كتفه شايف الرومانسيه
ياسين. دا محن يا بنتي مالناش دعوه بالتلزيق دا انا لو عملت زيه هتزهقي
نور. اعمل زيه وانا مش هزهق
ياسين. انا ازهق يا ماما بس ربنا يهديكي
نور. انت شايفني متعفرته قدامك
ياسين. لا شايفك نكد النهارده
نور. اتقمصت ماشي ي ياسين
سيف. انت لسانك اي ي بني دبش البنات بتيجي بالكلام الحلو والرقه والرومانسيه
ياسين. واي كمان ي عم الملزق
سيف. ملزق عشان بتغزل في حبيبتي وبدلعها
ياسين. ي بني صنف الحريم دا لو اتعاملت معاه حلو هيشوفوك انك عامل مصيبه وبداريها ولو اتعاملت معاه وحش يبقي عارف واحده وبتخونها وجع دماغك
نور. بدام انت شايف اني وجع دماغك مكمل معايا لي
ياسين. بيشاور ع قلبه دا اللي عايزك ومايقدرش يعيش من غيرك عارفه لو يضخ الدم وهو ساكت ويعمل وظفته من غير ما يدق هيريحني ويريح نفسه
نور. انا عايزه اروح يا ياسين
ياسين. بيبص لها وبيغمز هرمونات دي عارفه هي بغبائها اللي بتقلب مزاجك بس انا هعرف اصالحك
نور. انا مش عايزه اتصالح انا عايزه اروح
ياسين. طيب ي سيف كده اختك دماغها وهرمونتها اتفقو مع بعض اعزروني لازم اقوم
سيف. بيضحك عارف يا ياسين انا لو شاكك 1٪ انك كلامك جد كان زماني معلقك هنا
ياسين. اصيل ي صحبي والله
نور. بتبص لسيف ونعم الاخوه بدام ما تنصحه اني يتعامل معايا احسن من كده بتشجعه
سيف. بص لياسين انت تروحها البيت وانا هاجي ابات معاك النهارده لان انا اللي هتعاقب بدالك
ياسين. لا ماتقلقش انا هصالحا يلا ي نوارت قلبي
نور. بعصبيه قولت للك مش بحب الكلمه دي
سيف. بيضحك انت مصمم بقي
ياسين. ابقي هاتلي رقم البت اللي هناك دي وابعته
واخد ياسين نور ومشو وجات عين سيف ع روح واتقابلت عنيهم في نظره طويله ولاحظت نادين انه بيبص لها
نادين. اي اقوم اجيب للك رقمها
سيف. انتبه لها ها لا ي روحي
نادين. سندت ضهرها ع الكرسي وربعت ايديها روحني ي سيف
سيف. نادين قولتلك اسف
نادين. لا انت قاصد
سيف. ي روحي ما اقصدش دا انتي تعرفي عني اني بتاع بنات وان اي بنت تعرف تجيبني سكه
نادين. بتهز راسها لا
سيف. طيب خلاص بلاش نكد بقي
نادين. طيب بقولك
سيف. قولي
نادين. انا زهقت من قاعده البيت ممكن اشتغل
سيف. انتي عارفه اني رافض المبدا دا وبحاول ع قد ما اقدر اني اخرجك وابقي معاكي عشان مااسمعش الكلمه دي
نادين. انا عايزه يبقي ليا كرير ي سيف واشتغل زي صحابي
سيف. نادين انا قولت لا والموضوع مقفول تماما
نادين. طيب اتناقش معايا
سيف. بصوت حاد مش بتناقش انا في حاجه رافضها الكلام خلص
نادين. اف بقي كل حاجه لا انا زهقت
سيف. لا حلو اوي كده انتي حابه تقلبيها نكد يلا بينا
وطلب الشيك وحاسب وطلع سيف مع نادين وكانت روح قافله بعربيتها ع سيف
سيف. انا عايز اطلع ممكن تشوف مين صاحب العربيه
السايس. حاضر
ودخل السايس الكافيه وسال مين صاحب العربيه وحاسبه روح وطلعت عشان تطلع العربيه
روح. سوري ماكنش في ركنه غير صف تاني ونسيت اسيب المفاتيح
سيف. عادي ولا يهمك ممكن تطلعي عشان امشي
روح. طبعا
وطلعت روح بالعربيه ومشي سيف وهي كانت قاعده في العربيه بتتكلم مع نفسها
روح. بتاخد نفس طويل الوضع مش سهل زي ما رسمت شكله بيحب خطبته بس مش هياس دا حق ولازم يرحع واخدان الحق حرفه
