رواية الجرنيوما كاملة وحصرية بقلم دنيا محمد
مريم بتقعد بهدوء وابتسامه : القمر قاعد لوحدو ليه
مروان بإستغراب ويتلفت حوالين نفسو : بتكلميني انا؟؟
مريم : هو في غيرك قدامي؟؟
مروان : وانتي مين بقا
مريم وتحط رجل ع رجل : مش مهم تعرف انا مين
مريم : هفف طيبب
مروان : تاني حاجه شوفي انتي كنتي رايحه علي فين
مريم : ليه المعامله دي طيب
مروان : اومال اعاملك ازاي
مريم : عاملني كويس لو سمحت
مروان : هو انا اعرفك
مريم : ومالو نتعرف
مروان ويبصلها بإستغراب
مريم : لا متبصليش كده
مروان : انتي مجنونه ولا ايه
مريم : شكلك هتطلع بومه مش قمر
مروان : لا ده انتي هبله
مريم : ربنا يسامحك
مروان بضيق خلق : ممكن افهم اي الي مقعدك؟ ما تقومي
مريم : لقيتك قاعد لوحدك وانا قاعده لوحدي قولت اقعد معاك ولا انا ابقا لوحدي ولا انت تبقا لوحدك
مروان : لا قومي عايز ابقا لوحدي
مريم : لي كده شكلك زعلان احكيلي ممكن اساعدك
مروان : اي التطفل الي انتي فيه ده
مريم : تطفل؟؟ انا غلطانه ان عايزه اساعدك
مروان : اكيد غلطانه انتي مين اصلا
مريم : مش مهم تعرف انا مين
مروان بهدوء ويلف وشها ب ايدو : شايفه الترابيزات قدامك مليانه ناس قاعده لوحدها جميعهم واقعدو سوا اعملو قعده عرب المهم ممكن تسيبيني في حالي !!
مريم : بس انت الي لفت نظري الأول حاسه شوفتك قبل كده
مروان : انا ابن رجل أعمال اكيد شوفتي خبر عني
مريم بتفكير : بالظبط حاجه زي كده استنا بفتكر
مروان : طيب خلاص مش كفايه كده؟
مريم : اااه افتكرت شوفت صوره ليك مع واحده انكو هتجوزو او متجوزين كان اسمها جني او جيسي مش فاكره
مروان : جاسي
مريم : ايوا بالظبط
مروان : اشاعات واخبار مزيفه
مريم : طب ما تبطل سرمحه معاها عشان ميطلعش عليكو إشاعات !!
مروان بصدمه وينفعل : انتي مييين واي الي انتي بتقوليه ددده
مريم : طيب متتعصبش عشان بخاف
مروان : انتي لو مقومتيش من قدامي دلوقتي هزعلك
مريم ببرود : وريني هتزعلني ازاي
مروان بعصبيه بيضم ايديه ويخبطها على الترابيزه
مريم : اهدىَ الناس بتتفرج علينا
مروان بيقوم ويبصلها بقرف ويمشي
مريم بعلو الصوت : هنتقابل تاني
_____________________________________
اشرف : مروان فين
فاتن : ما انت عارف الأماكن الي بيروحها اكيد موجود هناك
اشرف : قصدك إيه
فاتن : قصدي انت عارفو دلوقتي يرجع سكران
اشرف : ما ممكن مع صحابو عادي ليه ظالماه
فاتن : ممكن
وبعد دقايق
فاتن بدلع : حبيبي
اشرف : إيه ياحبيبتي
فاتن : هو انت ليه بطلت تهتم بيا
اشرف : ليه بتقولي كده انا قصرت معاكي في حاجه
فاتن : تقدر تقولي فين العربيه إلى وعدتني بيها
اشرف : يا سلام من بكرا تبقى قدام الفيلا احلى عربيه لاحلى فوفا
فاتن بفرحه : بجد ياحبيبي
اشرف بإبتسامه : بجد
فاتن وتبتسم : بحبك
_________________________________
حازم : معرفتش هي مين
مروان : لا
حازم : طيب ما عادي يبني ممكن لاقتك لوحدك حبت تقعد معاك
مروان : وهي اي الي هيعرفها حاجه زي دي عني
حازم بهدوء : انا شايفها صدفه بصراحه ومتنساش أن اخبارك انت وجاسي كترت والكل عرفكو
مروان : مش عارف بس برضو حاسس ان وراها حاجه
حازم : ياعم اكيد لا
مروان : ليه لا
حازم : عشان انا فاهم دماغك التعبانه وهو مش هيعمل حركه قرعه زي دي
مروان : ماهي عشان حركه قرعه متجيش غير منو
حازم : لا وبعدين انت اي موضوعك مع جاسي
مروان : ولا موضوع ولا حاجه اهي بتسليني
حازم بتحذير : مروان!! هو احنا مش اتفقنا بلاش مواضيع من دي
مروان : وقد الاتفاق هي الي راميه نفسها عليا اعمل ايه
حازم : صُدها
مروان : بتصعب عليا
حازم بتريقه : لا ياحرام
مروان بضحك : والبت حلوه برضو متتسابش
حازم : انا مش فاهم اخرتها ايه معاك
مروان : اخرتها اتنين شاورما من الواد بيسو وكوبيتين مانجا تعال انا عزمك
حازم بضحك : ايوا اضحك عليا انت زي عادتك كده كل ما اتكلم معاك كلمتين جد
________________________________
جميلة : ها عملتي ايه
مريم بإبتسامه : تقدري تقولي خلاص
جميلة بإبتسامه : مشكش فيكي
مريم : مش عارفه أظن لا
جميلة : وكده بقا هتعملي ايه
مريم بإبتسامه : الخطه التانيه إن لازم اقدر ادخل حياتو عشان اخد الي انا عايزاه
