رواية العملية كامله وحصريه بقلم نانسي اشرف
_ خدي يا بت بلاش فضايح!!!!
_ ابعدي عني يا يسرا
_ بطلي هبل يا ليلى الي بتعمليه دا هيوديكي في داهية
_ يسرا!!!!!
_ يا بت .. يا بت دا ظابط و..
_ وسعي!!!!
+
زقتها وبكل قوتي
مكنتش شايفة قدامي غير حق اخويا الي اتاخد في الرجلين
عيني كان عليها غيامة لدرجة اني طلعت بشعري ولبس البيت
كان واقف بغرور ونافخ صدره
مديني ضهره وعمال يديهم في أوامر .. دوروا هنا .. شوفوا هناك !
شديته من القميص الي كان لبسه
بمنتهى الغرور بص للقميص مكان ما شديته ورفع عينه ناحيتي.
+
_ حسبي الله ونعم الوكيل
+
ضحك بسخرية
+
_ اه .. انتي بقا أخت المدمن
_ اه انا اخت المدمن .. معاك اذن من النيابة ؟
+
سكت
+
_ لمهم واطلع برا
_ طب العبي بعيد يا شاطرة
+
شديته مرة تانية فبصلي بنفاذ صبر
+
_ لمهم واطلع برا بدل ما اصوت والم عليك الناس
+
صوت ضحكته عليِّ فجأة
لدرجة ان عينه دمعت
+
_ انا ممكن احبسك انتي .. والناس
+
بص للهدوم بتاعتي وشعري .. نظرة انا فكراها كويس.
+
_ ولا اقولك ؟ .. انا هحبسك انتي بس
+
جه واحد من وراه وقاله انهم ملقوش حاجة في البيت
اما هو عينه كانت متشعلقة عليا.
+
_ انا لقيت.
+
وشاور عليا
مش فاكرة من الي حصل غير مشاهد مقصوصة
يسرا وهي بتصوت وبتقولهم يسبوني!
انا وانا بحاول ابعد اديهم عني.
وهو بيبتسملي بشر بعد ما قفل باب العربية واتحركنا.
+
_ صباح الهنا
+
فتحت عيني بهدوء وبصيت حواليا
الصورة مش واضحة لكن انا حاسة.
ايدي الاتنين متعلقين في الهوا ومربوطين بحديد
رجلي نفس الكلام.
شعري مبلول وهدومي متبهدلة
وهو سحب كرسي وقعد قدامي
الاوضة كانت واسعة لكن عبارة عن فراغ بياكل اي حد يخشها.
باردة .. برودة تخلي الخوف يسري في الجسم من غير اي اسباب.
+
_ مش عاوزة تقوليلي أخوكي فين ؟
_ انت وانا عارفين كويس فين
_ فعلاً!!!!
+
سحب نفس من السيجارة وحط رجل على رجل
+
_ طب ما تقوليلي انتي كدا .. يمكن انا ناسي او حاجة.
_ لا انت مش ناسي .. اخويا عندكوا
_ عندنا فين
_ تحت الارض
_ مع العفاريت ؟
_ العن .. معاكوا انتوا
+
ضحك وقام .. قرب ناحيتي .. قرب اكتر
شم ريحة شعري ومسكه بقوة وشدني ناحيته.
+
_ انتي عارفة انا ممكن اعمل فيكي ايه لو متكلمتيش مش كدا ؟
_ وانت عارف لو فكتني ممكن اعمل فيك ايه
+
ضحك وصخب ضحكته ملي المكان
+
_ طيب
+
نادي على واحد دخل ومعاه المفتاح وبدأ فعلاً يفكني
وقعت عالأرض تحت رجليه ونزل هو يفك رجلي
كان لسه راكن على ركبته، رفع شعري وابتسم ابتسامه شيطانية.
+
_ انا قدامك اهو
+
ورمى المفتاح قدامي
+
_ يلا
+
قومت وانا بقاوم ألم عضلات جسمي
بحاول أخد نفسي
لكن كمية الحقد الي كانت في قلبي كانت مغمياني قومت وقربت منه
حطيت ايدي على رقبته فضحك
+
_ اممم وبعدين
+
ضغطت اكتر وهو ضحكته بتتزايد، كان حاسس بمتعة غريبة وانا خوفي منه بيزيد.
+
_ خلصتي؟؟!
+
نزل ايدي بهدوء
+
_ تمام .. دوري
+
حاول يمد ايده اليمين دافعت بايدي الشمال
كان بيحاول يضرب ويتبع اسلوب الكراتيه لكن انا كنت بحمي نفسي وبتجنب ضرباته
ضحك وهو بيبصلي من تخت لفوق واخذ وضع الهجوم مرة تانية
وانا استعديت اني احمي نفسي
حاول يقرب او يمد ايده لكني كنت بحجز عليه
وفضلنا على المنوال دا لحد ما بدأ ياخد نفسه بسرعة
وهو بيبصلي باعجاب واضح.
+
_ دا انتي معاكي الحزام الاسود بقا
_ اخويا فين ؟!!!!
+
استغل عدم انتباهي ومسك دراعي ولفني في ثانية
ضهري لمس صدره وسمعته وهو بيهمس.
+
_ انا الي بسأل مش انتي
+
حدفني عالأرض وراسي اتخبطت بقوة مقدرتش اقوم.
+
_ اخوكي هربان بقاله سبع شهور
+
رجع يقعد عالكرسي بعد ما اتأكد اني مش هقدر عليه.
+
_ عاوزة تقوليلي انك متعرفيش اي خبر عنه ؟
_ الي اعرفه انكوا اتهجمتوا على شقته وخدتوه منها
_ ولو كنا خدناه منها كنا هنطب عليكوا في الحته المقرفة الي انتوا عايشين فيها ليه ؟ غاويين عشوائيات!
+
مسحت الدm الي بدأ ينزل من مناخيري
بصلي بتمثيل
+
_ يا عيني! .. الواقعة جات جامدة ! ... اومال السبع رجالة الي كانوا حاضرين راحوا فين ؟
+
ميل بجسمه ناحيتي وهو بيهمس
+
_ لا شدي حيلك معايا كدا .. احنا لسه مشوارنا طويل
_ انت مستقوي بالرجالة والقوة الي حواليك
+
قومت وقفت وانا بعافر
+
_ صدقني انت من غيرهم ولا حاجة
+
بصلي من تحت لفوق
سكت فترة وخد نفس طويل
قام وقرب ناحيتي ورجعت انا لورا
+
_ انتي عارفة اللقطة بتاعت رجب ؟
+
مفهتمتش وهو قرب اكتر
ورجعت انا لورا اكتر
+
_ اما الظابط الشرير يقرر يتخذ الاسلوب الوحش في انه يطلع المعلومة من الكتاكيت الي زيك
+
بلعت ريقي وعيني فضلت متعلقة في عينه
ابتسم اما فهم اني عرفت.
+
_ انا بقا عندي عجز في رجب .. الناس دي مبقناش نلاقيها كتير
+
كان بيقلع جاكيت البدلة الي كان لابسها وبيرميها بمنتهى الهدوء على الكرسي
رجعت خطوتين لورا وهو بيقلع الساعة.
+
_ تخيلي ! .. تخيلي المهنة دي حواراتها كترت يا لولي والله.
+
قرب وهو بيفتح اول زرارين من القميص.
+
_ بس مش مشكلة .. هاخد انا أوڤر تايم انهردا
+
ابتسم لعيني الي بدأت تدمع وانا بتخيل الي جاي.
+
_ أكل العيش بقا
+
*************************
+
_ خُد يا سي عمر
_ ايه دا يا شروق!
_ دا الطلب المتوصي عليه
_ انا مش قولتلك انا مبطل السم دا من زمان
+
ابتسمت بإغواء
اقتربت منه فرمقها بعيناه العسليتان بثقة رجل يعلم مداخلها.
قالت بغنج.
+
_ هو مش طباخ السم بيدوقه بردو !
+
ابعد يداها
واخرج سيجارة بريئة وهو يبتسم بغرور
+
_ لا طباخ السِم بقا يبيعه بس.
+
طرقات على الباب ودخول مفاجئ جعله ينظر بتأفف للطارق
+
_ عمر بيه
_ خير يا ضبش
_ الست ليلى
+
بلع ريقه وهو يقف في مكانه
قطرات من العرق بدأت تتسلل بخبث الي جبينه.
+
_ مالها ليلى .. اتكلم
_ البوليس طب على شقة امبابة امبارح و خدوها
+
لحظة فيها شعر بالعالم ينهار حوله
ثبتت الصورة وصمتت الضوضاء
عيناه غامت لدقيقة .. اثنان .. والثالثة كانت انتفض من مكانه
في يده مفتاح سيارته وجاكيت جلد قرر ارتادؤه على الدرج.
+
لحظة ظن انها النهاية
+
وما بعدها كانت البداية.
