رواية عذاب الارواح الفصل التاسع 9 بقلم هنا عادل
عذاب الارواح
الجزء التاسع
فى اللحظة دى ياسر اتنفض من مكانه
وبقى مش عارف يتصرف ازاى بعد الفضيحة اللى هتحصل
بس قطع كل ده ايد حنان وهى بتسحب ياسر وتقربه منها
علشان يتجاوب معاها
وهو شايفها قدامه فريال
لكن اللى كانت مع ياسر ولا حنان ولا فريال
دول مجرد اجسام تتشاف بالعين
لكن الروح
كانت شريرة
روح ملعونة
بتتغذى على النجاسة والفجر
فى نفس الوقت اللى كان ياسر مغيب
ومش حاسس بنفسه بيعمل ايه
كانت رئيسة فى الحمام
بتنفذ اللى طلبته منها نجاح
وبعد ما خلصت الورق اللى بتحرقه
رميت عليه مياه مغلية
ودى كانت الخطوة اللى بتحضر بيها مارد
من اشر المردة
كان مرعب جدا
وملعون وبيته هو اى مكان بيكون فيه قذارة ونجاسة
كان شكله مخيف بالنسبة لرئيسة اللى حسيت ان روحها بتتسحب منها
وهو بيقرب منها
وبيتكلم بصوت بمجرد ما سمعته رئيسة شعر رأسها ابتدا يطأطأ ابيض
اترعبت
ودى كانت اقل حاجة تحصل
صوته بشع مخيف غليظ
وكأنه اكتر من صوت خارج من جواه
صوت مزعج كانت حاسة بصوت صفافير فى ودانها
مع كل حرف بيخرج منه
حسيت بسخونية النار بتحاوطها
وابتدا يتكلم
الارواح اللى جواكى
هتكون ملك لأسيادك
لكن انتى هتكوني خادمة ليا
جسمك ده هيكون سكن خاص بيا
روحك اسيرتي
ولحد ما ييجى وقت وصول الارواح
انتى تحت امر رغباتنا
والمطلوب منك
امر واجب النفاذ
وبعد وصولهم
هتشوفى اللى متتصوريش تشوفيه
رئيسة كانت من كتر الالم اللى حاسة بيه من الصوت اللى سمعاه
كانت دموعها نازلة وهى فاتحة عنيها على اخرها
لكن مفيش جواها اى احساس يوحي بالندم
او تأنيب الضمير
لكن الالم الحاجة الوحيدة اللى كانت تعباها
اتكلم تانى خادم بيت الخلاء وهو بيطلب منها
انها اول ما توصل اوضتها
تمسك بنتها من ايديها من غير ما تنطق بحرف واحد
مع البنت او مع ياسر
وبنفس الطريقة هتاخد فريال فى ايديها وتنيمها مكان بنتها
وتشيل هدومها من عليها
وتخرج مرة تانيه من الاوضة
ومتدخلهاش تانى
غير لما ياسر وفريال يخرجوا منها قدامها
كانت رئيسة نفسها تعرف تسد ودانها
نفسها تحاول متشوفش شكله
لكن مفيش مفر
اذنلها بالخروج
وخرجت تجرى
وقفت على باب الحمام بعد ما قفلته وراها
وبتحاول تستجمع اعصابها
وتمسح الدموع اللى كانت حاسة بسخونيتها على وشها
بقيت تبص على ايديها وتحط ايديها على وشها تتأكد ان مفيش اى حروق
اطمنت ان جسمها سليم
وابتديت بالراحة تمشى ناحية الاوضة
فتحت الباب
واتفاجئت لما شافت حنان وياسر مع بعض فى السرير
اتصدمت تقريبا
لكن شيطانها دفعها ودخلت الاوضة بمنتهى الهدوء وهى مستنية ان ياسر يتنفض يبرر
يتكسف
اى رد فعل يطلع منه
لكن ياسر كان مستمر فى علاقته بحنان
اللى كانت متجاوبة معاه من غير ماحد منهم يلاحظ وجود رئيسة
حتى لما سحبت حنان من ايديها قامت البنت معاها بمنتهى الاستسلام
والغريب ان ياسر كان مكمل اللى بيعمله
وكأن فعلا فيه حد فى حضنه
رئيسة ماشية بالراحة وهى بتبص لحنان اللى قبل ما تخرجها من باب الاوضة حطيت عليها جلابيه بتاعتها بدل هدومها اللى اتقلعت
وحنان ولا حاسة بالدنيا
لحد ما وصلتها لأوضتها ولسريرها
ونامت ولا كأن اى حاجة حصلت
ونفس اللى عملته مع حنان
عملت زيه مع فريال
اللى قامت معاها كانها منومة مغنطيسي
لحد ما وصلتها على السرير
وكشفتها زى ماعملت مع حنان
وكل ده وياسر فى عالم تانى
فى دنيا تانية خالص
وكأن اللى بيعمل كده حد غيره
واللى بيعمل معاها كده حد مش موجود اصلا
نامت فريال بأستسلام
وخرجت رئيسة وهى بتسرق نظرات على سريرها وتتأكد اذا كان ده ياسر ولا لاء
بس بسرعة وصلت لباب اوضتها
وخرجت منه
وقعدت فى المربوعة وعنيها على باب اوضتها
مستنية تشوف ايه اللى هيحصل بعد كده
فى الاوضة وفى الوقت اللى كانت فريال مكان حنان
فتحت فريال عنيها فجأة
ولفيت ايديها على رقبة ياسر
وهو قريب منها جدا والوضع مش طبيعى ابدا بينهم
بس برغم ان فريال اتصرفت كده
لكن فى نفس اللحظة اتصدمت
فريال بعد ما شهقت من الصدمة.ياسر انت اتجننت انت بتعمل ايه
ياسر اللى رجع لنفسه مرة تانية وهو بيبعد عن فريال ويفك ايديها من على رقبته.انا اسف
اسف
والله اسف
انا مش عارف انا ازاى عملت كده
بس ضعفت
انا اسف حقك عليا
فريال بتبص حواليها.احنا ازاى فى اوضة رئيسة
انا كنت نايمة مع العيال
ياسر وهو بيلبس هدومه.انا دخلت لقيتك هنا وكنتى نايمة ورايحة فى النوم
فريال.ازاى
انا فاكرة نايمة مع البنات
ياسر.لاء انتى كنتى نايمة هنا من وقت ما جيت لرئيسة علشان كنا هنتكلم مع بعض فى موضوع
طلعت بس راحت الحمام
وحسيت بحد على السرير
وعلشان النور ضعيف مكنتش شايفك فى الاول
لكن لما ركزت اوى فى وش اللى على السرير
لقيتك انتى
ومعرفش ازاى عملت كده
بس انتى اتجاوبتى معايا
ومعرفتش امنع نفسى
فريال اللى بقيت تعيط وهى شايفة انها اتعودت على انها تعمل كده
مرة طرابلسي
ومرة ياسر
وازاى هى بتوافق على ده وبتتجاوب معاهم
وازاى هى مش بتكون حاسة بنفسها
كل ده بتفكر فيه
وبتعيط
ياسر كان اول مرة يتعمل حاجة زى دى
كان مصدوم من نفسه
انه اللى عمله ده حصل مع بنت عمه
عرضه وشرفه
برغم انها كانت مستجيبة جدا للموضوع
لكن هو شايف انه كراجل المفروض رغبته متسمحش بأنه يتغاضى عن عرضه وشرفه
ياسر بندم.فريال
انا هقول لرئيسة اننا نتجوز انا وانتى
هى كانت عايزة تقعد معايا النهاردة علشان الموضوع ده
لكن انا اللى هعرضه عليها
انتى بنت عمي وانا لازم اصلح الغلطة اللى غلطتها دى
فريال بتمسح دموعها.ياسر اوعى حد يعرف حاجة عن اللى حصل ده
وموضوع الجواز ده
هيبقى معروف بينا هنا وبين بعض
لكن فى اسكندرية محدش يسمع عنه خبر
وانا مش هظلمك
انت حقك تعيش سنك
ووقت ما تحب تطلق مش هقولك بتطلق ليه
ووقت ما تحب تتجوز واحدة من سنك
مش هلوم عليك
انا المهم عندى هنا اى راجل حاططنى فى دماغه يشيلنى
والغلطة اللى حصلت بينا دى نصلحها
ومحدش من ولادى يعرف حاجة وخصوصا اسامة
ياسر ب ابتسامة.اعيش سني ايه يا فريال
وواحدة من سني ايه
ده انتى ولا كأنك بنت 16 سنة
بس الحمد لله انها جت لحد كده
انا مكنتش فى وعيي
بس مش ندمان على انى اخدت القرار ده
انا عايز اتجوز واستقر
وابقى عايش مرتاح وليا بيت خاص بيا
زهقت بقى من انى عايش كده ضيف عند رئيسة شوية
ولو نزلت اسكندرية ابقى ضيف عند اخواتى شوية
لكن ولا ليا بيت ولا ليا ست تهتم بيا وتدلعنى بقى
وبصراحة انا بعد الليلة دى
طمعت اوى فى موضوع الدلع ده
فريال بتمسح دموعها وبتبتسم.بسرعة كده بقيت فريال
يعنى ولا ياخالتى
ولا يمة
ولا عمتى حتى
ينيلك واد
ياسر بيضحك.لاء بقى سيبك من كل ده
بقولك هنتجوووز
هتبقى مراتى وابقى جوزك
يعنى انتى اللى تقوليلى ياسيدى
فريال بتضحك بدلع.طيب يلا بقى احسن رئيسة تدخل علينا
ياسر.طيب ما تسترى نفسك
ولا هتطلعى تقوليلهم ياللى متعرفش اعرف اللى حصل بينا
فريال وهى بتعدل نفسها وهدومها.اه صحيح
عندك حق
بس هنطلع نقول لرئيسة ايه لو صاحية
ياسر.ولا حاجة هنقولها انى كنت بتكلم معاكى فى موضوع الجواز وبقولك اني عجبتنى فكرة الجواز من واحدة ست لها خبرة واكبر مني فى السن
وشايف ان انتى انسب حد ليا
واتفقنا على كده
وخلاص
اوعى تقولى حاجة تانية
رئيسة ممكن تفضحنا
وتقول لعبدالله
فريال.اااه ده عبدالله ده حدوتة
مش هيوافق ابدا
ولو وافق مش هيبقى بسهولة
ياسر.يلا بس بينا نطلع من هنا وبعد كده كله سهل
لو خرجنا قبل ما نتفضح
هنعرف نتمم الموضوع
قامت فريال من على السرير
وياسر وراها
وبيفتحوا الباب بالراحة جدا وبهدوء علشان محدش يحس
خرجوا ورا بعض وبيقفلوا وراهم الباب
علشان يروحوا على المربوعة
شافوا رئيسة قصادهم
بصالهم وبتبتسم
وهى بتعوج شفايفها
ياسر وفريال بيبصوا لبعض بتوتر
وبيبصوا لرئيسة اللى مستمرة فى نفس الحركة ونفس الابتسامة
قربوا من رئيسة وهما خايفين تكون عرفت اللى حصل بينهم
وتفضحهم
ياسر.فى ايه يمة
انتى بتعملى كده ليه
رئيسة بتبص لياسر ومستمرة فى نفس الحركة
فريال بأنفعال.جرى ايه يا رئيسة ما تقولى انتى بتعملى كده ليه
فى ايه
عندك حاجة واقفة فى زورك قوليها علطول
رئيسة بصيت لفريال بغضب من اسلوبها وانفعالها.انتى يا ناقصة ليكي عين بعد اللى حصل
تتكلمى معايا
صحيح ولية بجحة
تخاف متختشيش
اتصدمت فريال واتصدم ياسر وهما بيبصوا لبعض
بسبب اسلوب رئيسة الغريب
