رواية ترويض قلب قاسي الفصل التاسع 9 بقلم هالة الشربيني
التااااسع 
ترويض قلب قاااسي
الحادثة اتسجلت ضد مجهول وطلعوا شهادة وفاة لرياض واللي كان بيسعي بكل جهده لذلك نادر طمعا في الورث طبعا
بعد مرور شهر كان نادر فيه مهتم بفرح ومحاوطها باهتمامه ومالي دماغها من ناحية رنا واولادها وانها طمعانة فيه وبدأ يوسوسلها بافكار كلها غلط وسيطر عليها سيطرة كاملة خاصة لما عادل رجع من الجيش وحاول يكون جنبهم وامينة وابراهيم اللي ملازمين رنا
رنا لاحظت تغير فرح معاها ومع الكل ولاحظت اهتمام نادر بيها حتي عادل رفضاه ورافضة تكلمه وشايفة انها خيانة لباباها لانه كان رافضه مر شهر واتنين ورنا رافضة تسمع المحامي أو تيم توزيع الورث تحت انظار نادر النارية، واصرارها ان نادر عايش وراجع، رفضها نادر يدير الشركة مع علي لانها بتثق في علي وخايفة من نادر، بدأ يحصل خلاف بينها وبين فرح لدرجة ان فرح اتهمتها بخيانة والدها مع علي واتفاقهم علي والدها بسبب رافضها حد غير علي يمسك الشركة
علي كان مراقب الوضع ومتابع كل حاجة واستغرابه بيزيد لان رنا خيبت ظنه بانها طمعانة في الورث ومهتصدق تستولي عليه
علي :معلم عطوة انا عايز اعرف شكل الست اللي اتفقت معاك علي قتل رياض
عطوة الكدب خيبة يا بيه وانا محبش الكدب حدالله بيني وبينه، انا مشفتهاش هي بعتتلي راجل تباعها يتفق معايا
علي :طب شكله ايه الراجل دا ممكن توصفهولي
عطوة :راجل طويل وابيض وعينه ملونة ابصر لونها ايه يا عطوة خضرا يا بيه وتنك ااوي
علي فتح فونه علي صورة لنادر وراها للمعلم عطوة
علي : هو دا يا معلم عطوة
عطوة :ايوا ايوا ايوا هو دا يا بيه بذات نفسه بشحَه ولحمه وقالي انه تبع مرات رياض بيه وانها هي اللي بعتاه يتفق معايا
علي تمام يا معلم الف شكر ومش هاكد عليك احنا متقبلناش
عطوة عيب يا بيه احنا كلامنا سيف
علي عرف ان نادر هو اللي اتفق مع المعلم عطوة، بس اللي هيجننه هل رنا متفقة مع نادر وليها علاقة بالامر ولا لا طب لو متفقين ليه رنا مصرة ان نادر ميدخلش الشركة ورفضها توزيع الميراث، هل اختلفوا ولا رنا ملهاش علاقة بالامر اصلااا
رنا :استاذ علي انا عايزة اقابل حضرتك
علي :انا موجود في الشركة ممكن تنورينا
رنا :انا متاكدة ان رياض عايش قلبي حاسس بكدا ومتقاطعنيش، لو لقينا جثته ساعتها هصدق غير كدا لا
نادر مش هيورث ولا هيدخل شركته لانه طمعان فيه
انا وبنته وابنه وشركته امانة في رقبتك، انا بثق فيك لثقة رياض وكلامه عنك
علي :ثواني مدام رنا ابن مين رياض ليه ابن
رنا :هيكون يا استاذ علي انا حامل في الشهر الرابع كشفت واتاكدت وعرفت انه ولد، كل حاجة هتفضل في اديك لحد مولد وبعد مولد كمان
علي : مدام رنا حضرتك متاكدة من الحمل دا ومتاكدة من كلامك عن نادر
رنا :ايوا طبعا دي التحاليل وصور الجنين، وبالنسبة لنادر فايوا متاكدة وتصرفاته بتدل علي طمعه وكمان اتسبب في مشاكل بيني وبين فرح وغسل دماغها لكن انا مش هسيبه يدمر اللي رياض عمله ولا يستغل بنته وانت هتساعدني في دا
علي :اكيد طبعاااا
حاول علي ربط الاحداث وتصرفاتها وكلامها احساسه يقول انها مظلومة، لكن يريد ان يتاكد انها ليس لها علاقة بالحادث وان ما يحدث ليس خطة بينها وبين نادر
رياض مازال في الغيبوبة منذو اربع شهور ونصف في المستشفي الخاصة به لكن لا يوجد مخلوق يعرف ذلك غير الدكتور المتابع لحالته والممرضة الخاصة من برا المستشفي، علي كل يوم يمر به ويقص عليه كل ما يحدث في يومه ويحكيله له عن رنا وبنته وكل الاحداث اللي مرت
لماذا إلى الآن نقف أمام حقيقة الفراق..عاجزين عن إستيعابها ؟!
عاجزين عن فكّ رموزها، وفَهم طلاسمُها..والتأقلم مع تفاصيلها ؟؟ على الرُّغمِ من أنّنا نعيش في أعمق أعماق تفاصيلها..
لماذا نحتاج إلى المزيد من الوقت..والكثير من العمر ..والكثير من القوَّة.. والكثير من العقل..والكثير من النضج حتى نتمكّن من إغلاق أبواب الحكاية.بقفل الفراق..؟!
آنَ الأوان أن نقنع قلوبنا بأنّ الفراق حدث وأنهُ لم يتبقّى لنا من الحكاية سوى الذكريات..
آنَ الأوان أن نمضي بعيداً ولا نعود مجدداً للوراء..
هناك فراق يُطوَى كصفحة في كتاب الحياة..وفراق يبقى كوشم على قلوبنا لا تمحوه سنين ، يرحل معنا إلى مثوانا الأخير..
تعيش رنا اسوأ فترات حياتها، البعد والفراق يمزقها، قلبها الصغير اصبح كقنبلة تريد الانفجار داخل ضلوعاها تلتوي لوعة علي بعد من لثمها داخل احضانه، تموت اشتيااقا للمساته لكلماته لكل حالاته، لذلك الغازي الذي اسرها وكبلها بحبه وحنانه تود ان تعود طفلة ؛ لأنّ الرُكب المخدوشة تلتئم أسرع من القلوب المكسورة.
الممرضة :علي بيه تعالي حالا المستشفي رياض بيه فاق
علي :يامانت كريم يا رب اللهم لك الحمد انا جي حالا
الطبيب :حالته كويسة جدا مؤشرات جسمه كلها طبيعية الحمدلله
علي :الحمدلله شكرا يا دكتور
علي :ايه ياخي قط بسبع أرواح انا كنت مرتاح من رخامتك ايه اللي صحاك يابني ناام نام تاني يا رياض هههههههه
رياض :وحشتني اوي يا علي
علي :وعينوه كلها دموع انت موحشتني خالص ولا كنت هموت عليك ولا كنت تايه من غيرك ولا بموت كل لحظة وانا شايفك كدا يا رياض
رياض يابني بطل بقي انت هتعيط انا عارف انك متقدر تستغني عني بالحضن يابو الصحاب
قاما الاثنين بروي عطش الاشتياق وكلا منهما يبكي في حضن الاخر ويتمني ان يبقي الله علي هذا الحب الاخوي النقي ابد الدهر
رياض :رنا فين يا علي وايه اللي حصلي احكيلي
قص علي علي رياض كل ما حدث بالتفصيل وشكوكه والحقائق التي توصل اليها وخطته عندما اخذه واخفاه عن الجميع حتي يتوصل للحقيقة وينتقم من الفاعل، عندما انتهي علي من قص كل ما حدث لاحظ شرود رياض ولفت نطره عدم تعقيبه علي كلامه منذو البداية حتي انتهي
علي :ايه يا رياض انت ساكت ليه؟؟
رياض :رنا مظلومة وملهاش علاقة باي حاجة انا بثق فيها زي ثقتي فيك هل انت خونتي او ممكن تخوني يا علي؟
علي لا طبعااا دا مستحيل
رياض :ورنا زيك بالظبط يا علي بس لازم اعرف واتاكد نادر ورا اللي حصل لوحده ولا معاه شركا وانت معايا ان شاء الله
رن هاتف علي برقم رنا
سلوي :الحقني يا علي بيه رنا هانم بتولد
علي :انا جي حالا اجهزوا وانا هجيب الاسعاف معايا حالا
رياض :في ايه يا علي
علي :رنا بتولد يا رياض ابنك يا حبيبي
رياض وهو يلعن حظه الذي مازال ضد رغباته وضد احلامه، فقد غاب عنها وهي في امس الحاجة له، غاب عن اجمل لحظاتهم معا في انتظار هذا المولود الذي هو بذرة حبهما وجنين املهما وطفل مستقبلهم القادم
بكي رياض وحمد الله علي هذا كله وتمني ان يكون بجوارها ولكن القدر ضده ايضا لانه عزم علي عدم معرفة احد بوجوده حتي يعرف من ولماذا فعل ذلك له
رنا تصرخ باعلي صوتها وتبكي فالكل يظن انها تتالم من الولادة ولكنها تصرخ باسم رياض والالم الذي يعصر قلبها الم الاحتاج والشوق له، كانت تتمني وجوده، تمنت ان يكون سندها ومأمنها وامانها داخل حجرة الولادة الذي تستمد منه قوتها لتلد ذلك الطفل المميز فهو ابن رياض قطعة من روحه تركها لها ورحل بيعيدااا عنها
بعد مرور ساعة من وصول رنا للمشفي وضعت رنا مولود غاية في الجمال فقد كان نسخة عن ابيه
تركته الممرضة علي صدر رنا التي احتضنته بكل شوق الشهور والسنين قبلت جبينه وعيونه ودموعها تحرق مقلتيها وقلبها يتصارع ما بين المها وفرحتها بيه
علي :الف مبروك يا رياض ود شكله وحش اوي شكلك بالظبط ربنا بيحبني جابلي اتنين نسخة من بعض 
رياض :رنا كويسة يا علي طمني عليها هي عاملة ايه كويسة اتكلم...
علي :هو انت مديني فرصة ياخي اه بخير وهو باين عليه الضيق
رياض :علي رنا مراتي وحبيبتي ومتفكرش فيها غير انها احس واخلص ست في الكون ممكن
علي :حاضر يا رياض يا رب متخيب ظني، هو انا عملت حاجة ومتزعلش مني انا بردو معرفهاش زيك وحابب اتاكد او اتكسف يعني
رياض :عملت ايه يا علي تحليل دي ان ايه للولد
علي :انت دماغك دي ايه ياخي ما شاء الله انت كنت في غيبوبة ودماغك شغالة، معلش يا صاحبي انا كدا هرتاح وامشي معاك زي مانت عايز
رياض :رغم زعلي منك بس هعديها علشان ترتاح ولاني متأكد من النتيجة الا اني هستني لما انت كمان تتكسف يا صاحبي، بس رنا وابني في عنيك انا خايف علي الولد معرفش من ايه يحصله من نادر او من اللي وراه
علي :متخافش يا صاحبي ولادك ومراتك في عنيا وابنك في حضانة خاصة محدش يعرف مكانها وانا متفق مع رنا لانها هي كمان كانت خايفة زيك كدا وعلي الحضانة حراسة 24 ساعة
رياض :انا لازم اشوف رنا واطمن عليها هي وابني
علي :هتسميه ايه يا رياض؟
رياض هسميه خالد، زي حبي لامه اللي هيفضل خالد بقلبي لاخر عمري و بعد الممات.
رياض محدثا نفسه، في حياتي الأخرى سأطلب من الله أن أكون بصحبتها ، فلقد عانَيت من الاشتياق والحرمان طوال حياتي ، أن أعيش فترةً هادئة جميلة معها فلقد ضاعت أيامي في البعد والقسوة علي نفسي والاخرين ، سأطلب من الله أن يُطمئِن قلبي فلقد أستهلك الغضب طاقتي ومشاعري ، سأطلب من الله السعادة والضحك فلقد بكيت كثيرًا في الخفاء قبل ان اقابل تلك الملاااك ..
سأطلب من الله ..
الطمأنينة و الحب و السلام بجانبها .. "
علي : اشمعنا دي بالذات يا رياض اللي حبيتها، وحبيتها بالشكل دا؟؟
رياض : هتصدقني لو قلتلك معرفش ليه هي بالذات
أحيانًا بنحب حد ومبنبقاش عارفين إحنا ليه بنحبه، ومش فاهمين إيه اللي شاددنا للشخص دا، لكن كُل اللي نعرفه إننا بنحبه ولو سألتني بتحب الشخص دا ليه؟ هتلاقيني سكت لثواني وهبتسم وأقول لك: "مش عارف، بحبه وخلاص" وفعلًا مش كُل الحب بيبقى ليه سبب واضح وملموس..
"إن الله يقذف الحُب في قلوبنا، فلا تسأل مُحبًا لماذا أحببت".
ودا مش معناه ان رنا مفيهاش مميزات كتيرة تخليك تحبها لكن انا حبيتها من اول نظرة لما عيونا اتلاقت ومن اول كلمة اتقالت بينا، حبها زي السحر سيطر علي، زي الميه اللي جريت في وادي جاف واخضر، زي الشمس اللي نورت وجودي وحيااتي، رنا اعادتني للحياة بعد ما قسوة الدنيا موتتني وخلقت وحش قاسي معندوش قلب
علي:بس بس خلااص انا حاسس ان سامع شاعر مش رياض الرخم صاحبي
رياض ينظر لعلي بنظرة قرف وغضب
رياض :هتفضل فصيل وتافه غور يا علي روح لرنا وخالد اطمن عليهم وطمني
