رواية لم تنتهي الحياه الفصل الثامن 8 والاخير بقلم شروق فتحي

رواية لم تنتهي الحياه الفصل الثامن 8 والاخير بقلم شروق فتحي 

لم تنتهى الحياهالفصل الثامن والاخير

قمر كانت تحاول ان تتحاشى النظر فى اعينه

تامر: بصى بقى انا عازمك انهارده او بمعنى الاصح ماما هى الى عازمكى على الغدا

قمر: مامة حضرتك تعرفنى منين

تامر: ما انا كنت دايما بحكى ليها على كفائتك ومفيش رفض

قمر:(شعرت بتوتر) اممم ماشى عن اذن حضرتك هروح اكمل شغلى

انتهوا من العمل وذهبت مع تامر

والدته مريم:بسم الله ماشاء الله ايه القمر ده فعلاً اسم على مسمى

قمر: ده جمال عيونك يا طنط

مريم: قوليلى بقى هتاخدى اجازه امتى من الشغل

قمر:(بإستغراب) ليه

مريم: يعنى هنقرا الفتحه امتى

قمر: فتحة ايه

مريم: مش تاخدى فى بالك يلا علشان نتغدا

كان يحاول تامر كبح ابتسامته على والدته

قمر: تسلم ايدك يا طنط الاكل تحفه بجد

مريم: ونبى الواد ده عمره ما قال كلمه شوف الناس القمر

تامر: انا ماشى يا ماما شكرا

مريم: مش تخافى بقى هبقى اعلمك الايام بينا كتير

قمر:( أرادت ان تغير فى الموضوع) هو فين عمو صحيح

تامر ملامح وجهه تغيرت الى الحزن وكذلك والدته

قمر: ايه ده هو انا قولت حاجه غلط انا اسفه مش اقصد

تامر: ولا يهمك بابا الله يرحمه مات بسكته قلبيه

قمر: الله يرحمه انا اسفه

تامر: لا مش تخافى هو دايما فى بالى المهم انتى صحيح هتنزلى بيتكوا فى يوم الخميس ده

قمر: ايوه علشان قبلها كنت فى سفر مش عرفت انزل بس اشمعنا

تامر: لا بسأل عادى بس ممكن رقم عمو اصل احيانا بحتاج اطمن يعنى وتليفونك مش بيكون فى شبكه

قمر: بس تليفونى علطول فى شبكه بس ماشى... استنى يا طنط اجى اشيل معاكى

مريم: مش يصح تامر ورى قمر الجنينه الى بره

تامر: ماشى.. ايه رأيك بقى

قمر: الله جميله اوي

تامر: ونبى انتى الى جميله

قمر:(مثلت انها لم تسمع شئ ولكن لم تستطع كبح خجلها) ايه ده انا اتأخرت

تامر: اتأخرتى ايه لسه بدرى

مريم يأتى صوتها من الخلف: مفيش خروج دلوقتي

قمر: معلشى يا طنط مره تانيه عن اذنكوا (خرجها) هروح انا بقى

تامر: ليه شايفه سوسن قدامك ولا ايه امشى قدامى يا قمر

قمر ابتسمت وركبت مع ووصلها الى منزلها

قمر: تعبتك معايا

تامر: ولا تعب ولا حاجه قمر مش تزعلى منى لو كنت اتكلمت معاكى بإسلوب مش كويس

قمر نزلت وصعدت وكأنها ستطير مثل الفراشه من الفرحه ووجدت شهد تتصل بها

قمر: الو يا احلى شهوده

شهد: العب المزاج رايق ايه الى حصل

قمر: مامته كانت بتلمح ليا على انهم هيجوا يقرأ الفتحه

شهد: لوللللى الف مبرك يا قمرى

قمر: ههه يا هبله انا بقول بيلمحوا

شهد: بت مش عايزه استعباط قوليلى ممكن يجوا امتى

قمر: هو كان بيسألنى انا هروح الخميس ولا لا قولتله اه وخد رقم بابا قال ايه اصل تليفونك مش بيكون فى شبكه وبعوز اطمن

شهد: لا كده بقى على بركة الله يا قمرى

نامت قمر وهى فى قمة السعاده ولى اول مره منذ ان كانت تحب يوسف تنام مرتاحه وتفكر فى تامر فقط وكأن يوسف لم يكن موجود من الاصل وقلبها يخفق بى سعاده والفرح

بقلم شروق فتحي

مر الاسبوع وكانت تنتظر يوم الخميس بفارغ الصبر كأنه يوم التقائها بى سعاده وعادت الى منزلها وسلمت على عائلتها

هشام: قمر فى عريس جاى ليكى بكره إن شاء الله (وهنا لم تستطع منع ابتسامتها) الله ده باين اننا عرفين

قمر: انا مش عارفه حاجه عريس مين

هشام: يا شيخه عليا برضك ده مديرك حتى

قمر: مديرى مدير مين تقصد بشمهندس تامر

هشام: تخيلى بت بطلى لف ودوران انتى عارفه ووشك كشفك

قمر: هو انا بعرف الف وادور دانا غلبانه يلا بقى يا بابا هدخل انام اصل جايه من سفر تعبانه اوييي

هشام: اه واضح فعلاً يمكن مش تنامى من فرحه أصلاً هههه

ودخلت قمر وبفعل لم تستطع النوم من الفرحه ظلت طوال الليل تفكر فى تامر

قمر: يااا انا عمرى ما كنت افكر انى اكون فرحانه كده انى اكون مع حد تانى غير يوسف فعلاً ربنا بيعوض وعوض ربنا جميل اوي الى نقول ليه ونزعل ونكون هنموت نفسنا اننا مش قدرنا نوصله بيكون ربنا عارف ان هو كده خير لينا مش نقول لا احنا عايزنه بخير وشره خير ربنا بيكون احسن كتير من الى نفسنا فيه الحمدلله على عوض ربنا

(إن لم يأتيك ما أردت ، سيأتيك ما يُنسيك كل ما أردت "ويليام شكسبير)

ليأتى اليوم التالى على قمر وكانت تجهز نفسها والابتسامه لا تفارق وجها

قمر: قوليلى يا شهد حلوه

شهد: لى اول مره اشوفك متوتره كده وبعدين ايه حلوه دى دانتى القمر هو القمر ممكن حد يتناقش فى جماله

قمر لتعانق صديقتها بقوه فهى دائما كانت تساندها ولم تتخلى عنها لى لحظه كانت بجوارها طوال الوقت ما اعظم تلك الصداقه

(جبران خليل جبران يقول: ولدي صديقة قلبها كمظلة بيضاء تحميني من قطرات اليأس)

شهد: وصلوا وصلوا يلهوى ده طلع احلى من صور سبحان الله انا اعرف ان العريس يكون حلو العروسه تكون حلوه لكن الاتنين احلى من بعض لا دى غريبه عنى قمر قمر

قمر: ايه بتنادى عليا من شارع تانى

شهد: ههه بت اتقلى كده انتى تهوتى من جماله

قمر: اصل بصراحه ده مش جمال ده حاجه غيرنا على رأي محمد هنيدى دانا كنت بحب صندل

شهد: هههه هموت لا كده كتير يلا يا ختى روحى قدمى العصير

قمر: لا احنا مش اتفقنا على كده

والدتها لتأتى من خلفها: بطلى شغل اطفال ويلا قدمى العصير

قمر: بقولك ايه يا شوشو ما تروحي تقدمى انتى

كريمه: روحى يا قمر بلاش تتعبينى

اخذت قمر المشاريب لكى تقدمها وكانت مرعوبها ان تسقطها عليهم قدمت ليهم مشاريب والدته نادت عليها لتجلس بجوارها

مريم: ربنا يخليهلكوا يارب قمر بسم الله ماشاء الله

كريمه: ده من ذوقك حبيبتي

بعد مرور فتره قليله طلبت والدته ان يجلسوا سويا وهشام ارشدهم الى المكان وكانت قمر تنظر الى الاسفل ووجها احمر كأنها ستنفجر

تامر: اومال لو كنا مش نعرف بعض بس عارفه قمر كسوفك زودك حلاوه طيب هتفضلى ساكته انا واحشنى صوتك

ليخرج صوت قمر بى صعوبه: علفكره عيب كده

تامر: ههه خلاص مش تزعلى عارفه من اول مره شوفتك فيها وانتى مش كنتى بتروحي عن بالى قولت معقول اشوفها تانى ولما شوفتك فى مكتبى حسيت انى بحلم وده مش حقيقه انا كنت دايما اقول يارب عوضنى عوض يتعجب به اهل السموات والارض بس طلع عوض ربنا كبير عليا اوي

قمر لم تعرف كيف تعبر عن فرحتها بهذا الكلام فهى كذلك عوضها الله عوض كانت تظن ان يوسف هو العوض ولكن لم تعلم ماذا يخبئ لها الله

وهنا تدخل شهد

شهد: لا كده كتير عليكوا كفايه كده

تامر:(نظر لها بى ابتسامه) هو انتى اختها

قمر: هى اكتر من اختى يمكن لو كان ليا اخت مش كنت هحبها كده

تامر:(ولكنه تذكر صديقه عندما قالت ذلك) ربنا يخليكوا لبعض

شهد: بقولك ايه مش ليك اخ حلو كده زيك

هنا قمر لم تستطع كبح ضحكتها

تامر: لا للأسف كنت جوزتهولك علطول

شهد: يا خساره حتى لو صاحب انا موافقه اصل اكيد هيكون شبهك

تامر: تصدقى كان هيليق عليكى اوي بس هو وش فقر

شهد: هو مين

تامر: واحد كان صاحبى يلا بقى

وجلسوا فتره قليل من الزمن وحددوا معاد الخطوبه الخميس الاتى وذهبوا وعندما عاد الى منزله وجد صديقه يتصل ياسين

ياسين: انا اسف يا تامر سامحنى على الى عملته معاك عارف ان الى عملته مش بسيط بس انا مش ليا غيرك وهى طلعت بت استغلاليه

تامر:وانتا لسه فاكر بس عارف انا مش زعلان منك انا كنت زعلان عليك لانك مش كنت تستاهل واحده زى دى انتا تستاهل الاحسن

مرت الايام واتى يوم الخطوبه

تامر: لا انا خايف احسدك ايه الحلاوه دى اه قلبى

قمر: ماله

تامر: اصل هو مش حمل حلاوتك دى

شهد: راعوا ان فى ناس سناجل هنا

تامر: لا هى بقت خطيبتى روحي العبى بعيد يا بابا ايه ده ينفع يا ياسين تتأخر كده بتتأخر على خطوبة اخوك

شهد. همست لى قمر: بت مين القمر الى مع ده يارب ما يكون خاطب

قمر:اه ده صاحبه ياسين مش قولتلك اتصالحوا

تامر: اعرفكوا صاحب عمرى الخاين

ياسين: خلاص يا عم دانا كنت معمى وباين فتحت على ضوء القمر

تامر: احترم نفسك بدل ما تكون متلعق دى اختى لو فكرت تبصلها او تدايقها هتكون ميت

ياسين: روح شوف قمرك الاول بقولك ايه يا جميل انتا سنجل

شهد: ههه علفكره انا مش بتاعة كلام ده عن

ليقاطع كلامها ياسين: ولا انا انا بتاع خطوبه علطول

قمر كانت تنظر لى صديقتها وتبتسم فهى شعرت ان صديقتها أخيراً وجدت من سيسعدها لتجد يوسف وزوجته داخلين

يوسف: الف مبروك يا قمر

قمر:الله يبارك فيك ازيك يا ندى

ندى: الحمدلله مش تزعلى من اخر مره الف مبروك وربنا يتمملك على خير

قمر: الله يبارك فيكي لا هو انتى بس علشان كنتى غيرانه مش اكتر

تامر: ما تعرفينى يا بنتى

يوسف: زميل قمر من ايام ثانوى الف مبروك وربنا يتمملك على خير

تامر: الله يبارك فيك تشرفنا..

قمر: بتبص ليا كده ليه

تامر: لا ولا حاجه بس حاسس ان ده مش زميل ثانوي بس

قمر: تامر انسى انا نسيت صدقينى بقيت انتا كل حياتى عارف لى اول مره احس انى كنت فى وهم انتا الى فوقتنى من كل ده

تامر: وانا وعد يا قمرى اسعدك واجعل ايامك كلها سعاده وحبك ده سيظل محفور داخل قلبى

وبعد سنه تزوجوا وعاشوا فى تبات ونبات وخلفوا صبيان وبنات وكذلك شهد وياسين تم تحديد زواجهم فى نفس يوم زواج قمر وتامر

إن لم يأتيك ما أردت ، سيأتيك ما يُنسيك كل ما أردت " ويليام شكسبير

نهايه اتمنى ان تكون نالت اعجباكم واسعدنى تعليقاتكم وتفاعلكم كانت معكم الكاتبه شروق فتحي

تعديل المقال