رواية حبي الاول الفصل الثامن 8 بقلم روان احمد
.نبدأ"بسم الله الرحمن الرحيم"
.البارت الثامن'
________________________
احتل وجه مي الصدمه وتجمعت الدموع ف عينها ومبقتش مركزة معاهم
عبدالرحمن بصلها بقلق شديد:مي مالك فيكي حاجه؟!
مي مخدتش بالها أن في حد بيكلمها أو بمعنى أصح مش شايفه حاجة قدامها غير ذكرياتهم سوى: ..............
فلاااااااش بااك
بت يا صرصور
يابنتي حرام عليكي بقى كفايه صراصير بقى نفسي مرة تناديني ب إسمي
عجبك ولا مش عاجبك
لا طبعاً هو احنا نقدر نقول حاجه ل ست مي 
عاجبني يااختي وعلى قلبي زي العسل كمان
عاجبني يااختي وعلى قلبي زي العسل كمان*****
ازيك يا سارة
الحمد لله
يارب دايما
لينا يارب
مالك مش باينه يعني
ابدا والله بس انتي عارفة بقى الدروس والمحاضرات والندوات اللي بحضرها طالع عيني
لا يا حبيبتي ربنا يقويكي ويعينك
يارب
شوفتي مش النهاردة سمعت أن عبدالرحمن هيمشي هو وخالتو
ليه كده بس
حوار يطول شرحه لو كده وفاضيه نتكلم شوية
حاضر يا حبيبتي ياريت والله
طيب هتفضي امتى
مش عارفة لأن مواعيد الدروس بتتغير وساعات بتكون اون لاين
يمشي معاكي يوم الجمعة
هشوف كده لان عندي الساعه ٦ الصبح محاضرة على الفون وبعد الصلاة هنزل
لا ربنا معاكي خلاص شوفي وابقي ردي عليا
حاضر عايزة حاجة
لا عايزة سلامتك
سلااام
*****
عاملة اي
الحمد لله بخير وانتي
تمام الحمد لله
يارب دايما
..............
بااااااااك
عبدالرحمن قلق زيادة أنه شايفها بتعيط ومش بترد عليه راح شاور ل عمر عشان يحركها يمكن تفوق
فجأة مي قعدت تعيط بطريقة هستيريه وبقت تكرر كلمه واحدة:ليه ليه ليه ترجعيني لنقطة الصفر
..........................
تعبت من دور الإنسان الصلب اللي مش فارق معاه حاجة وانا فـ الحقيقة محتاج حد جنبي .
..........................
عبدالرحمن بصلها بأستغراب ومش فاهم حاجه
عمر بص ف الناحيه اللي مي قاعدة فيها وشافها اتنهد وغمض عينه بزعل على أخته ورجع بصلها تاني واخدها ف حضنه وحاول يهديها
كل ده تحت نظرات القلق والخوف اللي ظهرت على الكل وبالذات عبدالرحمن
فضلت مي تعيط ف حضن اخوها لحد ما هديت ونامت
عمر حس أنها وقفت عياط ورأسها تقلت ف عرف انها راحت ف النوم
استأذن منهم عشان يروحوا لأن مي تعبانه
ياسمين كانت زعلانه على مي وصعبت عليها عشان كده لما عمر اعتذر منها ممانعتش خالص
بالعكس كانت عايزة تروح معاهم عشان تطمن عليها
واليوم عدى عليهم بعد ما كان مليان فرح وسرور إلى حزن وقلق وتوتر وخوف عمر على أخته اللي زاد عليها بعد اللي حصل معاها
بليل عند مي الكل كان قاعد بياكل عادي ماعدا مي وعبد الرحمن وعمر
حمزه حب يحول الزعل ده شوية بمرحه المعتاد:جرا اي يا شباب مش ناويين تشوفولي عروسه أنا كمان ولا اي
عبدالرحمن: يا شيخ اتلهي عروسة اي بس دي دلوقتي وبعدين مين اللي امها داعيه عليها ف ساعت عصاري دي
حمزه بصله بقرف:على طول كده سادد نفسي اقول عليك اي بس ده انت حتى اخوياا يا جدع
عاجبك كده يا مي
مي بأبتسامة خبيثه:لا لا يا عبدالرحمن ملكش حق دي مش داعيه عليها ساعت عصاري دي غضبانه عليها
حمزه بصلها بصدمه:هي مين دي يا جماعه
هي مين دي يا جماعهعمر بضحك: غالبًا كده دي مي اختي
عبدالرحمن بضحك مماثل ليه:أيوة فعلاً سمعت انها بنت خالتي
مي بغرور لحمزه:اعرفك بنفسي أنا مي محمد انت مين
حمزه بصلها لوهله وبعدين قال:أنا واحد واط*ي اني خدت ب رأيك أساسًا
كلهم قعدوا يضحكوا عليه واليوم عدى على خير وحمزه اتبسط أنه عرف يغير الجو ويخلي مي تضحك ولو لدقايق..........
★★★★★★★★★★★★★★★
معظمنا فـ حياته أو كان فـيها شخص زي ساره كده،شخص هو كل حاجه بالنسبه ليك/ي أخ وصاحب وحبيب،تحسه كده تؤام روحک،متعرفش تبدأ يومک من غيره،لازم يكون معاك خطوه بــخطو،وتلاقي نفسک متعلق بيه جدًا لدرجه أنك مبتقدرش تتخيل حياتک وهو مش فيها،بس فجأة بتلاقي منه تغير ومبتقدرش تحدد إذا هو ده فعلاً الشخص اللي أعرفه ولا المشكله فيا أنا،للأسف مش كل حاجه بتفضل على حالها، ومش شرط الشخص اللي هو بالنسبالك كده،تبقى انت كمان عنده فـ نفس المكانه؛لأنه ببساطه كده شخصك المفضل عنده أشخاص كتير مفضله غيرك وانت مش فـ باله أصلاً،و زي ما بيكون في ما بينكم سنيين عشره ممكن تكون سنيين فراق عادي جدًا،محدش ضامن حاجه أحنا مجرد فترة فـ حياه بعض،و فـ وقت من الأوقات أو لحظه ممكن متلاقيش الشخص ده جنبك أيًا كان أي هو السبب،
فمن رأيي أننا نعمل مسافه بينا وبين الطرف الآخر حتى لو كانت أي هي درجه قربه منک أو مكانته عندک،خليک فاكر أنه لما يمشي هسيبك لوحدک وممكن تعاني من الاكتئاب شوفت هتوصل لأي أو ممكن أي يحصل لو مأمتنش مسافه لنفسك بينك وبينه،متخيل ممكن تكون فين!!!
طب هل لو ده حصل هتقدر بعدها تثق فـ حد تاني،هتقدر تخوض تجربه تانيه،هتتضمن منين أنك متعانيش من الشخص ده؟!!
أحيانًا بنقابل نفوس مؤذيه زي كده فـ غصب عنك بتلاقي نفسك بتبعد عن ناس كتير مش بمزاجك بس أنت اتأذيت وده أقل حاجه ممكن تقدمها لـ نفسکك
٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭
٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭&&&&&&Rony&&&&&&&&&&&&
"تعريف للشخصيات الجديدة"
ساره حمدي/من نفس سن مي كانت أول صديقه ليها وكل حاجه بالمعنى الحرفي للكلمة،كانوا دايما مع بعض ف كل حاجة البيت والدراسه وحياتهم كأنها مقسومه نصين إلا أن جه الوقت وسابتها لوحدها برغم كل ده وأكيد هنعرف السبب.....
