رواية مجنونه بالاجبار الفصل السادس 6 بقلم أروي عادل
أسر٠٠ لو سمحت اتكلم بأسلوب احسن من كده انت فى مستشفى مش فى الشارع .. و ياريت تتكلم بالهدوء . واحنا هندور عليها و اكيد تلاقيها هتروح فين يعنى
مكرم ٠٠ المفروض انت إللى تقولى هتروح فين ازاى مريضه تختفى من المستشفى من غير ما حد فيكم ياخد باله
سامح٠٠ اهو حد قالها انك جاى تاخدها فخافت
مكرم٠٠ تقصد ايه يا دكتور هتخاف منى ليه
أسر٠٠ دكتور سامح يقصد يقول ان المريضه ساعات بيكون متعلق بالمستشفى مش عايز يخرج منها لانه بيكون فاقد الثقه فى العالم الخارجى
مكرم ٠٠ انا ماليش دعوه بكلام المجانين ده انا عايز بنتى قدامى دلوقتى
د.حبيب٠٠ اتفضل يا مكرم بيه عندى فى المكتب و انا هأمر كل الأمن في المستشفى يدورو عليها
( امر د.حبيب الجميع بالبحث عن ماليكه)
◇■◇■◇■◇■◇■◇■◇■
فى الغرفة تغير الملابس الموجوده بها ماليكه
( طلعت ماليكه من الدولاب نظرت فى جميع أركان الغرفة و هنا لاقيت بالطو ابيض بتاع الدكتور أسر ..لاقيت ايضآ نظاره طبيه.. لبست ماليكه البالطو و النظاره و فردت شعرها و طلعت من الغرفة
مشيت بهدوء شديد لم يتعرف عليها أحد و توجهت إللى مباشرآ إللى باب الخروج من المشفى هنا أوقفها راجل الأمن و هى خارجه من المشفى )
الأمن ٠٠ انا اسف يا دكتوره انتى معانا هنا فى المستشفى
ماليكه ٠٠ خير بتسأل ليه
الأمن ٠٠ معلش انا أول مره اشوف.حضرتك
ماليكه٠٠ أكيد عشان انا شفت مسائي ..
انا د.ماليكه فى حاجه تانى ولا ممكن اخرج
الأمن ٠٠ اه طبعا اتفضلى يا دكتوره
( خرجت ماليكه من باب المشفى لأول مره منذ ٣ سنوات. هى تنظر إلى كل شئ بخوف كأنها طفلة صغيرة تائه من أمها )
◇■◇■◇■◇■◇■◇■◇■◇
فى مكتب د.حبيب
الأمن ٠٠ يا فندم مش موجوده في المستشفى كلها
د.حبيب٠٠ دورتوا كويس
الامن٠٠ مافيش مكان فى المستشفى كلها مش دورنا فيه
د٠حبيب٠٠ روح أتأكد من البوابه الرئيسية للمستشفى و مش عايز حد يخرج من المستشفى غير بأذن منى
الأمن ٠٠ حاضر يا فندم
سامح٠٠ هو ايه إللى هيوصلها لحد البوابه
أسر٠٠ معلش يا دكتور سامح لازم نتأكد من كل حاجه
مكرم٠٠ اتاكدوا من كل حاجه بس فى الآخر انا عايزها تكون قدامى
( بعد ربع ساعة رجع رجل الأمن و معاه المسؤول عن البوابة )
الأمن ٠٠ انا أمرت مافيش حد هيخرج من المستشفى غير بأذن منك يا دكتور حبيب.. و انا جبت المسؤول عن البوابة معايا
د.حبيب٠٠ فى حد خرج من بابا المستشفى من نص ساعة إللى فاتت
أمن البوابة٠٠ مافيش غير دكتوره ماليكه
أسر٠٠ دكتور مين
أمن البوابه ٠٠ ماليكه
د.حبيب٠٠ احنا عندنا دكتوره هنا اسمها ماليكه
سامح٠٠ آظن لا
مكرم٠٠ و انت اي حد يخرج من البوابه و يقولك انه دكتور يخرج عادى
أمن البوابة ٠٠ دى كانت لابسه بالطو الأبيض و شكلها عقله جدآ
أسر٠٠ طيب كان شكلها ايه
أمن البوابه٠٠ هى كانت حلوه اوى بيضه و عينيها خضره و شعرها بنى طويل
د.حبيب٠٠ من امتى خرجت من البوابه
أمن البوابه٠٠من أقل من نص ساعة تقريبآ
مكرم٠٠ يعنى ايه الكلام ده ماليكه هربت
أسر٠٠ ماليكه مين هى مش بنت حضرتك اسمها ياره
( أتجاهل مكرم كلام أسر ثم قال)
مكرم٠٠ انا هقدم شكوى فيكم و هقفل لكم المستشفى دى.
( خارج مكرم من المستشفى مسرعآ و هو بركان من الغضب ليبحث عن ماليكه)
د.حبيب٠٠أسر انت ليك علاقه بهروب إللى اسمها ياره او ماليكه دى
أسر٠٠ لأ .. و بعدين ماتخفش يا د.حبيب مش هيقدر يقدم بلاغ هيقول ايه فيه بنتى اللى ما،تت من ٤ سنين اختفيت من المستشفى
سامح٠٠ أسر عنده حق
أسر٠٠ طيب عن أذنكم انا
(خرج أسر من غرفة المدير و ركض على غرفة تغير الملابس لكنه اتصدمه عندما رأه الدولاب مفتوح و ماليكه غير موجودة وهنا أتأكد من كلام رجل الأمن أن ماليكه هربت و هنا غادر أسر المستشفى ليبحث على ماليكه بالسياره هو يعلم أن حالتها لا تسمح بوجودها بمفردها خارج المشفى و يعلم ايضآ ماذا سيحدث لها اذا وقعت فى ايدى مكرم الطحاوى ..)
◇■◇■◇■◇■◇■◇■◇■
فى سيارة أسر
يبحث أسر عن ماليكه.. لكن الطريق كان واقف كان فى صوت كلاكسات السيارات عالى نزل أسر من السياره ليعرف ماذا حدث و هنا رأى ماليكه واقفه فى نصف الطريق رغم الأصوات كلاكسات السيارات العاليه
لم تتحرك ماليكة من مكانها كأن أصابها شلل تام ركض أسر عليها اخدها إلى السياره
هو يتأسف للجميع عن تصرف ماليكه

فى السيارة
كانت ماليكة بتتنفض و هى مرعوبه
أسر٠٠ ماليكه انتى كويسه.. ماليكه اهدى انتى بتترعشى
ماليكه٠٠ انا ماعرفتش اعدى الطريق .. معرفتش حتى اتحرك . انا كنت خايفه ماكنتش عارفه اتصرف
أسر٠٠ و ليه خرجتى من المستشفى لوحدك .. انا مش قولتلك استنينى
ماليكه٠٠ خوفت انك تنسانى.. و خوفت مكرم الطحاوى يلاقينى
أسر٠٠ انسى المهم انك معايا دلوقتي ..
ماليكه٠٠ و انا هعمل ايه دلوقتي هروح فين
أسر٠٠ أول حاجه انتى بتثقى فيا
ماليكه٠٠ بعد إللى عملتوا معايا لازم اثق فيك
أسر٠٠ يبقى تسمعى كلامى
ماليكه٠٠ اتكلم على طول مش لازم مقدمات
أسر٠٠ هههه تمام
ماليكه٠٠ انا مش شايفه حاجة تخليك تضحك
أسر٠٠ مستغربك بصراحه .. ازاى قدرتى تهربى من المستشفى وكمان تقنعى الأمن انك دكتوره
ماليكه٠٠ الفضل يرجع ليك يا دكتور.. انت إللى رجعت ليا ماليكه من تانى
أسر٠٠ كلامك ده بيخلينى اشك انك كنتى حاسه بكل حاجه بتحصل حواليكى طول ٣ سنين إللى فاتوا
ماليكه٠٠ اه فعلآ كنت حاسه بكل حاجة
أسر٠٠ طيب ليه استحملتى
ماليكه ٠٠ عشان ده كان عقا،بى لنفسى
أسر٠٠ بتعقبى نفسك ليه على ايه
ماليكه ٠٠ لانى مقدرتش احافظ على حياة ملك
أسر٠٠ لازم تتخلصى من فكرت انك السبب فى مو،ت ملك عشان تقدرى تعيشى ..و عشان كمان تقدرى توجهى إللى جاى
ماليكه٠٠ صعبه
أسر٠٠ بس مش مستحيل .. احنا وصلنا
ماليكه٠٠ فين
أسر٠٠ بيتى
ماليكه٠٠ نعم بيتك
أسر٠٠ انتى مش بتثقى فيا
ماليكه٠٠ اه بس مش لدرجة بيتك
أسر٠٠ هههه طيب ياستى يلا انزلى من العربية و متخافيش
( هنا مسك أسر ايدها و أخرجها من السياره و دخل عماره و طلع الدور الثانى عندما فتح باب الشقة هنا قالت ماليكه )
ماليكه ٠٠ لأ .. لأ مش هينفع
أسر٠٠ قالتلك ماتخافيش انا مش عايش لوحدى جدتى معايا
ماليكه٠٠ طيب اشوفها الأول
أسر٠٠ حاضر.. يا تيته. تيته . تيته
تيته٠٠ ايوه فى ايه
أسر٠٠ تيته معايا ضيفه
تيته٠٠ اهلا وسهلا طيب اتفضلوا واقفين بره ليه
أسر٠٠ مش راضيه تدخل غير ما تتأكد انك موجوده فى البيت
تيته ٠٠ اول مره تعرف واحده عندها د،م
و بتفهم
أسر٠٠ خلاص يا تيته ماليكه واقفه
تيته٠٠ اسمها ماليكه.. تعالى ادخلى يا ماليكه على فكره اسمك حلوه
ماليكه ٠٠ ميرسى يا تيته
تيته٠٠ بسم الله ماشاء الله ايه الجمال ده .. المره دى ذوقك طلع حلو اوى يا أسر
أسر٠٠ تيته اهدى عليا شويه ربنا يخليكى.. الموضوع مش زى ما انتى فاهمه
ماليكه ٠٠ ممكن الحمام
أسر٠٠ اه طبعآ اتفضلى من هنا
( بعد دخول ماليكه الحمام قال اسر)
أسر ٠٠ تيته ايه إللى انتى بتقولى احرجتى البنت و بعدين دى مجرد صديقه هتقعد عندنا كام يوم و بس
تيته٠٠ أسر انت جايب بنت البيت كمان عايزها تفضل كام يوم معاك .. اسمع الكلام ده عن امك فى بريطانيا انما هنا انت فى بيت محترم
أسر٠٠ يا تيته انتى بتقولى إيه ..اذا كانت ماليكه مدخلتش البيت غير لما شافتك.. يبقى جايبه الأفكار إللى فى دماغك دى منين
تيته٠٠ اه صح.. بس هى بردوا غريبه
( خرجت ماليكه من الحمام وعندما سمعت كلام تيته)
ماليكه ٠٠ هى فعلآ غريبه من حقك تستغربى. اذا كان انا مستغربه الموقف
تيته٠٠ انا مقصدش انا
ماليكه ٠٠ انا عارفه انتى قصدك ايه ده طبيعى و حقك كمان . بصراحه هى غريبه حفيدك داخل و معاه بنت بيقولك هتقعد معانا ..طبيعى تدايقى
أسر٠٠ خلاص بقى.. قوليلى يا تيته هتغدينا ايه
تيته ٠٠ ثوانى و الاكل هيكون جاهز
( دخلت تيته على المطبخ )
أسر٠٠ تعالى اعرفك الأوضة إللى هتقعدى فيه
( دخل أسر الغرفه مع ماليكه عندما رأت ماليكه بعد الصور لأسر قالت )
ماليكه٠٠ بس دى أوضتك
أسر٠٠ ايه المشكله انا تقريبآ معظم وقت بكون فى المستشفى
ماليكه٠٠ و هتنام فين
أسر٠٠ فى إيه أوضة تانيه الشقه واسعه
ماليكه٠٠ خلاص يبقى تفضل فى أوضتك و انا إللى هنام فى ايه أوضة تانيه
أسر٠٠ على فكره انا مش باخد رأيك. انتى هتفضلى هنا . انا دكتورك لازم تسمعى كلامى .ده أمر
ماليكه٠٠ كنت دكتورى . بس احنا هنا مش فى المستشفى
أسر٠٠ طيب طالما انا مابقتش دكتورك يبقى نغير طريقة المعاملة
ماليكه٠٠ تقصد ايه يا دكتور أسر
أسر٠٠ خلاص بيقى مافيش دكتور اسر طالما مافيش مريضه ماليكه.يبقى خليها أسر بس
ماليكه٠٠ كل المقدمه دى عشان تخلينى اقولك يا أسر من غير دكتور . ماشى يا أسر
أسر٠٠ و ذكيه كمان شكلك هتتعبينى
ماليكه٠٠ ايه
أسر ٠٠ لأ ولا حاجة .. يلا عشان تاكلى
◇■◇■◇■◇■◇■◇■
بعد مرور اسبوع فى شقة اسر
( وجود ماليكه فى منزل أسر و حنية الجده على ماليكه فرق كتير فى نفسية ماليكه حتى أصبحت مختلفه)
ماليكه٠٠ صباح الخير يا تيته
تيته٠٠ صباح الفل يا حبيبتى .
ماليكه٠٠ الفطار جاهز يارب يعجبك
تيته٠٠ طيب تعبتى نفسك كنتى صاحتنى
ماليكه٠٠ حبيت اوريكى انفع اكون ست بيت ولا لأ
تيته٠٠ حبيبتى اكيد هتكونى احلى ست بيت كمان ..هو أسر لسه نايم مش كده
ماليكه ٠٠ تقريبآ لسه نايم
تيته٠٠ معلش يا ماليكه ممكن تروحى تصاحى أسر
ماليكه٠٠ حاضر
( خبطت ماليكه على باب الأوضة لكن أسر لا يرد عليها و هنا فتحت باب الغرفة كان أسر وقف فى الغرفة نصف عريان و هنا غمضت ماليكه عينيها بسرعة و بأرتباك قالت
