رواية الجرنيوما الفصل الخامس 5 بقلم دنيا محمد
مروان بصدمه : هو انتي !!!
و يشيلها قبل ما حد يشوفو وينيمها في العربيه ويتحرك بيها
مروان بخوف : هعمل ايه دلوقتى يارب تكوني عايشه يارب انا مش حِمل مصايب والنبي
مروان بيمسك الموبايل ويدور على رقم ويرن عليه
مروان بتوتر : ايوا يا دكتور محمود تعال البيت دلوقتي بسرعه وهات كل حاجتك معاك انا خبطت واحده بالعربيه بالغلط
محمود : حصل امتى ده
مروان : دلوقتي انا مش عارف اعمل إيه مش هينفع اخدها المستشفى انا خلاص عند البيت تعال انت بسرعه انا خايف يحصلها حاجه
محمود : اهدىَ طيب و انا 5 دقايق واكون عندك
_________________________________
حازم : مبيردش لية ده
عزت : يمكن الطريق زحمه
حازم : لا ياعم قالي مفيش زحمه
عزت بضحك : كل مره بتجولي فيها كان هو الي بيبقا قاعد مكانك هنا مستنيك
حازم ويضربو بهزار : وانا يا كداب كنت بتأخر كل ده
عزت : لا ياعم للامانه كنت بتتأخر اكتر من كده
حازم : اهو ده كلام معقول
عزت : تلاقيه قال يكسبك مره
حازم : لا مرتين ركز
عزت بضحك : حصل المهم انت عملت إيه في موضوع البنت دي
حازم بخيبه امل : لسه برضو
عزت : ولا يهمك ياعم الف واحده تتمناك
حازم : بس انا بحبها هي
عزت : وهي مش بتفكر فيك ليه تتعب نفسك
حازم : اهو بحاول
عزت : اسمع مني هي لو عايزاك هتجيلك لحد عندك
حازم بضحك : يا ابني الكلام ده هما الي بيقولو ،،، انا عرفت انت ليه متجوزتش لحد دلوقتي
عزت بإنكار : لا انا متجوزتش عشان مش عايز في فرق
_________________________________
فاتن : روحي انتي جهزي الغدا وانا هكمل بدالك ده
نعمه : تمام
فاتن وتسمع خبط وزعيق مروان
فاتن بخنقه : ماله ده بيزعق كده ل..
فاتن بصدمه : ميين دي ومالها عملتلها ايه هو انت ميجيش من وراك غير المصايبب
مروان ويطنشها ويطلع البنت لأول اوضه وينيمها على السرير
مروان بزعيق : نعمه يا نعمه
نعمه : نعم
مروان : هاتي اي حاجه امسح بيها الجروح
نعمه : هجيب لحضرتك علبه الاسعافات ثواني
مروان : ماشي روحي بسرعه
مروان ويفتح الدولاب ويجيب فوطه بيضه وبيقعد جنبها ويمسح دم الجرح الي على وشها وايديها
نعمه : اتفضل يا دكتور خد يا بيه علبه الاسعافات
مروان : روحي انتي
محمود بلهفه : إيه يا مروان إلى حصل
مروان بتوتر : الحقني وشوفها بسرعه
محمود : مين البنت دي
مروان : معرفهاش
محمود : تعالى يا منار اطلع انت يا مروان واقفل الباب وراك
ويبدأ يفحصها
__________________________________
فاتن : مين البنت الي طلع بيها دي
نعمه : مش عارفه يا هانم
فاتن : مروان استنىَ
مروان : عايزه إيه
فاتن : مين دي
مروان بيقعد ويضم ايدو على راسو ويبص على الارض بحسره
مروان : بقولك إيه أنا الي فيا مكفيني
فاتن : ما تفهمني في إيه
مروان بزهق : خبطتها بالعربيه
فاتن : وجايبها هنا اكيد أهلها هيدورو عليها كنت وديتها المستشفي
مروان : وانتي فاكراها سهله انا لو وديتها المستشفى
ويسكت فجاءه
فاتن : إيه الي هيحصل لو وديتها المستشفى؟؟
مروان : مش هيحصل حاجه
فاتن بنفاذ صبر : طيب هي عرفتك
مروان : معرفش ما انا مودتهاش المستشفى عشان خايف لتكون شافتني وتعترف عليا لما تفوق
مروان بتردد ويكلم نفسه : ان شاء الله هتبقى عايشه اكيد
فاتن بعدم فهم : وبعدين انت مالك زعلان كده ليه كأنك تعرفها
مروان بخنقه : اسكتي انتي متعرفيش حاجه
__________________________________
بعد ساعه
منار : دكتور فاقت
محمود بإبتسامة : كويس الحمد لله
مريم بعدم قدره واستيعاب : انا فين
محمود : حمدالله على السلامه
مريم وتبصلو بإستغراب وتحاول تسند تقوم
محمود : خليكي انتي محتاجه راحه تامه
مريم بتشويش : هو في إيه و إيه الحاجات دي
وتكمل بدموع : مصدعه اوي
محمود : إهدي ده طبيعي عشان الحادثه
مريم : حادثه !!
محمود : انتي مش فاكره إلى حصل؟
مريم : انا فاكره أن كنت ماشيه وجيت ابص ورايا بس ملحقتش كانت عربيه جايه عليا
مريم بوجع : انا راسي وجعاني اوي واي ده إيه الي ملفوف على رجلي
محمود : عشان النزيف بس
مريم بصداع : هو انا بقالي كتير هنا؟ انهارده يوم إيه
محمود : بقالك شويه و انهارده السبت
مريم بإستيعاب وتقوم بسرعه : المملكه!!!! الباب هيتقفل
محمود بقلق وينيمها تاني : إهدي مينفعش تتحركي وانتي في الحاله دي
مريم بتسرع : لا انا لازم امشي قبل ما الباب يتقفل
محمود : باب إيه
مريم : الباب الي هيوصلني للمملكه
محمود : ارتاحي دلوقتي
مريم : انا مش عايزه اقعد هنا انا عايزه اروح مملكتي
منار : اساعدك يا دكتور
محمود : لا روحي قولي لمروان انها فاقت
مريم : انا ع عايزه ارو..
وتهدى وتروح في النوم بالتدريج
محمود بيخرج من الاوضه ويقفل الباب وراه بهدوء
مروان بلهفه : مالها
محمود : إحمد ربنا الجروح سطحيه هي بس الضربه أثرت على مخها ف عملتلها ارتجاج بسيط الادويه الي في الروشته دي تجيبها و انا كتبتلك كل علاج ل إيه وكام مره وامتي اهتم بيها عشان حالاتها متسؤش انت سامعني يا مروان
مروان : ماشي
محمود : اديتها مهدئ لما تفوق هتبقا فاقده التوازن والتركيز متخلهاش تتحرك
مروان : إيييه هي هتفضل هنا
محمود بلامبالاه : دي غلطتك صلحها ومنار هتيجي مره كل يوم تطمن علي حالتها
_________________________________
اشرف : مروان لسه مجاش
فاتن : لا جه
اشرف : اومال فين ملقتهوش في اوضتو
فاتن : ما هو
اشرف : إيه
فاتن بتردد : اصل
اشرف بقلق : في إيه ما تنطقي
فاتن : ابنك خبط واحده بالعربيه
اشرف بصدمه : امتى ده
فاتن : جابها من ساعتين هنا وجابلها الدكتور
اشرف : فين مروان
فاتن : فوق مع الدكتور
اشرف بتردد : والبنت دي عايشه ولا ماتت؟؟
فاتن وتبصلو بإستغراب
اشرف : ما تردييي
فاتن بخضه : عايشه
اشرف بعصبيه وعلو الصوت : مروان.. مررروان
