رواية كامل الاوصاف الفصل الخامس 5 بقلم صفاء حسني

رواية كامل الاوصاف الفصل الخامس 5 بقلم صفاء حسني

رواية كامل الأوصاف الحلقة الخامسة

وقف كنان وقال

استون دقيقة وهرجع ليكم مسك الصنية وجاب ورقة وكتب فيها

نعم اريد ان اسالك هل الطعام تصنيعه مثل ما تصنعيها لحبيبك واريد غداء جديد غير هذا وارسل لي قهوة

وضع الورقة على الصنية ونزل بيها كنان ل عشق

اخدت عشق الصنية وسالته

اضيق منك والا نفذت المطلوب

ابتسم كنان وقال

زى ما طلبت منى بالظبط هو طلب انتظر

واكل الطعام طلب مني انزل الصينية

مسكت الصنية عشق ومسكت الورقة وقراتها ثم ابتسمت

سالها كنان

خير بيشتكى منى

ضحكت عشق وقالت

لا بيسالنى لو كنت بعمل الاكل كدة ل حبيبي ولا لا

استغرب ضحكتها كنان وسالها

طيب بتضحك ليه

مازلت عشق بتضحك

ل سببين الاول انى مليش حبيب ومعنى كدة هو بيقولي الاكل مش مظبوط اعمل بحب عشان فعلا النهارده كنت ملبوخة والاكل مظبطش وهو حس ده من الاكل

متوقعش كنان ان تفهم كل الا كان في عقله من مجرد كلمتين

وسالها

طيب هو بيسالك ليه ان كنت بتحب حد والا لا ملهوش حقك

وايه السبب التاني

بررت عشق وقالت

السبب التاني انه كشف الا بيعمل الاكل بنت وبيفهمنى انه كشفنى لكن سيبنى اكل عيش، هو ميقصدش اهانة

هو يستفسر ان كنت بحب او لا هو كان عايز يوصل ليا ان لازم اشتغل ب حب مش مجرد واجب وان اغير فى صنف الطعام يعنى كدة عايز يعطنى فرصة وبيختبرنى ان كنت استمر او لا

هز راسه كنان وهو من جوه سعيد انها فهمت كلامه وسالها

طيب كتبت ايه

ابتسمت عشق وقالت

لا ده سر اعمل القهوة وطلع القهوة والورقة معها

ثم فتحت صندوق ووضعت الورق فيه

استغرب كنان وسالها

انتى بتجمع كل الورق الا بيكتبه اشمعنا

وضحت عشق وقالت

عشان افهم شخصيته الورق ده عبارة عن شخصية المدير وعشان افهم ان تغير فى اسلوبه او لا ومن الرسايل يكتشف ان كنت نجحت فى العمل

سالها كنان

وتقيمقك لنفسك لحد النهارده

فكرت شويه ثم قالت

مادم طلب منى اتغير يبقي وجودى هنا زى عدمه

والله ما انا عارفه انا هعمل القهوة وهشوف رده

صنعت القهوة وطلبت منه يطلع القهوة

كان كنان ملهوف يعرف هى كتبت ايه رغم انه اطمن انها ملهاش حبيب

طلع ودخل على مكتبه و قراءة الورقة قبل القهوة كان مكتوب فيها

انا بالفعل اخطاءت اليوم ولم اصنع الطعام بحب وانا احب عملي وليس لي حبيبي يعطلنى عن العمل وسوف اركز

المرة القادمة

شرب كنان القهوة ب استمتاع ودخل عند ابوه والماذون ومضي جانب اسمها واصبحت عشق زوجة كنان ولكن لا تعلم

وكتب لها انه يريد طعام مختلف فى الغداء

تانى يوم صنعت له ورق العنب مع لحمة ووضعته فى حلة حافظة السخونية

عندما جاء كنان وشافها شايله حالة كبيرة سالها

ايه ده

وضحت عشق

ده محشي ورق عنب

انصدم كنان

انتى بتتكلمى بجد هتخلى الموظفين تاكل ورق عنب

ضحكت عشق وقالت

لا طبعاً المدير هو ألا يأكله هو طلب طعام مختلف وغير تقليدي واكيد شخصية زيه مش بياكل الاكل ده فى بيته

نظر لها كنان من فوق ل تحت وقال

طيب ممكن ادوق عمايل ايدك

رفضت عشق وقالت

لا طبعاً المدير الاول

كشر كنان لكن جوها فرحان انها فضلت مديرها الا مش شافته عنها

لاحظت عشق تكشيرة وقالت

انا عامل ليك طبق لكن تبقي تاكل برا الشركه طبخ السيم بيدوقه وضحكت

شهق كنان بفزع

هو انتي حط فيه سيم

ضحكت عشق

يا ابنى مثلا انت كل حاجه بتصدقها واكيد ولدتك بتعملك كل الا انت نفسك في يجي ايه اكلى جانب أكلها

شعر كنان بالحزن لكن كتم حزنه

كانت حضرت طبق ل كنان وسويته فى الميكروويف

وغلافته ورق فويل وكتبت ورقة

اتمنى ينول رضاكم وتعلم انى احب عملى اكثر من اي شي ولم اقصر فيه

مد ايده كنان واخد الشوكة وبدا ياكل وكان مبهور جدا بالطعام وبدا يشرف عمله مع شغله الجديد

وبدات تعرفهم على كنان انه ايمن

وبدا يتابع عامله لكن مش من وراء شأشأ لا بقي فى وسطهم حبوا وكان سعيده بالفريق الا بيشتغل الا بيحب شغله وكمان بيحبوا بعض

واستمر يتابع كنان عشق في معاملتها مع الجميع وهى تقدم لهم الطعام والمشروبات كانت تتعامل بجدية مع الكل وكمان اهتمامها ب ابوها وراح معها مرة وهى بتزور ابوها

كانت حزينه من شكل ابوها بعد ما شعره وقع لكن كتمت مشاعر الحزن جوها

وجات فى يوم وطلبت من الكل يسمعها وقالت

يا جماعة الايام اللي جايه هكون مشغوله فيها

ويقوم ايمن هو بتوصيل الطلبات

شعر كنان انه ادبس فى الموضوع لكن تركها تتحدث مع الجميع وبعد كده رجعوا على الكافتريا وسالها

هتكون مشغوله في ايه مش انتى قولت ملكيش حبيبي

وضحت عشق وهى تبتسم

وايه علاقة انشغالي ان كان لي حبيبي او لا الموضوع ان عندى امتحان الترم الاول، ولازم اجهز نفسي والامتحانات هتكون الصبح ف ربنا بيحبنى انك قبلت الشغل عشان اعرف المى المنهج والنظام هيكون

انى احضر الاكل بليل واسويه الصبح وهجيبه هدفيه فى الميكرويف على قد الطلب فقط

ده اكل الغداء ام الفطار ان هكون مجهز السندوتشات وطلب كل واحد يكون عليه اسمه انت بس هتوديها

فهم كنان وسالها

وطلب مستر كنان

اتنهدت عشق ده طلب تاني وباذن الله احاول اظبط الدنيا عشان هو ميحسش انى مقصرة انا كل الا عاوزهم ٣ شهور لحد ما اتخرج وبعد كده ربنا يكرمنى واتوظف انا دلوقتي استاذنك عندى امتحان ادعيلي عشان للاسف مقدرتش ارجع المادة كويس شغل الفترة المسائية مع ده ضيعوا كل وقتى

سالها كنان

بتشتغل ايه بليل

ردت بتعب وارهاق وكأنها يغمى عليها

فى محل ورد

وفجاءة شعرت عشق ان الدنيا بتلف بيها وكانت هتقع لاحقها كنان ونظرت عيونهم التقت وبعد كده غابت عن الوعى

انصدم كنان وحملها وكان اول مره فى حياته يلمس بنت وتكون ما بين ايديه مكنش عارف يعمل ايه كان متلخبط

كل الا كان في تفكيره ازى يفوقها انه خايف عليها

حملها وخرج وهو محتار يعمل ايه

شافته شهد اقتربت منه وسألته

هى مالها عشق حصل ايه

بلع ريقه كنان بخوف

كانت بتتفق معايا على الشغل وفجاءة وقعت من طولها

اقترحت شهد وقالت

للاسف مش هتلاقي مكان تناميها عليه غير مكتب استاذ رفيع

من غير ما يفكر اخدها ودخل على غرفة ابوه واتصل بدكتور

رفيع دخل وشاف ابنه متلخبط وقلقا لكن اتعامل معه انه عامل

وسالهم

هو في ايه ممكن توضيح

شرحت شهد وقالت

عشق اغمى عليها وكان لازم نانيمها على اريكة تكون مريحة احنا اسفين جد

نظر رفيع ل ابنه الا كان واضح على ملامحه القلق والخوف

وابتسم ان ممكن مشاعره انجذبت ليها ومادم ابنه مشاعره اتحركت يبقي كل حاجه هتكون بخير وخصوصا انه بعت التقرير ل دكتور خارج مصر ووقتها الدكتور اكد ان استحالة تكون التقرير ده حقيقه واكيد ابنك بيضحك عليك عشان مش يتجوز وقتها فرح الاب، واصبح يتمنى ان ابنه يقع فى الحب

جيه الدكتور وكل الشركه عرفت ان عشق اغمى عليها وكان قلقين عليها لانها لمدة ٣ شهور قدرت تكسب محبة كل كبير وصغير

الدكتور كشف عليها كان جالها هبوط بسبب الجهد وزعلها

على ابوها وفعلا اعطها حقنة وبدات تفوق وتفتح عيونها

الكل كان ملهوف يطمنى عليها وخصوصا كنان

اقترب منها وسالها

انتى كويسه

فتحت عيونها عشق وهى مش فاكره حصل معها

وكانت بتحاول تقوم من مكانها

لكن شعرت بدوخة

استندتها شهد وقالت

كدة يعشق تخويفنى عليك انا قلبي وقع فى رجلي لم شفوت ايمن بيشيلك ومش عارف يعمل ايه ودخلنك هنا في مكتب رفيع بيه

نظرت لهم عشق وهى تعتذر ل رفيع وقالت

حضرتك انا بعتذر جدا انى قصرت ونظرت الى الساعة

ميعاد فنجان القهوة ل مستر كنان

شعر كنان الغيرة للحظه كانه شخص تانى وصرخ فيها:

هو وقته دلوقتي تفكر في الشغل يتحرق كنان

المهم انتى ازى تقعد طول اليوم ماتكليش انتى مجنونه انا كنت هتجنن عليك

يتبع…

السادس من هنا

تعديل المقال