رواية واشرقت الشمس في وجودها الفصل الرابع 4 بقلم حبيبه مصطفي

رواية واشرقت الشمس في وجودها الفصل الرابع 4 بقلم حبيبه مصطفي 

الفصل الرابع من رايه (اشرقت الشمس في وجودها) بقلمي حبيبه مصطفى

كان يونس يطرق علي الباب بقوه ثم فتحت له الممرضه

الممرضه؛ فيه ايه انت قربت تكسر الباب من الخبط

بونس؛ محتاج دكتوره لؤلؤه ضروري

الممرضه؛ الدكتوره مش فاضيه دلوقتي انت فاكر ان مفيش حالات غيرك في المستشفى ولا ايه لا متقلقش الشمامين كتير اوي

امسكها يونس من معصمها وكاد ان يكسر عظامها في يده

يونس؛ انا هوريكي ازاي تكلمي يونس بيه الحديدي يا حته ممرضه ملكيش لازمه ولو ليكي لازمه في المستشفى انا هخليكي ناكره محدش يحس بيكي وروحي زي الشاطره نادي علي الدكتوره لؤلؤه تيجي بدل واقسم بالله لهخليها تيجي بس علي صوت صويتك وانتي بتستنجدي بحد يلحقك من الموت

الممرضه شعرت بالخوف من نبره صوته وكلامه الذي ارعبها

الممرضه؛ حاضر هروح انادي عليها

بعد ان جائت لؤلؤه

يونس بعصبيه الممرضه الناكره اللي بره ديه قلت ادبها عليا وانا واقسم بالله ما هرتاح غير لما هقعدها في بيتها تقشر بصل

لؤلؤه؛ اهدي بس وفهمني ايه اللي حصل

يونس؛ سيبك من الممرضه التافهه ديه دلوقتي انا طالب منك خدمه

لؤلؤه؛ لو في مقدرتي اعملك الخدمه دي اكيد مش هتأخر

يونس؛ انا محتاج فونك اعمل مكالمه صغيره بس لصحبي عبدالرحمن عشان ابلغه هو يبتدي يدور علي امي يمكن يعرف اي معلومه عنها

لؤلؤه؛ علي فكره صحبك عبدالرحمن جاي يظورك بكره

يونس؛ عرفتي منين

لؤلؤه؛ هو كلمنا هنا في المستشفى وبلغنا ان هو جي بكره

يونس؛ طيب كويس انا بجد كنت زعلان منه اوي عشان مجاش يطمن عليا

خرجت لؤلؤه من غرفه يونس واتصلت علي والد يونس واخذت منه رقم عبدالرحمن ثم اتصلت على عبدالرحمن

لؤلؤه؛ الو معايا استاذ عبدالرحمن

عبدالرحمن؛ ايوا انا مين معايا

لؤلؤه؛ انا دكتوره لؤلؤه من مستشفي الأمل لعلاج الادمان

عبدالرحمن؛ ايوا تشرفت بحضرتك

لؤلؤه؛ يونس بيسأل علي

حضرتك وانا بلغته انك جي تطمن عليه بكره انا اسفه ان انا اتصرفت من دماغي بس انا خايفه ان نفسيته تتأثر

عبدالرحمن؛ شكرا ان حضرتك بلغتيني انا ولله كنت مكسوف احط عينه في عيني عشان انا اللي كنت عايزه يتعالج واجبرته انه يروح المستشفى

لؤلؤه؛ حضرتك عاملت فيه جميله انك عايز تعالجه اهم حاجه حضرتك متتأخرش عن بكره عشان انا مأكده عاليه انك جاي

عبدالرحمن؛ متقلقيش هاجي انشاء الله

عند يارا وجاسر

يارا؛ جاسر شكرا بجد علي وجودك في حياتي انا بحبك اوي

جاسر امسك يدها ووضع قبله رقيقه

جاسر؛ وانا كمان محبتش في حياتي قدك وانشاء الله اسبوع كدا وهاجي نشوف حوار كتب الكتاب ده امتي بس فيه حاجه في دماغي كدا لو عرفت اعملها كل حاجه هتمشي زي ما انا خطط

يارا؛ يا رب يا حبيبي ربنا ينولك اللي في بالك

جاسر؛ يا رب يا حبيبتي يلا اطلعي بقي احسن امك بتتلككلي ولما هتصدق تبوظ الجوازه

في صباح يوم جديد

عند لؤلؤه في المنزل

استيقظت لؤلؤه علي صوت طرق علي باب منزلها وكان الطارق خالها احمد

لؤلؤه احتضنت خالها

لؤلؤه؛ وحشتني يا ابو حماد

احمد؛ وانتي كمان وحشاني يا لؤلؤه جي ليكي بخبر حلو اوي

لؤلؤه؛ ايه ياسمين ربنا افتكرها

احمد؛ انا هقوم امشي عشان انتي لازم تقلي ادبك ومش بتحترميني

لؤلؤه؛ اقعود بقي يا خالي متبقاش قفوش بهزر معاك

احمد؛ ده مش هزار مينفعش تتكلمي كدا علي بنت خالك

لؤلؤه؛ خلاص يا حماده بقي متزعلش

احمد؛ في عريس متقدملك

لؤلؤه؛ هنعيد الكلام ده تاني انا مش اتجوز دلوقتي

احمد؛ بقولك ايه يا بنت اختي انتي عيشالي عيشه الخواجات مفيش حاجه اسمها انك تعيشي لوحدك من غير راجل يحميكي قولتلك تعالي اقعودي معايا وانتي موافقتيش

لؤلؤه؛ خالو انا مرتاحه كدا واستحاله اتجوز حد الا لما اكون

بحبه

احمد بعصبيه؛ حب وايه ونيله ايه احنا معندناش حب الا بعد الجواز والحب قبل الجواز ده فجور مش حب

لؤلؤه؛ اقولك حاجه ولا عايزه احب ولا عايزه اتجوز انا عايشه كدا مرتاحه

احمد؛ يبقي هاتي هدومك عشان تييجي تعيشي معايا

لؤلؤه؛ من الاخر يا خالو انا مش هسيب بيتي ولا شغلي ولا هعرف ارتاح عند حد انا مرتاحه في بيتي

احمد بعصبيه؛ شكلك مش هتييجي الا بالعنف يا بنت اختي

لؤلؤه؛ خالو قولتلك انا مرتاحه كدا ايه انت مستخصر فيا اعيش مرتاحه

احمد؛ بقولك ايه انا بخلص ورق هنا في القاهره هياخد فتره كبيره ممكن ياخد شهر شهرين مش عارف مظبط هياخد مني وقت قد ايه وهعيش معاكي هنا وبعد لما هخلص هخدك معايا المنوفيه تعيشي معايا هناك والعريس هييجي يقعود معاكي انهارده بعد لما تخلصي شغلك

وتركها ورحل من امامها

لؤلؤه بدأت في البكاء المرير

لؤلؤه؛ طبعا ما انا لازم الكل يديني فوق دماغي عشان ولا ليا اب ولا ام حتي الاتنين ماتو بس وحيات امي ما همشي بدماغ حد وهيشوف انا هعمل ايه

قامت لؤلؤه من جلستها ودخلت حمامها اخذت حماما منعشا وارتدت ملابسها وذهبت الي المستشفي الذي تعمل بها

عند جاسر

ارتدي جاسر ملابسه وذهب الي احدي تجار الموبيليا

جاسر؛ عامل ايه يا استاذ حسين

حسين؛ الحمدلله يا جاسر يا ابني

جاسر؛ جايلك في خدمه

حسين؛ انت تؤمر

جاسر؛ انا هتجوز انشاء الله الشهر اللي جاي وقولت مفيش احسن من الحاج حسين اللي اجيب من عنده عفش بيتي

حسين؛ اختار اللي انت عايزه اعتبر المكان مكانك

جاسر؛ بس انا عندي مشكله كدا

حسين؛ ايه هيا

جاسر؛ انا عايز اقسط الفلوس يعني كل شهر حاجه في حاجه كدا لحد ما المبلغ يخلص

حسين؛ ولله نفيش مانع بس عندي شرطين

جاسر؛ ايه هما

حسين؛ اولا هتمضي علي وصولات امانه ثانيا

هيبقي في فوايد علي الفلوس

جاسر؛ والفوايد ديه قد ايه

حسين؛ زياده اربعين في المايه علي الفلوس

جاسر؛ بس ده كتير يا حاج

حسين؛ انا مش بطلع حاجه قسط بس اكمنك ابن منطقتي هديك قسط وده اللي عندي

جاسر بقله حيله؛ موافق

اختار جاسر العفش الذي يليق بمنزله وقام بأمضاء علي وصولات الامانه وصور ليارا العفش وبعته لها علي الوتساب وكانت في قمه سعادتها

في المستشفي

عبدالرحمن؛ اخبارك ايه يا صحبي انا عارف انك مش طايقني بس ولله كنت خايف عليك اوي

يونس؛ مش وقته الكلام ده انا عايزك في موضوع مهم

عبدالرحمن؛ قول

حكه له يونس عن موضوع والدته بالكامل

عبدالرحمن بصدمه؛ ايه ديه ولاقصص الافلام

يونس؛ المهم دلوقتي اللي انا طالبه منك تحاول تدور عليها عقبال ما انا اخروج من هنا انا هموت واعرف هيا عايشه ولا مايته هموت يا عبدالرحمن

عبدالرحمن؛ احنا هندور علي ابره في قوم قش

يونس؛ اتصرف يا عبدالرحمن اتصرف عقبال بس ما اخروج من هنا

عبدالرحمن؛ طيب اسم والدتك بالكامل ايه

يونس؛ ليلي سامر العدوي محمد

عبدالرحمن؛ بص انا هحاول علي قد ما اقدر

يونس؛ الشغل عامل ايه

عبدالرحمن؛ كلو ماشي تمام فاضل بس تخروج لينا بالسلامه

يونس؛ انا عايز اشكرك علي اللي انت بتعمله معايا بجد انت اخويا اللي مجبتهوش امي

عبدالرحمن؛ مفيش شكر ما بين الاخوات

عند جاسر

ذهب جاسر الي كريمه ام يارا

جاسر؛ شقتي بالعفش جاهزين تقدري تحددي ميعاد الفرح

كريمه؛ تمام ايه رأيك بعد شهرين

جاسر؛ مش كنتي مستعجله علي الشهر اللي جاي

كريمه؛ احنا عقبال ما نفرش الشقه ونجهز العروسه هياخد شهرين ولا ايه رأيك

جاسر؛ زي ما تحبي انا عموما جاهز

عند لؤلؤه

الممرضه؛ يونس طلب حضرتك

لؤلؤه؛ طيب روحي وانا جايه اشوفه عايز ايه

بعد ان

ذهبت له لؤلؤه

يونس؛ احنا مش متفقين نفطر سوا ولا انتي نسيتيني خالص وفطرتي لوحدك

لؤلؤه؛ ولله ما كالت اي حاجه من صبحيه ربنا

يونس؛ ولا انا ايه رأيك ناكول سوا

لؤلؤه ندهت علي الممرضه جائت بالطعام

يونس؛ شكلك زعلانه يا دكتوره

لؤلؤه؛ لاء مش زعلانه

يونس؛ بتكدبي علي فكره انا متأكد ان في حاجه مزعلاكي

لؤلؤه؛ ينفع اطلب منك طلب وتنفذه

يونس؛ اتفضلي يا دكتوره

لؤلؤه؛ لو انا مشيت من هنا تكمل علاجك وتتعافي

علامات الحزن بانت علي معالم وجهه

يونس؛ انتي رايحه فين

لؤلؤه؛ هسافر بره مصر بس محدش يعرف الموضوع ده خالص

يونس؛ ليه هتمشي علي فكره انا اللي مخليني اكمل علاجي هنا هو وجودك

لؤلؤه؛ ظروف حصلت خلتني اخود القرار ده

يونس؛ ينفع اعرف

تنهدت لؤلؤه ثم حكت له ان خالها يريد يزوجها بالاجبار

يونس؛ مش هتسألي عليا خالص

لؤلؤه؛ لاء طبعا هسأل عليك واديني رقمك وانا عارفه ميعاد خروجك من المستشفى اول يوم هتخروج فيه هكلمك من بره مصر واحتمال عقبال ما اخلص ورق السفر تكون انت خرجت اصلا انت عارف ان الورق ده بياخد وقت

يونس؛ هتسافري فين

لؤلؤه؛ فرنسا

يونس؛ خلي بالك من نفسك يا لؤلؤه وهتوحشيني جداا

خجلت لؤلؤه من حديثه

لؤلؤه؛ ولله كل حاجه هتوحشني هنا في مصر بعد اذنك هروح اكمل شغلي

بعد ان انتهت من عمالها وذهبت بيتها

احمد؛ اهلا بالعروسه ادخولي يلا اجهزي العريس جاي كمان ساعه

لؤلؤه؛ طيب

دخلت لؤلؤه غرفتها وارتدت بنطالون اسود وتيشرت اسود وكوتش اسود ورفعت شعرها علي شكل (ذيل حصان)

احمد؛ ايه اللي انتي لابساه ده هو انتي كدا غيرتي هدومك

لؤلؤه؛ وانا مش المفروض اغير الاسود عشان حد

احمد؛ طيب يا اختي اما نشوف اخرتها

بعد مرور بعض الوقت جاء العريس

احمد؛ اهلا وسهلا بالعريس 22

كريم؛ اهلا بحضرتك يا استاذ احمد امال فين العروسه

احمد؛ استني هندهلك عليها

بعد ان اتت لؤلؤه

كريم انبهر من جالها برغم ملابسها السوداء ووجها الذي يبدو عليه الارهاق

احمد؛ هسبكو لوحدكو شويه

كريم؛ انتي اسمك ايه بقي

لؤلؤه بسخريه؛ انت متقدم لعروسه متعرفش اسمها هو في حد بيشتري سمك في مايه

كريم بأحراج؛ في ديه عندم حق يا ستي ادينا بنتعرف وانتي بقي في جامعت ايه

لؤلؤه؛ انا مخلصه جامعه من بدري انا دكتوره في علاج الادمان

كريم؛ وانا محامي

لؤلؤه؛ ولله انا مسألتكش

كريم؛ نعم

لؤلؤه؛ ايه عامل نفسك مسمعتش

كريم؛ تحبي نحدد ميعاد الخطوبه امتي ولا اقولك خليها كتب كتاب احسن

لؤلؤه؛ ومين قالك اني موافقه

كريم؛ والمفروض هتوافقي امتي

لؤلؤه؛ بص بقي انا عن نفسي مش عايزه اتجوز دلوقتي خالص

كريم؛ يعني عايزه تتجوزي امتي

لؤلؤه؛ بعد خمس ست شهور كدا ولا حاجه اقرأ الفاتحه مع خالي والخطوبه مع كتب الكتاب وخليك عارف ولا في خروج في حته ولا في مقابله الا بعد كتب الكتاب عشان ده عيب مفهوم

كريم؛ تمام انا معنديش مانع

دخلت لؤلؤه غرفتها وكانت تتخيل بعدها عن مصر وكيف ستعيش وحيده

لؤلؤه؛ ما انتي طول عمرك عايشه لوحدك هتفرق ايه يعني هنا من فرنسا مش هتفرق اي حاجه انتي مش هاين عليكي تسيبي يونس لوحده صح من ساعه ما يونس جه وانا مباقتش احس بالوحده زي الاول بقولك ايه الكلام ده مفيش منو فايده انتي من بكره تبدأي في أجرائات السفر

جاء الصباح واستيقظت لؤلؤه وارتدت ملابسها كا العاده باللون الاسود ورفعت شعرها علي شكل ذيل حصان وذهبت الي محل فضه واشترت خاتم رجالي ومكتوب بداخل الدبله (لقد انتهت وحدتي) واخذتها وذهبت الي المستشفي وجلبت الفطار وذهبت الي غرفه يونس

يونس؛ اخيرا جيتي من غير ما اعمل

مشاكل مع الممرضين عشان تييجي

لؤلؤه؛ قولت اقدي معاك اخر فطره قبل اما امشي

يونس؛ يعني خلاص مفيش حل تاني غير السفر

لؤلؤه؛ للأسف

واخرجت علبه صغيره من شنطتها واعطتها له

يونس؛ ايه ده

لؤلؤه؛ ده تذكار صغير عشان متنسانيش

يونس؛ عمري ما هنساكي

خجلت لؤلؤه من حديثه وحاولت ان تغير مجرا الحديث

لؤلؤه؛ اوعدني انك تكمل علاجك يا يونس

يونس؛ اوعدك مع ان صعب عشان مش هلاقي حد يشجعني

لؤلؤه؛ في هنا دكاتره وممرضين هيدعموك

يونس؛ يا دكتوره اخر مره انا كنت همسك الممرضه اخنقها من كتر ما استفزتني بس انا راكنها دلوقتي عشان في حاجات شغلاني

لؤلؤه؛ قلبك ابيض يا عم يونس

يونس؛ قلبي ده بفتي بيضه وحياتك

لؤلؤه؛ هو انت ايه اللي خلاك في سكه الادمان

تنهد يونس

يونس؛ الظروف هيا اللي حطتني في الموقف ده

لؤلؤه؛ احكيلي طيب

يونس؛ اولا انا كانت حياتي فاضيه مفيهاش غير عبدالرحمن صحبي وطبعا هو برضو مشغول مش هيبقي فاضي ليا انا بس فا طبيعي كانت حياتي فاضيه بزياده في شخص يعني انا وهو كان ما بنا شغل عرض عليا اجي اصهر معاهم في ناليل كلاب طبعا اتلككت ليه ان انا مش فاضي وأول ما روحت لقيت ابويا جايب واحده البيت وديه مش اول مره تحصل انفجرت فيه بقي وقعدت ازعق واشتم ابويا ضربني بالقلم وتردني بره البيت كلمت الراجل اللي كان بيني وبينه شغل ورحت قعدت معاهم ومن هنا ابتديت ادخول في سكه مش بتاعتي

لؤلؤه؛ اتمني مترجعلهاش تاني

يونس؛ متقلقيش اتعلمت من غلطتي مع ان كل يوم بتعذب بسبب عدم وجود المخدر في جسمي

لؤلؤه؛ معلش انت قاطعت نص المشوار فاضلك حاجه بسيطه وتبقي زي الفل

يونس؛ عندك حق

لؤلؤه؛ انا همشي بقي هلف لفه في المستشفي وهمشي عشان ابتدي في اوراق السفر

يونس؛ خلي بالك من نفسك

لؤلؤه؛ حاضر

بقلمي حبيبه مصطفى

الخامس من هنا

تعديل المقال