رواية امتلكت قلب صعيدي الفصل الثالث والاربعون 43 بقلم نرمين حمدي
في المساء يأتي صخر في وقت متأخر ويصعد لغرفته
وعد كانت قاعده علي السرير بتقرأ روايه
صخر: اي مصحيكي لدلوجتي
وعد: مش جايلي نوم قولت اما اقرأ روايه
وعد: صخر عايزه اسألك سؤال
صخر: اسألي
وعد: هو انا لو موت هتزعل عليا
صخر مره واحده قلبه وجعه مجرد فكره انها تبعد عنه وجعته وضعفته لاول مره يحس انه قلبه متعلق بيها وبوجودها اوي كدا ويومه مينفعش يعدي إلا لما يشوفها ويسمع صوتها
ليجذبها لحضنه جامد ويضع يده حول رأسها: اياكي اسمع منك الكلام دا تاني انا مجدرش اعيش من غيرك ثانيه واحده انتي بجيتي كل حاجه ليا من وجت مدخلتي حياتي لونتيها وخليتي ليها طعم انا من غيرك هبجي جسد بلا روح الحياه من غيرك ولا تسوي ياوعد يلا يلا نامي كفياكي كلام
ليلتفت صخر ويدير جسد*ه الناحيه الاخري لتمسك لتقف وعد امامه وجد عينه محتبسه بالدموع
وعد: ياحبيبي انا اسفه مكنتش اعرف انك بتحبني اوي كدا
صخر يمسكها من كتفيها بقوه: انتي لو ضيعتي مني انا هضيع انا مينفعش اعيش من غيرك لي سيره الموت والحاجات دي لي
وعد اول مره تشوف صخر في الحاله دي: انا اسفه طيب متزعلش مني مش هقول كدا تاني حقك عليا
صخر يخفف يده ويمسح بها علي كتفيها برفق: خلاص يلا نامي عشان تصحي بدري وتجدمي في كليتك بنفسك واهو عشان اعرفك كام مكان هناك تروحي تبكي فيهم
وعد بفرحه لا توصف: اييييي بجد والله انا هكمل واروح كليه الهندسه
صخر: مش هو دا حلمك ولا ايه دا انتي هتتنفن*خي
وعد: الا صحيح ياصخر في حد يحول من هندسه لاداره اعمال
صخر باستغراب: وانتي مين الي جلك عاد
وعد: هارون قلي انك كنت في هندسه ونقلت
صخر: تجدري تجولي محستهاش رغم اني عمري محضرت
وعد: هههههه امال محستهاش ازاي
صخر: مش عارف
وعد بدلع: ممكن طلب
صخر: انا مش شايف جدامي دلوجتي بكرا اطلبي الي انتي عايزاه
وعد تتشبس بملابسه: عشان خاطري والنبي طلب صغير قد كدا هو
صخر وهو بيتاوب: طيب خلاص انتي هتشحتي جولي طلب ايه
وعد: حنن قلب هارون علي شمس شويه خليه يسبها تنزل وتقعد في وسطينا حرام
صخر: مالي انا ومال المواضيع دي
وعد: عشان خاطري ياصخر جدو بيسمع كلامك في كل حاجه والله البنت كويسه وتتحب
صخر بضعف امام توسلاتها: وبعدهالك ياوعد
وعد: يلا وافق عشان خاطر وعد حبيبتك
صخر بنفاذ صبر وصدع منها: ماشي هبجي اجوله
وعد حضنته وباسته من خده
صخر: دا ايه الرضا ديه
******
تاني يوم صخر ووعد راحو عشان يقدموا في الجامعه
وهارون وكريمه راحو مع زين عشان يخطبوا ساره واتفقوا ان الفرح كمان اسبوع
في المساء
صخر لهارون: عاوزك في موضوع كديه
هارون: جول
صخر: انت هتفضل حابسها كديه
هارون: انا مش عاوز اتكلم في الموضوع دا تاني
صخر: لازم تتكلم يعني عاجبك مروان بحالته دي
هارون: هو الي اختار يستحمل بجي
صخر: سيبها تنزل ولو حصل منها حاجه معجبتكش هتصرف انا
هارون: صعبانه عليك اياك
صخر: وانت عارفني في حد ممكن يصعب علي وبعد حوالي ساعه اقناع في هارون الي مقفل دماغه
صخر: هاااا جولت ايه
هارون: هجول ايه يعني
لينادي صخر علي مروان ليدخل مروان ومعاه شمس
صخر: انا مهمتي كديه خلصت وسابهم وخرج
شمس لهارون: انا كان نفسي اوي اني اتكلم مع حضرتك نفسي اعرف منك لي مش حاببني
هارون بضيق: عشان امك رجا*صه واحنا ميناسبناش نناسب غواز*ي
شمس: حقك تقول كدا بس والله ماما سابت الرقص من زمان وانا لا طمعانه في فلوس مروان ولا اعرف اصلا معاه ايه ولا ممعهوش ايه وعمري مسألته انا بحبه لشخصه ونفسي نعيش انا وهو وحضرتك تبقي راضي عننا اديني فرصه مش يمكن تحبني
ليقتنع هارون بكلامها: ماشي لما نشوف
لتفرح شمس وتمسك بيد مروان
*****
في غرفه صخر ووعد
صخر: اي اوامر تاني
وعد: تسلملي ياروح قلبي
صخر: طيب ايه بجي مفيش اي حاجه حلوه ليا
وعد بدلع: لا طبعا ازاي دا الحلو كله متشال ليك ياحيااااااتي
صخر يجذبها اليه وبتوهان: كلامك دا هو الي جايبلك
لسه هتتكلم ليقاطعها بقوه مليئه بالر*غبه علي شفتيها حتي كادت ان تحبس انفاسها ليبتعد عنها عندما شعر انها بحاجه للهواء لينتقل الي رقبتها ويطبع علامات ملكيته لها في كل مكان
لتدوب وعد بين يديه
صخر: يخر*ب بيتك مخلوجه من ايه انتي كل حاجه فيكي بتجذبني مش عارف ابعد عنك
وعد: ههههه طيب انا مش هنطق تاني بقي
صخر: ياريتها كديه بس دا نظرتك دموعك ضحتك خوفك نبره صوتك ابتسامتك كل حاجه وبعدين احنا هنجضيها كلام ولا اي
ليحملها بين زراعيه ويضعها علي السرير وقبل ان يقف تمسك هي بقميصه وبدلع: بشويش عليا انا بضعف قدام عنيك
صخر بابتسامه ور*غبه اكثر يطبع قبله اقوي علي شفتيها
******
بعد مرور كام يوم فرح زين قرب والكل مشغول في التحضيرات
شمس للبنات: بقولكم ايه هتلبسوا ايه علي الفرح
صفيه: انا لسه مقررتش مفيش حاجه عجباني
وعد: ولا انا
شمس: طيب بصوا صوره الفستان دا هموت والبسه بجد
صفيه: يامرك ياشمس وورتيه لمروان ديه ولا لسه
وعد: لي ماله والله جامد
صفيه: مالك منك ليها انتو متجوزين اتنين صعايده اعدلو نفسك انتو مش في القاهره هنيه
الفستان كان لونه موڤ وديق حبتين ومفتوح عند الكتاف والصدر ومفتوح من ناحيه واحده عند الرجل من بعد الركبه
شمس: لا بجد انا هتجنن عليه
وعد: ابعتي الصوره ابعتي والله دخل دماغي جدا هقول لصخر ولو وافق
هجيبه
شمس: اكيد هيوافقوا يابنتي كدا كدا الفرح هيبقي فيه ناس كتير ومحدش مركز مع حد
صفيه: افتكروا اني جولتلكم بلاش اي الميا*صه دي عالم متر*بتش
وعد: صفيه عدي يومك ياصفيه
لتأتي كريمه: لا ياختي عدي يومكم انتو التلاته وواحده فيكم تجوم تعملي كوبايه شاي جومي يابت ياوعد
وعد بتبرطم: يوووه بقي مكانتش كوبايه شاي الي عملتهالك دي وعجبتك ياريتني معملتلك ياشيخه
لتحدفها كريمه بالشب*شب: ماشي ماشي لما ياجيلي هو بس
وعد بتغيظها: اصلا هيتأخر هههه
لتعود للخلف وتخبط في صخر
لتلتفت اليه
كريمه: تعالي شوف الهانم مش عاجبها تعملي شاي
صخر بيبصلها بنظره مرعبه
وعد بقلق: يوووه ياعمتو الواحد ميهزرش معاها ابدا انا كنت بقولها اعملك عصير احسن الشاي مضر
